الدرس الأول نشأة علم النفس وتطوره تانية ثانوى الترم الاول 2026

السلام عليكم ورحمه الله وبركاته طلابنا طلاب الصف الثاني الثانوي اهلا بكم معانا النهارده في اولى حلقات علم النفس طبعا وحشتونا جدا وفرحتونا جدا من النتائج بتاعه سنه اولى ربنا ان شاء الله يكرمكم السنه دي والسنه الجايه ونفرح بيكم على خير يلا بينا نشوف مع بعض الدرس الاول في علم النفس او تكوينه المنهج في علم النفس بتقول ايه هناخد الموضوع الاول اللي هو نشاه علم النفس وتطوره الموضوع الثاني هو تعريف علم النفس واهدافه الموضوع الثالث مجالات علم النفس وفروعه الموضوع الرابع مناهج البحث في علم النفس يلا بينا نشوف كده اول موضوع بيقول لي نشاه علم النفس وتطوره هل العلم ده كان قديم من قديم الازل يعني منذ خلق البشريه ولا هو علم حديث تعال نشوف بقى المكس اللي هيحصل دلوقتي بص كده الجمله دي بيقول لي هو علم حديث نسبيا علم حديث نسبيا يعني ايه ميس علم حديث نسبيا يعني علم النفس هو كان موجود ولكن ما زعش صيته الا في القرن الحديث يعني بدا ياخد وضعه كده كان في القرن الحديث او كان في الربع الاخير من القرن ال 19 اه يعني انت قصدك كده الربع الاخير من القرن ال 19 اللي هو كان سنه 1800 طبعا انت بتاخد تاريخ فانت فاهم حوار العقد والقرن والكلام من ده تعالى طب نكمل بيقول لي انا عندي علم النفس هو علم حديث نسبيا لانه لم يظهر بمعناه او بمظهره العلمي الا في الربع الاخير من القرن ال 19 يعني ايه قرن 19 اللي هو سنه 1800 انت بتقولي الربع الاخير يعني ممكن 1875 في الحدود دي طيب مش قصتنا ولكن انا بفهمك علشان تبقى عارف هو ا مثلا لو جال لك في الاختيار ولا حاجه يبقى انت خلاص اوريدي عارفها او فاهمها طيب يبقى انا كده عندي نشاه علم النفس هو علم حديث نسبيا علم حديث نسبيا طيب قال لي ما ظهرش بمظهره العلمي الحديث الا في الربع الاخير من القرن ال 19 تمام بس هو ليه جذور ويه اصول تمام قال لي ظهر على يد العالم الشهير ويليام فونت وممكن تلاقي اسمه ويلهام فونت الاثنين عادي جدا لو لقيتها في اي كتاب يبقى هو علم حديث نسبيا ظهر على يد ويليام فونت ده كان اسمه الاب الروحي الاب الروحي لعلم النفس تمام قال لي كمان ان علم النفس كان ليه جذور زي ما انا قلت لك ولكن تبتد جذوره للطراس الشرق القديم الشرق لو تفتكر انا كنت بقول لك ان الشرق ليها الهند والصين ومصر وفارس وحضاره العراق اللي هي بابل واشور ولكن تعال نشوف كده ادي الهند والصين او الفرس اللي هي بلاد فارس يبقى انا كده عندي واحده واحده علم النفس علم حديث نسبيا علم حديث نسبيا ولكن تمتد جذوره للاصل فين في الشرق القديم بلاد الشرق القديم اللي هم الفرس والهنود قال لي كمان وجذوره كانت موجوده في التراث الغربي في اليونان اللي هم الاغريق وكانوا على يد الفلاسفه اللي هو سكراط وافلاطون وارستو يبقى واحده واحده كده معايا السلايد ده بالراحه وواحده واحده رتب الاحداث عندي حاجه اسمها علم النفس علم النفس ده بيدرس سلوك الانسان علم النفس ده كان موجود له تاريخ كبير جدا وقديم جدا في البلاد الشرق القديم اللي هم الهنود والفرس وكمان في الغرب عند اليونان ولكن هو ظهر بمظهره العلمي فين؟ في القرن ال 19 اواخر القرن ال 19 الا وهو كان حديث نسبيا يبقى علم النفس علم حديث نسبيا علم حديث نسبيا ابتدت جذوره في الشرق هند وفارس او فرس وفي الغرب اللي هم اليونان كانت على يد الفلاسفه اليونانيين هم اشهر حاجه في اليونان اللي هو سقراط وافلاطون وارستو تعالى نشوف كده كم سؤال على الجزئيه دي بيقول لي عد النفس من العلوم الحديثه هو ما قالش حديثه قوي هو قال لك نسبيه طب كلمه نسبيه دي يعني ايه؟ يعني هو اوريدي كان موجود بس ظهر بهيكله كده في القرن ال 19 يعني هو حديث نسبيا عارف انت الحاجه اللي هتكون موجوده بس مش واضحه هي موجوده من زمان بس مش واضحه هي واضحت دلوقتي يبقى هي حديثه نسبيا يبقى مش حديثه ولا قديمه ولا بدائيه ولكن هو علم حديث نسبيا علم حديث نسبيا تمام علم النفس من العلوم الحديثه اوكي ولكن له له ايه بقى؟ ماضي طويل اه ليه ماضي طويل وليه اصل وليه جذور يبقى عنده جذور تاريخيه عنده تراث شرقي وغربي اه يا ميس عنده تراث شرقي وغربي انت قلتي الشرقي اللي هم الهنود والفرس صح وقلتي الغربي اللي هم اليونان الاغريق يبقى كل الاختيارات معانا يبقى كل ما سبق تمام بيقول لي تمتد جذور علم النفس في حضارات الشرق عند مين بص هو انت قلتي ان علم النفس اوريدي كان موجود عند اليونانيين على فكره الاشوريين هم الاغريق بص انا عايزاك كده تعرف المصطلحات يونان هم هم بالضبط بيساوي الاشوريين بيساوي الاغريق فاسا لو احنا استخدمنا طريقه الاستبعاد عايزاك بقى تمشي معايا كده اللي هو انا بديك طريقه تمشي بيها الثلاث سنين كلهم اللي هي طريقه الاستبعاد او طريقه المفتاح فاحنا لو هنمشي بطريقه الاستبعاد مثل اليونانيين والاشوريين الاثنين اثنين يا ميس واحد فدول بره اوكي كل ما سبق هتبقى غلط فهي هتبقى الهنود والفورس طب دي كده اسمها طريقه الاستبعاد تعال اديك بقى طريقه المفتاح ايه هي بقى طريقه المفتاح انت بتقولي في حضارات الشرق القديم صح انا كنت قايله لك ان جذور علم النفس كانت موجوده في الشرق القديم عند الهنود والفرس وكانت موجوده عند الغرب اللي هم مين؟ اليونانيين فهو هنا قال حضارات الشرق القديم دي كده مفتاح الاجابه يبقى عند الهنود والفرص يلا نشوف اللي وراها تعال نشوف بقى تطورات علم النفس في المراحل علم النفس كان بيمر بثلاث مراحل ايه هم الثلاث مراحل مرحله فلسفيه ومرحله فسيولوجيه ومرحله استقلاليه طيب تعال كده نشوف اول مرحله المرحله الاولى اسمها المرحله الفلسفيه كلمه فلسفيه جايه من كلمه فلسفه والله انت درست فلسفه او ما درستهاش فهي واضحه كده من اسمها طيب الناس اللي درسوا الفلسفه انت بتقولي ان المرحله الفلسفيه دي جايه من كلمه فلسفه طب الفلسفه كانت بتدرس ايه اي حاجه مش واضحه الفلسفه كانت بتدرسها يعني ايه احنا كنا قايلين مع بعض ان الفلسفه بتدرس ال الحقائق وبتوصل للحقيقه ذاتها وبتحاول تشوف الحاجه اللي مش مفهومه وتبدا تفهمها لنا يعني معنى كده ان الفلسفه بتبحث عن ما وراء الطبيعه تمام؟ يعني ما وراء الاشياء عشان توصل للحقيقه. فهو بيقول لك هي مرحله فلسفيه. طب المرحله الفلسفيه دي روادها هيكونوا علماء نفس ولا هيكونوا فلاسفه؟ طبعا يا ميس هيكونوا فلاسفه. حلو قوي الكلام ده. تمام انا معاكي. قال لي طيب المرحله الفلسفيه دي اهتموا بايه؟ قال لي اول حاجه اهتموا بيها هي ماهيه النفس. ميس يعني ايه كلمه ماهيه النفس؟ واضحه جدا اللي هي ماهيه النفس النفس دي عباره عن ايه طب انا النفس دي بعمل بيها ايه النفس بترتبط بايه بص جوانا احنا كبني ادمين او كبشر في قوى بتبدا تحركنا يعني مثلا انت شايف ان عينك بتبربش صح فانت عايز توقف عينك لو تبدا تبرق كده ما بتقفش عايز توقف وقف نفسك ما بتعرفش ففي حاجات خارجه عن ارادتك الحاجات دي بقى هم بداوا يبحثوا عليها وكلام من ده فلقوا ان الماهيه بتاعه النفس بترتبط بعلم النفس في حاجتين اللي هي النفس والروح هي دي اللي بتحركك هي دي اللي بتخليك تعمل الفعل وانت مش قادر تتحكم فيه يعني معنى كده هي المحركه للسلوك يبقى واحده واحده انا عندي المرحله مرحله الفلسفيه تهتم بماهيه النفس مرحله فلسفيه تهتم بماهيه النفس يعني ايه ميس ماهيه النفس يعني ما هي النفس النفس دي عباره عن ايه طبعا افلاطون كان مقسم قوى النفس قوى الانا وقوى الهوا والقوى الدنيا والقوى العليا كل ده هم مقسمينه في الفلسفه فهو قال لك ان ماهيه النفس دي بترتبط ارتباط وثيقا بعلم النفس علم النفس ده اللي انت بتدرسه فقال لي ان ماهيه النفس مرتبطه بالنفس والروح لان هي مصدر السلوك لان هي اللي بتحركك هي اللي بتقودك من جواك خد بالك ان المدرسه الفلسفيه او المرحله الفلسفيه دي هي اللي بتخليك تتحكم في كل سلوكياتك الروح والنفس هي اللي بتخليك تتحكم في كل سلوكياتك يبقى انا عندي المرحله دي بكل بساطه المرحله الفلسفيه هي بتهتم