شرح درس كتابة السيرة الغيرية الصف الأول الإعدادي الكتابة السردية

السلام عليكم ورحمه الله وبركاته ازيكم يا شباب يا رب تكونوا بخير طبعا انت عرفت من عنوان درس النهارده ان احنا هنتكلم عن السيره الغيريه وكنت اخدت الحصه اللي فاتت كتابه سيره ذاتيه شرحناها على القناه تقدر تبقى ترجع تشوفها لو ما شفتهاش قبل ما اشرح لك درس النهارده ايه الفرق بين السيره الذاتيه والسيره الغيريه السيره الذاتيه ان انت بتكتب قصه حياتك انت كلمه سيره في اللغه العربيه اصلا معناها قصه حياه الانسان فانت لو بتكتب قصه حياتك انت زي ما عملنا قبل كده في الحصه اللي فاتت اسمها سيره ذاتيه بتكتب سيره عن ذاتك انت لكن لو في شخصيه انت شايفها ناجحه قوي وكبيره قوي في المجتمع وانت متعلق بيها وعايز تعرف الناس قصه حياتها فبتكتب انت قصه حياتها للناس دي اسمها سيره غيريه زي مثلا قصه حياه النبي صلى الله عليه وسلم لما العلماء كتبوها دي اسمها سيره غيريه واحنا بنقول عليها السيره النبويه زي مثلا ان في شخصيه ناجحه في المجتمع فانت قررت تكتب قصه حياتها فدي اسمها سيره غيريه يا ترى بقى بتتكتب ازاي؟ ايه الحاجات اللي هتركز عليها وانت بتكتب قصه حياه حد غيرك؟ طبعا هتقول الصعوبات اللي واجهته والحاجات المهمه اللي عملها في المجتمع وازاي نتعلم منه بس يا ترى هتكتب ايه ثاني وهنصيغ ده بشكل عامل ازاي ده اللي هنعرفه مع بعض في درس النهارده وفي طالب عنده سؤال ذكي قوي قوي قوي قلقان منه انا هجاوب لك عليه قبل ما نبدا عشان نبدا الحصه وانت مطمن يا مستر انا كل اللي شايل همه لو جاب لي في الامتحان قصه حياه حد انا ماعرفوش هكتبها ازاي؟ ازاي؟ حتى لو انا حضرت مع حضرتك الحصه وعرفت العناصر يعني انا حضرت معاك الحصه وعرفت العناصر بتاعتنا هكتب فيها ايه بس انا ماعرفش حاجه عنه ماعرفش لا اتولد امتى ولا اتولد فين ولا عاش ازاي ولا عمل ايه هكتب قصه حياته ازاي ما تقلقش السؤال ده بالذات انا مجاوب عليه في الحلقه اكت من مره ما تشيلش هم اي حاجه تابع معانا بس الحصه وقول لنا في الاخر يا سيدي فهمت ولا ما فهمتش وطبعا لو اول مره تشوفنا معاك استاذ محمود اشرف من قناه بالضدي نتكلم ما تنساش تشترك في القناه وتفعل زر الجرس عشان توصل لك الدروس كلها اول باول ويلا نبدا الدرس على طول خلينا زي ما احنا متعودين نبدا مع بعض الاول بالعناصر اول عنصر معانا في السيره الغيريه هي المقدمه المقدمه بنكتب فيها ايه بنكتب فيها اسمه ونبذه عنه اسم الشخص ده ايه ونبذه عنه يعني ايه نبذه عنه يعني الشخص ده يا ترى كان مكافح كان بيحب العلم كان مثابر ا بيحب الرياضه تديني بس نظره بسيطه كده في سطر سطر ونص كده تعرفني بيها على الشخصيه بعد كده بتخش على نشئته وطفولته بتقول لي مكان النشاه فين تاريخ النشاه عاش فين اسرته كم فرد تعرف عنهم ايه المدرسه بتاعته ايه الكليه ايه هتقول لي