مراجعة شهر ابريل علم نفس واجتماع تانية ثانوي أبسط شرح في مصر 2026

مراجعه شهر ابريل بشخصيات كتير السلام عليكم ورحمه الله وبركاته مراجعتنا النهارده مراجعه مختلفه شويه لان انا ناوي اغير الاسلوب بتاعي اللي انت متعود عليه واقدم لك طريقه هي مش غريبه لطلاب المنصه لان هي معموله عشانهم الا وهي العصير بتاع الدروس عصير ايه همسك لك كل درس عند حضرتك في المراجعه هفرمهولك فرم فرم في اسرع وقت ممكن وبخط ايديا بس انت يا مستر مش معودنا على كده والله هتدعي لي لان هتاخد مني المعلومه بطريقه مركزه تخش تقفل بيها الامتحان بس خلي بالك انت هتبقى محتاج تدرب وتحل بعد المراجعه دي ومحتاج كمان ما لازم تذاكر منها وكل ده انا هقدمه لك مجانا مجانا ازاي على المراجعه النهائيه اللي انا بقدمها مش فاهم بص يا بابا انا عامل كورس اسمه كورس الوقت الضايع الكورس ده انا بشرح لك فيه علم النفس وعلم الاجتماع في اقل وقت ممكن وبجوده انت مش هتشوف زيها بفضل الله ليه؟ لان في اسبوعين بس وعلى فكره احنا بدانا والعدد محدود في اسبوعين بس انا همسك في اول اسبوع علم النفس كله افرمه واعصره في اقل وقت ممكن واحل على كل افكاره والاسبوع الثاني همسك علم الاجتماع فرم وحل وكمان احل على كل افكاره وبعد ما هنخلص هنحل امتحانات شامله على المنهج كله ده مش كده وبس ده هيبقى معاك تيم ماده علميه ومعاك تيم متابعه وامتحانات بعد كل جزئيه وكل حاجه انت عايزها هتلاقيها وملازم خاصه بالكورس وملازم هتاخدها هديه بتاعه المراجعه وكل حاجه كل حاجه بمشيئه الرحمن هتاخدها بس انا عايز اقول لحضرتك على حاجه ايه هي بقى الحاجه دي ان انت ممكن كمان لما تشترك معانا تاخد كل ده ببلاش واحد يقول لي يا مستر ودي اعملها ازاي هقول لك دي بقى عشوائيه خالص انت لما بتشترك معانا بعد ما بنخلص الكورس بنشوف الطلاب اللي كانوا معانا تمام ويخلصوا حاجاتهم بنقوم واخدين اسمائهم حاطينها على البورد ونختار 20 طالب بشكل عشوائي نرجع لهم ثمن الاشتراك فانت ممكن بعد ما تشترك فلوسك ترجع تاني وعلى فكره كده كده والله العظيم انت يعني هتدعي لنا على ثمن الاشتراك لان احنا بجد خادمين الدنيا كلها مش انت بس وعشان ماضيعش وقتك تعالى بينا نبتدي ونخش على المراجعه بتاعه النهارده اول درس عندك في علم النفس هناخده هو التفكير ثاني درس نظريه التعلم ثالث درس هو مبادئ التعلم الجيد واسس الاستذكار الفعال اما بالنسبه لعلم الاجتماع فانت عندك الثقافه ثم ثقافه العمل التطوعي ثم العمل الحر ثم العولمه ثم ايه ثم كمان اخر حاجه المشكلات الاجتماعيه دول ثمان دروس يا ابويا بس اقول لك على حاجه هتشوف بقى كل درس هياخد في ايدينا قد ايه مش هياخد في ايدينا غلوه فشوف بقى الجمال اللي انت هتشوفه يلا بينا نخش على اول درس ومع اول شخصيه هتقابلك جوه واحد غير ان شاء الله يلا بينا بسم الله الرحمن الرحيم اللهم اني اسالك علما نافعا ورزقا طيبا وعملا متقبلا اللهم يسر يلا بينا يا بطل نخش نفرم في اقل وقت ممكن الدرس بتاعنا بتاع النهارده اللي هو التفكير عايز افكر مع عليك ان التفكير هو الدرس الاخير في سلسله الدروس اللي احنا خدناها في علم النفس اللي ليها علاقه بالعمليات المعرفيه اللي هي العقليه سواء بقى كان الاحساس او الانتباه او الادراك او الذاكره وفي الاخير بيجي التفكير اللي هو القمه بتاعتهم اللي هو اعلى حاجه لازم تبقى عارف ان التفكير ده الميزه اللي ربنا اداها لنا وميزنا بيها عن سائر المخلوقات وربنا ادانا التفكير عشان خاطر نفكر ونتدبر بيبدا الراجل معايا في الدرس يعرف لي التفكير بشكل بسيط وانا هعرفه لك في ثلاث حاجات بساط جدا اول حاجه ان التفكير بنستخدمه لما بنحاول ندرك علاقه بين حاجتين زي مثلا ايه العلاقه ما بين ان الطالب ده فاشل وما بين ان هو ماشي مع اصدقاء سوق يبقى يبقى هنا في علاقه ما بينهم او انا بستخدم التفكير لما اجي احل مشكله معينه شفت مشكله قدامي فعايز احلها فبستخدم التفكير ماده مش شاطر فيها فعايز ابقى شاطر فيها فبستخدم التفكير او اللي انا ببدا افهم الواقع اللي انا عايش فيه عن طريق التفكير يبقى التفكير معناه ان انا بشغل عقلي بشغل الجمجمه التفكير معناه ان هو عمليه عقليه عمليه معرفيه ابدا افهم علاقه بين حاجتين ابدا احل مشكله ابدا افهم الواقع اللي انا فيه حلو الكلام بعد كده هكلمك على خصائص التفكير حاجه اسمها خصائص التفكير مين ابو دغري؟ الراجل هنا بيقول لي ان التفكير ليه شويه مميزات هم خمسه نشاط عقلي غير مباشر نشاط عقلي غير مرئي نشاط موجه انعكاس للعلاقات في شكل لفظي رمزي وسلوك متطور وغير محدود بمعنى اول حاجه هناخدها هو نشاط عقلي غير مباشر يعني ايه التفكير نشاط عقلي غير مباشر يعني انا يا صديقي لما باجي افكر مش بعتمد على المعلومات اللي قدامي بس لا ده انا بعتمد على معلومات وخبرات قديمه مش فاهم قلت لحضرتك ان انت وانت نازل من بيتك لما بتلاقي الارض مبلوله فانت بتقول ان الدنيا نطرت بالليل ده انت جبت المعلومه دي منين؟ عن طريق الخبرات والمعلومات السابقه بتيجي تحل سؤال مش بتحله مجرد ما بتبص له لا ده انت بتعتمد على الخبرات والمعلومات اللي في دماغك القديمه فده معناه ان التفكير نشاط ماله غير مباشر يعني بيعتمد على ايه على المعلومات والخبرات القديمه ماشي لما نيجي نبص على ثاني حاجه هو نشاط عقلي غير مرئي يعني ايه نشاط عقلي غير مرئي يعني انا مش هعرف اشوف التفكير كده بشكل مباشر لان هو حاجه مش ماديه مش حاجه ملموسه امال ايه؟ هعرف اشوف التفكير عن طريق السلوك عن طريق السلوك يعني انا مش هعرف ان حضرتك دلوقتي دلوقتي بتفكر ان انت تذاكر غير لما اشوفك بتقوم تذاكر تعمل حاجه يبقى انا كده شفت التفكير بتاعك يبقى انا بعرف التفكير من خلال السلوك عشان كده بنقول عليه غير مباشر ثالث حاجه ان التفكير نشاط موجه يعني ايه نشاط موجه يعني موجه لحاجه معينه انت دلوقتي قاعد بتذاكر مركز في حاجه معينه لو في مشكله في السباك هتقوم تتوجه ليها تحلها لو في مشكله في العربيه فانت بتفكر في العربيه وهكذا فده معناه ان التفكير بتاع النشاط او التفكير نشاط موجه وليس عشوائي التفكير انعكاس للعلاقات والرابط في شكل لفظي رمزي يعني ايه؟ يعني انا بفكر وبعبر عن افكاري في شكل الفاظ ورموز الفاظ زي الكلام اللي انا بقوله ده الشاعر لما بيجي يعبر عن احاسيسه بيقول بيوت شعر بيكتب شعر وانا لما بعبر عن افكاري بقول كلام يبقى ده التعبير عنه بشكل لفظي طب ايه شكل رمزي الرموز الايماءات اما اقوللك ما تتكلمش لما اعمل لك كده لما اعمل لك كده دي كلها رموز يبقى انا كده بعبر عن افكاري في شكل الفاظ وفي شكل رموز اخر حاجه هو ان التفكير سلوك متطور سلوك متطور يعني ايه سلوك متطور يعني التفكير ما بيقفش عند حد معين التفكير دايما بينمو بيتطور اكيد تفكيرك النهارده غير زمان غير من سنه غير من سنتين وهكذا وبعد كده هيتطور اكتر طيب يبقى ده كده خصائص التفكير نشاط عقلي غير مباشر يعني بعتمد على الخبرات والمعلومات السابقه نشاط عقلي غير مر يعني بستدل عليه من خلال السلوك نشاط موجه بنعبر عنه في شكل الفاظ وايماءات او رموز وفي الاخير ان هو سلوك متطور يعني بينمو ماشي عندنا بعد كده حاجه اسمها مستويات التفكير حاجه اسمها مستويات الايه التفكير عندنا مستويين للتفكير مستويات التفكير الاساسيه مستويات التفكير العليا قلت لحضرتك مستويات التفكير الاساسيه ده التفكير البسيط اللي هو بتاع الاعمال اليوميه الروتينيه وبيعتمد على التذكر والملاحظه اللي هو تعرف تغسل وشك تعرف تروح مدرستك تعرف تيجي من مدرستك تعرف تاكل تعرف تلبس حاجات بسيطه جدا اما مستويات التفكير العليا هنا انا بستخدم العمليات العقليه بشكل معقد بشكل اكثر تعقيدا وبشكل متوسع اكث ببدا ان انا استخدم عقلي واستخدم مهارات زي مهاره التفكير الابداعي مهاره التفكير الناقد اللي انا اعمل حاجه ابداعيه اللي انا اعمل حاجه جديده اللي انا احل مشكله مش مشكله اي حد يقدر يحلها هنا الفكره وما فيها ان انا بستخدم حاجات مش هعرف استخدمها هنا قدامي ازمه اقتصاديه بحلها عن طريق مستويات التفكير العليا يبقى انا كده لما بقول لك مستويات التفكير فعندي اثنين مستويات التفكير الاساسيه بتاعه الناس العاديه خالص اللي هي البيزك اللي هو زي التذكر ومستويات التفكير العليا بتاعه الناس اللي بتشغل ايه دماغها طيب لما نيجي نتكلم بعد كده على مهارات التفكير ودي اخر حاجه في الدرس اه مهارات التفكير عندنا التفكير يا صديقي بيتكون من سبع مهارات اول حاجه التفسير معناه ان انا بعرف ثواب الحاجه هو الحديد بيتمدد ليه والله بسبب الحراره هو الطالب فاشل ليه والله بسبب اصدقاء السوق يجي يقول لك بقى عوامل اسباب اا ارجاع يقول لك ان العلماء ارجعوا السبب وليكن سقوط الامطار اللي مش عارف ايه يبقى هو كده بيقول السبب ماشي تاني حاجه عندنا المقارنه اللي انا بقارن بين حاجتين جبتلك تليفون وتليفون قلت لك قارن ما بينهم طلع اوجه الشبه واوجه الاختلاف اعرف هنا نقاط القوه نقاط الضعف يبقى انا كده بقارن ده اسمها مقارنه ثالث حاجه عندك اسمها التصنيف اللي انا بصف اللي انا بقسم زي اللي انا عامله ده مش انا حاطط المهارات لوحدها مش حاطط الخصائص لوحدها مش حاطط المفهوم لوحده يبقى انا كده بصنف الحاجات اللي شبه بعضها مع بعض نفس الكلام في المدرسه بتلاقي علم لوحده ادب لوحده مصنفينكم مقسمينكم يبقى ده اسمه التصنيف عندنا بعد كده حاجه اسمها التحليل التحليل اللي انا بفكك الحاجه لو تليفونك فيه مشكله ايه اللي بيحصل الراجل بيفككه عشان بعد كده يعرف المشكله فين ويحلها يبقى التحليل معناه ان انا بفكك الحاجه بيجي بعديها التركيب اللي انا بعد ما فككت الحاجه اقوم مركبها بعد ما فككت التليفون اقوم مركبه تاني عندنا بعد كده حاجه اسمها التنبؤ التنبؤ اللي انا بتنبا بحاجه هتحصل في المستقبل بتوقع شيء انا بتوقع والله حاجه هتحصل في كذا كذا انا متوقع طول ما انت ماشي مع اصدقاء السوق انت ممكن تسقط يبقى ده توقع تنبؤ بحاجه هتحصل في المستقبل اخر حاجه عندنا هي النقض النقد معناه ان انت قبل ما تطلع حكم على اي حاجه تفحصها وتتاكد منها كويس جدا يبقى النقد معناه هو الفحص والتاكد قبل اصدار القرار حضرتك حد نشر حاجه على الفيسبوك قبل ما تصدق الكلام ده لازم الاول تتاكد من المعلومه يبقى ده كده بالنسبه لمهارات التفكير تفسير بعرف السبب مقارنه بقارن بين حاجتين تصنيف يعني بصنف الحاجه في فئات مشتركه تحليل التحليل يعني بقطع الحاجه بجزقها التركيب يعني بعيد تركيب الحاجه والتنبؤ يعني بتنبا بشيء في المستقبل والنقد اللي انا ببدا اتحقق من شيء معين ماشي دلوقتي احنا خلصنا اول درس اللي هو التفكير هنا بقى التريكايه واحد يقول لي يا مستر طب انا الشرح اللي على البورد ده حلو انا معاك في المنصه وجميل وكل حاجه طب انا عايز ملزمه ثانيه اشرح يعني اذاكر منها تشرح منها ازاي هتذاكر منها اقول لك يا بابا ما انت معاك ما لازم المراجعه النهائيه بتاعه كرسي الوقت الضايع ما تفتح يا باشا ملزمه علم النفس وتفتح الجزئيه بتاعه درس التفكير واقراه بس زي الفل مش محتاج بقى ان انا اعمل لك تصميم جديد وتلخبط نفسك ويبقى معاك ما هو خلاص ما انت كده كده معاك اصلا بتاع كرسي الوقت الضايع تمام فعني بقول لك ايه انا بقى عايز اقول لك على حاجه اه والله العظيم انت دلوقتي هتخش تشوف درس نظريات التعلم من اتقل الدروس عندك في المنهج الدرس ده انت هتشوف ليه تلخيص وطريقه شرح ما حصلتش قبل كده يلا دلوقتي يا شباب ان شاء الله هنيجي مع بعض انا وانت نراجع الدرس الطويل اللي احنا خدناه في اقل وقت ممكن وانا هراجعه لك بطريقه جديده مش هتشوفها في مكان ثاني بفضل الله لازم تكون عارف الاول ان الدرس بتاعنا ده اسمه نظريات التعلم وتطبيقاتها التربويه يعني ايه نظريات نظريات يعني قوانين هناخد قوانين في مجال التعليم ونعرف ازاي نستخدم القوانين دي في حته حته التربيه والتعليم او مع الطلاب او مع اي شخص عايزين نعلمه اي حاجه طيب قبل اي حاجه وقبل ما نتكلم في النظريات خليني اقول لك الاول هو يعني ايه تعليم التعليم الراجل عرفه لك بشكل بسيط قال لك والله معناه ان انت سلوكك بيتغير بتتعلم حاجه فسلوكك بيتغير الاول ما كنتش بتعرف تسوق دلوقتي بقيت تعرف تسوق ازاي عن طريق اللي انت اعلمت السواقه فسلوكك اتغير الاول ما كنتش بتعرف تعوم فدلوقتي بقيت تعرف تعوم ازاي؟ عن طريق ان انت تعلمت العوم فسلوكك اتغير فالراجل بيقول لك بشكل بسيط ان التعلم معناه ان انت سلوكك بيتغير سواء حاجه انت اتعلمتها عن طريق الممارسه او حد علمها لك فالاصل في موضوع التعليم ان انت سلوكك بيتغير عشان اتعلمت حاجه طيب الراجل بيقول لك على فكره ان التعليم لا يلاحظ بشكل مباشر يعني ايه لا يلاحظ بشكل مباشر يعني انا بعرف ان انت اتعلمت عن طريق السلوك بتاعك انا مش هعرف ان انت اتعلمت السواقه غير لما اشوفك بتسوق غير كده انا مش هعرف وبيقول لي على فكره ان مش كل تغير يبقى تعلم يعني مش اي حاجه بتتغير فينا يبقى انا كده اتعلمت طب انا بكبر طب هو جسمي لما بيكبر ده كده حاجه اتعلمتها لا ده حاجه بيولوجيه من عند ربنا فعشان كده بنقول لك مش اي حاجه بتتغير فيك يبقى تعلم ولكن التعلم اجباري بيغير فيك يبقى التعلم بيغير ده رسمي لكن مش اي تغير يبقى تعلم يبقى انا كده قلت لك يعني ايه تعلم يعني سلوكك بيتغير قلت لك ان انا مش بلاحظه بشكل مباشر بستدل عليه من السلوك وقلت لك ان مش اي حاجه تتغير فيا يبقى تعلم ولكن التعلم هو اللي بيغير فيا لكن التغير بس مش شرط يكون تعلم ماشي دلوقتي هكلمك وركز معايا وفتح لي ودانك هكلمك على نظريات التعلم احنا عندنا يا مولانا اربع نظريات نظريه التعلم الشرط الكلاسيكي نظريه التعلم بالمحاوله والخطا نظريه التعلم بالفهم والاستبسار نظريه تجهيز ومعالجه المعلومات ماشي ماشي بص كده معايا عندك اول نظريتين دول اول نظريتين دول نظريات ليها علاقه بالسلوك يعني لو عايز اعلم حاجه معينه في السلوك بستخدم اول نظريتين دول يعني لو لقيت في السؤال حاجه ليها علاقه بسلوك معين او بتتعلم مهاره معينه سلوكيه لعبه بقى حاجه ليها علاقه بالانفعالات بالكلام ده كله يبقى هو بيتكلم على اول نظريتين طيب واول نظريتين دول ترابط بيربطوا ما بين حاجتين ا ما بين الجرز والاكل ا ما بين كوره وجسم وهكذا فدي نظريه ترابطيه دي نظريه ترابطيه دي نظريه سلوكيه دي نظريه سلوكيه طيب ابدا افرق ما بينهم ازاي بس قبل ما تفرق ما بينهم لازم تكون عارف ان دي بتاعه الكلب نظريه او تجربه الكلب ودي بتاعه القطه اللي عمل هنا بافلوف واللي عمل هنا ثروندايك ماشي النظريه دي الكلب ركز الكلب في شخص علمه فدور المتعلم هو مين اللي كان بيتعلم هنا الكلب دوره سلبي في حد بيعلمه ركز في الفكره دي فلما تلاقي في السؤال ان في شخص بيعلم شخص او شخص بيحل مشكله نفسيه لشخص اختار الشرط الكلاسيكي لان انا قلت لك ان النظريه دي قايمه على فكره ان انت لو عندك مشكله مثلا بتخاف من حاجه خليك ما تخافش منها ما بتحبش المدرسه خليك تحبها عن طريق اللي انا احط لك مثلا حصه العاب فهنا اللي انا عايز اوصله لك في النظريه دي ان هي ا سلوكيه وا ترابطيه بس المتعلم دوره سلبي اما النظريه دي بتاعه المحاوله والخطا المتعلم دوره ايجابي ليه القطه هنا هي اللي كانت بتعلم نفسها بتحاول تطلع من الايه من الصندوق او من القف حفص فعشان كده دور القطه هنا ايجابي تاني اول نظريتين لهم علاقه بالسلوك والترابط نظريه التعلم الشرطي الكلاسيكي بتاعه بافلوف لما عمل تجربه على الكلب نظريه المحاوله والخطا بتاعروندايك لما عمل تجربه على القطه هنا المتعلم اللي هو بيتعلم اللي هو الكلب دوره كان سلبي حد بيعلمه هنا القطه اللي بتتعلم دورها كان ايجابي طيب اما النظريتين اللي بعد كده الفهم والاستبسار وتجهيز علاجه المعلومات هم نظريتين لهم علاقه بالعقل والجانب المعرفي في العقل فلما تلاقي اي سؤال بيكلمك على حاجه ليها علاقه بالعقل اعرف ان النظريتين اللي بعد كده وهنستبعد الاثنين دول طيب ايه الفرق ما بين نظريه التعلم بالفهم والاستفسار ونظريه تجهيز ومعالجه المعلومات مبدئيا النظريه دي بتاعه ثلاث علماء المان كوفكا كوهلر فريد هايمر كوفكا كوهلر فريد ايه هايمر اما دي بتاعه واحد اسمه نورمان واحد اسمه نورمان ماشي التجربه بتاعه الفهم والاستبسار كان فيها تجربه القرد لما حطينا القرد وشويه الموس فوق والعصايه والصناديق وعشان يطلع يجيب الموس اما دي ما فيهاش ايه تجارب ماشي نظريه التعلم بالفهم والاستبسار قايمه على فكره ان انت بتفهم الموضوع تفهمه بشكل كلي تدركه تدرك العلاقات تدرك العناصر بعد كده توصل لحل اما نظريه تجهيز ومعالجه المعلومات قايمه على فكره ان انت بتستقبل معلومات بتخزن معلومات بتحط معلومات في الذاكره بعد كده تبدا ان انت تحل يعني انا لو جاللي في السؤال حاجه ليها علاقه بالفهم والادراك والعلاقات يبقى دي الفهم والاستفسار لو جاب لي في السؤال حاجه ليها علاقه بالمعلومات وبخزن معلومات في الذاكره والكلام ده يبقى ده تجهيز ومعالجه المعلومات بالضبط كده ماشي يبقى كده بسم الله الرحمن الرحيم لما بنيجي نتكلم على الاربع نظريات اول نظريتين لهم علاقه بالسلوك والترابط ثاني نظريتين لهم علاقه بالفهم والعقل او لهم علاقه بالعقل بشكل عام النظريه الاولى الشرط الكلاسيكي بتاعه بافلوف بتاعه الكلب الكلب هو اللي كان في شخص بيعلمه اما ثاني نظريه فهي السلوكيه بتاعه ثروندايك بتاعه القطه القطه اللي بتعلم نفسها والاثنين لهم علاقه بالسلوك اما النظريتين اللي بعد كده نظريه الفهم والاستفسار بتاعه كفكا وكهل وفريد هايمر ودول علماء المان ودول عملوا تجربه على قرد ودول كانوا شايفين ان التعلم عن طريق الفهم والادراك بتاع العلاقات اما اخر نظريه بتاعه تجهيز ومعلكه المعلومات بتاعه نورمان ما كانش فيها تجربه وكانت شايفه ان التعلم بيتم عن طريق المعلومات اللي انت بتخزنها وبتدخلها فين في الذاكره وان انت تبقى عامل زي الكمبيوتر انا كده فرقت لك ما بين الاربع نظريات طيب دلوقتي هبدا اكلمك على التطبيقات التربويه لكل نظريه كل نظريه من دول قالت لك ان احنا هنستخدم الطريقه بتاعتنا في ان احنا نحل بيها مشاكل في مجال التربيه والتعليم اول نظريه مثلا نظريه التعلم الشرط الكلاسيكي من خلال النظريه دي انا ممكن اقدر افسر ردود الافعال الانفعاليه يعني اعرف الطفل ده بيخاف من الظلام لان هو لما كان بيبقى الدنيا ضلمه كان بيسمع اصوات فانا كده عرفت المشكله فين وابدا ان انا احلها له قال لك عن طريق النظريه دي اقدر اعمل حاجه اسمها الاشتراط المضاد او العكسي يعني ايه الاشتراط المضاد او العكسي بتخاف من حاجه خليك ما تخافش منها بتخاف من الضلمه هخليك تخش الضلمه ومعاك حد بيطمنك فده اسمه اشتراط مضاد هخليك الحاجه اللي بتخاف منها او عندك مشكله فيها احلها لك خلي بالك ان النظريه دي هتلاقيها بتركز قوي قوي قوي على الحته الحته بتاعه النفسيه حته المشاعر ماشي قال لك يا فندم تكوين اتجاهات موجبه عايز اخليك تروح المدرسه وتحب المدرسه فهعمل لك في المدرسه حصص العاب كتيره فتروح المدرسه عن طريق الربط خلي بالك كلها قايمه على فكره الايه الربط النفسيه والربط بربط لك ما بين حاجات طيب احلال او اطفاء نماذج شرطيه بمعنى احلال نماذج شرطيه جديده واطفاء نماذج شرطيه غير مرغوبه بمعنى انت دلوقتي بتاكل اكل من الشارع وما بتاكلش اكل البيت فانا هخليك ما تاكلش اكل الشارع واخليك تحب اكل البيت عن طريق ان انا اعمل لك مكافات فهنا انا بطفي حاجه مش مرغوبه وبحط فيك حاجه مرغوبه اخيرا تعليم القراءه للاطفال ازاي عن طريق اللي انا بربط الصوره بالكلمه حط لك صوره اسد وتحتها كلمه اسد فاربطهم ببعض فانت كده بيبقى عندك ايه مربوط في دماغك كطفل ان لما شفت كلمه اسد ده ا بعرفها عن طريق الصوره ولما بشيل الصوره صوره خلاص انا عرفت الكلمه طيب التطبيقات التربويه التطبيقات التربويه في نظريه التعلم بالمحاوله والخطا نظريه التعلم بالمحاوله والخطا لما تبص عليها هتلاقي ان اول حاجه استثاره دافعيه المتعلم انا بسير دافعيتك عن طريق ان انا بخليك بخليك تختار الحاجه اللي انت عايزها ما هو التعلم بالمحاول الخاطئ اللي انت بتحاول وبتجرب زي القطه فانت هنا بخليك تحب الحاجه اللي انت عايزها اثنين الممارسه اساس عمليه التعلم لو عايز تتعلم اي حاجه مارسها كتير لاعب كره القدم عايز يبقى شاطر يتدرب كتير ثلاثه تقويه الرابطه بالتكرار لو انا عايز اقوي اي حاجه عندك اي حاجه عندك بقويها بالتكرار والممارسه اخيرا التمهيد للدرس يساعد على فهم الدرس انا عشان اشرح لك اي حاجه لازم انا امهد لك الدرس واشرحه لك اوديك فكره عنه عامه الاول عشان تبدا ان انت تستوعبه بعد كده ماشي عندنا بعد كده ال التطبيقات قات بتاعه نظريه الفهم والاستبسار النظريه دي التطبيقات بتاعتها اللي احنا نقدر نستخدمها في مجال التربيه والتعليم اللي احنا بناكد على ان الفهم اهم من الحفظ احنا بنفهم مش بنحفظ تنظيم الخبرات بطريقه كليه اي معلومه عنك تنظمها كده بشكل كلي بتاخد درس تنظمه بشكل كلي وتفهم الدرس ده الغرض منه ايه زي ما انا دايما بحاول اعمل معاك كده طيب ادراك العلاقات بين الدروس والمواقف بتدرس اي حاجه فت تدرك العلاقات اه العلاقه ما بين الفهم والاستفسار واللي بعديها ان ده تايم على الفهم والتايم قايمه على التخزين والحفظ يبقى انا كده بترك العلاقه ما بين الحاجات وبعضيها طيب توضيح الشبه بين الجديد والقديم بدرس حاجه جديده اعرف ايه الشبه ما بينها وما بين القديم بربط اخيرا الادراك الكلي ليس نتيجه ادراك الاجزاء عايز يقول لك ان انت لما بتدرك حاجه كلها على بعضها مش معناها ان انت بتدرك كل جزء لوحده لا انت بتشوف الحاجه كلها على بعضها انت دلوقتي شايفني كل على بعضي مش معناه ان انت مدرك بقى العين لوحدها والايد لوحدها بعد كده جمعتهم لا انت بتدرك الحاجه كلها على بعضها الادراك كلي طيب عايز اقول للمعليك