Everything you need to know before studying English language literature

فيديو اليوم هو اكثر فيديو انطلب على القناه وبصراحه معكم حق لانه قبل اربع سنوات لما كان بدي ادخل تخصص اللغه الانجليزيه وادابها دورت على كثير فيديوهات تحكي بشكل مفصل وكامل عن التخصص بس ما كنت لاقي للاسف وكنت مضطره اني احكي مع كثير عالم وبالنهايه ما حصل اجوبه لكل اسئلتي واليوم بعد ما تخرجت جايه اعمل لكم هذا الفيديو لحتى يساعدكم ويكون كدليل شامل لكم قبل ما تدخلوا تخصص اللغه الانجليزيه وادابها الفيديو رح يكون مقسم الى اربعه اقسام اول شيء رح نحكي عن المواد الاكاديميه والادبيه اثنين رح نحكي عن اهم الاشياء اللي لازم تعرفوها قبل دراستكم للتخصص ثلاثه ايجابيات التخصص وشو رح تكسبوا لو درستوه والقسم الرابع رح نجاوب على الاسئله المتكرره والشائعه عن التخصص هل يناسبك التخصص هل تقدر تشتغل خلال دراستك بالاربع سنوات وتحافظ على معدل عالي كمان سؤال هل يفضل يكون عننا ايباد ولا لاب توب وهل نقدر ندخل هذا الفرع حتى لو ما كانت لغتنا قويه بالبدايه وبدون ما نطول هلا نقول بسم الله ونبدا الفيديو السلام عليكم ورحمه الله وبركاته مرحبا فيكم بفيديو جديد انا ايه لو كنتوا جداد بالقناه تخرجت هي السنه من تخصص اللغه الانجليزيه وادابها من جامعه دمشق وبهذا الفيديو رح احكي معكم عن كل الاشياء اللي انتم محتاجين تعرفوها قبل ما تدخلوا هذا التخصص وهذا هو الفيديو الاول من سلسله تخصص اللغه الانجليزيه واعدابها رح تستفيدوا منها بكثير امور وبدون ما نطول على بعض رح نبلش فورا بالمواد بس اول شيء بدي اوضح فكره انه في عننا مواد موجوده بالاربع سنوات كامله وفي كل الفصول وعننا مواد ثانيه موجوده بس بكل فصل واحيانا بعض المواد اصلا ما بتتكرر عننا بالفرع المواد تنقسم لمواد اكاديميه ومواد ادبيه ورح نبلش اول شيء بالمواد الاكاديميه المواد الاكاديميه كانوا تقريبا ومن المواد الاكاديميه اللي دائما بتتكرر هي ماده الترجمه ماده الترجمه بنترجم فيها اكيد مواضيع سياسيه ادبيه ثقافيه نفسيه بالسنه الاولى والثانيه بتكون هيك المواضيع بنروح علىسنه الثالثه والسنه الرابعه بتتحول الترجمه الى ترجمه تخصصيه يعني بنصير ندرس الترجمه الخاصه باللغه الطبيه او الترجمه الخاصه باللغه القانونيه او السياسيه فبصير في عننا تركيز وتعمق اكثر ببعض المجالات بعدها في عننا نا ماده اسمها الكومبوزيشن او الانشاء الماده كمان موجوده كل السنوات ما عدا السنه الرابعه وبهي الماده من السنه الاولى بنتعلم كتابه بعض الجمل اول شيء باول فصل بيكون شيء كثير بسيط وسهل بعدين بنتقل لكتابه الفقرات وبعدها بننتهي بكتابه المقالات اللي تتراوح من بين 200 كلمه لحتى 500 كلمه وبعدها بالسنه الثالثه بندرس كيف نكتب البزنس ايميلز وبنكتب الميموران راندومز مادتي الانشاء والترجمه من المواد اللي كثير طلاب بيعانوا فيهم لهذا السبب انا رح اعمل فيديو رح احكي فيه عن ه المواد كيف تدرسوها كيف تجيبوا معدل وكيف تطوروا حالكم بالترجمه لانه في كثير اشخاص بس يخلصوا دراسه هذا الفرع بيتوجهوا للعمل في مجال الترجمه وهلا ننتقل للماده الاكاديميه رقم ثلاثه واللي هي اللينجوستكس او اللسانيات او اللغويات رح احكي عن ماده اللغويات وشو ناخذ فيها بكل فصل فاذا حابين تعرفوا هي المعلوم