Explanation of the lesson on climate and natural vegetation in the world climatic regions Geo

ازيكم شباب ثالثه اعدادي عاملين ايه اهلا بيكم النهارده هنشرح درس اسمه الاقاليم المناخيه او المناخ والنبات الطبيعي في العالم ومعظم الناس لما بتشوف الدرس ده بيجي لها حاله من التوتر كده وبتتخطف ده تفاصيله كتيره والدرس ده صعب تعال هنقوله النهارده بطريقه مميزه ومختلفه ويمكن انا هقول لك معلومات شويه بره المنهج بس ه محتاجها جوه الدرس كان زمان بيقول لك ايه اغنيه كده تقول لك حلاوه شمسنا والجو عندنا ربيع طول السنه طبعا هو ما يقصد بالمعنى الحرفي الاغنيه دي يعني ولكن هو يقصد ان المناخ في مصر معتدل بصفه عامه وده اللي احنا عارفينه ان المناخ في مصر معتدل طب هل في بقيه المناطق في العالم المناخ معتدل قال لك لا طبيعي في اماكن مناخه برد جدا زي معظم دول قاره اوروبا في مناخ حار جدا زي معظم دول قاره افريقيا وبالتالي المناخ المناخ بيختلف من مكان للثاني طيب المناخ لما بيختلف من مكان الثاني بيختلف على اساس ايه على اساس ثلاث حاجات انت اخدتهم قبل كده طب انا هعتبر ان انا ما اخدتش اي معلومه من المعلومات اللي قبل كده المناخ بيختلف على اساس ايه بيختلف على اساس ثلاث حاجات الموقع الفلكي والموقع الجغرافي والتضاريس تعالى نقولهم تاني موقع فلكي موقع جغرافي والتضاريس طيب يبقى اذا علشان الناس تقدر تدرس المناخ والعلماء يخلوا الناس تقدر تدرس المناخ بكل بسهوله قال لك خلاص احنا هنجيب العالم نقسمه لاقاليم مناخيه بناء على ايه بناء على ان المناخ بيختلف من مكان للثاني طيب يعني ايه اصلا اقليم مناخي قال لك دي منطقه محدده على سطح الارض ليها خصائص مناخيه يعني ايه الخصائص المناخيه يعني ليها حراره ورياح وامطار وضغط جوي نقولهم ثاني يبقى اذا ده اول سؤال عندي في الدرس يعني ايه اقليم مناخي يعني منطقه محدده على سطح الارض ليها خصائص مناخيه منطقه محدده على سطح الارض ليها خصائص مناخيه رياح وحراره وامطار طيب حلو اللي انا بقوله فبقول لك اهو معلومه مهمه جدا يختلف المناخ داخل القاره الواحده من منطقه الى اخرى على حسب عوامل كتيره ايه هم العوامل موقع فلكي موقع جغرافي والتضاريس وتعال افهمك الحته دي قبل ما اخش على درس الاقاليم المناخيه نفسها بص يا فندم ايه حوار الموقع الفلكي والموقع الجغرافي والتضاريس احنا اخدنا قبل كده يا فندم ان ادي الكره الارضيه هنعتبر ان دي الكره الارضيه وده خط الايه الاستواء فكان عندي معلومه بتقول ايه كلما اقتربنا من دائره الاستواء كلما اقتربنا من دائره الاستواء بتزيد درجه الحراره نظر لان اشعه الشمس على طول طول السنه متعامده على ايه متعامده على دائه الاستواء طيب وكل ما ببعد عن دائره الاستواء اروح ناحيه القطب الشمال او اروح ناحيه القطب الجنوبي درجه الحراره بتقل يبقى اللي انا بحكيه لك ده يا فندم ده الموقع الفلكي يبقى الموقع الفلكي هو الاقتراب من خطوط الطول هو هو الاقتراب من دوائر العرض اللي هي دائره العرض الرئيسيه دائره الاستواء او ان انا لما ببعد عنها بيبقى درجه الحراره بتقل ده اول حاجه قال لك تاني حاجه الموقع الايه الجغرافي ايه حوار الموقع الجغرافي ده هي المدن اللي على البحر زي المدن اللي هي لا تطل على بحر اللي احنا بنسميها المدن الداخليه لا طبعا المدن اللي على البحر دايما بيكون منخه معتدل وبيكون فيها الميه بتلطف من درجه الحراره زي مدينه اسكندريه زي مدينه الغردقه زي مارس مطروح زي بورسعيد كل الناس اللي عايشه في المدن دي بيبقى مناخه حلو جدا ومعتدل عكس الناس اللي عايشه في المدن الداخليه دي بيكون عندها مناخ مرتفع شويه في درجه الحراره منخفض شويتين في ا في الشتاء فبيكون عندي ايه اختلاف عكس المناطق اللي هي ايه المناطق الداخليه يبقى انا هنا عندي الموقع الجغرافي يقصد ب حاجتين يا اما بيتكلم على المدن التي تطل على البحار والمحيطات او الراجل ده بيتكلم على المدن الايه الداخليه يبقى على حسب المدينه او المنطقه او القاره هي المنطقه اللي في القاره دي منطقه ما بتطل على بحر او محيط يبقى اذا الموقع الجغرافي ماثر على فكره المناخ دي اول نقطه ثالث نق دي تاني نقطه ثالث نقطه وهي التداريب اخدنا قبل كده معلومه بتقول ايه بتقول ان انا ممكن الاقي على قمم الجبال ثلج ايه ده ليه المعلومه دي قال لك لان كلما ارتفعنا 150 متر بتقل درجه الحراره درجه مئويه هتقول لي مسمرين هل الكلام ده في المنهج هل الكلام ده عندي في الشرح هقول لك لا بس انت عشان تفهم الدرس لازم تفهم الثلاث حاجات دول يعني ده اساس الدرس اللي يتفهمه هي المشكله بقى ان احنا لما بنشتغل درس الاقاليم المناخيه والمناخ ده المدرسين بيخشوا يشتغلوا على طول في درس طب ما في معلومات لازم تتقال عشان افكرك ازاي الدرس ده هيمشي التضاريس اللي هي عامل الارتفاع انا عندي بعض الجبال المرتفعه جدا جدا جدا زي جبل سانت كاترين في مصر مثلا المنطقه دي يا جماعه منطقه بتتراكم عليها التلج فوق قمه الجبل ليه لان في قاعده انا لو عند الجبل من تحت الجو بيبقى حار هطلع الجبل فوق واعيش خد بالك بقى عشان الكلام ده هيتقال بعد كده فين برده في درس توزيع السكان هطلع الجبل فوق واعيش الاقي درجه الحراره منخفضه ده انا ممكن الاقي على قم على قمه الجبل الاقي تلج طيب ده هن عوزه في ايه بقى انا اقول لك بص يا سيدي انا عندي ايه هنعمل كده ونقول تاني ادي اهو ونعمل هنا دي دايره الايه الاستواء ماشي يبقى ده الاستواء قلنا المناطق اللي حوالين دائره الاستواء درجه حرارتها عاليه لان