دورة الماء الجزء ١ علوم اولى اعدادي

بسم الله حبايبي طلاب الصف الاول الاعدادي باذن الرحمن النهارده هنبدا مع بعض اول جزء في اول درس في الوحده الاخيره الدرس اللي بعنوان دوره الماء يلا بينا نبدا باسهل شرح عايزه اقول لكم بقى مفاجاه ان الحصه دي حرفيا سهله جدا جدا لانك انت اصلا اخدتها قبل كده ومعلوماتها ان شاء الله هتكون عارفها دي بقى البونبونايه كده بتاعه المنهج حصه النهارده بتتكلم عن اهم مورد طبيعي على كوكب الارض وهو مورد الماء خليني اقول لك حاجه كده انا بصراحه من وجهه نظري شايفاها معجزه تعرف ان الميه بتمثل 71% من كوكب الارض ولكن بقى اليابسه بتمثل حوالي 29% من كوكب الارض يبقى كده تقريبا ثلاث ارباع الكوكب ميه والربع بس هو اللي يابس يبقى الميه ميه 71% واليابسه 29 طيب تعالى بقى نشوف الميه بتمثل قد ايه من جسم الكائن الحي نسبه قريبه قوي من نسبه الميه على الكوكب الميه بتشكل حوالي 70% من جسم الانسان يبقى لاث ارباع الانسان تقريبا ميه وثلاث ارباع كوكب الارض ميه 71% من كوكب الارض ميه و70% من جسم الانسان برده ميه طيب احنا كده حبايبي عرفنا ان الغلاف المائي بيمثل 71% من كوكب الارض طيب ال 71% دول او الغلاف المائي عايزين نشوف كم منهم ميه مالحه وكام منهم ميه عزبه قال لك حوالي 97% من اجمالي الميه اللي موجوده على كوكب الارض عباره عن ميه مالحه يعني ايه؟ يعني في البحار والمحيطات والخلجان يبقى 97% من نسبه اجمال الميه على الكوكب ميه مالحه 3% بس ميه عزبه تخيل 3% من اجمالي الميه اللي موجوده على كوكب الارض عباره عن ميه عازبه في الانهار وميه جوفيه وميه مطر يبقى 3% بس عازبه و97% ميه مالحه طيب بما ان بقى حبايبي الميه العزبه دي بتمثل 3% بس من اجمال الميه اللي موجوده على الكوكب عشان كده لازم نحافظ على الميه العزبه ولا لا؟ لازم نحافظ عليها كميتها قليله لما اجي اقول لك مثلا انا مش معايا غير 3 جنيه لاخر الشهر فلازم احافظ عليهم طيب فالميه العزبه نفس الكلام انت من اجمالي الميه كلها اللي على الكوكب انت مش معاك اللي 3% بس عازبه يبقى يبقى لازم فعلا نحافظ عليها ونرشد استهلاكها كمان علشان نضمن استدامتها في المستقبل نضمن حبايب انها تفضل مستدامه معانا شايفين كل كلام اخدناه قبل كده تعالى بقى نشوف حالات الميه ها الميه بتتواجد في كم حاله الحالات الفيزيائيه بتاعه الميه ثلاث حالات حاله سائله اللي هي الميه السائل عادي حاله صلبه اللي هو الثلج الصلب حاله غازيه اللي هو بخار الميه ده اللي بيطلع في الهواء الجوي يبقى سائل صلب غاز ادي الثلاث حالات حبايبي بتوع الميه طيب فاكرين بقى حبايبي لما اخدنا قبل كده ان احنا ممكن نحول الميه من حاله لحاله علشان احول الميه من حاله لحاله من حاله مثلا صلبه لسائله اعمل ايه او من حاله سائله لحاله غازيه اعمل ايه فاكرين عشان حبايبي نحول اي ماده من حاله لحاله فلازم يحصل فقد حراره تبريد يعني او اكتساب حراره اكتساب حراره يعني تسخين طيب فهنا بيقول لي ايه؟ يمكن التحول بين حالات الماء ممكن احول بين حالات الميه بنقط او نقط طاقه حراريه ها بايه او ايه بفقد او اكتساب طاقه حراريه ممكن احول من حاله لحاله بفقد او اكتساب طاقه حراريه انا مثلا حبايبي اهو انا عندي ثلج هنا ركز معايا بقى من اليسار لليمين انا عندي دلوقتي ثلج عشان احول الثلج ده اسيحه اخليه حاله سائله ها اعمل ايه اديله حراره ولا اسحب منه الحراره اكيد طبعا لازم ادي له حراره اخليه يكتسب حراره فيسيح فيبقى حاله سائله يبقى يبقى هنا اكتساب حراره. طيب العمليه دي اللي بيكتسب فيها الثلج حراره علشان يسيح ويبقى ميه. العمليه دي اسمها ايه في العلوم؟ العمليه دي اسمها الانصهار. يبقى الانصهار معناه ان الثلج يتحول من الحاله الصلبه للسائله. انصهار يعني ان الثلج يذوب او يسيح. يسيح يعني ينصهر يعني بيتحول من صلبه لسائله. وده طبعا حبايبي بيحصل باكتساب طاقه حراريه. طيب لو انا عندي شويه ميه وعايزه اخليهم يتحولوا للحاله الغازيه ها ميه سائله عايزه اخليها بخار او غاز في الحاله دي حبايبي الميه ها هديها حراره ولا اخليها طفقه حراره اديها حراره ارح احطها على البوتاجاز هتلاقيها بدات تطلع بخار اهو اديها حراره يبقى هنا الميه لما اخليها تكتسب حراره هتتحول للحاله الغازيه العمليه دي بقى اسمها ايه؟ العمليه دي اسمها تبخر عمليه تبخر ان الميه تتحول من الحاله السائله تتبخر الى الحاله الغازيه طيب كده حبايبي سواء عشان اعمل انصهار او علشان اعمل تبخر الاثنين دول هيحصلوا باكتساب طاقه حراريه لو انت عايز تعمل انصهار تدوب حاجه مجمده كده تدوبها تخليها سايله او لو عايز عايز كمان تبخر حاجه سايله تخليها غازيه كده او بخار لازم تعمل اكتساب للطاقه الحراريه لازم تسخن او تخلي الميه تكتسب طاقه حراريه طيب تعالى بقى العكس لو انا عندي غاز وعايزه احوله لسائل ها اعمل ايه؟ فاكرين حبايبي لما اخدنا قبل كده الغاز اتبرد اتكثف رجع سائل الغاز اتبرد اتكثف رجع سائل الغاز اتبرد اتكثف رجع سائل الغاز اتبرد اتكثف رجع سائل فالغاز حبايبي لما احنا بنبرده يعني ايه تبريد؟ يعني بفقد طاقه حراريه نخليه يفقد الحراره نبرده نسقعه يفقد الحراره اللي جواه الغاز لما بيبرد بيتكثف ويرجع سائل تاني او العمليه حبايبي اللي اسمها تكاثف تكاثف هو ان الغاز يتبرد يعني يفقد حراره طيب لو انا عندي ماده سايله مثلا ميه اهي شويه ميه سايلين وعايزه اجمدهم بروح احطهم في المجمد صح فالميه السايله لما تتحول لصلبه يبقى كده حصل لها عمليه تجمد طيب سواء التكاثف او التجمد تكاثف تجمد الاثنين دول يا حبايبي بيحصلوا بايه بيحصلوا ب فقد طاقه حراريه بالتبريد الغاز اتبرد اتكثف رجع سائل السائل اتبرد اتجمد رجع صلب الغاز اتبرد اتكثف رجع سائل الغاز يفقد الحراره اهو هنا فقد حراره ولكن فوق حبايبي اكتساب حراره الغاز لما بيفقد حراره بيرجع سائل مره ثانيه تاني اني الغاز لما بيفقد الحراره بيرجع لسائل مره ثانيه حبايبي السائل عندك شويه ميه عايز تخليهم صلبين يبقى انت كده هتعمل لهم عمليه تجمد يبقى كده عندنا اربع عمليات فيزيائيه في اول عمليتين بيحصلوا باكتساب طاقه حراريه اهو الانصهار والتبخر وفي عمليتين بيحصلوا بالتبريد او بفقد طاقه حراريه التكاثف والتجمد اهو فقد حراره يعني حبايبي بالتبريد اكتساب حراره ان هم يكتسبوا حراره يعني بالتسخين يبقى بالتسخين بيحصل عمليتين انصهار وتبخر وبالتبريد بيحصل عمليتين تكاثف وتجمد تعالوا بقى حبايبي نشوف استخدامات الميه ياه الميه ليها استخدامات ياما من استخداماتها ان انا ممكن استخدمها في الشرب ممكن استخدمها في الزراعه عشان اروي بيها المحاصيل بتاعتي ممكن استخدمها في النظافه اكيد بنمسح بقى وكده بالميه ممكن استخدمها في الصناعه ما فيش مصنع في العالم بيشتغل بدون ميه ممكن استخدمها كمان في تنظيم درجه حراره الكوكب ليه ازاي الميه بتنظم درجه حراره كوكب الارض