237 أربع روايات غيروا طريقة تفكيري تمامًا

اهلا وسهلا ومرحبا يا اصدقاء ازيكم بتمنى تكونوا بخير في العاده لما ناس تسالني ايه اكتر كتب مفضله عندك ايه اكتر ترشحيها لنا انا بحاول بقدر الامكان اتفادى نوعيه من الاسئله لعده اسباب اول حاجه انا ما اقدرش احصر مفضلاتي لان الاقسام كتيره والتفضيلات كثيره ممكن حاجه تكون مفضله بالنسبه لي السنه دي وحاجه مفضله بالنسبه لي السنه اللي فاتت فما بيكونش عندي حاجه فعلا يعني ما يقول تايم فيفريت تاني سبب لما حد بيقول لي رشحلنا روايات او رشحي لي روايات مش عارف تعملي ايه وتعملي ايه برضو بحاول اتفضل الموضوع ده لاني ببقى مؤمنه انه قراءه الروايه تحديدا الروايه بتعتمد على حاجتين او عاملين لهم علاقه بالشخص القارئ مش بالشخص المرشح اول حاجه في الشخص القارئ الوقت هو هيقراها في اي وقت في حياته فانا معرفش الانسان اللي بيطلب مني ترشيح ده في انهي مرحله من مراحل حياته صغير كبير بيكتشف نفسه طالع من صدمه يعني ما اعرفش تاني حاجه بناء على تجربته او خبرته في الحياه فممكن انا ادي له روايه بالنسبه لي عظيمه بالنسبه له هو كلام عيال في العاده دايما بحاول اتفادى النوعيه دي من الاسئله اللي هي تحاول تحصر تجربه الانسان في القراءه في عده كتب ولكن في فيديو النهارده مش هقول ان هو اجابه على الاسئله دي ولكن هو محاوله اني اكلمكم عن اربع روايات كان لهم تاثير كبير جدا جدا في حياتي لسه ما بين اللي انا لسه قايلاهم ان انا قراتهم في الوقت المناسب جدا فقدروا يعملوا تاثير في نفسي وفي عقلي كبير وواضح على مصارف القراءه بعد كده ولان تجاربي وقتها في الحياه كانت مؤهله ان انا استقبل الروايات دي وان انا اقراها واستمتع بها واستفيد بها استفيد منها فانا اكيد بشارك الروايات دي عشان احب ان انتم كمان تكون تجربتكم زي تجربتي ولكن انا ما وعدتكوش ان تجربتكم هتكون زي تجربتي للانسان ان يحتمي بعقله لينجو من الفساد يجعله يسيطر على شهواته والمتح اول روايه هتكلم عنها هي روايه عساكر قوس قزح الروايه دي قراتها وانا كنت لسه في اعدادي تقريبا وما كنتش متعوده ان انا اروح المكتبات واشتري كتب كثيره فكنت بعتمد زي اي انسان فضولي متلصص على الانترنت على المواقع اللي اقدر احمل من عليها pdf واقعد اقرا فده كان واحد من الكتب اللي كانت سهله جدا في التحميل وقعدت اقراه pdf وقتها حتى الموبايل بتاعي ما كانش اللي هو التاتش سكرين والشاشه كبيره زي الايفون واقدر اقعد اقلب لا كانت بزراير فكنت بفضل اعمل كل شويه زوم على الصفحه عشان اقدر اقراها والوادي طويله تقريبا 300 صفحه ولكن ده اوبت على قراءتها ومش ندمانه حتى هذه اللحظه الروايه بتدور احداثها في اندونيسيا مجموعه من الاطفال اغلبهم ذكور او كلهم ذكور يعني اطفال صغيرين ومعانتهم مع التعليم الاطفال دول عايزين يتعلموا في بلد او في قريه بتاثر شديد والتاثر الشديد والاحداث الواقعيه الحقيقيه اللي هو كان بيحكي عنها وصلتني اي تاثير الروايه دي علي وليه بعتبرها من الكتب اللي شاركت جدا في تشكيل