بطاقة المعاق كيفاش تاخدها و شنو غادي تستفد بها و الأهم فوقاش غادي تبدا

السلام عليكم ماكرهتش هذا الفيديو يوصل لكاع المغاربه خصوصا اللي كيهمهم الامر الاذا كان تيهمهم الامر فعلا اليوم غنتكلموا على المعاق على الاشخاص اللي كيعانيو من الاعاقه ولا الاشخاص ذوي الاحتياجات الخاصه ماغاديش نطول هذا الفيديو فيه معلومات معلومات مهمه وفيه رساله رساله اهم اذا اليوم غانتكلموا على جوج حوايج مهمين بطاقه المعاق والامتيازات اللي كتجي مع هذ بطاقه المعاق والاهم فينا هي هذ بطاقه المعاق اليوم اليوم اللي كنتكلموا عليها مواطن مغربي كتعاني من الاعاقه ولا عندك شي طفل ولا كتكفل شي شخص كيعاني من الاعاقه كيفاش تاخذ هذ بطاقه المعاق وهدشي را في القانون خارج القانون دياله هذاشي ماشي وعود انتخابيه ولا شي امور تقالت يمكن تكون يمكن ما تكونش هذاشي اللي غنقوللكم راه خارج في القانون وهذه هي المصيبه الكحله وانا غنجيكم علاش مصيبه كحله اذا بطاقه المعقاش نشدها اول حاجه غدار واحد المنصه الوزاره اللي مكلفه بالتضامن بالاشخاص اللي كيعلم الاعاقه غدير واحد المنصه الكترونيه غيبدا العمل بها ولا المفروض يبدا العمل بها في العماله د الرباط هي الاولى كتجربه ومنين تنجح التجربه ويشوف الاخطاء اللي وقعت ويصحوها ويقادوها غتطلق هذ المنصه على مستوى جميع جهات ومدن المملكه شنو كدفع في هذ المنصه ها هي هذ المنصه سيدي تحلت شنو غندفع فيها كتعمر واحد الاستماره واحد الطلب كتعمره في المنصه ماشي كتكتب ديك المنصه كتعمر المعلومات اللي مطلوبه منك في ديك الاستماره لاكارت ناسيونال عقد وثيقه كتثبت انك مسجل في السجل الوطني للسكان ولا دخل مثلا المعرف الرقمي ديالك تما باش يعرقوك مسجل في السجل الوطني للسكان وواحد التقرير طبي اللي كيثبت هذ الاعاقه اللي عندك وتصويره مزيان هذه المرحله الاولى مازال شتي هذ البطاقه صعيب تحصل عليها منين تبدا الا بدات منلي كيتقبلك الدوسي ديالك وهذاشي اللي حطيتي كتجي المرحله الثانيه كتستدعيك واحد اللجنه طبيه غدار في كل مدينه في كل اقليم لجنه طبيه الليي تقيم هذك الاعاقه ديالك طبيا وغيستدعيوك ويشوفوا الحاله ديالك والاعاقه ديالك ويمكن في هذ الجلسه اللي هذ اللجنه تقيم الاعاقه ديالك يحضروا مثلا احد الوالدين الا كان طفل معاق صافي سالينا دابا غتشد البطاقه مازال كيدار واحد التقييم اجتماعي اي مدى اندماج هذا الشخص المعاق في المحيط الاجتماعي دياله واش كيخدم واش كيخرج واش عنده شي دخل واش الناس مثلا اللي عايشين معه ولا كيكفلوه ولا والديه حالتهم ميسوره ولا شويه ولا فقراء كيعانوا من الهشاشه وهذا التقرير هذا المفروض غيدير واحد المساعد الاجتماعي هذ المساعدين الاجتماعيين اللي غتعينهم الوزاره اللي مكلفه بالاشخاص اللي كيعانيوا من اعاق صافي دابا ساليتي داروا هذ الامور هذو بثلاثه ساليتي ديك الساعه كيتدرس الملف ديالك على اساس المعلومات اللي عطيتي على اساس التقرير الطبي على اساس التقرير اللي غيدير هذا المساعد الاجتماعي