Quick Review and Exercises on Response Lessons Islamic Education First Year Baccalaureate

اذا بسم الله الرحمن الرحيم والصلاه والسلام على اشرف المرسلين سيدنا ونبينا محمد وعلى اله وصحبه ومن تبعهم باحسان الى يوم الدين مرحبا بالشباب الاحباب مرحبا بالتلاميذ الاعزاء مرحبا بالتلاميذ الاولى بكالوريا اللي ما بقى لهم والو على اجتياز الامتحان الجهوي اسال الله سبحانه وتعالى لكم التوفيق والسداد ما هي الا ايام قلائل الشباب وستجدون ان شاء الله بغيتكم اسال الله سبحانه وتعالى ان يجعل هذه الايام المراجعه الحفظ حفظ الضبط الاشتغال على الجهويات جميع المواد الامتحان الجهوي ان يجعل كل ذلك بردا وسلاما عليكم ان شاء الله حتى تحصلوا باذن الله على النقط اللي تفرحكم وتفرحوا والديكم باذن الله وراه ما بقى والو وفي نفس الوقت باقي باذن الله فين يزيد الانسان شويه ديال الاجتهاد كاين بزاف ديال التلاميذ كيقول انا ما داير والو مشى علي الحال لكن مليار في المذاتي دابا غادي تكون حسن حس احسن احسن نهار الامتحان من انك تبدا غدا الا كان النيفو ديالك دابا غيجيب لك 11 جيب 13 الا كان النيفو ديالك دابا غيجيب 13 جيب 15 ولا 14 وهكذا الشباب الا كان النيفو ديالك خمسه دابا جيب اسيدي 11 و 12 وماعرفتيش لعل الله عز وجل يسر انك تجيب نقطه مزيانه وتفاجا راسك قبل الاخرين داكشي علاش الشباب ما تطلقوش الحبل باذن الله ما يكون الخير ولازلنا مع سلسله المراجعه المتعلقه بدروس ماده التربيه الاسلاميه ووصلنا الى مدخل الى مدخل الاستجابه بعد ان انهينا بعد ان انهينا ولله الحمد المداخل المتعلقه بالتزكيه والاقتداء حاولوا ايها الاحباب الكرام ان تشاركوا هذا المقطع مع اصدقائكم كي تعم الاستفاده وحتى نكمل باذن الله هذه المباشرات المتعلقه بالمراجعه مدخل الاستجابه ايها الاحباب الكرام من اشد المداخل حضورا في الامتحان الجهوي باعتبار ان اغلب الوضعيات تتعلق به اغلب الوضعيات تتعلق به وفي الاونه الاخيره في الامتحانات الجهوي الجهويه خاصه من بعد 2022 ولينا كنشوفوا ان الدروس الاخرى ايضا تدخل اتفقنا ايضا تدخل خاصه ما يتعلق بدرس رعايه الاطفال ثم درس الاسره نواه المجتمع بشكل اقل من حيث الاسئله المباشره اما من حيث الاسئله غير المباشره فراه ديما كنلقاو الكلام على الاسره والكلام على رعايه الاطفال اتفقنا ايها الاحباب مدخل الاستجابه كالعاده فيها اربعه ديال الدروس سنبدا بتغطيه سريعه لكل ما يمكن ان يكون في هذه الدروس بطبيعه الحال الوزاره كتفايل عليكم ان شاء الله بداو لكم بدرس الزواج وخا مسخ الوالدين كملوها لكم بالطلاق ولكن ماشي مشكل الله يجعل البركه في الزواج بالاطلاق لكن خصنا نقراو الطلاق نبداو اسيدي بالزواج الزواج درس مهم غيخصك لابوت تبع معايا هذا المختصر لانني غنبني على انك انت عندك التشاش في هذا الدرس فغنجمع لك الشاتات ديال المعلومات ديالك في هذا الدرس وغنوريه كيفاش كيتحط في الامتحان الجهوي بطبيعه الحال دون الاشتغال على الوضعيات لانه سبق اني اشتغلت معكم على وضعيات وراه كاينه في جميع مواقع التواصل الاجتماعي ممكن ترجعوا لها ان شاء الله نبداو سيدي بدرس الزواج عندنا اول محور كيتكلم على الاسره ومكانتها في الاسلام من الغباء انك الان تقرا هذا المحور هذا علاش لانه تابعين المعلومات اللي فيه تابعينك في الدرس ديال الاسره نواه المجتمع علاش حيت عندنا مفهوم الاسره ومكانتها غادي نقراوها في الدرس ديال الاسره نواه المجتمع اللي هو اخر درس ضمن مدخل التزكيه فمباشره غادي ندوزوا المحور الثاني اللي كيتكلم لنا ايها الاحباب الكرام عما يتعلق ب عما يتعلق بتعريف الزواج خصنا نكونوا عارفين تعريفه ونكونوا عارفين حكمه ونكونوا عارفين والدليل بطبيعه الحال ونكونوا عارفين اركانه وبطبيعه الحال نكونوا عارفين شروطه لان كل ركن عنده شرط من الشروط صافي مزيان وطبعا طبعا كتبقى لنا مقاصده مقاصد الزواج وغاياته مزيانبداو اول حاجه ايها الاحباب الكرام تعريف الزواج تعريف الزواج هذا التعريف الشباب لا مكان للزياده ولا للنقصان فيه من التعاريف اللي لابد نهار الامتحان الجاوي تكتبوا كيف ما هو والطلاق لانهم واخذينه من المدونه واخذينه منين من المدونه وبالتالي خصك تكتبه كيف ما هو ما تبقاش دير هذاك الربندز ديالك ديال تيبهله وكذا ودوز من هنا ودوز من هنا كيف كدير في الصابر اليقين كتبقى مكمله بالفهامه هذا خصك تعطي التعريف كيف ما هو علاش لان كل كلمه من التعريف فيها حكم حكم الاحكام ممكن تستعمله في الوضعيه تعريفه الزواج هو ميثاق ميثاق تراض وترابط الله يرحم والدينا التراض زعما الرضا زعما اللي قاللك زوج