المرايا الدرس الأول الوحدة الثانية علوم الصف الثالث الإعدادي الترم الأول 2026 تالتة اعدادي علوم

اكيد حصل لك قبل كده انك وقفت قدام مرايه وشفت صوره وشك بوضوح تام او في يوم من الايام نزل مطره في الشارع فبدات تشوف انعكاس للاجسام او بمعنى اصح صوره المباني والشجر موجوده على سطح الميه وده اللي بنسميه انعكاس الضوء طيب يعني ايه انعكاس الضوء وبيحصل ازاي ده اللي هنعرفه في درس النهارده المرايا درس المرايا اهم درس موجود عليك في ثالثه اعدادي ولو انت فهمت درس المرايا هتفهم الدرس اللي جاي اللي هو العدسات نخش في الموضوع على طول نخش في الموضوع وعلشان الدرس ده مهم فاحنا هنقسم الدرس ده على ثلاث فيديوهات يعني بمعنى اصح هنشرح المرايا في ثلاث فيديوهات وده طبعا هيكون اول فيديو فيهم والفيديوهين الثانيين ان شاء الله هينزلوا بعد ده على طول اول حاجه بيبتدي بها درسنا انعكاس الضوء المشاهد اللي انت شفتها دي بتحصل بسبب انعكاس الضوء يعني لو عندي سطح مسقول وطبعا كلمه مسقول دي خدناها السنه اللي عدت اللي هو سطح املس كده ما فيهوش تعرج وما فيهوش خدوش ما فيهوش اي حاجه سطح مسقول زي المرايه او بنسميه سطح عاكس لان المرايه بتعكس الضوء فالسطح المسقول او السطح العاكس ده لو انت وقفت قدامه هتشوف صوره نفسك وده بسبب ان انت عندك مصدر ضوئي المصدر ده ممكن يكون الشمس ممكن يكون كشاف ممكن يكون فلاش موبايل ممكن يكون لمبه فشعاع الضوء بينزل ينزل على وشك وبعدين يخبط في المرايه ويرد لوشك ثاني فانت تشوف وشك ثاني واحده الشعاع الضوء بينزل على جسمك او على وشك وبعدين في شعاع ضوء بينعكس من وشك على المرايه وبعدين بيرتد اني لعينك فانت بتشوف صوره نفسك نفس الكلام السطح المسقول ده مش شرط يكون مرايه ممكن يكون ميه يعني لو في مطر كده نزل على الرصيف هتلاقي الميه الساكنه دي بتكون صوره للاجسام المحيطه بيها زي المباني والشجر هتلاقي في ريفلكشن او انعكاس للاجسام اللي موجوده حوالين الرصيف كل ده بيحصل بسبب ان الضوء بينعكس طيب انعكاس الضوء ده معناه ايه او تعريفه ايه انعكاس الضوء هو ارتداد اشعه الضوء الضوء بيخبط في جسمه وبعدين يرتد يعني ينعكس زي ما انت بتكون قدام المرايه فالضوء بيخبط في وشك وبيرتد بيرتد على المرايه وبعدين يرجع لوشك تاني ارتداد اشعه الضوء الى نفس وسط السقوط هو سقط على وشك بيرتد على المرا وينعكس تاني عندما تقابل سطحا عاكسا طبعا احنا خدنا السنه اللي عدت درس كده اسمه انعكاس وانكسار الضوء في درس انعكاس وانكسار الضوء عرفنا ان الضوء بيمشي في خط مستقيم الى ان يخبط في سطح عاكس فينعكس او يلاقي وسط شفاف فينفذ من خلاله او ينكسر فطبعا لو انت عايز تنعش الذاكره بتاعتك في التعليق المثبت ان شاء الله هسيب لك رابط درس انعكاس وانكسار الضوء لو انت حابب يعني تاخد باسطه كده عليه علشان ترجع ذاكرتك في انعكاس الضوء يبقى مره اخيره علشان ما انتهش من بعضينا انعكاس الضوء هو ارتداد اشعه