Building a real airplane out of foam and wood The most dangerous DIY project

نداء العشاق الدي اي واي والمخترعين المجانين رجاء ربط الاحزمه تخيل تصحى من النوم تفكر ان انت تبني طياره والطياره دي بقى هتصنعها من الفوم والخشب صاحبنا بقى ما كانش بيفكر بس ده نزل واشترى الفوم وابتدى يشتغل ويقطع معانا النهارده حد قرر يخترق كل قواعد الطبيعه والفيزياء والمنطق وعمل اربع محاولات عشان يقدر يبني طياره احلامه تعالوا نشوف المشروع ده ونحلله مسمار مسمار معاكم حسام علي ودي حلقه جديده عن دي اي اي صنع من نفسك يلا بينا بسم الله ونبدا في حلقه جديده يا وحوش حكايه بدات مع صديقنا بيتر اللي قرر ان هو مش محتاج مصنع طيارات ولا يشتري طياره خاصه عشان يطير التحدي بدا من كتر حبه للنماذج الصغيره اللي بتقدر تطيرها برموت الكنترول وكان بيقول لاصحابه ان هو في يوم من الايام هيبقى قاعد مكان الراجل ده وده كان باين من عشقه للطيارات اللي بدون طيار كل يوم من الايام انا هعمل طياره بس هيكون فيها بني ادم والبني ادم ده اللي هو انا وعلشان يطمن عمل نموذج صغير بنسبه واحد لسته وجربه لما لقاه بيطير داس في الكبير ودي كانت بدايه الام كي 1 ونزل فعلا محل الادوات واشترى كميه مهوله من الواح الفوم ايوه فوم العزل اللي هو بتاع الحيطان ده وبدا يقطعه بمنشار سلك حراري اللي اخترعه عشان يسهل عليه عمليه القطع سمعته عن مثل زي السكينه في الحلاوه انا دايما بسمع عنه بس اول مره اشوفه ميزه منشار السلك الحراري ده ان هو يقدر يشكل الجسم اللي هو عايزه بقطع سالث جدا وحواف احترافيه وبدا يبني جسم الطياره من خشب الكونتر الطبقات ويبني الشاسيه باجزاء من الالومنيوم واجزاء من الخشب وعمل حركه ذكيه جدا جاب قماش الفايبر جلاس وفرده على الفوم وبدا يدهنه بماده الابوكس الحركه دي حولت الفوم من مجرد فلين عادي الى شيء صلب جدا يستحمل ضغط الهواء هو بيعمل الطياره صاحبه بيهزر معاه بيقول له انا اخر مره هشوفك على الارض ولا قال له ما تخافش انا عملت حمل التبرعات عشان اشتري براشوط للطوارئ بيتر ابتدى يدرس شويه عن ميكانيكا الطيران وبيقول ان الديل بيكون عليه ضغط رهيب ولازم يكون وازن الطياره لان مركز الرفع في الاجنحه بيكون ورا مركز الجاذبيه فالطياره بطبيعتها عايزه تقلب لقدام وظيفه الديل هنا انه بيزق لتحت عشان يرفع المقدمه لفوق وبياكد ان الطياره لو موزونه صح على الارض الضغط ده بيكون بسيط جدا هو بيقول لي ان معظم التيارات اللي من النوع ده بيستعملوا في خشب بيكون غالي جدا وهو طبعا زي ما انتم شايفين الدنيا يعني مش احسن حاجه معاه فقال انا هشتغل بالخشب الابيض وربنا يسترها بقى اما بالنسبه للمحركات ففي شركه بعتت له محركين يجربهم والمحرك الواحد 150 سي سي وعشان اضرب لك مثال الموتور الواحد ممكن يعادل فيسبا وهو هنا هيطلع بطياره وجنبيه من على اليمين فسبا وعلى الشمال فيسبا ولكن الفرق هنا ان الموتور كهرباء يعني بيشتغل ببطاريات مش