علشان بتمتص الحراره من الكوكب اثناء دورتها حبايبي بتنظم لنا الطقس وبتمتص ص الحراره كده وتنظم درجه حراره الكوكب يبقى لما اقول لك ايه هي استخدامات الميه شوف انت بتستخدمها في ايه في حياتك ممكن تستخدمها في الشرب الزراعه النظافه الصناعه تنظيم درجه حراره الكوكب دي من اهميتها طيب عشان بقى اتاكد حبيب قلبي ان انت فهمت الجزء الاول تعالوا بينا نحل الاسئله بتاعته صح ام خطا يمثل الماء نحو 80% من جسم الانسان ها الميه 80% من جسم الانسان ولا 70% من جسم الانسان؟ 70% بس السؤال الثاني عمليه التكاثف عكس عمليه التبخر طيب عشان احل السؤال ده كل اللي انا هعمله التكاثف التكاثف اللي هو ايه الغاز اتبرد اتكثف رجع سائل ادي هي دي حبايبي عمليه التكاثف ان الغاز يرجع سائل العكس بتاعه من قبل ما ابص العكس بتاعه ان السائل يروح يبقى غاز طب السائل لما يبقى غاز العمليه دي اسمها ايه؟ لما سائل يبقى بخار العمليه دي اسمها تبخر يبقى فعلا التكاثف عكس التبخر اهو التكاثف عكسها تبخر بصوا من الاخر تجمد عكسها انصهار تكاثف عكسها تبخر احفظها كده يبقى عكس تجمد عكس حاجه بتتجمد حاجه بتنصهر بتسيح عكس حاجه بتتبخر حاجه بتتكاثف يعني الغاز يتكثف يرجع سائل فهنا عمليه التكاثف عكس التبخر اجابه صحيحه وزود عليها الانصهار عكس التجمد انصهار عكس التجمد والتكاثف عكس التبخر لاثه يوجد الماء في الطبيعه في اربع حالات الميه حبايبي بتتواجد في اربع حالات طبعا غلط في ثلاث حالات بس اربعه يتحول بخار الماء الى الحاله السائله عند فقدان الحراره واحده واحده بخار الميه ده اللي هو الحاله الايه؟ الحاله الغازيه بيقول لك بيتحول للحاله السائله قول انت علشان الغاز يتحول للسائل الغاز اتبرد يعني تبريد يعني فقد حراره الغاز اتبرد اتكثف رجع سائل الغاز اتبرد يعني فقد حراره اتكثف رجع سائل يعني حصل له عمليه تكاثف فيرجع سائل فبيقول لك بقى بيتحول البخار اللي هو الحاله الغازيه دي الى الحاله السائله اهو البخار اتحول للحاله السائله عند فقدان الحراره اه فعلا بالتبريد او بفقد حراره الغاز يتحول لسائل البخار الميه يتحول للحاله السائله اجابه صحيحه ب اكتب المصطلح العلمي وطبعا حبايبي لازم تقعد تحفظ موضوع التكاثف والتبخر ده كويس جدا عشان لو كنت نسيت اكتب المصطلح واحد تحول الماء من الحاله السائله الى الحاله الغازيه بالتسخين الميه تتحول من سائل غاز بالتسخين العمليه دي اسمها ايه احنا اخدنا اربع عمليات تبخر انصهار تجمد تكاثف ها ان السائل يبقى غاز السائل يبقى بخار يبقى دي عمليه التبخر لما السائل يبقى بخار غاز يبقى ده تبخر طيب السؤال الثاني تحول الماء من الحاله الغازيه الى الحاله السائله بالتبريد الغاز يرجع سائل الغاز اتبرد اتكثف رجع سائل يبقى العمليه دي حبايبي اسمها تكاثف مهم جدا الجدول اللي احنا عملناه لازم تحفظ لي الاربع عمليات انصهار عكسها تجمد تبخر عكسها تكاثف وتعرف كل واحده من حاله ايه لحاله ايه تسخين يعني اكتساب حراره تبريد يعني فقد حراره تعالوا بقى حبايبي نشوف العمليات اللي بتنتقل فيها الميه من سطح الارض للغلاف الجوي وترجع مره ثانيه دلوقتي يا حبايبي لو انا عندي مثلا مسطح مائي اهو بيكتسب طاقه حراريه من الشمس وانا لسه قايله ان المسطح المائي او الميه لما تكتسب طاقه حراريه من الشمس يعني هتسخن صح؟ الميه يحصل لها تسخين تسخن طيب يعني الحاله السائله اهو الميه حاله سائله ماشي لما تسخن هتتحول الى الحاله الغازيه طيب لما الميه تتبخر كده من سائله الغازيه يبقى العمليه دي اسمها ايه؟ عمليه تبخر تبخر ان الميه حبايبي تتحول من الحاله السائله للغازيه بالتسخين او يعني باكتساب حراره طيب بعد كده بخار الميه ده اللي طالع لما يطلع بقى بخار الميه اهو يعني حاله غازيه اهو ادي الحاله الغازيه لما يروح يطلع يبرد ها الغاز بخار الميه اتبرد اتكس رجع سائل فيتبرد او يتكثف على هيئه سحب اهو يتكثف على هيئه سحب فالغاز اتبرد اتكثف رجع سائل رجع على هيئه قطرات ميه يا اد جوه السحابه بصوا انا بحاول اتكلم عشان صوت الديك اللي عمو مربيه ده ما يطلعش ما فيش فايده طيب الحاله الغازيه لما تتحول الى الحاله السائله ها الغاز اتبرد اتكثف رجع سائل الغاز اتبرد اتكثف رجع سائل يبقى دي تاني عمليه بتحصل عمليه التكاثف تعالوا بقى بعد كده يا اد لما قطرات الميه جوه السحب تزيد تزيد تزيد تزيد يبدا بقى خلاص كل قطرات الميه دي لما تتقل قوه الجاذبيه الارضيه تشدها تشد القطرات دي بدل ما هي طايره فوق وتنزلها على هيئه مطر هطول مطر ودي ثالث عمليه اللي انا هسميها الهول يبقى ثالث عمليه حبايبي الهطول يبقى الميه اول حاجه الميه السائله لما بتكتسب حراره بيبدا يحصل لها تبخر بعد كده البخار بيطلع فوق يبرد فيتكثف على هيئه سحب ثم بعد كده السحب دي تنزل في هيئه هطول مطر تبخر تكاثف هتطول تبخر تكاثف هطول تبخر تكاثف هطول ميه سائله تتبخر بعد كده البخار يتكثف على هيئه سحب بعد كده السحب دي تنزل وتهطل على هيئه مطر تعالوا بقى حبايبي نشرح كل عمليه من دول بالتفصيل وناخد كمان انشطه عمليه في يومنا نقدر نلاحظ من خلالها عمليه التبخر وانشطه نلاحظ من خلالها التكاثف وانشطه نلاحظ من خلالها هطول المطر يبقى كده حبايبي من خلال التبخر تكاثف هطول الميه بتطلع للغلاف الجوي وترجع هتنزل ثاني تعالوا حبايبي اول عمليه وهي عمليه التبخر ها التبخر دي بتحصل يعني ايه تبخر يعني ان الميه تتحول من الحاله السائله تبقى بخار صح يعني حاله غازيه طيب تحول الميه من الحاله السائله للحاله الغازيه ده بيحصل بفقد حراره ولا اكتساب حراره؟ طبعا ده باكتساب حراره باكتساب حراره بتتحول الميه من الحاله السائله للغازيه واسم العمليه دي ايه؟ لما الميه تتحول من سائل لغاز او لبخار اسمها تبخر طبعا اللي ذاكر الجزء الاولاني هيعرف طيب فالحاله السائله لما تكتسب حراره تسخن تتحول لبخار زي ما انت تحط كده اناء ميه على البوتاجاز يكتسب حراره فيحصل له عمليه تبخر فيتحول من الحاله السائله الى الحاله الغازيه يبقى عمليه التبخر الشمس يا اد بتحرك الميه من سطح الارض للهواء من خلال عمليه التبخر اهو مش انا قلت لك الشمس هنا هي اللي سخنت الميه فحولتها للحاله الغازيه وتطلع الحاله الغازيه في الهواء يبقى الشمس هي اللي طلعت الميه من مكانها للهواء عن طريق انها سخنت الحاله السائله وحولتها لحاله غازيه ينطلق في الهواء تعالى بقى لعمليه التبخر عمليه التبخر حبايبي هي تحول الميه من الحاله السائله للغازيه باكتساب الحراره طيب تعالوا نشوف كده حاجه يعني تبع كتاب المدرسي كوبايتين ميه وحطيتهم الاثنين تحت الشمس بس في واحده غطيتها بسلوفان كده غطيتها بسلوفان وفي واحده سبتها للهواء الطلق بعد يا اد ما نسخن الكوبايتين بنفس مقدار الحراره ها لما بيحصل تسخين حبايبي على الحاله السائله بتبدا تبدا تتحول الى الحاله الايه؟ اسمعه الى الحاله الغازيه فالاثنين دول هيحصل منهم عمليه تبخر طيب البخار اللي هيطلع من الكوبايه ايه دي هيطلع فين؟ هيطلع فوق بقى في الهواء خلاص فهنبدا نلاقي الكوبايه دي الميه فيها بدات تقل تقل تقل مثلا لحد هنا ماشي خلاص الميه وصلت لحد هنا مثلا بسبب ايه انها اتحولت من الحاله السائله للحاله الغازيه باكتساب بحراره طيب الميه اللي في الكوبايه نفس الكلام الميه اللي هي في الحاله السائله اللي فيها هتتحول لحاله غازيه طيب بس الغاز اللي هيطلع هنا هيطلع يخبط في مين ولن في ورقه السلوفان فيتكثف لان ورقه السلوفان تبقى ابرد شويه فيتكثف يا اد ويرجع على هيئه قطرات ميه ثاني الغاز اتبرد اتكثف رجع سائل ينزل على هيئه قطرات ميه ثاني ياد جوه الكوبايه دي فنلاقي ان الكوبايه مهما يحصل تبخر الغاز يطلع يتكثف على ورقه السلوفان يرجع في هيئه قطرات ميه وينزل يتكتر كده مره ثانيه فنلاقي في الاخر ان الميه هنا ما قلتش ليه لان السائل اللي بيتبخر بيرجع يتكاثف ثاني على ورقه السلوفان يبرد يعني ويرجع يتكثف يرجع سائل مره ثانيه ينزل جوه الكوبايه ثاني لكن الكوبايه المفتوحه دي هنلاقيها قلت ليه؟ لان البخار اللي طالع منها ما بيرجعش تاني بيطلع خلاص يمشي في الجو طيب هنا بقى في ملحوظه يعني الملحوظه دي بتقول لك ايه؟ الفرق بين التبخر والغليان ايه ده يا مس هو في فرق بين عمليه التبخر وعمليه الغليان؟ اه يا سيدي عمليه التبخر يا اد دي عمليه بتحصل لجزيئات سطح الميه بس يعني انت دلوقتي لو عندك ميه اهي جزيئات السطح بس هي دي اللي بتتبخر وعمليه التبخر دي بتحصل عند اي درجه حراره يعني بمجرد ما تبدا تسخين ممكن عمليه التبخر تبدا تحصل لسطح الميه لجزيئات السطح بس لكن عمليه الغليان دي بتحصل لجميع جزيئات الميه يعني لما اقول لك دلوقتي الميه بتتبخر معناها ان جزيئات السطح بس هي اللي بتتبخر لكن لما اقول لك الميه بتغلي يبقى كل جزيئات الميه دلوقتي بتبدا تتحرك بيبدا يحصل لها غليان كل الجزيئات يبقى عمليه الغليان بتحصل لكل الجزيئات لكن اللي بتتبخر دي لما سطح الميه بس يطلع بخار كده فالتبخر بتحصل لسطح الميه بس لكن الغليان بتحصل لكل جزيئات الميه في حاجه كمان عمليه التبخر بخر دي حبيب قلبي بتحصل عند اي درجه حراره يعني يا اد بكل اختصار ان ممكن سطح الميه يبدا يتبخر السطح بس عند اي درجه حراره لكن عمليه الغليان علشان الميه كلها تغلي لازم نوصل لدرجه اسمها درجه غليان دي درجه ثابته يا اد لكل ماده ليها درجه غليان ثابته مثلا ميه درجه غليانها 100 فانت لو عايز الميه كلها تبدا تغلي وتبدا كل الجزيئات تتحرك بالمنظر ده لازم توصل لدرجه حراره 100 انا بتكلم على الغليان لازم توصل لدرجه حراره معينه تسمى درجه الغليان دي عامله زي البصمه ما تلاقيش مادتين في العالم ليهم نفس درجه الغليان لكن لو انت عايز تبخر السطح بس تخلي كده جزيئات السطح بس اللي تتحرك فانت كده دي بتعمل عمليه تبخر ودي مش محتاج ان انت توصل لدرجه الغليان دي ممكن حبايبي تحصل عند درجه درجه حراره 10 20 عادي جزيئات السطح بس اللي بتتحرك طيب علل تعد درجه الغليان خاصيه مميزه للمواد النقيه وليس التبخر يعني مش التبخر هو اللي خاصيه مميزه درجه الغليان هي اللي خاصيه مميزه ليه لان درجه الغليان يا اد بتحصل عند درجه حراره معينه لكل ماده كل ماده بيبقى ليها درجه غليان او درجه حراره كده بتبدا الماده كلها جزيئاتها كلها تغلي هنقول لان درجه الغليان بتحصل عند درجه معينه لكل ماده لكن التبخر بيحصل