توزيع سكان بلدنا شرح كامل حل الدرس دراسات 4 ابتدائي 2026

ازيكم شباب الصف الرابع الابتدائي عاملين ايه؟ يا رب تكونوا بخير يلا نبتدي المنهج الجديد في الترم الثاني عايز اكد لك وابشرك وافرحك ان الترم الثاني اسهل بكتير من الترم الاولاني الترم الاولاني كنا بنتكلم فيه عن تاريخ مصر وبنتكلم على الجوانب الطبيعيه في مصر الترم ده هنتكلم على الجوانب البشريه في مصر اوكي وطبعا هناخد برده اجزاء من التاريخ وعايز اقول لك ان الوحده الاولى صغيره جدا ثلاث دروس وفي درس كده بيتكلم على دوله والوحده الثانيه اربع دروس وفي الاخر برده هنتكلم على دوله والوحده الاخيره في ثلاث دروس برده زي الوحده الاولانيه وهنتكلم على دوله اوكي طيب يلا نبتدي بقى ونشوف المنهج بتاعنا ونشرح الدرس الاولاني واحده وكمان هنحل عليه عشان ناكد لك على كل المعلومات فلو انت اول مره تشوفنا ما تنساش يا صديقي تشترك في القناه وتفعل زر الجرس عشان يوصلك كل جديد ولو عندك اي سؤال سيبه لنا في الكومنتات ولو عندك راي برده سيبه لنا في الكومنتات احنا بنشوف كل الكومنتات وبنراعي الكومنتات ونحاول على قد ما نقدر ان احنا نعمل اللي في الكومنت اوكي طيب احنا عندنا الوحده الاولى بتتكلم على السكان وقلت لك ان احنا في اخر الوحده الاولى هنتكلم على دوله موجوده في قاره امريكا الشماليه اللي هي دوله كندا خلاص طيب تعال بقى نشرح الدرس الاولاني الوحده الاولى قلنا بنتكلم على سكان بلدنا تمام طيب اول حاجه هنتكلم عليها وهنعرف نعرفها طبعا في الدرس هو توزيع سكان بلدنا ادي جزء وخصائصهم ادي الجزء الثاني من الدرس طيب خلينا الاول في توزيع سكان بلدنا ونعرف كل حاجه عن السكان طيب لازما يا صديقي تعرف ان مصر بتعد سكانها كل 10 سنين دي حاجه لازما تبقى عارفها تمام طيب وا على طول بتعد سكانها بيبقى موجوده في حاجه اسمها الجهاز المركزي للتعبئه العامه والاحصاء مستر ايه الجهاز المركزي للتعبئه العامه والاحصاء ده هو ده اللي بيعرفنا عدد السكان كان في مصر طب بيعرف منين يا مستر؟ اقول لك يا صديقيتي دلوقتي حد اتجوز وبعدين خلف او مراته خلفت يعني طيب اول ما مراته بتخلف بياخد على طول بعض ويروح على حاجه اسمها السجل المدني او اسم الشرطه ان هو يسجل المولود ويكتب اسمه ويبقى ليه شهاده ميلاد اول ما انت بتروح تعمل الحوار ده في السجل المدني خلاص انت بتعملها على الكمبيوتر فبيبعت كل البيانات دي الى الجهاز المركزي للتعبئه العامه والاحصاء ان عدد السكان كده زاد واحد وكل ما واحد يخلف او حد يخلف ويسجل ابنه في السجل المدني كل البيانات دي بتروح للجهاز المركزي للتعبئه العامه والاحصاء فبيقعد يعد الاطفال اللي اتولدت اللي اتولدت اللي اتولدت فيعرف عدد السكان اللي موجوده في مصر تقريبا اوكي اوكي يا مستر طب هو عدد سكان في مصر السنه اللي فاتت اللي هي 2025 وصل قد ايه يا مستر اقول لك ان هو وصل 108 مليون نسمه تقريبا مستر يعني ايه نسمه؟ يعني شخص يعني فرن يعني احنا في مصر كلنا 108 مليون شخص او فرن ده في 2025 يعني الشهر اللي فات خلاص طيب يبقى تعال نشوف بقى بيقول لك يبلغ عدد سكان مصر 108 مليون نسمه ده امتى؟ لعام 2025 طب احنا عرفنا بنيه طبقا لبيانات الجهاز المركزي للتعبئه العامه والاحصاء وانا فهمتك بقى حوار اللي هو الجهاز المركزي للتعبئه العامه والاحصا صا ده خلاص طيب رقم اثنين يختلف عدد وتوزيع وتركيب السكان من محافظه الى اخرى طبيعي يعني انا عارف ان في مصر في كم محافظه خدناها الترم الاولاني 27 محافظه اكيد عدد السكان اللي في محافظه القاهره غير مثلا عدد السكان اللي موجود مثلا في جنوب سينا او شمال سينا طبيعي تمام طيب يبقى هنا رقم اين يختلف عدد وتوزيع وتركيب السكان من محافظه لاخرى وهنعرف يعني ايه توزيع وتركيب قدام اوكي طيب فبيقول لك اول محافظه من حيث عدد السكان في مصر يعني اكت محافظه فيها سكان في مصر