غزوة أحد تربية إسلامية للصف الخامس الابتدائي الترم الثاني

بسم الله الرحمن الرحيم اهلا بكم يا ابطال مع شرح دروس التربيه الاسلاميه للصف الخامس الابتدائي الترم الثاني درسنا النهارده بعنوان غزوه احد لما انتصر المسلمون في غزوه بدر كانوا فرحانين جدا طبعا بالانتصار ده لانه كان يعتبر معجزه انهم ينتصروا بعددهم القليل ده امام المشركين اللي كان عددهم كبير ثلاث اضعاف المسلمين تقريبا يبقى غزوه بدر اللي كانت اول غزوه في الاسلام كان ليها اثر ايجابي على المسلمين لكن بالنسبه للمشركين كان ليها اثر سلبي يعني اثر سيء عليهم ليه؟ لانهم شعروا بالهزيمه اللي كانت غير متوقعه تماما وكانت مفاجاه ليهم ان المسلمين اصبحوا قوه ويقدروا يحاربوهم وكمان ينتصروا عليهم حاسه قريش انهم ضاعت هيبتهم بين القبائل ازاي قريش بما فيها من ابطال طال تنهزم بالشكل ده علشان كده كان لازم ينتقموا ويردوا اعتبارهم وكرامتهم اللي ضاعت في غزوه بدر ومن هنا نروح على اول نقطه في درسنا وهي اسباب غزوه احد بعد مرور عام على غزوه بدر بعد ما عدت سنه كامله على انتصار المسلمين في غزوه بدر زاد شعور المشركين بالرغبه في الانتقام قالوا لازم ننتقم من المسلمين ليه علشان عشان يرجعوا كرامتهم اللي ضاعت فاستعدوا لحرب ثاني مع المسلمين وجمعوا كل المحاربين واكبر عدد من الرجال فكان عددهم 3000 مقاتل وكان قائد الجيش اثنين مش واحد القائد الاول اسمه ابو سفيان بن حرب والثاني اسمه خالد بن الوليد ابو سفيان وخالد اسلموا بعد كده لكن ساعتها كانوا لسه مشركين يبقى ببساطه لما اقول لك ايه هي اسباب غزوه احد تقول لي هي رغبه المشركين في الانتقام من المسلمين بعد هزيمتهم في غزوه بدر ويلا نعرف زمان غزوه احد ومكانها قلنا ان غزوه احد حصلت بعد سنه كامله من غزوه بدر وبالتحديد يوم 7 شوال سنه لاثه هجريا ومكانها كان عند جبل اسمه جبل احد وكان الجبل ده قريب من المدينه المنوره وعلشان كده سميناها غزوه احد لانها وقعت عند جبل احد كده عرفنا زمان ومكان الغزوه الزمان 7 شوال سنه 3لاه هجريا والمكان عند جبل احد بالقرب من المدينه المنوره ويلا نروح على النقطه الثانيه اللي هي مشاوره رسول الله لاصحابه لما عرف الرسول ان المشركين ناويين يحاربوه وجمعوا الجيش وجايين على المدينه جمع اصحابه رضي الله عنهم واستشارهم يعني ايه؟ يعني اتكلم معاهم علشان يعرف رايهم رايهم في ايه؟ في كيفيه مواجهه المشركين يعني المكان اللي هيستقر فيه الجيش وتحدث فيه الحرب هل يا ترى هنستناهم في المدينه ولا نخرج نحاربهم في مكان ثاني بعيد عن المدينه؟ وبعد ما اتكلموا كان راي الاغلبيه من الصحابه هو الخروج من المدينه الى جبل احد ويستقر الجيش عند جبل احد لتكون الحرب هناك وبدا المسلمون في تجهيز الجيش وكان عددهم في الوقت ده 1000 مقاتل واحنا قلنا ان المشركين كانوا 3000 يبقى برده كانوا ثلاث اضعاف المسلمين ويا ريت ال000 مقاتل اللي مع المسلمين راحوا كلهم فعلا على الحرب ده اللي حصل انهم قالوا كمان وبقوا 700 بس ازاي الكلام ده طب ليه قال له هقول لك يا عم انت عارف ان في ناس اسمهم المناف منافقين يعني ايه منافقين يعني ناس عاملين نفسهم مسلمين وهم مش مسلمين الناس دي كانت موجوده في المدينه بين المسلمين وماحدش عارفهم وكان قائدهم اللي بيحركهم واحد اسمه عبد الله بن ابي بن سلول الراجل ده كان معاه حوالي 300 من المنافقين وكان هو واللي معاه في وسط الجيش لكن في الطريق انسحب هو وكل المنافقين يعني انسحب 300 مقاتل شيل 300 من 1000 يتبقى كام؟ 700 بس وهو ده اللي خلى عدد المسلمين يقل ويبقى 700 مقاتل فقط ويلا نروح على النقطه اللي بعد كده اللي هي تنظيم الجيش وامر مهم من رسول الله صلى الله عليه وسلم اتحرك الجيش من المدينه لغايه لما وصل لجبل احد مكان الحرب مع المشركين والرسول كان يسرع بالجيش علشان يوصل للمكان ده قبل المشركين وفعلا وصل قبلهم وبعد اما وصل الجيش بدا الرسول في وضع خطه للحرب ما هو لازم يكون في خطه علشان ننظم الجيش ونحميه من جميع الجوانب الرسول وقف الجيش في بدايه جبل احد يعني الجبل يكون خلف الجيش ليه؟ علشان المشركين ما يعرفوش يلتفوا حول المسلمين يبقى الجبل حامل المسلمين من خلفهم واختار مجموعه من الرماه الروماه اللي هم بيضربوا بالسهام من بعيد اختار مجموعه منهم وخلى عليهم قائد اسمه عبد الله بن جبير قائد الرماه اسمه ايه عبد الله بن جبير وطلب منهم انهم يقفوا فوق التل التل يعني مكان مرتفع موجود جنب جبل احد ولاحظ الرسول ان التل ده مكان خطر جدا واللي هيسيطر عليه هو اللي هيفوز في المعركه لان ده المكان الوحيد اللي ممكن المشركين يلتفوا حوله ويضربوا المسلمين من خلفهم علشان كده وجود الرماه على هذا التل يعتبر حمايه لجيش المسلمين وامر الرسول هؤلاء الرماه بامر واضح وهو عدم النزول من على التل مهما حصل ومهما كانت نتائج المعركه لان الرسول عارف ان المكان ده فرصه امام المشركين وعارف انهم هيحاولوا يلتفوا حوله وخصوصا خالد بن الوليد قائد الفرسان بجيش المشركين اكيد هيحاول يلف من خلف التله على المسلمين لذلك شدد على الروماه بعدم النزول مهما حصل كده عرفنا خطه الرسول في الحرب ويلا بينا نعرف اللي حصل في الحرب فعلا ونروح على النقطه اللي بعد كده اللي هي احداث غزوه احد بعد ما وصل جيش المسلمين لجبل احد ورسم الرسول الخطه وكل واحد عرف مكانه وهيعمل ايه بالظبط وصل جيش المشركين للمكان وبدات الحرب وظهرت شجاعه المسلمين وقوه الخطه اللي وضعها الرسول لانها كانت خطه محكمه وعجز المشركون عن الالتفاف حول جيش المسلمين وعجزوا ايضا عن اقتحام صفوف جيش المسلمين بالرغم من كثره عددهم وكان القتال في مكان ضيق اعطى فرصه لحمايه المسلمين بالرغم من قله عددهم هم ما كانوش عارفين يعملوا ايه وكل ما يقوموا بالهجوم يتقتل منهم عدد كبير بسبب شجاعه المسلمين وقوتهم وده ادى الى تراجعهم تراجعوا عن ساحه المعركه وبدا المسلمون يشعرون بالنصر وهروب المشركين من امامهم اسمع بقى الحته دي لانها مهمه جدا ركز قوي فاكر الرماء اللي فوق التل طبعا مش هم دول اللي بيرموا بالسهام ايوه الله ينور عليك فاكر الرسول قال لهم ايه قال لهم ما حدش ينزل من فوق التل مهما حصل ومهما كانت نتائج المعركه الروماه دول فعلا منعوا خالد بن الوليد انه يعمل كده اثناء المعركه لكن لما شافوا تراجع المشركين ظنوا ان المعركه انتهت فاغلبهم ترك التل ليشاركوا في جمع مكاسب المعركه قالوا خلاص الحرب انتهت ويلا بينا نفرح ونجمع المكاسب مع باقي الجيش هي دي اكبر غلطه غلطها الروماه انهم خلفوا امر الرسول مع ان قائدهم فاكر قائدهم كان اسمه ايه؟ عبد الله بن جبير خير نادى فيهم باعلى صوته قال لهم لا تنزلوا ولا تخالفوا امر الرسول لكنهم لم يسمعوا كلامه ونزلوا بسرعه وهي دي الفرصه اللي كان مستنيها مين؟ ايوه خالد بن الوليد خالد من اول الحرب وهو نفسه يعمل كده بس مش عارف بسبب الروماه اللي فوق التل فاول لما لقى الروماه نزلوا جري بسرعه ولف بفرسانه من خلف التلج وقتل بقيه الروماه اللي ما نزلوش وطلع خالد بن الوليد فوق التل ونادى على ابو سفيان علشان يرجع لارض المعركه تاني كل ده طبعا قلب المعركه بعد اما كان خلاص هينتصر المسلمين وتنتهي الحرب وفي نفس الوقت ده حصلت حاجه ثاني برده مش في صالح المسلمين اللي هي ايه حد من المشركين قتل حامل رايه المسلمين حامل حامل الرايه يعني حامل العلم بتاع المسلمين وكان فاكر ان اللي حامل العلم هو رسول الله فقعد يقول بصوت عالي قتلت محمدا قتلت محمدا فظن المسلمين ان الرسول قتل فجري عدد كبير منهم على المدينه لحمايتها علشان يحموا المدينه بس كان الرسول لسه واقف في المعركه يقاتل بكل شجاعه وكان حوله عدد قليل من المسلمين كانوا بيدافعوا عن الرسول في بطولات عظيمه امام جيش المشركين. كل ده حصل بسبب ان الروماه خلفوا امر النبي وتركوا المكان اللي النبي حذرهم واكد عليهم انهم لا يتركوه ابدا مهما حصل ومهما كانت نتائج المعركه. وانتهت الغزوه باستشهاد 70 من المسلمين منهم حمزه بن عبد المطلب عم الرسول صلى الله عليه وسلم وكانت الغلبه للمشركين في غزوه احد بسبب مخالفه الرماه امر الرسول واشاعه مقتل الرسول ولكن ظهر الكثير من بطولات المسلمين بسبب شجاعتهم في الحرب رغم قله عددهم يبقى احنا نتعلم ايه من غزوه احد ونهايتها نتعلم ان اتباع امر الله والرسول هم طريق النصر والعزه وان مخالفه اوامرهما طريق الهزيمه اللهم انصرنا على اعدائنا وارفع رايه الاسلام عاليه يا رب العالمين وكده خلص درسنا النهارده شكرا على حسن المتابعه والسلام عليكم ورحمه الله وبركاته