شرح درس الحروف التي تكتب ولا تنطق الصف الثاني الإعدادي القواعد الإملائية

السلام عليكم ورحمه الله وبركاته ازيكم يا شباب يا رب تكونوا بخير معاكم استاذ محمود اشرف من قناه بضادي نتكلم ودرس جديد من دروس القواعد الاملائيه وهو درس الحروف التي تكتب ولا تنطق خلي بالك بقى معايا كويس جدا احنا المره اللي فاتت خدنا الحروف التي تنطق ولا تكتب بنطق حروف بس ما بكتبهاش لو ما شفتوش يا ريت ترجع تشوفه مهم جدا وهيفرق معاك جدا طيب النهارده بقى هناخد حروف بيت الكتب بس ما ما بتتنطقش العكس ركز علشان في اولاد بيدخلوا الاسمين في بعض الاولاني تنطق ولا تكتب بنطق الحرف بس ما بكتبوش لكن درس النهارده بكتب الحرف بس ما بنطقوش حروف تكتب ولا تنطق تمام جاهز نبدا شفت الدرس اللي فات وحافظه اسالك سؤال سريع فيه اشوف انت فاهم ولا مش فاهم وذاكرته ولا ما ذاكرتوش اكتب اجابته في التعليقات واصححها بنفسي قو لي كلمه فيها حرف الالف ينطق ولا يكتب وكلمه فيها حرف اللام ينطق ولا يكتب وكلمه فيها حرف النون ينطق ولا يكتب كلمه واحده من كل حرف تمام كده طيب لو انت كتبتهم وزي الفل يلا بقى نكمل الدرس مع بعض طبعا لو اول مره تشوفنا ما تنساش تشترك في القناه وتفعل زر الجرس وتدوس على زر الاعجاب علشان الدرس يوصل لاكبر عدد من الناس يلا بينا درس الحروف التي تنطق ولا تكتب كان اغلب الكلمات بتاعته بتحفظها وتريح نفسك لكن درس النهارده لا محتاج تركيز شويه لان هي مش حفظ على قد ما هي قواعد. طيب اتفضل يا مستر احنا معاكم مركزين. اول حرف معايا من الحروف التي تكتب ولا تنطق هو حرف الالف. جميل طيب ايه الحالات اللي الالف فيها بيتكتب بس ما بيتنطقش؟ اول حاله حرف الالف بعد واو الجماعه في فعل امر او في الفعل الماضي او في الفعل المضارع لو منصوب او مجذوم لانه لو منصوب او مجذوم النون بتكون محذوفه. فبالتالي لو فعل امر ممكن اقول العبوا افهموا اكتبوا تتنطق في الاخر واو اهي بس بنكتب الالف رغم ان الالف دي احنا ما نطقناهاش بس بنكتبها طيب لو كان فعل ماضي لعبوا فهموا كتبوا برض واو جماعه فبالتالي بنحط بعديها الف طيب امال لو كان فعل مضارع منصوب او مجزوم جه قبله ادوات نصب او ادوات جزم لو مش عارف ادوات النصب او الجزم كنا عملنا درس هنا على القناه في شرح فعل الفعل المضارع بالكامل في حالات الرفع والنصب والجزم مجمعينه كله على بعضه في درس كده دسم ساعه الا ربع تقدر ايه في رواقه تروح تسمع فلو فعل مضارع منصوب او مجذوب ممكن اقول لم يلعبوا لن يلعبوا لم يفهموا الى اخره يبقى الفعل المضارع لو اتصل بواو الجماعه في حاله الماضي او الامر او المضارع المنصوب او المجزوم بنحط بعديه الف طب ايه لازمه الالف دي ما دام ما بتتنطقش بنحطها علشان نفرق ما بين الواو الاصليه بتاعه الكلمات اللي هي اصلا اخرها واو وبين واو الجماعه ان دي واو زائده على الفعل مش من اصل الفعل تمام كده طيب الالف امتى تاني بنكتبها وما بننطقهاش في التنوين بالفتح دايما في التنوين بالفتح تحط فتحتين في اغلب الحالات وبعد كده بتحط الالف قلما كتابا ملعبا الالف دي بننطقها لا طبعا ما بننطقهاش طبعا في بعض الحالات بنكتب الالف في التنون بالفتح وبعض الحالات ما بنكتبهاش لو انت عارف اكتب لي في التعليقات لو مش عارف كنا شارحين درس هنا على القناه شرح التنوين بالكامل امتى بنكتب الالف التنوين بالفتحه وامتى ما بنكتبوش برده خليه عندك على رواقه يبقى ارجع شوفه يبقى احنا كده قلنا حاجتين اول حاجه الالف مع واو الجماعه تاني حاجه الالف في التنوين بالفتح بيتنطق بيتكتب بس ما بيتنطقش امتى كمان طيب ركز بقى في تث حاله دي الالف بتتكتب بس ما بتتنطقش في حاله الف الوصل لما بتيجي في نص الكلام يعني ايه مش انت عارف الفرق بين الف الوصل وهمزه القطع لو مش عارف مراجعه سريعه جدا الف الوصل هي الالف اللي في اول الكلمه من غير همزه الملعب الكتاب استفهام تمام همزه القطع الالف اللي في اول الكلام بس عليها همزه سواء من فوق او من تحت طيب سيبك من همزه القطع مش عايزينها في حاجه دلوقتي انا بتكلم على الف الوصل لو كلمه اولها الف وصل جت في نص الكلام الالف دي ما بتتنطقش عشان كده اسمها الف وصل بوصل الكلام ببعضه انا مش فاهم ممكن توضح لي اكتر حاضر كلمه المدرسه المدرسه الالف هنا اتنطقت هتقول لي اه المدرسه ا المدرسه