طبعا هي العاصمه بتاع مصر اللي هي القاهره يبقى اول او اولى محافظات مصر من حيث عدد السكان هي القاهره طب اقل محافظه فيها عدد سكانها يا مستر اقول لك هي جنوب سيناء فانت تسال نفسك يا مستر هي ليه القاهره اكت محافظه فيها سكان هنحرقها دلوقتي لان القاهره العاصمه فيها كل الحاجات الحكوميه فيها امن عالي جدا فيها التعليم عالي جدا ليه المدارس والجامعات والمعاهد وكل حاجه هتلاقيها في القاهره مش هتلاقيها في حته ثانيه في المحافظات طيب المستشفيات الكبيره برده هتلاقيها في العاصمه اللي هي القاهره فعشان كده معظم السكان في القاهره غير كده معظم المصانع وهكذا موجوده في القاهره طيب لكن لو رحنا عند جنوب سينا جنوب سينا معظمها صحراء ورمال وجبال وهضاب وندر للمياه فعشان كده السكان قليلين فيها خلاص طيب نكمل بيقول لك بقى تعال نتكلم على توزيع السكان في محافظات بلدنا احنا بنقسم محافظات مصر حسب التوزيع الى محافظات مزدحمه السكان مليانه سكان كتيره جدا زي مين بقى؟ زي محافظه القاهره والمحافظه بتاعتنا يا صديق اللي هي الجيزه طيب ليه؟ لانها مزدحمه جدا فيها اكت من 8 مليون نسمه يعني من 8 مليون وانت طالع يعني مثلا القاهره دي تلاقي مثلا فيها 9 مليون او 10 مليون قول يا عم القاهره 10 مليون والجيزه 9 مليون خلاص فهم كده اكت من 8 مليون نسم عشان كده بسميها مزدحمه السكان طيب ومدينا مثال على محافظه مدو زي محافظه القاهره وخدنا الشعار بتاع محافظه القاهره الترم اللي فات اللي هو الجمع الازهر وراه الشمس اللي بتدل ان هو مناره الاسلام وفي القاعده مكتوب القاهره طيب بيقول لك محافظه القاهره حاليا هي اكثر محافظات مصر سكانا طب ليه يعني بما تفسر قلنا بقى بما تفسر يعني ليه طبعا انا حرقتها لك قدام لانها العاصمه يوجد بها الوزارات والمصالح الحكوميه اي ورق عايز تخلصه هتلاقيه في محافظه القاهره طيب وفيها فرص عمل لانها مليانه مصانع يبقى لانها العاصمه ويوجد بها الوزارات والمصالح الحكوميه وتتوافر بها فرص العمل وممكن كمان الخدمات لو عايز تزودها مستر يعني ايه الخدمات يعني احسن مستشفيات واحسن مدارس واحسن اقسام شرطه عشان تحقق لك الامن طيب طب قديما يا مستر كان في حاجه اسمها القاهره اقول لك لا كان في حته من القاهره دلوقتي اسمها عين شمس يعني في حته دلوقتي في القاهره اسمها عين شمس زمان عين شمس دي ايام الفراعنه كان اسمها اون واون دي من اقدم المناطق اللي موجوده في القاهره لانها بقول لك من ايام الفراعنه وون دي كان فيها اقدم جامعه في التاريخ اقدم جامعه في التاريخ ايام المصريين القدماء كانت في اون اللي هي دلوقتي عين شمس في القاهره فهي كانت مركز ثقافي وعلمي وفي صناعات متعدده كده وكان بيتعلموا في الكتابه زمان الكتابه دي كانت حاله مهمه جدا خلاص طيب يبقى بيقول لك قديما احنا كده فهمناها حاليا طب نرجع بقى قديما ايام المصريين القدماء عرفت منطقه عين شمس اللي موجوده في القاهره دلوقت طيب باسم اون طيب بيقول لك ايه بقى عندك سؤال كانت مركز للعلم والثقافه اديني دليل يعني اثبت ان اون دي كانت مركز للعلم والثقافه حيث عمل سكانها بالكتابه والتعليم والصناعات المتنوعه زي ما قلت لك خلاص تمام طيب نخش على ثاني نوع من توزيع السكان وهو السكان المتوسطين يعني عددهم ولا كتير قوي ولا قليل قوي حاجه في الوسط اهو محافظات متوسطه السكان يعني من مليون ل 8 مليون يعني ممكن يبقوا مليون نسمه او 2 مليون او 3 مليون او 4 مليون او 5 مليون او 6 مليون او 7 مليون او سبعه وشوي ماجوش الثمانيه لان من الثمانيه وانت طالع ده القاهره والجيزه خلاص طيب زي مين بقى يا مستر؟ زي محافظه الدقهليه ومحافظه البحيره ومحافظه سوهاج طيب تعالى ناخد مثال من الثلاثه نتكلم عليه هو مديك مثال محافظه سوهاج طيب ومحافظه سوهاج لازما تبقى عارف الشعار بتاعها الشعار بتاعها الملك الفرعوني لابس التاجين التاج الاحمر والتاج الابيض التاج الاحمر بتاع مملكه الشمال والابيض بتاع مملكه الجنوب لما اتوحدوا بقوا وتاج مزدوج لما الملك مينا عرم وحد مصر ايام المصريين القدماء سنه 3200 قبل الميلاد ما علينا يعني خلاص فده هو واحد فرعوني لابس التاجين وتحت مكتوب سوهاك بالعربي والانجلش طيب دي بقى لازما تبقى عارف حاليا انها ايه حاليا يا مستر دي من المحافظات المتوسطه في السكان طيب معظم سكانها بيتركزوا فين في الكره في الكره يعني الناس اللي بتعتمد على الزراعه طب انا هعتمد على الزراعه فين على ضفاف نهر النيل يبقى الترك قذ معظم سكانها فيه الكره على دفاع نهر النيل اهو يعمل معظم سكانها بالايه؟ بالزراعه لكن مثلا لو رحنا مدينه زي القاهره معظم سكانها بيشتغلوا في الصناعه والخدمات اوكي طيب وبيقول لك قليل من السكان يعيشون في المدن يعني لو لو سهاج دي فيها بعض المدن قليل قوي لما تلاقي في المدن هناك سكان كتير خلاص طيب قديما زمان بقى قال لك بقى سهاج دي ايام المصريين القدماء كان اسمها ابيدوس تاني سهان زمان ايام المصريين القدماء كان اسمها ابيدوس وكانوا بيعبدوا فيها معبود يعني ايام المصريين القدماء اسمه اوذوريس اللي هو اله الموتى عند المصريين القدماء ما علينا ما علينا يعني ما تحفظش الحاجات دي يبقى عرفت سهاب قديما باسم ابيدوس طيب سكانها كده شغالين في ايه في الزراعه طب هم مش على ضفاف نهر النيل يا مستر اه يعني في طينه والتينه دي ممكن اخدها اعمل منها ايه اعمل منها فخار طيب كلام جميل طب نيجي نيجي بقى لثالث تقسيمه في توزيع السكان وهي محافظات بص محافظات قليله السكان يعني اقل من مليون نسمه يعني ممكن يبقوا 100000 200000 300000 400000 500000 600000 700000 800000 900900 وشويه خلاص اقل من المليون طب زي مين؟ زي حاجات كتير بقى زي شمال سينا وجنوب سينا والبحر الاحمر والوادي الجديد ومطروح لو تلاحظ ان كل المحافظات دي فيها سحرا وفيها نضره في المياه وهكذا خلاص عشان كده السكان قليلين فيها طب تعالى ناخد واحده منهم كمثال نتكلم عليها فاحنا هناخد الوادي الجديد وده الشعار بتاع محافظه الوادي الجديد بوابه كبيره فيها صوره نخله ومكتوب في القاعده محافظه الوادي الجديد ليه لان محافظه الوادي الجديد دي كنا واخدينها الترم الاول من المحافظات الصحراويه الحدوديه فطبيعي في المناطق الصحراء بينمو النخيل خلاص غير كده انها فيها مشروع توشكا يعني هي مش عليك خلاص طيب وكانت اكبر محافظه في مصر ما تنساش طيب يبقى من محافظات قليله السكان هي الوادي الجديد طب ليه يعني بما تفسر هقول له والله لانها منطقه صحراويه قليله في الميه الحاسبه صح يا مستر طيب تعالى اقول لك على حاجه بقى عموما عشان تبقى فاهمها توزيع السكان ده يعني ايه توزيع السكان يعني السكان بيكتروا فين وبيقلوا فين في الدوله السكان بيقلوا فين في المناطق الصحرا المناطق اللي فيها مستنقعات المناطق اللي فيها امراض المناطق الجبليه والهضبيه يعني الجبال والهضاب اكيد مش هعيش على الجبل او الهضب خلاص الا لو الجو حر في المنطقه دي هعيش على الجبل والهضبه ليه لان كل ما بطلع 150 متر عن سطح البحر بتقل درجه الحراره درجه واحده مئويه فدرجه الحراره بتبقى معتدله ما علينا يبقى احنا بنقل فين في المناطق الصحرا والمناطق اللي فيها مستنقعات وامراض والجبال والهضاء او المناطق البارده قوي طيب طب بنترقص فين يعني السكان بيبقوا كتار فين قال لك على السواحل يعني على البحر او المحيط عشان الجو معتدل وفي صيد اسماك ممكن اشتغل صياد وممكن اشتغل في التعدين او في السياحه وابقى جنب السهول الفايديه يعني جنب الميه العزبه زي الانهار او التربه الخصبه عشان الزراعه كل دي مناطق بتركز فيها وبرده المناطق الصناعيه اللي فيها مصانع عشان اشتغل والاقي فرص عمل والمناطق الخدميه اللي فيها تعليم او صحه او امر دي المناطق اللي بيخطر فيها السكان