الضوء لنفس وسط السقوط عندما تقابل سطحا عاكسا السطح العاكس ده ممكن يكون مرايه ممكن يكون اي سطح مسقول زي الميه الساكنه او اي حاجه بعد ما فهمنا انعكاس الضوء تعالوا نشوف المفاهيم الاساسيه اللي مرتبطه بالضوء وبالمناسبه الاربع مفاهيم اللي احنا هناخدهم هم هم بالضبط اللي احنا خدناهم السنه اللي عدت اللي هم الشعاع الضوئي الساقط والشعاع الضوئي المنعكس وزاويه السقوط وزاويه الانعكاس تعالوا بينا نشرح على الرسم وبعدين نستنتج التعريف اول حاجه احنا هنجيب جهاز اسقاط ضوئي يعني ايه جهاز اسقاط ضوئي اي جهاز بيطلع ضوء كشاف فلا لاش ليزر مثلا وبعدين نعمل اسقاط ضوئي يعني ايه اسقاط ضوئي يعني نطلع من الليزر اللي معانا ضوء فالضوء اللي طالع من الليزر ده اسمه شعاع ضوئي ساقط لان هو هيسقط على سطح عاكس طبعا الضوء زي ما قلنا بيمشي في خطوط مستقيمه الى ان يخبط في سطح عاكس فينعكس او يخبط في سطح شفاف فينفذ من خلاله فطبعا احنا هيكون معانا مرايه اللي هو السطح العاكس فالشعاع الضوئي الساقط بعد ما يسقط على السطح العاكس هيبدا يبدا ينعكس فالشعاع اللي منعكس ده اسمه الشعاع الضوئي المنعكس لان هو بينعكس وتعالوا بينا بقى نوضح المفاهيم اول حاجه احنا بنرسم عمود مقام العمود المقام ده علشان يعمل لي زاويتين زاويه السقوط وزاويه الانعكاس وتعال افكرك ان العمود المقام ده بيكون عمود قائم يعني الزاويه بتاعته 90 وبعدين بيكون في عندي نقطه اسمها نقطه السقوط نقطه السقوط دي النقطه اللي بتلمس الشعاع الضوئي الساق والشعاع الضوئي المنعكس والعمود المقام والسطح العاكس نفسه كل دول بيتجمعوا في حته اسمها نقطه السقوط او ممكن تسميها نقطه الالتقاء النقطه اللي كلهم بيتجمعوا عندها ولكن الاسم العلمي ليها نقطه السقوط تعالوا بقى نشوف التعريف اول حاجه الشعاع الضوئي الساقط ده عباره عن ايه عباره عن شعاع سقط على سطح عاكس على المرايه وكان بيلامس السطح العاكس عند نقطه السقو قوط ركز معايا نقطه السقوط دي هي النقطه اللي كل حاجه بتلمس فيها العمود المقام والشعاع الضوئي الساقط والمنعكس كلهم بيلمسوا نقطه السقوط يبقى تعريف الشعاع الضوئي الساقط هو الشعاع الضوئي الذي يسقط على السطح العاكس ويلامسه عند نقطه السقوط طيب بالنسبه للشعاع الضوئي المنعكس هو شعاع ضوئي نفس تعريف الشعاع الضوئي الساقط ولكن بدل ما هو بيسقط هو بيرتد او بينعكس يبقى هو الشعاع الضوئي الذي يرتد سد عن السطح العاكس وبرده بيلامسه عند نقطه السقوط طيب بالنسبه لزاويه السقوط بكل بساطه زاويه السقوط هي زاويه محصوره او موجوده كده ما بين الشعاع الضوئي اللي سقط والعمود المقام من نقطه السقوط على السطح العاكس زاويه السقوط هي الزاويه اللي موجوده اللي محصوره ما بين الشعاع الضوئي اللي سقط ما هي زاويه سقوط يبقى هي محصوره ما بين الشعاع الضوئي اللي ساقط والعمود المقام من نقطه السقوط على السطح العاكس زاويه الانعكاس نفس التعريف ولكن هي الزاويه