الفرق بين الهندسة المعمارية و الهندسة المدنية Civil Engineer VS Architect Engineer

انت عايز تحط عمود في نص الصلاه انت مجنون اخرص انا ماسمحلكش تقول كده انت فاهم ولا لا اشهدوا يا عمال مصر في الحقيقه ناس كتير بتشوف ان المهندس المدني والمعماري في حرب مع بعض ولازم واحد فيهم ينتصر على الثاني وفي بدايه اي مشروع دايما بيكون في خناقه كبيره بين المهندس المدني من ناحيه والمعماري من ناحيه ويجي واحد يقول لك المدني هو اللي يبدا التصميم والمعماري يشتغل وراه لا يا جماعه لا واللي يقول لك المعماري هو اللي يبدا والمد المدني يشتغل وراه في البدايه علشان نعرف مين اللي المفروض يبدا تصميم المشروع لازم نعرف الاول ايه الفرق بين المهندس المدني والمهندس المعماري وايه دور كل واحد فيهم بالصلاه على النبي بقى يا جماعه كده نصحى مع بعض باذن الله المهندس المدني هو المسؤول عن تصميم وتنفيذ مشاريع المطارات والمواني والسدود والطرق والكباري وخطوط السكه الحديد ده غير المباني ومن الناحيه الثانيه عندنا المهندس المعماري هو اللي بيعمل تخطيط للمدن الجديده بتحديد اماكن الشوارع والجنائين والمناطق السك المكانيه والصناعيه وكمان بيعمل تصميم للاند سكيب يجي واحد يسالني يقول لي يعني ايه لاند سكيب اللاند سكيب هو تصميم جناين الفيلل والمنتجعات السياحيه والكومباوندات وبيكون في تسويه للارض واماكن للمشايات والبحيرات الصناعيه وطبعا في المباني بكل انواعها بيكون مسؤول عن التصميم الداخلي من ناحيه عدد الغرف ومساحتها ومواد التشطيب ده غير الاضاءه والتهويه والواجهات الخارجيه للمبنى وعلشان نفهم كده يا جماعه نتكلم مثلا عن تصميم مشروع برج سكني المهندس المعماري في تصميم المباني اكث حاجه بتهمه انه يستفيد من مساحه الارض على قد ما يقدر وطبعا على حسب طلبات المالك فمثلا لو كان عايز عدد كبير من الاوض في كل شقه ساعتها بيحاول يصمم الاوض بمساحات صغيره علشان يدوب على قد الفرش وكمان بيهتم جدا بمقاسات الشبابيك واماكنها علشان تكون الاضاءه الطبيعيه والتهويه على احسن مستوى فور باي فور يا غادع اما المهندس المدني فبياخد التصميم المعماري للمبنى ويبدا في تصميم السقف والاعمده واساسات المبنى علشان هيكل المبنى يقدر يشيل الاحمال اللي بيتعرض لها. الله عليك احسنت يا ابني والله. المشكله ان في اللحظه دي بالتحديد بتبدا الحرب بين المهندس المدني والمهندس المعماري. فمثلا عندك المهندس المعماري بيكون مصمم صاله كبيره وطبعا بيحب ان تكون مساعتها واسعه من غير اي اعمده او كاميرات. ويجي المهندس المدني يحسب احمال سقف الصاله يلاقي انه محتاج يحط عمود زياده او على الاقل كاميرا في نص الصاله. المعماري اول ما يسمع كده عمود ولا كاميرا في نص الصاله بعدها عينك ما تشوف الا النور قول على نفسك يا رحمن يا رحيم وبعد الخناقه ما تخلص واخيرا يتفقوا يبقى الحمد لله لوحات المشروع جاهزه تيجي بقى مرحله التنفيذ وهنا اللاعب الرئيسي هو مهندس التنفيذ واللي بيبدا في دراسه اللوحات علشان يتاكد ان خناقه المعماري والمدني ما عملتش مصيبه عنده في اللوحات يجي واحد يسالني مصيبه زي ايه كده ما كده اقول لك يعني مثلا يجي المعماري ينسى ويحط لي شباك في مكان فيه عمود ولا يفتح لي باب في حيطه بين شقتين فبعد ما مهندس التنفيذ يتاكد من ان اللوحات تمام يبدا على طول في تنفيذ الاعمال الانشائيه في الموقع وهنا بيكون دور المهندس المدني في تنفيذ الهيكل الخرساني للمبنى والحوائط وحاجات ثانيه كتير ناس كتير بتفكر ان كده دور المهندس المعماري انتهى عند التصميم لكن الحقيقه ان المهندس المعماري بيكون له دور مهم في انه يساعد مالك المشروع في اختيار مواد التشطيب لان المعماري اصلا فنان ده غير الاشراف على تنفيذ اعمال التشطيب وكل ما كانت العلاقه بين المهندس المدني والمهندس المعماري كويسه فده بيكون في مصلحه المشروع وطبعا في مصلحه المالك وساعتها يقدروا هم الاثنين على تصميم وتنفيذ مشاريع متميزه زي برج الانفينتي في دبي والبرج الايقوني في العاصمه الاداريه الجديده وطبعا برج خليفه الاطول في العالم وفي النهايه نقدر نقول ان المهندس المعماري بيهتم بشكل المبنى الجمالي من جوه وبره اما المهندس المدني فبيهتم بتصميم الهيكل الانشائي للمبنى باقل تكلفه وباعلى معايير للامان. لو عجبتك الحلقه اكتب لنا تحب الحلقه الجايه تكون عن ايه؟ وما تنساش اللايك لو انت على الفيسبوك والسبسكرايب لو انت على اليوتيوب.