الشمس متعامده فقال لك بص يا سيدي المناطق اللي حوالين دايره الاستواء دي كلها كده ها على فكره بالمناسبه دايره الاستواء درجتها صفر المناطق الحوان دائه الاستواء هنسميها اقاليم حاره تمام اهو وهننزل شويه المناطق دي اهو اللي بعد دايره الاستواء هتبقى اقاليم معتدله دفيئه معتدله بس دافيه شويه يبقى من اهو معتدله دافيه طيب نقرب شويه كمان ها نبتدي نبعد شويه كمان يبقى دي هنسميها اقاليم اقاليم معتدله بارده نبعد خالص بقى ونقرب عند القطب الايه عند القطب الجنوبي او عند القطب الشمالي هيبقى المنطقه دي اسمها اقاليم برده تاني يبقى هنا معتدله دافيه معتدله بارده واقاليم برده صح ده بناء على ايه بناء على الجزئيه اللي احنا اتكلمنا فيها بتاعه الموقع الفلكي اهو ا تاني يبقى المناطق اللي حوالين دائه الاستواء بنسميها اقاليم حر يبقى العالم متسب لكم اقليم لاربعه بارده معتدله بارده معتدله دافه حاره او بالعكس الاول حاجه نقول عليها الحاره بعد كده المعتدله الدافيه بعد كده الاقاليم المعتدله البارده بعد كده بنتلك خالص بقى وبنبقى سقعانين جدا جدا عند القطب الشمالي والقطب الجنوبي دي بنسميها اقاليم ايه بنسميها اقاليم برد سهل كده طيب تعال بقى نكتب المعلومه دي تاني يبقى انا عندي كمم اقليم تعال نقسمه اهم اول اقليم اقاليم حار ها معتدله دافيه معتدله بارده واقاليم برد طيب تعال بقى ركز معايا في المعلومه دي ها بصي يا ديي نكمل بقى الاقاليم الحاره دي لو انا جيت رسمت اهو ودي دايره الاستواء وقلت لك المناطق اللي حوالين دائره الاستواء دي بنسميها اقاليم حار دائره الاستواء رقمها كام رقمها صفر طيب بما ان هي رقمها صفر طب انا الاقاليم الحاره دي منين لفين قال لك خد بالك الاقاليم الحاره دي بتبتدي من صفر لغايه دايره عرض 30 يعني من صفر لغايه 30 شمالا ومن صفر لغايه 30 جنوبا من صفر لغايه 30 شمالا ومن صفر لغايه 30 جنوبا دي الاقاليم الحار طيب بعد كده الاقاليم المعتدله الدافيه دي قال لك مش هي كانت فوق الاقاليم الحاره لما جينا رسمنا لما جينا رسمنا اللي فاتت دي اهي الورقه اللي فاتت دي مش هي كانت عند فوق خط الاستواء بعد الاقاليم الحاره وانا هنا قلت الاقاليم الحاره من صفر ل 30 اهو من صفر ل 30 ومن صفر ل 30 المعتدله الدافيه بقى من كام لكام قال لك المعتدله الدافيه من 30 ل 45 يبقى من دايره عرض 30 لدائره عرض 45 شمال وجنوب طيب والمعتدله البارده هتبقى من 45 ل 60 شمال وجنوب طيب والاقاليم البارده هتبقى بقى اخر حاجه من 60 ل 90 شمال وجنوب يبقى كده انا عندي كام دايره عرض عندي 90 دايره عرض في الشمال و90 دايره عرض في الجنوب يبقى اللي انا بعمله في الشمال بعمله برض هو هو فين في الجنوب يبقى معنى كده ان انا عندي كام اقليم اربعه حاره معتدله دافيه معتدله بارده وبرده سهله دي طيب الاقاليم الحاره دي متقسمه لاقاليم جواها صغننه يعني هنعتبر ان انا عندي اربع امهات اقاليم حاره معتدله دافيه معتدله بارده بارده كل ل واحد فيهم خل في عيال صغيره خل في عيال ايه صغيره طيب معلش بس انا عايزه افهم يعني ايه بص بقى هفهمك الاقاليم الحاره دي خلفت ايه خلفت اربع عياد اول حاجه اقليم استوائي عشان هو قريب من خط الاستواء بعد كده اقليم مداري بعد كده اقليم موسمي بعد كده اقليم صحراوي حار يبقى انا عندي كا اق اقليم في الاقاليم الحاره اربعه خلفت كام عيل اربعه استوائي مداري موسمي وصحراوي حار استوائي مدري موسمي وصحراوي حار طيب والاقاليم المعتدله الدافيه دي خلفت كام عيل قال لك خلفت ثلاث عيال ايه ههم قال لك الصيني والصحراوي المعتدل واقليم البحر المتوسط صيني صحراوي معتدل واقليم البحر متوسط طيب والاقاليم البارده دي خلفت كام عيل قال لك خلفت ثلاث عيال ايه هم قال لك اول واحد اللورانسي ده اقليم اسمه كده اللورنسي وبعد كده اقليم اسمه قري بارد واقليم غرب اوروبا اقليم غرب اوروبا طيب والاقاليم البارده دي خلفت كام عيل خلفت عيلين الطنه والجبلي الطنه والجبل يبقى انا هقول تاني اللي قدامك دي مهم يبقى الاقاليم الحر كلهم على بعض الاقاليم من كام لكام ماما دي واقفه منين لفين قاللك واقفه من دايره عرض صفر من اول خط الاستواء ل 30 شمالا ومن صفر ل 30 جنوبا خلفت كام عيل خلفت اربعه استوائي مداري موسمي وصحراوي حار طيب بعد كده ماما الثانيه اختها الثانيه قالت ايه انا اسمي الاقاليم معتدله الدافيه انا واقفه عند دايره عرض من 30 ل 45 يعني من ساعه ما اختي الحاره ايه وقفت طيب مخلفه كم عيل قالك مخلفه ثلاث عيال صيني صحراوي معتدل وبحر متوسط طيب نيجي بعد كده على الاقاليم المعتدله البارده من كام لكام قالت من نفس الرقم اللي اختي وقفت عنده هكمل من 45 ل 60 خلفتي كام عيل قال لي خلف الثلاثه برده لورانس قاري بارد وغرب اوروبا طيب والاقاليم البارده اللي هي من 60 ل 90 اللي هي الاقاليم البرده خالص قالت انا خلفت عيلين طنه وجبلي طنه وايه وجبلي في مشكله في الجزئيه دي ما فيش ان شاء الله مش هيبقى فيه طيب تعالى بقى ناخد نقطه انيه نشوف بقى اللي احنا قلناه ده على البرد يبقى تقسيمه تقسيمه الاقاليم زي ما انت شايف اهو يبقى تتنوع الاقاليم المناخيه كالتالي حاره معتدله دافه مناخيه معتدله بارده وبرده قال لك الاقاليم الحاره استوائي وشبه استوائي المداري اللي احنا بنقول عليه بعد كده سوداني والموسمي والصحراوي الحار طيب والاقاليم المعتدله الدافيه البحر المتوسط والصيني والصحراوي المعتدل والاقاليم المعتدله البارده ا غرب اوروبا اللورانسي والقري البارد واخر حاجه الاقاليم البارده اللي هو الطنه