شرح الدرس العاشر علوم متكاملة 2026 التوازن البيئى ودور الإنسان في استدامة الحياة المائية ١ ث

السلام عليكم ورحمه الله وبركاته حبايبنا الحلوين ابطال اولى ثانوي نورتونا في فيديو جديد من فيديوهاتنا في شرح العلوم المتكامله وطبعا بقى مع ختام الباب الاول وزي ما بنقول ختامه مسك هو فعلا ختامه مسك لان الدرس سهل وبسيط وما فيهوش اي مشكله وباذن الله هنحاول نوصله لك بطريقه اسهل كمان من اللي مكتوبه في الكتاب باذن الله بس قبل ما نبتدي الفيديو بتاعنا كده سمي الله صلي على النبي عليه افضل الصلاه واتم التسليم طبعا ما تنساش اهم حاجه بقى قبل ما اشرح لك الدرس وقبل ما تسمع اي حاجه انزل اضغط على زرار اللايك وارجع كمل معايا الدرس النهارده باذن الله هنتكلم مع بعض عن اخر درس اللي هو الدرس رقم 10 بعنوان التوازن البيئي في النظم البيئيه زي ما انت متعود معايا انا قبل ما ببتدي الفيديو بقول لك مقدمه المقدمه ديت هي اساس فهمك للدرس علشان ما تكونش شخص بصجي بمعنى اصح مش عايزك تبصج وتحفظ نظام الاعدادي ده انسى خالص في الثانوي انت لو فاهم هتحل لان اصلا امتحانك معظمه اختياري فلازم تكون فاهم فتعال امشي معايا في المقدمه واحده واحده انا هصنف الكائنات الحيه من حيث بمعنى اصح الكائنات الحيه اللي موجوده عندنا انا عايز اعمل لها تصنيف طيب قو لي انت عايز تعمل لها تصنيف من حيث ايه؟ ما هو حضرتك انت هل هتصنف مثلا من حيث الجنس ذكور واناث ولا هتصنف من حيث النواه اوليات نواه وحقيقيات نواه لا طبعا انا جاي النهارده اصنف لك على حسب ايه على حسب طريقه الغذاء بمعنى ايه عندي كائنات تصنع غذائها بنفسها يعني مش محتاجه الغذاء جاهز طالما صنعت الغذاء بنفسها بسميها كائنات ذاتيه التغذيه في كائنات تانيه بقى زي الانسان بياخد الغذاء جاهز بقول عليه كائنات غير ذاتيه التغذيه يبقى ركز معايا تاني واحده الكائنات عندك الحيه من حيث طريقه الغذاء يا اما ذاتيه يا اما غير ذاتيه يعني ايه ذاتيه تصنع غذائها بنفسها يعني من الاخر ما بتاخدش الغذاء جاهز من بره لكن في كائنات ثانيه غير ذاتيه بتاخد الغذاء جاهز اديني مثال علشان افهم اكتر لو انا دلوقتي جيت اقول لك مثلا الانسان والله حد دلوقتي اول ما هيشوف كلمه الانسان في واحد او واحده هيقول لك دلوقتي والله انا بقوم اعمل الاكل لنفسي فانا كده بقى كائن ذات التغذيه لان بصنع غذائي بنفسي مش ده اللي انا اقصده انت بتصنع غذائك بنفسك جوه جسمك ولا بتاخد الاكل جاهز من بره بتاخد الاكل جاهز من بره يبقى الانسان كائن ماله غير ذات التغذيه لان انا دلوقتي بدي له الغذاء جاهز من بره لكن تعالى اسالك سؤال بقى بالنسبه للنبات قو لي كده هل انت عمرك شفت نبات بيبدا ياكل ولا هو بيصنع غذاء بيصنع غذاء يعني هل انت عمرك عديت كده في مره لقيت النبات قاعد ماسك بقى العيش ولا ماسك معلقه وباد ياكل استحاله يبقى النبات لا هو مش كائن غير ذاتي ولكن هو كائن يصنع غذاءه بنفسه فبسميه كائن ذات التغذيه لان بيصنع الغذاء في عمليه مشهوره جدا اسمها ايه؟ اسمها عمليه البناء الضوئي اسمها عمليه البناء الضوئي ركز معايا الكائنات من حيث طريقه الغذاء حاجتين يا اما صنعت غذائها بنفسها فبسميها كائنات ذاتيه يا اما حصلت على الغذاء جاهز فبسميها كائنات غير ذاتيه الانسان والله ياكل نباتات ياكل لحوم ياكل اعشاب ياكل اي حاجه فهو بياخد الغذاء جاهز لكن ما بيكونوش جوه جسمه لكن النبات بيكون الغذاء جوه جسمه في عمليه البناء الضوئي يبقى اي كائن عندنا يعمل عمليه البناء الضوئي معناها ان هو بيصنع غذائه بنفسه معناها ان هو كائن ذات التغذيه معناها ان هو كده استهلك الغذاء ولا انتج الغذاء لا ده انتج الغذاء لان هو كائن ذاتي التغذيه يصنع غذائه بنفسه لكن الانسان غير ذاتي هو بياخد الغذاء جاهز لا ينتجه ولكن يستهلكه فبقول عليها كائنات مستهلكه تمام ركز معايا يبقى تاني علشان ما تنساش التكرار مش مش وحش التكرار لمصلحتك والله لما انا اقول لك اي كائن حي على حسب طريقه الغذاء يا اما يصنع غذاءه بنفسه فبسميها كائنات ذاتيه يا اما ياخد الغذاء جاهز فبسميها كائنات غير ذاتيه الكائنات الذاتيه بما انها صنعت الغذاء يعني انتجته فبسمها كائنات منتجه لكن الانسان خد الغذاء جاهز لا ينتجه ولكن يستهلكه فبسميها كائنات مستهلكه يبقى ده كده انا صنفت الكائنات من حيث ايه؟ طريقه الغذاء يا رب النقطه دي تكون مفهومه لانها نقطه مهمه في اساس فهمنا للدرس بتاعنا تعالى بقى نبتدي الدرس بتاعنا اللي هو بعنوان التوازن البيئي في النظم البيئيه ركز معايا واحده واحده انا في البدايه عايزين نعرف اصلا يعني ايه توازن طيب علشان نفهم اصلا يعني ايه توازن لازم افهمك في الاول حاجه ثانيه غير الدرس اللي هي ايه انا عايز اسالك سؤال انت عارف طبيعي طبيعه الحياه في البيئه المائيه قايمه على ايه؟ قايمه على الفتراز بمعنى اصح عارف كان في لعبه زمان كده اسمها لعبه السمكه السمكه الصغيره تاكل الاصغر منها الكبيره تاكل الصغيره والاكبر ياكل الا الاصغر وهكذا يبقى دايما في حاجه اسمها ان الكبير بياكل الصغير يعني البيئه المائيه الحياه عايشه فيها على اساس الكبير ما بيرحمش الكبير ياكل الصغير السمكه الكبيره تاكل السمكه الصغيره تيجي سمكه اكبر منها تاكلها تيجي سمكه اكبر منها تاكلها النظام ده كده اسمه سلسله غذائيه اسمه ايه سلسله غذائيه تعال اضرب لك مثال على سلسله غذائيه انا عندي مثلا بيبقى موجود على وش الميه كده حاجات خضراء اللي هي اسمها الطحالب الطحالب ديت بيتغذى عليها كائنات او حيوانات صغيره بتبقى عايمه على وش الميه بسميها عوالق حيوانيه احنا سمعنا قبل كده العوالق النباتيه العوالق الحيوانيه هيتغذى عليها اسماك صغيره قو لي كده مين يتغذى على الاسماك الصغيره اسماك كبيره دي كده اسمها ايه اسمها سلسله غذائيه بمعنى اصح يتغذى على الطحالب عوالق حيوانيه فالعوالق الحيوانيه الاسماك تاكلها فالاسماك الكبيره تاكل الاسماك الصغيره دي كده اسمها سلسله غذائيه لان حياه البيئه المائيه قايمه على فكره الافتراس تمام كده دي كده اسمها ايه اسمها سلسله غذائيه قو لي كده هي الطحالب كائن منتج ولا كائن مستهلك طبعا كائن منتج لانه بيعمل عمليه البناء الضوئي فهي كائنات منتجه لكن العوالق تتغذى على الطحالب هل هي صنعت الغذاء بنفسها ولا كلت غيرها كلت غيرها فهي كائنات مستهلكه والاسماك الصغيره ككلت العوالق فهي كائنات مستهلكه والاسماك الكبيره ككلتهم فهي برده كلهم كده اسمهم كائنات مستهلكه يبقى لو انت جيت تبص دي اسمها سلسله غذائيه انا ضربت لك مثال على سلسله غذائيه موجوده في الميه بدايتها منين من الطحالب طحالب تغذى عليها عوالق حيوانيه تغذى عليها اسماك صغيره تغذى عليها اسماك كبيره طيب الطحالب كونت الغذاء بتاعها عن طريق عمليه البناء الضوئي فهي كائنات منتجه لكن ده تغذى على اللي قبله فهو كائن مستهلك للغذاء طيب تعالى يا باشا اضرب لي مثال ثاني كده على سلسله احنا عندنا من ضمن السلاسل في حاجه اسمها الشعاب المرجانيه والله كلمه الشعاب المرجانيه ديت لو تفتكر كده كان جواها طحالب من الدرس اللي فات اللي هي كان اسمها طحالب تكافليه الشعاب المرجانيه دي بقى بيتغذى عليها قنافذ البحر يعني في كائن اللي هو انفض البحر بيتغذى على الشعاب المرجانيه يتغذى على قنافذ البحر الاسماء الاماك الكبيره اللي هي الاسماك المفترسه دي برض مثال على سلسله غذائيه مركز دايما في بدايه السلسله شعاب مرجانيه او طحالب برض بتعمل عمليه البناء الضوئي هو كائن منتج للغذاء فلما ضربت لك امثله على سلاسل غذائيه موجوده في الميه دايما البدايه من كائن منتج دايما البدايه من كائن منتج يبقىاني ارجع معايا احنا بنتكلم على درس اسمه التوازن البيئي قبل ما نتكلم على التوازن البيئي اصلا احنا عايزين نعرف حاجه اسمها حياه البيئه المائيه بتعيش على علاقه اسمها علاقه الافتراس خلاص الكبير بياكل الصغير فده بيعرف بحاجه اسمها السلاسل الغذائيه ضربت مثالين على سلاسل غذائيه دايما بدايه اي سلسله كائن منتج هيصنع الغذاء في عمليه البناء الضوئي وبعد كده كل اللي جاي بيتغذى على اللي قبله فهي كائنات مستهلكه فما اجي اقوللك ما هو اساس اي سلسله غذائيه هتقوللي طبعا الكائنات المنتجه لان دايما البدايه باده من كائن منتج فده بقول عليه اساس السلسله الغذائيه تمام كده طيب يعني اما اجي اقول لك هنا هل الاسماك المفترسه دي حاجه مضره؟ هتقول لي لا طبعا بدليل مش انا بقول لك ان الشعاب المرجانيه بيتغذى عليها قنافذ البحر لو افترضنا ان ما فيش اسماك مفترسه الاسماك المفترسه بتاكل قنافذ البحر لو ما فيش اسماك مفترسه عدد قنافذ البحر هيزيد فلما يزيد ياكل كل الشعاب المرجانيه فالشعاب المرجانيه تقل فالشعاب المرجانيه لما تقل في كائنات كمان هتموت لان هي تعتبر موطن للعديد من الكائنات اللي بتعيش هنا وبالتالي انا كده عملت خلل في التوازن البيئي فوجود الاسماك المفترسه علشان يقلل عدد قنافذ البحر علشان ما ياكلش كل الشعاب المرجانيه فيفضل في توازن في النظام البيئي ف فخد بالك ان وجود الاسماك المفترسه بيساعد في التوازن البيئي ومش بيعمل خلل في التوازن البيئي تعالى بقى بعد ما فهمنا السلسله نفهم يعني ايه توازن بيئي تعال اسالك انت سؤال وجاوب معايا اما اجي اقول لك يعني ايه كلمه توازن او اتزان هتقول لي والله كفتان متزنتان يعني قد بعض يعني متساويتان يعني مستقرتان فما اجي اقول لك ما هو التوازن هتقول لي والله هو حاله من الاستقرار صح كده بس الاستقرار ده خد لي بالك هو استقرار ديناميكي مش فاهم بقى يعني ايه استقرار ديناميكي ركز معايا ان شاء الله في ثانيه ثانوي هتاخد علمين في الرياضه علم اسمه استاتيكا وعلم اسمه