ببنزين والفكره هنا ان المواتير دي هتخلي وزن الطياره خفيف مش هيحتاج رخصه طيران ولا تسجيل حكومي بس لازم يلتزم قوانين الطيران لعدم طيران فوق اي بشر هنا بيتر كان بيعمل حاجه غريبه قوي يا جماعه هو كان بياخد راي الناس يركب عجل الهبوط فين والفكره ان هو كان بيستجيب معاهم زي ما قالوا له على الدعامات اللي لازم يركبها عشان التوازن وفعلا سمع كلامهم وركبها نيجي بقى لمشكله الديل هنا بيتر يبني الديل الطياره باستخدام الفوم والخشب والفايبر جلاس برده ولكن وهو بيوزن قطعه بعد ما خلصت لقى وزنها كبير جدا اكتشف ان هو استعمل قطع فايبر جلاس اثقل من اللي كان مفروض يجيبها هنا كل جرام زياده يفرق معاه جدا وده لان قانون الطيران في البلد اللي هو فيها بيسمح له بوزن محدد لو عداه هتبقى في مشكله عليه هنا بيتر وصديقه كانوا بيعملوا اختبار لتوازن الطياره لازم يحدد مركز ثقه واكث حاجه عجبتني في بيتر ان هو كان بيتفاعل مع المتابعين جدا وبيرد على كل اسئلته انت ليه ما ينفعش تعمل عجل عايم عشان لو نزلت في الميه فقال لهم لا ما ينفعش شم ما عندوش طاقه اطلاع من الميه طب ليه مش محرك بنزين قال لا هيبقى ثقيل ومعقد والكهرباء اسهل واضمن بكتير سالوا بقى السؤال الاهم هتعمل ايه في البراشوت فقال لهم ان البراشوت عشان اجيبه لازم اجيب نوع بينفع في المستويات المنخفضه والنوع ده لقيته ب 4000 دولار خلصنا بقى من هم التوازن والديل بتاع الطياره نخش بقى في وحدات التحكم والكنترول وبيتر هنا بيقول لنا ان هو اشترى مفصلات مخصصه للطيارات بجد وتقريبا دي اغلى حاجه اشتراها بيقول ان هو اشتراها ب 200$ولار على فكره المفصلات دي يا عم بيتر لو نزلت العتبه هتشتريها اسمها مفصلات شريط عندنا بتتباع بالمتر بيتر ركب عصايه تحكم جويستيك وعمل نظام كابلات عشان يحرك الديل اشترى طبعيه الابعاد مخصوص عشان في اجزاء هو عايز يبنيها بنفسه لانها مش موجوده زي ان هو طبع كراسه تحميل بتاعه عمود التحكم وكمان طبع عليها عجله طيار بماده مرنه اسمها التي بي يو والبدلات فضل ان هو يشتريها جاهزه ولكنها مش خاصه بالطيران خالص ولكن قال ان هي تمشي يعني وعمل الكرسي بتاعه من الفوم عشان يتحمل الصدمات اثناء الهبوط وكمان عمل تقفيصه كده من الخشب بالسي ان سي عشان يتثبت فيها الموتور وتصميمها يكون مناسب لتهويه الموتور وزي ما قلت لكم بيتر بيحب يسمع جدا اراء المتابعين اللي كانت من ضمنها نصائح ان هو يخلي البطاريه في المقدمه عشان لو حصل حادث البطاريه ما تكونش في ضهره وتفص وكمان عشان تعوض وزن الديل الثقيل والناس سالته مره ثانيه على البراشوط الصاروخي وقال يا جماعه انا خلاص هجيبه وشكرا للناس اللي دعمتني كده الطياره بقى ابتدت تظهر وبقى ليها مواتير وديل كرسي وبدلات فاضل اهم حاجه بقى الجناحات اللي هيطير بيها المهمه هنا شبه مستحيله محتاج يقطع 46 ضلع ولازم يكونوا كلهم قد بعض الموضوع بيبقى ممل جدا لبتوع الدي اي واي ميكرز لان هم ما بيحبوش يعملوا له حاجه