افكاري الروايه دي خلتني استشعر نعمه التعليم ما عدتش بشوف التعليم حاجه ممله حاجه غبيه حاجه مضطره اني اصحالها في الشتاء واسهر لها في الصيف عشان خاطر اذاكرها انا من ساعه ما قرات الروايه دي لحد النهارده عمري في حياتي ما تدمرت من التعليم او تدمرت من طلب العلم ومهما كان المنهج اللي انا بدرسه او التخصص اللي انا بدارسهم مش بحبه مش على مزاجي ومش مريحني مستحيل تلاقوني حتى عامله شير على الانترنت لاي ميم له علاقه بانه يا ريتني ما كنتش بتعلم او يا بخت اللي مش عارف ايه او يا ريتني متجوزه مستحيل كل حاجه ربنا بيحطها في حياتي فيها تعليم وفيها اكتساب خبره فيها اكتساب علم بكون ممتنه ليها جدا وبفضل اش عليها والسبب يعود او الحاجه اللي ربنا طبعا تاني حاجه لهذه الروايه من تاثير الروايه دي علي ساعدتني حتى في حكمي على الاشخاص اللي حواليا لما اجي ابص على الحاجات اللي بتشكلهم او بتكونهم بشوف تعاليمهم حكمي على انسان مر بكل مراحل التعليم والتعليم كان متوفر له بشكل طبيعي بيختلف تماما عن حكمي على شخص التعليم عمره ما كان متوفر له بشكل سليم حتى لو هم الاتنين عملوا نفس الخطا فالروايه دي خلتني ابلور اهميه التعليم في مخي وانعكاس ده على حياتي وانعكاس ده على الناس اللي حواليا انا قعدت ست سنين بدرس تخصص انا ما كنتش بحبه ما كنتش مقبله عليه ما كنتش شغوفه بيه وهو طب الاسنان والحقيقه اننا تخرجت بامتياز ما مرتبه الشرف وناس كتير جدا او بيبعتوا لي يعني عندهم نفس التجربه بتاعتي بيدرسوا تخصصات طبيه مثلا او حتى بيدرسوا طب اسنان ذات نفسه هم مش بيحبوه بيفضلوا يسالوني ازاي كنت بتذاكريه ازاي قدرتي تتخرجي ازاي ولا مره شيلتي ماده او عيلتي سنه الحمد لله وده كان بسبب والاجابه اللي كنت بقولها انه انا عندي احساس بالمسؤوليه تجاه العلم اللي انا بدرسه العلم اللي ربنا حطه في ايدي ان انا ادرسه فانا مسؤوله تجاه العلم ده ما ينفعش اسيبه يعدي من تحت ايديا ما ينفعش اهمله لان حتى لو انا من فتره طويله كنت مقرره انها مش هكمل في طب اسنان الا اني ازلونج اذن ربنا حطني في المهمه دي فانا هخلصها على اكمل وجه وبعدين ان شاء الله حتى اشتغل يعني اي حاجه براحتي ولكن ربنا حطني في موقف اني ادرس هندسه اني ادرس اسنان اني ادرس اي حاجه لازم ادي كل ما للحاجه دي عشان انا مش عارفه العلم اللي في ايدي ده ممكن استخدمه في يوم من الايام ازاي او ممكن اضطر اني اعالج بيه انسان ازاي فلو انا عالجت انسان وانا مش اهل ان انا اخد العلم ده فانا هضر بالانسان ده وعشان خاطر دي نعمه كبيره نعمه ان ربنا يسخر لك التعليم سواء التعليم في مدرسه التعليم في جامعه التعليم على ايد مدرس التعليم اونلاين دي حقيقي نعمه كبيره في ناس يعني بدون افوره بتعبر انهار وبتسهر تحت اشجار عشان خاطر يقدروا يوصلوا للمدرستهم فالروايه دي كان لها تاثير عظيم عظيم عظيم عظيم في تفكيري وتشكيل افكاري وتشكيل تشكيل مبادئي لن انساها ابدا ابدا ابدا رغم ان انا مش فاكره احداثها الحقيقيه خالص ولكن فاكره تاثيرها علي