معلومات فكملوا واذا حابين تنتقلوا للمواد الادبيه ففيكم تقدموا الفيديو شوي رح يكون واضح عندكم العناوين تحت بالفيديو وبالسنه الاولى بناخذ بالفصل الاول ماده اسمها لانجويج نتعلم القواعد بشكل متقدم اكثر غير عن اللي درسناه بالمدرسه ما كثير بتشبه المدرسه من هلا عمخبركم فاللي داخل على الادب الانجليزي يفضل انه يكون متاسس صح بالفصل الثاني بيكون في عننا ماده اسمها الفونتكس او علم الصوتيات بدرس فيها اصوات الحروف باللغه الانجليزيه وخصائصها بالنسبه للسنه الثانيه ففي عننا بالفصل الاول ماده اسمها المورفولوجي او علم الصرف هي الماده بندرس فيها الكلمات ونفكك الكلمات وبنعرف اصول الكلمات هي الماده كانت صراحه ممتعه وحلوه وكانت سهله كمان بعد ما نكون تعلمنا تفكيك وتركيب الكلمه بالفصل الاول بننتقل للسنتاكس واللي هي ماده الفصل الثاني بدرس فيها تركيب الجمله تفكيك الجمله يمكن لما عم اخبركم عن مواد اللغويات بتخافوا شوي او بتحسوهم هيك يعني مملين او هيك او بالسنه الاولى والسنه الثانيه كانوا شوي مملين لانه كانوا هيك كثير بسيطين بعدين لما نروح على السنه الثالثه والسنه الرابعه بصير في متعه اكثر وبيصير في اشياء تشالنجين وبيصير في اشياء حتى تحليليه وهلا نروح على السنه الثالثه السنه الثالثه بندرس ماده اسمها السمانتكس او علم المعاني وهي الماده بنتعلم فيها او نحلل المعاني بسياقات وبدون سياقات يعني بيكون في عننا جمله بسياق او قصه معينه ونح نحاول نحن نعرف المعنى من ه الجمله شو الشخص بيقصد كيف المتلقي فهم كلام المتحدث وهيك فهي كمان كانت ماده ممتعه بالفصل الثاني بندرس ماده سايكو لينجوستيكس وهي الماده كانت من احلى المواد والاشخاص اللي بحبوا السايكولوجي رح تعجبهم هي الماده باختصار ندرس بهي الماده العوامل النفسيه والعصبيه اللي بتاثر على اكتساب اللغه وكيف الانسان يستخدم اللغه ويفهمها وينطقها وحتى بندرس كيف الاطفال اصلا بيكتسبوا كل لغه من هن وصغار هي الماده كانت احلى ماده من بين كل المواد اللغويات يمكن ونيجي هلا للسنه الرابعه والسنه الاخيره واللي بندرس فيها ماده اسمها كونفرنزيشنال انالسيس واللي هي تحليل المحادثه او تحليل الحوار وهي الماده بتدرس فيها التفاعل الاجتماعي بين شخصين واكثر وكيف الواحد يطور فهم افضل او تواصل افضل مع الشخص الاخر اما بالفصل الاخير بندرس ماده اسمها التيسول يمكن سمعتوا عن التيسول من قبل واللي هو اختصار انجلشكر يعني تعليم اللغه الانجليزيه لغير الناطقين بها هي الماده بنتعلم فيها الاستراتيجيات اللي بتساعد اي شخص على انه يكون مدرس افضل كيف انك تخلق جو مناسب للطلاب يبعث على الانجاز فهي الاشياء بناخذها بالسنه الاخيره وبصراحه هي الماده كانت يعني عن جد مفيده كثير وكانت سهله حتى وهلا خلصنا من اللغويات الحمد لله انتقل معكم على اخر ماده اكاديميه وهي ماده الريسيرتش ميثودولوجي او ماده اصول البحث هي الماده بندرس فيها الاستراتيجيات اللي بتساعدنا على عمل بحث ناجح وبنفس الوقت بتعلمنا كيف نحن ندور على المعلومات بشكل صحيح كيف نحط المراجع وكثير اشياء بتخص البحث هي الماده اخذناها بالسنه الثانيه وبصراحه كنت احس انه كان رح يكون افضل لو اعطونا اياها بالسنه الرابعه لحتى اي شخص اصلا حابب انه يعمل بحث تكون المعلومات فريش بعقله ويعمل