حاجه ان كان برده من ضمن الحاجات اللي موجوده بس في الفهم والاستبسار ان كان في شويه خصائص اول حاجه ان احنا بننتقل للحل فجاه فاكر ان القرد مره واحده وصل للحل ثاني حاجه ان هو بيبقى خالي من الاخطاء في الاغلب نظريه الفهم والاستفسار ما يبقاش فيها اخطاء لان انت بتفهم رابع حاجه ان لما بتتعلم حاجه عن طريق الفهم والاستبسار بتحفظها مش بتنساها وبتقدر يحصل حاجه اسمها انتق قول الاثر التعلم ما دام فهمت حاجه تقدر تطبقها في حاجه ثانيه فهمت قاعده نحويه تطبقها في موضوع في مثلا موضوع تعبير عندنا برده ان هي موجوده على جميع الكائنات معظم الكائنات الحيه معظم الكائنات الحيه عندهم حته الايه التعلم بالفهم والاستبسار او حته الادراك واخيرا لا يحدث له انتفاء يعني مش بتنطفي بسرعه تفضل موجوده معاك اخر تطبيقات تربويه هتكون موجوده في تجهيز ومعالجه المعلومات تجهيز ومعالجه المعلومات ازاي قال لك والله ان اول حاجه تجيز معه المعلومات اللي هي بتاعه الحفظ بتاعه المعلومات اول حاجه بتساعدنا في فهم العمليات المعرفيه المركبه لو في عمليه مركبه بتتكون من حاجات كتيره يعني مثلا زي ما قلت لك لو انت مسكت حاجه سخنه فبتسحب ايدك فانت هنا عديت على الاحساس والانتباه والادراك والذاكره وكل الكلام ده اللي بيخليك تفهم الكلام ده المعلومات اللي في دماغك فبالتالي بتقدر تفهم العمليات المركبه اثنين التكرار اللفظي هي اصلا النظريه دي قايمه على الحفظ فبيقول لك ان انت لما بتكرر كتير الطفل بيحفظ سلوك الانسان اي سلوك الانسان بيعمله بيكون نتيجه ل التفاعل ما بين الخبرات السابقه والموقف الحاضر انا تعرضت الموقف دلوقتي فرد فعلي بيكون نتيجه الخبرات اللي عندي قبل كده والموقف اللي انا تعرضت له بيقول لك بعد كده التدريس الموزع افضل من المركز انت لما بتدرس حاجه بشكل موزع على فترات طويله احسن من تقعد مره واحده تدرس الحاجه المعنى اكثر دوما لازم تبقى عارف ان الحاجه اللي بيبقى ليها معنى وليها علاقه بارض الواقع بتدوم اكتر الانتقال والتطبيق الايجابي للمتعلم لازم اي حاجه تتعلمها تنزل تطبقها لو انا قلت عليكي على طريقه الطبخ مليون مره افضل حاجه اللي انت تنزلي تطبقيها مش هتنسيها الاهتمام بنشاط المتعلم لازم تبقى نشط وانت بتتعلم عشان تعرف تستقبل المعلومه واخيرا لازم المعلومات بتاعتك او بنقدر نعمل حاجه اسمها اتصاق معالجه المعلومات مع الكمبيوتر ان المعلومات اللي بتخش لك تبقى عامله زي الكمبيوتر تفضل ترتبها وتظبطها عشان تعرف تحل اي مشكله قدامك طيب الراجل بعد كده بيقول لك سلمها وقول يا رب عينيا حاضر دلوقتي هناخد القوانين بتاعه كل النظريات على بعضها لو تفتكر اول نظريه ان هي نظريه تعلم الشرط الكلاسيكي كان فيها ثلاث قوانين قانون التدعيم قانون الانتفاق قانون الاسترجاع التلقائي قانون التدعيم بشكل بسيط انا بربط لك ما بين حاجتين حتى انا كاتبها لك بالبلدي بربط لك ما بين حاجتين الطالب بيحل فبدي له مكافاه عشان اخليه يفضل يحل على طول الطالب يجاوب فادي له مكافاه ا الابن يعمل حاجه كويسه فكافئه فده اسمه ربط تدعيم تمام؟ لازم يكون العدد كتير والمكافاه تكون سريعه. الانطفاء العكس بفصل ما بين حاجتين مثلا الام ابنها على طول عمال يعيط عشان خاطر حاجه معينه ما بردش عليه بسيبه بستجهله فانا كده بفصل حاجتين بفصل العياط والحاجه اللي هو عايز يوصل لها فبعمل له عمليه كف او عمليه توقف للحاجه اللي هو دايما متعود عليها. اخر حاجه قانون الاسترجاع التلقائي هي بيقصد بها ان بعد فتره ممكن الطفل يرجع يعمل تاني حاجه او يرجع يصرخ زي ما كان بيصرخ فابدا ان انا استجيب ليه فهنا ممكن الصراخ ده يرجع تاني بس مش بنفس القوه هندي مثان ثالث يلم كل الحاجات دي اول حاجه التدعيم بربط ما بين حاجتين طالب بسال سؤال فالطالب بيرفع ايديه بيجاوب فبدي له مكافاه فانا كده بعمل له تدعيم طيب الانطفاء بسال سؤال الطالب بيرفع ايديه فما بخليهوش يجاوب فبيحصل له انتفاق. ثالث حاجه الاسترجاع التلقائي. ممكن لما اسال سؤال ثاني الطالب ده يرجع اه يرفع ايديه اني بس مش بنفس الحماس بتاعي الاول لما كنت بدي له ايه مكافاه وادعمه. طيب لما نيجي نرجع مش نرجع بقى لما نيجي نكمل ونخش على الثلاث قوانين اللي بعد كده ودي قوانين لهم علاقه بنظريه التعلم بالمحاوله والخطا اللي هي بتخليك تدرب كتير وتحاول لحد ما توصل للصح. اول قانون كان عندنا اسمه قانون الايه؟ التمرين. قانون التمرين ده كان منقسم لحاجتين الاستعمال او الاهمال وعدم الاستعمال. هنا بيقول لك لو عايز تتعلم حاجه اتدرب عليها كتير ده اسمه التمرين. عايز تبقى شاطر في الكوره ادرب كتير. عايز تبقى شاطر في الحل ادرب كتير. طب عكسها عدم الاستعمال او الاهمال اللي انت ما تدربش او ما تحلش كتير. طيباني قانون اسمه قانون الاثر بيقول لك والله ان الفكره هنا مش على فكره بس التكرار لا على فكره الشعور اللي بيجي لك. هل انت لما بتحل سؤال بتحس بعديه براحه؟ فانت اكيد لو حسيت براحه هتحب ان انت تحل صح بعد كده. هل انت لما بتدرب على حاجه معينه بعد التدريب بتحس ان انت مبسوط ولا عادي؟ لو بتحس ان انت مبسوط فانت اكيد ده هيخليك تكمل. فالاثر يقصد به الشعور وليس التكرار اللي انت مرتاح. الاستعداد او التهيج قلت لك ان هو بيصف الاثر بيوضح لك انت جاهز ولا مش جاهز. بشكل بسيط لو قلت الم عليك ان انت ان في سؤال دلوقتي انا هساله وانت دلوقتي لو جاهز ان انت تجاوب وجاوبت هتحس بروحك طيب لو جاهز وما جاوبتش هتحس ان انت مش مرتاح طب لو مش جاهز وانا اكبرتك ان انت تحل هتحس ان انت برض مش مرتاح فقانون الاستعداد هو بيقصد بيه بيصف الحاله بتاعتك ان جاهز ولا مش جاهز طيب يبقى التمرين بكرر الحاجه او بتدرب على الحاجه كتير ده اسمه الاستعمال عدم الاستعمال اللي انا ما بكررش الحاجه او ما بتدربش عليها عندنا الاثر اللي هو الشعور اللي بيجيلك بعد كده هل انت مرتاح ولا مش مرتاح عندنا الاستعداد او التهيؤ هل انت جاهز ولا مش جاهز جاهز وعملتها هتبقى مرتاح لو مش جاهز وحد جبرك اللي انت تعملها هتبقى غير مرتاح اخر ثلاث قوانين عندنا هي القوانين المرتبطه بنظريه تجهيز ومعالجه المعلومات لان زي ما انت عارف ان نظريه الجشتلت ما فيهاش قوانين اول حاجه قانون العلاقه السببيه بيقول لك اللي انت بتفهم الحاجه طول ما انت عارف ان في سبب ونتيجه الواد ده بيجتهد لان عايز يطلع الاول الميه بتغلي لان في درجه حراره وهكذا يبقى دي اسمه العلاقه السببيه سبب ونتيجه التعلم السببي انا بعمل الحاجه عشان نتيجتها مرغوبه وما بعملش حاجه عشان نتيجتها غير مرغوبه انا بنضف البيت عشان ماما بتكافئني ومش بضرب اخويا عشان ماما بتعاقبني يبقى ده اسمه التعلم السببي بعمل عشان خاطر حاجه التغذيه الراجعه بيقول لك ان المعلومات اللي انت بتلمها هتنفعك دخلت دلوقتي امتحان وجبت فيه درجه ممكن تكون مش حلوه بس المعلومات اللي اخدتها في الامتحان ده هتفيدك بعد كده لما تخش امتحان اني اللي انت تستفاد منها وتصحح الاجابات بتاعتك طيب يبقى تعلم سبب العلاقه السببيه سبب ونتيجه التعلم السبب النتيجه مرغوبه ونتيجه غير مرغوبه التغذيه الراجعه معلومات هتنفعني بعد كده طيب مصطلحات احنا خدناها في التعلم الشرط الكلاسيكي بس انا حطيتها لك في الاخر لو تفتكر كان عندنا مثير طبيعي اللي هو الطعام بتاع الكلب صح المثير الطبيعي اللي هو الطعام بينتج عنه ايه؟ الاستجابه الطبيعيه اللي هو اللعاب. هل حد هنا علمه؟ لا. هل هنا حد فاهمه؟ لا. ده. ده بيبقى فطري بيبقى غير متعلم يعني من عند ربنا كاني بشكك فانت بتسحب ايدك. طيب عندنا بعد كده مثير دخل في التجربه بيكون مثير غير محيد اللي هو الجرس. بس الجرس ده في البدايه في البدايه في البدايه هل بيبقى ليه تاثير؟ لا ما بيصدرش عنه تاثير ليه؟ لان هو لا يؤثر ما ارتبطش بالايه؟ ما ارتبطش بالطعام طب لما يرتبط بالطعام ويتكرر الموضوع ده ويحصل له عمليه تدعيم بيخش الجرس بس بعد كده بقى بعد مرات بينتج عنه استجابه بنسميها استجابه شرطيه الجرس هنا بقى اسمه مثير شرطي والاستجابه بقت استجابه الشرطيه اللي هو اللعاب ولكن هنا اللعاب بيكون ماله بيكون مكتسب متعلم يعني مش فطري ليس فطري مش فطري يبقى انا كده عندي المصطلحات مثير طبيعي حاجه من عند ربنا طبيعيه زي الطعام بتخلي الكلب ينزل العيب فدي استجابه طبيعيه وعندي مثير محيد اللي هو الجرس في البدايه قبل ما اربطه قبل ما اربطه بالطعام الكلب لما بيسمعه ما بيعملش اي رد فعل طب الجرس ده بعد ما دخلته مع الاكل مره واتنين وثلاثه و10 و100 الكلب بقى يسمع الجرس اللي هو بقى الجرس هنا اصبح مثير شرطي بقى يطلع الكلب لعاب عن طريق الجرس فبقى يطلع حاجه اسمها استجابه شرطيه اللي هو اللعاب بس ده بيكون مكتسب ومتعلم وليس فطري طيب حلو الكلام كان في جزئيه عندنا موجوده في نظريه تجهيز ومعلاجه المعلومات اللي هي بتتكلم على فكره ان انت لما بيجي لك اي معلومه ازاي بتخشها او بتدخلها في دماغك قلنا اول حاجه الاستقبال اللي انت بتست تستقبلها عن طريق الحواس ثاني حاجه الترميز اللي انت بتديها معنى زي بالظبط كده لما بتستقبل الضوء الاحمر عن طريق الحواس وبعد كده بتفهم ان الضوء الاحمر ده معناه ان انت تقف زي الاشاره فانت كده اديته رمز اديته معنى في دماغك بعد كده الاحتفاظ بتحتفظ بالمعلومه في دماغك واخير الاسترجاع اللي انت بترجع المعلومه دي وقت ما تكون عايزها بترجع المعلومه وقت ما تكون عايزها وقت ما تكون عايز المعلومه في دماغك دي بتسترجعها كده على فكره احنا راجعنا الدرس كله ولكن في شكل شويات في شكل شويه حاجات شويه حاجات شويه حاجات شويه حاجات راكعنا الدرس كله اظن ان الطريقه دي لذيذه جدا ولمت الموضوع بشكل جميل جدا صدقتني لما قلت لك ان الدرس بتاع نظريات التعلم ده انت هتشوفه بطريقه ما شفتهاش قبل كده صدقتني طيب احنا كده خلصنا نظريه التعلم فاضل لنا درس علم اجتماع علم اجتماعي يعني انا مال دماغي مالها فاضل لنا درس يا عم علم نفس ونخلص قصه علم النفس يلا بينا والدرس بتاعنا بتاع النهارده هو اسمه مبادئ التعلم الجيد واسس الاستذكار الفعال وزي ما قلت لك ان هو درس من ابسط واسهل الدروس الدرس ده بشكل بسيط عباره عن عنوانين وكل عنوان نازل منه شويه عناصر اول عنوان اسمه مبادئ التعلم الجيد ايه القواعد اللي تخلي التعلم جيد ونازل منه خمس عناصر وتاني عنوان اسمه اسس الاستذكار الفعال ازاي اذاكر الاستذكار هو المذاكره ونازل منه اربع عناصر فدلوقتي احنا نبتدي عندنا بمبادئ التعلم الجيد في خمس عناصر الدافعيه والتعلم التعزيز والتعلم الممارسه والتعلم والدور الايجابي للمتعلم وانتقال اثر التعلم طب واحده واحده اول حاجه الدافعيه والتعلم الدافعيه والتعلم كلمه دافع معناها هدف فالراجل بيقول لك لو انت عايز تتعلم اي حاجه لازم يكون ليك هدف عايز والله يعني تخش كليه معينه عشان كده بذاكر عايز اخش كليه شرطه كليه تجاره كليه حقوق عايز اخش اي حاجه فانا عندي هدف بس عشانه