والجبلي طيب تعالى بقى نمسك كده جزئيه جزئيه قال لك الاقاليم المناخيه الحاره اللي احنا قلنا عليها كلها على بعضها بتمتد من دائره عرض 30 شمالا ل 30 جنوبين يعني من صفر انا اهو عندي الخريطه اهو زي ما انت شايف ركز في الخريطه وده المهم انا عندي اهو من صفر اهو لغايه 30 شمالا ومن صفر لغايه 30 جنوبا ماشي اهي مالها بقى خلفت كام عيل يلا ارجع احفظ معايا اربع عيال ها استوائي مداري موسمي صحراوي معتدل صحراوي حار قال لك عشان الموجه بيحبك هيشيل الصحراوي الحار ومش هيديه ك في المنهج يبقى انت في الاقاليم الحاره هتدرس كم عيل من عياله هتدرس ثلاثه هتدرس الاستوائي وتدرس المداري وهت درس الموسمي هتدرس الاستوائي والمداري والموسمي قال لك طيب تعال بقى نركز في الحته دي بص يا سيدي بص بقى المنظر اللي قدامك ده لازم يبقى مفهوم بص هنعمل ايه هنعمل حركه حلوه قوي تعال اوريها لك بص يا سيدي ادي الكره الارضيه وادي خط الاستواء وهنا صفر بص بقى ادي صفر وانا عندي زي ما قلنا في الاقليم الحار الاقاليم الحار مخلفه ثلاث عيال استوائي ومداري وموسمي وهم كلهم على بعض من صفر ل 30 طيب هنعملها ازاي ادي ال 30 اهي دايره عرض 30 وادي دايره عرض 30 فقال لك بص يا ستي من صفر من دايره عرض صفر لغايه 10 ومن صفر لغايه 10 ده هيبقى الاقليم الاستوائي وشبه الاستوائي اللي هو عند خط الاستواء يبقى من صفر ل 10 ومن صفر ل 10 ده اول عيل الاقليم الحار يخلفه وقفه فين وقفه عند رقم من صفر ل 10 طيب يبقى ده استوائي اهو بعد كده المداري المداري قاللك انا هقف من 10 لغايه 18 اهو ده بنسميه مداري ونفس الكلام بيتعمل تحت مداري طيب ادي الاستوائي وادي المداري فاضل عندي كم عيل فاضل عندي اتنين موسمي وصحراوي ح الموسمي مالهوش رقم خد بالك المداري من 10 ل 18 طيب انا هنا واقفه عند دايره كام 30 من 18 ل 30 هيبقى اقليم صحراوي حار اقليم صحراوي ايه حار يبقى كلهم على بعض وادي الاقليم الصحراوي الحار كلهم على بعض من صفر ل 30 شمالا ومن صفر ل 30 ايه جنوبا بس الفكره في ايه هي بقى اللعبه في كده الفكره في ايه الفكره ان انا هاخد كل واحد لوحده يعني هم بما ان الاقاليم الحاره اهم اربعه استوائي ها ومداري وموسمي وصحراوي حار واحنا قلنا كلهم على بعض بس من صفر ل 30 طيب هيتقسط ل 30 دول على الاربع عيال الاستواء هياخد من صفر ل 10 والمداري هياخد من 10 ل 18 والموسمي مش هياخد حاجه هيطلع من مولد بلا حمص والصح الحار هياخد من 18 ل 30 يبقى انت كده خلصت ايه خلصت الاقاليم الحاره فانت بقى تعالى انت كده فهمت الجزئيه دي فبيقول لك اهو الاقليم الاستوائي وشبه الاستوائي من صفر لايه ل 10 شمالا ومن صفر ل 10 جنوبا موجود فين قال لك بص يا فندم هو موجود فين بقى بص على الخريطه عشان انت هنا لازم تعرف مكانه على الخريطه فين موجود عند دائره الاستواء طب دائره الاستواء دي بتمر في مناطق ايه ده اللي انت لازم تبقى عرفه قال لك اول حاجه بتمر عند جزر اندونيسيا وعند نهر الكونغو في افريقيا وعند نهر الامازون في امريكا الجنوبيه يبقى اذا الاقليم الاستوائي اللي هو يا شباب زي ما انتم عارفين الاستوائي ده حراره طول السنه امطار طول السنه عشان الشمس واقفه متعامده على دائره الاستواء موجود فين اندونيسيا في اسيا والكونغو في افريقيا والامازون امريكا جنوبيه اندونيسيا في اسيا والكونغو في افريقيا وال امازون امريكا جنوبيه طيب مناخ الاقليم الاستوائي ده عامل ازاي قال لك مناخ الاقليم الاستوائي حراره مرتفعه طول العام والامطار طول العام حراره مرتفعه طول العام والامطار طول العام طيب لما انا ابقى واقف عند الاقليم الاستوائي وشبه الاستوائي ده هلاقي في ايه يعني هلاقي في ايه نبات قال لك هتلاقي بما انه اسمه اقليم استوائي والمطر بينزل طول السنه فالمطر ده بيطلع ايه اشجار كثيفه ومتشابك الاشجار الكثيفه وال المتشابكه دي تعمل غابات فيبقى عندنا غابات اسمها غابات استوائيه طيب الغابات الاستوائيه دي عباره عن اشجار كثيفه ومتشابك هلاقي فيها ايه قال لك هلاقي فيها شجر اسمه المطاط والماهوجني وهلاقي فيها زواحف وطيور وحيوانات متسلقه قرود بقى وتعابين وطيور بتصوصو وتنونو كل ده هلاقيه فين في الاقليم الاستوائي وشبه الاستواء يبقى اول اقليم من الاقاليم الحاره اللي هو الاستوائي شب الاستوائي واقف او واخد من رقم كام من صفر 10 موجود فين قال لك موجود عند دائره الاستواء فين يا فندم قال لك عند جزر اندونيسيا في اسيا اللي انت المفروض واخدها في ال درس التضاريس ودرس قارات العالم وافريقيا عند حوض نهر الكونغو وامريكا الجنوبيه عند حوض نهر الامازون طيب اما بقى الحراره بتاعته عامله ازاي ما انا بدرس الاقليم من حيث ثلاث حاجات حراره رياح امطار فانا هنا اخلي قال لي ايه قال لي الحراره مرتفع طول السنه والامطار طول السنه ما جبليش سيره الرياح وهو هنا بيحبني طيب نيجي بعد كده على الايه النبات الطبيعي فهو عباره عن غابات استوائيه اشجارها كثيفه ومتشابك شجرتين شجره اسمها المطاط وشجره اسمها الهجني وفيها حيوانات زواحف وطيور ملونه وحيوانات متسلقه ده اول واحد تاني اقليمه اللي هو اخوه قال لك انا اسمي مداري او سوداني وواخد من رقم 10 ل 18 بابا اداني من 10 جنيه ل 18 جنيه تمام انا موجود فين قال لك بقى يا مس مارينا انا موجود فوق خط الاستواء وتحت خط الاستواء يعني انا موجود في استراليا وموجود في افريقيا وموجود في امريكا الجنوبيه عند هضبه البرازيل اهو بصوا بقى يبقى ده اللي باللون الاخضر الفاتح ركز في الالوان ده بنسميه اقليم ايه اقليم مداري او