رجل ابنته ياك من صديقه دون اذنها ولا الزمها بالزواج كتقول لان الزواج ميثاق تراض وهضن ماشي دن كاين اللي كيكتبها بالدال ترادين لا سيدي تراض وترابط شرعي بين رجل وامراه ما عرفش علاش زادو هذه ولكن مع الاونه الاخير ولينا كنشوفوا هذ مسخ الوالدين الملونين فولينا محتاجين نزيدوا هذا الرجل والمراه نسال الله السلام والعافيه ميثاق تراض وترابط شرعي بين رجل وامراه على وجه الدوام على وجه الدوام بمعنى الا قاللك تزوج واحد السيد بواحد السيده لمده معينه ومن بعد غيطلقوا بما سالوا قرايتهم ولا بما وجدوا الراقي ولا شي لعبه بحال هكا كتقول لا لان الزواج ميثاق سمعني الله يرضي عليك لان الزواج ميثاق كتمشي على وجه الدوام الا قالوا لك قضيه التراضي لان الزواج ميثاق تراضي الا قالوا لك الغايه شي حاجه على الغايه دياله كتقول لان الزواج ميثاق غايته كذا بمعنى الا ما محتاج انا شي حاجه من التعريف فيشي عله بغيت نكتبها نكتب ديما لان الزواج ميثاقه ونمشي لديك البارتي ماكينلاش نكتب كلشي هذاشي مثلا قالوا لي تزوجوا لمده عامين باش يطلقوا ماكينلاش نقول لان الزواج ميثاق تراضي وتراب على وجه الدوام لا نكتب لان الزواج ميثاق على وجه الدوام كافي يعني مازال ما سانياش التعريف لابد تحفظ هذه غايته الاحصان ماشي الاحسان زعما تحسن اليها لابد تحسن اليها الاحصان زعما الحصانه من المعاصي من الفواحش غايه الاحصان والعفاف وانشاء اسره مستقره برعايه الزوجين ديما كتب بحال هكا هذا هو التعريف فيكس خصك تكون حافظه كيف ما هكا الا لاحظتوا شباب هذ المقاصده تهنينا من جوج عندنا اولا الاحصان والعفاف هي حفظناها في التعريف ها هي الاحصان والعفاف وعندنا جوج انشاء اسره مستقره صافي الا كنت غادي تولد لينا يا جوج وما جووج خليهم عندك ما تولدش عفاك صافي ولدنا وليدات مربيين زوينين ما تبقاش تطلق عنا دوك الوحوش المهم اذا هذا تعريفه حكم الزواج الشباب ملي كنقولوا حكم ملي كتمشي عند شي فقيه كتقول الله يجازيك بخير واش هذه حلال واش هذه حرام واش هذه مزيان نديرها واش هذ من الاحسن ما نديرهاش الزواج مزيان مزيان تزوج مزيان ملي كنقولوا مزيان كتفهمنا يا اما مستحب زعما الا تزوج عندي الحسنات ما تزوجتش ما عل والو اما واجب الا تزوجت عندي الحسنات ما تزوجش عندي الذنوب مايمكنش نقولوا يا شباب واجب اذا غنقولوا مستحب حكم الزواج مستحب احيانا يطلقون عليه مندوب مندوب الاصل في حكم الزواج انه مستحب الدليل هو قوله صلى الله عليه وسلم الله يرحمه قوله تعالى قوله صلى الله عليه وسلم يا معشر الشباب من استطاع منكم الباءه فليتزوج فليتزوج صافي انا علاش زحمت هذاشي سمحونا الشباب من استطاع منكم الباءه فليتزوج مستحب ولكن بلاتي الشريف هذا حكمه الاصلي حكمه اش الاصلي الاحكام التكليفيه الشباب في الاسلام هما خمسه صافي عندنا خمسه ديال الاحكام عندنا خمسه ديال الاحكام عندنا واجب عندنا مندوب اللي هو مستحب عندنا مباح عندنا مكروه عندنا حرام غذا القضيه وكتنزل الواجب فهمناه بحال الصلاه الصلوات الخمس المندوب بحال الزواج بحال الشفع الوتر بحال كذا مستحب مباح بحال الاكل والشرب عادي حلال مكروه من الاحسن ماديروش مثلا كصلاتي في مقابض الغنم البلايص اللي كيكون فيها الغنم ولا هذه حرام ماخصكش ديره صافي بحال الزنا شرب الخمر كذا كذا الغيبه النميمه مزيان الزواج الحكم الاصلي دياله هو هذا انه مستحب قد يصير واجب امتى في حق من خاف على نفسه الوقوع في الحرام مسخوط الوالدين والو كيترط هذا واجب عليه تزوج لانه الا ما تزوجش غيبقى يترطنا صافي حاول تربي راسك مباح في حق من لا رغبه له في الزواج صافي ما ما مسوقش هويا زوجوه مسكين تلقى راسه مزوج مباح مباح في حقه ماياخدش الاجر حيت ما كانش عنده النيه مكروه في حق من ظن انه سيؤدي الطرف الاخر هذا الشباب ماتيسولوش عليه بزاف في الامتحان الجهوي كيسولوا بزاف على الحكم الحكم الاصلي عاده صافي لكن انت خصك تكون عارفه يظن انه سيؤذي الطرف الاخر وهذه في حق من تيقن انه سيؤدي الطرف الاخر وبطبيعه الحال الشباب غالب الاساتذه كيعطوكم صور لهذا الشيء كان يتزوج امراه من محارمه كان يكون مريضا بمرض معدن وفتك كان كان لا نطيل في هذ البارتي شباب خاصه وانها ليست بتلك الاهميه مزيان غادي نمشيو شباب لاركان الزواج تبع معايا الله يرضي عليك كاينين اساتذه يقولون كاينين ثلاثه ديال الاركان فقط صافي كاينين اساتذه كيقولوا كاينين ثلاثه ديال الاركان فقط لكن الشباب هما كاينين اربعه صافي تقول استاذ واش ثلاثه غلط لا صحيحه صحيحه ولكن في الامتحان الجهوي في عناصر الاجابه غالبا ما يريدون اربعه ديال الاركان دابا نقول لكم