ودي المناطق المناطق اللي بيقل فيها السكان بشكل عام خلاص طيب تعال بقى نكمل ونخش على ثالثا تركيب السكان تركيب السكان في بلادنا اللي هي مصر ما المقصود بالتركيب السكاني هو تصنيف السكان حسب مجموعات حسب النوع والعمر مستر يعني ايه النوع يعني لا اما ذكر لا اما انثى دي النوع ربنا خالقنا نوعين لا ذكر لا انثى طب يعني ايه العمر لا اما ناس صغيره صغار سن لا اما ناس كبيره شويه يعني شباب لا اما ناس كبيره قوي قوي قوي عواجيز يعني كبار ايه السن خلاص طب تعالى بقى نقسم واحده واحده ونتكلم على واحده واحده طيب تعالى الاول نتكلم على النوع النوع عندي ذكور وعندي اناث طب مين اكت يا مستر في مصر اقول لك الذكور اكت من الاناث بحاجه بسيطه طب ليه هم كام في يا مستر 51.4% طب البنات اللي هم الاناث 48.6% 0.6% يعني الاولاد اكتر بحاجه بسيطه طيب تعال نتكلم على العمر طيب العمر لسه قايل لك صغار السن اللي هم الاطفال والشباب ساعات بنقول عليهم قوه العمل وكبار السن طيب هم صغار السن الاطفال يا مستر قد ايه في مصر اقول لك 31.2% ودي نسبه كبيره للاسف وحاجه وحشه مش حاجه حلوه قوي يعني طيب وهنعرف ايه قدام رقم 2 الشباب الشباب بقى نسبتهم قد ايه يا مستر 62.9 9 يعني قربوا على 63% اوكي طيب اخر حاجه كبار السن اقول لك عددهم قد ايه او كام في يا مستر 5.9% % يعني قربوا على 6% طيب امتى بعرف ان دول صجار السن؟ قال لك اول ما يتولد لحد سن ال 15 او اقل من ال 15 دي سيجار السن او الاطفال طيب من عندك بقى من 15 لحد 64 سنه دول الشباب طيب من 64 بقى وانت طالع وانت طالع بقى لما ربنا يفتكرك بقى وتتوفى دول كبار السن خلاص يا مستر طيب يبقى بالعقل كده مين اكت فئه عمريه موجوده في مصر يا مستر اكيد الشباب لانهم 62.9% 9% يعني قربوا على 63 وهم اكت حاجه بعدين صغار السن بعدين كبار السن كل دي استنتاجات بنقولها قبل ما نشرح اوكي طيب نخش على اللي بعده بيقول لك يختلف بقى التركيب السلكاني بين محافظات بلاد نحاسه طبعا في محافظات فيها شباب اكت من كبار السن والاطفال دي حاجه طبيعي يعني ممكن القاهره وممكن مثلا سوهاج تلاقي سوهاج تلاقي فيها الاطفال اكت لكن القاهره تلاقي فيها الشباب اكتر اكتر طب ده ليه يعني هناك محافظات يكثر فيها الشباب اكتر طب ليه اقول له بسبب وجود فرص عمل لان الشباب هي اللي بتشتغل هي اللي بتروح تشتغل فالمحافظات اللي فيها شباب اكتر اكيد فيها مصانع اكت عشان الشباب بيروحوا يشتغلوا ويكسبوا فلوس ويصرفوا على الاسره بتاعتهم سواء باباه او مامته او لو هو متجوز هيصرف على عياله ومراته صح يا مستر طيب رقم اثنين هناك محافظات تزداد فيها نسبه الاطفال للعكس بقى طب ليه؟ اقول لك بسبب كثره الانجاب ناس لسه عقلها ما ارتقاش يعني ايه ما ارتقاش يعني بتحب الخلفه الكتير تقول لك الطفل بيجي برزقه طب ماشي هو بيجي برزقه هو مش برزق باباه او مامته خلاص ويقول لك ايه ده الخلفه الكتير وانس لا يا حبيبي ده بتبقى اعاله يعني فلوس ومصاريف كتيره قوي على الدوله بتاعتك على البلد بتاعتك وفلوس كتيره برده عليك هتصرف بقى على عيال دي كلها في الصحه والتعليم والاكل والشرب ومش هيبقى في رفاهيه انك تفسحهم مثلا كل اسبوع خلاص يبقى الناس اللي فيهم اطفال اكت ده بسبب ايه بقى؟ كثره الانجاب طب اللي فيهم شباب اكت بسبب فرص العمل ومعظم المحافظات فيهم نسبه من كبار السن بنسب متفاوته خلاص يبقى توجد نسبه من كبار السن في كل الايه المحافظات تقريبا بنسب قليله خلاص طيب تعال نتكلم على ثاني حاجه وهو التركيب النوعي قلنا التركيب النوعي لا اما ذكور لا اما اناث طيب بيقول لك هنا نسبه الذكور ترتفع عن نسبه الاناث بفارض بسيط لسه قايلينها والله يا مستر فوق برافو عليك ليه لان الذكور 51.4% والاناث 48.6% 6% يعني الفرق بسيط طبيعي يعني لسه قايلينها لسهجناها لوحدنا طيب طب بيقول لك ممكن تختلف نسبه الذكور عن الاناث بين محافظه واخرى ليه؟ السؤال ده جميل جدا ركز يعني انا ممكن الاقي محافظه فيها البنات اكت من الولاد والاقي محافظه ثانيه الاقي فيها الولاد اكت من البنات فتسال نفسك سؤالهم ليه يا مستر اقول لك بسبب حاجه اسمها الهجره الداخليه مستر يعني ايه هجره الداخليه يعني لما الشخص يسيب مكان ويروح مكاناني بس جوه الدوله مستر مش فاهم بص انا من محافظه الجيزه مثلا سبت محافظه الجيزه ورحت محافظه القاهره هل انا خرجت بره مصر ولا الاثنين موجودين في مصر الجيزه والقاهره مستر الاثنين موجودين في مصر يبقى دي اسمها هجره داخليه انا سبت الجيزه عشان اشتغل في القاهره واقعد في القاهره دي اسمها هجره داخليه طيب يبقى ا في محافظات فيها البنات اكتر من الولاد وفي محافظ محافظات فيها الولاد اكت من البنات ليه؟ علشان الهجره الداخليه مستر مش فاهم حاجه طب ازاي اصلا وانا مش فاهم حاجه بص يا سيدي هنفترض ان في محافظه اسمها انا قنا وفي محافظه اسمها القاهره القاهره دايما فيها الولاد اكت الشباب يعني وانا هتلاقي فيها البنات اكت فتسال نفسك سؤال ليه لان الشباب اللي في محافظه انا مش عاجبهم الزراعه ومش بيكسبوا فلوس كتير وما فيش خدمات وما فيش تعليم وما فيش صحه كويسه فيقول لك انا هروح بقى للمدن زي القاهره فتلاقي الشباب كلها سابت ان سابت انا وراحت القاهره فالشباب كده قتلت في القاهره الولاد قتلت في القاهره وسابوا البنات في ان بقى فيها البنات اكت لكن القاهره بقى فيها الولاد اكت اللي هي الشباب فهمت خلاص يعني انا بهاجر الهبره الداخليه دي عشان الاقي فرصه احسن ان انا اشتغل خلاص طيب لان احنا ثقافتنا في مصر البنات مش بتشتغل كتير زي الولاد دي ثقافتنا وعاداتنا وتقاليدنا اوكي هي مش حاجه كويسه يعني بس انا بقول لك على الثقافه اللي منتشره في مصر اوكي طيب يبقى كما تختلف نسبه الذكور والاناث بين محافظات واخرى بسبب الهجره الايه الداخليه ده سؤال مهم طيب نتكلم على التركيب العمري بقى بالتفصيل اللي هي صغار السن والشباب وكبار السن واحده واحده بقى ونشوف نفصصهم واحده واحده طيب اول حاجه عندك فئه صجار السند اللي هم الاطفال اللي هم من ساعه ما اتولدوا لحد اقل من 15 سنه طب بيمثلوا قد ايه؟ 1/3 سكان مصر يعني ايه 1ث يعني 1 على 3 يعني بكتب سولس طب 1 على 3 يعني كام في الم حوالي 33% فعلا يا مستر احنا لو رجعنا ل الاطفال فوق نسبتهم بص 31.2 0.2 قريبين قوي من 33% صح يا مستر طيب كلام جميل ومنطقي طيب هل الصغار دول اا هم اللي بيصرفوا على الناس؟ لا يا مستر ده الصغيرين دول ولا بيشتغلوا ولا اي حاجه ده هم اللي محتاجين الرعايه محتاجين بابا وماما ياكلوهم ويشربوهم ويوديهم المدرسه ويصرف عليهم ولو هم عوا يوديهم المستشفى صح يعني كده الاطفال محتاجه رعايه كبيره يعني هي فئه غير منتجه خلاص يبقى الاطفال غير منتجه ليه يا مستر غير منتجه لانها تحتاج الى رعايه كبيره خلاص يعني اهتمام طيب توجد محافظات تزداد فيها نسبه الاطفال ليه في محافظات فيها الاطفال كتير لسه قايلينها علشان في محافظات بتحب تخلف كتير بيتجوزوا بدري يعني البنت بتتجوز وهي 18 سنه والواد مثلا 20 سنه فطبيعي لما تتجوزه بدري هتخلفوا كتير وبيحبوا كمان قسوه الانجاب يقول لك ا الاولاد دول ونسفل بيجي برذره كلها عادات وتقاليد خطا خطا ولازما نتعلم ونتثقف ونعرف يعني ايه تنظيم اسره ويعني ايه اعاله على افراد الاسره واعاله على الدوله مش لازما بقى نفتح مخنا بقى شويه خلاص طيب يبقى هقول له بسبب كثره الايه الانجاب طيب نكمل نشوف فئه الشباب طيب فئه الشباب يمثلوا النسبه الاكبر من سكان مصر وتعدى الفئه العامله والمنتجه في الدوله فعلا هي اكبر فئه ليه؟ لان كان عددها كام يا مستر؟ 