ديناميكا علم الاستاتيكا بالسين هو علم دراسه الاشياء الساكنه لكن علم الديناميكا هو علم دراسه الاشياء المتحركه تمام يبقى اما اقول لك استاتيكا ساكنه ديناميكا متحركه انا قلت لك هنا ان الاستقرار ماله ديناميكي يعني ساكن ولا متحرك لا متحرك يعني رايح جاي بمعنى اصح تعالى افهمها لك اكتر من خلال السلسله الغذائيه انا عندي طحالب يتغذى عليها عوالق يتغذى عليها اسماك صغيره يتغذى عليها اسماك كبيره لو افترضنا ان الاسماك الصغيره عددها زاد مين اللي يبدا يتغذى عليها الاسماك الكبيره فتقلل عددها تاني علشان تفضل في حاله الاستقرار لا تزيد ولا تقل فاذا هل عدد الكائنات في السلسله ثابت ولا بيزيد فالكائنات تتغذى عليه فتقلله تاني هيزيد والكائنات تتغذى عليه فيقلله صح فكده الاستقرار ساكن ولا رايح جاي رايح جاي يزيد ويرجع تاني للطبيعي يقل ويرجع للطبيعي فهو حاله من الاستقرار الديناميكي تمام بيحصل امتى بقى يحدث عندما تتفاعل الكائنات الحيه مع بعضها عندما تت تتفاعل الكائنات الحيه مع بعضها يعني ايه الكلام ده لو انا دلوقتي في السلسله الغذائيه انت بصيت عليها هل كل حاجه في الكائنات دي منفصله عن بعض ولا بيتفاعلوا مع بعض بيتفاعلوا مع بعض يعني الطحالب بيتغذى عليها عوالق حيوانيه مش كل واحد في اتجاه مش كل واحد في وادي لا هم بيتفاعلوا مع بعض يبقى اذا الاستقرا او التوازن البيئي هو حاله من الاستقرار بس رايح جاي فيبقى استقرار ديناميكي يحدث عندما تتفاعل الكائنات الحيه مع بعضها بطريقه تضمن استمرار الحياه ما هو حضرتك دلوقتي لو انا افترضت ان الاسماك الكبيره او المفترسه احنا صدناها فكده الاسماك الكبيره عددها هيقل صح ما عادش اسماك كبيره فالصغيره ما فيش حد هيتغذى عليها فتفضل فتفضل يكون عددها كبير فتتغذى على العوالق الحيوانيه فعدد العوالق يقل فما يتغذش على الطحالب فالطحالب تزيد فتغطي الميه فتحجب الضوء فتاثر على الكائنات اللي تحت ففي كائنات كتيره ماتت فاذا انا دلوقتي السلسله بتكمل بعضها الكائنات بتتفاعل مع بعضها بطريقه تضمن استمرار الحياه اتمنى يكون التعريف مفهوم انا كل الهري اللي انا هريته ده علشان اوصل لك التعريف وبعد كده باذن الله الدرس اللي جاي الباقي كله سهل طالما انت فهمت المدخل بتاع الدرس اللي جاي كله سهل تاني نقول بقى المقدمه اللي احنا قلناها بص يا باشا انا اتفقت معاك دلوقتي ان انا عندي حاجه اسمها طريقه التغذيه في الكائنات يا ذاتيه يا غير ذاتيه قلنا ذاتي يعني منتج للغذاء في عمليه البناء الضوئي بيحصل في الطحالب والنباتات بدايه اي سلسله غذائيه لازم تكون يط طحالب يا نباتات يعني دايما الاساس هي الكائنات المنتجه عرفنا التوازن البي قلت لك كلمه توازن يعني كفتين قد بعض فهو حاله من الاستقرار بس الكفه رايحه جايه يعني مش ثابته مكانها فهو حاله من الاستقرار الديناميكي الاستقرار ده بيحصل ازاي تفاعل الكائنات مع بعضها ما هي لما الكائنات بتتفاعل مع بعضها لو عدد كائنات زاد في غيره بياكله فيرجعه ثاني فكده في تفاعل للكائنات مع بعضها بطريقه تضمن استمرار الحياه لان لو فقدت عنصر من عناصر السلسله هيحصل خلل لان هياثر على الكائنات اللي باقيه في السلسله وبالتالي انت اثرت على الحياه فاذا بطريقه تضمن استمرار الحياه انا كده عرفت يعني ايه اصلا توازن بيئي وضربت مثال على سلسلتين اثنين غذائيه السلسله الثانيه لو تفتكر كانت الشعاب المرجانيه يتغذى عليها قنافذ البحر يتغذى عليها الاسماك المفترسه وقلت لك ان الشعاب المرجانيه ديت هي تعتبر موطن للعديد من الكائنات بص اهو هي موطن للعديد من الكائنات تعالى اقول لك بقى ايه ماذا يحدث لو احنا عملنا صيد جائر للاسماك المفترسه ما عادش في اسماك مفترسه هل قنافذ البحر حد هيتغذى عليها ما هو اللي بياكل قنافذ البحر الاسماك المفترسه هيفضل انفض البحر موجود عدده هيزيد فلما عدده يزيد هيروح ياكل كل الشعاب المرجانيه فلما ياكل كل الشعاب المرجانيه هيقضي عليها لو قضى عليها ده كان في كائنات كتير بتعيش هنا هو موطن للعديد من الكائنات فمش هتلاقي مكان تعيش فيه فهتموت يبقى كده انا فقدت تنوع ما هو عدد الكائنات قل فكده ما عادش في تنوع في الكائنات فبيحصل فقدان في التنوع البيولوجي تمام ركز بقى معايا وجاوب السؤال ده كده يا بطل لان في ناس كتير طلبت مننا ان احنا نرجع للنظام اللي قبل كده اللي هو ايه انا بشرح جزئيه وبطبق عليها بسؤال اي الكائنات التاليه تمثل اساس السلاسل الغذائيه قلت لك الاساس كائن منتج ولا مستهلك طبعا كائن منتج الكائنات المحلله او المستهلكه او الروميه غلط لان دول كده كائنات مستهلكه هو الكائنات المنتجه في النظام البيئي المائي ما هو الدور الذي تلعبه الفيتوبلانكتون في نقل الطاقه ركز معايا لان السؤال ده حلو السؤال ده بيعتمد انك راجل فاهم مش راجل حافظ ركز معايا هو مين الفيتوب