البحث بشكل سريع لانه كل شيء صراحه اخذناه بالسنه الثانيه بهي هي الماده اغلبنا نسيناها نيجي هلا للمواد الادبيه واللي هي فعليا احلى شيء بالتخصص كلياته مثل ما خبرتكم في عننا مواد بناخذها بس بالفصل الاول وما ناخذها بالفصل الثاني مثلا ماده الشعر ناخذها دائما بالفصل الاول كل سنه وعننا ماده المسرح بناخذها بالفصل الثاني رح ابدا معكم هلا باول ماده ادبيه واللي هي ماده النثر او البروز باختصار هي عباره عن الادب الحر مثل الروايه او القصص القصيره. الماده الثانيه هي ماده الدراما او المسرح هي بناخذ فيه مسرحيات واكيد بنحللهم. الماده الثالثه واللي هي ماده الشعر او البوتري فهي الماده بناخذ فيها قصائد بنحللها كمان وبنعرف معانيها وبالسنه الاولى نبدا من القرن الساب عشر من شيكسبير لحتى ما نوصل بالسنه الرابعه للقرن الع وقائد القرن الع الماده الرابعه ماده الكريتسيزم او النقد ناخذه بس بالسنه الثالثه والسنه الرابعه بنتعرف على مدارس ومناهج نقديه منهج النسوي المنهج النفسي بندرس نظريات فرويد وهي الامور نتعلم ننقد العمل الادبي مناظير مختلفه في ماده احلى من كل ه المواد واللي هي ماده الكل ستديز او الدراسات الثقافيه هي الماده بناخذها بس بفصل واحد بالسنه الرابعه بيدخل فيها كثير امور سياسيه ادبيه كمان نفسيه كيف انه في بعض المجتمعات تنظر لمجتمعات اخرى بسبب حكم مسبق او افكار خاطئه طيب هلا في شغله مشتركه بكل ه المواد الادبيه هي انه نحن بيكون في عننا قسم نظري القسم النظري هو عباره عن انه نحن نتعرف على تاريخ الكاتب لاي عمل ادبي وندرس كمان الاحداث اللي صارت بديك الفتره اللي انكتب فيها هذا العمل احداث تاريخيه اجتماعيه هي الامور كلياتها بناخذها لحتى تساعدنا على فهم الاعمال الادبيه يعني نحن لما ندرس القصيده او ندرس الروايه وما بنعرف اصلا هي قمت انكتبت وليش انكتبت كيف كان الكاتب عم يحس وقتها او شو كان عم يعيش من احداث مهمه بصير كثير صعب انه نحن نفهم العمل الادبي نفسه فمشان هيك القسم النظري كثير مهم لمعرفه وفهم المواد الادبيه لما كنت بالسنه الاولى كنت بحس الموضوع انه ليش لحتى ادرس القسم النظري وكان كثير ممل بالنسبه لي بعدين لما مرت السنين حسيت انه لا يعني القسم النظري هو اهم شيء فعليا وبدونه العمل يعتبر ناقص ممكن يفقد قيمته حتى اوك هلا نحن في عننا اربع مواد رح احكي عنهم بشكل كثير سريع في عننا ماده بالسنه الاولى اسمها ماده اللغه العربيه بتدرس فيها اللغه العربيه على اساس انه هي ماده مساعده في ماده ثانيه اسمها القوميه الوطنيه بدرس في احداث تاريخ سوريا ودرسنا عن فلسطين كمان الماده الثالثه هي ماده اللغه الاوروبيه كيكون في خيار لكل طالب انه يختار يا يدرس اللغه الاسبانيه الالمانيه او الفرنسيه وبتمشي معه هي الماده لثلاث سنوات بالتخصص السنه الرابعه ما بيكون في هي الماده الماده الاخيره هي اسمها هيستوري اوف ليترتشر تاريخ الادب هي الماده كانت كثير طويله ودسمه هي الماده باختصار ندرس ندرس فيها تاريخ الادب ندرس الشعراء كيف تطوروا الشعر ندرس حياه كثير شعراء بنحفظ اعمالهم هلا نجي للقسم الثاني من الفيديو واللي هو اشياء لازم تعرفها قبل ما تدخل على التخصص اول شيء لازم تعرفه انه مش شرط تطلع من التخصص وانت تعرف تتواصل مع الاجانب او تتواصل باللغه الانجليزيه