بماهيه النفس اي حاجه فيها روح فيها نفس يبقى دي المرحله الفلسفيه تمام وما تاخد بالك ان هي عندها نقطه مهمه جدا بتقول ان النفس والروح هما المحركان للسلوك او مصدر للسلوك تعال نشوف المرحله اللي وراها وهي مرحله الفسيولوجيا او المرحله الفسيولوجيه بص المرحله الفسيولوجيه دي هيبدا علم النفس يستقل بذاته يقول لك لا خلاص الفلسفه شكرا ليكي كده انا مش عاوز اكون تحت بند المدرسه الفلسفيه او المرحله الفلسفيه فانا لا انا عايزه استقل بذاتي طب انت يا عم علم النفس هتستقل تمام هتستقل بص انا بيقول لي ايه استقل علم النفس عن الفلسفه وارتبط بعلم الفوسيولوجي علم الفسيولوجي ده عباره عن ايه لو انت بتاخد بايو هتكون عارف ان علم الفسيولوجي ده هو علم دراسه الاعضاء يعني ايه ميس علم دراسه الاعضاء يعني انا عندي اعضاء في جسمي كله بس انا مش بدرس العضو لا لا التشريح والكلام ده لا ده بتاع البايو انا بدرس وظيفه العضو يعني مثلا انا تعبان او تفكير وكلام من ده فانا كده بدرس الدماغ وظيفه الدماغ ان هي بتفكر و انا مثلا متعصب او كده فالقولون ا مثلا هبدا ان انا اخد حاجه تهديه انا بشوف الوظيفه بتاعه العضو ما بدرسش العضو لوحده طب تعالى واحده واحده كده يبقى استقل علم النفس عن الفلسفه وارتبط بعلم الفسيولوجي وهو علم وظائف الاعضاء بتدرس فيه بقى الدماغ بتدرس فيه القولون بتدرس فيه المعده بتدرس فيه اي عضو لكن بتشوف ايه وظيفته تمام يبقى علم النفس استقل عن الفلسفه نهائي وارتبط بعلم اخر وهو علم الفسيولوجي ايه هو علم الفسيولوجي علم وظائف الاعضاء قال لي حتى يستفيد من المنهج التجريبي يبقى اول ما يقول لك منهج تجريبي اعرف على طول ان انت في المرحله الفسيولوجيه طب مين هو او مين رواد هذه المرحله طبعا الاب الروحي بتاعنا احنا كنفسيين هو ويليام فونت تمام تعالى نشوف بقى وضعه كان ايه او دوره كان ايه في هذه المرحله تعال نشوف اول حاجه عملها ايه اول حاجه قال لي انشا اول معمل تجريبي لدراسه علم النفس 1879 خد بالك انا قلت لك ان هو علم النفس ظهر في الربع الاخير من القرن ال 19 القرن 19 ده يعني 1800 الحاجات دي انت عارفها في التاريخ 1800 اهي طب انا قلت لك الربع الاخير من القرن ال 19 يعني من اول 75 وطالع فهو انشا اول معمل تجريبي لدراسه علم النفس 1879 ومعلش تعال على نفسك احفظ التاريخ ده تمام يبقى الراجل ده مشكور جاب مكان وبدا يجهزه وعمله معمل وقال لنا يلا كلكم هتقعدوا تشتغلوا في المعمل ده عمل ايه كمان قال لي ان هو بدا يهتم بدراسه العمليات المعرفيه اللي هي زي الاحساس والانتباه والادراك والذاكره والتفكير كل ده معاك هي عمليات معرفه يه عليا تمام قال لي ايه كمان قال لي حدد موضوع علم النفس في هذه المرحله بدراسه الشعور وما يتبعه من العمليات المعرفيه العليا يبقى الراجل ده مشكورا انشا اول معمل تجريبي موجود وعمل ا بدراسه العمليات المعرفيه اللي هي الاحساس والادراك والانتباه والتفكير والذاكره حدد موضوع علم نفس هذه المرحله بدراسه الشعور وما يتبعه هذه العمليات قال لي كمان الراجل ده اسس مجله فلسفيه لكتابه ابحاثه عام 1881 ما تتاخرش ما بين 1879 ل 1881 تعال نشوف بقى دراسته التجريبيه دي كانت قايمه على ايه بيقول لي اول حاجه ركز دراسته التجريبيه لان هو شغال بالمنهج التجريبي على على ايه بقى تعالى نشوف اول حاجه بيقول لي ركز على عمليه الادراك الحسي انا الاول عايزه افهم يعني ايه ادراك حسي ادراك حس يعني انت تبقى مدرك ايه اللي قدامك انا مثلا انت كنت شايفني قبل كده معايا من السنه اللي فاتت مثلا فانت تبدا تقول لي ايه ا اول ما تشوف وشي كده هيتي كده وانا جايه فتقول ايه مسرا ابراهيم مدرسه الفلسفه او مدرسه علم النفس انا عارفها فانت اول ما شفتني ادركت ان انا اسراء مثلا انا ا دخلت مثلا سنتر فلقيت الولاد بتردد بتون معين او نغمه معينه فتقول لهم ايه ده هي مسراء هنا فيقولوا لك اه انت عرفت مين تقول اصل سامع صوت الولاد وهم بيقولوا او تسمع صوتي انا فتقول لهم ميس اسراء