هما الاساتذه اللي كيعطيو ثلاثه الاركان واحد من الاركان مدخلينه في مدخلينه في واحد اتفقنا واحد من الاركان مدخلينه في واحد لكن في عناصر الاجابه في الامتحان الجهوي تيفصلوهم على بعضياتهم صافي بمعنى الحمد لله الاساتذه كلشي عنده صحيح لكن بقتي في القضيه في الجهوي باش ناغي النقطه انايا هنا اول ركن من اركان الزواج بحال اللي قلتي اعمده جدران الا ما كانوش ما يكون السقف السقف هو الزواج الحيوطه دياله بربعه دوك البودرات اللي غيهزوه اول وحدين ما يمكنش ندوي على انه كاين زواج وهما ماكاينينش هما المحل شكون هما المحل هما الزوجان وكيسميوهم بعض المرات في امتحان الجوي العاقدان عندنا الثاني الصيغه شن هي الصيغه هي الايجاب والقبول بغاها وبغاته كتقول لها ديبا مزيان الصداق صافي ما يمكنش ح هما كاينين راجل وبنت تقولوا را تزوجته ما يمكنش تمشي عندها تقول لها انا بغيت نتزوج زوجك تقول لي قابله تسماو راكم مزوجين لابد خصك تعطي الصداق اللي كيتسمى في الامتحان الجهوي ايضا المهر صافي ما يمكنش انت مشيتي قلتي لها انا باغي قالت لك انا باغا صافي مرحبا عطيتيها الصداق ديالها حددتوه صافي راكم تسميتوا مزوجين لابد مناش من الاشهاد يكونوا الشهود الاساتذه اللي كيديروا غير ثلاثه الاركان الاجهاد كيحطوه في الصيغه الاجهاد كيحطوه في الصيغه صافي لكن من الافضل اننا نسيباريوهم وندير اربعه شروط المحل الزوجين بطبيعه الحال خص يكونوا اهل الزواج كتقولوا الاهليه باش تكون انت اهل الزواج خصك خصك تكون بعقلك ما تكونش حمق العقل باينين الشباب زعما الا نسيتيهم نهار الجهوي انت ساقط عليك التكليف كاع ما خصك تدوز الجهوي كاع العقل البلوغ ا خصك تكون بالغ صافي العقل البلوغ والقدره هذه هي المهمه الحمد لله راه كلشي البلوغ العقل كاين القدره اللي ماكيناش ولكن ان شاء الله ماشي مشكل الشباب يلا زيد الاهليه وعندنا الشباب الخلو الخلو من الموانع الشرعيه زعما ما يكونش عندك شي مانع شرعي الاسلام على قبله حرم عليك الزواج من ديك السيده مثلا تكون مريض مرض معدي فتاك تكون هي من المحارم ديالك زعما دوك العيالات اللي حرام عليك ها امك عمتك خالتك اختك من الرضاعه نسيبتك خالتك بنت خوك بنت اختك هذا الشي كامل را كاينين في الايه في سوره النساء صافي الشباب ما تكونش المحارم ديالك ما تكونش شاده هي العده ا عرفنا بلي السيده ال مات راجلها ولا طلقات كتشد العده بغيتي انت تبانت هذك انت بغيت تزوجها في العده لا حى هذه من الموانع الشرعيه وعندنا الشباب واحد اللعيبه زايده لنا في المدونه في القانون حضور ولي الامر اذا كان احد الزوجين قاصرا علاش قلت لكم في المدونه لانه في الاسلام الشباب لابد من حضور ولي البنت لابد من حضور وليه خ تكون عندها 77 عام باها خوها الله اعلم اللي بغات لكن لابد من حضور الولي الامر صافي مزيان اذا هذو هما الشروط ديال الاركان تقول لي استاذ بلاتي بربقتي ها انت شوف هذو اركان الزواج اه ناضين حيوطه لابد خص يكون كل ركن عنده شرط من الشروط استاذ قالوا لي ما اذكر ثلاثه الشروط من شروط الزواج هكا مباشره ما سولونيش على الاركان واش نكتب هذو لا كتب هذو تقدر تكتب جوج من هنا وواحده من هنا ولا وحده من هنا وحده من هنا وحده من هنا اللي بغيتي صافي ها هو الاركان عندهم شروط الا سولوك على الشروط سيباري جاوبهم بشي حاجه من هنا سولوك على الاركان جاوبهم بشي حاجه من هنا احيانا علاش درت لكم بحال هكا حيت كيعطيو جدول صافي الصيغه اللي هي الايجاب والقبول اول شرط فيها ان تكون مفهمه زعما نفهموا هذ السيده راه باغاه وهو باغيها وان تكون في مجلس واحد يكونوا قدام العدول وهو يبدي الرغبه دياله فيها انه باغيها وهي تبدي الموافقه ديالها في مجلس واحد الصداق اول شرط فيه عدم الاتفاق على اسقاطه ما يمكنش والو ما يسقطوش نهائيا والتسميه يسميو شحال عطاها ما يقولش لها شي بركه وصافي انتبهوا معايا لواحد البياج كيتحط في الاتحان الجهوي عدم الاتفاق على اسقاطه الا قال لك واحد السيده تزوجت براجلها ونات عطات لراجلها صداقه كله باش تعاونه على الاعباء الماديه هذه يجوز علاش حيت تم الزواج ماشي تتافقوا ماشي قبل الزواج تم الزواج الا كان يلا غيتزوجوا ولا قبل ما يتزوجوا ولا هذه راه لا يجوز ابدا اتفاق على اسقاط الصداق الحاله اللي قلت لكم انا هي بغات عطاها صداقه بغات تلوحه من السطح شغلها هذاك هي ناضت تبغات تعطيه ليه هو تصدق عليه ماشي مشكل وما يكونش متفق معه الاشهاد بطبيعه الحال يشترط في الشاهدين دوك اللي غيشهدوا لك الاسلام والعداله يكونوا ما معروفينش بالكبائر ثالث مقاصد الزواج شباب غندير مثلا تحقيق الموده والساكينه