Why did the food pyramid get flipped The food pyramid or the healthy plate

يا ترى ليه الهرم الغذائي اتقلب؟ وهل انقلاب الهرم الغذائي ده ممكن ياثر في سلوكنا الغذائي وممكن نغير بعض عاداتنا الغذائيه عشان الجماعه الامريكان قلبوا الهرم الغذائي؟ وايه الفرق بين الهرم الغذائي والطبق الصحي؟ وهل المفروض نمشي ورا العلم عمياني كده؟ هل لما يقولوا لنا ان الهرم الغذائي معدول نمشي وراهم وبعد كده يرجعوا في كلامهم ويقولوا لنا الهرم الغذائي اتقلب نمشي وراهم ولا الموضوع محتاج مننا فيديو على السريع. السلام عليكم ازيكم عاملين ايه؟ يا رب تكونوا بخير النهارده معادنا مع انقلاب الهرم الغذائي من فتره كده وزاره الزراعه الامريكيه طلعت بيان او طلعت هرم غذائي بشكل جديد جدا قلبت فيه كل الموازين الغذائيه اللي الناس بتقول لنا ان هي كانت مفاهيم غذائيه خاطئه وهم كانوا بيتنبوا ان الموضوع ده هيحصل وحصل بقى والناس بتعمل فيديوهات كتير جدا من عينه ايه جالكم كلامي مش انا كنت بقول لكم مش المفروض كنا نعمل كذا مش المفروض ان احنا نمشي ورا العلم كده غميضي اهو والجماعه اللي بيؤمنوا بالعلم دول بيغيروا رايهم كل شويه فقلنا نعمل فيديو بسرعه كده نتكلم عن الموضوع الغرض من الفيديو بتاع النهارده ده ان احنا نفهم بعض المصطلحات عشان ما حدش يضحك علينا بكلمتين بدايه كده لازم نفرق ما بين الهرم الغذائي والطبق الصحي هو في فرق بينهم في فرق كبير جدا لو مسكنا مصطلح الهرم الغذائي هنلاقي الهرم الغذائي موجه الى ايه او عباره عن ايه عباره عن مفهوم كده او طريقه عشان نشوف بيها الرؤيه العامه او الرؤيه الشامله لمجموعه من البشر بتاكل ازاي نسبه الحاجات اللي بتاكلها ازاي يعني مثلا لو حضرتك مسؤول تغذيه في مدرسه او في مصنع او في مثلا مسؤول التغذيه في تيم كوره مثلا او مسؤول التغذيه اللي الناس بتلعب رياضه وعايز تعمل وجبات معينه الهرم الغذائي هو اللي بيوريك المفروض الناس دي تاكل حصص بنسبه قد ايه يعني الهرم الغذائي عباره عن رؤيه شامله او رؤيه كبيره شويه لمجموعه من البشر المفروض تاكل ايه بحصص ايه والهرم الغذائي القديم اللي هو القاعده بتاعته كانت النشويات طلع امتى؟ طلع او اول ما تم الاعلان عنه رسميا سنه 1992 هل فضلنا ماشيين عليه كده هومدي زي ما الناس بتقول لنا والناس بتقول ان الهرم الغذائي ده غلط هو بطل استخدامه في العالم سنه 2011 اثناء المده دي ظهر مفهوم جديد موجه للمستهلك المباشر اللي هو انا وحضراتكم اللي هو مفهوم اسمه الطبق الصحي الطبق الصحي ده عباره عن ايه؟ عباره عن رؤيه ضيقه للبني ادم الوحش بياكل ايه او بالكتير قوي ممكن نقول اسره مكونه من ثلاث او اربع افراد بياكلوا ايه عشان كده بيكون على هيئه طبق احنا لما بناكل بناكل هرم ولا بناكل طبق بيكون قدامنا طبق او مجموعه اطباق فيها مجموعه مواد غذائيه المواد الغذائيه دي ممكن تكون في مجموعه منها محسوبه على المواد الكربوهيدراتيه وفي مجموعه محسوبه على الدهون وفي مجموعه محسوبه على البروتين وفي مجموعه ثانيه محسوبه على الاملاح المعدنيه والفيتامينات الحاجات دي كلها جسمنا نا محتاجها بنسب معينه لو احنا نجحنا ان احنا نعمل طبق او مجموعه الاطباق اللي احنا بناكلها على السفره