استراتيجية الكرة الطائرة وسلة الكرات الملونةوالألعاب التعليمية التعلم باللعب النشط

سلام عليكم اهلا وسهلا بكل متابعينا في كل مكان عاملين ايه يا رب تكونوا في احسن صحه واحسن حال الفيديو النهارده من فيديوهات استراتيجيات التدريس هنشرح النهارده معاكم استراتيجيه حلوه جدا من استراتيجيات التعلم باللعب وكمان هتخلي الحصه بتاعتك جميله جدا الفيديو النهارده هيستفاد منه كل مدرس حابب يبتكر في حصته وحابب يعمل لعبه حلوه وفي نفس الوقت تعليميه ويخلي الطلاب بتوعه مبسوطين في الحصه بتاعته يلا بسرعه حطوا لي لايك للفيديو ده لو لسه مش مشتركين عندي نوروني واشتركوا اي ام برده في البيت حابه ان هي تغير من طريقه المذاكره مع ابنها او بنتها وحابه ان هي تعمل له لعبه تعليميه وتخليه يحب التعليم اللعبه دي مناسبه جدا جدا لكل المراحل تمام كده مش خاصه بمرحله معينه هتكلم النهارده عن استراتيجيه سله الكره طيب بتتنفذ باكت من طريقه تعالوا في البدايه نقول الخامات اللي هنحتاجها اول حاجه الخامات اللي احنا هنحتاجها مجموعه من الكور باي عدد تمام كده يبقى انا اول حاجه هحتاج مجموعه من الكور باي عدد يعني دول مثلا 10 بس يفضل ان هم يكون زياده عن 10 عشان خاطر طبعا عدد الفصل وكده وتقدري تخلي ان الفصل كله ايه يشارك تمام كده وطبعا عشان عدد الاسئله يبقى انا هجيب مجموعه من الكور من اي محل العاب وبعد كده هبدا ان انا ايه بعد لما اجيب الكور هحطها في سله تمام كده بعد ما احطها في سله الخامه الثانيه اللي هحتاجها هي الورق اي ورق عندك وقلم جاف ولزق يبقى دي الخامات اللي انا هحتاجها عشان اقدر انفذ استراتيجيه سله الكره تمام ورق وقلم ولزق طيب تعالوا نشوف بقى هنعمل ايه اول حاجه الطريقه الاولى في استخدام هذه الاستراتيجيه بدون ورقه وبدون قلم ان انت هتمسك كره زي دي كره واحده بس هتكون معاك في كل حصه طيب انا بستخدمها ازاي الطالب اللي هيجاوب هبدا ان انا القي عليه الكره بالشكل ده فهيبقى هو اللي هيمسك بيه هو اللي هيمسك طيب يبقى خلاص هو ده اللي عليه الدور هيقوم و هساله وهشوف اجابته صح ولا غلط بعد كده هبدا ان انا ايه اكافئ لو صح وادي له فرصه تانيه لو اجابته غلط يبقى دي اول حاجه من استخدام الكره ان انا هبدا القي الكره على الطالب اللي مفروض ان هو يجاوب الطريقه انيه لاستخدام الاستراتيجيه دي ان انا هجيب السله زي ما احنا قلنا مع بعض وهبدا ان انا املاها بالكور بس الكور مش هتكون لوحدها هكون انا ملزقه عليها اسئله تمام كده يبقى هنا بقى هستخدم ايه هستخدم الورق الورق اللي انا قلت لكم عليه وهبدا ان انا اقصه صغير خالص وبعد كده هكتب عليه الاسئله طيب هل ضروري ان انا اكتب اسئله ينفع مثلا اكتب كلمات وهم يقوموا يحلوها مثلا على السبوره في تحليل الكلمات تمام كده ايوه ينفع تكتب عليها اي حاجه كلمات وهم يكونو كلمات وهم مثلا يبداوا ان هم ينطقها ويقراها يعني دي الاستراتيجيه دي مرنه جدا وبتقدر تستخدمها لكل المراحل من اول مرحله التاسيس والكي جي واللحد ثانويه عامه هنقص الورق كله بالشكل ده وبالحجم ده وهبدا اهو اكتب الاسئله مثلا على سبيل المثال لو طبقناها في اللغه العربيه زي اذكر نوع اللام في كلمه الولد او اذكر كلمه بدا بحرف