بلانكتون لو تفتكر ان الفيتو بلانكتون هي الهائمات النباتيه يعني هتعمل عمليه البناء الضوئي ازاي كانت بتبدا ان هي تاخد ضوء الشمس علشان تكون سكر اسمه سكر الجلوك لوكوز ده مركب كيميائي يعني بيختزن الطاقه في شكل طاقه كيميائيه عن طريق ان هو حول طاقه الضوء اللي هي طاقه ضوئيه الى طاقه كيميائيه فما اجي اقول لك مين الدور اللي بتلعبه الفيتوبلانكتون هل هي اصلا بتفترس هل هي من الكائنات المفترسه ولا بتنتج الغذاء بتنتج الغذاء يعني هي لا تفترس هل تحلل المواد العضويه ده دي اللي بيحللها هي كائنات محلله ده دي كائنات منتجه تنقل المغذيات لا ما كانتش بتنقل المغذيات بين الانظمه البيئيه المختلفه ولكن تحول الطاقه الضوئيه الى طاقه كيميائيه مختزنه هو طبعا هتنقل المغذيات وكل حاجه بس انا بالنسبه لي اهم حاجه انا عايز دورها في نقل الطاقه فكانت بتحول الطاقه الضوئيه من عمليه البناء الضوئي الى طاقه كيميائيه مختزنه في سكر الجلوكوز مفهومه يعني اتمنى ان انا اكون قادر اوصل لكم الفكره بتاعه التوازن البيئي تعالى بقى يا باشا ايه بيجري ليه كده نرجع تانيز ران واحده واحده واحده اهميه التوازن البيئي والله بكل بساطه احنا لحد دلوقتي في الدرس عرفنا نقطه واحده يعني ايه توازن بيئي وضربنا عليها سلاسل غذائيه دلوقتي بقى انا عندي بقي لي في الدرس ثلاث نقط بالظبط اهميه توازن بيئي وازاي الانسان هيضر البيئه وازاي الانسان هيفيد البيئه يبقى رقم واحد انا عايز اعرف مين اهميه التوازن البيئي بص من الاخر كده اكتب لي جنب اهميه التوازن البيئي هو امثله بدا يضرب لي امثله على توازن بيئي فبيقول لي ان في في البيئه المائيه توازن في الكائنات يعني الكائنات هيزيد والعداد هيقل من خلال السلاسل الغذائيه زي ما قلت لك مش بس كده مش في توازن في الكائنات بس في توازن في الغذاء كمان يبقى توازن في الكائنات وتوازن في الغذاء ورقم لاثه توازن في الطاقه المنتقده تعال نفهم الكلام ده واحده واحده قاللي رقم واحد توازن بين العناصر الغذائيه خاصه هنا هو يقصد عنصرين اتنين اللي هما مين بقى يا بطل والله اللي هما النيتروجين والفوسفور النيتروجين ومين والفوسفور قاللي خد بالك ان العناصر ديك مهمه لنمو النباتات والطحالب ركز معايا واحده واحده عارف انت اما بتيجي مثلا حد يزرع حاجه في الارض من ضمن الحاجات اللي بيعملها بيحط لها كيماوي الكيماوي ده في املاح نطرات واملاح فوسفات مش هو بيحط كيماوي علشان النبات يبدا ينمو اه طبعا ما هو ده اسمه سماد زراعي فالكيماوي اللي اتحط ده احنا عشان ناخد منه املاح النطرات واملاح الفوسفات علشان النبات ينمو يبقى اذا في البيئه المائيه موجود نيتروجين وفوسفور علشان في البيئه المائيه فينا نباتات فنمو النباتات والطحالب وقلت لك ان النباتات والطحالب كائنات منتجه ولا كائنات مستهلكه؟ كائنات منتجه صح كده؟ وهي تعتبر اساس السلسله الغذائيه صح مش ده اللي احنا قلناه في المقدمه فخد بالك المقدمه فادتنا اهي يبقىاني احنا بنتكلم على اول نقطه توازن بين العناصر الغذائيه خاصه عنصرين نيتروجين وفوسفور احنا ليه محتاجين النيتروجين والفوسفور او املاح النترات والفوسفات علشان نمو النباتات والطحالب ماذا يحدث في حاله زياده النيتروجين والفوسفور وفي حاله في حاله النقص وفي حاله الزياده ركز معايا واحده واحده لو هي قلت نمو النباتات والطحالب هيقل طيب لما نمو النباتات والطحالب يقل مش ده كان اساس السلسله الغذائيه فبالتالي انا اثرت على الاساه يبقى السلسله كلها تتاثر مش الطحالب كان بيتغذى عليها العوالق الحيوانيه دلوقتي لو النباتات والطحالب مش موجوده هل العوالق هتلاقي غذاء لا فهتموت هل الاسماك الصغيره هتلاقي غذاء لا ما العوالق ماتت وبالتالي الاسماك الصغيره هتموت هل الاسماك الصغيره بعد كده الاسماك الكبيره هتلاقيها لا طبعا ما هي هتموت فانت كده عملت خلل في التوازن البيئي يبقى هياثر على نمو النباتات والطحالب وبالتالي يؤدي الى خلل في التوازن البيئي طيباني نقطه ماذا يحدث عند الزياده انت بقى دلوقتي بكل بساطه كده هتقول لي والله اكيد بقى لما يحصل زياده دي حاجه كويسه ليه انت هتزود لي نيتروجين وفوسفور فالنباتات والطحالب هتنمو بزياده فكده كميه الطحالب هتبقى كتير فهحسن السلسله الغذائيه طبعا مفهومك غلط ليه بقى لان الزياده في النيتروجين والفوسفور هتعمل يعمل فعلا ازدهار للطحالب اهو بس الازدهار ده مش طبيعي ازدهار غير طبيعي للطحالب وخد بالك ان الازدهار الغير طبيعي للطحالب برده بيؤدي الى خلل في التوازن البيئي ازاي الكلام ده تعال نفهمه انا قلت لك ان الطحالب ديت هي الحاجات الخضراء اللي موجوده على وش الميه لو النيتروجين والفوسفور زاد النباتات والطحالب هتزدهر يعني هتنمو بس مش بشكل طبيعي اكت من الطبيعي فتغطي سطح الميه بالكامل فلما تغطي سطح الميه