سوداني طب الاقليم المداري او السوداني ده لما انزل تحت كده وانا بشتغل خد بالك لازم تحط الخريطه قدام الشرح عشان تقدر تعمل مقارنه وتقدر تبقى فاهم المعلومه المداري الموسمي ده موجود فين قال لك في افريقيا وامريكا الجنوبيه شمال وجنوب دائه الاستواء وموجود في اسيا جنوب غرب قاره اسيا عند بالضبط منطقه شبه جزيره سي العربيه شبه الجزيره العربيه وموجود في حته صغيره من امريكا الشماليه وشمال استراليا ماله ده قال لك مش انا اقليم حار يبقى انا حرارتي مرتفعه صيف والامطار في الصيف الامطار في الصيف قال لك اه الامطار في الصيف مش في الشتاء وما فيش عندي اي امطار في الشتاء ي سود الجفاف شتاء يبقى حراره مرتفعه في الصيف والامطار في الصيف والجفاف شتاء يبقى اقليم مداري او سوداني اللي هو من 10 ل 18 طيب الاقليم المداري ده يبقى الغابات على اسمه هتبقى غابات مديه طيب والغابات المداريه دي معاها ايه قال لك معاها حشائش اسمها حشائش السفانه كنا خدناها قبل كده في سنه اعدادي ان حشائش السفانه دي حشائش طويله بتبقى موجوده في مناطق فيها مطر وكمان يا شباب بتبقى حديقه حيوان طبيعيه لان انت و انت ماشي في وسط الحشائش دي بتلاقي حيوانات اكله العشب وحيوانات اكله اللحوم تلاقي زرافه وفيل وتلاقي اسد ونمر وضبع فبتلاكي سموا حشائش سفانه دي حديقه حيوان ايه حديقه حيوان طبيعيه طيب حلو الكلام هيتفول عندي الاقليم الايه الموسمي ما انا قلت الصحراوي الحار اتلغى الموسمي اخد فلوس من ابوه قال لك لا ما اخدش فلوس من ابوه طلع من مولد بلا حمص طيب ام طال انا هعرف منين هو واقف فين قال لك بص يا سيدي مس مر تحب تغني اغنيه الموسمي ده لابس شورت وفيونكه بقرنين وقاعد بياكل بطين لا مش فاهم تعال اوريها لك يا فندم بص بقى من على الخريط لابس الشورت لابس الشورت عند دوله الهند ودوله الصين يبقى هو في اسيا في الهند والصين الشرط اهو وفينك بقرنين يعني اقصى شمال استرالي اللي ماشي وقاعد بياكل بطين بطين عند هضبه اثيوبيا في قاره افريقيا اللي اخدناها في درس التضاريس وجزيره مدغشكر اللي خدناها برده في درس قاره العالم والتضاريس يبقى انا عندي هنا لما اجي اقول لك فين الموسمي واخد رقم لا مش واخد رقم طب امال هو ايه قال لك هو واقف لابس شورت وفينك ب قرنين وقاعد بياكل بطين اهم مكورين اهو فين الشورت في الهند في قاره اسيا فين الفيونكه اللي بقرنين في اقصى شمال استراليا والبطين اللي بياكله في افريقيا عند هضبه اثيوبيا اهي وعند جزيره مدغشكر طيب حلو الكلام بص بقى على الشرح الموجود اهو الاقليم الموسمي مالوش رقم انما هو فين قال لك هو في اسيا في الهند والصين واستراليا اقصى شمال استراليا وفي افريقيا عند هضبه اثيوبيا وجزيره مدغشكر طيب ماله قال لك هو زي اخوه المداري اخوه المداري في ح حرارته اه حراره مرتفعه في الصيف والامطار في الصيف ويسود الجاف في شتاء الله يا سود الجفاف شتاء ايه ده هو الاقليم من زي بعض في ايه في مناخم هو ينفع قال لك لا ما ينفعش هتلاقي في حته كده ايه صغننه كده زي ما بيقولوا كده ايه مميزه الموسمي ايه هي بقى ان الامطار بتاعه الموسمي غزيره في الصيف يبقى هم الاثنين بيمطر في الصيف اه هم الاثنين حر في الصيف اه اللي بيميز الموسمي عن المداري ان الموسمي امطاره غزيره شويه في فصل الصيف لكن هم الاتنين ما فيهمش مطر في الشتاء طيب اقليم موسمي هتبقى غابات على اسمه هتبقى غابات موسميه موجوده ليه اي غابه موجوده عشان الامطار كتيره طيب الغابات دي فيها اشجار شجر ايه قاللك شجره جوزه الهند حلو الكلام وبرضو فيها حشائش السفن الله تعالي بقى كده يا مسمارين بص بقى بقوللك ايه معلومه مهمه جدا بص بقى تلاقي بقى في الاخر في ملخص كده خد بالك يتشابه الاقليم المداري مع الاقليم الموسمي في المناخ لان هم الاثنين حر في الصيف وبيمط في الصيف والشتا جف وهم الاتنين فيهم حشائش ايه سافانا وحشائش سفان دي تتدرج في طولها على حسب كميه المطر وتعتبر حشائش سفان حديقه حيوان طبيعيه ده سؤال بما تفسر او دلل هتقول له ياعيش بها حيوانات بتاكل العشب وبتاكل اللحوم يبقى انت كده مالك خلصت ايه هنقول لا ارع يعني خلصت الربع المهم من الدرس نركز بقى يبقى تاني يبقى الاقاليم الحاره دي خلفت اربع عيال استوائي مداري موسمي صحراوي حار كلهم على بعض من صفر ل 30 بس هنقسم الاستوائي اخد من صفر ل 10 المداري اخد من 10 ل 18 الموسمي ما اخدش فلوس ما اخدش حاجه الصحراوي الحار من 10 ل 18 طيب انا هعمل ايه انا مش هاخد الصحراوي الحار مش عليا بس انا هاخد الثلاثه دول الاستواء من صفر ل 10 موجود فين عند جزر اندونيسيا في قاره اسيا ونهر الكونغو في افريقيا احفظ بقى معايا ونهر الامازون في امريكا الجنوبيه ماله الاستوائي حراره مرتفعه طول العام والامطار طول العام والغابات استوائيه شجرتين في الغابات دي الهجني والمطاط وحيوانات وطيور متسلقه نيجي على الاقليم ايه اقليم المداري من 10 ل 18 غابات و مداريه حراره مرتفعه في الصيف والامطار في الصيف الموسمي واخد رقم لا يا فندم امال ايه لابس شورت عند الهند والصين وفينك ب قرنين عند شمال استراليا وبياكل بطين في افريقيا عند هضبه اثيوبيا وجزيره مدغشكر رغباته موسميه على اسمه فيها شجر اسمه جوز الهند وبرده فيها حشايش الايه السفان يبقى انت كده خلصت جزئيه الاقاليم الحار ما تكملش الفيديو وقف وقف انا بقول لك وقف اقعد ذاكر الشرح وذاكر الخريطه وارجع كمل فيديو قسم الدرس ده على اربع حتت زي ما انا هعمل معاك يلا بينا نكمل الاقاليم اللي بعد كده تعالى بقى نكمل الاقاليم اللي بعد