عندي كذا سؤال يا مستر اتفضل يا حبيبي اولا مكان النشاه مش هو عاش فين هقول لك لا انا ممكن اكون اتولدت في حته وعشت في حته ثاني ممكن اكون اتولد ولدت في الجيزه بس قضيت حياتي كلها في اسكندريه او في امريكا او في السعوديه تمام النشاه المكان اللي اتولدت فيه مكان النشاه وتاريخ النشاه اتولدت امتى لكن عشت فين ممكن اكون عشت في مكان ثاني طب السؤال الاول يا مستر السؤال الثاني انا زي ما قلت لحضرتك ممكن اكون عارف العناصر بس ماعرفش حاجه عن الشخصيه يعني انا ماعرفش اتولد فين ولا اتولد امتى ولا عاش فين هو مديني شخصيه ماعرفهاش ما احنا اتفقنا بقى يا حبيبي قبل كده ان في السيره الغيريه مش شرط المعلومات اللي تكتبها هتكون معلومات حقيقيه عن الشخص انت لو في معلومه مش عارفها او لو اغلب المعلومات او حتى كل المعلومات ما تعرفهاش عنه ما تعرفش عنه غير اسمه بقيه المعلومات دي بتكتبها من عندك بتالفها من عندك اهم حاجه احنا نتاكد ان انت كاتب العناصر بتاعتك صح ومكون الموضوع صح وهنطبق مع بعض دلوقتي عملي ونشوف العنصر اللي بعده هي الصراعات والتحديات ايه الصراعات والتحديات اللي قابلت الشخص ده سواء بجد او برده انت مالفها الصراعات والتحديات اللي قابلته في حياته كانت زي ايه مثلا؟ زي ان اسرته كانت فقيره فبالتالي مش قادر يتعلم او كان يتيم ا او كان الناس بتتنمر عليه وبتتريق عليه وعلى شكله او ان اهله رفضوا تعليمه لو بنت مثلا اهلها رفضوا تعليمها ودي كانت حاجه صعبه عليها او ان هو سافر بره فاللغه ما كانش عارف يفهم لغه الناس فتقول لي التحديات اللي قابلته ايه وقدر يتغلب عليها ازاي انه مثلا من اسره فقيره ولكن هو قدر يتغلب على ده ان هو كان بيشتغل بعد المدرسه ويكافح عشان يساعد اسرته في المصاريف انه كان يتيم بس كان بيشتغل برده نفس القصه ان اهله رفضوا التعليم بس هو اعلم من البيت او هي تعلمت من البيت وقدرت تنجح ا قابلته مشكله اللغه لما سافر بس جاب كتيبات صغيره وبدا يعلم نفسه اللغه اول باول وقدر يتعلم اللغه في ثلاث اربع شهور يبقى تديني السرعات والتحديات اللي قابلته في حياته وقدر يتغلب عليها ازاي العنصر اللي بعده انجازاته بقى ايه الانجازات اللي قدر يحققها بتقول ان هو استطاع ان يحقق العديد من الانجازات منها وتقول بقى ان هو كان احسن لاعب كره قدم في مصر والعالم ان هو كان قدر يعمل يعالج الملايين والملايين لو هو دكتور ان هو ساهم في تعليم اجيال لو هو كان معلم على حسب بقى الشخصيه ايه الانجازات اللي عملتها وممكن تكون الانجازات اللي عملتها للوطن ان هو حارب ضد الانجليز او ان هو مثلا ساعد في تقدم البلد على حسب الشخصيه الاثر والتاثير يعني ايه عنصر الاثر والتاثير ده لان اسمه ممكن يكون بالنسبه لك غريب شويه الاثر اللي سابه في الناس التاثير اللي اثره في الناس طب ده انا هكتب فيه ايه سهل خالص والله ممكن تقول