امتحانك فى ساعة ونص الصف الاول الثانوي 2026 الترم الثاني فلسفة و منطق التقفيل سماح صبحي

سلام عليكم ورحمه الله وبركاته حبايبنا في كل مكان من اسكندريه لاسوان ومن الساحل للورديان وجنوب سينا كمان يا رب تبقوا بصحه وخير وعافيه وحب وسعاده وامان وسلام عاملين ايه؟ اه ياما كتاكيت اولى ثانوي اوه غرقان اه عدمان اه صدمان بيقولوا اه حبيب قلبي سلامتك انت من الاه عيب عليك تقول اه وماما موجوده هل ابن حبيبي ضنايا كتكوت اولى ثانوي طالب الاونلاين وطالب السنتر وطالب اليوتيوب حبيبي الجميل تقول اه ماما موجوده طب بقول لك ايه بقول لك ايه واحد نسكافيه ايوه وشويه ورق حلوين وقلم وتفرد ضهرك كده على الكرسي وتقعد لي النهارده احنا مع ليله امتحان اولى ثانوي كتكوتي اللي خلاص مش هيبقى شنكوتي وهيدخل على البكالوريا يلا بينا يلا بينا نربط الحزام نجيب القهوه ونسكافيه ايه ونعلن حاله الطوارئ ونقول يا رب يا معين يلا بينا وهنجيب جول وربك لا تجيب جول وفين في الدقيقه 90 عارف الاهلي لما بينزل في الدقيقه 90 يضرب الجون والثاني والثالث يلا اهلي والله الاهلي حبيبي والزمالك حبيبي برده كلهم حبايبي اهلاويه وزملكاويه بلاش تعصب يا واد انت وهي يلا بينا مش لازم افهات علشان ما فيش عندنا وقت طبعا هتنزل لك بي دي اف تحت الفيديو اهي ورقه واحده ورقه واحده وش وظهر ورقه واحده طب خليها ورقه ونص عشان موسعين المسافات طيب هتنزل لك بيدي اف ممكن تحملها من اي حته تمام يلا بينا يلا بينا واحده واحده كده وبسم الله وهنبدا بالفلسفه وهنجيب جون والنبي لنجيب جون يلا بينا ايه صفري انت كده مع نفسك الفلسفه البيئيه ام قبل ما اقول لك الفلسفه البيئيه هقول لك ان هم نوعين من الفلسفه واحده مثاليه بره عنك الترم ده خالص ما بنختارهاش حتى لو جت في الاختيارات ما بنبصلهاش احنا بنبص للفلسفه تطبيقيه اشمعنى الفلسفه التطبيقيه لانها هي التي تهتم بدراسه المشكلات عندك المشكلات البيئيه فلسفه تطبيقيه عندك المشكلات البيوطبيه فلسفه تطبيقيه عندك اخلاق المهنه فلسفه تطبيقيه ماما وبابا ومشكلات البيت والخلع فلسفه اي حاجه السنه دي اسمها فلسفه تطبيقيه هنبعد عن المثاليه وهنبعد عن المعياريه طيب الفلسفه البيئيه هي احد فروع الفلسفه تطبيقيه تهتم بدراسه ايه المشكلات الناتجه عن ايه عن التقدم العلمي والتطور التكنولوجي الهائل اللي دمر حياه مين نبات حيوان وعلى راسهم الانسان طيب ده جميل وكلام حلو وكلام يحترم تعال نعمل حته ربط بص يا قلبي ا انا عايزه حته ربط كده حته لطلبه المتميزه بتاعه المستويات العليا هي الفلسفه البيئيه ظهرت امتى يا ابله الفلسفه البيئيه ظهرت امتى ولا نتيجه ايه هي تفرق ما بين الاثنين طبعا ظهرت امتى؟ ظهرت في مرحله الصن والاحترام طيب بسبب ايه قله الادب والسفاله والتجرمه اللي عملها الانسان في مرحله القهر والاستبداد؟ يعني عايزه تقولي ان مرحله القهر والاستبداد كانت السبب الرئيسي في ظهور فلسفه البيئه في مرحله الصن والاحترام اكيد طبعا اكيد طبعا يبقى انا اول ما الاقي تكنولوجيا تدهور ا مشكلات ده ادى الى وجود الفلسفه البيئيه يبقى فلسفه البيئه اختارها لما يقول لي الحفاظ على البيئه يقول لي استنى بس يا عم استنى يابا ماشي يقول لي الحفاظ على البيئه تمام ان انا بعدل سلوك الانسان مع البيئه يبقى ده ادى الى ظهور الفلسفه البيئيه طيب البيئه ليها عندي تعريفين تعريف لغوي اهو وتعريف اصطلاحي اهو ماشي اختارها امتى انا مش جاي اشرح ما هو لو شرح تمام بس مش شرح قوي انا جايه افاهمك اختار دي امتى واختار البيئه بالمعنى اللغوي اللي اتكلم عليها واحد اسمه ابن منظور في كتاب اسمه لسان العرب اركنها على جنب عشان ممكن ما تجيش ان دي كانت في ثالثه قال لك البيئه جايه من اصل كلمه بوءه وتبوا باء الي الشيء يبوء بوءه بواتك بيتا انشات لك بيتا ماشي اذا البيئه هي المكان الذي ينزل فيه الكائن الحي ويتخذه مكانا له يقول لك مكان يقول لك بيت يقول لك وطن يقول لك دار يقول لك دوار يقول لك موطن منزل تختار لي البيئه لغويا وسك على الب خلاص تمام طب واصطلاحيا اللي اتكلم عليها واحد اسمه ابن عبد رب في كتاب اسمه العقد الفريد بردك اركنها على جنب طيب قال لك الوسط اللي بيعيش فيه الانسان بياثر فيه ويتاثر ايه بقى الوسط الوسط ده ممكن يكون ثقافي يعني ايه ثقافي عادات وتقاليد ومعتقدات وممكن يكون وسط طبيعي برق ورعد وزلازل وسيول وبراكين وفيضان وممكن يكون وسط اجتماعي اجتماعي عادات تقاليد معتقدات وممكن يكون الاشياء المحيطه بي تاثير تاثر تفاعل انسان مع بيئه يبقى اصطلاحيه يبقى مكان منزل دار دوار وطن لغويا تفاعل انسان مع بيئه الانسان اثر في البيئه البيئه اثرت في الانسان ده اصطلاحيه اوكي تعالى بقى للجد وبيته القصير مراحل علاقه الانسان بالبيئه البيئه والانسان مروا مع بعض بخمس مراحل ايه هما الخمس مراحل اول مرحله اسمها التقديس والتقلي انا مش جاي اشرح لك واقول لك عندما وجد الانسان نفسه في بيئه متوحشه يصعب السيطره عليها فاضطر الانسان الى تاليهها وتقدسها كما فعل البابليون والهنود والصينيون حلو يبقى في بدايه الامر الانسان عبد البيئه بس ايديها خاف منها قعد يعبد في البيئه عيني عيني اختارها امتى لما يقول لي خضوع خنوع استسلام اساطير الهه ا تميمه سحر حظ تختار لي مرحله التقديس والتاليه التبجيل الخضوع والخنوع الرهبه استنى نكبر شويه الخط كبر شويه معلش اهو عشان يظهر معاك في الشاشه تمام يا حبيبي ممكن نبص في الكاميرا كده نشوف ظاهره ولا لا التبجيل الخنوع والخضوع الرهبه عباده ق مله اللاهوتيه اللي هي المرحله الدينيه خرافات فاط خوف من طبيعه يا حظ ليه ماجيتش ليه هو انا ماشبهش ولا ايه انا ليا دور تعالى زور ح ناسي تعالي حظ يا حظه يا حظه لابسه حظاظه لابسه خرزه زرقاء من الحسد لابسه حاجه الماظ عشان تاخد العين حبيب قلبي كل دي تروح لمرحله ايه قول انت التقديس والتقليح ماشي دي اول مرحله ثاني مرحله تعالى كده ايوه مرحله التفسير والتوظيف هنا بقى الانسان بدا واحد يلعب في دماغه بمفاك مين بقى اللي لعب في دماغه بمفاك؟ عمك ارستو ليه ما هو ارستو جا قال للانسان ايه تعالى يا انسان انت عمهم واحسن منهم كلهم من مين؟ من الكائنات الح انت عمهم واحسن منهم وانا هميزك عنهم عشان انت بيهم كلهم يا غالي يا حبيبي يا غالي يا عمهم يبقى مين اللي حط في دماغ الانسان انه سيد هذا الكون ارست ام ار قرست وقال للانسان انت سيد الناس دي كلها تمام اول ما يقول لي ركز كده معايا اول ما يقول لي اليون ان تفسير وتوظيف هركليس وسكراط وطاليس اشمعنى عشان الثلاثه دول هم اللي بحثوا في اصل الكون اصل الكون اصله ايه بدليل ان طاليس قال ان الماء هو اصل لكل الاشياء الكلام ده ظهر في العصر الوسيط الفلسفيات الطبيعيه اللي هي درست الكون طيب قالوا ان الانسان كائن مستخلف مش متخلف مستخلف يعني ايه انت خليفه الله في الارض ايه ده هو ارسطو كان مسلم يا ابني ارسطو اساسا كان وسني ايوه بس قال له انت عمهم واحسن منهم وهميزك عنهم اصل انت عندي بيهم كلهم فالانسان هو سيد هذا الكون ماشي التفوق النوعي قال لك انا بقيس الكائنات بالمنفعه اصل الاشياء اصل الكن يبقى انت في مرحله التفسير والتوظيف تعالى بقى نخش المرحله الثالثه امتى اختار مرحله الاستغلال والسيطره بص المرحله دي المرحله دي الانسان بدا يتعرف فيها على العلم تمام بدا الانسان يدور على حاجه واحده خليك بقى واخد بالك منها بقى هي مش مكتوبه هنا انا هكتبها لك اهم حاجه الانسان دور عليها هنا حاجه ايه هقول لك انا ما تخافش ام اكتبها لك ازاي عايزه لون