هنا صح فيقول لك عرفت منين اصل انا سامع صوتها فانت ميزت صوتي عن كل الاصوات اللي موجوده في المكان بقى من سكرتاريا لمدرسات لناس لطلبه بنات فانت قدرت تميز صوتي مثلا انت داخل القاعه وشميت مثلا ريحه برف معين مدرس معين بلاش مدرسات فعرفت ان ده مستر فلان فانت بدات تميز ريحه البرف اللي انت بتشمها دايما معاه هي موجوده دلوقتي يبقى هو موجود يبقى الادراك الحسي ان انا افهم افهم وادرك الشيء اللي قدامي فعمليات الادراك الحسي زي تذوق الطعام بتبدا تعرف الاكل ده ايه حتى لو انت مغمي عينك استنشاق رائحه العطور اللي هي بتبدا تشم ريحه برف معين فتعرف دي البرفان ده ايه او ريحه مين التعبير عن وجه صديقك قال لي كمان تمييز الاصوات تعرف صوت ده مين وصوت ده مين يبقى اول حاجه دراسته دراسه ويليام فود ركزت على عمليات الادراك الحسي رقم اثنين الطبيعه النفسيه الطبيعه النفسيه دي اللي بتهتم بدراسه العلاقه بين المثير والاستجابه يعني ايه مثير؟ كلمه مثير يعني معلومات كلمه مثير يعني احداث خارجيه انت مالكش يد فيها انت بقى اللي هتكون استجابه ليها او مش هتعمل استجابه ليها تعال نشوف كده مع بعض واحده واحده بصي انت دلوقتي بتقولي المثير ده حاجه جايه من بره زي مثلا التليفون رن فانا رديت على التليفون التليفون ده هو مسير انا عملت له عمليه استجابه اول ما رديت الباب خبط فده مثير اثارني هو اثار انتباهي انا وصل للحثه عندي فالحثه سمعت ان الباب بيخبط فبدات ان انا اروح افتح الباب يبقى انا عملت استجابه يبقى المثير كان الباب والاستجابه ان انا قمت فتحت المثير كان التليفون بيرن فانا رديت يبقى دي اسمها استجابه يبقى هو ركز على عمليات الادراك الحسي اللي انا ابقى مدرك اللي حواليا رائحه بقى صوت كلام من ده الطبيعه النفسيه وهي العلاقه ما بين المثير والاستجابه المثير الشيء الخارجي والاستجابه اللي انت بتستجيب لها ايا كان بقى كان صوت كان ضوء كان اي شيء قال لي رقم لاثه ركز على دراسه زمن الرجع يعني ايه مش دراسه زمن الرجع هو الزمن الفاصل بين المثير والاستجابه مش فاهم حاجه واحده واحده دلوقتي التليفون لما رن مش انا قلت لك ان ده مثير تمام وقلتي لي ان انت رديتي فانت عملتي استجابه الزمن بقى اللي انا بمسك فيه الموبايل وببدا ان انا ارد عليه ده اسمه زمن زمن فاصل ما بين المثير لما رن اللي هو الموبايل وما بين ما انا رديت اللي هي الثانيه دي اللي هي اصلا مش مذكوره الباب خبط مثير فانا رحت افتح وانت رايح كده ده اسمه زمن الرجا هو الحد الفاصل ما بين المنبه والاستجابه او المثير والاستجابه صعب كده مرحله الفستولوجيه هي ما بتتكلمش الا على فونت اصلا وان علم النفس استقل عن الفلسفه وارتبط بعلم وظائف الاعضاء ورواده كان فونت عمل اول ما عمل اهتم بدراسه العمليات المعرفيه اسس مجله دول اهم حاجه المعمل والمجله ودراسته ركزت على عمليات الادراك الحسي وركزت على الطبيعه النفسيه وزمن الرجع سهله جدا وبسيطه طيب تعالى نشوف بقى المرحله الاستقلاليه المرحله الاستقلاليه بقى اللي بص ده هيستقل عن الدنيا كلها بص قال لك ايه قال لي استقل علم النفس عن العلوم الفسيولوجيه والباولوجيه موضوعا ومنهجا الله يعني انت الاول استقليت عن الفلسفه اه وارتبطت بالفسيولوجي اه وسبت الفسيولوجي اه بص بياع اللي هو عايز استقل عن كله البايو والفلسفه و والفسيولوجي كل حاجه هو استقل عنها عشان يبقى لوحده بص بقى اصبح ايه اصبح سلوك ظاهري وده كان موضوعه واصبح منهج ملاحظه وتجربه اللي هو انا اشوف بعيني وبعد كده اجرب يبقى انا عندي علم النفس في المرحله الحاله الاستقلاليه استقل عن العلوم الفسيولوجيه والبيولوجيه موضوعا ومنهجا واصبح موضوع السلوك الظاهري خد بالك اي سلوك ظاهري بيحصل قدامك ده مرحله استقلاليه مش حاجه اسمها من جواك لا لا م ليش دعوه بالنيه انا ماليش دعوه انا ليا دعوه بسلوكك الظهري قدامي فلو قال لي سلوك ظهري خد بالك عشان هيجي لنا مدرسه سلوكيه برده بتهتم بالسلوك فهو بص يقول لك اي مرحله مرحله