شرح الباب الأول كيمياء للصف الأول الثانوي كامل مع حل اختبار نظام جديد على الباب مراجعة كيمياء

السلام عليكم ورحمه الله وبركاته طلاب اولى ثانوي اتمنى تكونوا بخير كلكم ان شاء الله باذن الله في الفيديو ده هندرس الباب الاول كيميا كامل زائد الحل عليه كمان اختبار اوبن بوك كامل على الباب كله الدرس ده يا شباب موجه لكل فئات الطلاب سواء الطالب اللي اول مره يذاكر او اللي ذاكر وعايز يراجع على الدرس ليه؟ لان احنا يا شباب في الفيديو ده هنشرح كل حاجه بالتفصيل من الاول خالص زائد الامثله عليها والحل وكمان في نهايه الفيديو هنحل الاختبار كامل على الباب الاول اوبن بوك نظام حديث وكمان هنشرح كل سؤال فيه بالتفصيل مش مجرد ان احنا هنحله بس الباب الاول كله يا شباب مشروح في ساعه و10 دقاق بس الدرس الاول اللي هو درس الكيمياء والقياس هيبقى واخد 45 دقيقه بعد كده في استراحه ثم درس النانو تكنولوجي والكيمياء اللي هو الدرس الثاني ومدته 35 دقيقه بعد كده برده استراحه بسيطه ونبدا اختبار اوبن بوك على الباب كله هياخد مننا 18 دقيقه ان شاء الله الدرس ده يا شباب متقسم زمنيا لفصول هتلاقي تحت الفيديو او على يمينه وعلى حسب نوع الجهاز اللي انت بتستخدمه في حاجه اسمها الفصول او شابترز تقدر تضغط عليها وتختار النقطه بالضبط اللي انت عايز تشوفها هتلاقي كل حاجه مكتوب اسمها بالضبط زي اللي موجود في الكتاب تقدر تضغط على النقطه اللي انت محتاجها وهيوديك ليها في الفيديو علشان ما تضيعش وقتك او تقعد تدور بنفسك في الفيديو على النقطه اللي انت محتاجها وكمان هتلاقي التقسيم الزمني ده مكتوب في وصف الفيديو وكل عنوان قدامه الدقيقه اللي هو مشروح فيها بتبقى ظاهره باللون الازرق تقدر تضغط عليها برده وهتوديك للجزئيه ديت بالضبط في الفيديو عشان ما تضيعش الوقت بتاعك في البحث اتمنى ان كل الطلاب يستفيدوا من الدرس وبالتوفيق لكم ان شاء الله. بسم الله الرحمن الرحيم. اللهم علمنا ما ينفعنا وانفعنا بما علمتنا انك انت العليم الحكيم. هنبتدي ان شاء الله في الدرس الاول كيمياء للصف الاول الثانوي الترم الاول وهو درس الكيمياء والقياس. ان شاء الله الدروس كلها هتكون على النظام اللي كنا شغالين بيه اللي هو الكتابه بالقلم على السبوره الذكيه لكن بس الدرس الاول والثاني هيكونوا بالعرض التقديمي اللي زي الشكل دوت علشان هم كلهم اصلا نظري وما فيهمش مسائل طيب هنا قبل ما نبدا في القياس اصلا او علاقه القياس بالكيمياء او اهميته في علم الكيمياء ادانا الاول نبذه تعريفيه عن يعني ايه علم وايه هو اصلا علم الكيمياء بيقول لي هنا ان العلم ده يعني الدراسه اللي احنا بندرسها لاي علم سواء الكيمياء او الفيزياء او الاحياء او اي حاجه بيقول لك ان هي بناء منظم من المعرفه يعني ايه؟ يعني معلومات فعلا مثبته او حقيقيه او بنقدر ان احنا نتعامل معاها يتضمن الحقائق والمفاهيم والمبادئ والقوانين والنظريات العلميه وطريقه منظمه في البحث والتقصي يعني ايه؟ يعني مثلا 1 + 1 = 2 ديت بتكون حقيقه تمام تعريف التعريف ده بيكون مفهوم قانون في الفيزياء او في الرياضه ده بيكون برده برده حقيقه مثبطه احنا بنتعامل معاها او نظريه في الاحياء او اي شيء ثاني يبقى العلم ده حاجه شامله لكل المفاهيم اللي احنا قلناها ديت وكمان في طرق للبحث والتقصي عن المعلومات الجديده طيب علم الكيمياء بيعتبر احد العلوم الاساسيه او احد العلوم الطبيعيه الخامسه العلوم الطبيعيه ديت هي العلوم المحيطه بينا يعني مش علم تطبيقي يعني مش علم زي الهندسه او الطب لا ده ده علم طبيعي موجود في الحياه بتاعتنا زي الفيزياء والكيمياء والبيولوجي اللي هو الاحياء والفلك والجيولوجيا يبقى ديت العلوم اللي في الطبيعه اللي محيطه بينا كلنا طيب دلوقتي عرفنا يعني ايه علم بشكل عام وج الدور ان احنا نعرف يعني ايه اصلا علم الكيمياء زي ما احنا عارفين هنا ان علم الكيمياء ده بيختص بدراسه المواد يعني ايه يعني انا دلوقتي عندي ماده تمام لو انا درست التركيب الكيميائي بتاع الماده دوت يبقى انا دلوقتي كده في جزء من علم الكيمياء بيختص بتركيب الماده طيب بعد ما درست المكونات بتاعه الماده ديت من جوه انا كمان عايز ادرس الخواص بتاعه الماده هل الماده ديت بتتفاعل مثلا مع الماده الفلانيه هل ما بتتفاعلش معاها هل قابله للاحتراق هل ليها طعم هل بيحصل فيها تاثير معين مع الهواء هل كذا فاذا هو دلوقتي بيدرس اذا هو دلوقتي بيدرس تركيب الماده الماده من جواها الذرات الجزيئات الروابط الكلام اللي جوه الماده نفسه وكمان خواص الماده والتف التفاعلات بتاعه الماده او التغيرات اللي بتحصل عليها يبقى دلوقتي هنا علم الكيمياء ده علم يهتم بدراسه تركيب الماده وخواصها والتغيرات التي تطرا عليها وتفاعل المواد مع بعضها والظروف الملائمه لذلك طيب ده تعريف علم الكيمياء بشكل عام طيب ايه هي اهميه علم الكيمياء او علم الكيميا ده اصلا علم حديث لا علم الكيمياء ده علم قديم جدا والمصريين القدماء كانوا استخدموه من زمان في التحنيط طبعا سر التحنيط ده مجهول لحد دلوقتي اذا العلماء او المصريين والقدماء دول كان عندهم علم متطور في الكيمياء منذ الاف السنين اذا ده علم قديم مش علم حديث مثلا زي علم النانو تكنولوجي ده علم لسه جديد مش هنقول ان هو كان موجود قبل كده طيب ارتبط بالمعادن والتعدين من زمان والناس في تعدين وبيستخرجوا النحاس وبيستخرجوا الحديد من الارض وبيستخدموه في صناعه الادوات والكلام دوت وكمان الطب والدواء والطب والدواء ده برده كان موجود عند المصريين القدماء كمان علم الكيمياء دخل في دباغه الجلود وصباغه الاقمشه وصناعه الزجاج والالوان وده طبعا كلنا عارفينه وبرده كنا خدنا منه جزء في التاريخ ان علم الكيمياء استخدموا المصريين القدماء في الدباغه وصناعه الالوان اللي هي موجوده على المعابد لحد دلوقتي زاهيه زي ما هي اذا العلم ده موجود من زمان وكانت الناس كمان زمان متميزه فيه وبتقدر تنتج منه حاجات كويسه طيب دلوقتي نبدا نشوف المجالات بتاعه دراسه علم الكيمياء يعني علم الكيمياء ده بيختص بايه؟ احنا لما كنا بنتكلم في تعريف علم الكيمياء كنا بنقول ثلاث حاجات اساسيه او ثلاث نقاط اللي احنا كنا عاملينهم بالاخضر دول اللي هم التركيب بتاع الماده وخواص الماده والتفاعلات الكيميائيه بتاعه الماده او التغيرات اللي بتطرا عليها طيب كل حاجه من دول ده يعتبر مجال دراسه منفصل في علم الكيمياء يعني لو انا قلت ان انا هدرس التركيب الذري والجزيئي للماده وكيفيه ارتباطها ببعضها ادي ده يعتبر فرع او مجال من دراسات علم الكيمياء طيب دراسه الخواص الكيميائيه للماده اللي احنا كنا لسه قايلينها في التعريف ده برده مجال ثاني اذا دلوقتي انا اقدر ان انا استنتج بنفسي المعلومات بتاعتي او اخدها من التعريف واحطها في مجالات دراسه علم الكيمياء يبقى اول حاجه علم الكيمياء بيختص بدراسه تركيب الماده الذري والجزيئي وكمان بيهتم بدراسه الخواص الكيميائيه للماده ووصفها كما وكيفا وكمان دراسه التفاعلات الكيميائيه وكيفيه التحكم في ظروفها يعني كل اللي احنا عملناه ان احنا اخدنا تعريف بس فسرناه شويه. طب الكلام ده كله بيفيدني في ايه؟ قال لك ان الكلام ده بيفيدني للوصول لنتائج جديده مفيده تلبي الاحتياجات المتزايده في بقيه العلوم او بقيه المجالات الثانيه التطبيقيه زي الطب والزراعه والهندسه والصناعه. يعني الطب مثلا بيحتاج دوا الدوا دوت عباره عن مواد كيميائيه اذا دلوقتي علم الكيمياء فدني في مجال الطب طيب بالنسبه للزراعه الزراعه برضو بيستخدم اسمده بيقيس المواد اللي موجوده في الارض نسبها قد ايه اذا علم الكيمياء برده دخل في الزراعه طب برده الهندسه المواد اللي بتستخدم ديت كلها برده داخل علم الكيمياء في تركيبها والصناعه كلها داخل فيها الكيمياء تقريبا طيب دراسه المشكلات البيئيه ومحاوله ايجاد حلول لها يعني ايه انا ممكن دلوقتي لو انا عندي ازمه في الطاقه ممكن عن طريق الكيمياء ابدا ان انا اطلع مصادر طاقه جديده زي مصادر الطاقه الكهربيه مثلا هي بتنتج من في البطاريات دي كلها عباره عن تفاعلات كيميائيه وهكذا ونقص الميه والتلوث طبعا الكيمياء بتساعدني في ان انا اقيس مقدار التلوث او نوع الملوث اللي موجود في الهواء او الماء او التربه ولما انا بعرف نسبه ونوع الملوث ده بقدر ان انا بعد كده الاقي له حل او اقدر ان انا اعالجه طيب دلوقتي احنا خدنا نب نبذه سريعه عن مجالات دراسه علم الكيمياء ويعني ايه اصلا علم الكيمياء بعد كده عايز يعرفني برض ايه هي الفروع بتاعه علم الكيمياء يعني عايز يوسع معايا المفهوم بتاعي شويه بيقول لي هنا ان علم الكيمياء ده ليه فروع كتير جدا مش بس اللي مكتوبين قدامكم دول من ضمن هذه الفروع عندي هنا الكيمياء الفيزيائيه والكيمياء النوويه والحيويه والتحليليه والكهربيه والبيئيه والحراريه والعضويه وكمان علوم ثانيه كتير جدا عشرات الفروع من علم الكيمياء دلوقتي احنا لما اتكلمنا عن مجالات علم الكيمياء قلنا ان هنا التطور بتاعه بيساعد في تطوير العلوم الاخرى او بيشترك في المجالات الاخرى زي الزراعه والصناعه والطب والكلام اللي زي ده طب هنا هو عايز يتعمق شويه في الجزئيه دي يعني عايز يمسك كل حاجه من دول ويقول لي ازاي علم الكيمياء بيساهم في تطوير هذه المجالات او بيساهم في اصلا ان المغالات ديت تكون موجوده فعلشان كده بيقول لي ان الكيمياء هي مركز لبقيه العلوم يعني ايه بيقول لي يعتبر علم الكيميا مركز لمعظم العلوم الاخرى لانه اساسي لفهم هذه العلوم ومن امثله على العلوم ديت الكلام ده المفروض ان هو مش جديد بقى الكلام ده احنا لسه قايلينه في الشريحه اللي قبل اللي فاتت بيقول لي ان هي الكيمياء مركز لعلوم زي البيولوجي اللي هو الاحياء والفيزياء والطب والصيدله والزراعه وعلوم المستقبل في الشرائح اللي جايه هنبدا ناخد كل حاجه من دول ونبدا نشوف ايه علاقه علم الكيمياء بها واول حاجه هنبدا بيها هو البيولوجي التكامل بين علمي الكيمياء والبيولوجي البيولوجي اللي هو الاحياء زي ماده الاحياء اللي انت بتدرسها دلوقتي اللي هو العلم المختص بدراسه الكائنات الحيه يبقى دلوقتي انا علشان افهم التكامل بين علمي الكيمياء والبيولوجي لازم اصلا الاول اعرف يعني ايه بيولوجي واحنا قلنا ان هو العلم الخاص بدراسه الكائنات الحيه دي معلومه احنا عارفينها لان انتم اصلا كده كده بتاخدوا احياء طيب دور علم الكيمياء في الاحياء الاحياء ديت يا شباب او احنا كلنا انت مش ممكن ان انت بتروح تعمل تحليل في المعمل ده طبعا بيكون كيميا بيبقى عايز يعرف الدنيا ماشيه في جسمك جوه ازاي السوائل الانزيمات الهرمونات اذا انت كل حاجه جوه جسمك داخل فيها برده علم الكيمياء يبقى دلوقتي دور علم الكيمياء انه بيساهم في فهم التفاعلات الكيميائيه اللي بتحصل جوه والكائنات الحيه مثل التنفس والهضم والبناء الضوئي ده طبعا في النباتات اذا دلوقتي علم الكيمياء بيساعد في تفسير العمليات اللي بتحصل داخل الكائنات الحيه اللي انا ما اقدرش احددها من غير بحث او من غير تحليل طيب لو انا اخدت يا شباب بقى علم الاحياء اللي هو دلوقتي بيدرس الكائنات الحيه ده وحطيت معاه علم الكيمياء اللي هو بيدرس التركيب وبيدرس الماده والتفاعلات قال لك ان ناتج الاندماج بين العلمين دول بيطلع لي علم جديد خالص خالص اسمه علم الكيميا الحيويه يعني ايه علم الكيميا الحيويه يعني علم الكيمياء اللي هو داخل في دراسه الكائنات الحيه يعني علم الكيمياء اللي جوه الكائنات الحيه انا عندي كيميا عاديه خالص زي في الصناعه زي في الزراعه زي كذا وعندي كيميا حيويه اللي هي بتختص بدراسه الكيمياء في الكائنات الحيه طيب ايه هو تعريف علم الكيمياء الحيويه بيقول لي هو علم يهتم بدراسه التركيب الكيميائي لحد كده احنا كيمياء طب بيهتم بدراسه التركيب الكيميائي لايه بالظبط هل لمواد بنستخدمها في الصناعه هل لمعادن هل لكذا لا قال لي هنا لاجزاء الخليه في مختلف الكائنات الحيه مثل الدهون والكربوهيدرات والبروتينات والاحماض النوويه يبقى دلوقتي عندي هنا علم الكيمياء لما بيدخل مع علم الاحياء او البيولوجي اللي هو العلم الخاص بدراسه الكائنات الحيه بيديني علم جديد اسمه علم الكيمياء الحيويه والكيمياء الحيويه ده برده كيمياء بتختص بدراسه التركيب الكيميائي بس بدل ما التركيب الكيميائي لاي حاجه لا بيقول لك هنا التركيب الكيميائي لاجزاء الخليه في مختلف الكائنات الحيه زي البروتينات والدهون والاحماض النوويه طيب كده فهمنا ايه علاقه بين علم الكيمياء وعلم البيولوجي او لما الاثنين بيتكاملوا مع بعض بيحصل ايه طيب نخش على ثاني حاجه معانا وهو التكامل بين علمي الكيمياء والفيزياء طيب برده علشان نفهم التكامل ده لازم نعرف