هلا تحديدا عم بحكي عن جامعه دمشق انا ما بعرف بالجامعات الثانيه نحن ما عننا قسم عملي للفرع للاسف يعني ما بيكون في عننا جلسات بنتناقش فيها عن امور وبيكون في مثلا علامات على سبيكين سيشنز او جلسات للتحدث ما في عننا هيك شيء والحضور اصلا ماله الزامي شغله لازم تعرفها هي انه 99% من المحاضرات يتم التحدث فقط باللغه الانجليزيه وهذا الشيء طبيعي يعني حتى لو نحن كنا عرب اوعى ثم اوعى انه تخلي هذا الشيء يعيقك عن دخول التخصص انه بالسنه الاولى بيكون الموضوع شوي صعب بعدين بتبدا هيك تتعود على الجو بتصير تفهم اكثر شو عم يحكوا الدكاتره في دكاتره بيحكوا كلمات عربيه هيك يعني يمزحوا او هيك شيء بس قليل الفكره انه الواحد لو فتح دائما مجال للغه العربيه وكان يضل يترجم وكان يضل مثلا بده الدكتور يحكي معه بس باللغه العربيه فبحياته ما رح يتطور وبحياته ما رح يتقدم باللغه نيجي هلا لحتى نحكي عن ايجابيات التخصص وشو الاشياء اللي ممكن تكسبها لو درست انجليزي اهم ثلاث ايجابيات انه الفرع هذا فرص عمله كثيره بالمستقبل اثنين التخصص هذا يتيح لك عمل ماستر او دراسات عليا تخصصات كثير مختلفه ممكن تكون سياسيه ممكن تكون اعلاميه مش شرط الماستر تبعك ينحصر فقط بالمواد اللي كان لها علاقه بالفرع مثل الترجمه او مثلا الادبيات انا شخصيا بعرف واحده من قرابييننا درسه تخصص اللغه الانجليزيه بعدها عملت ماستر باداره الاعمال من اهم الاشياء اللي رح تكسبها انه التخصص رح يفتح ذهنك لكثير امور ما كنت متوقعها كونه هو تخصص عميق ومتشعب لانك بتدرس في امور كثير مثل السياسه والتاريخ والادب وعلم النفس وعلم الاجتماع تصير تحلل الاحداث اللي عم تصير حواليك بطريقه صحيحه بكثير احيان رح تصير تشوف الامور من منظور مختلف ورحح تصير تعرف كيف تنقد كيف تحلل وكيف تقرا الاشخاص اللي حواليك وتفسر الاحداث اللي حواليك لانه اساسا الادب بالنهايه هو احد الابواب اللي بتعرفنا اكثر على هذا العالم وبتساعدنا على فهمه يعني انا ورفقاتي كنا دائما نقول انه نحن عمجد عم ندرس كل شيء بالتخصص يعني ما عم ندرس بس شيء هيك بسيط كثير عم نتعمق بكثير امور ما كنا نعرف انه رح نتطرق لها قبل ما ندخل هذا التخصص ممتع بشكل كثير كبير وخصوصا للاشخاص اللي بحبوا الافلام والروايات والاعمال الادبيه رح يستمتعوا فيه كثير وبكثير احيان اصلا رح تلاقوا حالكم يعني ما عم تبذلوا جهد ذهني عالي لانه بالنهايه دراسه ماده ادبيه وقراءه تحليلات للماده ما بيكون مثل دراسه المواد اللغويه والترجمه والانشاء بكثير احيان بلاقي حالي تعبانه بس لازم ادرس بعرف انه مخي ما رح يركز بالمواد الاكاديميه كنت انتقل لدراسه المواد الادبيه كونها ما تتطلب مني كثير تركيز وتفكير مثل المواد الاكاديميه طيب نجي هلا ونجاوب على سؤال هل يناسبك هذا التخصص لو كنت انت تحب الادبيات هذا التخصص كثير رح يفيدك وكثير رح تستمتع فيه لغويات ما رح تكون عائق وشيء كثير بشع اصلا بالتخصص والعكس صحيح يعني في اشخاص بعرفهم دخلوا التخصص وهن بحبوا المواد الاكاديميه اكثر وكانوا يلاقوا صعوبه بالمواد الادبيه بعد فتره لاحظت انه كانوا يرجعوا يحكوا لي انه نحن صرنا نحب الادب يعني فكثير سهل انك بيوم من الايام تبلش تحب المواد الادبيه وتحس انه عم تحكي عنك او عم تعبر عنك وبنفس الوقت ستيل في