كده اللي بعد كده اسمها اقاليم ايه معتدله دافيه دافيه بص بقى يا سيدي انا اقوللك ادي ها الكره الارضيه بتاع بنا وادي خط الاستواء رقمه صفر وادي من صفر ل 30 قلنا دي اقاليم ها لو تفتكر من صفر ل 30 ومن صفر ل 30 دي كلها اقاليم ايه اقاليم حاره ومتقسمه كام ها اربعه استوائي مداري موسمي صحراوي حار صح صح وقلنا كل واحد واخد ايه منين لفين الاستوائي واخد من صفر لع والمداري من 10 ل 18 وال صحراوي الحار من 18 ل 30 وايه وقعدنا نتكلم على الاقاليم دي كلها طيب تعال بقى الاقاليم اللي بعد كده اسمها اقاليم ايه اسمها اقاليم معتدله دافيه معتدله ايه يا شباب دافيه بص بقى يا سيدي الاقاليم المعتدله الدافيه دي بتبتدي من 30 لغايه دايره عرض 45 من 30 ل 45 اهي دي بنسميها اقاليم معتدله ايه معتدله دفي طيب الفكره في ايه بقى ان هي خلفت ثلاث عيال احنا كنا قلنا م قبل كده تعال نفتكرهم الاقاليم المعتدله الداف خلفت ثلاث عيال خلفت عيل اسمه صيني ماشي وعيل اسمه صحراوي معتدل والعيل الثالث اسمه بحر متوسط لما جت تخلفهم يا شباب الاقاليم المعتدله الدافيه خلفتهم مره واحده خلفتهم توام فهم الثلاثه واخدين نفس الارقام يعني هم الثلاثه من 30 ل 45 الله ا هو ينفع قال لك اه ينفع بس هنا هنعمل ايه بقى هنعمل حركه صغننه خالص ايه الحركه دي هنحط كل واحد في مكان يعني في الاقاليم الحاره كنا بنحط واحد وبعد كده فوقيه واحد وبعد كده فوقيه واحد وبعد كده فوقيه واحد من صفر ل 10 من 10 ل 18 من 18 ل 30 قال لك لا ده كل واحد كان واخد ايه واخد دوره الثلاثه هنا بقى في الاقاليم المعتدله الدافيه هنحطهم هم الثلاثه جنب بعض ونحطهم واحد نحطهم على رجلنا اليمين ماما بقى كده حطت عيل على ايديها اليمين وعايل على ايديها الشمال وعايل كده قعدته في نص تمام طيب يبقى معنى كده انا هعمل ايه هلاقي دايما الاقليم الصيني موجود دايما في شرق القارت يعني هو من 30 ل 45 بس دايما على ايدك اليمين من اي قر واقليم البحر المتوسط من 30 ل 45 برده بس موجود في غرب القارات يعني موجود على ايدك الشمال من اي قاره والاقليم الصحراوي المعتدل في فين في النص قال لك عشان الموجه بيحبك غلك يا عم الصحراوي المعتدل يبقى انا في الاقليم المعتدله الدافي هاخد كمم اقليم هاخد اقليمين هاخد الاقليم الصيني واقليم البحر الايه اقليم البحر المتوسط تعال بقى نشوف الكلام اللي انا بقوله ده بص اهو الاقاليم المعتدله الدافئه تمتد من 30 ل 45 شمال وجنوب حلو الكلام حلو الكلام لونين عندك على الخريطه اللي قدامك هما لونين يا اما ازرق يا اما احمر الازرق ده اللي هو الصيني هتلاقيه دايما ايه هتلاقيه دايما في شرق القارات اهو يعني هو في شرق اسيا شرق امريكا الشماليه شرق امريكا الجنوبيه شرق افريقيا شرق استراليا اهو هو موجود في شرق ايه في شرق اي قاره طب ما عدا اوروبا ليه يا مس مارينا اوروبا قال لك اوروبا دي كاره بارده فمش هلاقي حاجه فيها معتدل دافئ الاقليم الصيني ده ايه معتدل دافي فانا مش هلاقيه في اوروبا لان اوروبا قاره بارده هلاقيه في اي قاره يا جدعان الا قاره اوروبا حلو الكلام هتلاقيه بقى فين هتلاقيه في شرق قاره ايه في الشرق قاره اسيا وشرق امريكا الشماليه وشرق امريكا الجنوبيه و واستراليا وكمان اهو شرق امريكا الشماليه بصوا هتلاقوه في شرق اسيا وشرق امريكا الشماليه شرق استراليا شرق افريقيا شرق امريكا الجنوبيه زي ما احنا كده قاعدين بنتعامل عادي تمام طيب بصوا بقى هو ايه الصيني ده ده اقليم صيني اللي باللون الازرق ده ماله قال لك هو باباه الاقليم المعتدل الدافي طيب بما ان باباه م اقليم معتدل دافي يبقى هو عايز يتدفى يبقى هو هيقرب من المدارات معنى كده ان انت ركز في الخريطه اي مدار سواء كان السرطان او مدار الجدي يا شباب الاقليم الصيني موجود في الشرق وبيلم مع المدار عشان ايه ي فه ركز في الحته دي وعزها بعد كده طب اقليم البحر المتوسط قال لك موجود في غرب كل القارات غرب كل الايه القارات تمام طيب هلاقيه فين في اوروبا بصوا في افريقيا حوالين البحر المتوسط مش ده البحر المتوسط يبقى في جنوب اوروبا وشمال افريقيا وموجود في امريكا الشماليه وموجود في امريكا الجنوبيه وموجود في افريقيا وموجود في استراليا وهتلاقي ايه بقى هتلاقي عشان هم توام واخدين نفس الايه واخدين نفس دوائ العرض واقفين بنفس الفكره الصيني على ايدك اليمين البحر متوسط على ايدك الشمال الصيني على ايدك اليمين البحر متوسط على ايدك الشمال يبقى اهو ادي اهو ادي البحر المتوسط اهو يا شباب اللي باللون الاحمر تعالى مثلا اوريك تاني على الخريط بص اهو نمسح كل ده عشان انت تشوف معايا اللي انا عايزه اوريهولك يلا بينا ونقول تاني ادي الخريطه نضيفه اهي ماشي مالها بقى الاقليم الصيني فين اهو اللي بالازرق وقدامه قباله مين البحر المتوسط الصيني في اسيا ها استراليا افريقيا امريكا جنوبيه امريكا شماليه في اوروبا عشان اوروبا قاره برد حلو الكلام طيب البحر المتوسط قدامه الناحيه الثانيه موجود فين بقى قال لك موجود في جنوب اوروبا وشرق مين وشرق قاره وشمال قاره افريقيا وغرب قاره امريكا الشماليه وغرب امريكا الجنوب بيه وغرب افريقيا من تحت يعني معنى كده ان البحر المتوسط في افريقيا موجود فوق وتحت واقبال ايه الصيني في استراليا يا حلاوه يا اد طيب تعالى بقى نشوف الكلام ده اهم حاجه تعرف مكانه على الخريطه وبما ان الاقاليم المعتدله الدافيه دافيه فهي تلاقي دايما بتقرب من المدارات تدف حلو الكلام طيب بص بقى تعالى ها تعالى بقى نشوف الكلام اللي موجود والشرح قال لك هنبتدي