كاين تكثير سواد الامه كاين وقايه المجتمع من تفشي الفواحش كل واحد اش حافظ ماشي مشكل واخا مزيان شباب بالنسبه لدرس الزواج كيفاش كيتحط كيتحط على هذ المعلومات نيت اسئله مباشره فيه اسئله مباشره فيه والا تحط بسؤال غير مباشر كيرتبط لي بقيمه بدرس واحد اخر مثلا كيف يمكن عن طريق الوفاء والصبر تحقيق مؤسسه زواج ناجحه كنمشيو نجاوبوا بالوفاء والصبر ماكنجاوبوش بهذا الشي طبعا صافي اما الاسئله التي ترد لنا في هذا الدرس فهي اسئله اش مباشره غنمشيو شباب لدرس الطلاق تحسوا بيا الشباب في الطلاق سبيد رابيد لانه درس طويل غادي يعطلني الا مازربتش اول حاجه تعريف الطلاق الاذا كان الزواج هو ميثاق تراضي وكذا وكذا وكذا فالطلاق هو فك ميثاقي كاين اللي حافظها حل كاين اللي حافظ ا كاينين شي تلاميذ كيكون هو حافظ سنفو ماكتقولش ليه سنفو كتقول له طنفو تيقول ما حافظش هذاشيك هذ ياك شكون اللي هذا الاستاذ هو اللي عنده صحيح ولا هذا شوف هي هذك فكوه هي حلوه يشتفوا على بعضياتهم شغلهم هذاك كاع المهم حيدوا هذاك الزواج فك ميثاق الزوجيه يمارسه الزوج والزوجه كل بحسب زعما كل منهما بحسب شروطه تحت مراقبه القضاء هذو كلهم كلمات لابد وضبطهم في التعريف ديال الزواج الطلاق صافي مزيان مزيان ايها التلميذ العزيز ايتها التلميذه الفاضله غادي نمشيو اسيدي لحكم الطلاق بين حكمه حكم الطلاق عندنا جهويات غتلقى فيهم مكروه هكذا عندنا جهويات غتلقى فيهم مباح عند الضروره القصوى اللي كتبتي صحيحه انت من الاحسن كيف كنقول تلامدي كتب مكروه بين قوسين مباح الضروره القصوى باش تكون مبينها صافي الا كتبتي مباح بوحدها شفنجه ها هيف شفنجه الشفنجه قليها وضربيها مع اتاي غيجيو بنينه خاصه حتى الا درتي فيها الزبده والعسل شروطه شروط الطلاق تقول لي استاذ ويلي واحد السيد بغى يطلق مرته كاينين شروط بطبيعه الحال كلهم بحسب شروطين اول شرط الشباب ان يطلقها زعما الراجل يطلق مرته ان يطلقها في طهر ما تكونش حائض لم يحصل فيه جبال ديك المده اللي كانت فيه هي طاهره زعما لا ينزل من دم الحيض ما يكونش حصل جماع بمعنى رجل طلق امراته في حيضها لا يجوز رجل طلق امراته في فتره طهر وقع فيه جماع لا يجوز رجل طلق امراته في حاله طهر دون ان يقع جماع فيديك الفتره كلها يجوز صافي مزيان علاش الاسلام دار هذ الشروط باش ما يخليكش تطلق دغيا مسخوط الوالدين باش تبقى محافظ على الاسره ديالك حنا بنادم راه هاه كيطلق ولا عندنا الطلاق بحال سهل من انك تمشي تعمر الماء تشربه زيد عندنا الشباب ان يكون طلقه واحده زعما بلفظ واحد ما تبقاش تقول لها انت طالقه انت طالقه و انا طلقت المطلقه انت بقيتي تطلق ا لا قول انت طالق وصافي ما تقولهاش اصلا حسن كاع صافي ان يكون طلقه واحده تاخذ النوبي درتي اكثر من طلقه تقول لي استاذ واش ثلاثه الطلقات الا قلت لها انت طالق انت طالق انت طالق دايزه قلنا هنا الشرط ان يكون طلقه واحده الامر خلافي بين العلماء وما عندكش لاش ضبطوا وانت باغي تدوز الامتحان الجهوي الا كنت ناوي تطلق ماطلقش الله يرحم الوالدين عاود فكر ثلاثه ان يعيد الطلاق اثناء العده راجل طلق مرته ولات طليقته ماشي هي باقى في العده تعاود طلقها لانك كطلق واحد السيده اللي ماشي هي مرتك باختصار اربعه الاشهاد والتوثيق خصك تشهد الناس على انك طلقتيها وتوثق هذا الطلاق هذا حيت قلنا حنا تحت مراقبه القضاء صافي مزيان باختصار الا طبقتي لي هذ الشروط هذو كانوا فاليدي كيتسمى طلاق سني بمعنى موافق للسنه ديال النبي عليه وسلم الا ما طبقتيش ولا واحد في هذذو ماشي كلهم واحد فيهم مشك كيتسمى طلاق بدعي درتي فيه بدعه تاخذ النوبه مسخوه الوالدين صافي مزيان مزيان مزيان هذاشي راه زين لحد الان الحمد لله طلاق سني طلاق بدعي كيسميهم في بعض الامتحانات الجوي طلاق باعتبار ايقاعه زعما ملي كتبغي تطلق شنو هما انواع الطلاق يا اما طلاق سني بمعنى احترمتي فيه شروط الطلاق يا اما طلاق بدعي بمعنى ما احترمتيش فيه ولا واحد منهم ما يدوخوكمش هذ الانواع قليل فاش كيسولوا عليهم وملي ديما كيسولوهم على انواع الطلاق كيسولوا على هذو اللي غندويو عليهم دابا انواع الطلاق صافي انواعه نسالي ان شاء الله نحط لكم هذا الشي كيعاده باش اللي بغى يكتب على خاطره يكتب انواعه انواعه زعما نصور لكم هذ التويشيات هذ انواع الطلاق تبعني ايها الرجل الجميل ايتها الطفله الجميله تبقى طفله انواع الطلاق الشباب ثلاثه ديال الانواع صافي وخا هما جوج في واحد ولكن المهم غنسميو طلاق رجعي انا عارفكم فايت سمعتوا هذا الشي على ذاكشي علاش كنزرب طلاق بائن بينون صغرى وطلاق باء بينون كبرى مزيان كي قلت هذ الكبرى هذه