62.9% 9% يعني قربوا على 63 هم اكبر نسبه فعلا طيب ودي بنسميها الفئه العامله الشباب هم اللي بيقدروا ينزلوا يشتغلوا في المصانع ويجيبوا فلوس ويصرفوا على الاولاد ويجيبوا لهم اكل وشرب يوديهم المدرسه ولو هم تعبانين يصرفوا عليهم في الصحه ولو ابوهم وامهم تعبانين يعني جده وتيته بيروحوا برده يراعوهم فدي الفئه المنتجه تقدر تنتج تقدر تجيب فلوس تقدر تنزل تشتغل وهكذا خلاص يبقى هي الفئه العامله والمنتجه لكن الاطفال ما تنساش الاطفال غير منتجه طيب كنا واخدين سؤال برده هناك محافظات فيها الشباب كتير ليه اقول له بسبب وجود فرص عمل لان الشباب بيحبوا يروحوا يشتغلوا خلاص فتلاقي الشباب مره واحده راحوا المناطق او المحافظات اللي فيها ايه اللي فيها مصانع وفيها فرص عمل خلاص يبقى بسبب وجود فرص عمل طيب نيجي لاخر فئه وهي فئه الكبار السن طيب دول بيمثلوا نسبه قليله جدا من سكان مصر اللي هم كانوا 5.9% صح طيب 5.9 من في الايه في نسبه قليله جدا جدا جدا طيب اهو يبقى كده بيمثلوا نسبه الاقل من سكان مصر طيب هي فئه منتجه يا مستر زي الشباب ولا زي الاطفال غير منتجه اقول لك لا يا صديقي برده غير منتجه يعني ايه غير منتجه يعني ما تقدرش تنزل تشتغل وتتحرك وتجيب فلوس وتنزل في المصنع تقف وتشتغل وهكذا ده بالعكس محتاجين رعايه صحيه محتاجين بقى اللي يهتم بيهم واللي يوديهم عن الدكتور علشان هم تعبانين وكبروا في السن محتاجين رعايه صحيه ويروحوا عند الدكاتره والمستشفيات صح يبقى هي فئه غير منتجه تحتاج الى رعايه كبيره لانهم كبار في السن خلاص وطبعا متوزعين في كل محافظات مصر بنسب متفاوته يعني ايه نسب متفاوته يعني متغيره خلاص يبقى توجد نسبه من كبار السن في كل محافظات مصر اللي موجوده اللي هم ال 27 محافظه طيب نتكلم على اخر حاجه معانا في الدرس وهي خصائص خصائص السكان اللي هو الجزء الثاني من الدرس مستر يعني ايه خصائص السكان يعني هتكلم على التعليم على الصحه على الشغلانات يعني المهن بتاع سكان مصر اوكي كل ده هنتكلم عليه بس كده في حاجه في الجنب لازما تتعلمها ايه انك تحترم الكبير ده واجب على كل على الجميع كما ان احترام ذو الاحتياجات الخاصه ورعايتهم حق اصيل لهم يعني انت لازما تحترم الكبير وتسمع كلامه وما تغلطش فيه وبرده ذو الاحتياجات الخاصه ذول الاحتياجات الخاصه اللي هم للاسف عندهم مثلا اعاقه سواء اعاقه جسديه او اعاقه ذهنيه او اعاقه بصريه او كلاميه او هكذا دول لازما تهتم بيهم ولازما تحترمهم وليهم الحقوق برده خلاص طيب ده جانب انسالي اصلا خلاص طيب نكمل طيب تتميز كل محافظه بخصائص سكانيه تميزها عن غيرها يعني كل محافظه ليها خصائص غير الثانيه ليه لان كل محافظه غير الثانيه يعني انا لسه قيل لك القاهره فيها مصانع فطبيعي الشغلانات اللي فيها تعتمد على الصناعه لكن لو رحت مثلا محافظه زي الوادي الجديد سحر الصحراء دي ممكن اعمل فيها مشروع زي مشروع توشكا اللي هو زراعه وراعي خلاص اه في الصحراء بنعمل حاجه اسمها مشاريع ان احنا نحاول نعمر الصحراء ونزرع فيها بنحاول خلاص فانت مثلا لو رحنا محافظه صحراويه زي الواد الجديد هتلاقي فيها الزراعه والرعي لكن لو رحنا مثلا زي القاهره هتلاقي فيها مصانع يبقى ايه محافظه صناعيه يبقى ليه كل محافظه بتختلف عن الثانيه في الخصائص حسب البيئه حسب البيئه بتاعتها يبقى تتميز كل محافظه بخصائص سكانيه تميزها عن غيرها ليه بما تفسر يرجع هذا الاختلاف الى طبيعه البيئه التي يعيشون فيها فهمت طيب طب تعال نتكلم على الخصائص واول خاصيه معانا هي التعليم طيب بيقول لك تختلف نسبه المتعلمين من المحافظه لاخرى يعني تلاقي محافظه فيها متعلمين كتير ومحافظه تلاقي فيها متعلمين يعني وسط ومحافظه التعليم فيها بص ما فيش تعليم خالص اميه يعني ولا بيعرفوا يقراوا ولا يكتبوا ولا يحسبوا ولا كل الكلام ده بص فبيقول لك هي مرتفعه في معظم المحافظات يعني التعليم الحمد لله في معظم محافظات مصر اا كويس معظم محافظات مصر فيها تعليم خلاص خاصه محافظه القاهره طب ليه طبعا علشان الاسر الاسره بتهتم