الاول يعني ايه فيزياء انتوا اول سنه برده هتاخدوا فيزياء هي السنه دي طيب ايه هو تعريف علم الفيزياء علم الفيزياء ده يا شباب علم بيدرس برده الماده لكن ده بيدرسها من منظور ثاني تمام يعني هنا بيقول لي ان علم الكيمياء برده بيتعلق بدراسه الماده والحركه حركه الماده والطاقه ومحاولات فهم الظواهر الطبيعيه والقوى المؤثره عليها اذا هنا علم الفيزياء ما بيدخلش في تركيب الماده هو بيدرس الماده من بره بيدرس التاثيرات اللي على الماده بيدرس الحركه بيدرس الطاقه وده كله هتاخدوه طبعا في الميكانيكا وفي الفيزياء وكذلك يهتم بالقياس وابتكار طرق جديده للقياس تزيد من دقه العمليه نفسها يبقى دلوقتي عندي هنا علم الفيزياء بيدرس الماده بس من منظور ثاني بيدرس حركه بيدرس طاقه بيدرس هنا ظواهر طبيعيه لكن ما بيدرسش التركيب الكيميائي للماده وكمان بيهتم بالقياس طب انا دلوقتي هنا لما اجي اعمل تكامل بين الكيمياء والفيزياء قال لي ببساطه هيديك علم اسمه علم الكيمياء الفيزيائيه طب ايه هو علم الكيمياء الفيزيائيه عفوا ديت المفروض هنا الفيزيائيه يبقى عندي هنا علم الكيمياء الفيزيائيه ده طبعا ناتج التكامل بين الكيمياء والفيزياء بيقول لي ان هو علم يهتم بدراسه خواص المواد وتركيبها والجسيمات التي تتكون منها المواد مما يسهل على الفيزيائيين القيام بدراستهم طيب يعني ايه الكلام ده يعني انا دلوقتي خدت هنا علم الكيمياء بكل اللي فيه تمام اللي هو دراسه خواص الماده وتركيبها والجسيمات بس وظفته في علم الفيزياء ليه علشان الفيزياء يكون عنده فهم اكبر لطبيعه المواد اللي هو بيتعامل معاها فيقدر ان هو يطلع لي منتج احسن او يقدر ان هو يطلع لي ايه الدراسه بتاعته بشكل افضل او شكل ادق طيب دلوقتي ناخد ثالث حاجه معانا وهو التكامل بين علمي الكيمياء والطب والصيدله طيب احنا قلنا هنا برده لما كنا بنتكلم عن مجالات دراسه علم الكيمياء قلنا ان الطب والصيدله دوت اللي هو الدواء تمام والدواء دوت غالبا بيتحضر فيه المعمل وبيبقى مستخلصات طبيعيه او مواد كيميائيه فعلشان هنا وعرف لي الادويه اللي هو الحاجه المشتركه بين الطب والصيدله يعني الطبيب بيوصف والصيدلي بيصنع الدواء وبيطلعه ل المريض اذا دلوقتي هنا علم الادويه اللي هو هنا بيمثل لي الطب والصيدله بيقول لي ان هو مواد كيميائيه لها خواص علاجيه يعني كيماويات زي اي كيماويات تتعامل معها يعني انت عندك منظفات في البيت دي وظيفتها التنظيف عندك احبار مثلا او الوان ديت وظيفتها التلوين برده انا عندي مواد كيميائيه ثانيه وظيفتها بس انها تعالج يبقى دلوقتي ديت هنا مواد كيميائيه لها خواص علاجيه يتم استخلاصها من مصادر طبيعيه او تحضيرها في المعمل. اذا دلوقتي انا علم الكيميا داخل معايا في ان هو بيساعدهم ان هم يحضروا المواد ديت في المعمل. يبقى هنا هيكون اكيد ان دور علم الكيمياء عندي هو تحضير الادويه اللي بتحصل فيه المختبرات او المعامل. وبيفسر لنا كمان عمل الادويه ديت جوه الجسم. يعني بعد ما الدوا ده يخش الجسم بيشتغل ازاي؟ يبقى هنا يفسر لنا عمل الهرمونات والانزيمات في جسم الانسان وكيف يستخدمها الدواء في علاج الخلل في عمل اي منها يبقى دلوقتي هنا علم الكيمياء بيخش مع الطب والصيدله في اولا تحضير الدواء ثانيا بعد ما الدواء ده بيخش الجسم بيتعامل جوه ازاي مع الهرمونات او الانزيمات او بيعالج اصلا المرض ازاي جوه الجسم يبقى دلوقتي احنا خدنا اول ثلاث حاجات وننتقل للنقطه الرابعه معانا وهي التكامل بين علمي الكيمياء والزراعه برض احنا بنتكلم في مجالات دراسه علم الكيمياء قلنا هنا ان الزراعه فيها اسمده فيها ان انا اعرف نوع التربه بتاعتي التربه ديت ايه المواد اللي موجوده فيها وايه المواد اللي ناقصاها ايه الزرع اللي ينفع ازرعه في التربه ديت وايه الزرع اللي ما ينفعش ازرعه طب التربه ديت محتاجه سباد نوعه ايه طب الكلام ده كله انا هعرفه ازاي الكلام ده كله انا هعرفه عن طريق علم الكيمياء علشان هنا بيقول لي دور علم الكيمياء اولا اختيار التربه المناسبه لزراعه محصول ماء. طب ده بيتم ازاي؟ بيقول لي ان ده بيتم بالتحليل الكيميائي لعينه من التربه. يعني انا دلوقتي باخد عينه من التربه والله بقيس العينه ديت بشوف فيها الماده مثلا ا موجوده بنسبه كذا والماده ب موجوده بنسبه كذا والماده ج لا ده الماده ج دي قليله قوي والماده د عاليه قوي اذا والله اه التربه ديت ينفع يتزرع فيها بطاطس مثلا طب التربه الثانيه ديت يتزرع فيها قمح لان القمح محتاج الماده اللي زايده دي لا التربه محتاجه ان البطاطس محتاجه مثلا ان الماده ديت تكون قليله شويه فعلشان كده هو بيقول لي ان انا باخد عينه من التربه احللها واشوف المكونات بتاعه التربه ديت عباره عن ايه ونسابها قد ايه وبالتالي اشوف المحصول اللي لي على التربه دي وبالتالي هنا مدى كفايتها لاحتياجات النبات المراد زراعته طيب بعد ما انا خلاص عرفت مكونات التربه وعرفت العجز في ايه والزياده في ايه اعرف بقى اختار السمات يعني مثلا لو انا عايز احسن التربه بتاعتي علشان تزرع زرعه ثانيه اشوف الماده اللي ناقصه واشوف السماد اللي يعلي معايا الماده ديت واستخدمه فعشان كده بيقول لي اختيار السماد المناسب لتلك التربه لزياده انتاجيتها من المحاصيل. تاني حاجه المحاصيل احنا عارفين ان بيهاجمها افات بيهاجمها اي نوع من انواع الحشرات او اي ممكن تدمر المحصول ف المزارع بيستخدم المبيدات الحشريه والمبيدات ديت بتكون مواد كيميائيه يبقى دلوقتي عندي هنا انتاج المبيدات الحشريه الملائمه للقضاء على الافات الزراعيه المختلفه طبعا هنا حسب نوع الافه نفسها يعني دلوقتي لما بيعرف نوع الافه اللي هي بتصيب التربه ديت بيبدا ان هو يشوف العلاج المناسب ليها او المبيد الحشري المناسب ليها ننتقل بعد كده لاخر حاجه معانا في التكامل العلوم وهو التكامل بين الكيمياء وعلوم المستقبل هنا هو اتكلم عن علوم المستقبل باعتبار ان هي علم النانو تكنولوجي وقال لي هنا ان التكامل بين علم الكيمياء والنانو تكنولوجي بيديني علم جديد اسمه علم كيمياء النانو زي ما قلنا هنا الكيمياء والفيزياء يديني كيمياء في فيزيائيه الكيمياء والاحياء يديني كيمياء حيويه طيب عندي هنا الكيميا والنانو تكنولوجي بيديني علم كيمياء النانو. طب ايه هو تعريف علم كيمياء النانو؟ بيقول لي ان هو العلم المختص باكتشاف وبناء مواد نانونيه. يبقى دلوقتي هنا النانو ديت يا شباب يعني حاجه صغيره خالص او حاجه يعني بتتقاس بالنانو او اقل يعني مواد دقيقه جدا يبقى دلوقتي علم كيمياء النانو هو العلم المختص باكتشاف وبناء مواد نانونيه لها خصائص فائقه يمكن استخدامها في تطوير بقى المجالات الثانيه لتلبيه الاحتياجات البشريه. طب ايه هي المجالات الثانيه اللي بيخش فيها علم كيمياء النانو او اللي بيوظف فيها المواد النانونيه اللي بينتجها علم كيميا النانو؟ قال لي هنا ان بتشتغل في مجالات زي الهندسه والاتصالات والطب والبيئه والمواصلات. يبقى دلوقتي هنا احنا خدنا نبذه ان شاء الله تكون شامله عن علم الكيمياء وعلاقته بالعلوم الاخرى والتكامل بينهم والعلوم اللي بتنتج نتيجه تداخل الكيمياء مع العلوم الاخرى. نبتدي ان شاء الله في الجزئيه الثانيه من الدرس الاول وهي الجزئيه المختصه بالقياس وعلاقه القياس بالكيمياء واهميته في علم الكيمياء قبل ما نبدا في العمليه الكبيره ديت نعرف الاول اصلا يعني ايه القياس القياس يا شباب يعني زي اي حاجه انت بتقيسها زي مثلا بتقيس طولك بتقيس وزن بتقيس حجم بتقيس اي شيء فبيقول لي هنا هو مقارنه كميه مجهوله بكم كميه اخرى من نفس النوع لمعرفه عدد مرات احتواء الاولى على الثانيه ايه الكلام الملعبك ده احنا هنضرب مثال دلوقتي عارفين الميزان اللي عند بائع الخضار اللي هو الميزان ذو الكفتين مثلا بتشوف ان انت لما بتطلب منه 2 كيلو ممكن ياخد ا ميزانين اللي هو الحديد ده كل كتله كل واحد منه 1 كلغم ويحطه في كفه ويحط الخضار بتاعك في الكفه الثانيه ويبدا ان هو يقارن بين الكتله المعل معلومه اللي هي الموازين اللي هو حاططها اصلا بالكميه المجهوله اللي هي الخضار اللي انت بتشتريه لحد ما الاثنين يبقوا قد بعض فلما الكفتين يبقوا قد بعض يقول لك اه الخضار اللي انت شاريه دوت كتلته 2 كيلو طب انا عرفت ده منين عرفت لان انا قارنت الكميه المجهوله اللي هي الخضار ده بكميه اخرى من نفس النوع تمام يعني برده كتله يعني وحده قياس كتله اللي هو الميزان اللي هو بيحطه فعرفت عدد مرات تكرار الكتله اللي انا حاطه با 2نين كتله 1 كلغ فعرفت ان الوزن اللي انا بوزنه دلوقتي ده فعلا اللي كان مجهول زي الكتله اللي انا حاططها اللي هي 2 كل جم يبقى دلوقتي هنا انا بقارن بين كميه مجهوله اللي هو زي الخضار بكميه معلومه اللي هي زي الموازين اللي بيحطها البائع وهو دوت تعريف القياس بشكل مبسط يبقى هنا هو مقارنه كميه مجهوله بكميه اخرى من نفس النوع لمعرفه عدد مرات احتواء الاولى على الثانيه طيب العمليه ديت بتتضمن نقطتين اساسيتين وهما القيمه العدديه ووحده القياس نفسها يعني ايه؟ يعني انت مثلا دلوقتي لما بقول لك انت طولك كام بتقول لي انا طولي 170 سم تمام فانت دلوقتي قلت لي حاجتين قلت لي اولا عدد اللي هو 170 وقلت لياني حاجه وحده قياس اللي هي السنتيمتر يبقى دلوقتي اي قياس بيبقى ليه حاجتين او نقطتين انا بقول لهم او انا بعتمد عليهم اللي هم اول حاجه القيمه العدديه اللي هو الرقم اللي انت بتقوله زي ال 170 وثاني حاجه اللي هي وحده القياس اللي اللي هي زي السنتي فهنا بيقول لي ان القيمه العدديه ديت عباره عن العدد اللي بيتم من خلال وصف الكميه زي ال 2 كيلو مثلا بتوع الخضار اللي احنا قلنا عليهم ووحده القياس اللي هي الكيلوغرام او التعريف بتاع مقدار الكميه اللي انا بتكلم عليها يبقى عندي هنا وحده القياس هي مقدار محدد من كميه فيزيائيه معينه يستخدم كمعيار لقياس مقدار فعلي لهذه الكميه يبقى دلوقتي عندي هنا عرفنا تعريف القياس وقلنا ان القياس دوت بينقسم لنقطتين اساسيين تين اللي هما القيمه العدديه الرقم اللي انا بقوله وانا بشتري اي حاجه بقول له هات لي كيلو من كذا او واحد كيلو يبقى هنا دوت هو العدد والكيلو ديت هي وحده القياس اللي انا بشتغل بيها طب انا بشتغل طول اقول له مثلا 170 سم بشتغل حجم اقول له مثلا لتر وهكذا طيب فهمنا يعني ايه القياس نبدا ان احنا ننتقل لاهميه القياس ده في علم الكيمياء طبعا اي حاجه احنا بنشتغلها في الكيمياء لازم ان احنا عشان اصلا نشتغل تجربه تكون الحاجات اللي احنا شغالين عليها ديت قابله للقياس يعني اقدر احللها واقيسها يعني دلوقتي لما انت بتروح تحلل دم وبيديك دلوقتي التحليل او نتيجه التحليل بتاعك كل حاجه انت حللتها لازم تكون متقاسه ومقدره بوحدات علشان تقدر تحدد ايه نوع الخلل اللي عندك او انت طبيعي ولا لا فاذا اي حاجه احنا بنشتغل عليها في الكيمياء او اي بحث او اي تجربه لازم بيكون في في الناتج بتاعها قياس فبيقول لي هنا ان للقياس اهميه كبرى في مختلف مجالات الحياه مش بس الكيمياء لانه بيساعدني اصلا في اتخاذ اجراءات وتتابير مناسبه عند اللزوم في مختلف مجالات الحياه زي البيئه طب احنا دلوقتي ايه علاقه القياس بالبيئه دلوقتي انا عندي تلوث في البيئه مثلا باول اكسيد الكربون فنزل الكيميائي قاس نسبه اول اكسيد الكربون مثلا اللي موجوده في الجو فانا دلوقتي هنا القياس فادني ان انا اقدر احدد الملوثات اللي موجوده احدد كميتها قد ايه ثاني حاجه في التغذيه طبعا انت عارف ا دلوقتي لو انت بتشتري اي اكل او اي حاجه بتلاقي عليه مكتوب كده الحقائق الغذائيه اللي فيه اللي هي مثلا يقول لك في بروتين بنسبه كذا في دهون بنسبه كذا في اا في مثلا سكريات وهكذا يبقى دلوقتي برده القياس داخل في التغذيه وداخل في الصحه والزراعه والصناعه وكل المجالات طيب اهميه علم القياس بقى بالنسبه للكيمياء قال لك ان هي بتتركز في ثلاث حاجات اولا هنا معرفه نوع وتركيز العناصر اللي موجوده للمواد والمراقبه والحمايه الصحيه والتشخيص واقتراح العلاج طب معرفه نوع تركيز المواد ديت احنا فاهمينها وعارفين ان احنا اي ماده دلوقتي انا بقدر اقيس التركيز بتاعها فاكرين طبعا ايام ازمه كورونا في الاول كان كل الناس تتكلم يقول لك انا عايز كحل مثلا 70% هو 70% دوت التركيز بتاع الكحول فانا دلوقتي بقدر اقيس تركيز المواد طب المراقبه والحمايه الصحيه زي ما قلنا برده في مواضيع ايه التحاليل ومواضيع زي البيئه والكلام دوت والتشخيص واقتراح العلاج يبقى دلوقتي القياس داخل معايا في الثلاث حاجات دول. طب الشرايح اللي جايه هنبدا ناخد كل نقطه من الثلاث نقاط ديت ونبدا نفهم هي بتدل على ايه. اول نقطه معايا هي معرفه نوع وتركيز العناصر المكونه للمواد. ودوت المثال اللي احنا كنا ضربناه بالتغذيه او الكارت اللي بيكون موجود على ازازه الميه او على ا بسكوت شيبسي اي اكل انت بتشتريه وبيكون موجود فيه الحاجات بالشكل ده. هنا بيقول لي كل مكون من مكونات الماده اللي معايا ديت نسبته قد ايه؟ هنا مثلا بيقول لي ان الكوليسترول صفر الصوديوم صفر طب انا عندي حاجه تانيه الكربوهيدرات 9% علشان يساعدني ان انا ابقى فاهم الحاجات ديت ممكن تساعد جسمي في قد ايه طب ممكن تضره ولا لا انا اصلا محتاجها ولا لا او اخد منها كميه قد ايه يبقى دلوقتي هنا معرفه نوع وتركيز العناصر المكونه للمواد ده بيفيدني جدا والمثال اللي قلناه عليه قياس تركيزات الايونات المكونه للاملاح في الميه المعدنيه او قياس مثلا المكونات الغذائيه اللي موجوده في كيس شيبس او اي حاجه انت ممكن تتناولها طيب ثاني حاجه بيقول لي هي المراقبه والحمايه الصحيه بيقول لي زي قياس مدى صلاحيه مياه الشرب مدى نقاء الهواء اللي كنا اتكلمنا عليه اللي هو الملوثات اللي موجوده في الهواء ومدى سلامه المواد الغذائيه والتطبيق على دوت هو مراقبه مدى مطابقه مياه الشرب للمعايير العالميه فدلوقتي مثلا هو يقول لك ان مياه الشرب المفروض ما يبقاش فيها كلور بنسبه نسبه كذا المفروض يكون فيها معادن بالنسب الفلانيه كل معدن ليه نسبه معينه فدلوقتي هنا في تحاليل بتجرى علشان يشوف مياه الشرب اللي جايه لي البيت ديت مناسبه للاستهلاك بتاعي ولا لا ويبدا ان هو بناء عليها يصرح لي ان ديت مطابقه للمعايير العالميه او غير مطابقه للمعايير العالميه بتاعتي طيب ثالث حاجه معايا هي التشخيص واقتراح العلاج المناسب للامراض وديت الجزئيه المختصه بالتحاليل الطبيه والعلاج اللي كنا اتكلمنا عليها في تكامل بين علم الكيمياء والطب والصيدله بيقول لي ايه؟ بيقول لي هنا انها بتستخدم في قياسات التحاليل الطبيه التي تساعد في تقدير الموقف الصحي اللي هو التحليل اللي انت بتروح تعمله في اي معمل وبالتالي اقتراح العلاج المناسب يعني انا مثلا دلوقتي التطبيق اللي عندي هنا اللي هو تحليل السكر لو انا دلوقتي رحت قست سكر مثلا لقيته عالي جدا فدلوقتي لما الدكتور عرف ان انا دلوقتي مريض بالسكر اللي هو عالي فيديني دواء مناسب اللي هو يخفض بالسكر التحليل بتاعي التحليل فدني ان انا اختار الدواء المناسب للحاله الصحيه بتاعتي. بكده ان شاء الله نكون فهمنا اهميه القياس في علم الكيمياء ويعني ايه اصلا قياس والنقاط اللي بيعتمد عليها القياس. وننتقل بعد كده لادوات القياس في معمل الكيمياء. ناخد دلوقتي ان شاء الله ادوات القياس في معمل الكيمياء. وبرضو زي ما اعودنا قبل ما ابدا في ادوات القياس نفسها اعرف الاول اصلا يعني ايه معمل الكيمياء او بيتكون من ايه معمل الكيمياء بيقول لي هنا ان معمل الكيمياء ده هو المختبر زي مثلا معمل التحاليل اللي انت بتروحه بيبقى في جزء مثلا خاص باخذ العينات لكن في اوضه كده بتلاقي مكتوب عليها المعمل ده اللي بيتم اجراء التجارب جواه يبقى دلوقتي معمل الكيمياء هو المكان اللي بيتم فيه اجراء التجارب الكيميائيه طب ايه اللي جوه المكان اللي بيتم فيه اجراء التجارب ده اكيد لازم يكون فيه كل المسبب بات او الظروف اللي تخليني اقدر ان انا اعمل التجارب ديت طب ايه هي اول حاجه بيقول لي ان يكون موجود عندي احتياطات الامان والسلامه المناسبه يعني مش عشان اعمل تجربه مثلا يحصل عندي انفجار او يحصل عندي احتراق بشكل معين ما اقدرش ان انا انجو منه فلازم يكون عندي احتياطات السلامه المناسبه بيكون في شفاطات بيكون في تهويه كويسه بيكون في وسائل اطفاء وهكذا طيب ثاني حاجه بيقول لي هنا وجود مصدر للحراره مثل موق بنزين اللي راح قبل كده معمل الكيميا بيكون في موق قد موجود على الطاولات بتاعه المعمل بيبقى ليه لهب المفروض ان هو بيكون لهب غير ملون تمام لان ده بيستخدم في تحاليل معينه بانه لما بيتغير لونه بقدر اكتشف منه نوع الماده اللي معايا يبقى دلوقتي هنا وجود مصدر للحراره زي موقه بنزين ثالث حاجه وجود مصدر للميه طبعا الميه اساسيه في اي شغل في الكيمياء رابع حاجه وجود اماكن لحفظ المواد الكيميائيه اللي هي الدواليب اللي بيكون محفوظ فيها الاماكن بشكل امن يحافظ عليها من اي تلف او اي ضرر خامس حاجه معايا وهي موضع الدراسه اصلا اللي احنا هنشتغل فيها دلوقتي وهي الادوات والاجهزه المختلفه اللي موجوده في المعمل واللي منها حاجه اسمها الميزان الحساس والكاس الزجاجيه والمغبار المدرج والدورج الزجاجي والسحاحه والمصه وادوات قياس الاس الهيدروجيني وهنعرف كل واحده من دول بالتفصيل في الشرائح اللي جايه دلوقتي ان شاء الله ونبدا اولا بالميزان الحساس طبعا الميزان الحساس مش محتاج شرح تمام بيقول لي هنا ان له اشكال كتير الميزان ده انت ممكن تحتك بيه في اي مكان يعني هو زيه بس موجود في معمل الكيميا بيكون يعني ايه معزول شويه عن المحيط علشان ما يكونش في اتربه تدخل له او اي حاجه تغير من الوزن او هواء ياثر على عمليه الوزن يعني بيكون معزول بازاز كده جوه قالب زجاجي محطوط في الميزان علشان يكون ما فيش اي تاثيرات على عمليه الوزن يبقى دلوقتي هنا الميزان الحساس بيقول لي ان له اشكال وتصميمات كتير ولكن الاكثر اكثر شيوعا منها هو الميزان الرقمي واكثره استخدام الميزان الرقمي اللي هو ذو الكفه الفوقيه اللي هو زي الشكل اللي عندي ده او زي الميزان اللي موجود في عند السوبر ماركت مثلا اللي هو ميزان رقمي وفوقيه كافه من فوق بالشكل ده بيقول لي ان هو يستخدم في قياس كتل المواد بدقه طبعا ديت حاجه مش محتاجه شرح خالص ثاني حاجه معايا هي الكاس الزجاجيه او البيكر اللي هو بيكون حاجه زي الكوبايه كده بس يعني ليها المكان اللي انا بصب منه دوت وبتكون مدرجه تمام بيقول لي انها تصنع من زجاج البايركس المقاوم للحراره لان انا ممكن اسخن فيها تمام يعني انا ممكن اسخن فيه وممكن اجري فيه تفاعل كيميائي اصلا طارد للحراره او بيسخن عندي البيكر فلازم يكون ده من البايركس المقاوم للحراره علشان يستحمل حراره التفاعل او حراره التسخين اللي انا ممكن اعمله بيقول لي بعضها زاد سعه محدده وبعضها مدرج يعني ايه يعني ممكن يكون عندي اصلا ا كاس زجاجيه من ديت يقول لي ان ديت ساعتها بالكامل 50 ملي فانا انا ما اقدرش اشتغل بيها غير في نطاق ال 50 ملي وممكن يجيب لي حاجه ثانيه 500 ملي مدرجه بالشكل اللي احنا شايفينه ده فاقدر اخد فيها مثلا هنا 100 واقدر اخد فيها 200 واقدر اخد فيها 300 وهكذا وممكن يديهاني اصلا يقول لي لا دي تملاها على الاخر واللي هتملاها ده هيكون 100 يبقى دلوقتي هنا ممكن تكون مدرجه من اسفل لاعلى وممكن تكون زاد ساعه محدده طب بتستخدم في ايه بتستخدم في خلط السوائل والمحاليل ونقل حجم معلوم من السائل رابع حاجه معايا في ادوات القياس في معمل الكيميا ونركز فيها لان في منها انواع متعدده زي ما احنا شايفين حاجه اسمها الدورق الزجاجي وطبعا ده اغلبيه اللي راح المعمل ممكن يكون ده اول حاجه شفها بيقول لي يصنع من زجاج البايركس المقاوم للحراره يبقى زيه زي الوعاء الزجاجي او البيكا يبقى حتى الان زيه زي الكاس الزجاجيه برده بيكون مصنوع من زجاج البايركس المقاوم للحراره طيب لقيت ان هو ليه انواع مختلفه حسب الاستخدام اللي انا اصلا محتاجه يعني كل استخدام اتعمل له نوع معين من انواع الدورق الزجاجي اول نوع عندي هو الدورق المخروطي بيكون شكله مخروط زي اللي موجود هنا في الرسمه ديت وبيكون عندي من تحت ذو قاعده مسطحه وده بستخدمه في عمليات المعايره عمليات المعايره ديت ممكن نبقى نعرفها قدام ان شاء الله لكن هي مش علينا دلوقتي طيب بعد كده عندي الدورق المستدير برده من اسمه طالما هنا مستدير بيقول لي هنا ان القاعده بتاعته بتكون مستديره وده بيستخدم في عمليات التحضير والتقطير يبقى دلوقتي لازم نعرف نفرق بينهم كلهم اولا عندي المقروطي بيكون القاعده بتاعته مسطحه وبيستخدم في عمليات المعايره ثاني حاجه عندي هو الدورك المستدير بيقول لي ان القاعده بتاعته بتكون مستديره وبيستخدم في عمليات التحضير والتقطير ثالث حاجه معايا هي حاجه اسمها الدورق العياري الدورق العياري ده بيكون فيه انتفاخ عند العنق بتاعه موضح عليه علامه لتحديد الساعه الحجميه تمام يعني انا افهم من كده ان انا بحط فيه او ان انا بستخدمه في التركيز يبقى دلوقتي عندي هنا بيستخدم في تحضير المحا الحاليل القياسيه معلومه التركيز بدقه تمام يبقى انا دلوقتي هنا بستخدم في محلول معلومه تركيز و بعتمد على الحجم بتاعي من الانتفاخ اللي موجود فيه العنق بتاع الدورق العياري طيب ننتقل بعد كده لخامس حاجه معايا وهي السحاحه السحاحه ديت يا شباب لو انت رحت المعمل يعني لو ما شفتهاش لان هي ممكن تكون بتكون ازاز فبتكون غالبا بتتكسر بسهوله قوي فممكن بتشوف الحامل بتاعها بس الحامل ده يعني بيكون عباره عن قاعده حديديه بالشكل ده وعليها عمود كده حديد مثبت عليه السحاحه من هنا بالشكل ده فهنا السحاحه ديت بتستخدم برده في قياس الحجوم وبتستخدم في عمليات المعايره طب تعرف برده يعني فسر بقى شكلها بشكل علمي بيقول لي ان هي عباره عن انبوبه زجاجيه اسطوانيه طويله مفتوحه الطرفين يعني مفتوحه من هنا وبتكون برده مفتوحه من تحت لكن هنا في صمام او في حاجه بتحكم فيها في السوائل اللي تنزل بيقول لي ان الفتحه العليا ديت لملء السحاحه بالمحلول يعني انا دلوقتي لما عايز اعبي السحاحه ديت بعبيها من فوق هنا زي اي حاجه ثانيه بالسائل بتاعي او المحلول المراد استخدامه بعد كده ببدا ان انا اتحكم من الصمام اللي هنا او من المفتاح دوت في ان انا انزل كميات او حجوم معينه من السائل اللي انا حطيته من فوق ده من الفتحه السفلى عشان كده بيقول لي ان الفتحه السفلى ديت بتستخدم للتحكم في كميه المحلول المستخدمه عن طريق صمام مثبت في نهايتها وبتكون ديت على عكس الحاجات اللي قلناها قبل كده مدرجه من اعلى الى اسفل ليه مدرجه من اعلى الى اسفل انا دلوقتي لما باجي اعاير يعني على عكس كل الحاجات الثانيه بنزل هنا السائل بتاعي من تحت فلما يكون عندي هنا مثلا واحد اين لما بينزل الشويه دول بقول ان انا نزلت 1 ملي لكن لو انا بدات هنا الترقيم من تحت علشان كده بنبدا الترقيم من فوق لان كل ما بنزل مثلا 1 ملي بقدر ان انا اتعرف عليه بسهوله عن طريق التدريج اللي موجود عندي هنا من البدايه من اعلى لاسفل الاستخدام زي ما احنا قلنا ان هي بتستخدم في قياس حجوم السوائل في التجارب التي تتطلب نسبه عاليه من الدقه كما تستخدم في عمليه المعايره وبيقول لي هنا الملاحظه طبعا ان هي بتتثبت على حامل ذوق قاعده معدنيه وذلك للحفاظ على وضعها العمودي وعلشان يديني نتائج ادق في الشغل بتاعي لانها دلوقتي لو السحاحه ديت مالت شويه عن الوضع العمودي ديت وانا بستخدمها مش هقدر اقرا القرايه بتاعتي هنا بشكل دقيق لان هي هتلاقي ان السائل بيتحرك معايا فممكن يعلى شرطه ممكن ينزل من الطرف اللي انا ببص منه شرطه ثانيه وهكذا فلازم تكون موجوده بشكل عمودي علشان اقدر اولا اتحكم في الحجم اللي نازل منها بسهوله ثانيا ما تدينيش قرايات خاطئه بعد كده ننتقل لاخر حاجه معانا وهي المصه المصه ديت من اسمها كده عباره عن انبوبه زجاجيه بتعتمد في ملئها على عمليه الشفط عشان كده هم سموها مص دلوقتي بيبقى فيها هنا الانتفاخ ده بقدر ان انا اضغط عليه تمام يعني انا بضغط على الجزئيه ديت وبعد كده اسيبها فلما ابدا اسيب ايديا تبدا انها تسحب من السائل اللي هي محطوط فيه فكانها بتمتص السائل فسموها المصه تمام يبقى دلوقتي انا ديت اقدر افهم من كده ان انا هستخدمها في نقل السوائل او ان انا برده ابدا اقيس حجم السائل اللي انا باخده يبقى دلوقتي المصه ديت عباره عن ايه برده عباره عن انبوبه زجاجيه مفتوحه الطرفين زيها زي السحاحه بس ايه الفرق بيقول لي ان هنا بعضها ذو انتفاخ واحد والبعض الاخر ذو انتفاخين وهي الاكثر استخداما في المعامل بالنسبه الحاله الثانيه بعضها مدرج والبعض الاخر محدد السعه يعني ايه برده زي ما قلنا في الكاس الزجاجيه ممكن يقول لي ان انت معاك مصاعتها 1 ملي يعني املاها كلها عشان تحصل على 1 ملي ما ينفعش استخدمها في اقل من 1 ملي تمام يعني انا هي بتتملى مره واحده بس ممكن يديني مص تمام اقدر ان انا املى فيها واحد او اثنين او 5 ملي او 7 ملي املى منها بمزاجي يبقى دلوقتي عندي هنا حاجات محدده للسعه وحاجات عليها تدريج اقدر استخدمها في اغراض متعدده طب الاستخدام بتاعها زي ما قلنا الاستخدام بتاعها هو قياس ونقل حجم معين من المحلول وبتملا عن طريق شفط المحلول باداه شفط خاصه في حاله المواد السائله شديده الخطوره زي هنا اداه الشفط اللي محطوطه عندي في الشكل ده وممكن في ناس ساعات بتسحب منها عن طريق الفم او عن طريق اليد ما فيش مشكله خالص بس في طبعا المواد الاقل خطوره او اللي ما فيهاش ابخره ممكن ان انا استنشقها وتاثر عليا بالضرب بكده ان شاء الله نكون خلصنا الجزء الاول من ادوات القياس في معمل الكيمياء وننتقل للجزء الاخير معانا في الدرس وهو ادوات قياس الاس الهيدروجيني هناخد ان شاء الله اخر جزئيه معانا في درس الكيمياء والقياس وهو الاس الهيدروجيني او طرق قياس الاس الهيدروجيني اولا نعرف يعني ايه اصلا الاس الهيدروجيني او بيستخدم في ايه بيقول لي هنا ان الاس الهيدروجيني دوت بيستخدم في التعبير عن الحامضيه بتاعه المحلول يعني ايه؟ يعني انا دلوقتي لما باجي اوزن بستخدم الميزان علشان يعرفني الكتله بتاعه الجسم او الكتله بتاعه اي حاجه انا بحطها عليه لما باجي اقيس الطول بيعرفني الطول طب انا لما باجي اقيس الاس الهيدروجيني ده بيعرفني ايه؟ بيعرفني هل المحلول اللي معايا ده حامضي ولا متعادل ولا قاعدي يبقى دلوقتي انا عرفت ان الاس الهيدروجيني ده اسلوب انا بستخدمه علشان عشان اعبر او علشان اقيس الحامضيه بتاعه المحلول اللي معايا يبقى دلوقتي هنا لما نيجي نقرا التعريف بقى واحنا فاهمين اصلا احنا بنتكلم على ايه هيقول لي هنا ان الرقم او الاس الهيدروجيني هو اسلوب يستخدم للتعبير عن تركيز ايونات الهيدروجين اتش موجب في المحلول وذلك لتحديد نوعه ان كان حامضي او قاعدي او متعادل يبقى دلوقتي ده اسلوب انا بستخدمه علشان اقيس ايونات الهيدروجين الموجبه ايونات الهيدروجين الموجبه اللي بتكون موجوده في المحلول ديت يا شباب بتعبر لي عن مدى حامضيه المحلول يعني ايه؟ يعني انا دلوقتي لو عندي ايونات هيدروجين موجبه كتير في المحلول بيبقى المحلول ده محلول حامضي مثلا قوي اقل شويه يبقى محلول حامضي ضعيف ما فيهوش بقى وفي ايونات ثانيه زي الOHش السالب يبقى ده محلول قاعدي يبقى دلوقتي الاس الهيدروجيني ده اسلوب انا بستخدمه علشان اقيس تركيز ايونات الهيدروجين الموجبه في المحلول طب بعرف ايه اصلا بعد ما اقيسها بعرف هل المحلول اللي معايا ده حامضي ولا قاعدي ولا متعادل طيب ايه هي بالنسبه بقى بلغه الارقام ازاي اقدر اعرف هو حامضي ولا قاعدي ولا متعادل بيقول لي هنا ان الاس الهيدروجيني ده بيعبر عنه بارقام بتتراوح بين صفر و14 تمام وعلى حسب الشكل اللي معايا هنا دوت هقدر ان انا لما اقيس الرقم اعرف الرقم ده بيقع في انهي فئه من الثلاث فئات اللي انا هقولها ديت اولا اذا كان الرقم ده اقل من سبعه بيبقى المحلول اللي معايا ده حامضي يبقى دلوقتي انا اول حاجه هقيس الاس الهيدروجيني لقيته مثلا طلع معايا سته اقول لك اه السته ديت اقل من السبعه يبقى المحلول ده حامضي طلع خمسه طلع اربعه طلع واحد ده حامضي وكل ما قل الرقم ده كل ما الرقم ده نزل لتحت كل ما الحامضيه بتاعتي بدات تكون اعلى يبقى دلوقتي عندي الاعلى الحامضيه واحد لكن سته ده هو الاقل في الحامضيه طيب لو لقيت ان الرقم او الاس الهيدرو الدروجين اللي طلع معايا ده سبعه بالظبط اقدر اقول لك ان المحلول اللي معايا ده محلول متعادل ولا هو حامضي ولا هو قاعدي طيب لو طلع اكبر من السبعه بقدر اقول ان المحلول اللي معايا ده قاعدي يبقى عندي هنا من السبعه فيما فوق 8انيه بقى 9 7.2 0.2 اي حاجه من الكلام ده بيكون قاعدي طب ايه هو الاكثر قاعديه؟ قال لك ان انت كل ما طلعت لفوق بتزيد القاعديه بتاعتي يعني هنا لو عملت تدريج بالشكل ده بادئ من تحت هنا بواحد ومنتهي هنا ب 14 وعندي في النص هنا سبعه هقول لك ان انا كل ما نزلت لتحت كده كل ما زادت الحامضيه بتاعتي يبقى الجزء اللي تحت ده كله حامضي وكل ما طلعت العكس كده لفوق القاعديه عندي بتزيد تمام يبقى دلوقتي هنا بيديني هنا او لما باجي اقيس الاس الهيدروجيني بطلع عندي رقم الرقم ده من صفر لحد 14 من اول صفر لحد سبعه ده بسميه حامضي بعد السبعه بسميه قاعدي سبعه بالضبط بسميه متعادل وده بيتم عن طريق قياس تركيز ايونات الهيدروجين الموجبه اللي موجوده في المحلول اللي انا شغال عليه بيقول لي هنا ان قياس الاس الهيدروجيني ليه درجه كبيره من الاهميه في التفاعلات الكيميائيه وكمان البايوكيميائيه لانه بيحدد مدى حامضيه او قاعديه او تعادل المحاليل المستخدمه في الكلام دوت طيب نبدا بعد كده ننتقل لطرق قياس او ادوات قياس الاس الهيدروجيني اللي احنا بنرمز ليه بالبي اتش ولازم تكون البي ديت سمول يا شباب البي ديت بتكون صغيره والاتش ديت بتكون كابيتال لانها بتعبر عن الهيدروجين اللي هو رمزه اتش كابيتال طيب دلوقتي هنا اولا بيقول لي ان في حاجه اسمها شريط البي اتش الورقي ده لما انا عايز اقيس بالطريقه التقليديه وعندي حاجه ثانيه اسمها جهاز بي اتش الرقمي طب ايه الفرق بين الاثنين عارفين فينا يا شباب ورقه عباد الشمس لو اي حد شافها في المدرسه قبل كده ممكن ساعات المدرس كان بيجيبها في الحصه او لو رحت زياره للمعمل بيبقى في اوراق كده معينه بتستخدم ا ببدا ان انا احطها في المحلول بتاعي بيتغير لونها على حسب درجه تغير اللون بتاع ورقه عباد الشمس ديت بيبقى عندي مرجع كده يعني انا مثلا هنا عندي مرجع بيقول لي والله لو طلع اللون مثلا شبه اللون اللي هنا دوت يبقى ديت مثلا ايه البي اتش بواحد لو طلع شبه اللون اللي هنا يبقى البي اتش باثنين فببدا ان انا اجيب ورقه عباد الشمس اللي معايا واقعد ايه اعديها على التدريج اللي معايا ده اشوف هي شبه انهي لون في التدريج فطلعت مثلا شبه اللون اللي موجود في التدريج اثنين ده تمام فقول لك اه يبقى ديت البي اتش اللي طلعت معايا هنا طلعت باثنين يبقى ديت عباره عن ورقه انا بحطها في المحلول بيتغير اللون بتاعها بعد كده اروح اشوفها على التدريج المرجعي اللي على الكرتونه او على العلبه بتاعه الورق اللي انا شاريه فبشوف هي شبه انهي لون على التدريج واشوف يشوف الرقم المرجعي بتاعه فطلع اثنين يبقى البي اتش اين طلع لاثه يبقى البي اتش لاه طلع مانيه يبقى مانيه وهكذا يبقى ديت طريقه القياس التقليديه بيقول لي هنا ان انا بغمس طرف الشريط في المحلول فهتغير لونه ويتم بتحديد مدى قيمه بي اتش للمحلول من خلال تدريج يتراوح ما بين صفر ل 14 تبعا لدرجه اللون اللي طلعت معايا على الورقه طيب هل ديت بتطلع لي نتائج دقيقه لا هي بتطلع لي مدى معين يعني انا ممكن اطلعها يعني يبقى فيها فرق نص فيها فرق 0 فيها فرق 03 لان انا دلوقتي مش بعتمد على حاجه بتديني نتيجه صريحه او رقم صريح على شاشه اقدر ان انا اتاكد منه فعلشان كده دلوقتي اطور الموضوع معايا واتعمل جهاز البي اتش الرقمي طب ايه عباره عن ايه جهاز البي اتش الرقمي بيقول لي ان دوت عباره عن جهاز بيكون ليه قطب القطب ده موصل بالجهاز زي الشكل اللي احنا شايفينه ده كده ببدا ان انا اغمس القطب ده القطب ده طبعا يعني العمليه دي بتتم رقميه تمام يعني بتظهر على شاشه ببدا ان انا اغمس القطب ده في السائل او المحلول اللي معايا ويبدا يظهر عندي على الشاشه هنا رقم البي اتش بتاعي ونفرض مثلا ان هو 3ه فهو هنا بيديني رقم دقيق يعني ممكن يقول لي 3.1.2 0.2 ممكن يديني حاجات ادق من كده كمان فعلشان كده بقدر ان انا عن طريقه اطلع نتائج صريحه او مؤكده بدقه لان انا هنا بستخدم نظام رقمي فبيقول لي هنا انه يغمس القطب الموصل بالجهاز في المحلول فتظهر قيمه بي اتش للمحلول مباشره على الشاشه الرقميه للجهاز تمام علشان كده بيقول لي هنا يعتبر ان جهاز بي اتش الرقمي اكثر دقه من شريط بي اتش الورقي في تحديد قيمه بي اتش للمحلول وذلك لانه يحدد قيمه بي اتش للمحلول مباشره بدلاله الرقم الذي يظهر على الشاشه الرقميه يعني انا باخد الرقم من هنا واعتمده خلاص لكن هنا انا لازم اخد الورقه وابدا اقارنها بتدريج معين موجود عندي ممكن التدريج ده ما يكونش دقيق قوي او يديني رينج معين من الارقام يعني مثلا اعرف ان هي من ثلاثه لاربعه ماعرفش ان هي 3ه مثلا و2 بالضبط وهكذا فما بتدينيش نتائج مظبوطه قوي فعلشان كده يفضل ان انا استخدم جهاز بي اتش رقمي وهو موجود تقريبا في كل المعامل وهو المعتمد حاليا وشريط البي اتش ده يعتبر ما حدش بيستخدمه يعني بكده ان شاء الله نكون خلصنا الدرس الاول وبالتوفيق ان شاء الله بسم الله الرحمن الرحيم اللهم علمنا ما ينفعنا وانفعنا بما علمتنا انك انت العليم الحكيم هناخد ان شاء الله الفصل الثاني من الباب الاول كيميا اولى ثانوي ترم الاول وهو النانو تكنولوجي والكيميا طب قبل ما نعرف علاقه النانو تكنولوجي بالكيميا خلينا اصلا نفسر الاول يعني ايه نانو تكنولوجي كلمه نانو تكنولوجي يا شباب بتتكون من مقطعين اول مقطع هو كلمه نانو وبتعني متناهي الصغار يبقى ديت معناها متناهي الصغار بعد كده عندي كلمه تكنولوجي اللي هي تقنيه اللي احنا كلنا عارفينها يبقى الاثنين مع بعض يا شباب بيدوني مفهوم اسمه تكنولوجيا المواد متناهيه الصغر يبقى دلوقتي هنا نانو تكنولوجي يعني تقنيه تقنيه المواد متناهيه الصغر طيب قبل ما اكمل شرح في الدرس يعني عايزين نعرف يعني ايه متناهي الصغر برده عندي يا شباب هنا ثلاث ابعاد هنتكلم عليهم في الدرس اول حاجه منهم حاجه اسمها ماكرو تمام ماكرو يا شباب اللي هو الحجم الطبيعي او الحجم الكبير تمام يعني ماكرو هنا لما نتكلم عليها معناها حجم كبير بعد كده عندي حاجه ثانيه اسمها مايكرو ومايكرو يا شباب اللي هي معناها حجم دقيق او صغير بعد كده ثالث حاجه معايا هي كلمه نانو والنانو ديت بتعني متناهي الدقه او متناهي الصغر يبقى دلوقتي عندي هنا النانو ده اصغر من المايكرو والمايكرو ده بيكون اصغر من الماكرو يبقى دلوقتي احنا هندرس النانو تكنولوجي اللي هو تقنيه المواد متناهيه الصغر بيقول لي هنا يا شباب التعريف بتاعها هو تكنولوجيا المواد متناهيه الصغر وده بيختص بمعالجه الماده على مقياس النانو اللي هو ايه اللي هو احنا لسه قايلين عليه دلوقتي اللي هو المقياس متناهي الصغر يعني المواد اللي حجمها متناهي الصغر مش الاحجام الطبيعيه اللي احنا بنتعامل معاها لانتاج نواتج جديده مفيده وفريده في خواصها تمام هنا يا شباب المواد لما بتوصل لحجم النانو لما مثلا انا بقعد اصغر في الماده او اكسر فيها لحد ما يوصل حجمها لمقياس النانو اللي هو اصغر حجم دوت بيبقى ليها خواص فريده او خواص معينه بقدر ان انا اجيب منها منتجات او مواد بتفيدني في الحياه بتاعتي ما كنتش اقدر اعملها قبل كده ديت مقدمه هنبدا ان احنا كل الكلام اللي انا قلته ده هيجي في الكا شريحه اللي جايين طيب هل النانو ده وحده قياس قال لي لا قال لي ان النانو دوت يا شباب بيعتبر من حاجه اسمها البادئات طب يعني ايه البادئات البادئات ديت يا شباب عباره عن مقاطع تضاف لوحدات القياس علشان تعرفني النطاق او المقياس اللي انا شغال عليه يعني ايه الكلام ده يعني مثلا دلوقتي لو انت بتقيس طولك تمام بتلاقي نفسك ان انت بتقيسه بالسنتي متر لكن لو انت هتقيس مثلا المسافه من القاهره لاسكندريه مش هتقيسها بالسنتيمتر لا هتبدا تقيسها بالكيلو متر تمام طيب يا شباب ايه اللي اختلف هنا؟ اللي اختلف هنا يا شباب ان وحده القياس في الحالتين هي المتر وليس الكيلو او السنتي تمام يبقى عندي هنا وحده القياس في الحاجتين دول اللي هي وحده قياس الاطوال اللي هي المتر تمام لكن انا هنا ضفت ليها بادئ معين وهو السنتي او الكيلو علشان اعرف البعد او المقياس اللي انا شغال فيه. فلو انا بقيس حاجه صغيره بضيف البادئ اللي هو السنتيمتر وانا عارف ان المتر فيه 100 سم. طب لو انا باجي اقيس حاجه اطول بستخدم الكيلو متر ليه؟ علشان اسهل على نفسي عمليه القياس او عمليه حتى كتابه القيم اللي انا بقيسها. فانا مش هقدر اقيس كل حاجه بالمتر ومش هقدر اقيس كل حاجه بالسنتي ولا الكيلو ده حسب الحاله اللي انا شغال بيها. النانو ده يا شباب زيه زي السنتي زي الكيلو زي الديسي. برضو يعتبر بادئ لوحده قياس بستخدمه لما اكون بقيس حاجه متناهيه الصغر قوي علشان اقدر ان انا اعبر عن المقدار او اعبر عن الحجم اللي معايا يبقى دلوقتي النانو زي السنتي زي الكيلو يبقى انا دلوقتي حتى ممكن وانا بقيس الطول اقول هنا نانو متر وممكن وانا بقيس الوقت اقول نانو سكند او نانو ثانيه يبقى دلوقتي النانو بيعتبر بادئ لوحده قياس طب النانو ده بيساوي ايه يعني انا دلوقتي عرفت ان السنتي مثلا بيساوي 0.1 0 من المتر وعارف ان الكيلو بيساوي 1000 متر طيب النانو بيساوي قد ايه؟ يعني لو انا ضفته للمتر هيساوي قد ايه من المتر مثلا قال لك هنا يا شباب ان النانو بيساوي واحد جزء من المليار يعني هنا لو السنتي بيساوي واحد جزء من ال 100 لا ده النانو بيساوي واحد جزء من المليار يعني لما اقول لك هنا نانومتر يعني واحد جزء من المليار من المتر يبقى هنا 1 نانو بيساوي عندي واحد جزء من المليار اللي هو 10 اس س-ب ت يعني لو انا حولت دوت لاس هخليه 10 اس سالب ت جزء من الوحده المقاسه وده معناه ايه؟ معناه ان هنا النانومتر الواحد هيساوي واحد جزء من المليار من المتر او 10 اس سال متر ووا نانو ثانيه هيساوي واحد جزء من المليار من الثانيه او 10 اس سالب تانيه علشان كده بيقول لي بستخدم النانو كبادئ وحده قياس للجزيئات متناهيه الصغر اللي مش هقدر اعبر عنها بالمتر ولا السنتي ولا الديسي ولا الكيلو ولا الكلام الكبير دوت طيب امثله تانيه على البادئات عندي الملي والملي هنا يا شباب بيساوي 1 في 10 اس 3 من الوحده المقاسه والمايكرو بيساوي 1 في 10 اس سالب س من الوحده المقاسه واصغر حاجه فيهم هي النانو بيساوي 1× 10 اس سالب ت من الوحده المقاسه ولسه في حاجات كمان بعد كده بس مش علينا دراستها زي البيكو وزي الفيمتو طيب دلوقتي احنا خدنا فكره عن يعني ايه نانو تكنولوجي وكمان عرفنا يعني ايه بادئات وعرفنا ان النانو دوت يعتبر بادئ لوحدات القياس طيب برض النانو ده احنا عايزين نفهم يعني عايزين نعرف ايه اللي احنا بنمر بيه في حياتنا بيتقاس بالنانو او النانو ده يعني يعبر عن ايه بالظبط اداني هنا ثلاث امثله علشان نعرف مدى صغر وحده النانو اول حاجه بيقول لي ان قطر حبه الرمل بيساوي 10 اس 6 نانومتر يعني شوف مليون نانومتر قطر حبه الرمل طب بالنسبه هنا لجزيء الميه بيقول لي ان قطر جزيء الماء حوالي 03 نانومتر شوف الفرق قد ايه يعني شوف هنا هو عايز يعرفك الجزيء قد ايه مثلا من حبه الرمل انت فاهم يعني هنا مثلا ممكن تلاقي في حوالي 3 مليون جزيء في حبه الرمل دي تمام طيب بيقول لي برده هنا الاصغر من كده اللي هي قطر الذره الواحده بيساوي من 0.1 0.1 ل نانومتر وده علشان يعرفني ان قد ايه ان النانو ده بيقيس حاجات متناهيه الصغر جدا جدا جدا او حاجات ما بنقدرش ان احنا نشوفها طيب فاكرين لما قلنا هنا ان النانو بيبقى ليه خواص فريده لما باجي اصغر الماده على حجم النانو بتديني خواص فريده هو دوت اللي احنا هندرسه في الشريحه ديت وبيقول لي هنا ان النانو وحده قياس فريده طب ليه هي وحده قياس فريده قال لي هنا يا شباب ان لما بتكون الماده في حجم النانو الخواص الميكانيكيه والكيميائيه والفيزيائيه بتاعتها بتتغير عن الحجم الطبيعي يعني ايه الكلام ده؟ بيقول لي يا شباب هنا ان خواص زي اللون والقدره على التوصيل الحراري والكهربي والمرونه وسرعه التفاعل الكيميائي والشفافيه والصلابه ونقطه الانصهار وغيرها من الخواص اللي هي الخواص الكيميائيه والفيزيائيه والميكانيكيه بتاعه الماده بتتغير تماما وبتديني خواص جديده وفريده في بعد النانو واكتشف العلماء ان الخواص ديت بتتغير كمان باختلاف الحجم النانو وني للماده علشان كده سموها الخواص المعتمده على الحجم ليه؟ لان الماده لما بتكون في حجم الماكرو تمام او كمان المايكرو بيكون ليها خواص معينه لكن لما بقعد ان انا اصغرها خالص لحد ما اوصل ان هي تبقى في حجم النانو بلاقي ان الخواص بتاعتها ديت بتتغير خالص ومن هنا اداني مصطلح اسمه الحجم النانوني الحرج طب ايه هو الحجم النانوني الحرج هو دوت الحجم اللي لما بتوصل الماده في الصغر بتاعها ليه يعني لما بقعد اصغر صغر الماده لحد ما توصل للحجم النونيلي الحرج ده بتبدا ان الخواص بتاعتها تتغير او تديني الخواص الفريده او الخواص الجديده بتاعه الماده اللي ما كناش بنقدر نحصل عليها قبل كده في حجم الميكرو او المايكرو طيب ايه هو تعريف الحجم النانوني الحرج بيقول لي ان هو الحجم الذي تظهر فيه الخواص النانونيه الفريده للماده والذي تكون ابعاد دقائقه اقل من 100 نانومتر طيب علشان نفهم برده الخواص ديت بتتغير ازاي هناخد امثله على مادتين بتتغير الخواص بتاعتهم لما بصغرهم لحد الحجم النانوني وهما الذهب والنحاس يبقى اول حاجه هنا هندرس تغير لون الذهب تبعا لتغير الحجم النانوني بتاعه وكمان تغير صلابه النحاس تبعا لتغير الحجم النانوني اول حاجه هنبدا بيها هو تغير لون الذهب تبعا لتغير الحجم النانوني لدقائقه احنا عارفين كلنا يا شباب ان الذهب لونه اصفر او لونه ذهبي اللي هو اصفر ذو بريق معدني اللون اللي احنا كلنا عارفينه لكن قال لي هنا ان انا لما بقلص حجم دقائق الذهب لمقياس النانو بيبدا يتغير عندي لونه وياخد الوان مختلفه منها الاحمر والبرتقالي والاخضر والازرق حسب الحجم النانوني اللي انا وصلت ليه يعني ده معناه ايه؟ ان هي كمان في الحجم النانوني مش بتديني لون واحد بس لا ده بتديني هنا نطاق من الالوان حسب ما انا ببدا اصغر الحجم اكت تمام يعني انا دلوقتي وصلت للحجم الحرج اللي هو اقل من 100 نانومتر طيب ممكن يبقى عندي 100 ليها ليها لون ممكن لو نزلتها لحد 50 نانومتر يبقى ليها لون ثاني ممكن عند 20 يبقى ليها لون ثاني وهكذا يبقى دلوقتي هنا ببدا لما بوصل لبعد النانو او هنا بعدي الحجم النانوني الحرج بتاعي بيبدا ان يحصل عندي تخير في الخواص بتاعه الماده وبتديني الوان مختلفه زي الشكل اللي انتم شايفينه دوت واللي بتعبر عندي هنا عن الوان الذهب في الحجم النانوني وطبعا احنا شايفين هنا نطاق من الالوان طيب ايه السبب؟ قال لك هنا يا شباب ان السبب هو ان تفاعل الضوء المرئي مع دقائق الذهب في البعد النانوني بيختلف عن تفاعله معها وهي في الحجم المرئي او المكرو يعني احنا دلوقتي لما الضوء المرئي بيتفاعل مع الدهب وهو مثلا في الحجم اللي احنا كلنا عارفينه اللي هو في الخاتم او في السبيكه او في اي شيء ثاني احنا كلنا بنشوفه اصفر لكن لما بقعد افرفته واو اصغره لحد ما يوصل معايا لحجم النانو بيبدا ان الضوء المرئي يتفاعل معاه بشكل مختلف فبيظهر عندي بالوان مختلفه عن لونه في حجم المكرو طيب ثاني حاجه معايا هي تغير صلابه النحاس تبعا لتغير الحجم النانوني لدقائقه برده هنا يا شباب لما بقعد اصغر في حجم دقائق النحاس لحد ما توصل عندي للحجم النانوني او تبقى فيه البعد النانوني بلاقي ان صلابه النحاس بتزداد كل ما بيتقلص حجم دقائقه والسبب في كده هو ان الصلابه بتختلف باختلاف الحجم النانوني للماده هي برده من ضمن الخواص اللي احنا قلنا انها بتتغير لما بينزل الماده للمقياس النانو او الحجم الحجم النانوني طيب ننتقل بعد كده لمثال بقى تفصيلي علشان يجمع لي كل الكلام اللي احنا قلناه ده بيقول لي هنا يا شباب تفسير الخواص الفريده للمواد النانونيه عايز يفسر لي بقى ليه الخواص ديت بتتغير بيقول لي هنا ان ما ينطبق على الامثله السابقه بينطبق برده على الحجم النانوني لاي ماده يعني مش بس الذهب والنحاس وعايز يفسر لي ليه الكلام دوت بيحصل طيب ليه الكلام دوت بيحصل لاي ماده قال لي هنا يا شباب ان الخواص الفائقه للمواد النانونيه بترجع للعلاقه بين مساحه السطح الى الحجم طيب يعني ايه الكلام ده؟ قبل ما اشرح المثال على المكعبات اللي معايا ديت هشرحه لكم الاول على حاجه ثانيه علشان نوضح الفكره لو دلوقتي يا شباب انا عندي لتر من الميه عندي هنا اناء اهو في 1 لتر من الميه هنا 1 لتر وبدات ان انا اقسم ال 1 لتر طبعا اللتر ده يا شباب دي وحده قياس حجم تمام يعني حجم الميه اللي معايا 1 لتر طيب لو انا قسمت يا شباب الوا لتر دول على انائين تانيين بالشكل ده يعني يبقى عندي هنا نص لتر في كل اناء تمام وقلت لك ايه الفرق بين مساحه السطح بتاعه الميه في الحجم الاولاني ومساحه سطحها لما قسمتها على وعين لو تشوفوا هنا يا شباب مثلا لو اعتبرنا ان مساحه السطح هي مساحه الميه اللي ظاهره عندي هنا على الوش بالشكل ده تمام هلاقي هنا مثلا ان مساحه السطح عندي واحد بس من سطح الميه اللي موجود عندي في الاناء ده لكن لما قسمتها على انائين هنا هلاقي ان عندي هنا مساحه سطح قد اللي كانت هنا يعني الواحد ده قد ده وكمان ضفت عليها سطح كمان يعني لو قلت لي هنا مساحه السطح قد ايه هقول لك مساحه السطح هنا اثنين لكن هنا واحد نفس الكلام لو قسمتها هنا على ثلاث اوعيه هلاقي ان هنا مساحه السطح هتزيد عندي لثلاثه لكن في الثلاث احوال يا شباب الحجم ثابت عندي اللي هو ايه اللي هو لتر يعني انا كان عندي اللتر هنا مثلا في الكوبايه دي بعد كده قسمته على كوبايتين فبقى عندي بدل سطح سطحين فهنا مساحه السطح بتبدا تزيد تمام لكن الحجم لتر برده يعني انا حطيت هنا 500 ملي وهنا 500 ملي يعني الاثنين مجموعهم لتر ولما قسمتها على ثلاث كوبايات بقت مساحه السطح عندي مساحه ثلاث اسطح من سطح الكوبايه تمام لكن الحجم عندي برده لتر حطيت مثلا 330 ملي هنا وقسمتها على لاثه طب تخيلوا بقى يا شباب لو انا قسمت الميه اللي معايا ديت على مليار كوبايه ميه تمام ده طبعا مثال تخيلي ايه اللي هيحصل عندي هيحصل عندي ان مساحه تحت السطح هتزيد زياده رهيبه في حين ان الحجم بتاعي ما بيتغيرش يعني الحجم في كل الاحوال الاجمالي بتاعه 1 لتر تمام يبقى دلوقتي انا فهمت ان انا كل ما ببدا اني اقسم الماده بتاعتي او اقسم حجم ثابت من الماده مساحه السطح بتبدا عندي تكبر جدا جدا مع الوقت في حين ان الحجم بتاع الماده عندي ما بيتغيرش لان الماده ثابته انا ما جبتش ماده ثانيه من عندي دهع بعض بس كل اللي بعمله ان انا بقسمها على حاجات اكتر تمام نفس الكلام ده في المكعب هنا المكعب ده يا شباب على حجم الماكرو هنا اهوت كان مساحه السطح بتاعته 1 متر وكان الحجم بتاعه 1 متر مكعب الحجم ال 1 متر مكعب ده هيتنيه ثابت معايا مش هيتغير زي حجم الميه كده بالظبط طيب لما ببدا ان انا اقسم المكعب ده لاكث من جزء بتبدا عندي هنا مساحه السطح بتاعته تزيد كل ما انا بدات ان انا اقسمه اكت من الاول تمام فبيحصل عندي زياده رهيبه في مساحه السطح في حين ان الحجم ثابت ما بيتغيرش يبقى دلوقتي انا استنتجت معلومه ان انا كل ما بكسر الماده او كل ما بقسمها لحد ما بتوصل للحجم النانوني بتاعها بتبدا ان مساحه السطح تبقى كبيره جدا في حين ان الحجم ثابت اذا النسبه بين مساحه السطح للحجم بتبدا انها تزيد يعني هنا لو قلت مثلا ان انا عايز احسب النسبه مساحه السطح السطح على الحجم تمام هلاقي عندي هنا مساحه السطح دي بتزيد باستمرار لكن المقام عندي ثابت فنسبه مساحه السطح على الحجم عماله تزيد تزيد مع الوقت في حين ان الحجم بتاعي ثابت اذا هنا استنتج يا شباب ان كل ما انا قسمت الماده وكمان وصلتها للحجم النانوني مساحه السطح المعرض للتفاعل عندي بتبدا تزيد زياده رهيبه وهو دوت اللي بينتج عنه الخواص الكيميائيه والفيزيائيه والميكانيكيه الفريده للماده وده بيرجع لزياده السطح زياده رهيبه كل ما قسمت الماده بتاعتي في حين ان حجم الماده بيفضل معايا ثابت ما بيتغيرش طول العمليه يبقى دلوقتي هنا نشوف الاستنتاجات بتاعتنا هيقول لي هنا نستنتج مما سبق ان في الحجم النانوني من الماده تزداد النسبه بين مساحه السطح الى الحجم لان الحجم ثابت وانا عمال ازود بس في مساحه السطح زياده كبيره جدا يصبح عدد ذرات الماده المعرضه للتفاعل كبير جدا اذا ما قارنا بعددها في الحجم الاكبر اللي هو الحجم المكرو اللي هو زي ده كده تمام من الماده لذا فان النسبه بين مساحه السطح الى الحجم تكسب الجسيمات النانونيه خواص خص كيميائيه وفيزيائيه وميكانيكيه فريده اللي هي الخواص اللي احنا كنا كتبناها من شريحتين فاتوا اللي هي زي الصلابه والكلام دوت بكده نكون خلصنا الجزء الاول من الدرس وباذن الله نكون جاهزين ان احنا ننتقل للنقطه الثانيه معانا وهي كيمياء النانو بعد ما درسنا يا شباب يعني ايه نانو تكنولوجي والخواص الفريده اللي بتكتسبها الماده لما بتكون في بعد النانو دلوقتي هننتقل بقى للجزء الاساسي معانا في الدرس وهو كيميا النانو واللي بيختص بدراسه علاقه الكيمياء بالنانو تكنولوجي او دورها في النانو تكنولوجي وكمان تصنيف المواد النانيه بيقول لي يا شباب ان كيميا النانو ديت احد فروع علم النانو طب بيختص بايه الفرع ده من العلم بيختص يا شباب بتخليق المواد النانونيه ودراسه تطبيقاتها وخواصها يعني ايه هو هنا ده علم بيختص ان هو يعمل لي الماده النانونيه ويدرس الخواص الفريده بتاعتها وكمان يدرس التطبيقات يعني استخدمها في ايه بعد كده او هتنفعني في ايه الماده اللي انا حضرتها دي؟ يبقى هنا يا شباب بيقول لي ان هنا كيميا النانو احد فروع علم النانو وهي الفرع المختص بالتعامل مع تطبيقات الكيمياء للمواد النانونيه يعني المواد النانونيه ديت تخدمني في ايه؟ في علم الكيمياء وكمان دراسه ووصف وتقليق المواد النانونيه نفسها والخواص الفريده المرتبطه بتجمع الذرات والجزيئات ذات الابعاد النانونيه يبقى ثاني هنا كيميا النانو ده احد فروع علم النانو بيختص بتخليق مواد النانو وازاي اطبقها في مجال الكيمياء وبعد كده يدرس الخواص الفريده المميزه ليها. طيب ايه هي اشكال المواد النانونيه اللي احنا بنعملها اصلا؟ بيقول لي ان المواد النانونيه بتاخد اشكال عديده منها الحبيبات اللي هي بتتسمى النقاط الكميه والاسلاك والاعمده والالياف وكمان الاغشيه والكرات والشرائح والانابيب. يبقى دلوقتي انا عندي اشكال متعدده للمواد النانونيه اللي انا بقدر اخلقها بعلم كيمياء النام. طيب المواد ديت كلها يا شباب بنعمل لها تصنيف عام على حسب عدد الابعاد النانونيه بتاعتها. طب يعني ايه اصلا ابعاد نانونيه؟ ناخد الاول الملاحظه اللي مكتوبه دلوقتي ديت. احنا دلوقتي يا شباب عارفين ان اي حاجه في الدنيا بيكون ليها طول وعرض وارتفاع. يعني مثلا انت نفسك ليك طول وليك عرض وليك ارتفاع. لو جبت مثلا قالب طوب بيبقى ليه طول وليه عرض وليه ارتفاع. اللي هي الابعاد الثلاثه اللي احنا عارفينها كلها. طب احنا دلوقتي هنصنف المواد النانونيه ازاي؟ قال لك هنا احنا هنصنف المواد النانونيه على حسب الماده اللي معايا ديت كم بعد من ابعادها الثلاثه بيتقاس بالنانو يعني ايه يعني عندي هنا مواد احاديه البعد النانوني يعني عندي الماده ديت احد الابعاد الثلاثه بتوعها بمقياس النانو طب مواد ثنائيه الابعاد النانونيه يعني برده ماده بعدين من الابعاد الثلاثه دول سواء الطول او العرض او الارتفاع موجود عندي في بعد النانو وماده ثلاثيه الابعاد النانونيه يعني كل الابعاد الثلاثه بتاعتها في بعد النانو او متناهيات الصغر جدا بقى يعني كل حاجه الطول والعرض والارتفاع بتوعها بيتقاسوا بالنانو او موجودين في مقياس النانو طيب نبدا ان احنا ناخد واحده واحده منهم وهنبتدي بالمواد احاديه البعد النانوني اهو هنا فعلا بيقول لي هي مواد يقدر احد ابعادها الثلاثه اللي هي الطول او العرض او الارتفاع بمقياس النانو طب زي ايه؟ زي عندي هنا يا شباب بيقول لي الاغشيه الرقيقه دقيقه هنا مثلا بلاقي ان الغشاء دوت الارتفاع بتاعه قليل جدا بلاقي ان الارتفاع بتاعه بيكون بالنانو في حين ان هو ممكن يكون طويل او عريض عادي خالص لكن عندي اهم حاجه ان في احد الابعاد بتاعته بتقاس بالنانو فديت بسميها ماده احاديه البعد النانوني زي ما قلنا هنا اول حاجه معايا هي الاغشيه الرقيقه وديت بتستخدم في تغليف المنتجات الغذائيه لحمايتها من التلوث والتلف وكمان طلاء الاسطح لحمايتها من الصدق والتاكل طب ثاني حاجه عندي هي الاسلاك النانونيه برض هنا السلك ده ممكن يكون طويل ممكن يكون برض في اختلاف في الاطوال بتاعته او كده لكن المهم عندي ان هو في احد الابعاد بتاعته بتقدر بالنانو او موجوده في بعد النانو يبقى المثال الثاني عندي هي الاسلاك النانونيه وديت بتستخدم في صناعه مكونات الدوائر الالكترونيه بعد كده ثالث حاجه هي الالياف النانونيه واللي بتستخدم في صناعه مرشحات المياه يبقى دلوقتياني عندي هنا المواد احاديه البعد النانوني ديت مواد بيكون احد ابعادها الثلاثه يا اما الارتفاع يا اما الطول يا اما العرض بيتقدر بالنانو والامثله بتاعتها هي الاغشيه الرقيقه اللي بتستخدم في تغليف المنتجات الغذائيه لحمايتها من التلوث والتلف او كمان طلاء الاسطح وثاني حاجه هي الاسلاك النانونيه اللي بتستخدم في صناعه مكونات الدوائر الالكترونيه بعد كده عندي رقم ثلاثه هي الياف النانو اللي بتستخدم في صناعه مرشحات المياه يبقى دلوقتي المعلومات ديت لازم نعرفها ويكون عندنا فهم ان لو بعد واحد بس بنسميها احاديه البعد النانوني. طب ثاني حاجه معايا وهو لو في بعدين موجودين بمقياس النانو وهي المواد ثنائيه الابعاد النانونيه. هنا بيقول لي ان هي مواد يقدر بعدين من ابعادها الثلاثه بمقياس النانو. طب ايه الامثله عليها؟ قال لي هنا في مثالين وهي انابيب الكربون النانونيه احاديه الجدار وانابيب الكربون النانونيه عديده الجدار. يعني مثلا لو انا عندي انبوبه من دول تمام ليها جدار واحد بتبقى هنا من المثال الاولاني اللي هي انابيب كربون نانونيه احاديه الجدار طب لو ليها كمان جدار كده بالشكل ده بسميها انابيب كربون نانونيه عديده الجدار طب انابيب الكربون ديت الخواص بتاعتها ايه بيقول لي هنا يا شباب انها عندها قدره فائقه على توصيل الحراره والكهرباء اكت من النحاس نفسه تمام يبقى دلوقتي هنا انا حصلت على خواص فريده ما كانش موجوده عندي في المواد اللي في بعد الماكرو زي النحاس مثلا زي سلك النحاس العادي يبقى بيقول لي هنا ان اول حاجه من خواصها قدرتها الفائقه على توصيل الكهرباء وتوصيل الحراره اكت من النحاس يعني هنا ديت بتديني كفاءه عاليه جدا في الشغل بتاعي بعد كده رقم اثنين بيقول لي الصلابه مع خفه الوزن لو تفتكروا احنا لما جينا نتكلم على النحاس نفسه كنا بنقول ان انا لما بخلي النحاس في البعد النانوني الصلابه بتاعته بتزيد لان الصلابه بتزيد كل ما بصغر الحجم بتاعي طب هنا احنا في بعد النانو فبيديني طبعا صلابه عاليه جدا مع خفه الوزن الوزن بتاع الماده بتاعي بيكون خفيف بيقول لي حتى هنا ان حبل من الانابيب النانونيه بقطر شعره الراس ممكن يجر عندي قاطره يعني ممكن يجر مثلا السياره اللي هي النقل الكبيره ديت تتجر بانبوبه نانونيه بقطر شعره راسك بيقول لي بعد كده يا شباب ان الفكره ديت الهمت العلماء ان هم يفكروا يعملوا حبال ذات متانه يمكن استخدامها بعد كده في المستقبل في عمل مصاعد الفضاء يعني هو عايز يستخدم الانابيب النانونيه لان قدره التحمل بتاعتها عاليه جدا وصلابتها عاليه جدا وخفيفه الوزن ما بتاخدش مساحه ان هو يعمل مصعد يطلع له بعد كده رواد الفضاء او المركبات للفضاء وما يستخدمش الصواريخ او الطرق التقليديه اللي موجوده دلوقتي بعد كده ثالث حاجه معايا بيقول لي انها بترتبط بسهوله بالبروتين تمام البروتين ده يا شباب بيبقى موجود جوه الكائن الحي علشان كده يمكن استخدامها في صناعه اجهزه الاستشعار البيولوجيه بيولوجيه يا شباب يعني حيويه طبعا احنا المفروض نكون عارفين المعلومه ديت من الدرس اللي فات يبقى هنا بيقول انها بترتبط بسهوله للبروتين فاقدر استخدمها بعد كده في ان انا اصنع اجهزه استشعار بيولوجيه مثلا تدخل جوه جسم الانسان. رابع حاجه معايا يا شباب ان قوى الترابط بين جزيئاتها بتكون عاليه جدا وعلشان كده يا شباب بيقول لي ان انابيب الكربون النانونيه بتكون اقوى من الصلب. طبعا ده بيفتح لي هنا استخدامات كتير بس مع العلم ان بتكون تكلفه انتاج المواد النانونيه ديت عاليه جدا يعني هتكون اعلى من الصلب فهي ليها ميزه وليها عيب. العيب بتاعي هنا هو التكلفه العاليه جدا او التقنيه المكلفه لانتاجها بعد كده ننتقل لثالث نوع معايا وهو مواد ثلاثيه الابعاد النانونيه يعني الابعاد الثلاثه بتاعتها اللي هي الطول والعرض والارتفاع كلها بتتقاس بمقياس النانو وعندي هنا مثالين يا شباب على المواد ثلاثيه الابعاد النانونيه اول حاجه فيهم هي كره بوكي بعد كده هناخد صدفه النانو كره بوكي يا شباب ديت زي الشكل هو دوت الشكل بتاعها بيكون كده بتتكون من 60 ذره كربون وبيرمز لها بالرمز سي 60 طيب لقيت عندي هنا يا شباب ان الكره بوكي ديت بيكون ليها خاصيه مهمه جدا او خواص كتير مميزه بس اهم حاجه عندي دلوقتي ان هي مفرغه من الداخل طيب ان هي مفرغه من الداخل زي ما انتم شايفين في الصور كده مثلا الفراغ اللي جوه ده انا هستغله في ايه؟ قال لك ان التجويف اللي موجود في كوره بوكي ده ممكن استخدمه في حمل جزيئات من الادويه تقدر انها توصلها لي بعد كده داخل الجسم للمكان اللي انا بستهدف ان اعالجه يعني ايه؟ بيقول لي هنا يا شباب ان النموذج الجزيئي الكره بوكي يبدو كره قدم مجوفه يعني هي فاضيه من جوه هم بقى عايزين يحملوا عليها جزيئات من الادويه بعد كده يستهدف بيها مكان معين من الجسم تروح تعالجه بدل ما مثلا الدواء ينزل جسمك مثلا ممكن يضر خلايا سليمه لا ده ده هتروح للخليه المصابه بالظبط هتتعرف عليها وتبدا انها توصل ليها العلاج اللي محمل بالفراغ او التجويف اللي بداخلها طب نقرا مع بعض بيقول لي هنا لذا يختبر العلماء مدى فاعليتها كحامل للادويه داخل جسم الانسان حيث ان شكلها الكروي المجوف يمكنها من حمل جزيئات من الدواء بداخلها في حين يقاوم سطحها الخارجي التفاعل مع جزيئات اخرى داخل الجسم يعني هتحمي الدواء بتاعي لحد ما يوصل للمكان المستهدف بتاعه وتستهدف الخليه المصابه او المكان المصاب بدقه بعد كده عندي هنا صدفه النانو ماتكلمش عنها كتير لكن قاللك ان هي بتستخدم في علاج مرض السرطان بكده يكون خلص الجزء بتاع كيميا النانو وننتقل بعد طيب بكده يكون خلص التصنيف بتاعي بكده يكون خلص الجزء بتاع كيميا النانو والتصنيف وننتقل بعد كده للجزء اللي قبل الاخير معانا في الدرس وهو التطبيقات النانو تكنولوجيه نبتدي ان شاء الله في التطبيقات النانو تكنولوجيه ديت يا شباب جزئيه نظري بس احنا هنحاول نربطها بالمعلومات اللي خدناها من اول الدرس لان في معلومات من اللي احنا خدناها خاصه في التصنيف هتفيدنا هنا في ان احنا نفهم التطبيقات او نبدا ان احنا نجمعها مع بعض ان شاء الله وبرده جزئيه التطبيقات ديت كان اشير ليها في درس الكيمياء والقياس في بدايه الدرس خالص لما كنا بنتكلم على ان الكيمياء هي مركز العلوم بيبتدي هنا الكلام وبيقول لي ان العلماء بيؤمنوا بقدره علم النانو تكنولوجي على تقديم حلول علميه لكثير من المشكلات اللي ما كناش بنعرف نحلها بالطرق العاديه قبل كده طب ايه المجالات اللي النانو تكنولوجي بيخدمها او بيبدا ان هو يطور فيها ويحل مشاكلها هنا هو مدي لي امثله على ست مجالات بس وهم الطب والزراعه والطاقه والاتصالات والصناعه والبيئه وهنبدا ناخدهم ان شاء الله واحده واحده وناخد التطبيقات بتاعتهم عندي اول حاجه هنبتدي بيها هي مجال الطب بيقول لي هنا اول حاجه معايا التشخيص المبكر للامراض وتصوير الاعضاء والانسجه احنا قلنا هنا ان انا ممكن اعمل مواد نانونيه تقدر انها تخش جسم الانسان وتصور لي الاعضاء والانسجه وده يساعدني هنا في التشخيص المبكر للامراض بعد كده ثاني حاجه هي توصيل الدواء بدقه الى الانسجه والخلايا المصابه وديت اتكلمنا عليها لما كنا بنتكلم على كره بوكي قلنا وقتها ان العلماء بيعملوا دراسات على استخدامها في توصيل الادويه بدقه للخلايا المصابه بيقول لي هنا ده بيزيد من فرص الشفاء وبيقلل من الاضرار الجانبيه للعلاج التقليدي الذي لا يفرق في تاثيره بين الخلايا المصابه والخلايا السليمه يبقى دلوقتي هنا انا هستخدم برده التطبيقات النانو تكنولوجيه في ان انا اوصل العلاج للخلايا المصابه واستهدفها بدقه وفي نفس الوقت ان انا ما اصيبش الخلايا السليمه ثالث حاجه معايا بيقول لي انتاج اجهزه نانونيه للغسيل الكلوي يتم زراعتها في جسم المريض بالفشل الكلوي يبقى دلوقتي هنا ربنا يعافي الجميع اللي هنا مصاب بمرض معين في الكلى ممكن ان هو بيروح يعمل غسيل كلوي بشكل دوري بشكل متكرر يعني بيتنيه طول حياته ويروح يغسل الكلى بتاعته فهنا هو عايز يحل لي المشكله بان هو يركب جهاز نانوني في جسم الانسان يبدا ان هو يغسل له الكلى بتاعته من غير ما يضطر ان هو يروح يعمل الغسيل الدوري ده بعد كده اخر حاجه معايا في الطب بيقول لي انتاج روبوتات نانونيه يتم ارسالها الى تيار الدم لازاله الجلطات الدمويه بدون تدخل جراحي لو تعرفوا يا شباب هنا ان الشخص اللي بيجي له جلطه ممكن ان هو بيتعمل له جراحه بيتحط له دعامه مثلا عشان تبدا ان هي توسع السد ده او كمان ممكن يتعمل له عمليه قلب مفتوح اللي هو بيغير فيها الشرايين المصابه او اللي فيها تجلط فهنا بيقول لي ان هو ممكن يعمل روبت يخش جوه الشريان علشان يفتت هو الجلطه ديت بدل ما اضطر ان انا اعمل عمليه للمريض زي مثلا عمليه القلب المفتوح وديت عمليه خطيره جدا بعد كده ننتقل لثاني مجال معايا هو مجال الزراعه بيقول لي انها بتستخدم في حفظ المواد الغذائيه والتعرف على البكتيريا في المواد الغذائيه مش بس بتحفظ المواد الغذائيه لا ده قال لي كمان انها بتستخدم في انتاج وتطوير مواد غذائيه ومبيدات حشريه وادويه للنباتات والحيوان بمواصفات خاصه طبعا هي المواصفات الخاصه لان احنا قلنا ان المواد في بعد النانو بيكون ليها خواص فائقه او خواص مميزه غير المواد في بعد المايكرو او الماكرو بعد كده ننتقل لثالث حاجه معانا وهي مجال الطاقه هنا هيشتغل على انتاج حاجتين خلايا شمسيه وكمان خلايا وقود هيدروجيني طب الخلايا الشمسيه يا شباب هنا لما اعملها احنا عارفين انها بتحول لي الطاقه اللي جايه جايه من الشمس لطاقه كهربيه ببدا ان انا اخزنها واستخدمها بيقول لي بقى ايه المميز في ان انا لما استخدم النانو فيها بيقول لي دون فقد الطاقه الحراريه يعني انا هنا بستفيد اكبر استفاده من خلايا الطاقه الشمسيه بتاعتي وما بيحصلش اي فقد او تسرب للطاقه بتاعتي منها وتاني حاجه معايا بيقول لي انتاج خلايا وقود هيدروجيني وديت بتكون قليله التكلفه وعاليه الكفاءه يعني ديت حاجات