مزيان شباب شنو هو الطلاق الرجعي هو الطلاق الذي يمكن للرجل ها هي من سميته بين ان يرجع زوجته داخل العده بلا شروط شنو هو الطلاق رجعي ممكن يرجع مرته ولكن باقى العده بلا شروط حيت الا سالت العده غيولي بائن بينه وصغر باش تعقل عليها رجعي ممكن رجعها بائن بيناتهم شي حاجه بيناتهم شي حاجه بيناتهم شي حاجه كاينه اما تكون صغيره اللي هي تجديد العقد يا اما بيناتهم شي حاجه كبيره هي تمشي تزوج واحد اخر زواج صحيح صافي مزيان طلاق الرجعي عقل معايا الله اكبر وهو الطلاق الذي يمكن للرجل ان يرجع زوجته داخل العده بلا شروط البائ بين سوره هو الطلاق الذي لا يمكن للرجل ان يرجع زوجته الا بعد تجديد العقد وهذا لا يمكن لرجل ان يرجع زوجته الا بعد طلاقها من رجل اخر تزوجته على وجه الدوام ماخصوش يتزوج بها باش يحلل لها صافي انا ماكنطولش في هذا الشي حيت هذو المعلومات ماكتسولوش عليهم عاده في الامتحان الجهوي انما كتعطاكم وضعيه تي ردوا على الاذان ايها الاحباب الكرام نعم ايها الاحباب الطلاق الرجعي كيفاش نعرفه في الامتحان الجهوي كنقلب في الوضعيه كتبان لي را العده مازال والطلقه يا اما يلا طلقها المره الاولى يا اما طلقها المره الثانيه صافي ولكن باقى هذ السيده في العده طلق بين الكبرى ساهله كنلقى الطلقه الثالثه اولا كنلقاو طلقها طلاقا بائنا تقول لي استاذ بائنا يقدر يكون صق يكون كبرى لا فيما يقولوا بائنا او بانت منه هي بائن بينونه كبرى صافي مزيان هذا هو اللي كيكون كثير الحالات دياله وانتبهوا معه اول استيس تعرف به ان الطلاق باين بينونه صغرى في الامتحان الجهوي هو انتهاء العده تبان لك العده سالت هنا خصنا نعرفوا انواع العده احنا جايين لهم ثانيا طلاقه بالدخول باقي هذا السيد كاع ما دخل بها تيقوللك في الوضعيه انه سوا مثلا سافر ولا هاجر مباشره بعد الزواج كتفهم انه باقي مادخلش بها ولا كيصرحول لك بها طلاق الخلع المراه كتخلع راجلها ماشي بوجهها وانما كتجي عنده كتقول له السلام عليكم تهلا في راسك عشيري غادي نعطيك واحد القدر ديال الفلوس ولا غنتخلى لك على مؤخر الصداق وغادي نقول لك باللامه تيقول لها هو كيشوف الفلوس كيشوفها هي كيقول لها اللهم الفلوس كيقول لها السلام عليكم صافي مريضنا ما عنده باس هذا حتى هو بائن بينون صغار كيقوللك تنازلت فلان عن مؤخر صداقها ولا عطاته حديقه ولا عطاته فلوس ولا الله اعلم عندنا عاوتاني في الامتحان الجوي كنلقاو في الوضعيه ان القاضي هو اللي طلق هذا السيد هذا من مرته بزز منه اما بسبب الداره تيضربها هذه دارها جسدي معنوي ما عرفتش تيخونها مسخوط الوالدين اي داره صافي قدرت انها تبروفيه وكذا وكذا الغياب توض مسخوط الوالدين ما عرفناه حي ولا ميت هذا حتى هو القاضي كيصدر الطلاق مثلا الغد ليه هو مسخوط الوالدين رجع كيقول لها رجعتك مرتي العزيزه كتقول له لا تهلا في راسك الطلاق باين بين صغرى الا بغيتيني جدد العقد النفقه والو مسخوط الوالدين مجوع جوج فيها عندها 70 كيلو ولات فيها 22 صافي ولات بحال ساكادو هذا النفقه تيعطيو واحد المهله ما نفقش عليها كيطلقوه من صافي الا لقيتي هاذو هاهما مكتوبين بائين بينصها لقيتي هي الطلقه الاولى هي الثانيه وباقى العده رجعي لقيتي الطلقه الثالثه ولا قاللك بانت منه هي باي نون كبرى مزيان غنمشيو لانواع العده انواع العده شنا هي العده شنا هي العده سؤال منطقي خطير بلاتي العده يا شباب هي المده هي المده التي تتريث او لا تمتنع باش ديك ساله تمتنع فيها المراه عن الزواج بعد صدور الطلاق اللي كيطلقها رجلها او وفاه الزوج علاش اما استبراء للرحم نعرفوها ماحملهش ويخلص رحمها من ماء زوجها او رعايه لحق الزوج او امكانيه الصلح داكشي علاش المراه كتشد العده وكتبقى في البيت الزوجي شن هي الانواع ديالها الشباب راه ما يمكنش يتحطوا لك الانواع وما يتحطوش لك الايات بمعنى لابد تحفظ الايات اللي عندك فيذاك الملخص اللي انت كتحفظ فيه انواع العده الشباب كتنقاسم بحسب المراه ولا بحسب الزمن صافي كاين نوع المراه وكاين المده اللي غادي تشد ولابد تحفظ الدليل لابد انا غادي يقولها شفويا ا شباب باب الاختصار اول نوع من انواع النساء المراه التي تحيض من الاحسن ما تسميوهاش المراه الحائض زعما اللي كتحيض باش بنادم ما يفهمش انها حايضه ديك الساعه لا كندوي على المراه اللي كتجيها الدوره الشهريه عاديه هذه كتشد ثلاثه قروء ماشي قرون بنون 300 عام سمعتي النمرود بن كانعان كاينين شي وحدين كيديروا ثلاثه قرون ثلاثه قروء صافي زعما ثلاثه ديال الحيضات ولا ثلاثه ديال الاطعار كين خلاف ديال العلماء لكن المالكيه كيقولوا ثلاثه ديال الحيضات الدليل