لوحة الحضور والغياب مبتكرة وتفاعلية لفصول رياض المدرسه الى المدارس

السلام عليكم احلى اخوات واحلى متابعين معكم رحاب عيد معلمه رياض اطفال وقناتي ريري للافكار فكره النهارده خاص بمعلمات رياض الاطفال لعمل لوحه الحضور والغياب ديت الفكره دي انا عاملاها من سنين بس ما شفتش حد عملها ولا نفذها فحبيت ان انا انقلها لكم واعرفكم طريقه عملها هي فكره لذيذه وممتعه وتفاعليه مع الولاد خاصه ان الاطفال هم اللي بيتعاملوا معها بنفسهم دي على شكل عربيات ورسمه مدرسه ورسمه بيت الاولاد بياخدوا العربيه بتاعتهم اول ما يوصلوا للكلاس ويحركوها كده ناحيه رسمه المدرسه وهم مروحين بيرجعوها تاني ناحيه رسمه البيت يلا نعرف طريقتها هنا هعمل نموذج مصغر وهجيب شكل كرتونه بتاعه نتيجه كده انا استخدمت ورق الفطور ممكن تستخدموا اي كرتون يكون متين شويه عندكم وقسمتها من النص وخدت نقطتين على نفس البعد من خط النص علشان خاطر اخرمهم واعمل منهم التعليقه وهنا هقسم طول اللوحه على مسافات متساويه تلاته سم بين كل خط او سطر وسطر او حسب اعملها سطور كده وبين كل سطر وسطر تقريبا 3 سم 3 سم ونص يعني على حسب حجم اللوحه عندي هاخد هنا مسافه سنتي ونص من الطرفين الطرف اليمين والطرف الشمال عشان لما اعمل الخرم يكون بعيد شويه عن اطراف اللوحه ويكون على نفس الابعاد بتاعتي وتبقى بشكل مسابق هنا هخطط طبعا اللوحه كلها اللوحه عندي كانت واخده الخمسين طفل اللي في الفلاس بتاعي طبعا كل واحد على حسب العدد اللي عنده هيعمل الخطوط او السطور دي بعدد الولاد عملت صف او عمود للولاد وعمود للبنات هنا اهوت خدت علامات المكان اللي انا هخرمه وبرضو من عند خط النص عملت علامه لمكان الخرم في العمود اليمين وفي نفس بنفس الطريقه في العمود اللي على الشمال علشان الايه كده انا عملت في الصف الواحد اربع خروم او اربع علامات وسايبه جزء فوق للنموذج بتاع البيت والمدرسه هنا خرمت ببرجل ممكن نخرم بمسمار باي شيء ممكن ان احنا ايه نقدر نخرم بيه بس عشان الورق ده سميك فبيحتاج حاجه تكون جامده شويه هنا بعمل الخرمين بتوع التعليقه اللي فوق اهم شيء ان انا هستخدم انا بوريكم هنا المسافه هنا زي هنا وهنا ده النموذج بتاع رسمه البيت ورسمه المدرسه على البيت بكتب كلمه غياب وعلى المدرسه بكتب كلمه حضور طبعا انا كنت كاتباها بالانجلش علشان المدرسه بتاعتي تجريبي بعد ما هحدد مكان البيت واجهزه يعني هنجهزه بقى بجليتر بكانسون زي ما نحب نطبعه كصوره برضو ايه ديت المتاح عندكم دلوقتي بقى هركب الايه التعليقه او الخيط اللي انا هعلق منه انا استخدمت في التعليق خيط مكرميه واللي في ايدي ده خيط حرير ده انا كنت استخدمته للعربيات عشان ده ما بيقطعش لكن خيط الصوفي الخيوط اللي هي اقطان بتقطع بسرعه بتدوب لكن انا دلوقتي عايزه حاجه تفضل متينه معي وتعيش سنين لازم نختار نوع الخيط يكون كويس دلوقتي بعمل العربيه العربيه بتاعتي كانت مقاسها ثلاثه ارتفاعها والطول بتاعها حوالي 6 او 7 سم بعملها بشكل بسيط جدا نسيت اقول لكم اللوحه الحقيقيه مش النموذج طبعا الحقيقيه كان على ارضها اللي فوق ده 70 والجنب الطويل ده كان 120 سم دلوقتي انا هعمل ورقه على قد الصوره اللي هقصها واركبها على العربيه تمام كده والزقها على العربيه دي اللي هركب عليها الصوره انا كل سنه بركب الصوره بتاعت الولاد اللي موجودين عندي وبخلعها واركب الولاد التانيين اللي ايه اللي جمدات هنا ركبت الشري بشكل مستقيم عشان همرر منه الحبل او الخيط دلوقتي معاد ان احنا نركب الخيط في الاماكن اللي علمنا فيها بوريكم اهوت شكل الشاليموه وهو مربوط في الخيط في طرف الخيط اديت الابره من اول خرم شايفين ماسكه ما بتطلعش ما بيفلتش الولاد مهما شدوا فيها مش هتطلع وكمان هاكد عليها بنقطه شمع كده انا بخلي شغلي متين يستحمل اي استخدام الولاد ساعات بيبقى استخدامه معانيه شويه مع الحاجه باعدي دلوقتي العربيه من الخيط بتاعها وبعدين هنا العلامه اللي في النص ديت انا مش عارفاها فباجي من ورا الجزء اللي احنا علمناه باعدي البرجل او ابره او اي مسمار وابين الخرم اللي هدخل منه كده انا عديت اول عربيه هبدا ان انا اعمل مكان للعربيه التانيه هدخل من هنا من عند النص واشد اهوت كويس اخلي الخيط دائما مشدود واجي معديه العربيه التانيه وهنا مش باين عندي هبينه بالايه بالبرجل واعدي من ايه من نفس الكلام بعد كده من الضهر هنا بحط قطعه شاليموه بعد ما بشد الخيط كويس بحط قطعه شاليموه وارجع بالابره اعدي منها تاني واشد علشان خاطر الخيط بتاعي يفضل مشدود هنا ايه انا ربطت عليه اهو عقدت عليه كويس وبعدين كمان بثبت بنقطه شمع والف كمان مره واعمل عقده كمان كده عشان اتاكد ان انا شغلي جامد ومتين مش هين يقطع ولا هيفلت من البتاع ولا هيرخي اقصها وبعد كده بحط نقطه شمع واجيب ورقه او قطعه جليتر والزقها من ورا على الاطراف كده انا اطمنت ان انا الحاجه بتاعتي متينه مش هتقطع مني ولا هتفلت وكرر الكلام ده بقى في كل الايه السطور شايفين العربيه بتتحرك اهيت الخيط مشدود جميل جدا هركب بقى رسمه المدرسه ورسمه البيت العربيه كده عند البيت يعني معنى كده ان الطفل غايب وعند المدرسه ان الطفل جه المدرسه وبقى حضور تمام هنا خلاص اللوحه بتاعتي جاهزه يا رب اكون قدرت اوصل الفكره وتكون سهله وبسيطه فكرتنا جميله عمليه ممتعه جدا للولاد الولاد كانت بتحضر علشان خاطر تيجي تحرك العربيه بتاعتها اترككم في رعايه الله مع السلامه