باول واحد اقليم البحر المتوسط اللي هو ايه اللي هو موجود في اي سواحل موجود فين في اي سواحل قال لك الاقليم البحر المتوسط هو بيمت من 30 ل 25 غرب معظم القراد غرب معظم الايه القراد غرب معظم ايه القراد تمام طيب فين يا فنان قال لك كمان موجود في اسيا عند سواحل الشام وتركيا موجود في افريقيا عند سواحل دول المغرب الع تونس والمغرب والجزائر موجود في اوروبا عند السواحل المطله على البحر المتوسط يبقى انا مفتاح اقليم البحر المتوسط لما يجي لك سؤال اختر او صح وغلط هو موجود عند السواحل طيب حلو الكلام موجود في امريكا الشماليه عند سواحل ولايه كاليفورنيا دي ولايه من ولايات امريكا الشماليه موجود في امريكا الجنوبيه عند سواحل دوله تشيلي سواحل دوله ايه يا فنان تشيلي طب انا كده محتاج حاجه ثاني قال لك لا يبقى انا مفتاح البحر المتوسط موجود فين موجود عند سواحل القار قارات موجود عند سواحل القارات موجود عند سواحل القارات طيب فين في غرب القارات في اسيا في الشام وتركيه افريقيا عند دول المغرب العربي سواحل المطله على البحر المتوسط في اوروبا وولايه كاليفورنيا في امريكا الشماليه وفي امريكا الجنوبيه عند دوله ايه عند دوله التشيلي في سواحل برض طيب ماله ده بقى عامل ازاي بقى البحر المتوسط قال لك مناخه زي مناخ اسكندريه كده حر صيف دافي في الشيتا حر سيف دافي في الشتا والامطار تسقط في الشتا ايه الجمال ده عندي في امطار في اسكندريه في الصيف لا يبقى يسود الجفاف يفن يسود الجفاف ايه سيفن يبقى اذا اقليم البحر متوسط ماله حر يف دافي في الشتاء والامطار تسقط في الشتا ويسود الجافه في الصيف طيب اقليم البحر المتوسط ده هتبقى غابات على اسمه اسمها غابات البحر المتوسط واشجارها دايما مخضره كده ومنوره زي شجره الايه الزيتون طيب والاقاليم المعتدله عموما الدافيه سواء كان صيني او بحر متوسط يا شباب بلاقي فيها حشائش الاستبس دايما حشائش الاستبس دي موجوده جنب غابات اقليم البحر المتوسط وجنب غابات الاقليم الصيني يبقى حشائش الاستبس دي موجوده في ايه موجوده في الاقاليم المعتدله الدافيه انما حشائش السفان كانت موجوده في الاقاليم الايه الحاره عند المداري والموسم طيب وحشائش الاستبس دي حشائش صغننه عكس حشائش السفنه بتبقى حشائش طويله حشائش البس دي حشائش صغننه فبيقول لك اهو تستغل كمرا معي طبيعيه يعني بيجيبوا الخرفان والمعيز والبقر والحيوانات يقعدوا ياكلوا في حشائش الاستبس دي بدل ما يزرعوا لهم برسيم بالبلدي كده لما يجي لك سؤال بما تفسر اهميه حشائش الاستبس قول له تستغل راعي ايه كم مراعي طبيعيه وبيسموها في امريكا الشماليه بيسموها حشائش البراري بيسموها حشائش الايه البراري تعالى قول ثاني اقليم البحر المتوسط يبقى هو موجود من 30 ل 45 قدامك خد توام الصيني من 30 ل 45 برده الصيني موجود في شرق القارات والبحر المتوسط موجود في غرب القارات موجود في غرب القارات فين عند سواحل كل الدول اللي معروفه اللي انا هقول لك عليها دلوقتي سواحل الشام وتركيا في قاره اسيا سواحل المغرب العربي في افريقيا في اوروبا السواحل المطله على البحر المتوسط في امريكا الشماليه السواحل المطله على ولايه كاليفورنيا وامريكا الجنوبيه عند الساحل الاوسط لتشيلي تمام تمام حر صيف ده في الشتا والامطار تسقط في الشتا حر سيف دافي في الشتا والامطار تسقط في الشتا والجفاف في الصيف غابات على اسمه البحر المتوسط وشجره الزيتون وحشا شيل ستيبس اللي بنستخدمها كم راعي ايه كم راعي طبيعيه وبيسموها في امريكا الشماليه ايه في امريكا في يو اس ايه بيسموها ايه حشائش البراري بيسموها حشائش الايه البراري طيب تعالى بقى يبقى انا كده اخدت مين الاقليم البحر المتوسط اللي موجود فين على ايدك الشمال في غرب القارات تعالى بقى معايا على الاقليم اللي بعد كده يلا ننزل ننزل ننزل ننزل ننزل ننزل اقليم ايه يا فنان الصيني قال لك فين الاقليم الصيني من 30 ل 2 45 يا مس مارنا برده بس في شرق القارات بقى المره دي شرق الصين عند اسيا وشرق افريقيا وشرق امريكا الشماليه وشرق امريكا الجنوبيه وشرق استراليا شرق شرق شرق شرق ما عدا قاره ايه اوروبا قلت لك اوروبا كاره بارده خد بالك انا قلتها لك كتير طيب ماله ده بقى قال لك حر الصيف زي مين زي اخو البحر المتوسط بس منخفض في الشتاء البحر المتوسط كان دافي في الشتاء لا ده منخفض في الشتاء والامطار طول السنه طول السنه مطر مطر مطر ويزداد المطر في الصيف ومشكله الاقليم الصيني ده بقى يا شباب انه بيتعرض لعواصف مدنيه عنيفه بتدمر ايه بتدمر البلاد والمدن في عواصف مشهوره جدا اسمها عواصف التيفون او التفون او شوف انت هتقولها ازاي المهم ما تتفتف وانت بتقولها عواصف التيفون تمام تمام يبقى حر سف منخفض شتا عكس البحر المتوسط اللي كان دافي في الشتاء والامطار طول السنه بحر متوسط كان بيمطر في الشتاء بس طيب نيجي بقى اسمه اقليم صين يبقى غبه على اسمه غابات الاقليم الصيني اشجارها دايما مخضره برده زي اشجار الاقليم البحر المتوسط هم الثنين مخدرين بس هنا مش الشجر بقى ايه اسمه الشجر ايه صفصاف وبلوط معلش يا مسمارين اقول ليهم تاني صفصاف وبلوط هقول لك في الاخر ترتيبه الاشجار وحشائش الاستبس برده مافيش مشكله يبقى اقليم الصيني اقليم البحر متوسط هم الاتنين فيهم حشاش ايه فيهم حشاش الاستبس وغبتم اشجارها دايما دائمه الخضره تمام تمام طيب كده انا خلصت مين الاقاليم المناخيه المعتدله الدافي برده ما تكملش الفيديو وقف الفيديو واسمع شرح الاقاليم المعتدله الدافيه ثاني وركز فيها ثاني وتعال كمل