تكون متوازنه وفيها تنوع وفيها اعتدال يبقى احنا كده عملنا طبق صحي من غير ما اعرف امريكا قالت ايه ومن غير ما اعرف هيئه الخدمات الصحيه البريطانيه قالت ايه ومن غير ما نعرف كل ده ولا نشغل بالنا بيه لو احنا نجحنا ان احنا نعمل طبق متوازن ومتنوع ومعتدل بدون افراط ولا تفريط يبقى احنا حققنا الهدف الاصلي من الغذاء اللي احنا بنتغذى عليه وبالمناسبه مفهوم الطبق الصحي هو اللي بتنادي بيه كل الجهات العلميه وكل معاهد التغذيه سواء في الوطن العربي واتكلمنا لما كنا بنتكلم عن الخبز قلنا في طبق صحي المملكه العربيه السعوديه عاملاه هيئه الغذاء والدواء بالتعاون مع وزاره الصحه الامارات برده عامله طبق صحي المانيا عامله طبق صحي ا هيئه الخدمات الصحيه البريطانيه عامله طبق صحي يعني مفهوم الهرم الغذائي سواء المعدول او المقلوب مش موجه لينا كمستهلكين موجه للناس اللي عايزه تشوف رؤيه شامله كده زي ما قلنا دوله بتكون ياكل ايه اكت مجموعه من الناس بياكلوا ايه اكت يعني مش موجه ليك او مش موجه للمستهلك او النطاق الضيق بتاع المستهلكين او الناس اللي عايزه تعرف تاكل ايه وتتجنب ايه ده كده نمره واحد عشان نحرر المصطلحات ونعرف ايه الفرق بين الهرم الغذائي والطبق الصحي حاجه ثانيه مهمه جدا في ناس بتقول لك ايه بقى طالما العلم بيغير رايه طالما هم قالوا لنا كثير من التعليقات بتجي لنا كده هم كانوا فهمنا كذا ودلوقتي بيقولوا كذا يعني بيغيروا رايهم يعني المفروض ما نتبعش العلم الكلام دوت كلام مغلوط ليه؟ لان احنا لازم نسال نفسنا سؤال هل البحث العلمي الناس اللي بتقوم بيه بشر ولا ناس نازله من السماء ناس معصومه البحث العلمي في كل زمان ومكان هو عمل بشري العمل البشري ده ايه الفرق بينه وبين العمل الالهي العمل الالهي علم ربنا سبحانه وتعالى علم غير مستدرك عليه انما علم البشر علم مستدرك عليه يعني ايه مستدرك عليه يعني ممكن الناس في في مرحله معينه تكون مفكره حاجه وبعد شويه تلاقي الحاجه دي في حاجه اصح منها في حاجه افضل منها نلاقي ان احنا اللي كنا معتقدينه ده كان غلط وبعد كده لقينا في حاجه اصح يكون البشر واخدين اتجاه معين في فتره زمنيه معينه بناء عن اجهزه الرصد والقياس المتاحه بالنسبه لهم لما اجهزه الرصد والقياس دي اتغيرت غيروا رايهم بناء عن ما تم انتاجه او العلم انتجه من مجموعه من الاجهزه والادوات اللي ساعد الباحثين ان هم يعملوا بحث علمي اكثر تطورا ففكره ان البحث العلمي متغير هو لابد له ان يكون متغير طيب احنا كمستهلكين نعمل ايه؟ يفترض ان احنا كمستهلكين او كناس عاديه مش عايزين ندوش نفسنا بالموضوعات العلميه اللي فيها خلاف ديت ان احنا نتبع الاسلوب العلمي في التفكير وان احنا كمان نتبع ما توصل اليه العلم في عصرنا الحالي لان ده اللي نقدر نعمله احنا دلوقتي ليه بنركب عربيات ما بنركبش جمال وما بنركبش حصنه لان العربيات او السيارات هي اخر حاجه توصل اليها العلم دلوقتي وبدا دلوقتي يبقى في سيارات كهرباء الناس بتتجه اليها من 50 سنه ما كانش في سيارات كهربائيه ليه دلوقتي الناس بقت تشتري سيارات كهرباء هل زمان ضحكوا علينا وقالوا لنا ان السيارات بنزين بس او ديزل بس ولا توفرت التكنولوجيا دلوقتي ان هم يعملوا سيارات كهربائيه والله اعلم بعد كده هيبقى في سيارات شكلها ايه زمان البشر كانوا بيسافروا على الجمل وبيسافروا بالحصان وبيتداووا ببعض المواد اللي هي ممكن دلوقتي ما ينفعش نتداوى بيها ليه؟ لان ده كان المتوفر في زمنهم لازم لما نيجي نقارن حقبه زمنيه بحقبه اخرى لازم نقارنها كلها يكون عندنا نظره شامله للموضوع احنا بنتبع العلم المتوفر او الادله العلميه المتوفره في الزمن اللي احنا بنعيش فيه ومش معنى ان البحث العلمي او الادله العلميه بيتغير جزء منها ان هي ما نتبعهاش خالص بما انهم قالوا كذا ورجعوا في كلامهم قالوا كذا ثاني يبقى العلم كله سيبك منه ده غلط لان برده مهما كان في حاجات بتتغير غير في العلم العلم مش كله بيتغير في حاجات اسمها المسلمات العلميه ودي ممكن نخصر عنها حلقه المسلمات العلميه دي يعني العلم توصل لراي قاطع فيها وفكره ان هي اتغير هيبقى صعب جدا في المستقبل يعني العلم مش كله نسبي ومش كله مطلق عشان ما نخلطش الاثنين من بعض للاسف في بعض الفيديوهات المضلله عندها مصلحه او الناس اللي بتقدمها عندهم مصلحه ان هم ياخدونا لمساحه ما فيهاش دليل لمساحه اسمها النسبيه المطلقه مش النسبيه بتاعه اينشتاين ولكن ان كل حاجه ممكن تتغير هم قالوا لنا كذا ودلوقتي بيقولوا كذا يبقى ما نسمعش كلامهم خالص لا احنا المفروض ان احنا نتبع الادله العلميه والادله العلميه على فكره ابطلت الهرم الغذائي القديم اللي ما كانش عاجب ناس كتير وممكن نتكلم برده عنه بالتفصيل سنه 2011 وفي الفتره من ساعه ما طلع 1992 لغايه 2011 كان في مفهوم ثاني موجه للمستهلكين اسمه الطبق الصحي طيب احنا بقى نعمل ايه بقى في موضوع الطبق الصحي ده ناكل اكل معتدل ومتنوع ومتوازن واكلوا واشربوا ولا تسرفوا بس باختصار نحاول نقلل من الكربوهيدرات المكرره لو انا عندي قمح بليله وقمح دقيق اسمر وقمح مكرر اللي هو طلع منه الدقيق الزيرو استهلك ايه؟ استهلك القمح الحبه الكامله في صوره بليله او في صوره خبز حبه كامله يلي الخبز الاسمر اللي هو استخلاص 80 او 82% اللي اتكلمنا عنه وقلل تماما من المخبوزات المكرره المصنوعه من الدقيق الزيرو وده اللي قلناه من كذا سنه في القناه ان احنا نقلل من الكربوهيدرات المكرره لو انا عايز افطر حاجه زي الكورن فليكس وعندي بليله الايه الافضل الكورن فليكس ده عباره عن غذاء فائق التصنيع يعني اتعالج معالجات فائقه دخل المصنع واتكرر واتعمل له حاجات كتير المفروض ان انا استهلك ايه من غير ما اسمع الكلام بتاع الهرم الغذائي المعدول ولا المقلوب استهلك ايه استهلك الحاجات اللي اجريت عليها عمليات تصنيعيه اقل ولو في غذاء لم تجرى عليه عمليات تصنيعيه يكون افضل ده بمنتهى البساطه ولكن للاسف الناس بتميل للناس اللي بتعقد لها الامور بتلخبط لها الامور وبتطلع لها حاجات كده بتعمل لخبطه او بتعمل ربكه عند كثير من الناس دي كده مقدمه بسيطه عن موضوع الهرم الغذائي وليه اتقلب وليه اتعدل وممكن نتكلم عن كل حاجه بالتفصيل بس انا حبيت اوضح فكره يعني ايه هرم غذائي ويعني ايه طبق غذائي ويعني ايه بحث علمي بيقول كلام والكلام ده ممكن يتغير واحنا كمستهلكين المفروض نعمل ايه يا رب اكون قدرت تفيد حضراتكم النهارده بمعلومه واشوفكم على خير ‏Yeah.