تاني روايه كان لها تاثير عظيم عليا هي روايه 1984 لجورج اوروويل الروايه دي انا فاكره قراتها امتى وفاكره قراتها فين كنا خلصت ثانويه عامه في مصر في السعوديه وكانت الكتاب ده معايا وجينا مصر وكيف شقتنا القديمه لسه بين بروسس يعني بنشوف كده هنعمل ايه في الجامعه لسه مش عارفين هروح فين وهعمل ايه ومستنيه التنسيق ينزل فكنت بتسلى على الروايه دي وكنت بقعد اقراها بعد ما كله بينام في الصاله وبسهر معها والروايه دي كنت بحس ان هو يعني ايه يعني ايه يعني ايه اصلا الافكار دي يعني ايه في حد بيفكر كده يعني ايه في حد كتب الكلام ده فالروايه دي ادتني بوكس من ناحيه الوعي السياسي بتاعي خلتني افهم حاجات عمري في حياتي ما كنت هفهمها الا اذا جات لي على شكل روايه محكيه بالطريقه دي مسروده بالطريقه دي الروايه دي خلتني اعرف قد ايه انا مهتمه بالاوضاع اللي احنا عايشين فيها وانه الاهتمام ده كان عندي وكان عندي بشكل خاطئ وكان عندي مدفون مش لاقي حد يطلعه لان انا عشت في السعوديه والتوجه السياسي في السعوديه اممم يختلف تماما عن مصر يعني اللي بيعيش في السعوديه بيكبر على انه احنا بنحب الملك مستحيل الملك يكون غلطان في اي شيء يعني فجر الملك ده مستحيل يكون غلطان لو ملك النهارده ملك بعديه نفس كميه الوفاء نفس كميه المحبه بتنتقل على عكس عندنا احنا في مصر وانا كنت بحاول اطبق لانه ده مفهومي اصلا عن المواطنه طبق النموذج السعودي عندنا في مصر فكنت معتقد ان احنا كمان لازم نحب الرئيس الرئيس هو الفجر الذي لا يخطئ بس طبعا جت الروايه دي قريتها وانا داخله جامعه راحت قالت لي احنا هنفرم السوفت وير القديم وهننزل سوفت وير جديد تماما ولان انا برضو كنت عايشه في اسره غير مسيسه احنا ما عندناش توجه سياسي في الاسره يعني في اسر بيكون يتوجه سياسي تبع حزب معين عندهم رؤيه معينه احنا من الاسر المصريه البسيطه يعني بابايا ومامتي ربنا يصلح الحال حتى لو بابايا مش بيقوم من قدام نشره الاخبار بس ان هو ربنا يصلح الحال خلينا نشوف الجنيه وصل لفين لكن ما عندناش مثلا حد بندعمه او حزب بنمشي وراه فجانب الاهتمام السياق بالسياسه ده جوايا ما كانش مغذى ولا بسبب الاسره انا كنت عايشه فيها ولا بسبب البيئه الاكبر اللي انا كنت عايشه فيها فالروايه دي نقدر نقول ان هي جابت كوبايه ميه كده وغذت الجانب المهتم بالاوضاع السياسيه بشكل سليم كمواطن عايش في مصر وعايش في الوطن العربي فالروايه دي تاثيرها كان عظيم انا نسيت اقول لكم ايه احداث الروايه احدث الروايه انه في دوله من الدول بيكون فيها حكومه شموليه وفي مواطن بيحاول او لسه بيعاني مع التفكير الحر ولكن هو عايش في دوله بتمنع الناس من انها تفكر بتتحكم في لغه الناس بتدخل داخل علاقات البني ادمين ببعض انا عمري ما انسى الطفل اللي بلغ على ابوه وامه في الروايه لان ابوه امه كانوا بينتقدوا مش الحكومه يعني حاجه بسيطه عملتها الحكومه مش وهم صاحيين وهم نايمين فبلغ عنهم وابوه وامه اتسجنوا وابوه امه كانوا فخورين بابنهم انه ابنهم وطني وحصل على