عند اي درجه حراره عادي ممكن يحصل تبخر عند 10 درجه 10 ممكن عند درجه 20 ممكن عند درجه 30 فالدرجات مختلفه لكن يا اد درجه الغليان كل ماده ليها درجه غليان محدده ثابته خاصيه مميزه للماده عشان كده درجه الغليان هي اللي خاصيه مميزه وليس درجه التبخر لان كل ماده لديها درجه غليان مميزه ليها بينما التبخر بتحدث عند اي درجه حراره تعالوا بقى حبايبي نشوف ازاي معدل التبخر معدل التبخر بيختلف في المناطق القطبيه عن المناطق الاستوائيه اولا في المناطق الاستوائيه اللي هو عند خط الاستواء الشمس بص يا اد اشعه الشمس بتسقط مالها؟ بتسقط عموديه صح يبقى في المناطق الاستوائيه اشعه الشمس بتسقط عموديه على المنطقه فتلاقي كل اشعه الشمس متركزه على المنطقه دي بس تخيل ان الشمس كلها مثلا تبقى فوق بيتك انت هتبقى الدنيا عندك عامله ازاي؟ تبقى الدنيا حار ليه؟ لان الشمس كلها متركزه على المساحه الصغننه دي لما الشمس حبايبي بتنزل عموديه سقوط اشعه الشمس عموديه يؤدي الى توزيع الاشعه كلها على مساحه صغننه تخيل اقول لك الشمس كلها سايبه مصر كلها وجايه متركزه عند بيتك انت ها مساحه صغيره يبقى تركيز كبير الشمس مركزه عليك يبقى لان الشمس حبايبي نازله عموديه اهو اول حاجه بتسقط عموديه فتتركز على مساحه اقل فبالتالي لما الشمس تتركز على المساحه الصغيره دي الدنيا هتبقى ولعم فيزداد تركيز الشمس يبقى كده تركيز الشمس زياده يبقى درجه الحراره هنا هتبقى عامله ازاي؟ ول عند خط الاستواء بقى في المناطق الاستوائيه فتزداد درجه الحراره طب لما درجه الحراره تزيد ها المسطحات المائيه اللي هنا هيحصل لها ايه؟ حراره زياده فهتبدا تتبخر فيزداد معدل التبخر يبقى كده حبايبي في المناطق الاستوائيه اول حاجه الشمس بتسقط عليهم عموديه لما الشمس تسقط عموديه هتتوزع على مساحه كبيره ولا صغيره؟ تتوزع على مساحه اقل بص بقى المساحه عكس التركيز المساحه عكس التركيز مساحه صغننه لما الشمس تنزل كلها على مساحه صغيره كده فالتركيز بتاعها هيبقى كبير فيزداد تركيزها فدرجه الحراره يحصل لها ايه هناك ترتفع درجه الحراره وبالتالي طالما الحراره عاليه فمعدل التبخر هيبقى عالي يبقى الشمس حبايبي لما تسقط عموديه تتوزع على مساحه صغيره المساحه عكس التركيز فتركيزها يبقى كبير فبالتالي درجه الحراره عاليه فيزداد معدل تبخر العكس تماما عند القطبين العكس تماما اهو ان الشمس بتسقط مايله بصوا الشمس بتاخد ميل يا اد طالما الشمس مائله بالمنظر ده فبتتوزع على مساحه كبيره شفتوا بدل ما كانت الشمس كلها في الحته دي بس عموديه لا الشمس اتوزعت على مساحه كبيره على كوكب الارض طيب الشمس عند القطبين بتتوزع على مساحه كبيره ليه؟ لانها بتسقط مائله اهو الشمس بتسقط مائله فتتوزع على مساحه كبيره طالما اتوزعت على مساحه كبيره المساحه عكس التركيز فتركيزها يكون اقل اهو يقل تركيزها تركيز الشمس يقل فنلاقي الدنيا هناك بقت برد صح انخفضت الحراره ما هو الشمس تركيزها مش عالي تركيزها قليل الحاره متوزعه على منطقه كبيره فبالتالي يقل التركيز فتنخفض درجه الحراره هناك فلذلك نلاقي مناطق القطبين ساقعه يا اد فبالتالي يقل معدل التبخر ما هو ما فيش حراره كتير فمش هيحصل تسخين وتبخر كتير طيب كده حبايبي نقدر نقول ان احنا تقريبا عرفنا حاجات كتيره عن التبخر عرفنا كمان معدل التبخر في المناطق الاستوائيه بيبقى اعلى بكثير المناطق القطبيه الساقعه ما بيبقاش فيها تبخر كتير