المحصوره ما بين الشعاع الضوئي المنعكس ما هي زاويه الانعكاس فهي الزاويه اللي محصوره ما بين مين ومين ما بين الشعاع الضوئي المنعكس والعمود المقام من نقطه السقوط على السطح العاكس طيب السؤال في الجزئيه دي بيجي ازاي اقول لك والله اشهر سؤال بيجي على الجزئيه دي سؤال ما معنى ان لو قال لي ايه معنى ان زاويه سقوط شعاع ضوئي بتساوي ساوي 40 درجه طيب ما دام هو طالب مني زاويه السقوط اكتب له تعريف زاويه السقوط هي الزاويه المحصوره ما بين الشعاع الضوئي الساقط والعمود المقام من نقطه السقوط على السطح العاكس هتساوي ال 40 درجه اللي هو مديها لي طب هو لو قال لي تساوي 50 درجه اكتب له 50 60 اكتب له 60 طيب ناخد مثال كمان لو قال لي ايه معنى ان زاويه انعكاس شعاع ضوئي تساوي 35 درجه معنى ان الزاويه دي ب 35 ودي زاويه انعكاس اكتب له تعريف زاويه الانعكاس هي الزاويه اللي محصوره ما بين الشعاع الضوئي المنعكس ما هي زاويه انعكاس هتبقى زاويه محصوره ما بين الشعاع الضوئي المنعكس والعمود المقام من نقطه السقوط على السطح العاكس هتساوي ال 35 درجه لحد كده وكلام جميل وسهل وكلام برض احنا خدناه برده من ضمن الحاجات اللي احنا خدناها السنه اللي عدت قانون انعكاس الضوء طبعا انعكاس الضوء ليه قانونين اول قانون ان زاويه السقوط بتساوي زاويه الانعكاس يعني ايه الكلام ده؟ يعني لو زاويه السقوط ب 40 زاويه الانعكاس ب 40 زاويه السقوط ب 30 الانعكاس ب 30 لازم الزاويتين يكونوا متساويين وده اللي هنشوفه في المسائل على فكره كمان شويهاني قانون بيقول لي خلي بالك الشعاع الضوئي الساقط والشعاع الضوئي المنعكس والعمود المقام من نقطه السقوط على السطح العاكس مالهم دول بقى كلهم موجودين في مستوى واحد وشرط يكون عمودي ركز معايا لو المرايه بتاعتي او السطح العاكس مايل بزاويه القياس بتاعنا مش هيطلع مظبوط زاويه السقوط مش هتساوي زاويه الانعكاس وممكن ما تكونش صوره اصلا فعلشان كده الشعاع الضوئي الساقط والشعاع الضوئي المنعكس والعمود المقام كل دول بيكونوا في مستوى واحد عمودي على السطح العاكس اللي هو على سطح المرايا يعني زي ما انت شايف في الصوره اللي قدام قدامك الزاويه ما بينهم 90 على الجزئيه دي برض بيجي لي سؤال مهم بيقول لي ايه اللي هيحصل لو سقط شعاع ضوئي عمودي على سطح عاكس معنى ان هو سقط عمودي يعني الزاويه بتاعته بصفر فما دام سقط بزاويه صفر هيرتد بزاويه صفر طب لو هو سقط بزاويه 30 هيرتد ب 30 سقط ب 40 هيرتد ب 40 طب هنا هو سقط بزاويه صفر سقط عمودي يبقى هيرتد على نفسه يبقى ايه اللي هيحصل؟ اقول له يرتد على نفسه لان زاويه السقوط والانعكاس بتساوي الصفر هو لا انحرف يمين ولا انحرف شمال هو نزل عمودي فعلشان كده بيرتد على نفسه طيب ممكن برض يجيبها لي العكس يقول لي ما معنى ان زاويه سقوط شعاع ضوئي على سطح عاكس تساوي صفر ايه معنى ان في شعاع سقط على سطح عاكس بزاويه صفر اقول له معنى كده ان الشعاع الضوئي ده سقط عمودي ما ما هو ما دام الزاويه بتاعته بصفر يبقى سقط عمودي برده في سؤال فكر وراجع مع معلمك الجزء الاول بيجيب لي نفس السؤال وبيركز دايما عليه يرتد الشعاع الضوئي السقط على نفسه في حاله لو الزاويه ما بينه وما بين العمود المقام بصفر مادام سقط بزاويه صفر هيرتد على نفسه ده كان بالنسبه لسؤال فكر وراجع معلمك يا رب انا غلبان قوي يا رب ماشيه معايا حلاوه يا رب ده انا غلبان يا رب تعالوا بينا نروح للاداء الذاتي في الاداء الذاتي جايب لي شكلين وبيقول لي اوجد قيمتي زاويه السقوط وزاويه الانعكاس في الشكلين اللي قدامنا اول شكل معانا وده شكل سهل جدا جايب لي زاويه سقوط ب 45 درجه طيب انا بقى عرفت منين ان هي زاويه سقوط من اتجاه السهم اتجاه السهم الاسفل يبقى ده شعاع ساقط طيب لو اتجاه السهم الاعلى يبقى ده شعاع ضوئي منعكس طيب انا عندي هنا زاويه السقوط ب 45 تبقى زاويه الانعكاس برض زيها بتساوي ال 45 زاويه السقوط تساوي زاويه الانعكاس ده القانون الاول الشكل التاني هو اللي فيه شويه تفكير ولو ان احنا برض خدناه السنه اللي عدت جايب لي شعاع ضوئي ساقط وشعاع ضوئي منعكس وجايب لي الزاويه ما بين الشعاع الساقط وسطح المرايا او السطح العاكس ومديني الزاويه اللي ما بين الشعاع الضوئي الساقط والسطح العاكس هو مش مديني زاويه السقوط ولا زاويه انعكاس هو مديني الزاويه اللي ما بين الشعاع وما بين السطح العاكس طيب دي بقى هنحلها ازاي؟ ركز معايا احنا قلنا ان العمود المقام الزاويه بتاعته 90 فلو الحته دي ب 30 يبقى الحته المتبقيه دي ب 60 يبقى زاويه السقوط كده جبناها ب 60 يبقى زاويه الانعكاس برض زيها ب 60 لان زاويه السقوط بتساوي زاويه الانعكاس وبالمناسبه الزاويه اللي ما بين الشعاع الضوئي المنعكس والسطح العاكس برض هتساوي 30 زي اللي قصادها يبقى زاويه السقوط وزاويه الانعكاس هيساووا ال 60 في حاجه عايزك تخلي بالك منها وانت بترسم السطح العاكس لازم تعمل خطوط كده فيه من تحت لان ده اللي بيعرفنا ان الخطوط دي هي الحته المعتمه والحته اللي ما فيهاش خطوط ده السطح العاكس يبقى الحته اللي فيها الخطوط دي هي الحته المعتمه واللي ما فيهاش خطوط هي العاكسه او اللي بتعكس طبعا لحد هنا وكلام سهل وكلام بسيط تعالوا ناخد مثال متقدم شويه كده وفي تفكير في المثال اللي معانا بيقول لي الشكل اللي قدامنا سقط شعاع ضوئي على المراه ا طيب بعد ما سقط على المراه ا انعكس على المراه ب فطبعا لما نزل على المراه ب سطح عاكس فانعكس تاني برده وطالب من حاجتين عايز زاويه انعكاس المراه ا اللي هي الزاويه دي وعايز زاويه زاويه سقوط المراه ب اللي هي الزاويه دي وطبعا هي ليها اكتر من طريقه تتحل بيها وهناخدهم واحده واحده تعالوا بينا اول حاجه نجيب زاويه انعكاس المراه ا اول حاجه ببساطه كده زاويه السقوط هو مديها لي جاهزه زاويه السقوط ب 30 يبقى زاويه الانعكاس برضو زيها ب 30 يبقى اقول له بسم الله زاويه الانعكاس عن المراه ا هتساوي زاويه السقوط هتساوي 30 درجه طيب كلام سهل طيب بالنسبه لزاويه سقوط المراه ب اجيبها منين؟ ركز بقى معايا احنا قلنا ان العمود المقام بيعمل زاويه 90 فما دام الزاويه المنعكسه عن المراه ا ب 30 يبقى الزاويه الباقيه دي ب 60 وانا عندي مجموع زوايا المثلث 180 انا معايا الزاويه الاولى ب 60 وطبعا الزاويه اللي تحت دي زاويه قائمه ب 90 60 + 90 يديني 150 - 80 هتديني 30 واحده احنا عملنا عمود مقام العمود المقام ده الزاويه بتاعته 90 في حته منها كده ب 30 اللي هي الزاويه المنعكسه عن المراه ا يبقى الزاويه الباقيه منها دي ب 60 وطبعا انا عندي ده مثلث ودي زاويه قائمه الزاويه القائمه ب + 90 اللي هم الزاويتين دول 60 + 90 ب 150 من ال 180 اللي هي مجموع زوايا المثلث كلها على بعض يبقى الزاويه دي ب 30 طيب بما ان عندي عمود مقام العمود المقام قلنا ان الزاويه بتاعته ب 90 الزاويه اللي تحت دي ب 30 يبقى زاويه السقوط هتساوي 60 لان العمود المقام بيعمل لي زاويه ب 90 الحته اللي من تحت دي ب 30 يبقى زاويه السقوط ب 60 يبقى زاويه الانعكاس برض زيها ب 60 يبقى اقول له زاويه سقوط المراه ب هتساوي ال 60 درجه وبالمناسبه المثال ده برض هو نفس المثال اللي احنا خدناه السنه اللي عدت ولو تفتكر برده فاحنا قلنا ان انت ممكن تجيبها بالتبادل هنجيبها بالتبادل ازاي هو مش ده حرف زد الزاويه دي ب 30 يبقى الزاويه دي برض ب 30 بالتبادل يبقى الزاويه دي برض ب 60 دول طبعا طريقتين الحل وحل بالطريقه اللي تريحك فيهم وكل ده طبعا احنا خدناه السنه اللي عدت تعالوا بقى نبدا في الشغل الجد الله اكبر عليك ايه الحلاوه دي ايه الحلاوه المرايا عندي بتكون حاجه من اثنين يا اما مرايا مستويه يا اما مرايا كريه كلمه كريه دي يعني على شكل كوره او جايه من الكوره يعني حاجه كده كريه والمرايا الكريه دي نوعين مرايا مقعره ومرايا محدبه طبعا احنا في الفيديو ده ان شاء الله هناخد المرايا المستويه الفيديو اللي جاي على طول ان شاء الله هناخد فيه المرايا المقعره والمحدبه يعني ايه مرايه مستويه المرايه المستويه هي المرايه اللي موجوده عندك في البيت المرايه اللي كلنا عارفينها طيب احنا ايه بقى اللي هنحتاجه من المرايه المستويه قال لك والله هناخد حاجه اسمها خواص الصوره المتكونه في المراه المستويه يعني الصوره اللي في المرايه المستويه دي خصائصها ايه اوصافها ايه ده اللي هنشوفه مع بعض علشان نسهل الموضوع على نفسنا هنعمل نشاط اسمه خواص الصوره المتكونه في المراه المستويه هنجيب مرايه وهنجيب بطاقه كده نكتب عليها كلمه ضوء او ممكن تكتب عليها كلمه اسعاف، ممكن تكتب عليها اسمك، اكتب عليها اي حاجه، وبعدين هتروح عند مرايه مستويه وتحط البطاقه اللي انت كتبت عليها دي قدام المرايه، وتبدا تاخد بالك كده ايه اللي موجود ايه اللي هنلاحظه واللي هنستنتجه من التجربه دي وبالمناسبه الاستنتاج هو خواص الصوره المتكونه