استقلاليه او مرحله الاستقلال يبقى انا عندي هو استقل عن الفلسفه والفسيولوجي والبيولوجي وكل شيء وبدا ان هو يكون علم النفس ذاته لوحده قال لي بقى ساب كل حاجه منهج وموضوع وبقى موضوعه السلوك الظاهري اللي هو اي حاجه بتحصل قدامك والمنهج بتاعه ملاحظه وتجربه انا بلاحظ الشيء الاول اشوفه اعمل له ملاحظه وبعد كده ابدا ان انا اجربه تمام تعالى بقى نشوف كده مع بعض الاسئله بيقول لي هناك فارق بين الانسان وغيره من الكائنات الاخرى لانه يمتلك الروح انا قلت لك اي حاجه تتكلم عن الروح والنفس وماهيه النفس انت على طول في في الفلسفه فيصفي على طول انت ما اندرتش لاي شيء تمام تعالى نكمل لانه يمتلك الروح التي تعد سر كبير في الانسان الى اي مرحله تنتمي هذه المقوله لو انا هشتغل بالمفتاح طريقه المفتاح اتبع تابع معايا بس الطرق دي والله ثالثه ثانوي انت قاعد بتحل برنس باشا بص بيقول لي لانه يمتلك الروح لو انا بطريقه المفتاح كلمه روح ونفس وماهيه النفس يبقى انا في المرحله الفلسفيه طب انا يا ميس عاوزه ابعدها يعني عاوزه اعمل عمليه استبعاد الاستقلال ما جابش سيره البيولوجي ولا اي حاجه طب البيولوجي لا هو اصلا ما كانش عندنا مرحله بيولوجي اصلا احنا كان عندنا ثلاث مراحل فلسفيه فسيولوجيه استقلال فدي اسه مش معانا وهو هنا ما قالكش ان حاجه استقلت عن حاجه يبقى مش استقلال الفسيولوجيه هو ما قالش حاجه فيها اعضاء اصلا فدي برده غلط يبقى انا كده عندي هي المرحله الفلسفيه وبطريقه المفتاح الاسهل طبعا اللي هي الروح انا بلجا لطريقه الاستبعاد لما مال الاقيش مفتاح في السؤال فعشان كده بقول لك تعمل استبعاد ازاي انما انت اوريدي موجود كلمه روح والروح دي كانت في اول مرحله المرحله الفلسفيه تهتم بماهيه الروح وان الانسان عنده نفس وروح هم اللي بيحركوه فانت لقيت روح لقيت نفس ماهيه النفس على طول وانت مغمض المرحله الفلسفيه تمام تعال نشوف اللي وراه اهتم اليونانيون بدراسه ماهيه الطبيعه الانسانيه ماهيه النفس يعني اللي هي المرحله الفلسفيه تمام والروح والنفس الله دي واضحه صريحه يبقى انا كده في المرحله الفلسفيه ده انت قلت روح ونفس وهنا ماهيه الناس ده الثلاثه مع بعض بعت اعتبرها مصدر السلوك في مرحله ايه؟ هو بقى مش سازج للدرجه دي ان احنا نلاقي تحت فلسفيه تعال نترجم كده مرحله الاستقلال هي مترجمه مش معانا المرحله البيولوجيه هي اصلا مش موجوده ده احنا كنا ثلاثه بس الفسيولوجيه اه كانت موجوده بس ما فيش دراسه وظائف اعضاء ولكن كلمه التامل النظري بص فلسفه بتساوي نظريه بتساوي التامل حلو كده الكلام يبقى انا عندي هي مرحله فلسفه سفيه الا وهي التامل النظري تعال نشوف اللي وراها من اوائل الحضارات التي قامت بالربط بين السلوكيات وباطن الانسان السلوك وباطن الانسان مين اللي عمل كده من اول الحضارات من اوائل الحضارات كانت الاغريقيين اللي هم اليونانيين هم اللي ربطوا السلوك وباطن الانسان اسس فونت اول معمل تجريبي لدراسه للدراسه عام كام انا قلت لك معلش اتك على نفسي واحفظ الرقم ده كان 1879 اللي وراه اهتم فونت باجراء تجارب نفس في السيولوجيه على موضوعين مرتبطين بالسلوك وهما ايه؟ هو الراجل قال لك ان انا هعمل تجارب فستولوجيه كان مهتم بالعمليات المعرفيه اللي هي ايه؟ الانتباه الادراك الذاكره كلام من ده طب احساس وادراك هو ماشي كان ماشي على الاحساس والادراك فهي دي الصحيحه طب تعال نشوف الباء التفكير والشعور هو ما جابش سيره الشعور طب الانتباه والتركيز جاب الانتباه بس مش التركيز النسيان والتذكر هو جاب سيره الذاكره اللي هو التذكر ولكن ما فيهاش نسيان يبقى احنا اصلا اوريدي عارفينها ان هو ارتبط بالسلوك ما بين الاحساس والادراك او التفكير او الانتباه انما ما ينفعش تحط لي شعور وتركيز ونسيان يبقى السلوك مرتبط بحاجتين احساس ادراك استقل علم النفس عن الفلسفه في اي مرحله هو بص هو ما قاليش بقى ولا استقل عن الفسيولوجي ولا البيولوجي لا هو بيقول لك لسه في الاول خالص علم النفس