تعوض لي استخدام المحروقات زي البنزين او الكلام دوت اللي هي بتكون تكون مكلفه وكمان هتنفذ مع الوقت وبتضر البيئه ده هنا بيكون اعلى كفاءه وكمان اقل في التكلفه بعد كده عندي رابع مجال معايا وهو مجال الاتصالات بيقول لي هنا بتنتج اجهزه نانو لاسلكيه وهواتف محموله واقمار صناعيه يبقى هنا بتخش في انتاج الاجهزه النانو لاسلكيه والهواتف المحموله والاقمار الصناعيه وكمان بتقلل لي حجم الترانزستور طبعا ده هتبقوا تاخدوه في الفيزياء بالنسبه للترانزستور بعد كده تصنيع شرائح الكترونيه تتميز بقدره عاليه على التخزين يعني مثلا زمان اول ما عملوا الكمبيوتر كنت ممكن تلاقي ان الهارد بتاعه بياخد بس كام كيلو او كم ميجا بعد كده بدا يبقى بالجيجا بعد كده دلوقتي بالتيرا دلوقتي هو لما بيستخدم النانو تكنولوجي في صناعه الشرائح الالكترونيه دي بتساعده ان هو يعمل شرائح الكترونيه بتشيل مساحه عاليه جدا في حجم صغير لو تاخدوا بالكم ادوات التخزين كل شويه حجمها بيصغر والكفاءه بتاعتها بتزيد بعد كده عندي رقم خمسه في مجال الصناعه بيقول لي هنا يا شباب اول حاجه في الصناعه انتاج جزيئات نانونيه غير مرئيه تكسب الزجاج والخزف خاصيه التنظيف التلقائي ثاني حاجه بيقول لي انتاج جزيئات نانونيه تدخل في صناعه مستحضرات التجميل والكريمات المضاده لاشعه الشمس حيث تقوم بتنقيه اشعه الشمس من الاشعه فوق البنفسجيه الضاره يبقى هنا يا شباب اول حاجه هتعمل لي طبقه تنظيف تلقائي على الزجاج والخزف وكمان ممكن استخدمها في مستحضرات رات التجميل او كريمات اللي هي بتاعه الن بلوك علشان تحميني من الاشعه الفوق بنفسجيه الضاره بعد كده ثالث حاجه معايا بيقول لي طلاقات وبخاخات تكون طبقه تغلف شاشات الاجهزه الالكترونيه لحمايتها من الخش طبعا ده موجود حاجه دلوقتي عند الناس بتوع الموبايلات بيقول لك ان انا هعمل لك زي سكرينه نانو او بتبقى ماده سائله كده بيحطها على الشاشه علشان تحميها من الخش والكلام دوت طبعا ده برده يعني ايه قريب من اللي احنا بنتكلم فيه بعد كده اخر حاجه بيقول لي تصنيع انسجه طارضه للبقع وتتميز بالتنظيف التلقائي. لو خدتوا بالكم في فيديوهات قبل كده بتيجي بتلاقي مثلا تيشيرت او قماشه لو حطيت عليها اي حاجه بتبدا انها يعني تطردها يعني لو حطيت عليها ميه بتبدا تطردها حطيت عليها اي سوائل حطيت عليها تراب او اي حاجه ما بتلتصقش بيها تمام يعني مثلا ما بتتوسخش او ما بتحتاجش ان انت تنظفها هي بتنظف نفسها بنفسها او اصلا الميه او السوائل او البقع او الكلام دوت ما بيثبتش عليها هو دوت اللي بيتكلم عليه هنا اللي هو تصنيع انسجه طارده للبقع وتتمي تميز بالتنظيف التلقائي بعد كده اخر حاجه معايا هو مجال البيئه بيقول لي هنا في البيئه انتاج مرشحات نانونيه تستخدم في تنقيه الهواء والماء وتحليه الميه وحل مشكله النفايات النوويه وديت هنتكلم عليها ان شاء الله بعد كده وكمان ازاله العناصر الخطره من النفايات الصناعيه بكده نكون خلصنا التطبيقات النانو تكنولوجيه بتاعتنا وهننتقل لاخر جزئيه في الدرس وهي مخاطر النانو تكنولوجي او التاثيرات الضاره المتوقعه للنانو تكنولوجي هناخد ان شاء الله اخر حاجه معانا في الدرس وهي التاثيرات الضاره المحتمله للنانو تكنولوجي وهندرسها ان شاء الله على ثلاث مستويات هم المستوى الصحي والمستوى البيئي وكمان المستوى الاجتماعي هنا يا شباب بالنسبه للتاثيرات الصحيه للنانو تكنولوجي بيقول لي هنا ان علشان جسيمات او جزيئات النانو ديت بتكون صغيره جدا ففي خطوره انها تخترق اغشيه خلايا الجلد والرئه وكمان تستقر داخل الجسم واللي ممكن يعمل لي بعد كده مشكلات صحيه يبقى هنا العامل اللي بتعتمد عليه التاثيرات الصحيه هو صغر حجم جزيئات او جسيمات النانو واللي بيخليها ممكن تخترق الخلايا او الاغشيه وتتراكم جواها وتعمل لي مشكلات صحيه بعد كده بعد كده عندي رقم اثنين التاثيرات البيئيه للنانو تكنولوجي او لمواد النانو بيقول لي هنا يا شباب منها حاجه اسمها التلوث النانوني ودوت هو اللي احنا هندرسه يعني ايه التلوث النانوني؟ بيقول لي ان دوت التلوث الناتج عن مخلفات المواد النانونيه او عن مخلفات عمليه تصنيع مواد النانو. يعني دلوقتي اي عمليه تصنيع انتم عارفينها ان بيكون ليها مخلفات. طب المخلفات بتاعه النانو ديت هتضر البيئه بتاعتي ازاي؟ بيقوللي هنا يا شباب ان نفايات التلوث النانوني ديت بتكون على درجه عاليه جدا من الخطوره وده بسبب ايه برده بسبب ان هي حجمها صغير بيقول لي هنا بسبب دقه حجمها حيث يمكنها ان تخترق الخلايا النباتيه والحيوانيه اللي هو نفس الكلام اللي اتكلمنا عليه فوق هنا في صحه الانسان هو قاله لي ثاني بس على النباتات والحيوانات يبقى عندي هنا المخلفات او الملوثات النانونيه ديت بيكون حجمها صغير جدا فممكن انها تخترق خلايا جسم الانسان او النبات او الحيوان كمان. طيب بالاضافه برضو لتاثيرها على كل من المناخ والماء والهواء والتربه وده ليه؟ لانها هتتناصر في كل مكان لدقه حجمها مش هقدر ان انا ارصدها يعني مثلا دلوقتي في تلوث معروف ان هو موجود على مستوى العالم كله بالبلاستيك بس البلاستيك انا شايفه بعينيا ممكن ان انا الاقي له حلول بسهوله لكن جزيئات النانو ديت لما تنتشر في الجو او تنتشر في التربه او تنتشر في اي مكان مش هقدر ان انا اقدر احدد مكانها او ان انا اقدر اتخلص منها بشكل سهل بعد كده عندي ثالث حاجه هي التاثيرات الاجتماعيه وده بسبب ايه؟ بيقول لي هنا بسبب ارتفاع تكلفه تكنولوجيا النانو. احنا قلنا قبل كده برده احنا بنشرح ان تكلفه انتاج مواد النانو ديت بتكون عاليه جدا. طب لما بعد كده بتدخل في الصناعات او التقنيات او العلاج بيقول لي ان مش هيحصل عليها غير الناس الاغنيه بس في حين ان الفقراء هيتنيهم موجودين مع الحاجات العاديه اللي هم اعودوا عليها. فبيقول لي هنا غياب المساواه الاجتماعيه والاقتصاديه حيث ستكون في متناول الاغنياء والدول الغنيه فقط مما يؤدي الى تفاقم المشكلات الاجتماعيه يعني هتلاقي مثلا نموذج زي نموذج بوكي اللي خدناه هتلاقي ممكن يتطبق في علاج امراض معينه ويعالجوا بيه الناس الاغنيا في حين مثلا ان في ناس فقراء كتير جدا اكث من الاغنياء دول مش هيقدروا ان هم يحصلوا على العلاج مثلا باستخدام كره بوكي او التطبيقات التكنولوجيه او الاجهزه الحديثه او الاتصالات الحديثه ممكن برده تكون في ايد الدول الغنيه او الناس الاغنيه وبكده نكون خلصنا درس الكيمياء والنانو تكنولوجي وخلصنا بال الباب الاول كامل في الكيمياء وبالتوفيق ان شاء الله بسم الله الرحمن الرحيم اللهم علمنا ما ينفعنا وانفعنا بما علمتنا انك انت العليم الحكيم هناخد ان شاء الله حل نموذج البوكلت اللي موجود في كتاب الامتحان على الباب الاول كيمياء لاولى ثانوي وهنبتدي نقرا اول سؤال بيقول لي هنا اراد احد الطلاب تعيين سرعه تفاعل حمض مركز مع كتله معلومه من الخارصين عند 35 درجه سليزيوس فقام بتجهيز عبوه الحمض المركز وكاسه زجاجيه ما باقي الادوات اللازمه توافرها يعني هنا عايز يشوف ايه الادوات اللي انا هستخدمها في معمل الكيمياء علشان اعمل الاختبار ده تمام دلوقتي هنبدا نقرا السؤال بتاعنا ثاني ونستخرج منه احنا هنعمل ايه والمفروض يبقى ايه الاداه ده اللي معايا علشان اعمله. اولا هنا بيقول لي تعيين سرعه تفاعل طالما انا هشتغل على سرعه يبقى لازم يكون معايا ساعه تمام علشان احدد بيها الوقت بعد كده بيقول لي حمض مركز مع كتله معلومه من الخارصين طالما انا هشتغل على كتله يبقى انا لازم يكون معايا ميزان علشان اوزنها يبقى اذا الكتله ديت هتحتاج هنا ميزان نكمل بيقول لي عند 35 درجه سليزيوس طيب دلوقتي انا عايز اسخن تمام وانا طالما انا هسخن يبقى انا محتاج ترمومتر علشان اشوف درجه الحراره اللي انا هوصل ليها فهنا بيقول عند 35 يبقى انا عشان احسب ال 35 ديت لازم احتاج هنا ترمومتر تمام يا شباب بعد كده بيقول لي فقام بتجهيز عبوه الحمض المركز وكاس زجاجيه ما باقي الادوات هشوف هنا الاختيار اللي موجود فيه الثلاث حاجات اللي انا طلعتهم دول اللي فيه الساعه والميزان والترمومتر واللي هو هيكون الاختيار رقم ب اللي هو ميزان وساعه ايقاف وترمومتر بعد كده ننتقل للسؤال الثاني بيقول لي ايا من الاختيارات الاتيه تعبر تعبيرا صحيحا عن المخبار المدرج والسحاحه والمصه والدورق هنبدا نمشي في السؤال دوت بسياسه الاستبعاد يعني انا دلوقتي هبدا قرايه من الاول خالص هنا من اول المخبار المدرج تبع الجدول عادي خالص لو لقيت حاجه في المخبار المدرج صح هكمل قرايه الباقي لو لقيت حاجه غلط على المغبار من البدايه كده هبدا استبعد الاختيار بحاله بيقول لي هنا المغبار المدرج يستخدم في تسخين السوائل يبقى انا كده من البدايه غلط هو مش بيستخدم في تسخين السوائل ولا حاجه يبقى مش هكمل اختيار ا ده خالص بعد كده ب بيقول لي يستخدم في جمع الغازات طبعا هو مش بيستخدم في جمع الغازات انا بستخدمه اصلا مع السوائل بعد كده رقم ج بيقول لي مدرج من اسفل لاعلى هو فعلا مدرج من اسفل لاعلى نبدا بقى نخش على اللي بعديه السحاحه بيقول لي مدرجه من اعلى لاسفل هي فعلا مدرجه من اعلى لاسفل المصه مدرجه من اعلى لاسفل هي فعلا بعضها بيكون مدرج وبيكون مدرج من اعلى لاسفل بعد كده الدورك بيقول لي يصنع من البلاستيك وده غلط الدورك الزجاجي دوت ساعات بيستخدم في التسخين فهو مش بيصنع من البلاستيك فكده اكيد هيكون الاختيار ده اللي هو الصح بس نقراه برده مع بعض علشان نفتكر المعلومات بتاعتنا كويس بيقول لي هنا ان المغبار المدرج مدرج من اسفل لاعلى دي معلومه صح بعد كده يستخدم في عمليات المعايره ده بالنسبه للسحاحه ده صح بعد كده المصه بعدها مدرج برض صح بعد كده الدوره القابل للتسخين طبعا دي اجابه صحيحه فاحنا هنا هنختار الاختيار رقم د بعد كده ننتقل للسؤال الثالث بيقول لي المادتان وبي الموضحتان بالشكل المقابل من المواد النانونيه ويتفقا في كونهما تمام اشوف اولا هنا ايه الشكلين اللي عندي دول الشكل رقم ايه ده ده انبوبه كربونيه عديده الجدار واحنا كنا كنا واخدينها في الامثله قبل كده بعد كده عندي بي ده اللي هو كره بوكي تمام نبدا بقى نشوف الاختيارات بتاعتنا بيقول لي هنا من المواد ثلاثيه الابعاد النانونيه لا انا عندي هنا بالنسبه لانبوبه الكربون ديت ثنائيه الابعاد وبالنسبه للبوكي ده ثلاثي الابعاد فالاختيار الاولاني ده هيبقى غلط بعد كده من المواد ثنائيه الابعاد برده هيبقى غلط لان انا عندي واحد ثلاثي وواحد ثنائي بعد كده من المواد عديده الابعاد النانونيه دي هتكون اختيار صحيح لان في هنا في واحد منهم ثنائي وواحد منهم ثلاثي فالاثنين اكتر اكتر من واحد فهعتبر ان الاثنين عديد واحد منهم اثنين واحد منهم لاثه فج ده هيكون الاختيار الصح وبرده بالنسبه للاختيار د بيقول لي من المواد احاديه البعد النانوني ده غلط لان انا عندي هنا اصلا واحد ثنائي وواحد ثلاثي بعد كده ننتقل للسؤال الرابع بيقول لي يؤثر حجم صدفه النانو وسمك طبقه الذهب النانونيه التي تغطي الصدفه على هنا بيتكلم على حجم الصدفه وسمك طبقه الذهب تمام بيقول لي بياثر على الكثافه ولا اللون ولا الرائحه ولا الطعم لو نفتكر احنا لما كنا بنتكلم على الاحجام اللي بالنانو كنا بنقول هنا بالنسبه للذهب اللي هو بيتكلم عليه في السؤال ان لما بيتغير هنا الحجم النانوني بتاعه بيختلف لونه وخدنا ان هو ليه الوان متعدده لما بنبدا ان احنا نغير فيه الحجم النانوني بتاع الذهب فهنا اللي هيتغير عندي هيكون لون الصدفه او لون الذهب بعد كده ننتقل للسؤال الخامس بيقول لي هنا غمرت فردتي حذاء في صبغين فتلونت احداهما بلون الصبغ كما في الشكل رقم واحد احنا هنا هنشوف شوف ان الحذاء ده خد لون برتقاني هنا اهو ولم تتلون الاخرى كما بالشكل اثنين الحذاء عندي هنا طلع ابيض او طلع نضيف زي ما هو ويفسر ذلك لو نفتكر برده في التطبيقات بتاعه النانو كنا بنقول ان في بعض المواد بيبقى عندها خاصيه اسمها خاصيه التنظيف الذاتي او ان هي بتكون طارده للبقع ديت مواد نانونيه بتستخدم ان هي بتطلع بها المواد علشان المواد ديت ما تتوسخش وكنا ضربنا المثال بتاع التيشرت ان في بعض التيشرتات برده ما بتتوسخش او بتبدا ان هي تنضف نفسها او الماده اللي بحطها عليها اصلا مش بتلتصق بيه فهنا دلوقتي عندي الشكل رقم واحد اللي هو لزق فيه ده اكيد مش متغطي بماده نونانيهونيه بتحميه لكن بالنسبه للشكل اثنين ان البقعه اطردت فيه فدوت اكيد مغطى بماده نانونيه طرده للبقعه او ان هي بتنضف نفسها فهيكون هنا الاجابه الصحيحه هي الاختيار رقم د اللي هي الفرده المستخدمه في الحاله اثنين مطليه برازاز ماده نانونيه طارده للبقع بعد كده ننتقل للصفحه الثانيه او السؤال رقم سته بيقول لي