والمطلقات يتربصن بانفسهن ثلاثه قرون عندنا النوع الثاني من العيالات هي المراه اليائس مسكينه ما تتحضش اما بسبب مرضها او صغارها او كبرها صافي كبيره مسكينه علاش كنقول مسكينه راه عادي المهم كبرات ما بقاتش قاده تولد ما بقاتش كتحيض اولا مريضه مسكينه هذه ما عندناش باش نحسبوا لها باش نقولوا حنا ثلاثه الحيضات داكشي علاش عطيناها ثلاث شهور تقوللي استاذ ثلاث شهور هي ثلاثه قرون لا الدوره الشهريه ديال المراه ما بين الطور والحيض كتكون قل من 30 بعض المرات اغلب المرات كتكون قل من 30 يوم تتزوج وتعرف هذاشي ثلاثه زيد المراه الحامل شوف هذ الحامل هذه الحاله ديالها كتغلب كاع الحالات فينما تبان لك الحامل قول تنتهي تنتهي بالوضع ما تكتبش بالولاده حيت حى الا طاح البابيه الله يحفظ الله يحفظ الا طاح البابيه راه سالت العده ديالها طلقها بالصدمه طاح لها البيبي صافي الله يعاون ديك الساعه تقدر تمشي تزوج بوحده اخر انتهت العيد هو اللي بغى مسخوط الوالدين تنتهي بالوضع واولات الحمال اجلهن يضعن حملهن عندنا المراه وخا هي ماشي مطلقه لكن حيت عندنا العده ذكرناها المتوفى عنها زوجها هذه كتشد اربع شهور وعش ايام ما عندها الوراتش بطبيعه الحال صافي هذه الله سبحانه وتعالى قال والذين يتوفون بكم ويذرون ازواجا وصيه يتربصن بانفسهم اربعه اشهر وعشره صافي مزيان عندنا واحد السيده ندخلوها هنا وخا هي ماداخلاش حيت ما عندهاش عده هي المطلقه قبل الدخول قبل الدخول هذه اوف لا عده لها صافي كتشدش عده هذه صافي مزيان بقاو لينا الشباب مقاصد الطلاق انتبه معايا لهذ اللعيبه هذه اللي نقول دابا وعندنا اثار الطلاق بزاف تاع التلاميذ نهار الجهوي كيسولوا عليهم بزاف ا شباب كيسولوا عليهم بزاف بزاف ديال التلاميذ كيخلطوا بيناتهم اثار الطلاق زعما الاشياء السلبيه اللي كتوقع من بعد ما كيوقع الطلاق الله يحفظ شنو كيوقع لينا مثلا التبعات الماليه انت كتخلص المتعه والنفقه وهي مسكينه كيولي خصها تصرف على راسها وعلى وليداتها وكذا عندنا التعرض الاقوى الناس كيخرجوا عليك القصص عندنا حرمان الاطفال من حنان الوالدين عندنا امكانيه تشرد الاطفال كاع عندنا تراجع الثقه ديال المجتمع في الزواج بنادم كيقوللك لا اخويا ال كنت غنطلق علاش تزوج عندنا الشباب مثلا امكانيه التعرض امكانيه الازمات النفسيه بنادم كيولي مريض نفسيا هذاشي كامل امتى كنخدم استاذ اثار الطلاق في حاله ما عطاوني في الامتحان الجهوي سؤال مباشر اولا شي واحد في الوضعيه باغي يطلق وقالوا لي عطيه نصيحه كنقول له لا الشريف ماطلقش لانه كذا وكذا وكذا وكذا احيانا كيسولونا شباب على مقاصد الطلاق زعما علاش ربي سبحانه وتعالى شرع الطلاق ما المقصد من الطلاق علاش ربي شرع علينا الطلاق امتى كنجاوبوا بهذه الا شي واحد كيضرب لينا في احكام الاسلام المتعلقه بالطلاق كنلقاو في وضعيه واحد السيد كينتقد وكيقوللك لا هذ الاحكام ديال الزواج والطلاق ما كتنفع والو هذه وهذ تيقوللك شن هما بين ليه مقاصد الطلاق زعما لاش ربي شرع علينا الطلاق اولا رفع الحرج عن الزوجين اه ما تلاقاوش شنو يبقاو مع بعضياتهم الى الابد كيرفع الحرج عندنا تقليل الاضرار الناجمه عن زواج فاشل شنو يبقاو تيقتل شي واحد خر عندنا الشباب امكانيات الزواج مره اخرى بنادم يقدر عاوتاني يتزوج هذو كلهم مقاصد للطلاق لاجلها ربنا سبحانه وتعالى شرع الطلاق هذا الدرس ايها الاحباب الكرام ايضا الاسئله التي تاتي فيه تاتي مباشره صافي جيد جيد ثالث درس ايها الاحباب الكرام في مدخل الاستجابه هو رعايه الاطفال شوف كاين اللي كيتعامل مع الدرس بحال شي طفل كاع ماكيديها فيه والله العلي العظيم ولست حانثا الا كيتحط بزاف وفي اغلب الجهات كيتحط بزاف لانه مكون اساسي للاسره والمستقبل هذ الاطفال هذو اللي هما كلنا اطفال اي هما انتما اطفال اكثر مني انايا انا طفل كبير انتما اطفال متوسطين يلاه زيدوا الاطفال تبع معايا هذا غادي نقول لكم كيفاش كيتحط في الجهوي صافي تبع معايا دغيا نوريك شنو كاين فيه بعدا عندنا الشباب مفهوم مفهوم رعايه الاطفال كيفاش شنا هو المفهوم ديال رعايه الاطفال انا اسيدي باغي نرع ولديك كيجي عندك باك تيقول لك ها موكلك مشربك ملبسك مصبطك اش بغيتي مازال هذاشي را عمي راه كديرو حى الكساب دابا راه تيديرحولي ا تيوكلوا تيشربوا كيتز ليه الصوفه ملي يخاف ويصد ا كاع اكثر مني كاع انايا هذه ماشي هي رعايه الاطفال رعايه الاطفال ا شباب هي القيام بشؤون الطفل وتلبيه حاجياته الشباب الدرس كله مزيان لكم بمعنى حضر والديك بغيتي قول لهم اجي اسمعوا معايا لعمي صهيب صافي القيام بشؤون الطفل وتلبيه حاجياته الجسديه هذه