في المراه المستويه. اول خاصيه ان الصوره في المرايه المستويه بتكون معتدله يعني لو انت بصيت في المرايه هتلاقي صورتك معدوله كده مش هتلاقي راسك مكان رجليك هتلاقي نفسك معتدل مش مقلوب فمعنى كلمه معتدله دي ان انت هتشوف نفسك معدول فخواص الصوره المتكونه في المرايه المستويه رقم واحد ان هي معتدله رقم اين بتكون مساويه للجسم في الحجم يعني لو انت مثلا رفيع ووقفت قدام المرايه هتشوف نفسك اتخن طبعا الكلام ده مستحيل طيب لو انت طويل هتشوف نفسك في المرايه قصير طيب لو انت قصير هتشوف نفسك في المرايه طويل الكلام ده ما بيحصلش يبقى الصوره اللي موجوده في المرايه المستويه بتكون مساويه للجسم في الحجم ثالث خاصيه معانا ان الصوره اللي موجوده في المرايه المستويه بتكون معكوسه الوضع بالنسبه طبعا للجسم يعني ايه معكوسه الوضع بالنسبه للجسم يعني لو انت وقفت قدام المرايه ورفعت ايدك اليمين الصوره اللي في المرايه هتكون رافعه ايدها الشمال. طب لو انت رفعت ايدك الشمال صورتك في المرايه هتكون رافعه الايد اليمين. يبقى اول ثلاث خصائص احنا خدناهم الصوره بتاعتك بتكون معتدله بتكون مساويه ليك في الحجم يعني نفس حجمك ونفس طولك ونفس كل حاجه. ثالث حاجه ان هي بتكون معكوسه الوضع ومعكوسه الوضع يعني لو انت رافع ايدك اليمين هتلاقي في الصوره ايدك الشمال مرفوعه. لو انت مغمض عينك اليمين هتلاقي في المرايه عينك الشمال هي اللي مغمضه. رابع حاجه الصوره المتكونه في المراه المستويه تقديريه يعني ايه الصوره المتكونه في المراه المستويه تقديريه الصوره التقديريه هي صوره لا يمكن استقبالها على حائل عكس الصوره التقديريه حاجه اسمها الصوره الحقيقيه الصوره الحقيقيه هي الصوره التي يمكن استقبالها على حائل ما فهمتش حاجه الحائل ده زي الشاشه مثلا او الكارت المطبوع يعني انت مثلا لما بتروح استوديو تصوير فانت بتاخد خد صوره والصوره دي بتكون مطبوعه على كارت فمعنى كده ان الصوره بتاعتك كانت صوره حقيقيه لان احنا قدرنا نطبعها على كارت معنى كده ان الصوره دي قدرنا نستقبلها على حائل انما الصوره بتاعتك اللي في المرايه لو انت رحت وراها بكرتونه او رحت ورا المرايه بورقه مثلا او رحت وراها باي حاجه مش هتعرف تستقبل الصوره بتاعتك انما لو انت اتصورت بكاميرا تعرف تستقبل الصوره دي على كارت يبقى المرايه المستويه المرايه اللي عندنا في البيت الصوره اللي فيها صوره تقديريه يعني ايه صوره تقديريه يعني ما تقدرش تاخدها على حائل لا يمكن استقبالها على حائل رقم خمسه بعد الجسم عن سطح المرايه يساوي بعد الصوره عن سطح المرايه ركز معايا بعد الجسم عن سطح المرايه يعني لو انت واقف قدام مرايه وبدات تبعد عنها هتلاقي الصوره اللي موجوده جوه المرايه بدات تبعد لو انت قربت من المرايه هتلاقي صورتك بتقرب يبقى نفس المسافه اللي هتكون ما بينك وما بين المرايه هي نفس المسافه ما بين المرا مرايه وما بين صورتك ركز معايا لو انت وقفت قدام