جميل حلو قوي مش دي الف وصل هتقول لي اه الالف ما بيتحطش عليها همزه حلو قوي هات لي بقى كلمه المدرسه دي وحطها لي في نص جمله هتقول ايه ذهبت الى المدرسه خدت بالك الالف ما اتنطقتش ما قلت ذهبت الى المدرسه لا قلت ذهبت الى المدرسه الى المدرسه الالف ماتنطقتش كلمه الحديقه الحديقه الالف دي وصل اه اتنطقت اه الحديقه حطها لي في نص جمله العب مع اصدقائي في الحديقه في الحديقه ما قلتش في الحديقه الالف مالها ماتنطقتش اقول لك كمان اذاكر الان نجحت اليوم شايف الالف ماتنطقتش اهو عشان جت في نص الكلام شايف الالف ماتنطقتش عشان حط حطيت الكلمه في نص جمله لكن لو جت في اول الجمله لا بتتنطق عادي الان الالف اتنطقت اليوم الالف اتنطقت يبقى اقول كمان مره الالف الوصل بتكتب ولا تنطق لو جت في اول الكلمه طبعا بس كانت الكلمه في نص الجمله خلي بالك عشان ممكن اضحك عليك بيها في الاسئله لو في اول الجمله ماليش علاقه بيها خليني اديك مثال وتجاوبه انت في التعليقات سوري يا مايك معلش انفعلت شويه لو قلت العالم اخترع صاروخا العالم اخترع صاروخا يا ترى في هنا الف بتكتب ولا تنطق ولا لا ولا في اكتر من الف ولا هي الف واحده اكتب اجابتك في التعليقات وهصححها انا في اخر الحلقه ركز بقى معايا وانا في اخر الحلقه اقول الاجابه الصحيحه وتشوف انت جاوبت صح ولا غلط اخر حاله معانا من حالات الالف وهي لو جت في كلمه 100 كلمه 100 يجوز ان هي تتكتب من غير ا م همزه ت مربوطه ويجوز ان هي تتكتب بالف بس لو اتكتبت بالف في ناس بتنطقها ما لا غلط هي الالف هنا اتفقنا ان هي تكتب ولا تنطق فانا هنطقها 100 برض طب هي تتكتب كده ولا كده يجوز الاتنين يبقى لو جتلك في الامتحان 100 بالالف اعرف ان دي الف تكتب ولا تنطق خلصنا من الالف نخش على الحرف اللي بعده حرف الواو وده ليه حالتين الحاله الاولى في كلمه عمرو عمرو بيتكتب اخرها واو بس ما بتتنطقش الله طب بنكتبها ليه؟ علشان نفرق في الكتابه ما بين عمرو وعمر هيطلع لي واحد شاطر جدا جدا بيقول لي ما انا بفرق بالتشكيل عمر العين عليها ضمه وعمرو العين عليها فتحه هقول لك يا برنس جميل جدا ولكن ايام العرب زمان الكلمات اصلا ما كانتش بتتشكل ما كانش في تشكيل وقتها فبالتالي كانت الواو تفرق ما بين عمرو وعمر وضحت كده يا نجم يبقى عمرو بواو وعمر من غير واو ماشي ايه كمان عندك بعض الكلمات زي قولوا واولئك واولات الواو دي اللي بالاحمر دي بتكتب بس ما بتتنطقش ما بقولش اولئك لا ما بتتنطقش اصلا وعندي لك سؤال اولو واولئك والات الثلاث كلمات دول فيهم كلمه فيها حرف حرف بينطق ولا يكتب من الدرس اللي فات اني واحده في الثلاث كلمات دول فيها حرف ينطق ولا يكتب وايه هو الحرف اكتب لي اجابتك في التعليقات شغل نفسك معايا انا بحاول ازود لكم في التدريبات وفي الاسئله اللي جوه الحلقه عشان نشوف الناس اللي مصحصحه والناس اللي نايمه فجاوب معايا كده وتفاعل والكلام ده كله انا هصححه بنفسي في التعليقات باذن الله يبقى عرفنا كده الواو امتى في كلمه عمر وفي كلمه اولو واولئك واولات اخر حرف معايا بينطق ولا يكتب ده سهل جدا حرف حرف اللام؟ اللام الشمسيه. لما تجي لي كلمه فيها لام شمسيه واخدينها من اولى وثانيه ابتدائي ان اللام الشمسيه دي بكتبها بس ما بنطقهاش. الطالب التلميذ الثعلب دي من الحروف التي تكتب ولا تنطق بس كده يا شباب برده الملف ده هتلاقيه في التعليقات وفي صندوق الوصف تقدر تحمله وهتلاقي تدريبات على الدرس حملها وحلها وان شاء الله تبقى زي الفل وما فيش حاجه تقف معاك واكتب لنا في التعليقات لو في اي درس حاسس انه صعب ان شاء الله نشرحه لكم في اقرب وقت ممكن وتابع قايمه التشغيل اللي احنا حاطينها بتاعه قواعد الاملائيه سواء انت طالب او مش طالب هتفرق معاك جدا جدا في الكتابه والاملاء الصحيح وقوي نفسك لغويا وقوي نفسك املائيا ولو في اي درس حاسس انه صعب سيبه لنا في التعليقات كان معاك استاذ محمود اشرف من قناه بضادي نتكلم ما تنساش تشترك في القناه وتفعل زر الجرس علشان توصلك دروسنا كلها اول باول وابعت الدرس لاصحابك على الواتساب عشان انت تستفيد وغيرك يستفيد واشوفكم في درس جديد ان شاء الله ولو استفدت مننا في اي درس من الدروس اتمنى تدعي لنا دعوه صادقه بظاهر الغيب اشوفكم في درس جديد والسلام عليكم ورحمه الله وبركاته. ا