بالكامل هتحجب الضوء للكائنات اللي تحت فهتاثر على نباتات ثانيه في سلاسل غذائيه ثانيه فكده عمل خلل في التوازن البيئي فخد بالك الزياده والنقص الاثنين الاثنين بيعملوا خلل يبقى سواء زياده او نقص الاثنين بيعملهم ايه بيعملوا خلل يبقىاني احنا بنتكلم على اهميه التوازن البيئي بمعنى اصح امثله على توازن بيئ رقم واحد توازن في العناصر الغذائيه خاصه عنصرين نيتروجين وفوسفور بنحتاجهم لايه نمو النباتات والطحالب لو زادم النمو هيكون او الازدهار غير طبيعي فلما يكون الازدهار غير طبيعي يعمل يعمل خلل برده لانه هياثر على نباتات ثانيه عايشه في الميه لان هيعجب عنها الضوء وهياخده كله لوحده طيب لو قل برده هيعمل خلل لان النباتات والطحالب هتقل فياثر على السلسله بتاعته نفسها فاهم الفكره طيب كمان حاجه خد لول يعتبرم موجودين في الكيماوي صح يعني في الاسمده الزراعيه فلو انا قلت لك هيحصل تلوث بالاسمده الزراعيه هو التلوث يعني الاسمده الزراعيه زادت يعني بمعنى اصح زودت العنصرين الاثنين النيتروجين والفوسفور فيؤدي الى ازدهار غير طبيعي للطحالب وبالتالي خلل في التوازن البيئي فيها مشكله دي اول نقطه اللي هي اسمها توازن بين عناصر غذائيه تحس الموضوع موضوع انشا انت فاهم الفكره بس انا عايزك تكون فاهماني نقطه عندنا هي التوازن بين الكائنات الحيه بمعنى اصح انا قلت لك دي سلسله غذائيه طحالب عوالب حيوانيه اسماك صغيره واسماك كبيره انا دلوقتي لو انا قلت لك ماذا يحدث في حاله الصيد الجائر للاسماك المفترسه اللي هي الاسماك الكبيره قو لي كده لو احنا عملنا صيد جائر للاسماك المفترسه يعني انا هقضي على الاسماك المفترسه هل الاسماك الصغيره حد هياكلها ما انا خلاص قضيت على الاسماك المفترسه فكده الاسماك الصغيره ما فيش حد هياكلها فعاداتها هيزيد لان هي ما فيش حد هياكلها فلما عاداتها يزيد تتغذى على عوالق حيوانيه اكت فعددها يقل فلما عدد العوالق الحيوانيه يقل مش هيتغذى على الطحالب فالطحالب عددها يزيد انا كده عملت خلل في التوازن البيئي انت فاهم الفكره طيب يبقى تاني لو انا قلت لك حصل صيد جائر للاسماك المفترسه عدد الاسماك الصغيره هيقل يبقى يقل عدد الاسماك الصغيره او الاول قلنا يزداد عذرا يبقى يزداد عدد الاسماك الصغيره لما عدد الاسماك الصغيره يزيد هتاكل العوالق اكتر ما هو انا دلوقتي بقى عندي اسماك كتيره فمحتاجه غذاء اكتر فهتتغذى على العوالق الحيوانيه اكتر وبالتالي هيحصل ايه استخدام الموارد الغذائيه او استهلاك الموارد الغذائيه ولما نستهل ك الموارد الغذائيه اتفقت في النهايه هيحصل خلل في التوازن البيئي فيها مشكله دي ثاني نقطه اللي هي توازن بين الكائنات الحيه ثالث نقطه نفس الكلام هو يعتبر بيعيد ويزيد في نفس النقطه تدفق الطاقه عبر الشبكه الغذائيه نفس الشبكه الغذائيه او نفس السلسله اللي احنا قلناها طحالب عوارق حيوانيه اسماك صغيره اسماك مفترسه بص يا باشا انا قلت لك ان دي كده كائنات ايه منتجه يعني بتنتج الغذاء في عمليه البناء الضوئي لانها كانت بتحول الطاقه الضوئيه الى طاقه كيميائيه مختزنه في سكر الجلوكوز يجي العوالق تتغذى على الطحالب فتاخد منها الطاقه الكيميائيه فالاسماك الصغيره تتغذى على العوالق فتاخد منها الطاقه فالاسماك المفترسه تتغذى على الاسماك الصغيره فتاخد منها الطاقه فلو لاحظت بدا يحصل تدفق او انتقال للطاقه من الطحالب اللي هي الكائنات المنتجه الى العوالق الحيوانيه الى الاسماك الصغيره الى الاسماك الكبيره وده اسمه تدفق الطاقه عبر الشبكه الغذائيه فيها مشكله يبقى انا كده خلصت اول نقطه اللي هي اهميه توازن بيئي تاني بقى معايا احنا بنتكلم على التوازن البيئي او الاهميه او الامثله في ثلاث نقط توازن عناصر غذائيه توازن بين الكائنات الحيه وتدفق الطاقه توازن عناصر غذائيه مهم في حاجتين اثنين نيتروجين وفوسفور لان مسؤولين عن نمو النباتات والطحالب وبالتالي لو زادوا او قاله يحصل خلل لان الزياده تعمل ازدهار غير طبيعي للطحالب زيها اللي ممكن يعملها الاسمده تعمل برض ازدهار غير طبيعي للطحالب والنقص يعمل خلل لان النمو النباتات والطحالب هيقل وبالتالي بالتالي هياثر على السلسله الغذائيه ده بالنسبه لاول نقطه ثاني نقطه توازن بين الكائنات الحيه لو احنا عملنا صيد جائر للاسماك المفترسه قلنا عدد الاسماك الصغيره هيزيد لان ما فيش حد بياكله وبالتالي هيستهلك الموارد الغذائيه اللي هي العوالق الحيوانيه بشكل كبير فكده الطحالب ما فيش حاجه هتتغذى عليها فتكبر يعني حصل خلل في توازن البيت تدفق الطاقه قلت بيبدا من الكائنات المنتجه يبقى حضرتك قلت لك ان الكائنات المنتجه حاجه مهمه جدا هي بدايه اي سلسله غذائيه هي اساس السلاسل الغذائيه فتبدا تنتج طاقه لما يجي يتغذى عليها العوالق الطاقه تتنقل للعوالق ما هي هتاخد الطاقه منها الاسماك الصغيره