رضا الاخ الاكبر فانتم متخيلين ازاي الدوله دي لعبه في اساسيات البني ادمين فاحنا عندنا بطل الروايه دي لسه عنده شويه تمرد تجاه المؤسسه دي وبنشوف مصيره الماساوي لما بيحاول يقاوم باي شكل من الاشكال فدي روايه عملتلي دايركشن كبير جدا في حياتي قراتها في الوقت المناسب وادتني اللي انا كنت عايزاه فعلا الروايه رقم 3 اللي دايما بتكلم عنها يمكن دي اكتر روايه انتوا فاكرين ان انا قلت قد ايه هي روايه مفضله عندي هي روايه باولا للكاتبه التشيكيه ايزابيل اي عندي الروايه دي نفس روايه عساكر قوس قزح قريتها برضو حرفيا انا فاكره ايه اللي حصل لحد ما وقعت على الروايه دي كنت قاعده على الموبايل بتاعي اللي هو مش تاتش ولا اي حاجه بكتب في جوجل روايات مناسبه للنساء او روايات للنساء المهم دور على الروايات ليا يعني وفتحت مقالات كثيره جدا وملخصات لكتب كثيره جدا عن الستات المهم كان في روايه طاوله روايه باولا دي وانا حرفيا فاكره ان هم المقال ده كان مرشح اربع روايات وكم من ضمنهم روايه باوله اكيد انا حسيت ان ان عجبني الاسم جدا ورحت كاتبه طاوله pdf بدور على رابط يخليني احمل باوله pdf ولكن الروادي فجرت جوايا حاجات كتيره جدا اول حاجه اكتشفت انه في انه في النوع ده من روايات ان في النوع ده من السرد ان في النوع ده من الحكايات الحكايه اللي بتتكلم على امراه الوضع السياسي البلدي اللي هي عايشه فيه تاريخ العيله دخولها من علاقات وخروجها في علاقات بتتكلم عن الجواز بتتكلم عن الانفصال بتتكلم عن الامومه كل ده في الخلطه السحريه بتاعه والحد دلوقتي اذا الايام دي يعني من كتابي المفضلين لان هي بتعمل لي الوصفه السحريه للحكام انها بتكلمني عن تاريخ بلدها وبتكلمني عن نفسها كاني عن بنتها كاني عن جوزها القديم تكلمني عن جوز مامتها تكلمني عن مامتها بتتكلم عن ابوها اللي ما تعرفش عنه حاجه تكلمني عن جدتها بتكلمني عن السحر اللي بيحصل في امريكا اللاتينيه اتكلمنا عن كل حاجه فدي كنت بحسها الروايه دي عملت لي حاله من البلوغ على على ناحيتين البلوغ الادبي انه ايه ده ده فيه كتب حلوه والبلوغ كامراه الست دي اتكلمت عن نفسها واتكلمت عن السيدات وقعدت انا اكتشف نفسي وابص لمامتي بطريقه مختلفه وابص للنساء اللي حواليا بطريقه مختلفه ووريتني ان التجربه النسائيه مالتي دايمنشن متعدده الاوجه ومتعدده الاتجاهات فالروايه دي لا تخرج من عقلي انا جبتها بالعربي وجبتها بالانجليزي ونفسي اتعلم اسباني عشان اجيبها باللغه الاصليه وبتعلم فرنش ونفسي اقراها بالفرنش الروايه دي في مركز في مركز انصتي كده في مركز حياتي الادبيه لا انساها ولن انساها وبحبها جدا جدا الروايه الرابعه والاخيره اللي اثرت في حياتي تاثير كبير جدا هي روايه الرائعه والعظيم نجيب محفوظ اولاد حارتنا على عكس كثير قراء بالذات مصريين يعني لما بيقراوا نجيب محفوظ او لما اتعرفوا عليه كانوا بيقراوا له حاجات مثلا صغيره شويه او ابسط شويه وبعدين لما يعني لما بيكبروا في رحلتهم معاه بيقراوا بقى الكتب الكبيره واهمهم اولاد