ان هو شخص دوت اثر في الناس بان هو ترك بصمه في حياه الملايين من الناس كان مصدر الهام لناساني في نفس المجال ا كان قدوه للشباب يقتدوا بيه ويقلدوه كان رمز للكفاح والنضاف ان انت ازاي تكافح وتناضل تمام كده فانت ممكن تقول حاجه منهم حاجتين ممكن تقولهم الاربعه اللي هو بتتكلم على دكتور او مثلا او لعيب كوره او كده تقول ترك بصمه في حياه الكثير من الشعب المصري وكان مصدر الهام لهم في العديد من الافكار والعديد من الطرق لتحقيق حلمهم وكان قدوه للشباب ورمز للكفاح ان الانسان لا يياس ولا يقف في نجاحه عند حد تمام كده طبعا هنطبق مع بعض عملي ونشوف الكلام ده هنوظفه على الشخصيه ازاي؟ انا بس عايزك تفهم كل عنصر معناه ايه واخر حاجه معانا الخاتمه بتختم بقى بتقول رايك في الشخص ده ايه وملخص ولو تقدر تقول الدوله كرمته ازاي تقول يعني مثلا الدوله كرمته ان هي درست قصه حياته في المناهج او سمت شارع باسمه او ميدان باسمه ا او لو هو شاعر فخلت اشعره تدرس في المناهج الدراسيه على حسب بقى تعالوا نطبق موضوع عملي مع بعض ونشوف هنكتبه ازاي تعالى اقول لك مثلا اكتب لي سيره غيريه عن الطبيب مجدي يعقوب كلنا طبعا عارفين الطبيب مجدي يعقوب هتقول لي بس انا ماعرفش غير ان هو دكتور وانقذ حياه الملايين هقول لك حلو كفايه يا سيدي ان انت عارف ان هو دكتور دي اهم حاجه ماشي تعالى نبدا اول حاجه هنكتبها مع بعض هي العنوان انا عارف ان العنوان انا ما كتبتوش في العناصر الاساسيه يمكن اغلب الكتب مش معتبراها عنصر اساسي مش عارف ليه ولكن احنا مع بعض هنكتبه على جنب كده وهنعتبره عنصر اساسي معانا تبدا الستيره الغياريه بتاعتك بالعنوان تمام ده عنصر اضافي كده اللي احنا حاطينه مع بعض ما تسيبش السيره الغيريه بدون عنوان طب العنوان هيكون ايه؟ اسم الشخص يعني لو هو الطبيب مجدي يعقوب اللاعب محمد صلاح المخترع ا او العالم احمد زويل على حسب الشخصيه فهنا هنقول الطبيب مجدي يعقوب نخش بقى في المقدمه اسمه نبذه عنه هنقول احنا عرفنا ان هو طبيب فاكيد طبيب يبقى ده شخصيه مكافحه واكيد بيحب العلم طبعا لان ده دكتور كبير واكيد الناس كلها نفسها تبقى زيه فهنقول يعد الطبيب مجدي يعقوب احد ابرز جراح القلب في العالم ونموذجا يحتزى به للابداع العلمي والانساني شفت بسيطه ازاي نخش على نشئته وطفلته انا ماعرفش حاجه عنه يا مستر طب تعالى يا سيدي نقول مثلا ان هو في اسره متوسطه الحال ان هو اتولد في محافظه الشرقيه وانه دخل مدارس الحكومه دخل كليه ايه اكيد دخل كليه الطب ما انت عرفت انه دكتور مش هتقول لي دخل كليه كليه تجاره في معلومات كده لازم تفهمها لوحدك وايه بقى دكتور جراح هنقول ولد الطبيب مجدي يعقوب عام 1935 في بلده بلبيس بمحافظه الشرقيه في اسره متوسطه الحال شجعته على العلم والتعليم فتعلم في مدارس الحكومه ودخل كليه الطب ليصبح جراحا نقطه طيب انت بقى