تتغذى على العوالق تاخد الطاقه منها وهكذا بيحصل حاجه اسمها تدفق الطاقه عبر الشبكه الغذائيه دي كده يعتبر اول نقطه في الدرس بقي لي نقطتين ونقطتين انشا بمعنى الكلمه الانسان هيفيد البيئه ازاي وهيضر البيئه ازاي هنبدا بالضرر وبعد كده ننهي بيه الفايده تمام ركز معايا واحده واحده نحل بس السؤالين دول كده ايا مما يلي يخل بالتوازن البيئي انا عايز اعمل خلل في التوازن البيئي قو لي كده هل توسع الانشطه البشريه يعني سيبها دلوقتي انا ماعرفهاش تمام هل توازن العناصر يعمل خلل لا طبعا ده توازن العناصر بيعمل اتزان ده من ضمن اهميه الاتزان تعدد انواع الكائنات ما هو ده برده اتزان في الكائنات الحيه تدفق الطاقه ما ده من ضمن الاتزان يبقى بالاستبعاد مين توسع الانشطه البشريه اي الكائنات التاليه يمكن ان يبدا منه تدفق الطاقه انا اتفقت البدايه منين من الكائنات المنتجه يطحالب ب يا نباتات يبقى اكيد الطحالب ايا مما يلي من اسباب الازدهار الغير طبيعي للطحالب زياده نيتروجين وفوسفور صح يبقى تشبع الماء باملاح النترات والفوسفات طبعا صح لاني زودت نيتروجين وفوسفور مالوش علاقه بالكبريت والرصاص ولا بالاكسجين ولا الملوح فيها مشكله يعني سهله وبسيطه تعال بقى نتكلم على النقطه اللي بعدها الانسان هيضر البيئ تاثير الانشطه البشريه على الحياه المائيه بالاصح او بالتحديد بالسلب يعني دلوقتي انا جايب الانسان كائن مؤذي بمعنى اصح الانسان جاي يضر البيئه قال لي بيضر البيئه ازاي؟ والله رقم واحد من حيث التلوث او رقم اثنين ممكن يضرها من حيث الصيد الجائر او ممكن يضرها من حيث التدمير البيئي يبقى انا دلوقتي الانسان جاي يعمل افعال او سلوكيات هتضر البيئه بتاعته قال لك رقم واحد التلوث يعني دلوقتي جه على الميه بدا يرمي فيها زباله طب ما انت كده عملت تلوث للميه هل بذمتك الميه لما تكون ملوثه لو انت شربتها هتعيش ولا هتاثر عليك؟ هتاثر عليك. طب ما في كائنات حيه عايشه في الميه يبقى انت كده اثرت على صحه الكائنات الحيه. يبقى التلوث قال لي يؤثر النتائج المترتبه على ايه بقى؟ يؤثر على صحه الكائنات الحيه. يؤثر على صحه الكائنات الحيه ويؤثر على جوده المياه. لان المياه ما بقتش نظيفه بقت ملوثه وبناء عليه اثر على صحه الكائنات الحيه. التلوث ده ممكن يكون تلوث بايه؟ والله عادي ممكن يكون تلوث بواد كيميائيه حضرتك ترمي مخلفات كيميائيه في الميه ممكن يكون بعناصر او معادن ثقيله نيجي نجيب معادن وزنها تقيل او كثافتها عاليه بقول عليها معادن ثقيله تلوث الميه ممكن يكون التلوث بالاسمده وانا لسه قيلها لك فوق ما هي الاسمده ديت اللي هي بتاعه الكيماوي اللي فيها نترات وفوسفات فالتلوث بالاسمده مش هياثر على صحه وجوده الميه ميه بس لا ده كمان هيعمل ازدهار غير طبيعي للطحالب وبالتالي هيعمل خلل في التوازن البيئي ده اول نقطه ازاي التلوث اثر على مين اثر على البيئه يبقى خد بالك تاثير الانشطه البشريه يعني الانسان دلوقتي يضر البيئه يبقى التلوث بيضر البيئه وعرفنا بيضره ازاي الصيد الجائر والله احنا عارفينه برده ما هو الصيد الجائر ده المفروض لما جينا نعمله في الاسماك المفترسه فاكر فوق لما قلت لك القضاء على الاسماك او لما بنعمل صيد جائر للاسماك المفترسه عددها بيقل فالصغيره تزيد فتتغذى على العوالق فالعوالق تقل فالطحالب ما تلاقش حاجه تاكلها فتبدا ايه عددها يزيد يبقى كده عمل خلل في التوازن البيئي ايه هي النتائج المترتبه بقى على الصيد الجائر قال لي رقم واحد قله افراد النوع او قله النوع بمعنى اصح فقدان احد عناصر السلسله لان احنا هنعمل صيد جائر لواحد فيهم وبالتالي هيعمل لي خلل في التوازن البيئي تمام طيب نيجي بعد كده على ثالث نقطه ممكن الانسان يضر بيها البيئه هو التدمير البيئي مثال عليه اللي هو احنا نيجي احنا اللي نقضي على الشعاب المرجانيه ما انا لسه قايل لك ان الشعاب المرجانيه بيعيش فيها كائنات فحضرتك لو دمرتها الكائنات دي هتموت فانا كده عدد انواع الكائنات قل يبقى ما عادش في تنوع يبقى النتائج المترتبه هنا فقدان التنوع البيولوجي فخد لي بالك من الجزء او المربع اللي على الشمال ده لانه مهم جدا يبقى ثاني ازاي الانسان بيضر البيئه بثلاث نقط تلوث سجائر تدمير بيئنا ان التلوث هيضر البيئه عن طريق ان هو بياثر على صحه وجوده الكائنات الحيه والتلوث مواد كيميائيه او معادن ثقيله او اسمده الصيد الجائر انا هقضي على نوع وبالتالي هعمل خلل في التوازن البيئي وهقلل النوع يعني فقدان احد انواع السلسله تدمير بيئي انا هدمر البيئه من ضمنها تدمير المواطن الطبيعيه زي الشعاب المرجانيه لو حضرتك دمرتها ما في كائنات كانت عايشه فالكائنات دي مش هتبقى موجوده وبالتالي عملنا فقدان في التنوع البيولوجي درس سهل اعتقد يعني نيجي على اخر نقطه عندنا في الدرس يبقى الدرس خلص هو