حارتنا انا نجيب محفوظ قبل اولاد حارتنا كان بالنسبه لي الشخصيه المصريه اللي انا فخوره بيها ان هي اخدت جائزه نوبل زيها زي انور السادات زيها زي احمد زويل وخلاص ده هولي ترينتي التلاته بتوعنا اللي اخدوا نوبل بعد كده لما اشتريت الروايه دي عشان خاطر هي كانت في مكتبه جرير مكتوب عليها اسم نجيب محفوظ على طول هاخدها ده ابن بلدي لازم اقرا له وقراتها وانا في ثالثه ثانوي قراتها بقى يعني امتى قبل ما انزل اجازه مصر عشان خاطر اقدم في الجامعه وكده تقريبا هي دي فتره قعدت اقرا فيها كتب غيرت حياتي كنت بقعد اقراها وكنت فاكهه كنت بقراها امتى بعد ما نتغدى وكله بيدخل ينام القيلوله بتاعه العصر دي اقعد انا بقى مع نجيب محفوظ على السرير واتشقلب على السرير وانا بقرا الكتاب وانا بقرا بقول ايه ده يعني يعني ايه حد بيكتب كده يعني هو يقصد ايه هو هو اللي انا بفهمه من الروايه ده هو اللي عايز يقوله هي دي روايه عاديه هي دي روايه ساحره هي دي روايه منطقيه هي دي روايه ينفع اقراها قدام الناس ولا لازم استخبى وانا بقراها فا دي كانت اول اول لقاء مع نجيب محفوظ وزي ما روايه باولا خلتني اكتشف عالم من سحر الحكايات في الادب المترجم الروايه دي خلتني اكتشف ان احنا عندنا كنز في الادب العربي لان برضو وقتها كنت بحس دايما ان الكتب العربيه وحشه وانا بحب اقرا كتب مترجمه بس لكن الروايه دي خلتني احترم نفسي واحترم القدرات اللي عندنا في الوطن العربي وبدات بقى رحلتي مع مع نجيب محفوظ انبهرت بشجاعته انبهرت بالسحر الخفه اللي بيكتب بها والبساطه اللي بيكتب بها ومع ذلك العمق والتعقيد يعني انا مش هتكلم عن نجيب محفوظ يعني انتم عارفين نجيب محفوظ وعشاقه كتير جدا وروادو كتير جدا فمش انا اللي مش انا اللي هقول للناس قد ايه الانسان ده بيعمل تغير وبيعمل طفره في حياه القارئ اللي بيقرا له دي كانت اول حاجه اقراها لنجيب محفوظ والى الان هي متربعه على عرش افضل الروايات اللي قراتها لنجيب محفوظ وافضل الروايات اللي قراتها عموما اولاد حارتنا بصراحه انا مش هتكلم عن الروايه مش هقول لكم هي بتتكلم ازاي ولكن هي ملحمه ملحمه بتحصل في حاره على مر العصور يعني حاره واحده تتغير اجيال واجيال واجيال وهو نجيب محفوظ بقى ايه بيسرد لكم يعني تاريخ الحاره دي من زمان لحد الفتره اللي هو بيتكلم فيها روايه عظيمه يعني كبرت في اللغه كبرت في الفهم كبرت في الاستيعاب كبرت من ناحيه الشجاعه بعد ما قرات الروايه دي وبس هي دي كل الكتب مش كلها ولكن هي دي اهم اربع كتب اقدر اقول لكم انهم فعلا يعني هذا العقل الاربع روايات دول ساهموا فيه تكوينه وتشكيله ومدينه اللحظات اللي انا قرات فيهم الكتب دي ومدينه لعلم الانترنت اللي بنقدر نقرا فيه كتب واحنا قاعدين مش عارفين نعمل حاجه في بيتنا فكلموني انتم كمان عن مجموعه كتب غيروا حياتكم بالذات لو روايات وتاثيرهم عليكم كان عامل ازاي اتمنى تكونوا استفدتوا واستمتعتوا في هذا الفيديو واشوفكم في الفيديو القادم والى اللقاء كونوا خير وكونوا بخير ومع السلامه