هي اللي قلت لها دابا كيوكلك كيشربك كذا التويشيات والعقليه زعما التعليم ويقريك وكذا والنفسيه يشوف النفسيه ديالك وفق منهج الاسلام هذه مهمه هذه الشباب نبد لها الصوت كاع ماشي واحد جا عند باه قال له بابا كنحس براسي مازم هذ الايام ما كرهتش نسال الله السلام والعافيه نشرب شي شويه ديال الخمر يقول له يا ولدي انا غادي نقوم لك بالحاجيات العقليه والنفسيه نوض مسخ الوالدين قاللك راه وفق منهجي الاسلام وفق جا عنده قال لي بابا انا وليت كنحس براسي ماشي هو هذاك بغيت ندير شي تحول غريب بنتان هويا بغي يضرب في المكانه غادي غيعلق صافي علاش حيت وفق منهج الاسلام هذا الشي كامل خص يكون وفق منج الاسلام هنا يخرجوا الوان زيد مفهوميه الاطفال هو هذا دابا خصنا نعرفوا شن هي الخصائص خصائ خصائص رعايه الاطفال في الاسلام شن هي الخصائص ديال رعايه الاطفال الاسئله اللي كتحط في امتحان الجهوي يقدروا يقولنا الخصائص مباشره يقدروا يعطيو مننا في جدول بينه يقدوا يقولوا لنا شنو اللي كيميز رعايه الاطفال في الاسلام صافي عندنا شباب ربانيه بمعنى الله سبحانه وتعالى هو الذي ضبط او امر برعايه الاطفال عندنا شامله لهذا الشي هذا الجسد العقل النفس عندنا متوازنه هناك من يقصد بشامله شامله لمطالب الدنيا والاخره ومتوازنه بين هذا الشي صافي عندنا الشباب بيد الوالدين معاشي واحد فيهم كياكل الدق عندنا الشباب يترتب عليها الاجر والثواب كاين اللي كيقول واقعيه كاين اللي كيقول المهم هذو هما الخصائص هو خصك تكون لابد فاهمهم صافي لابد تكون فاهم لي هذ الخصائص مزيان ايها الاحباب الكرام هو السؤال كيجي واضح فيهم عندنا شباب حقوق الطفل كاين على الاسره وعلى المجتمع صافي لكن عموما ما عاد يتجمع بيناتهم كيفاش كيعطيوهم يا اما تيعطيوك شي واحد دار شي زبله وكيقوللك اين حق ضيع هذا يا اما تيعطيوك شي تصرف وتيقوللك اين حق هذا يا اما تيعطيوك شي ايه ولا حديث وكيقوللك شنا هو الحق اللي كيضمن هذ الايه ولا هذا الحديث باينين الشباب صافي اولا كيعطيوك وضعيه وتيقول طلبوا منك الموقف ما موقفك مثلا ممن يلزم ابناءه بالعمل في سن التمدرس كتقول اعارض مثلا التصرف علاش لان من حقوق الطفل على الاسره الحق في التعلم اشن هما حقوق الطفل الشباب عندنا اولا الحق في النسب انك كتولدو في الحلال باش تعطي النسب ديالك ماشي تبرا منه تجحد كاين واحد الحديث في حطوه واقيلا 2024 في كازا عندنا الحق في النفقه حقك صافي عندنا الحق في النشاه السليمه تنشا نشاه سليمه بحال بحال الوليدات عندنا الحق في الحق في التعليم الحق في الحضانه عندنا اشياء تاع المجتمع الشباب مثلا الحق في الحياه ان المجتمع يمنع الاجهاض الا اذا كان غادي في الاخر غادي يشكل خطر على حياه السيده اللي اللي غتولد والا راه ما يمكنش نهائيا انه الحرام الحق في الحياه وعندنا الحق في الصحه بطبيعه الحال في التطبيب في كذا اللي بطبيعه الحال ما عندناش الحق فيه هذو هما حقوق الطفله الشباب صافي مزيان كتمونسيوني ان حق على حسب هذك الايه اللي عطاوك ولا ديك الوضعيه اللي عطاوك اخر محور بزاف ديال التلاميذ ماكيهتموش به وهو اكثر واحد كيتحط سميته الموده تبع معايا مزيان والرحمه والحوار من اسس رعايه الاطفال وحفظ فضي حقوقهم الله يرحم لك الوالدين لما نتابع معك مليار في الم شي جهه غيتحط في هذا السؤال مليار في الم تيقوللك في السؤال ياما كيسولوك نيت فيشي لعيبه في المحور تيقوللك شن هي اسس رعايه الاطفال في الاسلام اسس اولا مثلا كيف دعى الاسلام الى معامله الاطفال ولا كيفيه رعايه الاطفال في الاسلام ها هي تقوم على هذو الموده الرحمه الحوار ديما انتبه لهذو كيفاش خصنا نعامل ولادنا الموده الرحمه الحوار كاينين كاين بزاف كاين الصبر النصيحه كاين بزاف هما هذو هما اللي عطاونا في الاطار المرجعي كيعرفك الاستاذ المصحح انك ناضي شنو خصك تحفظ في هذا المحور تحفظ ان هذو هما الاسس وتحفظ ليش كياديو تياديو اولا تربيه الاطفال على محبه الوالدين والخير عموما عندنا الشباب الثقه في النفس كيترباو بالثقه في النفس حيت كيدويو التحاور كذا كذا عندنا الشباب تجنب الكذب لانه ماشي تيقوللك شنو ذا كتخبطه فماتيتجنبش الكذب كيتجنب الكذب تيكون صادق في الهضره دياله صافي وعندنا اثار اخرى يمكن ان نذكرها لكن هذه هي اهم اشياء مثلا تيقوللك تحدث عن القيم المؤسسه لرعايه الاطفال في الاسلام كتقول لهم القيم المؤسسه لرعايه الاطفال في الاسلام تتجلى في الموده والرحمه والحوار ولها اثار منها وكتقول لي هذا صافي صافي بحال هكا يسال التلميذ في الامتحان الجي اخر تويشي يا شباب عندنا الاسره هما فرتكوها وعطاوك الولاد وهذه