راح فين دور الانسان في المحافظه بقى يعني انا دلوقتي بقى بمعنى اصح انا جاي اكلمك على الانسان بقى شخص مفيد دلوقتي بقى وجاي نتكلم على الدور الايجابي للانسان قال لي اربع حاجات شفت احنا انتهينا فين هنا قلت لك الانسان كان بيعمل ايه قلت لك والله الانسان هيدمر البيئ طب وليه انت تدمر الشعاب المرجانيه ما تحافظ على البيئ يبقى رقم واحد الحفاظ على الموارد الطبيعيه يعني حضرتك لو عندك حاجات طبيعيه ما تقطعهاش يبقى من خلال المحافظه على الموارد الطبيعيه من خلال ان حضرتك تمنع التلوث يبقى منع التلوث بمعنى حضرتك انت دلوقتي عندك الميه طب ما الميه ده مورد طبيعي حافظ عليه بمعنى اصح انت عايز تحافظ على الموارد الطبيعيه من التلوث وكمان حاجه من الاسراف بمعنى اصح لا تسرف افهمها كده واحده واحده انت عايز تحافظ على مولد طبيعي صح زي مين والله الموارد الطبيعيه زي الميه لا تسرف في استخدام المياه لا تلوث المياه يعني ما تخليش الميه ملوثه خلي لا الميه نظيفه في نفس الوقت ما تسيبش الحنفيه مفتوح حافظ على الميه لانه موري طبيعي فحضرتك كده حافظت على الموارد الطبيعيه من ايه من التلوث ومن الاسراف صح كده وكمان من التدمير يعني حضرتك دلوقتي انت فوق عامل تدمير للبيئه لا انت هتعمل حاجه اسمها الاستدامه يعني ايه الاستدامه يعني منع الصيد الجائر بمعنى اصح يعني هتستخدم الحاجه على قدك يعني حضرتك ما تروحش بقى انت دلوقتي اشتغلت او فتحت الحنفيه وسبتها مفتوحه لا خد على قدك وبعد كده سيب اعمل استدامه بلاش الحاجه الجائره انك تاخد او تستهلك المورد بشكل مبالغ فيه لا سيب شويه دي اسمها الاستدامه تمام طيب وده اللي احنا جايين نقولها هنا اللي هي ثاني نقطه عندنا اللي هي التنميه المستدامه دي بقى التنميه المستدامه بمعنى اصح كده بالبلدي ما تحفش يعني ايه اما تاكل سيب لغيرك اكل اما تشرب سيب لغيرك شرب يعني ما تاكلش استخسار ما تشربش استخسار يعني خد احتياجاتك وسيب حاجه للجيل اللي جاي بعدك فاذا التعريف هنا يهمني وممكن يسالك فيه اقول له كده هو تلبيه احتياجات الجيل الحالي يعني انا هاخد الاحتياجات اللي انا عايزها هي تلبيه احتياجات الجيل الحالي بس خد بالك سيب لغيرك يبقى دون التاثير على الاجيال القادمه يبقى تلبيه احتياجات الجيل الحالي دون التاثير على الاجيال القادمه دي كده اسمها ايه اسمها تنميه مستدامه بمعنى اصح قال قال ان التنميه المستدامه دي ازاي بقى احنا نعملها؟ قال لي رقم واحد ان احنا بنستخدم تكنولوجيا هنستخدم التكنولوجيا ديت في الزراعه والصناعه بمعنى اصح وكمان على فكره في التعليم عادي ممكن اعملها تعال نضرب مثال انا دلوقتي عايز اعمل تنميه مستدامه صح يعني انا مش عايز استهلك الموارد لا انا هاخد احتياجاتي بس مش هاثر على الجيل اللي جاي في التعليم عملوها ازاي قال لك والله دلوقتي بقى بيجيب لك امتحان كده وسعاب بيعرضه لك على الشاشه في المدرسه بدل ما استهلك الاوراق وانا كده هقضي على الاوراق الفتره اللي بعدها وبالتالي انا كده لبيت احتياجاتك بس هاثر على الجيل القادم فانا حاولت اوفر فجبت لك الشاشه وعرضت لك يبقى انا كده استفدت من التكنولوجيا ان انا قللت استهلاك الورد يبقى كده اسمها تكنولوجيا وعملت استدامه لبيت احتياجاتي وما اثرتش على الجيل اللي جاي في الزراعه والصناعه في الزراعه بيحصل حاجه دلوقتي اللي هي التقسيم بمعنى اصح يجي يقول لك مثلا ايه مش كل مصر هتزرع مثلا رز لا في شويه هيزرعوا رز وشويه ثاني مش هيزرعوا رز يقول لك ده الدوره جايه في مركز مركز معين جايه في مكان معين مش هخلي كله يزرع رز ما هو حضرتك اما كله يزرع رز باقي المحاصيل يبقى انا ما عملتش استدام انا كده هقطع محاصيل ممكن تكون في الاجيال اللي جايه بعد كده فانا ما عملتش استدامه في الموضوع فاهم الفكره طيب ثالث حاجه قال لي توعيه وتثقيف بي بمعنى اصح يعني ايه عارف انت بقى الناس اللي هي بتلف وتعمل دورات ويقول لك والله تعالى نقعد في ندوه ويبدا في الندوه بقى يقول لك اهميه البيئه واللي تحافظ عليها واللي ما تحافظش عليها وايه المفيد ليها فاذا دي اسمها توعيه وتثقيف بيئي ممكن تعملها من خلال حملات اعلاميه يبدا تعمل مثلا اعلام في التلفزيون بيئه نظيفه ومش عارف ايه الاعلانات دي اكيد عارفها يعني دي اسمها حملات اعلاميه ممكن بقى من خلال اي حاجه ممكن من خلال السوشيال ميديا مثلا عادي جدا يعني مش شرط يكون كلمه سوشيال ميديا مكتوبه في الكتاب انا بفهمك يعني ايه توعيه وتسطيف بيئي حضرتك هتبدا تنزل منشور تعرف الناس فيه عن البيئه او عن اضرار البيئه وعن الفايده اللي البيئه بتعملها علينا وليه احنا لازم نحافظ على البيئه فده اسمه توعيه وتثقيف بئ اخيرا ان احنا نتحول الى ممارسات صديقه للبيئه بمعنى ما تضرش البيئه يا باشا يعني ايه من ضمن الامثله ابدا النفايات ديت طول ما