هنا طبعا قدامي هنا شكل توضيحي بيقول لي المصدر الرئيسي لمياه الشرب في مصر هو نهر النيل وللتخلص من حبيبات الطميه التي قد تكون عالقه به وبعض المواد الكيميائيه الضاره والبكتيريا تتم عمليه تنقيه ومعالجه المياه على عده مراحل يوضحها الشكل طبعا انا هنا عندي هنا مرشح خشن وعندي هنا ترسيب وعندي مرشح دقيق وعندي تطهير بالكلور يعني عندي هنا عده مراحل لتنقيه الميه اللي بتحصل في اي محطه ميه على عده مراحل يوضحها الشكل المقابل ايا من هذه الخزانات تستخدم فيها الياف نانونيه طبعا هنا نانو احنا قايلين ان هي المواد الدقيقه اصلا النانو يعني دقيق او مواد دقيقه او مواد صغيره يعني انا بستخدمها في صنع اشياء دقيقه مش بستخدمها في صنع حاجات كبيره فايه اللي هينطبق عليه النانو تكنولوجي في الحاجات اللي احنا قلناها ديت هل هينطبق هنا على تطوير بالكلور لا هو مالوش علاقه بالكلور خالص لكن هنا هلاقي انه هنا المرشحات الدقيقه ديت اكيد هتستخدم مواد نانونيه علشان تديني ثقوب دقيقه تقدر ان هي تفلطر لي الميه بتاعتي بشكل دقيق جدا فهنا هيكون الاختيار الصحيح بتاعي هو رقم سي اللي هي المرشحات الدقيقه يبقى هنا هنختار الاختيار رقم سي بعد كده ننتقل للسؤال السابع بيقول لي كميه الزيت الموضحه بالاناء المقابل بتساوي قد ايه هنا يا شباب لو بصينا للشكل هنلاقي ان هو هنا بيقيس بالسنتيمر المكعب وهنا الزيت واصل لحد رقم 500 يعني انا عندي هنا 500 سم مكعب تمام هنبدا ان احنا نشوف الاختيارات بتاعتنا من اول الاختيار رقم ايه ونطبق عليهم القانون او نحولهم اصلا للقيم اللي هو مديهاني زي مليتر مكعب مثلا ونشوف يا ترى الاختيار اللي مديهوني دوت صح ولا غلط اولا هنا علشان احول من سنيمتر مكعب لمليتر هضرب هنا في 10 اس انين الكل اس لاه لان انا هنا بشتغل على حجم فلازم اعمل كل اس لاه فعلشان احول من سنيم لمليتر مكعب بالشكل ده هضرب هنا في 10 اس 6 فهضرب 500 في 10 اس 6 اللي هي هتساوي 5× 10 اس 8 فهنا هو مديني في 10 اس اربعه وده هيكون اختيار خاطئ وهو محطوط هنا علشان يلخبط الطالب اللي مش هيعمل الكل اس لاثه هنا في الاخر طب نشوف الاختيار رقم اللي معايا بيقول لي ايه؟ بيقول لي هنا هنحول لمتر مكعب علشان احول لمتر مكعب هعكس اللي انا عملته فوق هضرب هنا في 10 اس س- ا الكل اس 3 يعني هضرب في 10 اس س-6 هيبقى عندي هنا 500 مضروبه في 10 اس س-6 هتسا× 10 اس س-4 اذا فعلا الاختيار ده عندي صحيح اللي اللي هو الاختيار رقم ومش هحتاج بقى ان انا اكمل بقيه الاختيارات بعد كده عندي السؤال الثامن بيقول لي كل مما ياتي من فروع الكيمياء دا فرع كيمياء عندي البيئه ده احنا قلنا ان هو من فروع علم الكيمياء والعقاقير اللي هو داخل في الطب او الصيدله بعد كده هلاقي الاختيار ج عندي بيقول لي الموجات والموجات ديت بتكون تبع علم الفيزياء فده مش احد فروع علم الكيمياء وهو ده هيكون الاختيار الصحيح اللي هو الاختيار رقم جنتقل للسؤال رقم تسعه بيقول لي الابعاد الاتيه لدقيقه من الدقائق المكونه للسيراميك النانوني بيقول لي هنا الابعاد بتاعته 40 نانومتر و135 نانومتر و320 نانومتر ولهذا تعتبر هذه الدقائق من المواد هو عايز يشوفها هنا احاديه ولا ثنائيه ولا ثلاثيه البعد النانوني فهنا احنا كنا بنقول ان الماده او البعد النانوني هو البعد اللي بيكون اقل من 100 نانومتر تمام طب انا عندي هنا كام بعد اقل من 100 نانومتر هلاقي عندي بعد واحد بس هو اللي اقل من 100 نانوم وهو البعد ده اللي هو 40 نانو فاذا ديت هعتبرها ماده احاديه البعد النانوني يبقى هنا الاختيار الصحيح هيكون هو الاختيار رقم ا بعد كده ننتقل للسؤال العاشر بيقول لي هنا وجبه غذائيه تتضمن 19 جرام بروتين و19 جرام كربوهيدرات و10 جرام دهون وتمد الشخص بكميه من الطاقه قدرها 240 كيلو كالوري فاذا علمت ان 1 جرام من الدهون اللي هو مديهاني هنا ب 10 جرام يحترق طارضا كميه من الطاقه مقدارها 9 كيلو كالوري ما النسبه المئويه من الطاقه التي تقدمها الدهون في هذه الوجبه؟ يعني انا دلوقتي هنا مش هشتغل على الكربوهيدرات ولا هشتغل على البروتين انا كل اللي انا عايزه بس الدهون هو عايز يشوف لي هنا ال 10 جرام دهون دول بيدوني طاقه قد ايه؟ طب هو ق لي ان كل جرام بيديني 9 كيلو كالوري يبقى هنا 10 جرام مضروبين في 9 كيلو كالوري هيدوني كلهم على بعض 90 كيلو كالوري يبقى دلوقتي ال 10 جرام بتوعي هيدوني 90 كيلو كالوري شغل ابتدائي بقى ازاي اعمل النسبه المئويه وعايز النسبه المئويه بتاعه ال 90 كيلو كالوري دول بالن بالنسبه لكميه الطاقه كلها اللي هي 240 كيلو كالوري يعني هقسم هنا 90 على 240 مضروبين في 100 كانك مثلا بتحسب النتيجه بتاعتك بنسبه مئويه او كده اللي هي هتساوي كام؟ عندي هنا 90 على 240 هنشيل الصفر مع الصفر هتبقى 9 على 24 في 100 اللي هي هتساوي عندي 37.5× 100 فالاختيار الصحيح هيكون الاختيار رقم سي اللي هي 37.5% نص% بعد كده ننتقل للسؤال رقم 11 وده هنا من الاسئله بقى النظري بيقول لي هنا الشكل المقابل لطالبين في معمل الكيمياء اخطا كل منهما في تصرف يتعارض مع اجراءات الامن والسلامه بالمعامل حدد خطا كل منهما عندي هنا مديني واحد اسمه سيد وواحد اسمه عماد بيقول لي ايه هو خطا سيد سيد هنا لو انتوا واخدين بالكم هتلاقيه واقف بيشم ماده كيماويه معينه يعني هنا ماسك اناء في ماده كيميائيه وبيشمها طبعا هنا الماده ديت ممكن تكون بتطلع ابخره سامه او اي حاجه ممكن تاذي جهازه التنفسي فهنعتبر هنا ان خطا سيد ان هو بيستنشق احد المواد الكيميائيه واللي ممكن تكون سامه او ممكن تكون خطيره يبقى هنا يبقى هنا الخطا بتاع سيد هيكون استنشاق احد المواد الكيميائيه بعد كده عندي هنا بالنسبه لعماد لو انتوا تاخدوا بالكم ان هنا سيد جايبهولك لابس جوانتي في ايديه الاثنين بالشكل ده لكن هنا عماد جايبه لك ان هو مش لابس جوانتي خالص لكن هو ولا بيش بيشم حاجه ولا بيعمل اي حاجه خطيره هو بس مش لابس جوانتي ولابس نظارته عادي خالص فهنا الخطا بتاع عماد اللي هو عدم ارتداء القفازات يعني السؤال ده سهل جدا يعتبر هديه يعني بعد كده ننتقل للصفحه اللي بعديها او السؤال رقم 12 بيقول لي هنا الشكل المقابل يمثل مقطع من طبقات الصخور الارضيه حيث تتركب الصخور في من الحجر الجيري وده رمزه وهو عباره عن بلورات دقيقه يبدا حجمها من 1000 متر مكعب ما نوع التكامل بين العلوم في المقطع السابق؟ هو هنا بيقول لي على حجر جيري تمام او ماده كيميائيه هو مديني هنا الرمز الكيميائي بتاعها تمام لكن بيقول لي هنا ان هو بيدرس الكيميا ديت في مقطع من طبقات الصخور الارضيه طب الصخور او علم الارض او الكلام دوت ده تبع علم ايه؟ تبع علم الجيولوجيا وعندي العلم الثاني اللي داخل فيه هو علم الكيمياء او العلم اللي احنا اصلا بندرسه فده بيقول لي هنا ده تكامل بين علمين ايه هم العلوم ديت؟ هيبقى هنا التكامل بين علم الكيمياء والجيولوجيا يبقى عندي هنا ما نوع التكامل هيبقى الكيمياء والجيولوجيا تمام يا شباب بعد كده رقم اثنين بيقول لي احسب اقل حجم لبلورات الحجر الجيري بمقياس النانو هو هنا بيقول لي ان اقل حجم ليها هيكون واح من 1000 متر مكعب يعني احنا هنا محتاجين ان احنا نحول المتر المكعب دوت لنانومتر مكعب فاكرين برده في الاختيارات كان في سؤال كنا بنحول فيه من حاجه لحاجه ثانيه مكعبه تمام كنا بنقول هنا ان انا هشوف انا هحول من ايه ايه من متر لنانو من متر لنانو هنا بضرب في 10 اس سالب ت لكن طالما انا بشتغل على حجم مكعب خلينا بس نمسح الشرطه ديت كده ببدا ان انا اخد كل القيمه ديت كده واخليها اس لاثه تمام لان انا بشتغل على حجم او حاجه ثلاثيه الابعاد فدلوقتي هنا انا علشان احول من متر مكعب لنانومتر مكعب هضرب في 10 اس س- ت الكل اس 3 يعني هضرب هنا في 10 اس 3 عندي في 9 ب 27 يعني 10 اس س- 27 بالشكل ده اذا هضرب 1 في 10 اس س- 27 اللي هي هتساوي عندي هنا احنا عايزين نرحها للاصفار ديت نخلي الواحد هنا يعني هنا هزود سالب3 على 27 تمام فهتبقى 1 في 10 اس س- 30 بالشكل ده يعني الاجابه عندي هتكون 1× 10 اس س- 30 نانومتر مكعب او ممكن برض تكتبها كده لكن الاصح ان انت تخليها 1 في 10 اس كذا عشان بس تكون سهلت الدنيا على المصحح يبقى هي الاجابه هتكون 1× 10 اس س- 30 نانومتر مكعب بعد كده ننتقل للسؤال رقم 13 بيقول لي الشكل المقابل يوضح الطريقه الصحيحه لتقدير حجم سائل احنا هنا شغالين على حجوم في احد ادوات القياس في المعمل ما حجم السائل عندي هنا حجم السائل يا شباب هو هنا التدريج ماشي 10 20 يعني عندي هنا الشرطه الكبيره ديت بتكون ب 10 والشرطه اللي في النص ديت بتكون بخمسه تمام طب هو هنا واقف عند 30 وشرطه صغيره يعني واقف هنا عند 35 يعني واقف بين ال 30 وبين ال 40 يبقى دلوقتي الحجم اللي عندي هنا هيكون 35 سم مك يبقى ما حجم السائل؟ هقول له 35 سم مكعب بعد كده بيقول لي ما اسم هذه الاداه مع التفسير الاداه ديت احنا كنا واخدينها في ادوات القياس في معمل الكيمياء في الدرس الاول وكان اسمها المخبار المدرج يبقى عندي هنا الاداه مخبار مدرج تمام مع التفسير يعني هو عايز يقول لي هنا ان ليه بستخدم مخبار مدرج في العمليه ديت هقول لك هنا لان اصلا المخبار المدرج هو اللي بيستخدم في قياس حجم السوائل وهو هنا بيقول لي ان احنا بنقيس قيس حجم وبيقول لي ان احنا بنقيس حجم سائل فانا هستخدم مغبار مدرج والدليل على ان هو مغبار مدرج اللي هو بقى التفسير اللي خلاني اقول ان ده مغبار مدرج ان التدريج بتاعه بادئ من اسفل لاعلى يعني بادئ هنا ال 10 بتكون موجوده تحت هنا 20 30 من فوق وهو فعلا كان قايل لي في الدرس ان اللي مخبره المدرج ده بيستخدم في قياس الحجوم وكمان بيكون مدرج من اسفل لاعلى فتكون الاجابه بتاعتي هنا مغبار مدرج لانه يستخدم في قياس حجوم السوائل وتدريجه يبدا من اسفل الى اعلى بعد كده عندي السؤال رقم 14 بيقول لي لماذا تعتبر انابيب الكربون النانونيه افضل من اي معدن اخر في صناعه هياكل الطائرات ودوت يا شباب بيكون بسبب ان هي خفيفه الوزن وكمان صلابتها عاليه يبقى دلوقتي بتحقق لي حاجتين بتحقق لي الصلابه العاليه يعني احسن كمان في الصلابه بتاعتها من الحديد وكمان وزنها اخف منه فبتسمح عندي بعمليه الطيران بسهوله وبتخلي الطياره تتحمل الظروف الصعبه وكمان تكون سرعتها اعلى لان وزنها بيكون خفيف فهنا عندي الاجابه هتكون لصلابتها مع خفه وزنها يبقى هنا لصلابتها مع خفه وزنها تمام بعد كده السؤال رقم 15 وده سؤال ظريف شويه هو فعلا بينطبق على الواقع بتاعنا بيقول لي الشكل البياني المقابل يعبر عن التغير الحادث في كتل اجسام الاشخاص ذكور واناث بمرور الوقت اقترح سببا تكنولوجيا واحدا يفسر التغير الحادث هو بادئ هنا المخطط بتاعي من سنه 1980 اللي هو قبل ما التقنيه عندي تزيد يعني كان لسه يا دوبك الكمبيوتر ده عند اشخاص قليلين جدا ده اذا كان موجود اصلا وعندنا لحد سنه 2010 اللي بدا يكون في اجهزه حديثه وبدا يكون في اجهزه ذكيه وكلام من دوت فبيقول لي هنا ان من سنه 1980 لاحظ ان وزن الذكور بيزيد يعني كان متوسط وزن الذكور في سنه 1980 كان 75 كيلو والاناث كانوا حوالي 65 كيلو لكن بعديها ب 30 سنه لقينا ان في 2010 زاد متوسط وزن الذكور 10 كيلو بقى 85 وكمان الاناث زادوا 5 كيلو بقوا حوالي 75 كيلو ليه زياده الوزن ديت حصلت زمان كانت كل الانشطه معتمده على المجهود البدني كانت المصانع كلها بتشتغل بالقوه البشريه كان الطفل بدل ما هو دلوقتي بيلعب على الموبايل او التابلت بتاعه كان بينزل يلعب في الشارع كانت الاعمال كلها حتى الالعاب بتحتاج مجهود بدني شديد لكن دلوقتي نادرا ما تلاقي في حد بيلعب في الشارع مثلا نادرا ما تلاقي في مصانع بتعتمد على القوى البشريه بشكل كبير لا بقى في اجهزه والات داخله في كل حاجه دلوقتي فهنا التطور التكنولوجي بدا ان هو يقلل نشاط الانسان كان الانسان الاول بيعمل كل حاجه بمجهود عالي لكن دلوقتي ما عادش محتاج المجهود الكبير لان الاله او الجهاز التقني الحديث عوض له المجهود بتاعه ده وبدا ان هو يريحه فلما الانسان ارتاح او بدا ان هو يبذل مجهود اقل بدا ان وزنه يزيد ليه لان هو ما عادش بيحرق طاقه زي الاول في العمل بتاعه وكمان بقى قاعد بنسبه كبيره يعني بقى بيقعد هنا وقت طويل في مكانه على عكس مكان بيتحرك فيه عمايل كل حاجه فقله الحركه وقله العمل وقله ان الاطفال تلعب في الشارع زودت وزن الذكور والاناث فهنا السبب هيكون التطور التكنولوجي او احلال الاله مكان الانسان هو اللي ادى هنا لان المجهود البدني بدا يقل فالوزن بدا يزيد عندي اكتبها باي صوره ممكنه لكن السبب فعلا هو تطور التكنولوجي او احلال الاله مكان الانسان مجهود الانسان او نشاطه قل فوزنه بدا يزيد