عاد جاو قالك الاسره نواه المجتمع ترتكو هاد النواه ماشي مشكل الاسره نواه المجتمع خصنا نعرفوا شن هي الاسره مفهوموها شن هي الاسره الشباب ها انت دور وانت كتفرج فيا دابا شوف الاسره ديالك شنو غتلقى الا كنت ساكن مع العائله ديالك تلقى تجمع ها انت شوف وراك اصاحبي شوف وراك عود تسمع لي اصاحبي سمع لعمي صهيب هذا اللايف هذا الحصه تحت رعايه عمي صهيب تجمع تلقى الا درتي الا كنتي عايش بوحدك كتسمى زوفري جابوها المغاربه من ليزوفي اللي كانوا خدامين تيكريو بوحدهم ها الا ضتي دابا خيتي باباك ماماك عمتك جدك خوتك ما عرف شكون ها تجمع ديالش ماشي ديال النمل تجمع بشري ها واش الاضرتي دابا لقيتي بزاف ديال الناس في داركم تسحبهم شفاره تخاف لكن هذاك التجمع بشري علاش سميناه اسره لانه ناتج عن عقد شرعي ماشي ملاقين في دار وحده وصافي وساكنين مع بعضياتكم تقولوا احنا اسره ا رونالدو ما عندوش اسره كله من ملقط الله الصلامه والعافيه تجمع بشري ناتج عن عقد شرعي وخصني نقول شكون كيضم يضم سهله الزوجين هما اللي عندهم هذا العقد الشرعي والاولاد الذريه ديالهم الليتحت والاقارب داخلين فيها والديهم الجدود العمام الخوت كلشي التواصل كاملين صافي مكانتها شن هي مكانه الاسره في الاسلام خصني نعرف شن هي المكانه ديالها هذه هي البارتي الاولى ديال درس الزواج اللي قلت لكم قبيله مكانه الاسره في الاسلام اولا هي نواه المجتمع بصلاحها يصلح وبفسادها يفسد بغيتي تعرف المجتمع هو الزوين شوف الاسر ديالو شنو كدير شنو كتعلم وليداتها فين كيخرجوا شنو هما القيم اللي فيها صافي بغيت تعرف الوعي ديال المجتمع شوف الاسره وشوف شنو كيطلع طوندونس انا ديما تنقول هذ هو ما تكتبهاش نواه المجتمع جوج اصل لبقاء النوع الانساني جميع الكائنات الشباب كتكون اسره باش تبقى تكاثر صافي مزيان ممكن الاكتفاء بهذا الجوج لكن اهم حاجه اهم بارتي في هذا الدرس هي مقومات الاسره المسلمه ولا الناجحه جا عندك صاحبك في الجهوي زعما سؤال في الامتحان الجهوي قالك استنصحك زعما طلب منك نصيحه صديقك فيه تكوين اسره ولا يعرف مثلا كيفيه القيام بذلك عطيه بعض المقومات اعطيه بعض الشروط عطيه بعض الاسس اللي انطلق منها في تكوين اسره المهم اي سؤال حاول ديما تفهم فهمتي منه شن هي طريقه تكوين اسره كتب هذ المقومات هذو صافي اولا حسن اختيار الطرف الثاني وهذا متعلق متعلق به واحد السؤال تيقوللك شن هي مواصفات الزوج ولا الزوجه الكفاه ولا الكفاه كتقول لهم اسس الكفاءه العلم حسن الخلق والاستقامه الامانه والقوه حسن اختيار الطرف الثاني وعندنا ذاك الحديث ديال اذا جاءكم من ترضون دينه وخلقه فزوجوه وعندنا فضفر بذات الدين تربت يداك مزيان جوج ها انتما سيدي تزوجتوا تقدروا تخاسموا تقدروا تختلفوا ا خصنا التواصل ماشي التواصل بوحده البناء جميع العائلات تتواصل ليزانديان تيغوتوا ها خص يكون تواصل صل بناء بين الافراد كتلقى الوالد والوالده مطايفين طايفه كبيره كيمشي كل واحد تماك من بعد كتقوللك عيط لباك عمرت ليه اتاي هو تيقوللك عيطمك راه جبت لها واحد بانطوفه شحال هذ وهي طالباني كتقول اواه واش هادو تصالحوا ولا مازال صافي ذاكشي كيدوز سموت ا بلا ما يهضروا بلا والو خصنا الشرفه تواصل بناء بين الافراد ثلاثه ثلاثه واقيله هذاشي علاش حيت علاش نجح زواجهم هذو دابا قوه الهضره وقوه الدورات ذاكشي علاش كلشي كيطلق زيد ازيد حسن اختيار الطرف الثاني التواصل بين الافراد ثلاثه عندنا شباب طبعا التعاون على الطاعه حيت الا كان الله هو اول وجهه عند الكوبل تيمشيو مزيان الشباب تيمشيو مزيان ورابعا اخر حاجه حسن تربيه الابناء لان الا مارتيش وليداتك انت ديك الساعه كتربي مشاكل غتعيشهم فاشتكون عندك 40 50 60 حسن تربيه الابناء الابناء يا اما بنكه ديال الحسنات يا اما بنكه ديال الذنوب والمشاكل شالاش حسن تربيه الابناء باش تكون اسره ناجحه وبهذا ايها الشباب الاحباب احباب نكون قد انهينا ولله الحمد هذه الحصه المباركه الله عز وجل ان تكونوا بخير وفقط ساتركها هنا من باب لامارك وصافي من اراد الالتحاق بمبادره اجي تنجح فهذا هو رقمها 06 25 32 80 يكون التواصل فقط في الواتساب شباب الاحباب اسال الله عز وجل ان تكونوا قد استفدتم والله العلي العظيم الى محبتي لكم هي التي تدفعني لاستمرار والاجتهاد واننا ما نخليوكمش في هذه اللحظات الحرجه واننا نكونوا ديما معكم في الوقت الذي اخرون يفضلون الاستئثار باوقاتهم فكنقول باذن الله انني نكون مع الشباب ونحاول نعاونهم القدر الذي استطعت اسال الله عز وجل لكم التوفيق والسداد وما تنساوناش من خالص الدعاء اعانكم الله والسلام عليكم ورحمه ‏M.