بالتعليم يعني بابا وماما مهتمين قوي ان هم يعلموك احسن تعليم خلاص طيب وده نابع عن العقليه والتفكير الصحيح وان انت لازما تتعلم دي حاجه ايجابيه وحاجه مهمه جدا جدا خلاص طيب نيجي لرقم اثنين لنا الخصائص وهي المهن مستر يعني ايه المهن يعني الشغلا ناد خلاص يعني الشغلانات طيب بيقول لك تختلف المهن كلي هي الشغلانات من المحافظه لاخرى حسب النشاط الاقتصادي لسه قيل لك زي مثلا القاهره القاهره بيشتغلوا فين في صناعه والخدمات دي محافظه القاهره طب يعني ايه يا مستر الصناعه انا عارفها طب يعني ايه الخدمات يا مستر الخدمات يعني الصحه فيها دكاتره والتعليم يعني مدرسين او دكاتره في ما هو الدكتور ده اللي في الجامعه بنقول عليه دكتور احنا اصلا ما ينفعش نقول على الناس اللي بتعالجك نقول عليها دكتور المفروض نقول عليها طبيب لكن الدكتور ده اللي بيشرح لك في الجامعه ما علينا يعني يبقى القاهره فيها صناعه يعني مصانع وخدمات يعني ايه خدمات يعني صحه صحه او تعليم او ان اللي هي مراكز الشرطه الناس اللي بتشتغل في الشرطه ظابط الشرطه طيب في بقى محافظات بيعمل سكانها في الزراعه بيشتغلوا في الزراعه خدناها زي محافظه سوهاج اللي هي كان زمان اسمها ابيدوس خلاص طيب في سكان بقى بيشتغلوا في الزراعه والرعي مستر يعني ايه الرعي يعني يربوا حيوانات بتستحمل درجات الحراره نضره المياه شويه زي مثلا المعيز وابل اللي هي الجمال طب مين اللي بيهتم بالضبط الزراعه والرعب زي محافظه الوادي الجديد كنت لسه قايلها في الشرح من شويه خلاص طيب يبقى بتختلف المهن من محافظه الى اخرى ليه يا مستر اقول له حسب النشاط الاقتصادي دي الاجابه بتاعتي ده لو قال لي سؤال بما تفسر طب لو قال لك دلل هقول له بقى حيث نادر في القاهره صناعه وخدمات في سوهاج زراعه وفي الوادي الجديد زراعه ورعايه طيب تعال نشوف اخر حالتين قيم تعلمتها لازما تحترم وتقدر كل مهنه يعني ايه الكلام ده؟ يعني ما تفرقش ما بين عامل النظافه والدكتور مثلا الاثنين ليه دور كبير قوي في الدوله ما هو عامل النظافه ده لو ما نظفش البلد هيبقى فيها زباله والزباله هتجيب تلوث والتلوث ينشر الامراض والدكتور ذات نفسه يجيله مرض وما يبقاش فيه صحه صح فكل واحد دوره مهم كل واحد لازما تقدره كل واحد لازما تحتر احنا عندنا عقليات يعني معلش غبيه ليه غبيه لان احنا بنميز بالحاله الاجتماعيه ده دكتور ده مهندس ده عامل نظافه ده مدرس لا ما فيش الكلام ده كله ليه احترامه وتقديره خلاص طيب اا نكمل اخر حاجه عندنا ايه اللي يحصل ماذا يحدث اذا يعني ايه اللي يحصل لو انت اهتميت بمذاكره دروسك يا صديقي اول حاجه هتجيب درجات كويسه في الامتحانات تمام اهي ثاني حاجه هتكمل الدراسه في المجال اللي انت بتحبه يعني لما تكبر وتخش الكليه هتخش الكليه اللي نفسك فيها اهو الدراسه في المجال اللي تحبه لما تخش الكليه وكمان لما تخلص الكليه وتخش الكليه اللي انت بتحبها يبقى انت هتشتغل الشغلانه اللي بتحبها يبقى ستحصل على مهنه متميزه وكمان مجتمعك وبلدك هيستفيدوا منك وانك تحقق التقدم لبلدك اللي هي مصر كده احنا خلصنا الدرس الاولاني كله يا رب تكون استفدت ولو عندك اي سؤال سيبه لنا في الكومنتات ويا ريت يا ريت وانت بتذاكر ا ماما تبقى معاك او بابا شوف انت بتحب تذاكر مع مين ويبقوا معاك علشان برده بابا وماما لو في حاجه واقعه منك يفهموها من المستر ويوصلوها لك هم بطريقتك اللي انت عايز تفهمها منهم لو انت مش فاهمها من المستر اوكي طيب تعالى بقى نحل شويه على الدرس عشان نثبت المعلومات طيب السؤال الاول بيقول لك يقل عدد السكان بمصر في محافظات مثل اكيد المحافظات اللي فيها صح ونضره في الميه طيب ايه المحافظات اللي فيها سحرا وندره في الميه زي مثلا جنوب سينا او شمال سينا او مطروح او الوادي الجديد او البحر الاحمر محافظه البحر الاحمر كل دي محافظات بيقل فيها السكان طيب