معايا الاقاليم المعتدله الايه البرد تعال بقى ايه نكمل الاقاليم المعتدله الايه البرد برده هنرسم برض نفس الكلام وادي خط الاستواء خط الاستواء من كام من صفر قلنا من صفر ل 30 هتبقى اقاليم حر يلا بينا اهو صفر ل 30 اقاليم حاره ومن صفر ل 30 اقاليم حر برده اقاليم حر كل ده اقاليم حر طيب وقلنا من 30 ل 45 اقاليم معتدله دافيه ومتقسمه اثنين بحر مت سوري صيني عشان بس تبقى دقيقه صيني ماشي وبحر متوسط ماشي ده من 30 ل 45 المعتدل البارد بقى من 45 ل 60 والمعتدل البارد بقى من 45 ل 60 والاقليم الاقاليم المعتدله للبارد ده برده ايه اللي حصل في فيها بقى قال لك بص بص يا فنان اتقسمت ثلاثه تمام اول حاجه مخلفه ثلاثه زي اقليم المعتدل الدافي وخلفت برده الثلاثه توام من 45 ل 60 اول عيل سماهه لورانس ثاني عيل اسمه قري بارد ثالث عيل اسمه غرب اوروبا والثلاثه كانوا توام فبرضه نفس الكلام قالت انا هعمل زي اخ اخويا المعتدل لما اخلف ثلاثه هحط عيل على ايدي اليمين عيل على ايدي الشمال وعايل في النص طيب العيل اللي في النص ده مش عايزينه في المنهج القار البلد ده مش عندنا في المنهج لكن عليا مين عل الاقليم اللورانسي واقليم غرب اوروبا وانت من غير ما انت يعني تفكر هيبقى اللورانسي ده موجود في في ايه في شرق القارات وغرب اوروبا ده موجود في غرب القارات يبقى خد بالك بقى الاقاليم المعتدله الدافيه اللي هي من 60 ل 45 متقسمه اول واحد لورانس زي الصيني يبقى هو فوق الصيني بالظبط وغرب اوروبا هيبقى فوق البحر المتوسط بس الفرق بينهم ان الصيني من 30 ل 45 معتدل دافي واللوري من 45 ل 60 في الشرق بس هو معتدل بارد نفس الكلام البحر المتوسط من 30 ل 45 معتدل دافي في غرب القارات وغرب اوروبا من 45 ل 60 هو معتدل ايه معتد البارد تعالي بقى يا مس مارينا وريني بقى الكلام ده على الايه على الخريطه بص بقى يا فنان بص بقى بص يا وز دلوقتي انا عندي ايه عندي اقليم اسمه لورانس واخد منين من 45 ل 60 قال لك هو مش موجود غير في قارتين بس عشان ما توجعش قلبك موجود في قاره اسيا وموجود في امريكا الشماليه بس كده موجود في قاره اسيا وموجود في قاره امريكا الايه الشماليه بس كده يعني مش موجود زي الصيني لما كان الصيني منتشر كده وملون كده باللون الازرق في كل حته موجود فين موجود في اسيا وموجود في في الشرق امريكا الشماليه فوق شويه افرق بينه وبين الصيني ازاي بص بقى الصيني كان هنا بيقرب من المدار عشان يتدفى اهو انما اللورانسي بيبعد عن المدار لان هو معتدل باري طيب ده بالنسبه لمين ده بالنسبه لاقليم اللورانسي اما بالنسبه لاقليم غرب اوروبا فهو مش هتلاقوه يا شباب موجود في قاره افريقيا ثاني مش موجود في قاره افريقيا لان افريقيا قار حر نار ده بيمر فيها مدار السرطان خط الاستواء مدار الجدي قار حار شعه الشمس متعامده عليها طول السنه انما موجود في في القارات اللي هي الجو فيها بارد زي امريكا الشماليه وامريكا الجنوبيه وطبعا هو كده كده موجود في غرب قاره اوروبا هو موجود في ثلاث اماكن عايزاك تحفظهم غرب اوروبا ده اساسي وده بيجي لك دايما في خريطه كتاب الايه الامتحان امريكا الشماليه هو قدام اللورانسي موجود بقى غرب اوروبا وادي غرب اوروبا اهو يا شباب ويبقى انت كده اخدت ايه مكانه على الخريطه تعالى بقى نشوف الكلام موجود وبيتشرب ازاي قال لك اقليم غرب اوروبا من 45 ل 60 غرب القارات غرب اوروبا وغرب امريكا الشماليه وشمال غرب امريكا الجنوبيه واقصى جنوب غرب سوري وامريكا الشماليه واوروبا في شمالها الغربي وامريكا الجنوبيه في اقصى جنوبها الغربي طيب ايه بقى الخصائص المناخيه بتاعته قال لك بفي في الصيف برد في الشتاء والامطار طول السنه و بتزيد طبعا في الشتاء والخريف تاني يبقى اقليم غرب اوروبا ايه دافي في الصيف برد في الشتاء ما هو طبيعي يبقى بارد في الشتاء عشان هو اقليم اعتاد البارد طيب وغابات و ما اسمهاش غابات غرب اوروبا بقى هنا هنغير نعمل بقى تجديد عشان ما نزهق غابات و اسمها الغابات النفضيه نعم اسمها الغابات النفضيه ليه عشان ورقها بينفض نفسه طول السنه ورقها ماله بينفض نفسه طول السنه يبقى الغابات النفضيه سميت بهذا الاسم لان اشجارها تنفض اوراقها شتاء لشده الايه البروده واهم اشجارها شجره الزان اللي بيتعمل منه معظم الخشب اللي موجود في بيوتنا طيب ده بالنسبه لاقليم غرب اوروبا تعالى اقوله لك ثاني من 45 ل 60 غرب القارات موجود في اوروبا وامريكا الشماليه في شمال غرب وامريكا الجنوبيه جنوب غرب يعني هو العكس دافي في الصيف بريد في الشتاء والامطار طول العام بتزيد في الشتا والخريف الغابات ما اسمهاش غابات غرب اوروبا يا شباب ارجوكوا اسمها نفضيه بما تفسر سميه الغابات النفضيه بهذا الاسم لانها تنفض اوراقها في فصل الشتاء من شده البروده زي شجره الايه الزاي طيب تعال نكمل بعد كده الاقليم ال اللورانسي اللي هو بيسموه الاقليم المعتدل شرق القرات المعتدل البارد شرق القرات ده من 45 ل 60 شرق القارت موجود في اسيا وموجود في امريكا الشماليه بس موجود في اسيا عند اليابان وفي امريكا الشماليه عند شمالها الشرقي طيب معتدل في الصيف وبارد في الشتا لان باباه اسمه معتدل بارد يعني هو ابوه ابو اللورانسي ده اسمه معتدل بارد فناخذ كلمه معتدل نحطها في الصيف وناخد كلمه بارد نحطها في الشتاء يبقى معتدل في الصيف برد في الشتاء والامطار برده طول الايه السنه غابات و ما اسمهاش غابات اللورانسي اسمها غابات مخروطيه غابات مخروطيه اشجارها النوبر والشربين تمام هنلاقي في ايه الحيوانات اللي موجوده هناك