عشان كده انا بتعلم ونفس الكلام الحيوان عشان يتعلم كان في دافع بيحركه ولكن الحيوان الدافع بتاعه دايما بيبقى الجوع بيبقى الاكل اما انت مش الجوع ولا الاكل انت بيبقى عندك اهداف اجتماعيه مكتسبه حاجات عايز توصل لها عشان كده بتتعب وبتتعلم عشانها ثاني حاجه التعزيز والتعلم التعزيز والتعلم بيقول لك لو انت عايز تتعلم حاجه لازم يكون في مبدا التعزيز التعزيز ده عباره عن حاجتين لا تعزيز موجب لا تعزيز ز سالب التعزيز الموجب اللي هو المكافات الدرجات الجوائز كلمات الثناء والشكر فاي حد لما بيتعلم حاجه وبدي له نجمه بدي له مكافاه بقول له برافو بشجعه بيحب ان هو يتعلمها وبيحس بالراحه وبيحس بالرضا فبيكمل في التعليم اما التعزيز السالب فده العقاب فده ان انا احرم شخصي من حاجه وده ليه يعني ميزه ان انا لما بحرم شخص من حاجه بخليه من جواه يتحرك ان هو بعد كده ما يعملش ده ثاني بخليه يتحرك ان هو ما يغلطش الغلطه دي ثاني فعشان كده التعزيز السالب مش شرط ان انا اعاقبك ممكن ان انا وليكن عملت امتحان الطلاب اللي جابوا درجه كويسه خدوا مكافات واللي ما جابوش ما اخدوش ما هو ان هم ما ياخدوش ده اسمه تعزيز سالب فالتعزيز السالب ده ممكن يكون ان انا بمنعك من مكافاه او جايزه فبالتالي تشد حيلك وتبدا ان انت المره الجايه تطلع وتجيب درجه افضل. طيب عندنا بعد كده من ضمن مبادئ التعلم الجيد الممارسه والتعلم. الراجل بيقول لك الممارسه في منها نوعين في ممارسه موزعه وفي ممارسه مركزه. الممارسه الموزعه معناها ان انت بتذاكر في فترات قصيره وفي ما بينها فترات راحه. اما الممارسه المركزه اللي انت تقعد وقت طويل بتذاكر من غير راحه طبعا الافضل الممارسه الموزعه اللي انت بتذاكر في وقت قصير وفي فترات راح فانت بتاخد المعلومه بشكل هادي وشكل لذيذ وشكل كويس طبعا اللي افضل الممارسه الايه؟ الموزعه افضل من المركزه ماشي الراجل بعد كده بدا يكلمني على حاجه اسمها الدور الايجابي للمتعلم عايز يقول لي ان والله كل ما انت ما بتتعلم علم حاجه وتبذل فيها مجهود كل ما تعلمك ليها بيكون افضل فانت دلوقتي بتذاكر ماده الماده دي هتكون افضل فيها لما تلخص لما تعمل ا لنفسك خرائط ذهنيه لما تحط اسئله لما تفكر فده اسمه الدور الايجابي للمتعلم كل ما بتزود مجهود كل ما تعلمك يبقى افضل اخر حاجه انتقال اثر التعلم بيقول لك ان انت والله لو عايز تتعلم حاجه وعايز الحاجه دي تثبت لازم تبقى عارف ان الحاجه دي هتفيدك في حاجه تانيه يعني انا هتع تعلم قاعده النحو دي عشان هستخدمها في التعبير انا هتعلم سوا المكن او سواات العجل عشان هتفيدني في سواقه الايه الموتوسيكلات فانتقال اثر التعلم معناه ان انا بتعلم حاجه بتفيدني في حاجه ثانيه الراجل بيقول لك عشان تتعلم اي حاجه وتفيدك في حاجه ثانيه لازم يكون في حاجتين لازم تبقى انت عارف ان في عناصر مشتركه ما بين ده وده يعني انا مثلا بتعلم سواقه العجل فانا بعد كده هروح اتعلم سواقه المكن فانا واصل لي ان الاثنين شبه بعض في حته ان الاثنين عباره عن عجلتين ومحتاجين توازن فانا كده بادرك العناصر المشتركه ما بينهم تاني حاجه الفهم اللي انا افهم بقى هم متشابهين في ايه ومختلفين في ايه لا ده انا هنا ببدل برجليا لا ده انا هنا بمشي بالبنزين والدبرياش والفرامل وحاجات كده يبقى انا كده هنا بفهم العناصر المشتركه بفهم ان في عناصر مشتركه ما بينهم هنا انا بفهم بقى ايه هي العناصر دي واعرف هم متشابهين في ايه ومختلفين في ايه يبقى دول الخمس مبادئ اول حاجه الدافعيه والتعلم اللي انا عندي دافع بيحركني التعزيز والتعلم اللي هو المكافات او العقاب والممارسه اللي هي الموزعه والمركزه والموزعه افضل والدور الايجابي للمتعلم المجهود اللي انت بتبذله عشان تتعلم حاجه بيخلي التعلم افضل وفي الاخير انتقال اثر التعلم اللي انت بتتعلم حاجه فتفيدك في حاجه ثانيه اما بالنسبه للجزء الثاني من الدرس فهو اسس الاستذكار الفعال ازاي اذاكر بشكل فعال قال لك والله عندنا اربع حاجات الانتباه زياده الرغبه في الاستذكار المشاركه النشطه واستخدام طرق القراءه الجيده اول حاجه الانتباه اسمه الانتباه الفعال حضرتك عشان تقعد تذاكر وتبقى منتبه وتقدر ان انت تحصل معلومات كتيره اول حاجه تخصيص وقت محدد للمذاكره لازم يكون في وقت كده تايم معين ده بتاع المذاكره انا بذاكر كل يوم من الوقت الفلاني للوقت الفلاني ده ثابت بتاع مذاكره اثنين تخصيص مكان معين للاستذكار لازم يبقى في مكان خاص بالمذاكره مكان يكون بعيد عن الدوشه بعيد عن اماكن النوم يبقى ده برده بتاع المذاكره ثلاثه اللي انا اتخلص من المشكلات النفسيه لو في مشكله عندي حد مضايقني بفكر في حاجه انسى كل الكلام ده او احل المشكله قبل ما اذاكر عشان دماغي ما تسوحنيش وابقى مركز في المذاكره بس وفي الاخير ان احنا نتدرب على ظروف المذاكره المتغيره مش شرط دايما اذاكر والجو هادي لما يكون الجو دوشه اتعود اقعد اذاكر يبقى دي اول حاجه من الحاجات اللي ليها علاقه بالاستذكار الفعال اللي هو الانتباه وقت معين للمذاكره مكان معين للمذاكره احل مشاكلي قبل ما اذاكر واتدرب في مذاكره في اوقات مختلفه. طيب عندنا بعد كده زياده الرغبه في الاستذكار. زياده الرغبه في الاستذكار دي مربوطه بالدافعيه والتعلم يعني عامله كانك عندك هدف عايز توصل له. هنا بيقول لك لو انت عايز تزود رغبتك وتزود محبتك للمذاكره اول حاجه التفكير في الهدف اللي انت عايز توصل له. والله انا بذاكر عشان خاطر عايز اخش كليه معينه. والله انا بذاكر عشان خاطر ارض ابويا وامي. يبقى ده اسمه التفكير في الهدف. اثنين التنافسيه مع مين؟ مع نفسك. لازم تحط لنفسك مستوى تحاول ان انت تتعداه انا بخلص مذاكره والله في ساعتين لا انا هخلصها في ساعه ونص يبقى انا كده بتنافس مع نفسي ده بيشجعك جدا على المذاكره وبيزود رغبتك على المذاكره اخر حاجه هي تحديد وقت للانتهاء من المذاكره هنا انا بحدد وقت اذاكر فيه هنا انا بحدد وقت انهي فيه المذاكره يبقى انا عارف ان انا الساعه بتيجي واحده انا بخلص مذاكره فده بيزود رغبتك اللي انت تخلص يبقى زياده الرغبه في الاستذكار اللي انا بفكر في الاهداف اللي انا بتنافس مع زادي اللي انا بحدد وقت اخلص فيه مذاكرتي عندنا بعد كده المشاركه النشطه المشاركه النشطه شبه الدور الايجابي للمتعلم الراجل بيقول لك ان تعليمك بيكون افضل وبيكون اكثر ايجابيه لما انت بتشارك وبتشتغل وبتعمل نشاط طب بعمل نشاط ازاي؟ قال لك والله عن طريق المراجعه تقف بين الحين والاخر تراجع الكلام اللي انت اخدته زي ما انا بعمل كده بتلاقيني وقفت وقمت مراجعه لك الكلام اللي انا قلته تاني بشكل سريع اثنين تدوين المذكرات تقعد كده تبدا ان انت تلخص تبدا ان انت تدون تبدا ان انت تحط اسئله ده اسمه مشاركه نشطه طيب اخر حاجه استخدام طرق القراءه الجيده من ضمن الحاجات اللي تخليك تذاكر صح ان انت تستخدم طرق القراءه الجيده اللي هو ازاي اللي هو اللي انت تبدا بعرض الدرس بشكل عام ثم تخش في التفاصيل من العام للخاص تبدا تاخد العناوين الرئيسيه زي ما انا ما بعمل لك دايما وتبدا تخش في التفاصيل اثنين تبدا تدور عن المبادئ اللي بتنظم البحث عن المبادئ اللي العامه اللي بتنظم الافكار زي ما اناما بذاكر لك كده وبقول لك خلي بالك ان هنا فكره الزياده الرغبه في الاستذكار ان هو مربوطه بالدافع اللي انت بتفكر في هدفك واللي انت مش عارف ايه فانا بجيب لك الفكره العامه هو ده اللي هو بيقوله لك اللي انت تبقى عارف ايه الفكره العامه من اللي انت بتدرسه ربط القديم بالجديد الحاجه اللي اتعلمتها قبل كده تربطها باللي انت بتتعلمها دلوقتي زي ما انا كده لما باجي اقول لك دي شبه دي ودي شبه دي ماشي اخيرا اللي انت تستخدم عادات القراءه الجيده اعقاع العين على الكلمات اللي انت تبقى عندك الحرفانه بتاعه القراءه بشكل جيد طيب كده احنا خلصنا الدرس كده احنا خلصنا علم النفس يلا نبتدي بقى مع بعض في علم الاجتماع اول درس عندنا درس اسمه الثقافه وبقول لك ايه انا مش هضيع وقتك يلا بينا نخش على الثقافه بسم الله الرحمن الرحيم اللهم يسر ولا تعسر يلا بينا يا ابطال على طول نفرم درس الثقافه قبل اي حاجه لازم تبقى عارف ان الثقافه درس في علم الاجتماع وعلم الاجتماع يعني مجتمع يعني علم بيدرس المجتمع طب ايه هي الثقافه بشكل بسيط الثقافه مش معناها ان شخص مثقف بس لا او شخص عنده شويه معلومات لا انا هنا بكلمك على مفهوم الثقافه في المجتمع الثقافه يا صديقي هي كل شيء في المجتمع كل حاجه في المجتمع حوالينا حرفيا طريقه السلام طريقه الكلام اللغه طريقه اللبس القصر العادات التقاليد الادب الفنون الاغاني ام كلثوم اغاني المهرجانات دي كلها ثقافه فالثقافه هي كل حاجه في المجتمع كل حاجه كل حاجه كل حاجه كل حاجه كل حاجه كل حاجه في المجتمع دي اسمها الثقافه يبقى الثقافه الاداب الفنون الاعداد التقليدي للقوانين كل حاجه اسمها الثقافه فعشان كده بنبص للثقافه المصريه مختلفه عن الثقافه في امريكا مثلا لبسهم عاداتهم تقاليدهم اكلهم شربهم غيرنا فالثقافه يقصد بها كل حاجه في المجتمع ماشي بعد كده بنتكلم على الرؤى المتعلقه بالثقافه يعني ايه الرؤى المتعلقه بالثقافه وركز معايا قوي هنا عشان بتيجي في الاختيارات كتير الرؤى المتعلقه بالثقافه يعني رؤى او وجهات نظر في الثقافه اه يعني هنا شايفين الثقافه ازاي وهنا شايفين الثقافه ازاي وهنا شايفين الثقافه ازاي اول رؤى او اول رؤيه هي الثقافه كبناء من المعرفه هنا بيبص للثقافه على اساس ان هي تراكم للمعلومات مش فاهم هنا بيبص ان الثقافه عباره عن علم عن قراءه عن معرفه عن علم عن معلومات عن بيانات عند الانسان اما هنا الثقافه كبناء من المفاهيم الاساسيه الرؤيه هنا بيقول لك ان انا لما اجي ابص على الثقافه ابص عليها كلها عشان ابدا افهمها وابدا افهم العالم اللي انا عايش فيه مش فاهم لو خدت ما عليك وسفرتك للصين هتبص على الصين تشوف طريقه اكلهم شربهم سلامهم كلامهم تبدا تفهم المجتمع ده عامل ازاي ففكره الفهم ده اللي يقصد بيه ان الثقافه بناء من المفاهيم الاساسيه هنا بيتكلم على الفهم لسه بفهم المجتمع لسه بفهم الثقافه اما الرؤيه الثالثه فهو بيقول لك ان الثقافه بناء من المفاهيم المترابطه في فرق يا جماعه بين كلمه مترابطه وكلمه اساسيه ماشي كلمه مترابطه غير اساسيه اساسيه خلاص انا فهمت معناها ان انا هنا بفهم المجتمع لكن مترابطه انا لما هنا رحت الصين وشفت بياكلوا كذا وكذا وكذا كذا وعداتهم وتقاليدهم ولا لما ركزت معاهم في حته الاكل لقيتهم بياكلوا كل حاجه حيوانات وحشرات وكل حاجه بس لقيتهم بياكلوا فراخ ولقيتهم بياكلوا خضروات فانا قمت ايه مشترك معاهم في اللي هم بياكلوه معايا انا يمشي معايا انا فهنا دي معناها ان الثقافه بنع المفاهيم المترابطه باخد اللي يمشي معايا انا يبقىاني رؤى المتعلقه بالثقافه ثلاثه الثقافه كبناء من المعرفه يقصد بها ان الثقافه عباره عن بيانات معلومات وجهات نظر