ديك الساعه الا كانت فيك الشروط كيعطيوك الحق انك تشد هذ البطاقه ديال المحقق والبطاقه تكون الكترونيه حتى هي ماشي بطاقه عاديه بحال ذاكشي اللي كيعطيو الجمعيات وهذا بطاقه هي الكترونيه يكون فيها واحد لابيس ولا غيكون فيها واحد الكود بار غتقرا الكترونيا من غير دوك المعلومات اللي باينين الاسم وكذا وكذا كتكون معلومات مخزنه فيديك البطاقه الجهات المختصه ولا الجهات المكلفه ولا الجهات اللي غدفع عليها باش تستفد من هذ البطاقه غتقراها في واحد الجهاز غتعطيها المعلومات ديالك كامله سواء الطبيه ولا الاجتماعيه وهذ الامور كامله ومده الصلاحيه ديالها ملي كتشدها هي سبع سنين خصك بغيتي تجددها الا سالت تدفع طلب التجديد شهرين قبل ما تسال الا تغيرت شي حاجه في الحاله سواء ما قلنا الاجتماعيه ولا الاقتصاديه ولا حتى الصحيه خصك تدخل لديك المنصه وتحط هذ الامور اللي استجدات نجيو لامتيازات اللي غتعطيها هذ البطاقه الا خرجت ما قلت ماشي بطاقه عاديه وراكم شفتوا دابا تعقيدات باش تشدها اذا راه فيها شي حاجه مهمه غتستفد من شي حاجه مهمه انا نقوللك شنو الامتيازات ولا الاستفاده اللي غتكون عند هذا الشخص هذا المواطن المغربي اللي كيعاني من اعاقه الا شد هذ البطاقه هذه اسيدي غتعطيه الحق يستافد من التعطيه الصحيه ويستافد من الاجهزه الطبيه اللي تساعدوا مثلا ذاك الكرسي المتحرك ولا العصا ولا شي امور المهم هذوك الاجهزه المساعده للاشخاص في وضعيه الاعاقه ومن الخدمات الصحيه سواء التشخيص ديال الحاله دياله التطبيب دياله والعلاج دياله الترويض الا احتاج ترويض يستافد كذلك من هذه الامور بهذ البطاقه هذه منين يشدها ومين يطبق هذا الشي يكون اسيدي دعم اجتماعي رد البال هذه منطقه شائكه اذا حسب القانون الاطار شتي هذاشي اللي كنقول لكم هذاشي راه خارج به القانون خصو يتنفذ هذاشي اللي كنقول لكم وهذه هي المصيبه ما قلت قبيله اذا خصو يدار دعم اجتماعي خاص بهذ الفئات باش ما يجيش شي واحد يقوللك لا راه دار الدعم الاجتماعي المباشر اذا حسب القانون الاطار خصو يدار دعم اجتماعي خاص بالفئات ديال المعاقين سواء المعاق مباشره ولا الاسر والاشخاص اللي كيكفلوا هذا المعاق الا كانوا كيعانيو من الفقر والهشاشه وزيدون اسيدي نمشي مع هذا الناس هذا اللي غيقوللك را كاين الدعم المباشر للمغاربه كامل هذا الدعم المباشر واش فيه شي حاجه كتخص المعاق فيه ديك 100 درهم اللي كيزيدوا للطفل المعاق وخصه يكون كيعاني من اعاقه عميقه واش بيني وبينكم مثلا الا عندك انت طفل معاق واش هذك 100 درهم اللي زايده هي الفرق ما بين الصعوبه والتكالف والمشاكل اللي كتكون ما بين انك كتعيل واحد الطفل كامل وانك كتعيل واحد الطفل معاق واش 100 درهم هي الدعم اللي تعطى المعاق في اطار الدعم الاجتماعي المباشر ونزيدلكم واحد النقطه اخرى بالنسبه للمؤشر واش بيني وبينكم في السجل الاجتماعي الموحد كاين شي تمييز ايجابي كاين شي امتياز انه الا درتي ان عندك اعاقه يهبط لك المؤشر باش يضمن ان المؤشر