استقل عن الفلسفه في اي مرحله هي المرحله الفسيولوجيه وبعد المرحله الفسيولوجيه بقى اللي هو مرحله الاستقلال ساب الفسيولوجي وساب البيولوجي استقل علم النفس عن علم وظائف الاعضاء في مرحله ايه الاول هو ساب الفلسفه وارتبط بعلم وظائف الاعضاء اللي هو الفوسيولوجي السؤال بقى بيقول ايه بيقول ان استقل علم النفس عن علم وظائف الاعضاء في اي مرحله بعد خلاص ساب الفوسيولوجي راح المرحله اللي وراها اللي هي المرحله الثالثه اللي هي الاستقلال اصبح منهج علم النفس في المرحله الاخيره من التطور هو خلاص اخر مرحله من التطور كان موجود في التجربه لان هو قال لك في اخر مرحله اللي هو كان بيشوف الملاحظه ويبدا يجرب دي كانت اخر مرحله يبقى اصبح منهج علم النفس في المرحله الاخيره من التطور هو التجربه المشاهده والتجربه عشان لو جت لك في الاختيار نستطيع القول بان المنهج الاساسي لدراسه علم النفس في المرحله الاخيره اخر مرحله هو برده تجربه فهيكون تجريبي تمام اصل الاستبطان ده اللي هو داخلي وهو مالوش دعوه بالدواخل شبه تجريبي لا هو جرب فلا غلط خالص الوصف بيوصف بس لا ده هو بيشاهد ويجرب على طول تعالى نشوف بقى اا المدارس او ابرز المدارس اللي درستها او اللي درسها علم النفس تعالى نشوف بقى مع بعض بيقول لي اول حاجه انا عندي المدرسه البنائيه والرائد بتاعها كان فونت وعندي المدرسه السلوكيه كان واتسون ومدرسه التحليل النفسي ودي قمر جدا وهتنطبق عليك وعندي مدرسه الجشتلت كانت كوهلر وكوفكا وفيرت هايمر والمدرسه المعرفيه اللي هي سكنر وزبل ونورمن تعال نشوف واحده واحده كده بالراحه هقولهم لك واحده واحده بس انا بعرفك ان انا عندي كام مدرسه بنائيه سلوكيه تحليل نفسي جشتلت معرفيه واحد انين 3 4 خ يبقى انا عندي كم مدرسه؟ خمسه كم مرحله لاثه خد بالك تعال نشوف مع بعض اول مرحله وهي اول مدرسه قصدي اللي هي المدرسه البنائيه كان رائدها فونت بي حددت موضوع علم النفس في دراستها على الخبره الداخليه الشعوريه للفرد خبره داخليه شعوريه للفرد قصدك ان هو بيهتم بداخل الانسان قصدك قصدك ان هو بيعتمد على الشعور قصدك ان هو بيعتمد على الوجدان قصدك ان هو بيعتمد على النوايا اه خد بالك ان كلمه المدرسه البنائيه هو لسه بيبني يعني بيعمل عمليه تكوين يعني انا ممكن اقول عليها ان هي المدرسه التكوينيه ايوه صح ده انا لسه ببني يبقى المدرسه البنائيه هي المدرسه التكوينيه يبقى تعالى لياني المدرسه البنائيه كان رائدها فونت قال لي حددت موضوع علم النفس في الدراسه اللي اللي هي الخبره الداخليه الشعرايه للفرد اللي هو شعور الفرد بداخله اللي هو نوايا الفرد من داخله ما بتاخدش خالص بالسلوك الظاهري لان السلوك الظاهري دي هي المرحله السلوكيه تمام قال لي كمان اكدت على منهج الاستبطان يعني ايه ميس منهج الاستبطان يعني اللي بيكون من باطن الشيء من داخل الشيء بما ان هي بتعتمد على السلوك الداخلي او بتعتمد على الشعور الداخلي او بتعتمد على النوايا يبقى المنهج بتاعها منهج الاستبطال كان من اهم المناهج المناسبه لدراسه الخبره الشعوريه للفرد يبقى انا كده عندي واحده واحده المدرسه البنائيه هي المدرسه التكوينيه كانت بتهتم بالشعور الداخلي للفرد بنوايا الفرد اعتمدت على منهج الاستبطان يعني اللي داخل الخارجي باطن الشيء تمام تعالى نشوف بقى المدرسه السلوكيه قال لي اهتمت المدرسه السلوكيه دي بايه؟ قال لي اهتمت بدراسه السلوك الذي يمكن ملاحظته وقياسه يعني ايه يا ميس ممكن ملاحظته وقياسه يعني انت مثلا شايفني جايه بضحك وفرحانه جدا ان انا بديك اول حصه النهارده فانت من سلوكي فاهم ان الميس فرحانه دخلت لقيتني ضاربه لك 111 كده ومقشره فانت تقول لا ده الميس شكلها متعصبه خالص طب انت ايه اللي اعرفك انها فرحانه او متعصبه لما ضحكت لما بكيت لما اتعصبت بالضبط تمام فانا من السلوك اقدر احدد انت مالك فيك ايه مش ساعات كده تكون داخل على ماما فتقول لك خير عملت ايه النهارده في الامتحان فتقول لها يا ستي سيبيني بقى انا ما