عندي علم هنا الثقافه كبناء من المفاهيم الاساسيه يقصد بها ان الثقافه هنا بناء انا ببدا افهم من خلاله العالم اما الثقافه كبناء من المفاهيم المترابطه انا باخد اللي يمشي معايا طيب لما نيجي نبص بعد كده على خصائص الثقافه الثقافه ليها خمس خصائص 1 ت 3 4 5 اول خاصيه ان الثقافه عمليه انسانيه بما يرضي الله عمرك شفت كلب عنده ثقافه ليه عادات وتقاليد لا طب اي كائن غير الانسان له ثقافه لا فعشان كده بيقول لك ان الثقافه عمليه انسانيه يعني بتخص الانسان بس فاي سؤال بقى هتلاقيه بيكلمك في حته ان الثقافه مربوطه بالبشر او بالافراد يبقى الثقافه عمليه انسانيه طيباني حاجه ان الثقافه عمليه مجتسبه او عمليه اجتماعيه مكتسبه يعني ايه عمليه اجتماعيه مكتسبه الثقافه يا صديقي احنا مش بنتولد بيها مش فطريه لا الثقافه احنا بنكتسبها يعني ايه بنكتسبها يعني يا صديقي العزيز احنا بننزل صفحه بيضا نعيش في المجتمع نبدا نشوف عاداته وتقاليده وطريقه اكله وطريقه شربه وطريقه لبس وطريقه كلامه وكل حاجه بنكتسبها من المجتمع فبالتالي هنا كلمه مكتسبه يعني انا بكتسبها باخدها من المجتمع بتعلمها بقى حد بيعلمها لي المهم ان انا بكتسبها طيب ثالث خاصيه من خصائص الا اا الثقافه ان الثقافه عمليه متغيره الثقافه عمليه متغيره يعني ايه متغيره يعني الثقافه دايما بتتغير هديك دليل زمان زمان كان اللبس بتاعنا نلبس طربوش وشنب وبدله ومحمد افندي ومش عارف ايه يا فندي دلوقتي الطربوش اتشال الشنب كبر اللبس اتغير يبقى الثقافه هنا اتغيرت ولا ما اتغيرتش لا اتغيرت اتحركت ولا ما اتحركتش لا اتحركت يبقى الفكره هنا ان الثقافه عمليه متغيره يقصد بها ان الثقافه بتتغير بتتحرك وده عكس الفكره اللييه اللي هي الثقافه عمليه متنوعه المضمون يعني ايه متنوعه المضمون يقصد بقى هنا ان الثقافه مش بتتغير ان الثقافه هنا مختلفه من مكان للثاني يعني لما تيجي تبص مثلا على اداه والتقاليد في اوروبا مختلفه عن مصر او الدول العربيه يقصد بها بمتنوعه المضمون ان الحاجه اللي ممكن تبقى صح هنا تبقى غلط هنا واديتك مثال قلت لك في بعض المناطق في اسيا ممكن الست تتجوز اكت من راجل لكن هنا ما ينفعش وهنا في مصر ممكن الراجل يتجوز اكت من ست بس في بعض الدول الاوروبيه ما ينفعش يبقى هنا اللي ممكن يبقى صح هناك ما ينفعش يبقى صح وهناك اللي صح ممكن ما يبقى هنا غلط يعني ايه الكلام ده يعني الثقافه عمليه متنوعه المضمون يعني الثقافه مختلفه متناقده من مكان لمكان اخر حاجه ان الثقافه تحدد اسلوب الحياه اه الثقافه بتخليك ماشي على نمط معين من الحياه تتكلم بالطريقه فلانيه تسلم بالسلام الفلاني لك عادات لك تقاليد تمشي عليها اكيد عشان خاطر تلبس في لبس معين مش تلبس جيبه زي ما قلت لك على العكس ان في بعض البلاد الرجاله تلبس جيبه عادي جدا هي ثقافته م كده هي فرض عليهم كده فبالتالي الثقافه بتفرض عليك اسلوب الحياه يبقى هنا خصائص الثقافه زي ما قلت لك عمليه انسانيه يعني تخص الانسان بس عمليه اجتماعيه مكتسبه يعني بتكتسبها من المجتمع عمليه متنوعه المضمون يعني مختلفه من مكان لمكان عمليه متغيره يعني بتتغير مش ثابته عمليه تحدد اسلوب الحياه يعني بتحدد اسلوب حياتك تمشي ازاي طيب صديقي العزيز بعد كده عندنا حاجه اسمها عناصر الثقافه عناصر الثقافه قلت لك عناصر الثقافه قافه لاثه عموميات خصوصيات متغيرات بديله ايه العموميات دي الحاجه اللي كلنا مشتركين فيها ركز كلنا مشتركين فيها يعني احنا كلنا كده في المجتمع المصري مشتركين في العادات وفي التقاليد في طريقه اللبس في طريقه السلام في طريقه الكلام كلنا مشتركين فيها فدي بنسميها عموميات بيشترك فيها اغلب الافراد اما الخصوصيات بيشترك فيها فئه صغيره من المجتمع بنسميها ثقافه فرعيه خلي بالك ان الخصوصيات ممكن حاجه تخص مدينه جوه بلد فتبقى حاجه خصوصيه للمدينه دي مش فاهم يعني جيب لك في السؤال مثلا يقول لك ايه ان المناطق الساحليه بتتميز باكل الاكلات الساحليه او السمكيه مثلا عن المناطق الثانيه فدي هم حاجه متميزين فيها حاجه بتخصهم هم اكت من اي حد ثاني فدي اسمها خصوصيات اول امثله المله البسيطه اللي انت عارفها ان الخصوصيات حاجه تخص فئه من المجتمع زي المحامين بيلبسوا لبس معين زي الاطباء بيلبسوا لبس معين زي القضاه بيلبسوا لبس معين فالخصوصيات دي بتخص فئه من المجتمع مش كل المجتمع اللي تخص المجتمع كله العموميات اما بعد كده عندنا المتغيرات البديله يقصد بها الحاجات اللي بتظهر في المجتمع جديده الاختراعات الجديده اللي ممكن تظهر في المجتمع زي الموضه طريقه لبس جديد طريقه شرب جديده حاجات كده بتظهر في الايه في المجتمع ممكن تنتشر وممكن ما تنتشرش يبقى الثلاث فئات عندنا بتوع عناصر الثقافه العموميات العموميات حاجه مشترك فيها اغلبيه افراد المجتمع الخصوصيات بتخص فئه من المجتمع المتغيرات البديله حاجات جديده بتظهر ماشي لما نيجي نتكلم على نقطه ثانيه اسمها اشكال الثقافه الثقافه لها شكلين ماديه لاله غير ماديه الثقافه الماديه الحاجات اللي موجوده في المجتمع او الحاجات الثقافيه اللي نقدر نشوفها بعينينا ونلمسها بايدينا زي الاثار اهرامات زي المباني زي المساجد وهكذا اما الثقافه غير الماديه الحاجات اللي ما اقدرش ولا المسها ولا امسكها زي العادات التقاليد القيم وهكذا يبقى دي بالنسبه لاشكال الثقافه ركز في العناوين والفروع بتاعته ركز في ده اشكال الثقافه حاجتين عناصر الثقافه ثلاث حاجات عشان لما يجي لك في المقال تعرف تحل اخر حاجه وظيفه الثقافه الثقافه ليها وظيفتين وظيفه بالنسبه للمجتمع وظيفه بالنسبه للافراد او للفرد بالنسبه للمجتمع الثقافه بتفرد على المجتمع نمط معين من الحياه بتفرد عليه نمط من وسائل الانتاج والقيم على المجتمع كله زي ما قلت لك في المانيا مجتمع ماكينات تروح الصين معودينهم والثقافه بتفرد عليهم الشغل اما بالنسبه للمجتمع فالثقافه بالنسبه للمجتمع او بالنسبه للفرد فالثقافه هي عصاره الخبرات اللي مر بها المجتمع وبالتالي الخبرات دي بتقوم ماثره على الافراد اللي جوه المجتمع بتاثر عليهم في ايه في تكوين الاتجاهات والقيم بتاعتهم فالفرد بيكون يكون اتجاهاته وقيمه من خلال الثقافه عشان يكون ضميره افهم انا في ثقافه طلعت عليها طلعت في المجتمع المصري فبالتالي بكون اتجاهات يعني ايه الصح اللي اعمله ايه الغلط اللي ما اعملوش وهكذا والقيم بتاعتي والاتجاهات والقيم دي بتكون الضمير بتاعي اللي بيخليني اقدر اعيش مع المجتمع ما هو التربيه اللي انا اتربيتها هنا غير لو طلعت في امريكا قيمي واتجاهاتها هتكون مختلفه وتاني حاجه بشعر بالانتماء والولاء لان انا واخد من المجتمع ده متعود عليه فبالتالي بشعر بالانتماء الماء والولاء ده كده بالنسبه ل شرح او مراجعه الثقافه بشكل سريع ومختصر جدا كده احنا خلصنا الثقافه نخش بقى على العمل التطوعي يلا بينا نخش على العمل التطوعي ايه المشكله يعني لما نشوف التطوع والدنيا فيها ايه ويلا بينا يا شباب نخش على طول نراجع في اقل وقت ممكن الدرس بتاعنا بتاع النهارده في علم الاجتماع الا وهو العمل التطوعي صديقي قلت لك بالمختصر المفيد ان العمل التطوعي ده معناه ان حضرتك تعمل خير من غير ما تستنى مقابل. العمل التطوعي ده ماحدش بيكبرك عليه انت بتعمله بمزاجك انت بتقوم بيه كده من غير ما حد يكبرك من غير ما حد يقول لك انت المفروض تعمل كده لا ده بمزاجك بتساعد ناس بتبقى عضو في جمعيه خيريه بتدي فلوس بتروح بمجهودك بتفضي وقتك تروح تساعد غيرك ده كله اسمه عمل تطوعي شرطه الوحيد ان انت ما تستناش مقابل عشان كده اول حاجه هبدا اكلمك فيها تعريف العمل التطوعي ان الفرد بيتع عهد ان هو يخدم غيره بدون اجبار وبدون ما حد يكبره على حاجه وبدون ما يستنى مقابل واللي قال الكلام ده واكد عليه كان واحد كده شاعر اسمه يعني طاغور طاغور ده كان شاعر هندي قال لك ان المتطوع ده عامل زي الزهره اللي بتملا السماء بعطرها يعني حاجه كده بتبقى ريحتها حلوه وكمان رازريون واحد قال لك ان التطوع ده عامل يعني معناه ان شخص بيمارس وبينخرط في عمل وانشطه خيريه ويكون ملتزم وبرده ما يستناش مقابل كلام كله بيخدم بعضه وكلام كله شبه بعضه ولكن الراجل في مقدمه الدرس كده يعني اداني معلومتين قال لي خلي بالك ان التطوع ده يعني من سمات اي حضاره يعني اي بلد متقدمه لازم هتلاقي فيها التطوع ده وان هو بيحرك المجتمع وبيقدم المجتمع وان هو بيعمل عمليه تكافل يعني المجتمع كله بيشيل بعضه اللي معاه بيشيل اللي معهوش اللي قادر يساعد غيره بيساعد فبالتالي بيحصل عمليه تكافل طيب يبقى المهم والمفيد والمختصر ان العمل التطوعي ان حضرتك بتعمل خير من غير ما تستنى مقابل سواء كنت بشكل فردي او كنت عضو في مؤسسه طب حلو الكلام صديقي ما هي قيمه العمل التطوعي كلمه قيمه العمل التطوعي يعني ايه هي الفائده بتاعه العمل التطوعي انا لما بعمل عمل تطوعي ايه الفايده اللي بتعود عليا؟ سمي الله وصلي على رسول الله. العمل التطوعي ليه خمس فوائد. اول حاجه من الناحيه التنمويه. ثاني حاجه من الناحيه الاخلاقيه. ثالث حاجه من الناحيه السيكولوجيه. رابع حاجه من الناحيه السيسيولوجيه. خامس حاجه شيء يسمى بالنظم الاجتماعيه. واحده واحده المجتمع لما يبقى فيه تطوع المجتمع لما يبقى فيه انتشار لقيم التطوع وفي جمعيات خيريه وفي مؤسسات خيريه وفي ناس بتعمل خير وفي ناس بتساعد الغير ايه اللي بيحصل واحد بيحصل حاجه اسمها الناحيه التنمويه يعني ايه ناحيه تنمويه يعني المجتمع بيحصل فيه عمليه تنميه تنميه اه بنساعد الفقراء ركز الناس اللي محتاجه مساعده بنقف معاهم فبيحصل مساعده للفقراء وبيحصل تنميه للمجتمع يبقى الناحيه التنمويه محطوطه ان الجمعيات الخيريه والكلام ده مالهاش علاقه بحاجه حكوميه ما يبقاش تبع الحكومه ده ناس هي اللي متطوعه ناس مش مستنيه مقابل زي جمعيه رساله جمعيه القرمان الجمعيات اللي بنسمع عنها دي اول حاجه الناحيه التنمويه ان هم بينموا المجتمع يعني بيساعدوا الفقراء رقم واحد رقم اثنين من الناحيه الاخلاقيه لما بنزرع التطوع ولما يبقى في تطوع ده بيزرع شويه قيم شويه اخلاق زي ان احنا بنعلمك يبقى عندك العطاء يبقى عندك الولاء يبقى عندك الانتماء للمجتمع دي اسمها قيم دي اسمها اخلاقيات غير فكره ان هم بيساعدوا المجتمع او بيحلوا مشاكل الفقر طيب من الناحيه السيكولوجيه كلمه سيكولوجي يا جماعه يعني نفسي ركز يعني هنا بتخص فرض بتخص شخص لان هو بيقول لك من الناحيه السيكولوجيه انت كبني ادم لما بتتعامل في التطوع وبتروح تعمل خير انت كفرد وخصوصا الشباب في مشاكل كتير عندهم بتتحل وفي ان الشاب بيكون عنده حاجه من من اشكال التوازن ما بين الروح الفرديه والجماعيه اللي هو ما يبقاش عايش لنفسه بس لا ده في غيري ممكن اساعده شخصيته بتنمو على كده فبالتالي من الناحيه السيكولوجيه سيكولوجيه سيكولوجيه بتعود على الفرد هنا كشاب بالنفع اما من الناحيه السيسيولوجيه خلي بالك كلمه سيكولوجي يعني نفسي يعني شخص كلمه سيسيولوجي يعني يقصد بها مجتمع هنا في فايده بتعود على المجتمع ان هي بتحل مشكلات في المجتمع زي مشكلات الادمان في المجتمع زي مشكلات العنف في المجتمع واحد اقول يا مستر امال ايه الفرق ما بينها وما بين التنميه ما هي دي برده مجتمع اقول لك لا هنا هو بيساعد الفقراء بينمي المجتمع لكن هنا في مشاكل حقيقيه موجوده في المجتمع هو بيحلها فمشكله زي الادمان زي العنف اللي بيحلها السيسيولوجيه حلو اخر حاجه من قيمه التطوع النظمه الاجتماعيه ايه النظمه الاجتماعيه عايز يقول لك ان في حاجات في المجتمع جماعه في مؤسسات في المجتمع بتنشر التطوع زي ايه؟ زي مؤسسات التنشئه الاجتماعيه مش فاهم زي الاسره زي المدرسه زي وسائل الاعلام كل دول بينشروا التطوع زي ما انا كده ما بعرفك يعني ايه تطوع طيب لو عدينا من الحته دي الدرس خلص بمعنى بمعنى ان يا صديقي زي ما قلت الم عليك فوق ان العمل التطوعي معناه ان انت تعمل خير وترميه ما تنساش ما تستناش مقابل قيمه العمل التطوعي خمسه من الناحيه التنمويه مساعده الفقراء وتنميه المجتمع من الناحيه الاخلاقيه بنزرع قيم زي العطاء وال ولاء والانتماء من الناحيه السيكولوجيه ان احنا بنحل مشكلات نفسيه في الشباب من الناحيه السيسيولوجيه ان احنا بنساعد المجتمع كله من الناحيه او من النظمه الاجتماعيه يقصد بها مؤسسات التنشئه اللي بتساعد او بتنشر قيم الثقافه طيب لما نيجي نتكلم على اشكال العمل التطوعي العمل التطوعي ليه شكلين ما لهمش ثالث حاجه اسمها السلوك ركز السلوك التطوعي غير المقصود والفعل التطوعي المقصود السلوك التطوعي غير المقصود يقصد به السلوك اللي انت بتقوم بيه بشكل غير مرتب بيجي لك طرقه كده ظرف فبتقوم تعامل خير ماشي في الشارع فشفت حد عمل حادثه فرحت ساعدته هنا انت مرتب هنا انت عامل حسابك لا دي حاجه جت قدامك فانت عملتها فده بنسميه السلوك التطوعي بيبقى غير مقصود اما لما نيجي نتكلم على الفعل التطوعي بيكون مقصود ده بيبقى مرتب ليه هنا انت شخص اصلا نازل مخطط اللي انت رايح تعمل خير انت راجل مشترك مع جمعيه خيريه فانت ريح لهم عشان النهارده هنسافر نروح بلد معينه نعمل فيها خير فده الفرق ما بين السلوك التطوعي غير المقصود والفعل التطوعي المقصود ده بيبقى غير مقصود ده بيبقى غير مرتب ليه ده بيجي صدفه لكن ده مقصود مرتب ليه ومش بيجي صدفه ده انت مخطط له ماشي؟ لما نيجي نكمل بعد كده ونتكلم على انواع المشاركه في العامل التطوعي انا دلوقتي لو عايز اشارك في العامل التطوعي في ثلاث انواع من المشاركه في المشاركه المعنويه وفي المشاركه الماليه وفي المشاركه العضويه المشاركه المعنويه دي بتبقى كلام بتبقى ايه كلام اما المشاركه الماليه بين فلوس اما المشاركه الفعليه فدي فعل ومجهود او العضويه بمعنى المشاركه المعنويه اللي انت تبدا ان انت تعرف الناس بالعمل التطوعي تقول لهم يا جماعه ده احنا بنعمل جمعيه خيريه هنا بتعمل حاجات خيريه بتبدا ان انت تدافع عنها لو حد اتكلم عن العامل التطوعي تبدا ان انت تنشر تبدا ان انت تعرف الناس تبدا ان انت تدافع عن العامل التطوعي كله كلام حضرتك ولا بتنزل تشتغل ولا بتدفع فلوس اما بالنسبه للمشاركه الماليه فانت بتحط فلوس او ما يشابه الفلوس سواء بقى عندك حاجات بتديها لهم عندك لبس بتديه لهم عندك اساس بتديه لهم عندك فلوس بتساعد بيها فهنا دي المشاركه الماليه ثالث الحاجه المشاركه العضويه اللي انت تروح بنفسك بتشارك بقى بايه؟ بجسمك بصحتك بوقتك بما بكلك كده تروح تتعامل معاهم وتشتغل معاهم وتسافر معاهم وتبقى ليك دور يبقى ده اسمه المشاركه العضويه يبقى ثاني انواع المشاركه في العمل التطوعي ثلاثه انواع المشاركه في العمل التطوعي ثلاثه المشاركه المعنويه المشاركه الماليه المشاركه العضويه المشاركه المعنويه كلام فقط المشاركه الماليه فلوس المشاركه العضويه فعل ماشي اخر حاجه هتكلم عليك فيها هي نماذج العمل التطوعي او امثله على العمل التطوعي عندك يا فندم امثله نماذج للعمل التطوعي اول حاجه في مجال التعليم يجي يجيب لك كده مثلا في السؤال ان مدرس في احدى القرى قرر تخصيص يوما في الاسبوع لتعليم من يعاني من محو الاميه هو هنا بيعلم هو هنا بينشر العلم هو هنا بيعمل حاجه ليها علاقه بالتعليم واحد رجل اعمال عمل مدرسه في قريه فقيره ما فيهاش مدرسه يبقى هنا ده عمل تطوعي في مجال التعليم طيباني حاجه عمل تطوعي في مجال الصحه صحه يعني بنعمل مستشفيات بنعمل مستوصفات بنعمل اماكن للعلاج بتكون تطوعيه مجانيه او بفلوس رمزيه وده موجود كتيره في جوامع بتلاقي فيها مستشفيات وهكذا طيب عندك في ناحيه البيئه من امثله العمل التطوعي في البيئه الناس اللي بتحاول تشتغل عشان خاطر تعمل حاجات للبيئه حد بيتطوع ان هو هينظف منطقه واحد هيتطوع ان هو هينظف وليكن بحيره يبقى دي كلها حاجات ليها علاقه بالتطوع في البيئه طيب العمل التطوعي في المجال الاجتماعي والاجتماعي يعني الناس هنبدا ان احنا نفكر ان احنا نساعد الناس نساعد الفقراء نعمل حاجه في المجتمع تخص الناس عندك برده من ضمن نماذج العمل التطوعي في مجال الرياضه واحد هيعمل تطوعي في مجال الرياضه هيعمل نادي او مركز شباب المنطقه هيعمل العاب للاطفال يبقى دي حاجات طيب عندنا برده من ضمن نماذج العمل التطوعي في الازمات والاغاثه فين في الازمات والاغاثه حصل مشكله لا قدر الله حصل ازمه ففي ناس بتيجي تتطوع حصل زلزال حصل حريق ففي ناس بتيجي تتطوع اخيرا هي الفنون والثقافه الفنون والثقافه معناها ان في ناس بتعمل اعمال تطوعيه في مجال الفن والثقافه يعمل مكاتب يعمل مسارح يعمل ورشات ورشات تمثيليه ورشات فنيه حاجات كده فده اسمه عمل تطوعي وبكده نكون خلصنا درس العمل التطوعي بشكل مختصر وبشكل سريع عارف ان انت تعبت ولكن انا ما تعبتش ليه؟ لان انا شغال شغل من نار خلصنا بقى التطوع نخش على العمل الحر ونشوف الدنيا فيها ايه وتعرف ازاي تعمل مشروع في اسرع وقت ممكن بص يا نجم العالم الحر معناه ايه قبل اي كلام عمل حر معناه ان انت راجل شغال عند نفسك. يعني ايه شغال عند نفسي؟ يعني شغال مش تابع لوظيفه حكوميه ولا تابع لشركه ولا شغال عند حد ولا موظف عند حد ولا لي علاقه بحد. انا راجل بعمل كيان لنفسي والله شغال مصمم جرافيك شغال مهندس شغل حر شغال ا بتاع مونتاج شغال مدرس اون لاين شبع حالاتي كده ده اسمه عمل حر يبقى العمل الحر اول حاجه لازم تكون عارف ان انت حر مش موظف مش شغال عند حد مش شغال عند الحكومه طيب دلوقتي الراجل هيبدا يكلمني على مقاومات نجاح العمل الحر لو انت عايز تشتغل عمل حر في شويه حاجات ومقومات لنجاح العمل الحر تخلي بالك منهم ايه بقى الحاجات دي لو انت مثلا عايز تشتغل في مجال المونتاج وتبدا ان انت تشتغل مع ناس وتاخد ا مقابل شغلك ده فلوس وتتعرف وتبقى ثقيل والكلام ده كله او اي حاجه او برمجه او زي ما يكون العمل اللي انت هتشتغل فيه اول حاجه لازم يكون عندك مهاره فنيه قويه لازم حضرتك الاول تتعلم ما تخشش كده تتفرج لي على الفيديوهين وبعد كده تقول لي انا عايز اشتغل تغل عمل حر وتعرض شغلك على الناس وتقول انا ما بيجيليش شغل بابا لازم تتعلم صح لازم تتعلم اساسيات المنتز صح وتتعلم ازاي تظبط فيديو صح وتطلع فيديو صح وتعمل ايديت صح يبقى اول حاجه المهاره الفنيه العاليه والقويه لو انت شغال في مجال البرمجه تبقى شاطر لو شغال في مجال المونتاج تبقى شاطر لو في التصميم تبقى شاطر وتطلع شغل محترم فاول حاجه المهاره الفنيه القويه اثنين اداره الذات والوقت تقدر ان انت تدير دير اعمالك وتدير وقتك وتوفق ما بين الاثنين لازم لان اللي بيشتغل شغل حر في الاغلب ما بيبقاش عارف يدير شغله ولا وقته فكله بيسيح على بعضه فلازم تدير ذاتك وتدير وقتك عندك بعد كده برده التواصل الفعال لازم يكون انت شاطر في الكلام والتواصل مع الناس شغال بتاع مونتاج فالعميل بيطلب منك شويه حاجات تسمعها منه يبقى عندك طوله بال تفهم منه تتواصل معاه ده مهم جدا لان بيخلي انت تفهم هو عايز ايه وتقدم له اللي هو عايزه فيبدا ان هو يتعامل معاك تاني برده من ضمن مقاومات العمل الحر هي التسويق الذاتي التسويق الذاتي اللي انت تقدر تسوق لنفسك تعمل صفحه على الفيس وعلى التيك توك وعلى الفيسبوك وعلى الانستغرام وتبدا تنشر شغلك تعمل ريلزات تعمل دعاه لنفسك ده اسمه التسويق الذاتي عشان الناس تبدا تعرفك وتجي لك وتعمل شغل معاك عندك برده الالتزام بالمواعيد من اهم الحاجات انت يعني متفق مع حد على شغل اديته ميعاد لازم تلتزم بالميعاد لو على رقبتك لان ده بيفرق جدا مع العملاء ان انت لما بتيجي تتعامل مع حد بيبقى قلقان منك ليه؟ لان انت يعني يعتبر شغال اون لاين ف لما بتتاخر عنه انت كده سوحته انت كده بوظت له شغله فلازم تلتزم بمواعيدك اخر حاجه المرونه والتكيف لازم اللي شغال اي عمل حر يكون عنده مرونه وتكيف يكون متاقلم مع التغيرات اللي بتحصل انت مش شغال مع عميل واحد انت شغال مع واحد وثنين وثلاثه ثلاثه واربعه كل واحد ليه دماغك وانت مطالب ان انت تتاقلم عشان ترضي كل الناس دي وكمان لما الدنيا تطور او يحصل اي تغيرات تقدر ان انت تتاقلم معاها دلوقتي مجال التصميم ومجال المونتاج دخل في الذكاء الاصطناعي يبقى انت بتجاري الاحداث وبتتعلم عشان تبدا تطور من نفسك يبقى هو كده بيكلمك على مقومات العمل الحر عشان تنجح في العمل الحر يبقى عندك مهاره قويه تقدر تدير نفسك وتدير وقتك تقدر تتواصل مع الناس بشكل فعال تسوق لنفسك بشكل كويس ملتزم في مواعيدك وعندك مرونه وتكيف طيب لما نيجي نتكلم على التحديات او المشكلات اللي بتقابل اللي شغالين في العامل الحر اول حاجه عدم استقرار الدخل انت دلوقتي شغال فريلانس شغال عمل حر دلوقتي في وقت معين بيبقى في شغل كتير جدا وفي وقت ما فيهوش شغل زي احنا كنا مدرسين نشتغل وقت الدراسه الاجازه بتلاقي مافيش شغل فبالتالي دي من ضمن المشكلات لازم تضبط نفسك وقت فيه وقت ما فيش فتاقلم نفسك تاني حاجه اداره العمل والحياه الشخصيه اكلمتك عليها فوق من اصعب الحاجات في العمل الحر اللي انت تقدر ان انت توفق ما بين شغلك وما بين حياتك الشخصيه في الاغلب اللي بيشتغل عمل حر بيسحي نفسه بيخش في حاجات كتيره فما بيعرفش يوفق ما بين شغله وما بين حياته الشخصيه فلازم توفق ما بين الحاجات دي لان فعلا الموضوع ده مرهق لما حياتك كلها تبقى شغل بس بجد انت بتتعب ثالث حاجه وثالث مشكله هي التسعير وتقدير تير القيمه الناس اللي بتشتغل في البدايه لو انت شغال في مجال المنتج في الاول او التصميم او اي مجال ما بتبقاش عارف تسعر نفسك ما بتبقاش عارف تقول السعر بتاعك ايه بتبقى خايف هو انا كده كتير انا كده قليل فدي من ضمن المشكلات اللي بتقابلك رابع حاجه ودي من الحاجات الخطيره جدا العزله اللي لما بتشتغل في المجالات دي في الاغلب انت بتقعد مع نفسك كتير شغلك كله بيبقى لوحدك لسه صغير عشان تبدا تعمل شركه وتعمل علاقات مع ناس يبقى معاك شركه ومش عارف ايه فبالتالي بتحس بعزله