كده فتح اكتبها لك بيه دور على ايه بقى الانسان هنا الرفاه هي اول ما تلاقي رفاهيه ادخل في العصر الحديث اللي هي مرحله ايه الاستغلال والسيطره بدا الانسان يدور على رفاهيته في العصر الحديث بدا يعرف العلم بدا يجرب حلو طيب التجربه هنا والعلم اللي عرفه دمر لا ما دمرش قد ما فات بدا الانسان يعمل طرق كباري دي بدا تظهر حاجه اسمها الثوره الصناعيه بدا يعرف الصناعه يبقى طرق كباري ثوره صناعيه ا بيكون وواحد ثاني كمان اسمه ديكر وتجارب معامل ابحاث كل ده يدخلك في المرحله الثالثه اللي هي مرحله الاستغلال والسيطره تمام وبعدين بعدين الانسان دخل المرحله الرابعه حلو المرحله الرابعه ايه بقى اللي حصل في الرابعه دي اقول لك انا يلا ماشي رايحه رايحه تعال المرحله الرابعه مرحله القهر والاستبدال هنا الانسان هنا بقى مش عار العلم بدا معاه من المرحله الثالثه هنا عرف حاجه اسمها الثوره البيولوجيه الهندسه الوراثيه بدا يلعب في ايه اشكال النباتات بدا يغير في اشكال الحيوانات بدا يعمل زراعه اعضاء بدا يعمل استئجار ارحام دخلت الحروب النوويه والحرب البيولوجيه ايه ده ايه اللي حصل الانسان هنا بدا يسيطر قوي ما بقاش باصص لاي مصلحه غير مصلحه نفسه لعب الانسان في الهندسه الوراثيه خد بالك قهوه وميه احنا على اليوتيوب مروقين عليها احنا على اليوتيوب بقى مروقين عليها مش في المنصه مروقين عليها اخر كلام بس عشان تطلع لكم حصه بس بس جو جون امشي لا ده المعتوه انس اللي معايا في المنصه صاحب اسوا مونتاج شفته في حياتي تمام يا باشا يبقى يقول لك هندسه وراثيه ثوره بيولوجيه قهر استبداد استنساخ عمليات تحويل جنسي استئجار ارحام زراعه اعضاء ا القتل الرحيم موت الدماغ الغيبوبه اي حاجه من هنا تخش في مرحله الكهربول الاستبدال يبقى التقدم العلمي المبهر التكنولوجيا الجامده تحولات حاده تلوث اختلال في التوازن تجارب خبرات دمار هتقول لي يا ميس سماح طب ما هو التجارب هنا هي التجارب هناك هقول لك ما تركزش قوي في حته التجارب دي لان التجارب هنا اقصد بها التجارب البيولوجيه طيب بس لا وتلعب كمان في الهندسه الوراثيه بس لا والعب كمان هنا في حته كمان ايه بقى الكمان الليعب فيها هنا؟ الحروب النوويه والمبيدات الكيماويه والاسلحه البيولوجيه كل ده يدخلك في مرحله الاستغلال والسي حلو قوم ايه بعد كده اللي حصل لا هنا البيئه بدات ترد قالت له تعال لي بقى فين يوجعك خد زلازل سيول براكين بر رعد اعصار تسونامي بدا الانسان يرجع ويقول للبيئه ايه ياني ياني ياني مش عامل كده ثاني ياني ياني ياني مش عامل كده ثاني قالت له وانا صدقك قال لها طب انت عايزه مني ايه قالت له احميني قال لها عينيا ارجع ابوس ايديكي ثاني واعبدك قالت له ما باكلش من الكلام ده امال انت عايزه ايه يا بيئه انا عايزه بقى هنا قوانين ايوه بس مش قوانين علميه انا عايزه هنا قوانين تشريعيه تعمل على حمايتي من الغدارين امثالك قال لها بس كده عينيا وتشجع البحث العلمي انه يحميني خلاص يبقى قوانين بس تشري عيه ناقصه الكلمه ده هي قوانين تشريعيه بروتوكولات تحضيرات حافظ لي على البيئه حلو وكده انتهت علاقه الانسان بالبيئه تخش بقى على الحضاره الشرقيه القديمه ومنها هي مين بعد الحضاره الشرقيه القديمه هتاخد اللي هي الحضاره المصريه خد بالك ان الحضاره الشرقيه القديمه كان فيها كذا حضاره كان فيها المصريه والصينيه بس اتلغت من عليك الصينيه سابوا لك المصريه اول حاجه عملوها لك عملوا لك كتاب اسمه كتاب الموتى كتاب الموتى ده هو ايه اقدم كتاب مصور عرفته الانسانيه ابله معلش يعني ايه كتاب مصور يعني الكلام اللي كان فيه او الحروف اللي كانت فيه على هيئه صور طب ايه اللي دخلها في البيئه يخرب بيتك ما الصور دي جايه من الطبيعه ايش يا ابو اردان ايشي زهره لوتس افعى ايشي عباد الشمس حلو يبقى كتاب الموتى هو اقدم كتاب مصور عرفته الانسانيه وبعد كده عملت ايه اي حاجه فيها تقريب الى الله اختار لي كتاب الموتى خلصنا من كتاب الموتى لما يقول لك كتاب مصور تختار لي على طول كتاب الموتى وبردك الانسان كان بيتقرب الى الله ا في الاناشيد اللي كانت موجوده في كتاب الموتى بس اركن لي كتاب الموتى على جنب بقى تعويذه التعويذه اختارها امتى؟ لما الاقي نفي نهي ليه؟ اقول لك انا ليه ما هو المتوفي كان بيجي يقف قدام الاله يقول له ايه؟ السلام عليك ايها الاله الاعظم والمصحف لم احرم المشاي من عشبها وديني لم اصطد الاسماك من البحيرات والله ما حطيتش فخ للعصافير اقسم بالله كذا حلو ما عملتش ما سوتش بس هو ما كانش بيقول لي دين والمصحف بقى انه كان وثني يعني فهمتني هنا اقدم تعويذه اعلان البراءه للمتوفي المتوفي كان بيجي يقف قدام الاله يقول له السلام عليك ايها الاله الاعظم انني لم احرم الماشيه من عشبها ولم اضع الفخاخ لعصافير الاله ولم اصطاد الاسماك من البحيرات ولم امنع المياه في موسمها ولم اضع عائقا امام الماء الجاري ولم اطفئ نارا متاجج انا ما عملتش كل ده وربنا مش انا دي خالتي منى حلو يبقى اول ما تلاقي نهي نفي انه بينكر فيها انكار تختار لي التعويذه تمام احترامه للطبيعه يعني ايه احترام الطبيعه يعني اخد من الطبيعه وعبد اخد من الطبيعه وعبد ماشي نباتات حيوانات هنا بقى بيقول نهر النيل اناشيد طراطيل صلوات يا اخي قويا ده عبد نهر النيل وسماه ابي وكان بيرمي له عروسه من العبيطه المهم كده دي الحضاره المصريه القديمه طيب هل الاسلام مالوش نصيب ليه عيب عليك ده انا عندي اثنين في الاسلام هقولهم لك بطريقه حلوه وتفسد دماغك منها مين بقى دول اقول لك انا ما تستعجلش على رزقك الحضاره الاسلاميه علي يا علي يا عتره يا فلالي وحياه سيدنا الولي بنحبك يا علي الحضاره الاسلاميه عندك اثنين عمك علي بن رضوان وعمك ابن خلدون تاخد من ماما وتشتري دماغك وخلينا في الناحيه خلينا في الناحيه اي حاجه فيها امراض او بئه صحه مصريين هبد علي بن رضوان اشمعنى بردك اللي عايز يفهم علي بن رضوان كان طبيب مصري طبيب مصري طبيب مصري طبيب مصري طبيب مصري طبيب مصري يبقى هيهتم بمين؟ بصحه المصريين حلو طبيب شغلته ايه؟ الامراض والاوبئه بس يقول لك امراض يقول لك اوبئه يقول لك بكتيريا يقول لك فيروسات امسك لي علي بن رضوان يبقى علي بن رضوان امراض اوبئه عمل دراسه ايكولوجيه حلوه قوي حته دراسه ايكولوجيه عارف يعني ايه دراسه ايكولوجيه يعني ربط الاسباب بمين بالنتيجه الراجل ده لدرجه من خوفه عمل ايه جاب كتاب جاب كل مرض وكتب اسبابه والنتيجه المترتبه عليه وعلاجه الصداع سببه 1 ا 3 4 ده اسبابه علاجه 1 ا 3 ا الامساك سببه 1 ا 3 ا علاجه كذا تيفود كوليرا ملاريا وباء طاع سل اسهال اي مرض كان بيجي يكتب اسبابه ويدينا علاجه ده عمك علي بن رضوان طيب وعمك ابن خلدون عبد الرحمن ابن خلدون الراجل ده كان عالم اجتماع ومتخصص في البيئات قال لك البيئه دي صالحه للعمران والبيئه دي مش صالحه للعمران البيئه دي تعيش فيها والبيئه دي ما تتنيلش على عينك تعيش فيها وقال لك البيئه بتاثر على اقوات وطبائع وصنائع وملابس البشر يعني ايه اقواه اكل يعني ايه طبائع طبع اه ازاي اقول لك العرب معروف عنهم ايه؟ الخشونه والحمشنه والمرجله والشهامه والكرم ايوه احنا كده متاثرين ببيئتنا طيب والخوجات اللي هم عايشين بره لا في حاجه في حاجه عربي وخواجه الخواجه ده حاجه ثانيه خالص الخواجه ده لا حمش ولا عنده رجوله ولا حمشنه ولا غضبانه ولا يخاف على اهل بيته وني وناعم وطري وما عندوش قدره تحمل الظروف البيئيه الصعبه يبقى في فرق بين عربي وخواجه تمام يابا حلو ده في الطبائع وفي الصنائع الصناعات وفي الاكل وفي الشرب ويا اخويا وفي اللبس كمان تمام يبقى اي حاجه فيها بيئات اكل شرب طبائع صنائع عادات تقاليد معتقدات اضرب ابن خلدون طب وامراض واوبئه ومصريين وسبب بنتيجه تضرب لي علي بن رضوان تمام طب ده العرب قو لي قو لي قو لي الغرب القاضي ده اللي جه الغرب الغرب عندك اثنين عندك واحد اسمه الدي لبلت والتاني اسمه هانزي يونس ايه اللي حصل اخيه اسوا قهوه شربتها في حياتي اقسم بالله اسوا قهوه الجريب بولد عمل ايه انت بولد بتاع ايه اقول لك انا بتاع ايه انا بتاع الارض اي حاجه فيها ارض ماء هواء نبات حيوان جبال هضاب تضاريس بحار انهار يبقى الديليبولد بس لا الديليبولد جال للانسان قال له بص يا انسان انا عايزه اغير تفكير امك قال له انا قال له لا انت مش خالتك منى انت دايما شايف نفسك سيد الارض على خبه ايه؟ قال له استنى ارستو قال لي انت عمهم وانا هميزك عنهم اصل انت احسن منهم وانت عندي بيهم كلهم يا عمهم يا عمهم بولد قال له ايه الخيبه دي انت مش عم حد انت مش عمهم ومش احسن منهم ومش هميزك عنهم انت زيك زيهم يبقى اللي سوى ما بين الانسان والكائنات الحيه مين؟ بولد طب ومين اللي ميز الانسان عن الكائنات الحيه؟ ارستو يبقى اللي ساوى بولد واللي ميز ارستو تمام وقال لك هغير دور الانسان وتفكيره من كونه كائن مستعمر يخرب ويدمر لكائن معمر يبني ويعمر فهمتني؟ ده بولت يبقى بولت اخلاق الارض جذور الارض كائنات غير طريقه تفكير الانسان من سيد لعضو تمام حلو عم هانزي يوناس بقول لك ايه تشتري من ماما هانزي يوناس ده في اربع كلمات مسؤوليه هانزي يونس اجيال قادمه هانزي يوناس الحفاظ على الموارد هانزي يوناس الوعي والفاعليه هانزي يونس اشمعنى اقول لك هانزي يوناس جا جاب الانسان قال له انت الكائن الاكثر وعيا فرح الانسان قال له انت الكائن الاكثر فاعليه فرح الانسان قال له انت الكائن الوحيد اللي بتعرف حاجه اسمها تعاون فرح الانسان قال له مبروك يا انسان قال له ايه قال له البس البس في ايه في المسؤوليه بقى الانسان يصوت ويقول ايوه حبايبي الحلوين بتوع الاونلاين انا سمعتك حبايبي الحلوين بتوع السنتر سمعتك قالوا ايه قالوا قالوا قالوا ايه بالوعي والفاعليه ها لبسنا المسؤوليه بالوعي والفاعليه لبسنا المسؤوليه يبقى مين اللي لبس الانسان المسؤوليه هانزي يوناس لما قال له انت الكائن الاكثر ايه وعيا انت الكائن الاكثر ايه فاعليه يبقى انت يا حلو يا روح امك اللي هتلبس عندي في الايه في المسؤوليه صعب الكلام قشطه الكلام الدنيا تمام تمام قال له كمان مش مسؤوليتك بس ده انت مسؤوليتك تجاه الاجيال القادمه تحافظ لي على الموارد وتحافظ على البيئه وتحافظ على الثروات تحافظ عليا انا كمان والنبي يبقى وعي فاعليه مسؤوليه التزام اخلاق اخلاق الاجي اخلاق الانسان الحفاظ على الموارد هنلعب مع هانز يونس ماشي طبعا يقول لك الغد يقول لك الابناء يقول لك الاحفاد يقول لك المستقبل اي حاجه تعبر عن بكره يبقى هانز يونس لحد ما نخش خش في التوجهات الثلاثه نقللها شويه عشان ناخد الثلاثه جنب بعض ايه بقى التوجهات الثلاثه بص يا سيدي الاتجاه الاول هو الاتجاه النفعي عندي ثلاث اتجاهات اتجاه نفعي و يعني ايه نفعي يعني الناس او الفلاسفه او البشر كانوا بيحترموا الكائنات اللي بياخدوا من وراها منفعه يعني انا دلوقتي بمنتهى البساطه كده اجيب لك دكر بطك رومي وغراب هتاخد ايه؟ انا هاخد الديك الرومي ليه تاخد الديك الرومي عشان باكله حلو يبقى انت بصيت للديك الرومي عشان بتاكله منفعه او هبيعه هتاخد من ورا فلوس هربيه هتاخد من ورا فلوس وهتربيه اذا انت احترمت الديك الرومي لما يجلب لك من منفعه طب والغراب ما احترمتوش ليه قبل ما الخرها هو الغراب ده انا باكله لا هبيعه لا هنطه لا هجيبه يجيب لي الحظ اجيب النحس لا خلاص بقى مالوش اي 30 لازمه يبقى انت ما احترمتش الغراب عشان ماوريش وراه منفعه بس احترمت الديك الرومي لما يجلبه لك من منفعه حلو يقول لك نفعي يقول لك واقعي يقول لك عملي يقول لك برجي يعني في حاجه مفيده بتيجي من عنده البرجمتيه اللي اخدتها انت في ا قيمه البحث عن الحقيقه في الفصل بتاع التفلس ف البرجمتيه المنفعه ان انا بستنفع بستنفع في نفع في نتيجه في ارباح طيب في بقى التوجه الثاني التوجه المثالي اسمه مثالي اسمه بئوي اسمه خضري قال لك احترم جميع الكائنات الحيه دون النظر الى منفعه يا سلام يا روحي على الملكي يا سلام حلو خلاص احافظ على كل حاجه قال لك بقى الاتجاه التجاه الثالث بتاع نفع واستنفع ده الاتجاه الوسطي المعتدل كده احنا بسم الله ما شاء الله خلصنا فلسفه البيئه قشطه ا هقول لك حاجه ما تذاكرش من اي مصدر غير المصدر اللي احنا معانا هيكون ملخص وهاديه معاك طيب ناخد الفلسفه البايوطبيه البايوطبيه ايوه الفلسفه البيوطبيه اللي هي جت منين دي يا موحى فكري ريني يا لهوي يا لهوي مش كان في حاجه اسمها الاخلاق البيولوجيه وكان في حاجه اسمها الاخلاق الطبيه اخدنا الاخلاق البيولوجيه والاخلاق الطبيه ضربناهم في الخلاط طلعت حاجه اسمها البايو طبيه نص بيولوجيه والباقي طبيه بقت البايو طبيه التي عرفت فيما بعد باسم البايوتاكيا نسبه الى واحد اسمه ايه؟ ايوه فانبوتر سنه 1970 عين لما عمل مقاله سماها البيوتاقيا وعلم البقاء لقوا ان البيوتاقيا وعلم البقاء كارفه على الاخلاق البيوطبيه قال لك خلاص شيل اسم البيوطبيه وسموها البيوتيقيه سماح هي سوسو هي موحه هي سموحه هي سمحه الاخلاق البيوطبيه هي الاخلاق البيوتيقيه ماشي تعالى كده البيوتاكيا طبعا نسيت اقول لك حاجه ان البيوتاكيا دي ايه احد فروع الاخلاق احد فروع الفلسفه التطبيقيه ليه لان هي التي اهتمت بدراسه المشكلات ماشي ايه مجالات الاخلاق البيوطبيه ثلاث مجالات تعرفي تختصريهم وتلقطيهم امم اسوا من ايام حياتي سيبيها مالها ممرره لا خلاص شربتها بص بقى بص يعني ايه مجالات الاخلاق البيطبيه انا فاهمك حاجه المجالات دول ثلاثه حاجه اسمها اخلاق العياده العياده ايوه اخلاق العياده امم طب الاخلاق العياده دي حطت ليه هو فان لا هو ديفيد روس حطها ليه عشان كان في مثلث راس المثلث فوق المريض الغلبان قاعداته طبيب هنا مجتمع مع هنا مريض فوق انا هعمل ايه هعمل ايه انا هحافظ على ثقه المريض المريض اللي حط ثقته في الاثنين دول فلازم اكدتف الطبيب واكتف المجتمع لصالح المريض قشطه قشطه حلو يقول لك ايه بقى عشان تختار عندي اخلاق العياده ما هو الطبيب ده اللي بيحافظ على اسرار المريض الطبيب الطبيب ده اللي بيرسم الخريطه العلاجيه الطبيب ده اللي بيكتب روشته يبقى حفظ اسرار مريض المشكلات اللي بتقابل الاطباء في غرفه العمليات وفي العيادات يبقى اخلاق العياده ماشي بعد كده عندك حاجه اسمها اخلاق البحث العلمي بص انا هقولها لك بمنتهى البساطه والشفافيه كده يا ميس احنا كتفنا الطبيب اه كتفنا الطبيب فوق يعني انا حاطه هنا على الطبيب يعني انا معلقه الطبيب من حباب عينيه تمام يا قلبي يبقى احنا هنا معلقين مين من حباب عينيه الطبيب طالما علقنا الطبيب من حباب عينيه يبقى اخلاق عياده لما تلاقي السؤال بيلف ويدور على طبيب مريض مستشفى مستشفى طبيب مريض ثقه طبي مريض في طبيب اسرار عمليات مشكلات اخلاق عياده طب زي ما علقنا الطبيب من حباب عينيه هو الطبيب ما بيحطش الدواء ايوه الطبيب بيكتب الدواء ايوه مين بقى اللي بيصنع الدواء الباحث حلو يبقى الباحث ده لازم نعمل له اخلاق تربطه تمام يقول لك معمل يقول لك ابحاث يقول لك تجارب يقول لك بحث علمي اخلاق باحث يبقى اخلاق البحث العلمي طب والسياسه الصحيه بص جايه من اسمها سياسه قوانين تشريعات دوله تختار سياسه صحيه قوانين قنين تشريعات دوله سياسه صحيه السياسه الصحيه دي لها ثلاث مستويات تعالى خد من امك وتجيب الناهيه لما يقول لك هنا وقايه حمايه علاج صحه عموميه تمام يقول لك مكان مستشفى تامين صحي مستوصف منظومه علاج لما يقول لك اطباء اجهزه اجهزه اوعي اجهزه دواء توزيع موارد صحيه ازاي في يوم من الايام السيسي وقف قدام الاخوان عمل ايه رقم واحد عمل حمله اسمها 100 مليون صحه حمله 100 مليون صحه غرضها ايه الوقايه والحمايه والعلاج والاكتشاف المبكر للمرض حلو كده اسمها صحه عموميه قوم السيسي اخد المرضى حطهم فين؟ في مستشفيات تامين صحي وحجر صحي حلو طالما مستشفى وتامين ومستوصفات يبقى منظومه علاج مين هيدور هذه المنظومه راح السيسي جايب ايه؟ جايب اطباء واجهزه وادويه اسمها موارد صحيه احفظها كده هتظبط معاك قوي مش عارفه هم عاملين ليله الامتحان غامقه ليه ولاد اللي ايه يا رب يلا بينا معلش يا جماعه ايه دي الموافقه المستنيره لا لا لا لا لا يلا بينا امم بيقول لك مشكلات الهندسه الوراثيه اول مشكله عندي زراعه الاعضاء ايه زراعه الاعضاء منين من حي وميت يا لهوي ا ايه هناخد من الحي ايه كبد وكلى اشمعنى ما هو الكبد بياخد منه فص فبيتبنى مره ثانيه والكلى الانسان يقدر يعيش بكليه واحده طب وهتاخدي اعضاء من ميت ازاي الميت هنا هيكون سايب وصيه التبرع بايه باعضائه متفقين متفقين امتى اختار زراعه اعضاء لما يقول لك قابله للتجديد استغلال سوق سودا تجاره اعضاء يبقى زراعه الاعضاء حلو نزع الوسائل الاصطناعيه الداعمه عارف يعني ايه زعشيلك من على جهاز التنفس الصناعي حلو امتى اختارها لما يقول لك الانسان دخل غيبوبه دخل كما مش خارج منها يبقى تشيله من على اجهزه ال التنفس الصناعي قيمه الحياه باباه الحياه يجب ان تحترم بكل اشكالها وكل صورها وكل معانيها يعني واحده ست مثلا مالها الست الحلوه دي الست الحلوه دي عملت ايه اللهم صل على سيدنا محمد خلفي التوام عنده تاخر عقلي وواحد سليم حلو اللي عنده تاخر عقلي دوت قلبه زي الفل حديد طب والسليم عنده عيب خلقي في القلب هل يجوز لها ان تاخد قلب ده تديه لده ان شاء الله ما هو ده عنده تاخر عقلي بدل ما يبقى عندي اثنين كفايه عندي واحد سليم لا والله الحياه يجب ان تحترم بكل اشكالها وكل صورها وكل معانيها بصي بقى يا سيدي نلخص الليله كلها على بعضها يلا بينا اول ما يقول لك تجاره اعضاء بشريه زراعه اعضاء الانسان بقى قطع غيار زراعه اعضاء سوق سودا زراعه اعضاء خلاص لما يقول لك الموت الرحيم اللي هي بتساوي نزع الوسائل الاصطناعيه الداعمه طيب كان في زمان قوانين حمورابي في الحضاره المصريه القديمه في قوانين حمورابي كانت بتقول لك لو الانسان ليه حق لو باقي في عمرك خمس دقاق من حقك انك تعيشهم انا ماليش سلطان عليا ان انا اسلبك حق الحياه اللي بيديك حق الحياه هو ربنا والوحيد القادر على سلبها منك هو ربنا غير كده بلح ماشي الموافقه المستنيره بص بقى الموافقه المستنيره افصاح فهم اهليه طواعيه موافقه افصاح يعني ايه اخبار افصح يعني ايه اخبار طبيب قال يعني الطبيب يجي للمريض يقول له بقول لك ايه الموضوع معاك 1 ا 3 4 خ 6 بمنتهى الامانه وانا كده فير الافصاح اخبار المريض بكل اا بكل اللي هيحصل ولازم بقى ا المريض يفهم ويعي ويدرك قيمه المعلومات اللي جايه له يبقى ان الطبيب بيفهم المريض كيفيه التعامل مع المرض ويفصل له المعلومات الخاصه بالمرض ده عمليه فهم طيب الاهليه بص بقى اللي لازم ياخد القرار يكون شخص ركز كده معايا ركز عاقل واعي بالغ حر عاقل واعي بالغ حر اه يعني ما ينفعش طفل ياخد قرار ولا ينفع مجنون ياخد قرار ولا ينفع مسجون ياخد قرار يعني لو انا رحت السجن جبت مساجين وقلت لهم هعمل عليكم تجارب والمساجين تمام ده بيخالف في الاهليه ليه ان شاء الله هو المسجون اهبل لا المسجون مقيد الحريه الطواعيه انا من حقي اقول اه او اقول لا دون ضغط او دون اجبار يبقى دون ضغط او دون اجبار بعد كده الموافقه ان انا اقول اه او اقول لا بس بعد عمليه فهم طيب معايير الاخلاق البيوطبيه مالها تعالى اقولها لك بص يا حبيبي بسم الله معايير الاخلاق البيوطبيه اول حاجه المنفعه ماما يعني ايه منفعه فعل كل ما فيه خير لمصلحه المريض اعمل كل حاجه صح للمريض علاج كويس اقامه كويسه رعايه كويسه اجيب له دكتور ان شاء الله من جزر القمر طالما ده لمصلحته يبقى المنفعه هو فعل كل ما فيه خير لمصلحه المريض اثنين عدم الحاق الاذى يعني عدم الحاق المريض باي ضرر سواء كان عمدا او اهمالا انا والله ما كانش قصدي والله ما انا دي خالتي منى انت وخالتك منى انت عرضته الاذى ما ينفعش طب انا دخلت اعمل عمليه مسران اعور او زي ده اا اخدت كبد او ك لا والله ده ايه بقى ما كنتش واخد بالك انت ولا ايه لا انا قاصد والله هنفخك سواء كنت قاصد او غصب عنك اسمها عدم الحاق الاذى بالمريض الاستقلاليه الفرديه عارف يعني ايه الاستقلاليه الفرديه يعني من حق المريض التحكم في الرعايه الصحيه المقدمه اليه من حقي من حق اتحكم في الرعايه الصحيه المقدمه الي دون اي ضغوط دون اي ضغوط المساواه والعدل بص هنا بقى يعني ايه المساواه والعدل يعني عدم التمييز عدم التمييز لا تقول لي جنس راجل وست ولا تقول لي دين مسلم ومسيحي ولا تقول لي عرق عربي واوروبي ولا تقول لي مستوى مالي او اجتماعي غني وفقير او وزير وغفير لا خالص المساواه والعدل تمام وبعدين وبعدين ايه بقى ندخل في اخلاق المهنه انت ممكن تاخد بريك بقى مع نفسك بس انا لازم اكمل معاك للاخر اخلاق المهنه يعني ايه اخلاق المهنه هي احد فروع الفلسفه التطبيقيه ايه ده هو كله تطبيقيه مش انا قلت لك البيئيه تطبيقيه والبيوطبيه التطبيقيه والمهنيه التطبيقيه تمام؟ لو جينا سالنا بعضنا ايه 90% من السؤال بيدور فين؟ في اهميه مواثيق اخلاق المهنه؟ اول حاجه الحفاظ على الصوره الذهنيه الايجابيه. اول ما الاقي كلمه سمعه كلمه انطباع كلمه رجل العلاقات العامه كلمه العملاء انطباع جيد انطباع سيء انا في سنتر تعليمي ايا من كان السنتر دخلت لقيت الناس بتعاملوني معامله كويسه هشكر في السنتر لقيت الناس بتعاملني معامله وحشه هشتم في السنتر يبقى اول ما الاقي كلمه انطباع رجل علاقات عامه عملاء سمعه ا ثقه بين المؤسسه والعميل هختار الصوره الذهنيه الايجابيه طب المسؤوليه القانونيه الموظف اللي هيلتزم باخلاق المهنه هيتجنب المسائله القانونيه هو وصاحب المؤسسه طب والموظف اللي مش هيلتزم هيتعاقب يبقى اول ما الاقي هنا عقاب مخالفات حكومه سجن المسائله القانونيه طب تحسين الاداء لما الاقي الكلام رايح على البشر انا عندي مصنع بقىه 100 سنه متهالكه وعماله كبيره في السن ما فيش عندهم طاقه طب انا عايزه المصنع ده يشتغل العب على العامل اعمل ايه في العامل ارفع من كفاءته اعمل ايه ادي له كورسات اعمل له ورش اعمل له تنميه مهارات اي دي عامله ظبط العامل حلو يبقى اي حاجه تخص البشر اسمها تحسين اداء ظبط المكان يعني ايه المعدات غير المعدات اللي عايز يتكهن يتكهن واللي عايز يتظبط يتظبط واللي عايز يتصلح يتصلح تمام ده اهم سؤال عندك اوعى تنساه طيب فكك من التفلسف تعال لي هنا قولي بص دور الفلاسفه في وضع المواثيق ايه اول حاجه الفيلسوف هيبص للمجتمع ويحلل المجتمع تحليل دقيق احلل ليه في المجتمع عاداته وتقاليده ومعتقداته واراءه وافكاره وثقافاته وقيمه يبقى لما الاقي السؤال بيتكلم على عادات تقاليد معتقدات اراء ثقافات حضارات عدل قيم حريه اخاء مساواه منفعه تحليل الواقع وبعدين تحديد الاسس يعني ايه حدد الاسس يعني قانون هيحطه الفيلسوف اسف الفيلسوف ما بيحطش القانون لوحده مال بيحطه مع مين متخصصين انا عايزه دلوقتي احط ميثاق للدكاتره مش هروح احطه مع مرتضى منصور تحطيه مع مين؟ مع مجدي يعقوب طب عايز احط ميثاق للقضاه ما فيش احسن من مرتضى منصور ليه تخصصه ومجاله اه يبقى لو انا عايزه احط الميثاق لمستشارين وقضاه مع مرتضى اه ولو عايزه احط ميثاق في الطب يبقى دي يعقوب صح برافو طب انت عايز ايه تاني خلاص مع متخصص وضع اسس ميثاق الاخلاق يعني تقول ايه المقبول وايه المرفوض ايه اللي احنا عايزينه وايه اللي احنا مش عايزينه بعد كده التطبيق العملي يعني ايه التطبيق اشوف بقى الناس التزمت ولا ما التزمتش طيب وايه القيم الاخلاقيه بتاعه اخلاق المهنه القيم الاخلاقيه الامانه مش هتلاقيها موجوده هنا الامانه حريه التعبير الاستقلاليه يه تغلب المصلحه العامه على المصلحه الخاصه الشفافيه انت ابن الشركه يعني اعمل كل حاجه في صالح الشركه ماشي كده بص اخلاق المهنه كلها هم ثلاث اسئله تمام والتفلسف ده الفصل الرابع ما تدوريش مش هتلاقيها يعني ايه تفلسف نشاط فكري يقوم به الانسان بايه؟ نقد فحص فرز تحليل بدلا من تقبل الامور على علتها يبقى انا لو لقيت في السؤال نقد فرز فحص تحليل اسمه تفلسف امين ايه بقى معوقات التفلسف معوقات التفلسف ثلاث بيئات بيئه اسريه ما بتسمحش بالحوار وبيئه تعليميه قايمه على الحفظ والتلقين وبيئه اعلاميه لا تؤمن بتنوع الافكار يعني ايه بيئه اعلاميه لا تؤمن بتنوع الافكار لما رامز جلال 16 سنه انت عايز ايه بقى الكبير مانيه المداح سته ايه ايه يا قلبي بيئه اعلاميه مافيش فيها تنوع في الافكار تقضي على التفلسف بيئه اسريه قايمه بتربي على العياله قول طيب قول نعم قول حاضر اللي يقولوا بابا تمام تقضي على التفلسف مدرس واقف بالدرابوكه عمال يطبل تقضي على التفلسف دي اسمها معوقات التفلسف ماشي تمام امم حلوه تعالى نكبر كده مع بعض يلا بينا طبيعي طبيعه القيم بقى بص يا معلم انت طبيعه القيم عندك اثنين عندك قيم ذاتيه نسبيه متغيره بتختلف من فرد لاخر يعني مش شرط ان انا بحب انا بحب ام كلثوم جدا وبحب حمزه نمره وبحب صابر الرباعي انا بحب دول اا ممكن انت بتحب مهرجانات براحتك انا احب اسمع موسيقى عمر خيرت انت تحب تسمع تيخ طخ تيخ تيخ او تسمع راب براحتك يبقى اللي انت بتحبه مش شرط انا احبه واللي انا احبه مش شرط انت تحبه ده معنى ان القيم ذاتيه نسبيه متغيره ماشي مين بقى اللي قال لي القيم ذاتيه نسبيه متغيره واحد اسمه اوجست كونت والتاني اسمه ايميل دوركايم اوجست كونت وايميل دوريم ردوا القيم للمجتمع حلو طب ولما ردوا القيم للمجتمع ما هو اوجست كونت وايميل دوريم قالوا ان مصدر القيم هو المجتمع حبيبي معنى كده ان القيم نسبيه متغيره ليه ما يعد فضيله في مجتمع يعد رزيله في مجتمع اخر شرب الخمر عندنا رزيله بره فضيله عادي اا لحم الخنزير عندي مرفوض بره عادي الطار شيء مقدس في الصعيد عندنا مرفوض متفقين يبقى هنا لما ترد الاخلاق للمجتمع مش شرط ان القيم في المجتمعات كلها واحده تختلف تختلف ماشي واحد بقى ثاني اسمه جيرمي بنتام والثاني اسمه اسمه الجون ستيوارت ميل ردوا القيم للمنفعه يعني ايه منفعه يعني في فعل اهو الفعل ده هيجلب لسين مصلحه لما الفعل ده يجيب لس مصلحه هو خير طب الفعل ده جاب لص ضرر طب ما هو لما جاب لصاد ضرر هو شر طب الفعل ده بقى في حد ذاته خير ولا شر لا كده في حد ذاته دبل فيس يعني ايه دبل فيس مره بيبقى خير ومره بيبقى شر يبقى معنى ذلك ان جيرمي بنتنام وجون ستيورت ميل قالوا ان القيم نسبيه متغيره يبقى انا عندي اتنين قالوا قيم نسبيه متغيره اوجست كونت وايلدور قايم لما ردوها للمجتمع جيرمي بتنام جون ستيورت ميل لما ردوها للمنفعه ماشي حلو وبعدين يا حلو وانا هقول لك بقى ده كده الناس دي عندها القيم نسبيه متغيره هنا بقى لا هنا القيم ثابته مين اللي قال ان القيم ثابته ارسطو ليه ارستو قال لي بصي بمنتهى الصراحه الخير خير والشر شر مش ناقصين افتكاسه طب انا هحكم ازاي ان الخير خير شر شر قال لك بالعقل الخير خير والشر شر واحتكمها بالعقل ازاي القتل السرقه الاغتصاب الاعتداء التحرش شر في كل المجتمعات وفي كل الاديان يبقى الشر ثابت. تعال نقول بقى الحق الخير العدل المساواه الحريه المحبه الصدق الامانه الاخلاص واحده في كل المجتمعات ده يا حبيبي واحده في كل حاجه اذا الخير خير والشر شر اللي اتكلم عليه مسك اللي اتكلم عليه ارسطو قال لك بالعقل مين بقى اللي ربط القيم بالدين اللي ربط القيم بالدين اول ما تلاقي كلمه الدين هتختار لي على طول مسكوايه يبقى اول ما الاقي العقل هختار ارسطو متفقين مجتمع اوجست كونت ايميل دركاين منفعه جيرمي بتنام جوني ستيو ميل عقل ارستو دين اسلامي مسكوايه لان مسكوايه قال لك الدين الاسلامي هو مصدر القيد الحلال بين والحرام بين تمام يبقى انا هختصر الليله دي كلها في اربع كلمات مجتمع اوجست كونتمل منفعه جيرمي بتنام جوني ستيوارت ميل عقل ارستو دين اسلامي مسكوي متفقين وبعدين عندك بقى اربع قيم قيم هنطلع بيهم اللي هم اهم قيمه قيمه البحث عن الحقيقه دي اول قيمه واهمها بص قيمه البحث عن الحقيقه يعني قيمه المعرفه يقوللك معرفه يقوللك اطلاع يقوللك حب استطلاع يقوللك فضول تختار قيمه البحث عن الحقيقه طب قيمه البحث عن الحقيقه دي بتحكمها كام نظريه لاث نظريات تطابق ترابطيه حلو يعني ايه تطابق؟ اذا الحاجه طابقه الواقع يبقى اذا رجعت للواقع اسمها تطابق دي ايه؟ دي ازازه ميه ولا كوكا كولا؟ لا ميه طب استنى يا اخويا ولا سبرايت دي سبرايت دي سبرايت دي ياما دي ميه استنى ميه عرفتي منين انها ميه؟ لما شربتها حاجه موجوده في الواقع موجوده فين؟ اهي على الكرسي يبقى تطابق يبقى لما ارجع لواقع المعيار الوحيد للحقيقه هو التطابق في الواقع الفعلي طالما فيها واقع مش مواقع يبقى نظريه التطابق حاجه شايفاها بعينيا مراه العين والبصر طب والترابط تشتري دماغك معلومات معلومات عندي مثلث الزاويه دي 90 والزاويه دي 30 عايزه اعرف دي كام طب ما انا اجمع دي ودي 120 طب ما تطرحيهم من اصل 180 هتطلع لك دي 60 اذا الكلام ده اتربط مع بعضه اسمها نظريه الترابط يبقى معلومات ترابط حاجه متشافه وملموسه ومحسوسه ومتداقه تطابق البرجمتيه منفعه يعني ايه من منفعه نتائج منفعه ونتائج خطه ثمار نجاح جيت قلتلي يا ميس انا فهمت الدرس و 100 م طب ممكن تحل قصادي يا عينيا معلش اشوف حلك اشوف حلك ما انا مش هقدر اقوللك معيار غير لما اشوف الحل بتاعك جيت قلتلي المشروع ده بيكسب ملايين طب ممكن اشوف اخر ميزانيه للمشروع انا هدخل معاك شراكه على ايه؟ اشوف اخر ميزانيه اشوفها يبقى اسمها نظريه برمتيه يبقى منفعه خطه نتائج ارباح برجمتيه حاجه ملموسه ومحسوسه وموجوده في الواقع تطابق معلومات ترابط ماشي الاستقلاليه ان انا اتحرر من تبعيه الغير انا مش امعه انا سيد قراري انا باخد القرار واتحمل نتيجته مهما كانت مهما كانت وما هو ماشي مشيش ورا حد انا مش قطيع او خروفه او نعجه يعني ايه شخص بيقدر يحدد مصيره بنفسه هو مسؤول عن اتخاذ قراره ل قراراتي وقناعاتي وفلسفتي الخاصه انا سيد نفسي اسمها الاستقلاليه ناقصلك قيمتين التسامح والحريه طب اقول لحضرتك حاجه بسيطه التسامح الفكري شوف بقى كل التسامح الفكري ده هي دي مربط الفرس اختلاف الراي اختلاف الراي لا يفسد للود اي قضيه ربنا خلقها جنه ونار كان ممكن يخلقها جنه او نور جنه ونار وسماء وارض وخير وشر وابيض واسود وشمال وجنوب وشرق وغرب وصف وحر صيف وبرد يبقى في اختلاف في اختلاف طالما في اختلاف في اختلاف خلاف وليس خلاف في فرق بين الاختلاف والخلاف الاختلاف التنوع طب والخلاف ان انا اختلف معاك في الراي لا اختلاف الراي لا يفصل للود اي قضيه تختار لي تسامح طب والحريه بصوا الاختيار بين البدائل حريه الاختيار بين البدائل انت دلوقتي قدامك اربع مسارات طب وعلوم حياه هندسه اداره اعمال ادب وفنون براحتك اسمها حريه الاختيار انت حر طالما ما لم تضر. تمام؟ اا احنا هناخد بريك عشان احنا كده هبدين الفلسفه كلها ورا بعضها. انا نصيحتي ليك ما تاخدش اي حاجه دلوقتي خد بريك خد بريك ان شاء الله نص ساعه وبعد كده ارجع لي. ورجعنا لكم ثاني في المنطق انت اخدت بريك وانا اخدت بريك روح تاكل يلا بينا يلا بينا تعالى بقى كده وبسرعه عشان المنطق فهم مش حفظ انواع الاستدلال عندك اثنين واحد طالع والثاني نازل يعني ايه طالع يعني استدلال صاعد ويعني ايه نازل يعني استدلال هابط افرق ما بينهم ازاي بص معايا ده الاستنباط فكك منه دلوقتي دي ما اسمهاش تفسير وتوظيف عشان اللي نقل الجدول دي اسمها الاستقراء معلش بص يا قلبي هنا لما اقول لك كل انسان فان سكرات انسان سكرات فان انا كده انتقلت من فين لفين من عام لخاص طالما بقى بنزل يعني هابط اسمه استنباط النزول يعني هابط اسمه استنباط قشطه الكلام الاستنباط امتى اختار كلمه استنباط لما يقول لك نتيجه يقينيه واحد لما يقول لك من العمل الخاص اثنين لما يقول لك رياضه ثلاثه لما يقول لك استدلال سوري يعني ايه استدلال سوري يعني حاجه لا ملموسه ولا محسوسه طيب والاستقراء الاستقراء بقى بص بقى هنا عشان التخلف حديد يتمدد بالحراره ده مش حديد والله ما حديد ده نحاس يتمدد بالحراره وده ذهب والله ذهب يبقى الحديد يتمدد بالحراره النحاس يتمدد بحراره الذهب يتمدد بالحراره كل المعاد تتمدد بالحراره هوبا انا كده في قفزه جايه من فين لفين؟ جايه من الخاص للعام واقعي مادي تجريبي مقدمات يقينيه نتيجه احتماليه ده يبقى اسمه استقراء طب ايه انواع الاستقراء تيجي الخصها لك في كلمه لا كلمه انا عندي نوعين من الاستقراء عندي ناقص وعندي تام امتى استخدمهم حاجه بعرف اعدها هاخد الاستقراء التام حاجه ما بعرفش اعدها هاخد الاستقراء الناقص زي بص يقول لك عدد حبات الرمال عدد قطرات المطر عدد الاسماك عدد ال عدد الطيور في العالم عدد البشر ده اسمه استقراء ناقص مش هعرف اعده طيب يقول لك المكتبه فيها 1000 كتاب يا حبيبي هقول لك المكتبه فيها 10000 كتاب طالما حاجه انت عارف عددها ده اسمه استقراء تام يبقى انا عندي نوعين من الاستقراء عندي ناقص وعندي تام بعرف اعد يبقى استقراء تام ما بعرفش اعد يبقى استقراء ناقص وده مسك الختام خد بالك ان ليهم اسامي متعدده يعني الناقص هو العلمي هو التعميمي طب والتام تام كامل احصائي تلخيصي لو قال لك في السؤال ناقص علمي تعميمي احصائي يبقى تختار احصائي طب تام كامل احصائي تعميمي يبقى تختار تعمي حتى من غير ما افكر تمام خد بالك من الكلام ده كويس قوي ده الاستقراء الناقص ماشي اوكي كده خلصنا من انواع الاستدلال وانواع الاستقراء تمام بص يا قلبي تعالى عند بيكون بيكون بيكون نتكلم على حاجه اسمها الاوهام بيكون قال لك انا عندي جانبين جانب ايجابي وجانب سلبي طب الجانب السلبي بيحذرني منه اللي هم اربع اوهام اوهام الجنس والسوق والمسرح والكهف امتى اختار اشتغل دماغك بقى اوهام الجنس اخطاء عامه تسرع في اصدار احكام فطريه عندنا كلنا يبقى اوهام جنس طب والكهف يقول لك اخطاء فرديه عادات تقاليد تنشئه تربيه نشاه ا افكار ذاتيه افكار شخصيه اراء شخصيه اوهام كهف طب والسوق وسموها سوق عشان كانت منتشره في سوق عقاص وسوق ذي مجاز كلمات الفاظ لغه جمل اسواق مقاهي شوارع يبقى تختار لي اوهام السوق طب اوهام المسرح مشاهير فنانين نظريات القدماء الفلاسفه القدماء زي ما كان ارسطو سيء العالم كله وفي الاخر طلع ارسطو ده ايه بلح ليه لان ارسطو قال ان الارض كرويه والارض ثابته وفي الاخر طلع كلامه غلط طب وانتم صدقتوا الغلط ليه عشان الغلط ده كان مشهور قوي اي حاجه مشاهير نظريات قدماء اا مسرح ماشي طيب وبعدين قال لك روح انضف من الجانب السلبي ده وتعال لي في الجانب الايجابي الجانب الجانب الايجابي هو سؤال واحد اللي بنلعب فيه الاول هم اربع خطوات جمع المعلومات تنظيم المعلومات في قوائم تحليل كل قائمه الوصول لقانون اللعب فين في ترتيب المعلومات في ثلاث قوائم ايه الثلاث قوائم حضور وغياب وتفاوت الحضور اسمها قائمه الاثبات بحط فيها الشواهد اللي بتظهر يعني ايه عندي خمس معادن اتمددوا بالحراره احطهم في الحضور عندي خمس معادن هم هم هما بس ما تمددوش بالحراره عشان انا غيبت الحراره حطهم في الغياب عندي معدن اسمه زين اكس ايا من كان زد المعدن ده بيتمدد بالحراره الساعه الظهر وبيقل التمدد الساعه خس المغرب وبيختفي 7:00 الصبح يبقى في زياده ونقصان طالما لقيت في الجمله كلمه زياده ونقصان وتفاوت نسبي يبقى تفاوت نسبي حضرت الحراره حضور قائمه الاثبات غابت الحراره في النفي قائمه الغياب خلاص تمام ده فرنسيس بيكون كله طيب تعالى كده معايا انا عندي حاجه حلوه قوي اسمها خطوات المنهج العلمي تعالى واشتري من امك و شيلها من دماغك خطوات المنهج العلمي كم خطوه اربعه اول خطوه الملاحظه يعني ايه ملاحظه يعني مراقبه ويعني مشاهده باستخدام ايه باستخدام الحواس والادوات يبقى اقول لك ادوات حواس مراقبه مشاهده تسجيل ملاحظه اختار لي ملاحظه طب الملاحظه دي ليها شروط مش موجوده عندك هنا عادي موجوده تحت الشروط دول سته لاثه ليك وثلاثه عليك ليك عندي ايه ليك الامان والتكرار والدقه يعني ايه امان اجراءات احترازيه جوانتي وكمامه يعني ايه تكرار الظاهره تكون متكرره مره واتنين وتثلاثه يعني ايه دقه اجهزه علميه حديثه ديجيتال تطلعلي نتائج دقيقه يبقى ليك الامان والتكرار والدقه عليك ايه عليك ايه الاستعداد تكون جاهز الشموليه تدرس لي الظاهره من كل الاتجاهات حلو الموضعيه يعني ايه موضعيه حب تاني لا طيبه تاني لا تتاثر بمشاعر حد لا خلاص قلبي ده قطعته ورميته لكلاب السكك انسى يبقى لاثه ليك وثلاثه عليك يعني ايه فرض علمي انا امتى اختار كلمه فرض علمي لما يقوللك تفسير مؤقت يقول لك ظن يقول لك احتمال يقول لك فرض يقول لك اعتقد يقول لك ربما من الممكن احتمال مي بيبس فرض الفرض ده لشروته ايه شروطه يكون واقعي يعني ما يبقاش خيالي ما اقولكش عروسه البحر ا سقف الاوضه بيلعب ليه من حلاوه اللمبي عليه لا سقف الاوضه بيلعب عشان في زلزال في مد وجز اصل عروس البحر بتتمطع اتوكس ده عشان الارض والقمر والشمس على استقامه واحده يبقى لازم الفرض يكون واقعي وما يكونش خيالي وقابل للتحقق منه عن طريق التجربه اشمعنى؟ لان التجربه هي اللي هتقول اذا كنت فرد سليم او فرد بايظ تمام وما تكونش متناقض يعني ايه ما اقولكش اللي عايم على وش الميه هناك ده حديد ايه يا خايب هو الحديد بيعوم ده فرض ودي شروط الملاحظه اللي لسه قايلينها ودي شروط الفرد العلمي ماشي وبعد كده بعد كده يا قلبي هنخش على التجربه اه ده في الصفحه اللي تحت امم بص يا جميل صلي بينا على النبي كده التجربه هي الوسيله الوحيده للتاكد من صحه وسلامه الفرد ماشي التجربه الاسئله بتيجي فين في الثلاث انواع دول تجربه مرتجله تجربه علميه تجربه سلبيه حاجه بعملها لاول مره في حياتي تجربه مرتجله اول مره احط روج مرتجله اول مره اصبخ شعري مرتجله اول مره اقيس الشميس ده واقول لك عليه ده اول لابسه والله اول مره اقيسه في البروفا مرتجله حاجه بتعملها لاول مره ومش عارف نتائجها مرتجله طب والعلميه حاجه عملتها مره واتنين وثلاثه واربعه وخمسه وجبت لها قانون يبقى العلميه بتوصلني لقانون العلميه هتجيب لي قانون المرتجله هتعرف على خواص طب والسلبيه اهو امم تعمل ايه؟ براقب بلاحظ بسجل ازاي؟ الدكتور بتاع امراض النساء لما يركب سونار على بطن الست ويشوف حركه الجنين تجربه سلبيه لما ادخل اشعه رانين مغناطيسي عشان اقيس اضطرابات المخ او اقيس عضلات الرقبه او العمود الفقري والدكتور بره الاوضه خالص تجربه تجرييه سلبيه طب يقول لك دكتور اول مره في حياته يخش اوضه عمليات مرتجله مرتج اجله طب دكتور كل اللي بيعمله او باحث كل اللي بيعمله بيلاحظ بس من بعيد ويسجل سلبيه طب هدفي نصل الى قانون علميه الثلاث انواع دول هم مربط الاسئله طب وشروط التجربه ايه الاعتناء بكل كبيره وصغيره تنتج عنها التجربه يعني ما تفوتش لا ورده ولا شارده مراعاه القواعد الاخلاقيه اعمل اعمل خلي عندك اخلاق تحري الموضوعيه حب تاني لا طيبهاني لا مشاعر لا قبل منك لا ماليش دعوه دي شروط التجربه اهي خلاص ماشي القانون ذا اند فينش فينيتو خد بالك ان القانون في اصله فرض خاطئ ولا صحيح لا صحيح ومين اللي قال طب مين يا ترى اللي حول مجرد فرض الى قانون التجربه اللي ثبتت صحتها تمام بعد كده عندك ايه يا قلبي والله يا موحى انا عندي اثنين لازم اخد بالي منهم مين يا واد عندي واحد يا موحى اسمه جابر بن حيان وواحد اسمه الحسن بن الهيثم تشتري مني اي حاجه فيها كيميا وتجارب ومعامل وابحاث ارمي جبر ابن الاحيان طب عين تشريح العين علم المناظير الميكروسكوب تلسكوب ا ميكروسكوب تلسكوب تشريح العين مرايات خد الحسن بن الهيثم تمام يا جماعه احنا جاينا هنا اهوت ا مش بيعملوا كده ايه اسمها ايه انقاذ احنا الحقونا الحقونا بصوا يا شباب احنا هنا في المنصه بنحضر لكم احلى هديه بص هديه على صفيح ساخن هديه على صفيح ساخن صفيح ساخن ولا صفيح هادئ اي صفيحه اي صفيحه خلاص احنا ان شاء الله الجمهوريه كلها النهارده بتتفرج علينا في مراجعه الفلسفه والمنطق لاولى ثانوي اولى ثانوي من اولها لاخرها فلسفه ومنطق لا ده احنا عاملين شغل فاخر من الاخر ده احنا عاملين شغل فخر من الاخر حاجه عسليه موجبه خرفه ومكلفه اه الحاجه عسليه ماس ايه وانت ماس معانا ان شاء الله باذن الله في مراجعه اولى ثانوي تاريخ مستر محمود القاضي هننزل مراجعه هديه مجانيه لكل طلبه الجمهوريه على استعداد تنزل المراجعه هديه مجانيه لكل طلبه الجمهوريه حد حوش المذكره كمان موجوده عندك في الوصف ايه قول له ق المذكره كمان موجوده عندك في الوصف يا مستر محمود ما بيتكلمش مؤدب مؤدب هنعمل ان شاء الله مراجعه جامده جدا جدا في ماده التاريخ لمستر محمود القاضي على قناه اليوتيوب بتاعه المستر وهنزعها كمان على قناتنا نعمل تاج نعمل له تاج تمام قلبي يا قلبي بحبه والله وربي الاستقراء التقليدي والاستقراء المعاصر تعرف تفصل تركز الاستقراء التقليدي استقرائي خالص استقرائي بس والفرض الخطوه التانيه والقانون سببي نعم نقول تاني استقرائي خالص اهي انا عايزه الكلمه دي ادي اول حاجه تمام ام القوانين سببيه حتميه وادي الكلمه الثانيه تاخد الكلمه الثالثه الفرض الخطوه الثانيه شكرا حط لي الثلاث ثلاث كلمات دول حلقه في ودنك يبقى الاستقرائي التقليدي استقرائي بس يعني بيلاحظ يفرض يجرب يجيب قانون بس بس الفرض هو الخطوه الثانيه القوانين زمان كانت قوانين سببيه حتميه عليا عايزه اعرف سبب اللي حصل ماشي بص بقى هنا دي كده مفاتيح كلمه الاستقراء التقليدي طيب طبيعه الفرد في المنهج الاستقراء التقليدي ليس من الاولويه عارف يعني ايه ليس من الاولويه يعني الخطوه الثانيه مادي ملموس محسوس بشوفه فرض من الدرجه الاولى هو خطوه ثانيه اه بس درجه اولى عشان مبني على ملاحظه يبقى درجه اولى وصلت لها بعد ملاحظه ده الفرض القوانين كانت ايه سببيه لماذا عله معلول حتمي ضروري يقيني ده قانون سببي يبقى القانون سببي حتمي علي خلاص لماذا عايز اعرف السبب ده قانون الاستقراء التقليدي الفرض الخطوه انيه درجه اولى بيجي بعد ملاحظه شيء مادي ملموس محسوس مبني على حاجه انا شفتها ده الاستقراء التقليدي طيب تعالى كده معايا في الاستقراء المعاصر بص يا قلبي اول حاجه في الاستقراء المعاصر احنا هنا جمعنا بين الاستقراء والاستنباط ايه ده ايه الفرق ما قلت لك زمان كان استقراء بس النهارده جمعت بالاستقراء والاستنباط عشان لقيت ان الاستقراء لوحده مش كفايه طيب الفرد فرد مستنبط من قوانين سابقه ازاي الميه ليها وزن الميه ليها ضغط هوبا الهواء ليه وزن وضغط انت شفت الهواء شفته لا ما شفتوش يبقى فرض سوري يبقى في الاستقراء المعاصر الفرد مبني على قوانين سابقه يبقى فرض من الدرجه التانيه ماشي القانون وصف احتمالي يبقى انا كده عرفت الاستقراء التقليدي استقرائي بس الاستقراء المعاصر استقراء واستنباط الفرد في التقليدي خطوه ثانيه الفرد في المعاصر خطوه اولى الفرد في التقليدي مادي ملموس محسوس مبني على ملاحظه الفرد في المعاصر سوري مستنبط من قوانين سابقه القانون في التقليدي سببي حتمي علي القانون في المعاصر قانون وصفي احتمالي علاقه المنطق بالتفكير الرياضي ايه ده هو في علاقه بين المنطق والرياضه انت عبيط ما انا قلت لك ان المنطق طمع في الرموز بتاعه الرياضه فجت الرياضه راحت طمعانه في القواعد بتاعه المنطق بصوا يا شباب القواعد دي بتاعه المنطق اخدتها الرياضه بص انا ممكن اعملك بطريقه احلى شيل كلمه قواعد دي وشيل كلمه رموز دي حلو يبقى المنطق اخد الرموز من الرياضه فجت الرياضه راحت اخده القواعد من المنطق فحصل عندي خلط بين مين ومين؟ بين المنطق والرياضه المنطق بقى اصبح اكثر رياضيه والرياضه اكثر منطقيه ازاي سبعه وثلاثه مين اكبر سبعه وثلاثه دي رياضه سبعه اكبر من الثلاثه حلو عرفت منين ان السبعه اكبر من لاثه المنطق قال ان الكل اكبر من الجزء يبقى الرياضه اخدت القواعد من المنطق والمنطق اخد الرموز من الرياض طيب خصائص القضيه الرياضيه تحصيل حاصل يعني ما بتجيبش جديد عدم تناقض ما ينفعش اجي اقول لك 5 + 5 بتسا 15 لا لزوم منطقي الطرف الاول يودي الثاني والثاني نتيجه للاولاني طيب بصي يا قلبي انا عندي حاجه اسمها معرفات ولا معرفات هي الحكايه كلها تتقسم بالايه حاجه اسمها حدود اشتراطيه وقضايا مين الحدود الاشتراطيه معرفات ولا معرفات مين؟ القضايا البديهيات والمسلمات المعرفات حاجه انا بعرفها وبشترط عليك تاخدها زي ما هي تعريف النقطه معرفات تعريف الخط معرفات تعريف السطح معرفات القطعه المستقيمه معرفات المثلث المربع معرفات حاجه انا بعرفها المثلث شكل هندسي محاط بثلاثه اضلاع متقاطعه معرف المربع شكل هندسي له اربع اضلاع وزواياه قايمه معرف النقطه هي ما ليس لها طول وليس لها عرض معرف طب ايه بقى اللام معرف اللام معرف دي كلمه طول كلمه عرض كلمه لفظ كلمه ا ضلع كلمه زاويه كلمه بدايه كلمه نهايه دي اسمها لا معرفات الفاظ يبقى اللامرفات الفاظ انا بسيبها من غير ما بعرفها المعرفات انا بعرفها بوضحها دي معرفات ولا معرفات طب والبديهيه والمسلمه البديهيه قضيه واضحه بذاتها من اول ما تشوفها تفهمها الكل اكبر من الجزء مش محتاجه دليل ولا محتاجه براءه قضايا واضحه بذاتها فرضت نفسها على العقل ازاي دلوقتي لما اجي اقول لك احنا دلوقتي في مخلوقات طالما في مخلوقات يبقى في خالق للمخلوقات صح طالما في مخلوقات يبقى في خالق للمخلوقات طالما انا بفكر اذا انا موجود دي اسمها بديهيات قضيه فرضت نفسها على العقل فلم يستطيع العقل اثباتها فاضطر العقل الى تصديقها طب والمسلمات قضايا انا بسيبها من غير دليل ومن غير برهان عشان اروح احل بيها