مرايه على بعد متر هتلاقي صورتك جوه برده على بعد متر طب لو انت على بعد مترين من المرايه هتلاقي الصوره برده بتبعد جوه المرايه على بعد مترين برده وبالمناسبه دي برده هناخد عليها مثال كمان شويه اخر حاجه المستقيم الواصل ما بين الجسم وما بين الصوره بيكون عمودي على سطح المرايه يعني المستقيم اللي بيكون ما بين جسمك وما بين الصوره بتاعتك بيكون عمودي دي علشان تشوف نفسك مظبوط وطبعا احنا عارفين ان الضوء بيمشي في خطوط مستقيمه فالضوء اللي هينزل على جسمك هينعكس على المرايه هيكون عمودي علشان كده انت بتشوف نفسك بالظبط لا بتكون مايل يمين ولا مايل شمال ولا اي حاجه يبقى المستقيم الواصل ما بين الجسم وما بين الصوره بيكون عمودي على سطح المرايه طبعا ما دام هو ماشي في خط مستقيم كده بيكون عمودي على المرايه ولو انت وصلت لحد هنا في الفيديو فاكيد الشرح عجبك وشفت احنا قد قد ايه بنتعب في المحتوى وعلشان المحتوى ده ينجح ويوصل لزمايلك عايزين دعم بسيط منك بس لايك على الفيديو وطبعا لو عندك اي سؤال اي استفسار تقدر تكتبه في الكومنتات وهنرد عليك ان شاء الله يبقى تعالوا نراجع مع بعض الست خواص لان بيجي عليهم اسئله كتير ركز في الست خواص خواص الصوره المتكونه في المرايه المستويه احنا لا في المرايه الكريه ولا المقعره ولا المحدبه احنا في المرايه المستويه الخواص بتوعنا ست خواص اول حاجه معتدله مساويه للجسم معكوسه تقديريه بعد الجسم عن سطح المرايه يساوي بعد الصوره عن سطح المرايه اخر حاجه المستقيم الواصل ما بين الجسم وما بين الصوره بيكون عمودي على سطح المرايه عايزه تفهمي افهمي مش عايزه تفهمي ان شاء الله عنك ما فهمتي وان شاء الله عنك ما اتفرجتي والهي يا رب تموتي غبيه زي ما اتولدت غبيه يلا تعالوا بينا نروح للاسئله اول سؤال بيقول لع علل تكتب كلمه اسعاف معكوسه على سياره الاسعاف يعني ليه لو انت بصيت لعربيه الاسعاف هتلاقي كلمه اسعاف مكتوبه معكوسه ما اخدتش بالك ان احنا في بدايه كلامنا عن المرايه المستويه قلنا ان احنا هنكتب كلمه ضوء فهتلاقي ان كلمه ضوء دي معكوسه في المرايه فاحنا لو كتبنا كلمه اسعاف دي معتدله على عربيه الاسعاف السواق هيشوفها معكوسه فاحنا بقى نعمل العكس نكتبها معكوسه علشان السواق لما يبص في المرايه يشوف كلمه اسعاف معتدله يبقى ليه بنكتب كلمه اسعاف معكوسه على سياره الاسعاف اقول له لكي تتكون لها صوره معكوسه في المرايه المستويه طيب لما يتكون لها صوره معكوسه يراها قائد السياره مظبوطه لان هي مكتوبه بالمعكوس فلما تتعكس ترجع تتعدل تاني فيبدا يعمل حاجه مهمه يعمل اخلاء للطريق يعني يدي مجال كده او يفتح طريق لعربيه الاسعاف علشان توصل بسرعه وتعالوا بينا نكمل ونروح لاهم مثال معانا في فيديو النهارده المثال رقم اثنين بيقول لي وقف شادي على بعد 2 متر امام مراه مستويه معانا واحد اسمه شادي وقف على بعد 2 متر من مرايه مستويه فطبعا اتكونت له صوره جوه المرايه