اشخاص من التخصص وفعلا ظلوا كرهانين هي المواد مرحبا يا جماعه انا هلا عم اعدل فيديو واكتشفت انه في مقطع صغير رايح ولكن باختصار كنت عم اجاوب على سؤال هل نقدر نشتغل خلال دراستنا بالتخصص ونجيب معدل عالي كمان فكنت عم بحكي انه تقدروا لو كان الشغل ماله كثير متعب ويفضل انه يكون اون لاين ونصيحه اشتغلوا بالسنه الاولى والثانيه لانه السنه الثالثه تكون كثير صعبه ويا دوب الواحد يرفع مواده ويدرس لها حكيت انه في عوامل اخرى كمان مهمه بموضوع العمل اثناء الدراسه بعرف انه في اشخاص كانوا يشتغلوا وبنفس الوقت يدرسوا التخصص وقدروا يجيبوا علامات طبعا هذا الشيء بيعتمد كمان على عوامل اخرى البيئه اللي انت فيها هل هي مريحه هل كل شيء مهيا لك عامل اخر مهم كثير واللي هو كيف اصلا تدرس الامتحان وهذا الشيء حكيت عنه بالفيديو الماضي فطريقه دراسه الامتحان كمان بتساعدك على انك تجيب معدل عالي حتى لو كنت انت عم تتابع طول السنه ممكن ما تجيب معدل لانك درست دراسه خاطئه طوال السنه معلومه اخيره ومهم انكم تعرفوها دراسه اي لغه بالعالم تتطلب منك جهد شخصي بنسبه كثير كبيره يعني انت ممكن تكون عم تروح على الجامعه تحضر المحاضرات تسمع وكذا لما تكون انت قاعد لحالك بالبيت وطلعت قدامك كلمه جديده بالانجليزي وطنشتها وصار هذا الشيء مره ومرتين وثلاثه مرت عليك كثير امور باللغه الانجليزيه وانت ما عرفتها هذا الشيء رح يعيق بشكل كبير تقدمك باللغه فمشان هيك لما تكون انت لحالك بالبيت ولا عم تدرس اي شيء مهم انك تترجم مهم انك تفهم مهم انك تمارس بينك وبين حالك اللغه باختصار وبكل بساطه فيك تحكي مع حالك قدام المرايه فيك تبعث لرفقاتك فويس نوتس بالانجليزي فيك تساوي كثير اشياء تساعدك على انك تطور اللغه لحالك ما راح يكون في معلمين او دكاتره دائما وفوق راسنا هذا الشيء بيرجع عننا وهو تعلم ذاتي بنسبه 70% وهلا رح نجاوب على السؤال هل ممكن ندخل الادب الانجليزي ونحن انجليزيتنا ضعيفه او ما له قويه كثير رح اقول لكم ايه فيكم تدخلوا التخصص هذا حتى لو القواعد عندكم ما كانت افضل شيء ولكن راح تضطروا تبذلوا جهد زياده باول سنه لحتى تشتغلوا على القواعد بالبدايه لحالكم بالبيت وبعدها تنتقلوا للمواد الثانيه اللي حكيت لكم عنها بدايه الفيديو ولو كانت القواعد اصلا عندك منيحه بس تواصلك مع الاشخاص وكلامك او التحدث عندك سيء فعادي مو مشكله مع الوقت راح تلاقي حالك عم تتطور السؤال الاخير هل نحتاج ايباد او لاب توب للتخصص؟ بصراحه انا بشوف انه اثنيناتهم مو كثير كثير ضروريين ولكن راح يكون افضل لو كان عندك ايباد لانه رح يصير فيك تاخذه وين ما رحت وراح يصير اسهل لما تحمل عليه ملفات ومحاضرات والكتب يا جماعه بظن انه نحن وصلنا لنهايه الفيديو اتمنى تكونوا استمتعتوا بالفيديو واستفدتوا منه خليكم موجودين لانه الفتره الجايه رح اكمل بهي السلسله سلسله الادب الانجليزي نفس ما حكيت لكم ببدايه الفيديو ورحت رح تستفيدوا منها كثير وشكرا مره ثانيه للمشاهده اذا حابين هذا التخصص وناويين تدخلوه خبروني تحت بالتعليقات واذا عندكم اي سؤال حاكوني تحت او ابعثوا لي على الانستغرام حسابي ايه ريتس وراح اتسرف فيكم حتى بالانستغرام شكرا كثير لوقتكم اتمنى لكم اختيار تخصص موفق وبالتوفيق كثير اشوفكم بالفيديو القادم كانت معكم ايه ‏salلام