لان التبخر محتاج حراره عشان الميه في الحاله السائله تتحول لحاله غازيه ادي ده كده التبخر تعالوا بقى ندخل على التكثف خلاص التبخر ان الميه السائله تتبخر او تتحول لحاله غازيه بالتسخين او باكتساب حراره من الشمس ايه بقى هي عمليه التكاثف دي التكاثف يا اد الغاز اتبرد اتكثف رجع سائل الغاز اتبرد اتكسف رجع سائل يبقى الغاز يعني حاله غازيه بالتبريد يعني بفقد حراره الغاز اتبرد اتكثف رجع سائل يعني حصل عمليه تكاثف تكاثف ان الغاز يتحول من الحاله الغازيه بتاعته الى الحاله السائله الغاز يرجع سائل مره تانيه ادي هي دي حبايبي عمليه التكاثف طيب تعالوا نشوف التجربه الجميله دي طبعا حبايبي احنا عارفين ان في في الهواء بخار ماء كل الهواء اللي حوالينا مليان بخار ميه طيب بخار الميه ده احنا قلنا بخار الميه اللي هو الحاله الغازيه اهو ده بخار ماء بخار الماء ده لو فقد حراره برد لو برد ما هو الغاز اتبرد لو برد او فقط حراره هيتحول لسائل فبخار الميه اللي طالع ده لو وقع على سطح ساقع وبارد مليان ثلج زي كده ها غاز اهو الغاز او بخار الماء لو وقع لو طلع كده مشي على سطح بارد زي سطح الكوب كده اللي فيه مكعبات الثلج ها هيحصل له ايه؟ هيفقد حراره بخار الميه اللي في الهواء هيجي هنا يفقد حراره يبرد يعني عشان واقع على سطح بارد ومتلج كده فيتكاثف الى سائل ففجاه يا اد نلاقي زي في قطرات ميه كده على الكوب من بره ليه؟ لان البخار اللي موجود في الهواء لما لمس الكوبايه الساقعه اتكاسف اتبرد فتكاسف فرجع لسائل على هيئه قطرات ماء طيب كده عرفنا عمليه التبخر وعمليه التكاثف تبخر يعني الحاله السائله تتحول لحاله غازيه التكاثف ان الحاله الغازيه ترجع للحاله السائله او يعني البخار اللي طالع يتكثف على هيئه قطرات ماء جوه السحب اهو الغاز اللي طالع يروح على هيئه قطرات ميه بالتبريد اخيرا بقى حبايبي الهطول ان قطرات الميه جوه السحب تزيد تزيد تزيد فتبقى ثقيله فتقوم الجاذبيه ساحباها على هيئه هتطول مطر طيب خليني اقول لك ان الميه بتتحرك على كوكب الارض في نظام مغلق يعني اهو تبخر، تكثف، هطول، نظام مغلق. تعالوا بينا بقى نحل الاسئله. السؤال الاول بيقول لك اكمل اكمل العبارات الاتيه. واحد تغطى المياه نحو نقط من سطح الارض. الميه حبايبي بتغطي قد ايه من سطح كوكب الارض؟ 71% من سطح الكوكب. لكن اليابسه 29% بس من سطح كوكب الارض. 2 يتحول الماء من الح من حاله الى اخرى من خلال نقط او نقط الطاقه الحراريه الميه بتتحول من خلال فقد او اكتساب طاقه حراريه لاثه عندما تكون اشعه الشمس عموديه لما الاشعه تسقط عموديه على منطقه ده هيعمل ايه في درجه حراره المنطقه الشمس نازله عموديه متركزه ز عليهم كده في مساحه صغيره المساحه عكس التاثير مساحه صغننه تاثير كبير فنلاقي الدنيا حر موت عندهم فتتسبب في ارتفاع درجه الحراره ولو في كمان مسطحات مائيه معدل التبخر فيها هيبقى عالي اربعه بيقول لك يشكل الماء العزب نحو نقط من نسبه الميه اللي على سطح الارض كام في الممال اليه الميه ميه عازبه 3% بس ب علل معدل التبخر في المناطق الاستوائيه اكبر من المناطق القطبيه ليه المنطقه الاستوائيه اللي الدنيا فيها بتبقى حر معدل التبخر فيها اكتر هنقول لان في المناطق الاستوائيه يلا قو لي بقى الشمس بتسقط مالها بتسقط اهو الشمس عموديه طيب لما الشمس حبيب قلبي تسقط عموديه عليهم هتتوزع على مساحه كبيره ولا بتتوزع على مساحه صغننه؟ طالما عموديه كده فتتوزع على مساحه صغيره والمساحه عكس التاثير فبالتالي تاثيرها بيبقى كبير فبالتالي هنقول يزداد تاثيرها لما تاثير الشمس يزيد فترتفع درجه الحراره يا اد ويزداد معدل التبخر كل ما ارتفعت الحراره زي اللي في المناطق الاستوائيه كده بيزداد معدل التبخر. تعال بقى للسؤال الثالث ده. السؤال ده علشان نفهمه لازم نركز. تعال اشرح لك الاول الرسمه وبعد كده نشوف الاسئله. بصوا حبايبي انا عندي هنا اهو كاس في ميه درجه حرارتها 70 يعني سخنه مولعه. اللي في ميه درجه حرارتها 70 ده فسطح الميه ده ممكن ان هو يتبخر. طيب لما بيتبخر بيطلع لفوق كده البخار ده يطلع لفوق يلاقي بارد يلاقي سطح بارد لان ده حوض ميه درجه حرارته 15 فيلاقي ده ابرد شويه يبقى ده اسخن لكن ده ابرد شويه البخار حبايبي لما يطلع ها بصوا البخار لما يطلع لفوق يلاقي سطح بارد الغاز اتبرد البخار اتبرد اتكسف فراجع سائل فيرجع ينزل على هيئه قطرات ميه ثاني ليه؟ علشان برد بيقول لك بقى ايه اللي ممكن نعمله علشان نقلل كميه قطرات الميه يعني ايه اللي ممكن نعمله علشان نقلل عمليه التكثف شويه مش عايزين بخار يطلع يخبط يبرد ينزل مش عايزين ده يحصل هنعمل ايه نضيف مكعبات ثلج للحوض طب ما انت لو ضفت مكعبات ثلج ده هيكون ابرز وابض صح ده كده هيكون ابرد وابد فالتكثف هيحصل اسرع وتلاقي البخار اللي طلع كله برد بسرعه ونزل فاضافه مكعبات الثلج مش هينفع مش هيقلل التكثف اللي بيحصل طيب اضافه ميه درجه حرارتها 50 للحوض ايوه ثانيه واحده لو انت هنا ضفت ميه درجه حرارتها 50 فهنا الدنيا بقت سخنه اهو ده انت كده هتسخن فوق يعني الفرق مش هيبقى كبير البخار لما يطلع من تحت هيطلع مش هيلاقي سطح بارد هيلاقيه سطح ساخن ما انت حطيت درجه حراره 50 فلما يلاقي سطح سخن هل البخار لما يلاقي سطح سخن بيتكثف لا طبعا فاي هي دي بقى اللي هتقلل عمليه التكاثف يبقى انت لو سخنت الحوض اللي فوق ده على طول خلاص شكرا على كده البخار لما يطلع من تحت مش هيلاقي سطح بارد يخبط فيه عشان يتكثف على هيئه قطرات. طيب بيقول لك اضافه ميه درجه حرارتها 70 للكاس. لا بالعكس ده انت لما تضيف هنا ميه 70 وده لسه بارد زي ما هو هيفضل يطلع بخار اكتر ويتكثف اكتر واحنا مش عايزين كده احنا عايزين نقلل التكاثف عايزين نقلل ان البخار يتكثف على سطح بارد وينزل على هيئه قطرات فده مش هينفع اضافه ميه درجه حرارتها 100 للكاس برده مش هينفع احنا كده عملنا سخن اكتر كل ما هنسخن في الكس اللي تحت ده اكتر البخار هيطلع اكتر يتكثف على السطح البارد وينزل على هيئه قطرات ميه يبقى الاجابه هنا ان انا اسخن اللي فوق اسخن اللي فوق ليه علشان لما البخار يطلع من تحت يطلع ما يلاقيش حاجه بارده يتكثف عليها وبكده اقلل عمليه التكثف او اقلل يعني تكثف البخار اللي طالع على هيئه قطرات ميه ب ماذا يحدث عند وضع اناء به كميه من ماء في ضوء الشمس لفتره من الزمن زمن ها اناء ميه قدام ضوء الشمس لفتره من الزمن ايه اللي هيحصل؟ الماء يكتسب طاقه حراريه اهو يكتسب طاقه حراريه من الشمس ويتحول من الحاله الايه للايه الميه دي ويتحول من الحاله السائله الى الحاله الغازيه السؤال الثاني اذكر بعض استخدامات الميه في حياتنا لا ده كتير بقى ده بقى سؤال الحلقه منتظره اشوف شوف اجابته في الكومنتات وبس كده خلصت الحصه اشوفكم الحصه الجايه على خير في اخر جزء في درس دوره الماء توحشوني والسلام عليكم ورحمه الله وبركاته