الجيم تمام كده وبعدين هاخد اللزق كده وهبدا ان انا هقص قطعه والزق على الكوره بالشكل ده كده طبعا يفضل ان احنا نستخدم المقص بصوا معايا اهو بالشكل ده وهكمل الكل نعمل ايه اهو هاخد بقى دلوقتي كل الكور بالشكل ده وابدا ان انا احطها فين هحطها طبعا في السله زي ما اتفقنا كده مع بعض هنحطها بالشكل ده طبعا المفروض زي ما قلت لكم كلهم هيكون عليهم اسئله بالشكل ده بعد كده بقى هطلب من الطلبه ان هم هختار منهم ولد او بنت هيبدا ان هو ياخد السله دي ويمر بيها على الطلاب هيمر بيها كده على الطلاب وكل ولد هيبدا يختار سؤال بسرعه يختار سؤال يختار سؤال وهنشوف مين اسرع ولد طبعا هيجاوب تمام كده فدي طريقه من طرق استخدام استراتيجيه سله الكره تمام كده احنا كده قلنا طريقتين تعالوا بقى نعرف مع بعض الطريقه الثالثه والطريقه الثالثه هتكون عباره عن دمج بين استراتيجيتين هتعمل دمج بين استراتيجيه سله الكره واستراتيجيه التصنيف تمام كده طيب هتكون عباره عن ايه مش هحتاج بقى في ال في الدمج اللي انا لك عليه مش هحتاج سله واحده هحتاج اربعه تمام كده طيب اربعه ليه اول حاجه سله هتكون فيها عدد كبير جدا من الكور وعلى كل كوره سؤال مختلف تمام كده والثلاث سلات بقى بتوعنا هيكونوا ازاي هيكونوا كل واحده فيهم خاصه بدرس معين او لما يكون درس بيتكلم عن ثلاث اشياء زي المفرد والمثنى والجمع فاجيب سله للمفرد وسله للمثنى وسله للجمع بصوا معايا ده الش الشكل الاساسي ليها زي ما احنا شايفين كده انا عندي سله اساسيه هتكون مليئه بالكرات مليئه تماما مليانه تمام كده وفيها اسئله وفيها كلمات وفيها كل حاجه حسب بقى الجزء اللي انا عايزه ااكد عليه عند الطلبه يعني كل مدرس بيكون عارف الطلبه واقعين في ايه او ايه الشيء الصعب بالنسبه لهم فطبعا هيستخدم الاستراتيجيه دي عشان يسهل لهم المعلومه اللي هو عايزها وبعدين عندي ثلاث سلات قدامي واحده خاصه بالمفرد واحده خاصه بالمثنى واحده خاصه بالجمع وهيبدا بقى كل طالب هيطلع الكره اللي مكتوب عليها مثلا كلمه جمع زي مثلا كلمه السائحون هيبدا يحطها فين في سله الجمع هيطلع مثلا كره ثانيه مكتوب عليها كلمه مفرد زي كلمه السماء هيحطها في سله ايه المفرد تمام كده واضحه بالشكل ده فهنا انا استخدمت زي ما قلت لكم حاجتين سله الكره وفي نفس الوقت استراتيجيه التصنيف وفهمت الولاد ازاي يقدروا يصنفوا طبعا ثبت عندهم المعلومه ا حاجه مهمه جدا عايزه اقولها لكم ان الطلبه بيكونوا فرحانين قوي في الاستراتيجيه دي جدا يعني فوق ما تتخيلوا اللعب بيحسوا ان هم بيلعبوا وفي نفس الوقت بيحسوا ان هم بيتعلموا ا تمام كده فالموضوع بيكون ظريف جدا وبيخلي جو الحصه كله ممتع وفيه طبعا تشويق انت هنا بتزود درجه الدافعيه عند الطلبه بتوعك لحد هنا بتكون خلصت حلقتنا النهارده اتكلمنا مع بعض عن استراتيجيات التعلم النشط وازاي نطبق التعلم باللعب والتعلم التعاوني داخل الحصه اشوفكم الفيديو اللي جاي على خير لو فعلا استفدت مني النهارده ما تنسانيش في لايك وكومنت حلو وقول لي كمان ازاي بتقدر تستخدم الاستراتيجيه دي داخل الفصل بتاعك كنت معكم معلمه منى احمد مع خالص تحياتي اشوفكم الفيديو اللي جاي على خير والسلام عليكم ورحمه الله وبركاته ‏n