بتحس بحته اكتئاب كده اللي انت دايما بتبقى مع نفسك دايما بتبقى لوحدك فدي مهمه جدا ومن ضمن المشاكل اللي بتبقى موجوده في العمل الحر خامس حاجه التنافسيه العاليه اي مجال هتخش تشتغل فيه هتلاقي فيه منافسين كتير جدا فانت لازم تكون عارف ده ولازم تبقى عارف ان انت لازم تبقى شاطر وبعد الشطاره تبدا ان انت تعرف ازاي تسوق لنفسك وتبرز نفسك وسط الناس دي اخيرا عدم وجود مزايا ثابته اللي بيشتغل عمل حر ما عندوش مزايا كتيره او ما عندوش مزايا ثابته مش مزايا كتيره يعني ايه مزايا ثابته يعني مش زيه زي الوظيفه لو انت شغال في وظيفه انت ليك مرتب ثابت في اي وقت بقى في شغل ما فيش شغل انت مالكش فيه ليك حوافز ليك اجازات بتاخد ثمنها ا ليك تامينات وليك معاشات وليك حاجات كده الحاجات دي مش موجوده في العمل الحر يبقى دي تحديات ومشكلات العمل الحر عدم استقرار الدخل ما فيش دخل ثابت اللي انت تحاول توفق ما بين شغلك وحياتك الشخصيه اللي انت تسعر تحس بعزله التنافسيه العاليه وعدم وجود مزايا ثابته طيب لما نيجي نتكلم بقى على مزايا العمل الحر ايه الحاجات اللي انت بتكتسبها لما بتشتغل في العمل الحر او ايه المزايا والله اول حاجه اللي انت بتنفذ حلمك اشتغل الحاجه اللي انت بتحبها ماشي تبقى صانع قرارك بتقدر تنظم ساعات شغلك الوقت اللي انت عايز تشتغل فيه بتشتغل فيه بتقدر تشتغل حتى لو من المنزل وده بيكون في الاغلب بيكون عندك ثقه في نفسك لان انت شغال حاجه بتاعتك انت ماشي متعه المسؤوليه انت عندك حته ان انت مسؤول اا لما بتشتغل في العمل الحر على قد تعبك على قد ما بتاخد فلوس تبقى مستقل وقادر ان انت توجه شغلك تحس بالسعاده لما تحس ان ناس بتقدر شغلك تقدر تعمل شراكه مع ناس ثانيه لان انت راجل حر ليس موظفا انت مش بتبقى موظف عند حد وفي الاخير لو عندك مهارات بتقدر ان انت تستثمرها من ضمن نماذج العمل الحر اللي انت ممكن تشتغل في مجال كتابه المحتوى الترجمه ا المدربين زي المدربين الاونلاين اللي بيبقوا موجودين دلوقتي حتى في الجيم والكلام ده بقى في مدربين كتير كده وكمان المدرسين بقى معظم شغلهم عمل حر وشغالين في الاونلاين حاجه اسمها المستشارين في مستشارين ماليين وفي مستشارين اداريين يعني ايه مستشارين واحد بيبقى عنده علم وعنده خبره في مجال معين فيبدا الناس تتواصل معاه تستشيره فيفيدهم ويقدم لهم حلول سواء هو على يعني مثلا انا راجل مدرس عايز اطور شغلي فبكلم ناس متخصصهم ناس تبدا استشيرهم لا انت المفروض تعمل كذا تعمل كذا تغير كذا تطور كذا تعمل كذا فدي اسمها استشاره ده بيكون على مستوى افراد على مستوى شركات وفي الاخير عندك من ضمن نماذج العمل الحر التسويق الرقمي وادار وسائل التواصل الاجتماعي ظهر كتير الفتره الاخيره شركات وناس بتبدا تشتغل في مجال التسويق تقول لك انا بعمل اعلانات مموله ببدا ان انا ازود لك المشاهدات ببدا ان انا اظهرك للعملاء دي اسمها تسويق رقمي واداره صفحات سوشيال ميديا ناس تمسك صفحات السوشيال ميديا تقول لك انا هرد على الناس ومش عارفه ايه والكلام ده كله دي مجالات كترت وظهرت كتير جدا في الفتره الاخيره وكلها تنطبق تحت او تندرج تحت العمل الحر كده احنا خلصنا العمل الايه؟ الحر يلا بينا يا شباب على طول نخش نفرم درس العولمه في اقل وقت ممكن العولمه بشكل بسيط معناها حبيبي ان العالم كله بقى اوضه من غير صاله اوضه من غير صاله كلنا شايفين بعض كلنا افكارنا بتنتقل لبعض كلنا عاداتنا واتجاهاتنا وقيمنا بتنتقل لبعض بنشوف بتوع اوروبا بيلبسوا ازاي بياكلوا ازاي وتلاقينا بنقلدهم وهم نفس الكلام وبناء عليه العولمه معناها حريه انتقال الافكار وحريه انتقال كل حاجه مش الافكار بس والله حتى الاذواء حتى كل حاجه الراجل بيقول لك ان العولمه عمليه مستمره يعني هتفضل موجوده وتلقائيه يعني ما حدش خطط لها هي موجوده كده لان اصلا بمجرد ما بقى في تطور في وسائل الاتصال بقينا شايفين بعض والمواصلات وبقينا نسافر لبعض بكل سهوله فبدا يحصل اختلاط ما بينا وما بين العالم كله وبدانا نطلع وهم يطلعوا فحصل انتقال للافكار زي ما قلت لك وظهرت العولمه طيب العولمه بتخلي العالم كله متشابه متشابه في الحته الاقتصاديه البيع والشراء بقى زي بعضه التجاره الانتاج ومتشابهين في الحته السياسيه نظام الحكم ونظام الاداره بتاع البلاد والعلاقات بقى في تشابه بتحس ان الدنيا شبه بعضها شويه في الحتت دي ولكن ده ما يمنعش ان برده في اختلاف في الثقافات من سلبيات العولمه شويه ان هي بتغيب الخصوصيه الثقافيه يعني بتاثر ان كان الاول كل ثقافه منغلقه على نفسها شويه وليها شكل مميز عشان كانت المجتمعات بدائيه شويه ولكن العلماء لما دخلت قلت الحوار ده ولكن ده ما يمنعش ان في ثقافات مختلفه اه هي بدات تهز شويه الخصوصيه بتاعه الثقافه شويه ولكن ده ما يمنعش ان الثقافه المصريه برده ليها شكل واضح وبارز والثقافه الاوروب الاوروبيه ليها شكل واضح وبارز والثقافه العربيه وهكذا يبقى المختصر في الملخص بتاع الحوار ده معناه ان العولمه كلها بتختصر في كلمه واحده ان هي خلت العالم كله منفتح على بعضه والافكار كلها بتنتقل من مكان للثاني طيب لما اجي اكلمك على مزايا العولمه ايه الفوائد بتاعه العولمه؟ قال لك والله الاستفاده من خبرات الشعوب انا لما اشوف شعب بيتطور انا اشوفه بيتطور ازاي وابدا استفاد منه قال لك اثنين اللي انا هستفاد من الافكار اللي بتطرح على مستوى دولي زي وليكن الاصلاح او المساواه بين الجنسين ودي مهمه جدا في ناس دلوقتي في العالم كله بتتكلم ان الست زي الراجل في الشغل وي وي ده كله خدناه و بدا ياثر علينا وبدات الست تنزل سوق العمل فده من ضمن فوائد العولمه ثالث حاجه واخر حاجه الانفتاح على العالم في شعوب منغلقه الشعوب دي لازم تنفتح على العالم عشان تشوف العالم ده بيتقدم ازاي عشان هي لو فضلت منغلقه هتبقى متخلفه فاحنا محتاجين ننفتح على العالم فعشان كده مزاولما بنستفاد من خبرات الشعوب الاخرى وبنبدا نستفاد من الافكار اللي بتطرح بره خصوصا المساواه بين الجنسين وبننفتح على العالم طيب خلي بالك زي ما العولمه ليها اثار ايجابيه هي ليها اثار سلبيه فهبدا اكلمك على اثار العولمه السلبيه وهم حاجتين التباين في مستوى التنميه وانتشار النزعه الاستهلاكيه التباين في مستوى التنميه معناه ايه معناه ان العولمه على قد ما بتخلي العالم كله يعني قريه كونيه على قد ما هي بتعمل فرق واختلاف قوي جدا ما بين الدول الدول اللي في الشمال الدول الغنيه بتزداد في الغنى لان هي دوله بتنتج ودول بتصنع ودول هي اللي بتاثر وهي اللي بتستفاد من العولمه والدول اللي في الجنوب اللي هو شبه حالتنا وما ادنى هي اللي بتستهلك وهي السوق للدول دي فبالتالي لما بتفتح التليفون وبتلاقي عربيه جامده قوي فبتشتريها فانت كده بتفيد الاغنياء اللي هم اصلا بيصنعوها لما بتلاقي التليفون جامد قوي فبتشتريه فانت كده بتفيد الاغنياء اللي هم اللي هم الدول اللي في الشمال وبالتالي على قد ما العولمه بتوحد العالم على قد ما بتعمل فرق فوق بيغنى وتحت بيزداد فقر فده معناه التباين او الاختلاف في مستوى التنميه من ضمن الحاجات والسلبيات بتاعه العولمه انتشار النزعه الاستهلاكيه يعني ايه انتشار النزعه الاستهلاكيه انا لما افتح التليفون والاقي البلوجر الفلاني عمال ياكل بشراها من براند معين فانا ببقى عايز اروح اكل زيه فهو بيجري عندي ده او واحد بيعمل اعلان لمحل حل وبيلبس طقم جامد قوي فانا عايز البس ده وبالتالي العولمه والانفتاح ده خلانا بنستهلك كتير وعايز اقول لك ان في اسباب لانتشار الاستهلاك ثلاث حاجات التقليد ان انا شفت حد لابس حاجه فعايز البس زيه فده اسمه تقليد اثنين التقدم في فنون الدعايه والاعلان وده بقى موجود دلوقتي ان كل الشركات بتصرف ملايين في حته الدعايه تجيب الممثل الفلاني تجيب المغني الفلاني المشهور المحبوب ويبدا ان هو يتكلم عن المنتج بتاعهم عشان يبداوا يبيعوا ويزودوا مبيعاتهم اخيرا المكانه الاجتماعيه يعني ايه الناس بقت دلوقتي تربط ما بين الناس اللي بيصرفوا كتير واللي هم مكانتهم اعلى مش فاهم يعني هم لما بيشوفوا واحد على طول بيلبس لبس جديد ساعات جديده تليفونات جديده عربيات جديده يبقى الراجل ده مكانته الاجتماعيه عاليه وده بقى موجود دلوقتي من غير ما نخش في تفاصيل كتير يبقى من ضمن الحاجات اللي بتزود الاستهلاك التقليد الدعايه والاعلان وان احنا بقينا نربط ما بين المكانه الاجتماعيه و الاستهلاك طيب اخر حاجه هكلمك فيها وهي اليات العولمه اليات الايه؟ العولمه اليات العولمه قصده الحاجات اللي بتخلي العولمه تبقى موجوده هي ايه العولمه اللي هو الانفتاح ايه الحاجات اللي خلتنا ننفتح على العالم كده بالشكل ده وابقى قاعد هنا شايف اللي في اوروبا واللي في اوروبا شايفني ثلاث حاجات هي الانترنت والهاتف المحمول والفضائيات ايه الانترنت والهاتف المحمول والفضائيات. الثلاث حاجات دول من اخطر الحاجات اللي خلتنا نطلع على بعضنا لما تيجي تتكلم على الانترنت. الانترنت هو يقصد به الشبكه بتاعه الانترنت اللي فيها بقى الويبات واللي فيها المواقع واللي فيها الفيسبوك واللي فيها الواتساب واللي فيها كل حاجه. ده الانترنت. الانترنت يا جماعه بقى ليه تاثير كبير جدا وغير في المفاهيم اللي احنا انا وانت عارفينها. كان التعليم الاول ليه شكل الانترنت تخلي لي شكل تاني التجاره الاول كان لها شكل الانترنت خلي لي شكل تاني وهكذا وبناء عليه الانترنت من اكتر الحاجات تاثيرا دلوقتي والانترنت سبب انتشاره اربع حاجات اولا الاندماج والشمول يعني ايه الاندماج والشمول بيدمج وبيشمل حاجات كتيره في كتب في فيديوهات في حاجات كتيره جدا اثنين الانتشار منتشر في كل انحاء العالم مافيش دوله دلوقتي ما فيهاش لاثه التفاعليه الانترنت بيخليك تتفاعل مع المحتوى اللي انت بتتفرج عليه انت دلوقتي شفت فيديو عجبك فتعمل لايك تعمل كومنت تقول اي حاجه رابع حاجه سهوله الاتصال والسرعه وكمان الثمن بتاعه رخيص دي كلها حاجات خلت الانترنت ليه مكانه قويه جدا وخلته ان هو من اهم اسباب العولمه واهم اليات العولمه اثنين الفضائيات الفضائيات اللي هو التلفزيون القنوات القنوات دي من ضمن الحاجات اللي دخلت في وقت من الاوقات خلت اللي قاعد في قريه معينه يبدا يطلع يشوف ان في عيشه ثانيه شافها عن طريق التلفزيون التلفزيون لما دخل على فكره كان سلاح ذو حدين يعني ممكن يكون في بعض الاوقات فات وفي بعض الاوقات ضار حسب انت اعاملت معاه ازاي حسب انت اخدت اللي يفيدك وسبت اللي يضرك ولا اخدت اللي يضرك وسبت اللي يفيدك فعشان كده التلفزيون او الفضائيات من ضمن اسباب العولمه اخيرا الهاتف المحمول وده اخطارهم وده اللي بيدمج كل ده في الانترنت وفي التليفون وفي الفيسبوك وفي الكاميرا وفي كل حاجه الهاتف المحمول او الشاشات الصغيره اللي تقدر من خلالها تعمل اي حاجه وتتصل باي حد في اي مكان وتنشر اي حاجه انت عايزها وبالتالي ده اخطارهم لان ده اللي فيه كل حاجه هو ايه اللي خلى الحاجات دي هي اللي تاثر بقوه كده على العولما قال لك والله الحاجات دي بتعتمد على حاجه اسمها ثقافه الصوره حاجات انت بتشوفها قدامك سواء تلفزيون او نت او تليفون وده يبقى اكثر اغراء وجذبا للانسان انا لو فضلت اكلمك على عربيه معينه اقول لك دي بتطير في الجو وبتعمل وبتعمل غير لما تشوفها لو فضلت اكلمك على تيشيرت او حاجه جامده جدا غير لما تشوفه فعشان كده بيقول لك ان هي بتلزق في العال وعايز اقول لك ان العولمه هي سلاح ذو حدين سلاح ذو حدين اول حاجه ان هي بيبقى ليها جانب ايجابي ممكن تساعدك في تطور وخدمه المجتمع وتحافظ حافظ على الهويه بتاعه المجتمع او على شخصيه المجتمع وليها جانب سلبي ان هي ممكن تضر على فكره بالمجتمع وتضر بهويه المجتمع وتضر بالبشر وكمان الناس اللي بيزودوا من موضوع العولمه دول هدفهم تحقيق الربح تحت اي بند البلد دي هتفقر بس انا هكسب من وراها ما عنديش مانع ده اسمه سلبيات العولمه يبقى الايجابيات ممكن اطور المجتمع ممكن اخدم المجتمع ممكن احافظ على الهويه السلبيات اللي هي بتضر البشريه وبتحقق ربح طيب فاضل لنا بقى المشكلات الاجتماعيه نخلص وقول لك باي من غير سلام يلا بينا يا وحوش نخلص اخر درس عندنا وهو المشكلات الاجتماعيه مبدئيا كده الاول عايزين نعرف يعني ايه مشكله اجتماعيه المشكله الاجتماعيه بشكل بسيط معناها ان في سلوك منحرف عن السلوك والقواعد بتاعه المجتمع يعني في عنف بطاله في ادمان في عماله اطفال في حاجات وحشه الحاجات الوحشه دي اسمها مشكلات اجتماعيه فالمشكله الاجتماعيه معناها ان في انحراف في سلوك الايه؟ المجتمع طيب الراجل بيبدا يكلمك على تصنيف المشكلات تقسيم المشكلات الاجتماعيه ركز معايا بالله عليك عندنا اربعه عندنا المشكلات او الازمات الاساسيه ثم التنظيميه ثم الاجتماعيه ثم المرضيه المشكله الاساسيه يقصد بها مشكله في المجتمع كله وبتبقى في الاغلب مشكل مشكلات خدميه يعني المجتمع كله مصر كلها ما فيهاش مستشفيات ما فيهاش مدارس قصده هنا المجتمع كله اما المشكلات التنظيميه بتبقى في ازمه في جزء او في مكان في المجتمع والمكان الثاني ما فيهوش ازمه بمعنى ان القاهره فيها مستشفيات ولكن الريف ما فيهوش ان القاهره فيها مدارس ولكن الصعيد ما فيهوش يبقى المشكله الاساسيه مشكله في البلد كلها او في المجتمع كله مشكله تنظيميه اماكن واماكن نيجي بعد كده للمشكلات الاجتماعيه مشكله اجتماعيه قصده ان في مشكله بتخص او منتشره بين مجموعه في المجتمع يعني مش تخص فرد لا تخص جروب زي مثلا في بطاله زي مثلا في ادمان زي مثلا في عنف خلي بالك ده في المجتمع كله اما المشكلات المرضيه فهي بتبقى مشكلات فرديه يعني واحد قاتل واحد بيبيع مخدرات واحد مدمن دي بتخص فرض يبقى دي مشكله في المجتمع كله وخصوصا لها علاقه بالخدمات دي اماكن واماكن الاجتماعيه مشكله في المجتمع بس مشكله ا وما بين البني ادمين يعني مثلا زي ان يعني دي بص دي ليها علاقه بالدوله يعني الدوله هي المسؤوله عنها لكن دي ليها علاقه بالناس الاجتماعيه دي في عنف مش عارف بطاله في ايه اما دي مرضيه بتخص الافراد طيب تعالى ناخد دلوقتي اكبر مشكلتين هنتكلم فيهم وهي العنف والتطرف اولا العنف هو يعني ايه عنف العنف معناه ان الشخص يستخدم القوه او يستخدم نفوذه ويبدا ان هو يستخدمها سواء بالتهديد او بالفعل او بالقوه هو ضد شخص ضد مجموعه من الناس ضد المجتمع ضد نفسه وده طبعا بيؤدي ان عنف سلوك ضرب ممكن يبقى حد يحصل له اصابه حد ممكن يموت ممكن يحصل اذى نفسي ده العنف طيب اما التطرف فالتطرف الراجل قعد يشرحه لنا كتير ولكن بشكل بسيط التطرف معناه ان الشخص يبقى فكره متشدد ماسك مثلا فكره معينه متشدد بيها ايا كانت الفكره دي ايه هي ا متعصب عنده جمهور مغلق في التفكير ده بالنسبه للجانب الفكري بتاعه والجانب السلوكي بتاعه برده نفس الكلام شخص متطرف سلوكيا بيتجه للعنف عنده غلظه في التعامل وده ينطبق على واحد زي نتنياهو راجل مش شايف غير اللي في دماغه يقتل يدمر يموظ يبيد ده اسمه تطرف طيب التطرف ليه ثلاث مستويات تطرف معرفي وده ليه علاقه بالعقل عقله يعني هو الراجل متطرف عقليا يعني ايه متطرف عقليا يعني افكاره تطرفيه عنده جمود في عقله شايف ان دول لازما يموتوا فكره بيقول له كده وعندنا تطرف وجداني وده ليه علاقه بالمشاعر والكراهيه شخص كاره كل اللي حواليه ناقم لكل حاجه ناقد لاي حد او ناقم او كاره لاي حد بيختلف معاه في الراي وعندنا المشكلات او التط التطرف السلوكي. التطرف السلوكي معناه ان الشخص يا جماعه الخير راجل ممكن يعمل اي حاجه بس عن طريق الفعل بقى السلوك اللي هو ممكن يعنفعل يبقى هنا بالنسبه لمستويات التطرف هم ثلاث مستويات مستويات التطرف معرفي يعني ليها علاقه بالعقل وجداني ليها علاقه بالمشاعر سلوكي ليها علاقه بالفعل طيب لما نيجي نتكلم على الاسباب التي تدفع الشباب للعنف والتطرف ايه الحاجات اللي ممكن تخلي الشباب يبقى عندهم حته العنف او التطرف؟ سمي الله صلي على رسول الله اولا كده لازم تبقى عارف ان اول شيء هو استغلال اصحاب المصالح مين دول؟ في ناس حابه ان الدوله بتاعتنا وليكن تقع فالناس دي بتعمل ايه؟ بتجيب الشباب الناقيمين المحبطين التعبانين من الدوله تديهم فلوس ويخليهم يخربوا يبقى ده اول حاجه بتؤدي للتطرف ان في ناس بتستغل الشباب دول ثاني حاجه اا عوامل ذاتيه يعني ممكن يكون الشخص التطرف ده هو اتربى عليه يعني ايه اتربى عليه التنشئه بتاعته عوامل ذاتيه يقصد بها التنشئه التنشئه بتاعته زرعت فيه حته التطرف هتقول لي ازاي هقول لك اتربى في اسره ووسط اصدقاء متطرفين لا مش هنقعد مع ده لا ما تتعاملش مع ده الوسط الاجتماعي اللي طلع فيه حته الاستعلاء ده كله بيزرع فيه حته التطرف التطرف معناه يا جماعه ان انت هتبقى شايف نفسك صح والناس كلها غلط وممكن تعمل اي حاجه عشان تثبت فكرتك طيب خلي بالك ان في تحديات كمان بتؤدي للتطرف والتحديات دي بتواجه الشباب وبتخليهم يعيشوا في عزله ويعيشوا في سلبيه وينسحبوا زي ايه زي افتقاد للقدوه الشاب مش لاقي قدوه يقتضي بيها ولا في الاسره ولا في المدرسه ولا في اي مكان فبالتالي بياخد قدوه ممكن يبقى القدوه قدوه دي حاجه وحشه واحد بيبيع مخدرات واحد مجرم ياخده قدوه اثنين سوء فهم الدين الشباب مش فاهمين دينهم كويس تلاقيهم هم معتقدين حاجات في الدين هي مش صح اصلا هو معتقد بها وماشي بيها ثلاثه ضعف ثقه الشباب في ايه بقى في مؤسسات الدوله وفي الدوله كتير من الشباب مش واثقين في الناس اللي ماسكه البلد يا عم مش عارف ايه يا عم ده انا اديني فلوس وانا اعمل اي حاجه يا عم انا عايز اهرب من البلد دي اصلا مش واثق برده من ضمن الحاجات والتحديات اللي بتواجه الشباب شباب وبتخليهم يتجهوا للتطرف هي ضعف الانتماء هو ما عندوش انتماء لبلده مش بيحبها مش بيحب بلده هو قاعد كده وخلاص واخيرا الاحباط بيبقى عنده سكه احباط مش عارف ينجح في حاجه فواحد يدي له شويه فلوس يقول له اعمل كذا فبيعمل طيب عايز اقول لك برده من ضمن العوامل اللي بتؤدي للتطرف التفاوت الطبقي اللي هو ناس غنيه جدا وناس فقيره جدا فبالتالي الفقراء دول ايه يا عم الناس دي طب لا انا هعمل اي حاجه المجتمع ده ظالم فيتجه للتطرف برده الفراغ الفكري الناس اللي دماغها فاضيه الناس اللي مش متعلمه الجهلين ده من ضمن الحاجات اللي واحد دماغه فاضيه فبالتالي لما حد عارف كلمتين يجي يلعب في دماغه سهل يجيبه بسرعه في السكه بتاعته عشان كده اوعى تبقى فاضي لازم تملى دماغك عشان مش اي كلمتين يشكلوا عقلك وياخدوك في سكه مش بتاعتك اخيرا استخدام وسائل التطور اسمها استخدام وسائل التطور التكنولوجي افهم اسمها استخدام وسائل التطور التكنولوجي قصده ان احنا بقينا نقضي ساعات كتير كتيره جدا قدام السوشيال ميديا وقدام التليفون وده بقى مرض ملعون والله العظيم مرض ملعون وده بيكون وبيدخل في دماغنا افكار ممكن تكون كتير مش صح يا رب يا رب يا رب يا رب سلم وابعد التليفون ده عننا والله العظيم طيب ده كده بالنسبه ل اسباب التطرف ناس بتستغل الشباب المحبطين ممكن يبقى انت شخصيتك ممكن يبقى في تحديات زي اللي انت ما فيش قدوه مش فاهم الدين ما عندكش ثقه في الدوله ما عندكش انتماء محبط في تفاوت الطبقي في فراغ فكري في استخدام وسائل التطور وهكذا طيب ازاي نواجه التطرف ونواجه العنف الراجل قال لك والله عشان تواجه التطرف وتواجه العنف الموضوع في شويه حاجات تعملها اول حاجه ان الدوله تفتح قنوات للحوار نبدي نخلي الشباب في طريقه ان هم يعبروا عن اللي جواهم يتكلموا مع علماء عشان نبدا يبقى في تبادل افكار نفهم دماغهم ونفهم ايه اللي بيعانوا منه اثنين تجربه ا تجربه ال تجربه ايه تجديد الخطاب الديني سوري تجديد الخطاب الديني اللي احنا الشيوخ اللي بيطلعوا يتكلموا يجددوا خطابهم يبداوا يتكلموا في مشاكل الشباب الحقيقيه ما تفضلش تكلمني في حاجات اه طبعا الدين مهم ان احنا نعرف اساسياته ونتكلم وكل حاجه بس واجه الشباب دول افهم الشباب دول عاصر الشباب دول عشان تقدر توصل لهم وتشوف مشاكلهم ثلاثه تضمين المقررات التعليميه الماده الدينيه الكامله او الكافيه من الاخر ان احنا نهتم بالدين ندخل دخل الدين في التعليم لان احنا مش مهتمين بالدين خالص اربعه اشاعه جو الحريه والنصيحه اللي انا اخلي فيه حريه في المجتمع الشباب يقول رايه عشان يعبر عن اللي جواه وادي له النصيحه معالجه الانحراف الاخلاقي اي حد عنده انحراف اخلاقي اعالج المشكله بتاعته واعتبره ان هو مريض زي المدمن بالظبط لكن ما نبذوش عشان الموضوع ما يزيدش عنده لا ده انا اجيبه واعامله ان هو عنده فكره واحاول ان انا اصلحها له عندك تفنيد شبهات الغلو الناس اللي بتنشر حاجات عن التطرف نجيب علماء يردوا على الشبهات دي عشان الشباب يعرفوا الصح والغلط توحيد او قبليها ايجاد مرجعيه صحيحه لازم يبقى في مكان ومرجعيه صحيحه ناخد منه معلوماتنا زي الازهر الشريف عندك توحيد ده مصدر الفتوى ان اللي بيفتي في القضايا الكبيره لما يحصل اي ازمه مكان واحد زي وليكن الازهر الشريف مش اي حد يطلع فتوى نشر دراسات تناول شبهات الغلوه طبعا زي ما قلت لك اللي احنا ننش دراسات تتناول الغلا وتتناول الناس اللي هي ا بتطلع افكار متطرفه ننشر دراسات بتتناول الموضوع ده تداعيم دور المؤسسات التربويه زي المدرسه زي الاسره نقول لهم ايه الدور اللي المفروض يعملوها عشان نواجه التطرف تفريغ طاقات الشباب اخلي الطاقات الشباب يطلعوا الطاقات في انشطه وهكذا وفي الاخير تدريب الطلاب على الحوار اللي انا درب الطلاب بتوعي ان هم يتكلموا مع بعض ويتحاوروا وكل واحد بيقول رايه طبعا الحمد لله اللهم لك الحمد والشكر كثيرا خلصنا بفضل الله المنهج اه والله خلصنا المنهج اللهم لك الحمد يعني كده بفضل الله خلصنا كل المراجعه لو عايز بقى تطبق وعايز تحل لازم تكون معانا على المنصه تشترك معانا في كورس المراجعه النهائيه تاخد كل الامتيازات بتاعه المنصه وبس كده وسلام ‏ten