زي ط بتساوي 22 على 7 ما حدش عارف جت منين 22 على 7 لا هي كده وروح حل بيها انت بقى يبقى ادي بديهيات وادي مسلمات طيب انا عندي حاجه اسمها شروط المسلمه طيب بصي يا قلبي حبيبي شروط المسلمات اوعى دي موجوده معاك واوعى تغير المحطه شروط المسلمات 3 م متصقه مكتمله مستقله حلو يعني ايه مستقله الاستقلال يعني المسلمه تنتمي للعلم الذي وردت فيه لما يقول لك ط بتساوي 22 على 7 ط اللي هي الباي ب 22 على 7 مش هتلاقي في حته غير في الرياضه في فرع الهندسه تمام يبقى قضيه مستقله بذاتها ولا تكون تابعه لاي قضايا اخرى الاكتمال يعني ايه الاكتمال مك تمله يعني كافيه للبرهنه على جميع نظريات النسق الواحد لما اقول لك ان المثلث شكل هندسي محاط ب 100 ا مجموع قياسات زوايا 180 درجه انه مثلث المتساوي ولا المختلف ولا المتساوي الساقين ولا المنفرج ولا القائم ولا كله كله اي الشكل الرباعي 360 ده المربع ولا المستطيل ولا المتوازي كله كله ده معنى كلمه مكتمله الاتساق يعني ايه الاتساق متثقه يعني ايه متصقه غير متناقده الاطراف ما ينفعش اسيب المسلمه متناقده لان انت سايبها من غير برهان وانا هحل بيها يبقى سالبها لي صح عشان احل بيها اطلع لك نتيجه صحيحه تمام اوعى خلي بالك من شروط المسلمات يلا بينا يلا بينا نتكلم على دور المنطق في تكنولوجيا الاتصالات بص بقى القصه كلها ايه ايه اللي دخل المنطق لتكنولوجيا الاتصالات ايه المنطق استخدم الرموز والتكنولوجيا قايمه على الرموز خلصت الحكايه بمعنى القضيه الموجبه بديها ق السالبه بديها سالب ق القضيه العاطفيه اللي هي قضيه الوصل بديها ق اند ل القضيه الانفصاليه اللي هي الفصل ق اور ل القضيه الشرطيه او اللزوميه ق شرط ل التشارطيه ق تشارط ل حلو جميل امتى بختار القضيه السالبه لما الاقي ليس ولاقي لا طب والعاطفيه واو ثم لكن طب والانفصاليه اما او طب والشرطيه اذا او لو او كلما طب والتشارتيه اذا وفقط اذا متفقين يبقى انا لو لقيت قضيه موجبه سماح مدرسه ق سماح ليست طبيبه س-ب ق دنيا دكتوره وميار مهندسه ق اند للام سماح صبحي اما مسلمه او مسيحيه ق اورلام طب اذا ضربت الكلب رفع زي ق شرط ستتقدم مصر اذا وفقت اذا اهتمت بالتعليم ق تشارط ل طيب ايه بقى الاساس المنطقي للحاسوب مستويات المنطق في حاجه اسمها مدخلات يعني ايه مدخلات المعلومات اللي بدخلها والمخرجات النواتج طب يعني بدخل معلومه وبخرج معلومه ادخال اخراج ادخال اخراج انا هقف قدام مكنه اي تي ام انا عايزه منها فلوس طلعي فلوس طلعي لي فلوس هتطلعها ازاي هتطلعها ازاي هتطلع لك نتيجه ازاي وانت ما دخلتش دخلتش ايه ان شاء الله فيزه وباسورد دخل فيزا وباسورد هطلع لك فلوس دخل فيزا دخل باسورد دخل معلومات هتطلع لك نواتج مستويات منطقيه علاقه المنطق بالذكاء الاصطناعي يعني ايه ذكاء اصطناعي هو احدث فروع علم الحاسبات احدث فرع خالص وهو فرع النونو الجديد الذكاء الاصطناعي بستخدمه في ايه؟ ان انا اعمل اجهزه تحاكي العقل البشري ايه اي بالظبط طيب هيعمل ايه الذكاء الاصطناعي هيحل المشكلات زي مين زي جيمناي وجدج بي تمام في عندك نوعين من المنطق حاجه اسمها المنطق الثنائي الثنائي وحاجه اسمها المنطق المرن المنطق الثنائي المنطق الثنائي اللي هو المنطق الثنائي هو منطق العد الثنائي اللي عمله اللايبنتز بيقوللك حاجه من الاتنين صادق وكاذب موجود مش موجود استناني يعني ايه يعني بصوا المنطق ده لا يوجد وسط ما عنديش وسط يا موجود يا مش موجود يا موجود يا مش موجود يعني يحمل كم قيمه قيمتين موجود مش موجود اون اوف 1 اند 0 ده المنطق الثنائي طيب تعالى كده معايا انا عايزاك بس ايه هنا عندي ركز معايا هنا اللهم صل على سيدنا محمد بص معايا كده عندي حاجه اسمها المنطق المرن والمنطق الغير مرن تعال لي كده المنطق الغير مرن اللي هو مثال العد الثنائي اللي هو ايه؟ العد الثنائي اللي هو بيحمل قيمتين يا صادق يا كاذب اسئله الامتحانات تهدى عليا شويه لحد ما اخلص الناس اللي بتبعت اسئله تهدى شويه المنطق الغير مرن اللي هو المنطق الثنائي بيحمل قيمتين يا صادق يا كاذب طب والمنطق المرن ده في وسط وفي احتمالات ويحمل كذا قيمه يعني مثلا اا نقول ا حد طب ايه سبب ظهور المنطق المرن؟ سبب ظهور المنطق المرن هو المجال الطبي ليه؟ انا دلوقتي بعد الشر احلل حللت ما تحللي ايه يا خالتي؟ بحلل فيروس سي المنطق الثنائي هيقول لك يا في فيروس سي يا ما فيش فيروس سي يا موجود يا مش موجود المرن هيقول لك اه في فيروس سي بس بنسبه 83.4% 0.4% يبقى اصبح ان في درجه يبقى يقول لك درجه يقول لك احتمالات يقول لك متعدد القيم في وسط ده المرن قيمتين اثنين قاطع صارم مافيش فيه احتمالات ولا في وسط ده المنطق الثنائي فهمت الفرق ما بين الاتنين تمام تعالى كمل معايا في حاجه اسمها المنطق الرتيب والمنطق الغير رتيب المنطق الرتيب مقدمات كتيره نتيجه قليله يعني ايه اهريك معلومات واطلع نتيجه صغيره ده اسمه الرتيب ما فيش جديد ما فيش جديد ما فيهوش قفزه طب والغير رتيب مقدمات قليله نتيجه كبيره بمعنى انا دلوقتي همسك الموبايل بتاعي هكتب اسم حد عايزاه طب هل انا هكتب الاسم كامل لا لا انا هكتب حرف واحد حرف او حرفين هيروح المنطق هوب او الجهاز عامل القفزه وجايب لي الاسم كامل ده كده شغال بنظام المنطق الغير غير رتيب الغير رتيب معلومات قليله نتيجه كبيره طب والرتيب نتيجه كبيره معلومات قليله ده الفرق ما بينهم طيب خلاص كده عرفت نظام العد الثنائي البوابات المنطقيه لسه قايلها لك من شويه دخول وخروج انا دلوقتي عايزه اعرف ازاي الجهاز بيقدر يحل المشكلات هو الانسان بيحل المشكلات ازاي من خلال ما لديه من معلومات خلاص انتهت ولقيناها ارضم الجهاز معلومات يستطيع الجهاز حل كافه المشكلات طب المعلومات دي هتخش ازاي؟ بنظام الرموز لغه البرمجه لغه برمجه لغه بلوروج لغه رمزيه كاف اند لف اور لف شرط ل حلو يعني الاجهزه دي بتتكلم لغه غير البشر بتتكلم لغه غير البشر طب علاقه المنطق بالذكاء الاصطناعي اتخانقنا اتقسمنا نصين فريق مؤيد وفريق معارض مين اللي عايز المنطق يدخل علماء المنطق اللي هما مين؟ جون ماكارسي وكوالسكي قال لك لازم المنطق يدخل المنطق شغال الجهاز شغال بنظام اون واوف يبقى نظام ثنائي الجهاز شغال بنظام اللغه الرموز يبقى المنطق لازم يدخل ده مين اللي قال جون مكارسي ا جون ماكارسي وكوالسكي اللي هم علماء المنطق مين اللي رفض الكلام ده علماء السيكولوجي المعارضين قال لك احنا هنعمل اجهزه تحاكي العقل البشري وتحل المشكلات من غير قطعيه وسرامه المنطق متفقين متفقين يبقى لو قال لك اجهزه تحاكي العقل البشري ولها ادراك حسي بتحس وتشعر وتتالم ده المعارض انت عايز جهاز بيشعر ويتالم اه ويطبطب عليا كمان وينشف لي دموعي متفقين متفقين طيب تمثيل المعرفه حاسب بيعمل عمايل الانسان انا كده يا باشا خلصت لك مراجعتك. بصي بقى يا حبيبي صليت بينا على النبي احنا كده عملنا لك الشرح كله على بعضه في ساعه ونص احنا كده شرحنا بس واديتك مفاتيحك بس في ساعه ونص طيب احنا هنتفرج على فيديو الشرح خلاص قسمه بقى على مرتين نص ساعه في نص ساعه في نص ساعه براحتك طب انا عايزه احل ايه رايك هعمل لك فيديو ثاني بس مش مع ده ليه خليه فيديو منفصل ليه ممكن سيادتك انت مش عايز تسمع شرح عايز احل وبس عامله لك فيديو للحل كل التوقعات بقى كلها كل التوقعات والاسئله المحتمله انها تيجي واسئله التقييمات وكل حاجه في فيديو لوحده حبايبنا في كل مكان من اسكندريه لاسوان ومن الساحل للورديان يا رب اكون قدرت اعمل لكم حاجه تساعدكم واشوفك في مسار اداب وفنون سلام