السؤال التاني التركيب السكاني هو تصنيف السكان حسب لا نوع ذكر وانثى او العمر اللي هو بقى صبار سن او كبار سن طيب السؤال رقم لاثه تختلف المهن بمصر من محافظه لاخرى حسب الانشطه الاقتصاديه الشغلانات بتختلف في مصر حسب الانشطه الاقتصاديه خلاص طيب تختلف نسبه الذكور عن الاناث في بعض المحافظات المصريه بسبب اه بسبب الهجره الداخليه وشرحناها بقى في الدرس خلاص طيب نيجي للسؤال رقم اين اجب عن الاسئله المطلوبه في اطار الصوره المقابله طيب انت عندك صوره سوهاج وخلاص عرفنا بقى ان ده شعار محافظه سوهاج طيب تعتبر هذه المحافظه وفق عدد السكان من المحافظات المرتفعه ولا المتوسطه ولا المنخفضه مستر دي كانت من مليون ل 8 مليون يعني متوسطه المرتفعه هي القاهره والجيزه بس تمام طيب السؤال رقم اثنين تتمثل الحرفه الرئيسيه لسكان هذه المحافظه في حرفه هم اكت حاجه بيشتغلوا فيها ايه يا مستر؟ الزراعه لانهم على ضفاف نهر النيل وكانوا بيعملوا ايه كمان؟ فخار لو تفتكر بس هو النشاط الرئيسي خلاص هي ايه؟ اهو النشاط الرئيسي خلاص انت هتكتب الزراعه بس خلاص طيب رقم لاثه يتركز سكان هذه المحافظه فين؟ كانوا بيحبوا يقعدوا في المدن ولا في الكره؟ اقول لك يا مستر في الكره عشان بيحبوا الزراعه طيب الكره فين؟ على دف فاصاف نهر النيل يعني جنب نهر النيل عشان الميه العزبه والتربه الخصبه اللي بتساعدهم على الزراعه وصناعه الايه؟ الفخار طيب السؤال رقم لاثه اكتب كلمه صح او غلط ا تمثل فئه كبار السن الفئه الغالبه لسكان مصر يعني كبار السن هم اكت ناس موجوده في مصر ولا كانت الشباب كانت الشباب يا مستر 62.9% 9% يبقى هنا غلط مش كبار السن ده الشباب طيب السؤال اثنين يختلف عدد السكان المحافظات المصريه طبعا صح كل محافظه فيها عدد من السكان مختلف عن الثانيه طيب سؤال ثلاثه يعمل سكان القاهره في الزراعه والرع بتوع القاهره بيشتغلوا في الزراعه والرع طبعا غلط امال بيشتغلوا في ايه في الصناعه والخدمات ماشي طيب نخش على السؤال رقم اربعه بما تفسر يعني ليه بما تفسر اول ما تشوفها تشيلها وتحط كلمه ليه طيب ليه عدد السكان قليل اهو بص بتبص نقراه ازاي ليه اهو ليه عدد السكان قليل في محافظه الوادي الجديد افكر الوادي الجديد يا مستر محافظه صحراويه اه اقول له علشان محافظه صحراويه طب المحافظه الصحراويه دي فيها ايه مناخ قاسي يعني الجو حر وندره المياه ووميه قليله يبقى انت كده اخدت الدرجه كامله طيب بما تفسر يعني ليه ليه مدينه اون مشهوره من زمان هقول له لانها كانت مركز للعلم والثقافه وتعاليم الكتابه والتعليم نفسه وكان فيها صناعات متعدده خلاص طيب نخش على اخر سؤال السؤال رقم خمسه ما النتائج المترتبه على يعني ايه اللي يحصل ايه اللي يحصل لما بتقل الموارد المائيه العازبه في بعض المحافظات المصريه لما يبقى في محافظه فيها الميه العزبه قليله يبقى انخفاض عدد السكان سكان في هذه المحافظه عدد السكان في المحافظه دي هيبقى قليل جدا خلاص طيب السؤال الثاني ايه اللي يحصل لما بيتوفر فرص التعليم في بعض المحافظات المصريه طبعا المحافظات اللي فيها تعليم بيقبل عليها السكان يبقى يقبل عليها السكان والاسر لتعليم ابنائهم يبقى المحافظات اللي فيها تعليم كتير بتلاقي كده السكان مره واحده بيروحوا لها ليه عشان في تعليم كويس والاسره عايزه تعلم عيالها احسن تعليم علشان لما يكبروا يبقوا ناس كويسه في البلد خلاص طيب السؤال رقم 6 ما المقصود يعني عرف عرف التركيب السكاني التركيب السكاني هو تصنيف السكان حسب او وساعات بنسميها مجموعات مجموعات ايه عمريه او نوع النوع اللي هو ذكر وانثى والعمر اللي هي صغار السن والشباب وكبار السن وبكده نكون خلصنا شرح وحل على الدرس الاولاني لو عندك اي سؤال بفكرك تسيبه لنا في الكومنتات ولو اول مره تشوفنا في القناه وفعل زر الجرس واشوفكم على خير يا ابطال الصف الرابع الابتدائي