ما قلتش اتولد 1935 وقلت اتولد 1940 عادي زي ما اتفقنا المعلومات مش شرط تكون اساسيه لان دي اكت حاجه قلقه الطلبه ومخوفه الطلبه في السيره الغيريه انا افترض اداني شخصيه ماعرفهاش حبيبي بتكتب معلومات من عندك اهم حاجه ان العناصر تكون مطبقه صح واقرا الموضوع الاقيه متكامل وعندي لك سؤال اعرف منه انت طالب شاطر ومتابعنا ولا لا ليه في بدايه كل عنصر انا سايب مسافه اكتب لي اجابتك في التعليقات لو عارف ولو مش عارف كنا عاملين درس هنا اسمه فنون الكتابه السرديه تقدر ترجع تشوفه حاطين فيه الحاجات اللي تساعدك تجيب الدرجه النهائيه في الكتابه السرديه تعالى نكمل الصراعات والتحديات اللي قبلته ايه هنا ممكن نقول ان هو من احنا قلنا فوق انه اسره متوسطه الحال فمش هنرجع نقول ان اسرته فقيره طيب بس ممكن نقول ان الصعوبات اللي قابلته كانت كتير قوي بس هو قدر يتغلب عليها شفت سبت لك الصراعات مفتوحه اهو وان هو ممكن من ضمن الصراعات كمان ان هو واجهه العديد من الانتقادات ناس كتير انتقدته طب تغلب عليها ازاي ان هو خلى ده حافز ليه ان هو ينجح اكت واكتر عايز تقول ان اللغه من ضمن الصعوبات اللي قابلته في حياته وانه قدر يتغلب عليها لانه لما سافر بره كان عنده مشكله اللغه برده ما فيش مشكله فهنقول واجه مجدي يعقوب العديد من التحديات والصعوبات في حياته منها اللغه التي لم تقف عائقا في طريقه كثيرا واستطاع التغلب عليها وواجه العديد من الانتقادات لكنها لم توقفه وكانت حافزا له طيب هل في الحقيقه مجدي يعقوب اصلا كانت عنده مشكله في اللغه اللي انا اعرفه ان مجدي يعبوب ما كانش عنده اصلا مشكله في اللغه ولا حاجه انا قصد احط المعلومه دي عشان اكد لك واطمنك ان مش لازم كل المعلومات اللي تحطها تكون حقيقيه مش هرجع للنقطه دي تاني بقى خلاص انا قلتها كتير بعد كده نخش على انجازاته فاحنا عارفين ان مجدي يعقوب عمل مستشفى القلب حتى لو ماش عارفين المعلومه زي دي هنقول على اي دكتور ان هو انقذ حياه الملايين وعلج الملايين وانقذ الفقراء وعالجهم ببلاش ده دكتور لو عيب كوره جاب الكاس لمصر ورفع اسم مصر عالي بره و وخلى العالم كله يعرف المصريين وجوده المصريين وكفاءتهم لو مخترع قدم للبشريه اختراعات كتيره قدرت تفيد البشريه وقدر يرفع برده اسم مصر بره تمام فهمنا فهنقول وله العديد من الانجازات فقد افتتح مستشفى القلب وعالج الكثير من الفقراء مجانا كما استطاع ان ينقذ حياه الملايين شايف الموضوع بسيط خالص والله قو لي لحد دلوقتي انت الدنيا تمام معاك ولا لا العنصر اللي بعده الاثر اثر والتاثير فهنقول فيه طبعا زي ما اتفقنا ان هو سب بصمه ومصدر الهام للشباب الى اخره ترك مجدي يعقوب بصمه انسانيه وطيبه لا تمحى حيث اصبح مصدرا لالهام جيلا كاملا واصبح رمزا للعطاء والكفاح وقدوه للعديد من الشباب بالمناسبه لو شلت كلمه العطاء دي رمزا للعطاء هتلاقي