يجي في حدود ام التضامن باش يستفد من التغطيه الصحيه فابور ويضمن وهذا اهم انه يشد الدعم هذاك الدعم المباشر شحال من واحد شحال من حاله وكنعرفهم انا شخصيا اشخاص بوحده ما عنده مسكين لا ولاد لا عائله لا مراه لا اللي يعاونه لا اللي يوقف معاه لا اللي يقابله لا حتى شي حاجه وحيت بوحده تسجل في هذا السجل الموحد وجاب المؤشر فوق ذاكشي ديال الدعم اذا خصنا نفرقوا سيدي قانون الاطار ديال الحمايه الاجتماعيه كيتكلم على دعم اجتماعي للمواطنين كاملين هذا القانون الاطار ديال الاشخاص في وضعيه اعاقه كيتكلم على دعم اجتماعي هذ الفئه بالضبط اذا خص مي تخرج هذ البطاقه يدار لهم الدعم ديالهم بوحدهم ولا على الاقل الا كان غيدخل في اطار الدعم الاجتماعي المباشر يدار لهم مبالغ اضافيه ولا امتيازات اضافيه في الدعم ويتسهل لهم ديك القضيه ديال المؤشر ان الاعاقه تكون عندها تاثير مباشر على المؤشر باش يجيه في حدود الدعم وفي حدود امر التضامن اذا من الامور كذلك تسهيلات وامتيازات في امتلاك السكن اذ دار لهم واحد الدعم استثنائي ولا واحد التسهيل ولا واحد التفضيل في السكن نعطيو مثال لان هذا القانون خرج ياما السكن الاقتصاد شتي هذا القانون ونخرج قبل ما يخرج هذا الدعم السكن هذا دعم السكن خرج استفدوا منه مئات الالاف ديال الاسر والقانون ديال المعاق وهذ بطاقه المعاق والو ماكينش اللي كيتكلم عليها واش هذا الناس محكورين لهذ الدرجه واش هذ الناس ما عندهمش قيمه لهذ الدرجه واش حيت هذ الناس ماكينش اللي كيوصل الصوت ديالهم سمحوا لي انا في اغلب الفيديوهات ديالي كنبغي دائما نوصل غير المعلومه ما كبغيش نكون طرف فيها ولا نعطي الراي ديالي ولكن صراحه في هذه الحاله وفي هذا الموضوع كيخليك تحس بالغضب وبالحقره اذا اسيدي شروط تفضيليه وامتيازات في امتلاك ذاك السكن من غير هذا الدعم مثلا اللي كاين دابا ديال 10 المليون الا كان شخص كيعاني من اعاقه يكون عنده واحد الدعم زايد على حسب ديك الساعه القرار ديال الحكومه ولا القرار ديال الجهات اللي غتنفذ هذا القانون الاطار يكون اسيدي تمييز ايجابي لان الشخص معاق ما عندوش نفس الامكانيات الولوج وامتلاك بزاف د الحوايج بحال شخص عادل اذا يدار واحد التمييز ايجابي في التعليم بالولوج لمؤسسات التعليميه والمدارس والمؤسسات ديال التكوين المهني تكون عندهم افضليه ومساعده اكثر من التلاميذ ومن الاطفال ومن الطلبه اللي ماكيعانيوش ش من اعاقه انه مثلا دار اقسام خاصه لهم لان مثلا عندهم احتياجات خاصه باش يتمكن انه يقرا ويوصل للدراسه دياله خص توفر له بعض الامتيازات وبعض الامور في هذ الاقسام وفي هذ المدارس وغدار حسب هذا القانون الاطار لجان في الاكاديميات الجهويه ديال التربيه والتكوين هذ اللجان غتكون خاصه انها تواكب هذ الاطفال مني يوصلوا سين التمدرس اللي كيعانوا من الاعاقه تواكبهم باش تسهل لهم الولوج للتعليم منين يبداو حتى يوصلوا مثلا للجامعه كاين كذلك هذ البطاقه غتوفر لك حسب القانون دائما الاطار غتوفر