المستويه وطالب منا ثلاث حاجات اول حاجه فيهم عايز يعرف المسافه ما بين صوره شادي وما بين المرايه تعالوا بينا كده نرسم المشهد علشان نعرف نحل للثلاث اسئله اللي على المساله دي اول حاجه احنا معانا شخص اسمه شادي وقف على بعد 2 متر من مرايه مستويه هنرسم مرايه مستويه وطبعا ما تنساش الخطوط اللي في المرايه المستويه علشان نفرق ما بين وش المرايه وظهر المرايه طبعا الجزء اللي بيكون فيه خطوط ده هو اللي بيكون ظهر المرايه وعندنا شاد وقف على بعد 2 متر فما دام وقف على بعد 2 متر فالصوره اللي هتتكون جوه المرايه هتكون على بعد 2 متر من المرايه ركز معايا معايا هو بعيد عن المرايه 2 متر فصورته برض هتكون بعيد عن المرايه 2 متر ايه اللي هو طالبه منا في اول حاجه بيقول لي انا عايز اعرف المسافه ما بين صوره شادي خلي بالك هو عايز المسافه ما بين صوره شادي والمرايه فطبعا الصوره بتاعه شادي ما بينها وما بين المرايه 2 متر يبقى اقول له بسم الله رقم واحد المسافه ما بين صوره شادي والمرايه هتساوي نفس المسافه اللي ما بين شادي والمرايه اللي هي 2 متر لان احنا طبعا خدنا في خصائص المرايا المستويه ان بعد الجسم عن المراه هو بعد الصوره عن المراه رقم اين بيقول لي ايه اللي هيحصل لو تحرك شادي لمسافه نص متر اتجاه المرايه فاحنا هنمسك شادي وهنخليه بدل ما هو على بعد 2 متر هيتحرك نص متر لقدام فهيبقى المسافه ما بينه وما بين المرايه متر ونص والسؤال بيقول لي كم تصبح المسافه بين شادي وبين صورته اركز بقى بقى اوعى تقع في الفخ ده هو بيقول لك المسافه ما بين شادي والصوره بتاعته مش المسافه ما بين شادي والمرايه المسافه ما بين شادي والصوره بتاعته اللي جوه المرايه اول حاجه شادي اتحرك نص متر لقدام فالمسافه ما بينه وما بين المرايه متر ونص طيب الصوره بتاعته اللي جوه المرايه هتفضل واقفه زي ما هي طبعا ما دام هو بيقرب من الصوره الصوره برده هتقرب له يبقى المسافه ما بين الصوره وما بين المرايه متر ونص طيب هو عايز ايه عايز المسافه ما بين شادي والصوره اللي جوه يبقى متر و5 + متر و5 ت= 3 متر ثالث حاجه بيقول لي ما المسافه التي يجب ان يتحركها شادي حتى تصبح المسافه بينه وبين صورته متر واحد بس دلوقتي شادي المفروض يمشي قد ايه علشان المسافه ما بينه وما بين الصوره بتاعته تكون متر واحد بس ركز بقى معايا علشان المسافه تكون متر فهو لازم يكون على بعد نص متر من المرايه علشان ان الصوره اللي تتكون تكون على بعد نص متر فالمسافه كلها على بعض تكون متر. شادي في المساله بيقوللك شادي على بعد 2 متر طيب احنا بقى هنخليه يتحرك متر ونص علشان المسافه بتاعته تكون نص متر ما بينه وما بين المرايه فالمسافه الكليه على بعض تكون 1 متر يبقى المسافه التي يجب ان يتحركها شادي نحو المراه هتساوي متر ونص لحد هنا ويكون الجزء الاول انتهى اتمنى الشرح يكون عجبكم اشوفكم على خير ان شاء الله في الجزء اللي جاي والسلام عليكم