الجمله دي نفعت على اي شخصيه بقى لو بتتكلم على لعيب كوره فهو ساب بصمه انسانيه ومصدر للالهام للجيل كله وكان رمز للكفاح وقدوه للشباب لو بتتكلم على مخترع هتلاقيها مشيت، لو بتتكلم على مدرس هتلاقيها مشيت، بس ساعتها هتسيب العطاء عادي، لان المدرس بيعطي من اجل الشباب. اا لو بتتكلم على اي شخصيه ناجحه الاثر والتاثير ده ينفع في اي شخصيه، فانت ممكن تحفظ الجمله دي لو عايز وتزود عليها من عندك طبعا لان انا بحب الابداع. الخاتمه هنقول راينا في مجدي يعقوب. طبعا اي شخصيه انت بتتكلم عنها فهي مليون في شخصيه عظيمه. اكيد مش هجيب لك شخصيه فاشله واقول لك اكتب لي قصه حياتها. فهقول ارى ان مجدي يعقوب شخصيه عظيمه نخش على الملخص وما زال مجدي يعقوب يقدم العديد من الانجازات التي تفيد البشريه وقد كرمته الدوله بان حكت قصته في المناهج الدراسيه خلي بالك من حاجه لو الشخصيه لسه عايشه فبتقول ان هي لسه بتقدم لنا العديد والعديد من الانجازات اللي بتفيد البشريه لو الشخصيه توفاها الله هتقول وقد رحل عن عالمنا وترك لنا العديد والعديد من الانجازات دي حاجه من عندي تساعدك يعني برده حابب تستخدمها او لا ده شيء يرجع لك بس هتسهل معاك في الكتاب وهنا احنا قلنا ان الدوله كرامته ان هي خلت قصته تتحكي في المناهج الدراسيه بس كده اظن سهل جدا جدا في شبه كبير من السيره الغيريه ولكن بيختلف في ايه بيختلف في ان هناك بتستخدم ضمائر المتكلم لما بتكتب لانك يعتبر بتكتب عن نفسك فبتقول انا عملت انا سويت لكن هنا بتستخدم ضمائر الغائب فبتقول له بتقول واجه الطبيب مجدي يعقوب اهي هاء الغائب اهي بتقول وقد افتتح مستشفى القلب مين اللي افتتح هو ضمير مستتر تقديره هو يبقى بتستخدم هنا ضمائر الغائب لكن في السيره الذاتيه بتستخدم ضمائر المتكلم وسؤال حلقتنا النهارده لو قلت لك اكتب السيره الغيريه للعالم احمد زويل يا ترى هتكتب ايه في الصراعات والتحديات اللي قابلته هستنى اجابتكم في التعليقات وهصححها بنفسي وطبعا هتلاقي ملف بي دي اف في التعليقات وصندوق الوصف ورقه الشرح هتلاقيها موجوده ومعايا تدريبات على الدرس تقدر تطر تحلها بس درس سهل وبسيط قوي ما فيهوش اي مشاكل اتمنى تكون استوعبته كويس ا اكتب لي في التعليقات الدرس اخباره معاك ايه ولو في حاجه مش فاهمها اكتب لنا برده في التعليقات لو في درس لسه حاسس انه صعب وعايزنا نشرحه لك اكتب لنا في التعليقات وطبعا لو لسه ما اشتركش لحد دلوقتي وفعل زر الجرس عشان توصل لك دروسنا كلها اول باول ابعت الدرس لاصحابك على الواتساب علشان انت تستفيد وغيرك يستفيد ودوس على زر الاعجاب عشان الدرس يوصل لاكبر عدد من الناس واشوفكم في درس جديد ان شاء الله ولو استفدت مننا ولو معلومه واحده ما تنساش تدعي لنا دعوه بظهر الغيب لعلها تكون شفيعه علينا يوم القيامه ان شاء الله والسلام عليكم ورحمه الله وبركاته. ا