مناصب شغل الدوله ملتزمه انها دير واحد النسبه مئويه مني تخرج مناصب الشغل في القطاع العمومي المؤسسات والادارات الوظيفه العموميه يدار واحد النسبه مئويه تخصص حصرا للاشخاص اللي كيعانيوا من اعاقه وكذلك الدوله ملزمه تتفق مع القطاع الخاص وتلزم انه حتى هو يدير واحد النسبه مئويه الشركات والوزينات والمعامل وجميع المؤسسات ديال القطاع الخاص والشركات ديال القطاع الخاص كدير واحد النسبه مئويه من المناصب ديال الشغل لهذ الفئات هذو ديال الاشخاص ذوي الاحتياج الخاصه ولا الاشخاص اللي كيعانيو من اعاقه هذ البطاقه كذلك تكفل لهم مجانيه في النقل ولا على الاقل تخفيض في اسعار النقل جميع وسائل النقل التران الطوبيسات الكيران الطاكسيات وكذلك هذ البطاقه غتكفل للشخص المعاق المواطن المغربي اللي كيعاني من اعاقه غتكفل الاولويه في الولوج مشى مثلاشي اداره هو الاول يدخل مشى لشي مؤسسه عموميه هو الاول يدخل والحكومه ولا الدوله ملزمه انها تسهل الولوج مثلا ما يمشيش لشي اداره باش يقضي شي غراض ولا يمشي لشي شي مؤسسه عموميه ولا خاصه خص دار الولوجيات ما يمشيش مثلا يلقى غير الدروج وهو مثلا عنده العكاك ولا عندك الرؤسه ما عندوش منين يدوز مزيان هذاشي كيعطيك قانون الاطار وكتعطيك البطاقه ديال المعاق منين بدا تنفذ المصيبه الكحله وهذاشي اللي بغيتكم تسمعوه و توصلوه لاي واحد هذا قانون الاطار راه تنشر في الجريده الرسميه هذا القانون الاطار اللي فيه الامتيازات اللي هضرنا عليها كامله من شهر 5 2016 تقريبا دابا كنهضر معكم 10 سنين احنا في 2026 قانون خرج هذه 10 سنين ومازال ما تنفذ اليوم كيخرجوا عشرات بل مئات القوانين كل سنه وكيتنفذوا ديك السنه هذا القانون الاطار مازال الان ماطبق فيه حتى شي حظ شتي هذ البطاقه هذه خارج القانون في 2016 وخرج المرسوم هذ اكثر من عام في 2025 يناير 2025 خرج المرسوم كيفاش تشد هذ البطاقه وفين تدفع وانه خصها تدار منصه وكذا دابا عام ونص تقريبا ومازال ما خرجش هذ المنصه اللي غيدفعوا فيها هذ الاشخاص اللي كيعانوا من اعاقه باش يشدوا هذ البطاقه مازال ما بداتش في الرباط اللي قالوا غتبدا في الرباط كتجربه عاد تعمم في باقي جهات المملكه مازال كاع ما بدات في الرباط مع انه الامانه كان واحد الحوار صحفي منين بحثت في هذا الموضوع اللي الوزيره كتقول ان احنا ما بغيناش نخرجوا هذك البطاقه وتكون خاويه بغينا هذ الامتيازات كاملين اللي تكلمت عليها حتى نوجدوا لها الارضيه ديالها ويكون هذا السيد من يشد هذ البطاقه ولا هذا الطفل ولا هذ الاسره تستافد من هذ الامتيازات ماشي عندها بطاقه ندير المنصه وتطبع هذ البطاقه وتشدها وملي تمشي تقضي بها الغرض ولا تسب من هذ الامتيازات ما تلقى حتى شي حاجه ولكن كيبقى السؤال الكبير مطروح الرساله اللي بغ توصل لهد الناس اللي كيعنيم الامر اللي كان فعلا كيعيهم الامر واش 10 سنين ماكافياش واش هذ ماتحسوهاش انت انها حكره لهذ الفئات من الشعب المغربي خصوصا انها كتحضى برعايه خاصه من الملك ك الله