النفايات موجوده فهي مضره وملوثه للبيئه لا ابدا اعمل فرز للنفايات وما تسيبهاش كده اعمل لها اعاده تدوير واستخدمها مره ثانيه وتبقى مفيده بدل ما تبقى مضره رقم اثنين استخدام وسائل النقل العامه وليست الخاصه علشان تقلل التلوث ما هو حضرتك لو كل واحد بقى جاب عربيه ومشي وبقى فيه زحمه ففي ابخره وغازات متصاعده منها بتعمل تلوث لكن لو كله استخدم النقل العام انا قللت التلوث والابخره اللي طالعه منها وبالتالي انا حافظت على البيئه كده اقدر اقول ان الدرس بتاعنا خلص والفصل الاول عموما خلص اللي هو فصل البيئه المائيه الفيديو اللي جاي هيكون عن مراجعه الشهر باذن الله لان في ناس طالباها فهراجع لك الشهر اللي هو الدرس السادس والسابع والثامن والتاسع دول اللي عليك في امتحان الشهر قبل ما ما ننهي الفيديو بتاعنا تعال الخص لك الفيديو كده في دقيقتين ثلاثه علشان تكون فاهم الدرس كويس بص يا بطل احنا بنتكلم على درس اسمه ايه؟ توازن ب قلت لك يعني ايه توازن؟ يعني اتزان يعني حضرتك عندك كفتين قد بعض ما ينفعش يحصل زياده ولا يحصل نقص بس خد بالك الكفتين دول رايحين جايين فالاستقرار استقرار ديناميكي يحدث عندما تتفاعل الكائنات الحيه مع بعضها بطريقه تضمن استمرار الحياه والكائنات علشان تتفاعل بتتفاعل في حاجه اسمها سلسله غذائيه لان حياه البيئه المائيه عايشه على الافتراس ضربت مثالين اثنين على سلسله غذائيه الطحالب يتغذى عليها عوالق حيوانيه يتغذى عليها اسماك اسماك صغيره يتغذى عليها اسماك كبيره فالكائنات بتتفاعل مع بعضها في السلسله علشان تضمن الاتزان البيئي وعندي مثال ثاني الشعاب المرجانيه يتغذى عليها قنافذ البحر يتغذى عليها الاسماك المفترسه فخد بالك وجود الاسماك المفترسه مهم علشان يتغذى على قنافس البحر علشان يقلل عددها فما تاكلش كل الشعاب المرجانيه لان الشعاب موطن للعديد من الكائنات البحريه وبالتالي لو الشعاب قضين عليها الكائنات دي مش هتعيش كده فقدان في التنوع البيولوجي بعد كده قلت لك ثلاث حاجات بقى اهميه توازن دور الانسان الايجابي ودور الانسان السلبي اهميه التوازن البيئي في ثلاث امثله توازن عناصر توازن كائنات تدفق الطاقه عبر الشبكه الغذائيه انا لا محتاج اقول لك توازن الكائنات ولا تدفق الطاقه لانك خلاص فهمتها توازن العناصر عنصرين اثنين النيتروجين والفوسفور مهمين لنمو النباتات والطحالب لو زادوا او قاله يحصل خلل لان الزياده حتى كمان بتعمل ازدهار غير طبيعي للطحالب وممكن الزياده تنتج من ايه من التلوث بالاسمده لان فيها املاح نطرات واملاح فوسفات دي اول نقطه اللي هي اهميه التوازن البيئي ثاني نقطه عندنا اللي اللي هي مين بقى؟ اللي هي دور الانسان السلبي. دور الانسان السلبي يعني بيدور البيئه بالتلوث وبالصيد الجائر وبالتدمير والنتائج المترتبه على كل واحده مهمه. النتائج المترتبه على التلوث التاثير على جوده وصحه الكائنات الحيه. على الصيد الجائر عدد النوع هيقل وهيحصل خلل في التوازن البيئي. على التدمير البيئي زي تدمير الشعاب المرجانيه في كائنات هتموت بمعنى فقدان التنوع البيولوجي. طب دور الانسان الايجابي اربع حاجات. رقم واحد تنميه مستدامه بمعنى استعمل الموارد اللي عندك في البيئه بدون ما تخلصها. تلبيه احتياجات الجيل الحالي دون التاثير على الاجيال القادمه ورقم 2 عندي ان حضرتك بدل ما عملت تدمير بيئي لا حافظ على البيئه الحفاظ على الموارد الطبيعيه سواء من التلوث او من الاسراف يبقى كده تنميه مستدامه والحفاظ على الموارد الطبيعيه واخر نقطتين عندنا قلنا اللي هي التوعيه والتثقيف البيئي يعني حضرتك اعمل بقى حملات اعلاميه ا عرفهم فيها قد ايه البيئه ديك مهمه وليه لازم نحافظ على التوازن البيئي وليه مثلا نقلل الابخره لان مش عارف طبقه الاذون هيحصل الله ايه فهمهم الكلام ده من خلال توعيه وتثقيف بيه واخر حاجه ابدا بنفسك قبل ما تبدا بغيرك تحول الى ممارسات صديقه للبيئه بمعنى اصح ما تضرش انت البيئه قبل ما تنصحهم حاول انت ما تضرش البيئه يعني حاول تستخدم وسائل النقل العامه بدل وسائل النقل الخاصه لان لو زادت وسائل النقل الخاصه حضرتك بتعمل تلوث للبيئه ورقم اثنين فيها ان النفايات ما تسيبهاش اعمل اعاده تدوير للنفايات علشان تستخدمها في حاجه مفيده بدل ما تضر البيئه كده يبقى الفيديو بتاعنا خلصنا نا الفصل الاول ان شاء الله يكون ختامه مسك نستني طبعا بقى الناس اللي تدعمنا او اللي بتدعمنا في الفيديوهات تكتب لنا كومنت حلو كده لو استفادت من الفيديو وما تنساش طبعا اللايك بقى ده اهم حاجه عشان الفيديو يوصل لغيرك وغيرك يستفيد منه باذن الله واستنونا في مراجعه شهر نوفمبر باذن الله على الاربع دروس هتنزل لكم هنا على اليوتيوب مجانا واستنى طبعا حل الدرس ده من كتاب الامتحان هينزل على القناه والسلام عليكم ورحمه الله وبركاته.