عملتش حاجه سيبها وتمشي طب اا هي فهمت ايه ان انت هببت الدنيا في الامتحان طيب ا وشعوري بقى والكلام ده لا هي مالهاش دعوه هي ماما شايفه سلوكك ان انت عايز تتربى بجد فهي حكمت على السلوك ان انت اصلا ما ما ذاكرتش ولا اكتست الامتحان فهي حددت ده من سلوكك يبقى اهتمت بدراسه السلوك الذي يمكن ملاحظته وقياسه زي الضحك زي البكاء تمام قال لي ركزت على السلوك اهو وليس الشعور يعني ايه مس ركزت على السلوك وليس الشعور بص دايما دايما دايما اا مثلا اهلك شايفينك مثلا بتاكل وبتشرب وبتضحك وبتنزل دروسك وبتذاكر وبت وبتنزل بتروح لصاحبك تنزل الجام تروح سايبر مش عارفه ايه فهم شايفين سلوكك ان انت حد كويس وان انت تمام ومشايل هم بس انت من جواك في حاجات وجعاك كلنا كده وهم ما بيكونوش فاهمين ده بسبب الضغوطات اللي عليهم ضغط بقى نفسي عصبي اقتصادي ا اثري يعني كل ده ما بيبقوش منتبهين له فهم شايفينك بتاكل وبتشرب وبتلبس وبتضحك وبتهذر وبتسافر وبتيجي وبتروح فهم بيحكموا على سلوكك ما لهمش دعوه باللي جواك انت تعبان او زهقان او او تمام قال لي كمان ركزت على الملاحظه الموضوعيه الخارجيه كمنهج للدراسه هي بتشوف الملاحظه الخارجيه برده مالهاش دعوه بباطن الاشياء يبقى انا كده بكل بساطه عندي المدرسه البنائيه اللي هي المدرسه التكوينيه بتهتم بالباطن باللي جوه بالشعور الداخلي انما المدرسه السلوكيه بتهتم بالسلوك الظاهري فقط الملاحظه الموضوعيه الخارجيه بص علشان ما تتعبش شويه في اسامي العلماء المدرسه البنائيه دي انت عندك فونت هنا فيها نون وفونت وكلمه بنائيه فيها نون المدرسه السلوكيه واتسون انا عندي حرف السين في في واتسون وعندي سين في السلوكيه حاول تسهل على نفسك كده عشان ما تنساهمش تمام تعالى نشوف بقى مدرسه التحليل النفسي وده كان صاحبها فروود او فرويد اللي انت عايزه بص هنا برض في حرف الف وكلمه نفس فيها حرف الف بقرب عليك المسافات سيكا طيب تعال نشوف ايه كلمه تحليل نفسي كلمه تحليل نفسي عارف انت لما تروح للدكتور النفساني او تحس ان انت تعبان او مخنوق في حد يقول لك صلي هترتاح وانا من الناس دي نعلى شويه طب انا صليت بس لسه اشرب كوبايه قهوه اخد لك حته شيكولاته في ناس كده في الصبيان لا بقى هو يصلي ويروح الجيم وينزل مع اصحابه هوو كده فك فانت بتحلل شخصيه اللي قدامك وبتبدا ان انت تشوف له حل وتشوف بقى الحل اللي انت هتعمله معاه ده هينجح ولا لا فانت بتحلل الشخصيه اللي قدامك ودي وظيفتنا احنا ك يعني سربست بقى اللي هو انا كمعالج نفسي كمان مش مدرس مع اني انا بعمل ده مع الطلبه بتوعي فانت كونك ان انت مدرس فانت بتحقق اللي انت اعلمته مع الطلبه لو انت بقى ثرابست ودكتور وكملت على فكره علم النفس قسم علم النفس ده من الحاجات الممتعه جدا انت بتبقى دكتور وبتقدر تقدر تتعامل مع الحالات وممكن كمان تكون مدرس ودكتور الاثنين مع بعض بيبقى مكس تحفه جدا ان انت مثلا لو عندك طالب مش بيعرف يفكر كويس او مثلا حد عنده مشكله دايما دايما اصلا تلاقي كل الولاد او كل البنات عندها مشكله رايح لميس الفلسفه او ميس علم النفس او رايح لمستر الفلسفه او مستر علم النفس بيتحس ان في توافق فكري كده فعلم النفس بالنسبه لك هو اللي بيحدد لك او بتخليك تحلل الشخصيات اللي قدامك فانا عندي المدرسه اهي مدرسه التحليل النفسي قال لي اهتمت بدراسه اثر العوامل والدوافع اللا شعوريه في سلوك الفرد لا شعوريه اه لا شعوريه يعني ايه ميس لا شعوريه انت ما تبقاش واخد بالك عقلك الباطن شغال شغال ما بيفصلش ما بينامش اللي هو بقى الاحلام والكلام من ده تعالى نشوف كده بيقول لي ترى انه يتحكم بالسلوك الظاهري قوه داخليه لا شعوريه يعني مثلا انت قاعد قدام حد مثلا ساعات كده ا وقاعد مثلا بيتعصب ومش عارفه ايه فانت عايز تقوم تلطشه باللم فانت السلوك اللي انت هتدي له بيه بالقلم ده العقل الباطل هو اللي مصدره لك بجد والله مش بهزر هو اللي مصدره لك ان انت انا هقوم دلوقتي الطشه بالقلم فهو بيقول لك ايه بقى ان ترى انه يتحكم بالسلوك الظاهري اللي هو لطشه الالم دي قوه داخليه جوه بقى النوايا السودا قوه داخليه لا شعوريه انت مش حاسس بيها الداخلي بقى هو اللي بيتحكم فيك. تمام؟ قال لي ترى ان مرحله الطفوله خد بالك بقى مرحله الطفوله ها مرحله الطفوله كانت في التحليل النفسي لها اثر خطير في شخصيه الفرد اللي هو مثلا الولد بيكون متربي على الهدوء فبيطلع سوي نفسيا ولد الثاني متربي على بقى الزعيق والشتايم ما بين الام والاب بيطلع غير ا سوي نفسيا بالمره فالاطفال لازم تتعامل بطريقه غيرنا احنا خالص حتى انت في سنك ده لازم تعامل الاطفال بطريقه كويسه عشان يطلع حد سوي نفسيا تمام تعال نشوف بقى مدرسه الجشتلت قال لي مدرسه الجشتلت دي فيها حفله عندك كوهلر وعندك كوفكا كوفكه مش كفته كوفكه تمام وعندك فيرتهايمر طيب تعال نشوف بقى المدرسه دي اكدت على ايه قال لي تؤكد على ان ادراك للاشياء يتم بصوره كليه وليست عناصر جزئيه يعني انت مثلا لو هم اطوك صوره فيها عينيا فانت مش تعرف ان دي الميز انما لو عطولك شكلي كله وخبوا لك عين عارف اللعبه بتاعه عين مين دي مش عارفه انت هتفتكرها ولا لا بس كانوا يجيبوا كده على التلفجن صوره ويحط لك مثلا صوره ممثل ويشيله عينه يقول لك مين ده هو ده بالظبط فالمدرسه دي بتاعه الجشتلت هي بتاخد الكل من مجموع اجزاؤه يعني هي عايزه تدرس الكل مش عايزه تدرس الاجزاء بص كده بيقول لي ايه تؤكد على ان ادراك اكتر الاشياء يتم بصوره كليه وليست عناصر جزئيه يعني انا بعرف الكل من مجموع الجزء انا ما بدرسش الاجزاء عشان اوصل للكل لا انا باخد الكل وبعد كده ادرس اجزاءه او افصص اجزاءه تمام قال لي المثال اللي عندي بص كده بيقول لي ايه تدرك الوجه ككل وليس مجموع العين والانف يعني مثلا لو جابوا لك صوره لمناخيري وصوره لعينيا وصوره مثلا لبقي فانت مش تعرف ان دي انا انما لو جابوا لك وشي كله خبوا عيني خبوا بقي خبوا مناخيري فانت تعرف ان دي انا فهو بيقول لك ان انت لازم تدرك الوجه ككل كله اهو عيون مش عارفه انا كنت برسم احسن من كده بس ماشي كده تمام فانت لو خبيت ده خلاص انت عارف الشخص ده مين خبيت الجزء ده انت عارف الشخص ده مين فهو بيقول لك يجب ان تدرك الوجه ككل وليس مجموع العين والان وهذا يعني ان الكل اكبر من مجموع اجزاؤه الكل هو اكبر من مجموع الاجزاء يبقى مدرسه الجشتلت كانت بتقول ان احنا ندرك الكل وهو مجموع الاجزاء ما ينفعش تدرس الاجزاء لوحدها تعال نشوف المدرسه اللي وراها بص كده المدرسه المعرفيه روادها سكنر وزبل ونورمن اكت واحد مشهور فيها نورمن تعال نشوف المدرسه دي اكدت على ايه قال لي اكدت على وجود العديد من العمليات المعرفيه العمليات المعرفيه اللي هي الادراك والاحساس والانتباه وكل ده بص كده بيقول لي ايه التي تتوسط بين المثير والاستجابه يعني العمليات المعرفيه اللي ما بين المثير والاستجابه اللي هو المثير اللي هو ايه انا كنت قلت لك ان التليفون رن فانا قمت رديت فده مثير وده استجابه العمليات اللي بتحصل بقى ما بينهم قال لي كمان ان هي استخدمت المنهج الموضوعي في فهم العمليات المعرفيه مدرسه سهله جدا وبسيطه اول ما تلاقي معرفه او احساس او ادراك يبقى انت خلاص عرفت ان انت في المدرسه المعرفيه تعالى نشوف الاسئله اللي عليها من رواد مدرسه الجشتلت مين هم بتوع الجشتلت اللي هو كان فيهم كوفكا كوفكا مش كفته كهلر ولا كوفكا ولا فيرتهايمر ولا كل ما سبق كلهم هم على بعضهم الثلاثه كانوا في الجشتلت تمام بيقول لي مدرسه تهتم باكتشاف العمليات المعرفيه الداخليه عمليات معرفيه داخليه العمليات المعرفيه اللي هي ايه اللي هي الاحساس والانتباه والادراك والكلام من ده هل هي بنائيه لا طبعا مش بنائيه خالص هل هي سلوكيه ماتكلمش عن السلوك هل هي تحليل نفسي وبدا ان هو يشوف التحليلات النفسيه والكبت والحاجات دي لا لا بعيده عننا ولكن دي هتكون المدرسه المعرفيه وبكده هنكون خلصنا حلقتنا اشوفكم ان شاء الله في حلقات ثانيه كتير والسلام عليكم ورحمه الله وبركاته ‏Yeah.