حيوان اسمه الدب القطبي دب القطبي ده كده حيوان كبير كده وشعره ابيض فرو ذات فرو كثيف بص بقى هتلاقي الاقليم اللورانسي والاقليم الصيني هم الاتنين بيمطر طول السنه زي مين زي اقليم الاستوائي يبقى تاني استوائي اللي هو بتاع الاقليم الحار بيمطر طول السنه والاقليم الصين اقليم غرب اوروبا الاقليم اللورانسي كلهم يا مس مارينا بيمطر طول السنه خد بالك بقى كلهم مالهم بيمطر طول السنه اهو حتى انا كاتبه لك المعلومه يتشابه الاقليم اللورانسي مع الاقليم الصيني في سقوط الامطار طول السنه وغزارتها في الصيف ويتشابه الاقليم الاستوائي والصيني وغرب اوروبا ورنسي في سقوط الامتار طول الايه طول السنه اخر حاجه بقى طبعا هو اقليم الاقاليم البارده اللي هي بتمتد من 60 ل 90 وده متقسمين لاثنين تندرا وجبلي الندرا هو اللي بيمت كله على بعضه من 60 ل 90 وده اكبر اقليم في امتداد عدد دوائ العرض تمام موجود فين موجود عند المحيط القطب الشمالي في شمال امريكا الشماليه وشمال اوروبا وشمال اسيا كل المنطقه دي يا شباب اقليم طنه او بيسموه اقليم بارد وكل القاره القطبيه الجنوبيه طبعا اقليم تندرا لانها منطقه تلج جدا جدا طبعا زي ما انتم عارفين الاقليم البارد ده هيبقى بارد صيف وشتاء والامطار مش هتبقى امطار عاديه هتبقى عباره عن امطار ثلج واذا سقطت امطار هتبقى امطار خفيفه في فصل الصيف لكن ما عدا ذلك هي الدنيا بتسقط ثلج ثلج ثلج يعني اقليم الطنه في ايه يا شباب قال لك في طحالب بتنمو طحالب بتنمو سريعا في فصل ذوبان الجليد ما بنلاقي عشان بس تبقى انت عارف ما بنلاقي يا شباب ا في الاقليم الطنه ما بنلاقي خالص اي غابات لكن عباره عن طحالب كده بتبقى موجوده في وسط الثلج الطحالب دي بتنمو في وسط الثلج فصل ذوبان الجليد وبنلاقي حيوان هناك اسمه حيوان الرنه اللي هو غزاله كده بقرنين اما بقى الاقليم الجبلي فهو موجود عند قمم الجبال زي جبال الهيمالايا وجبال الانديز وجبال روكي وجبال الابلاش كل الجبال اللي احنا اخدناها في درس التضاريس هتبقى اقليم جبلي ده طبعا بيبقى شديد البروده على قمم الجبال بيغطي الثلج طول السنه زي جبال الهيمالايا لان احنا واخدين قاعده بتقول كلما ارتفعنا 10050 متر بتقل درجه الحراره درجه واحده ايه مئويه والحياه النباتيه هناك ما فيش غابات بس بتتنوع على حسب ارتفاع السطح يعني على حسب ارتفاع الجبل بلاقي في نباتات مشكله وعلى حسب طبعا كميه الامطار تعالى ابص ب صه اخيره على خريطه الجبال اهو والخريطه بتاعه الطنه الطنه زي ما قلنا اللي البمبا ده يا اما فوق خالص يا اما تحت خالص اما الاقليم الجبلي ادي جبال الهيمالايا وادي جبال الانديز وادي جبال روكي دول اشهر ثلاث حاجات موجودين كا اقليم جبلي تعال بقى اقول لك على حاجه انا كده خلصت الدرس بس عايزه اعمل لك حاجه ما حدش بيعرف يعملها او ما حدش بيعملها عمو انا لو جيت قلت لك تعال ن مين اللي امطار طول السنه بنجيبهم بالترتيب كده هتقول لي الامطار طول السنه استوائي ها صين لورانس غرب اوروبا دول امطار طول السنه طب مين بيمطر في الصيف هقول لك في الصيف هما اتنين مداري وموسمي طب مين بيمطر في الشتاء هتقوللي في الشتاء البحر متوسط طيب سهله كده سهله طيب تعال ناخد ورقه كمان سجل الورقه دي عندك الورقه اللي بعد كده لو جيت قلت لك تعال نقول لي الغابات الاستوائيه هتبقى شجرها ايه شجرتها المطاط والماهوجني طيب الغابات ها الموسميه الشجر بتاعها ايه جوز الهند ماشي غبا البحر المتوسط هتبقى شجرها الزيتون ماشي غابات الاقليم الصيني هتبقى شجرها الصفصاف والبلوط غابات نفضيه هتبقى شجر الزان غابات المخروطيه اللي هي بتاع الاقليم اللورانسي هتبقى النوبر والشربين طيب ده بالنسبه للايه للغابه بالشجر بتاعها ورقه كمان سجل الورقه دي عندك خدها سكرين شوت ورقه كمان الحيوانات اللي عندي حيوانات ملونه طيور ملونه سوري حيوانات حيوانات و طيور و طيور ماشي ملونه وزواحف يبقى غبات استوائيه ماشي عندي دب قطبي يبقى غبات مخروطيه هم لاث حيوانات اللي عندي في المنهج عندي حيوان الرنه يبقى اقليم الندره تمام طيب تعال ناخد كمان معلومه بص يا سيدي عندنا حار طول العام امتار طول العام هيبقى استوائي حر صيف ها ماشي مطر صيف مداري حار صيف غزير المطر صيف موسمي ماشي نيجي بقى حار صيف دافي في الشتاء بحر متوسط حار يف منخفض في الشتاء يبقى ايه صيني يبقى انا الصيني والبحر المتوسط شلت دافي حطيت منخفض تعال نكمل ماشي دافي صيف بارد شتا غرب اوروبا لكن جيت قلتلك معتدل صيف بارد شتاء هيبقى اقليم اللورانسي يبقى انا عملت ايه يبقى انا لعبت لك بالكلام حر سيف دافي في الشتاء حر سيف دافي في الش منخفض في الشتاء دول اللي هم الاقاليم المعتدله الداف ببدل بقى دافي في الصيف بس هيبقى معتدل في الصيف من غرب اوروبا للايه للورانس وهيبقى في الاخر طبعا خنرا ثلج في ثلج في ثلج ما فيهوش اي كومنت انا كده لخصت لك الامطار الغابات با اشجارها الحراره تمام ويبقى انا كده خلصت لك درس الاقيام المناخيه ارجوك ده اللي انا طالباه منك انك انت بعد كل جزئيه خلصت الاقيام الحاره وقف الفيديو اسمعه واتفرج عليه خلصت الاقلم المعتدله وقف الفيديو اسمعه واتفرج عليه وارجع ذاكره وجع ورجع لي ثاني المعتدله البارده وقف الفيديو واسمعه وراجع عليه وراجع على الشرح والخريطه وارجع اسمع البقيه الاقاليم تاني في الاخر الاقاليم البارده يبقى انا كده خلصت لك درس الاقاليم المناخيه يلا بينا اشوفكم على خير في الحل بتاع درس الاقاليم المناخيه باي باي معاكم اس مارين عاطف مدرسه التاريخ والجغرافيا