واحده متكرره بس هو عصر على نفسه لمونه واستحمل لحد ما خلص المهمه دي وعشان الجناح ما يتلويش وهو طاير ركب دعامات خشبيه جوه الفوق من غير الدعامات الخشب دي ممكن الجناح حرفيا يتعسر من ضغط الهواء بعد كده بيتر قطع الاجزاء اللي هتتحرك في الجناح دي اللي بتخلي الطرات ميل يمين وشمال وركبهم المفصلات اللي اشتراها وتاكد ان هم بيتحركوا بثلاثه وهو بيقول ان الجناح الواحد حوالي 4 متر يعني الطياره هتبقى عملاقه بجد بيتر سحب الطياره لمكان واسع وركب جواها وشغل المواتير الكهربا وبدا يزود السرعه واحده واحده الطياره ابتدت تتحرك ديل الطياره رفع سن عن الارض وبيتر قدر يتحكم فيها ويلف يمين وشمال وهو على الارض والطياره بتستجيب بيتر هنا ما كانش بيطير هو كان بيختبر الحركه على الارض بس الابتسامه اللي على وشه بتقول كل حاجه ابتدى بقى يتشجع ان هو يدوس شويه ولقى ان المواتير فيها باور مرعب موتورين 150 سي سيك ركب في شويه فوم تخيلها انت بقى في واحده من المحاولات الاولى اللي ابتدوا يطيروا بيها الطياره خرجت شويه عن السيطره وكان بيقول ان الموضوع مرعب شويه خاصه في التحكيم والتوجيه الارضي وهنا قرر ان هو يرفعها عن الارض شويه عشان يجرب الطيران بجد بس بيتر ما كانش مبسوط كان حاسس ان الطياره مش موزونه وعايزه تقلب منه بيتر رجع الورشه وعمل شويه تعديلات في التوازن وظبط الديل وظبط العجله الديل المره دي بقى مظبوط والعجل اتربط بكابلات سول واول ما بدا يتحرك على الارض كان فرق رهيب العجل ماسك نفسه والطياره مش بتلعب منه والثقه رجعت له تاني هنا قرر بقى ان هو يزود بنزين قصدي كهربا وينطلق شويه فوق الطياره ثابت الارض بنعومه خياليه المره دي ما فيش ميل والتوازن مظبوط طياره طلعت زي المسطره الغريبه ان بيتر بيقول انا طاير بنسبه 40% من قوه المحرك بس يعني الطياره دي عندها باور زياده وممكن تشيل وزن اثقل بكتير بيتر نزل بسلام هبوط فيه نطه خفيفه بس امن جدا واول اول ما وقف الفرحه ما كانتش ساقعاه ولما نزل كان بيحكي قد ايه الطياره بعد التعديلات كانت موزونه جدا لدرجه ان هو كان ممكن يسيب ايده من على عصايه التح وتفضل الطياره موزونه في الهواء وهو فوق بقى جرب ان هو يفصل المحركات لان هو لازم يعمل الاختبار ده لان ممكن البطاريه تخلص منه فوق وخاصه البطاريات اللي معاه حاليا بتقعد معاه 15 دقيقه بس والمفاجاه ان هي طلعت فعلا ثابته فوق حتى لو المواتير بتاعتها فصل وبكده اعلن رسميا بيت نجاح مشروعه الام كي 1 وبدا يعمل فيرجن جديد سماه ام كي 2 الدافع الرئيسي اللي خلى بيتر يعمل فيرجن ثاني من الطياره مع انها نجحت وطارت لكن هو طمعان في السرعه والكفاءه الفيرجن الاولاني كان بطيء جدا بسبب مقاومه الهواء والضعف الشاسيه بتاع بيتر كان عايز يعمل طياره بجناح واحد بدل تصميم البي بلان اللي كان في فيرجن واحد يعني باختصار هو كان عايز يتحدى نفسه فعلا ان ممكن حد يطير بامكانيات بسيطه وده كان الهدف من المشروع الاولاني المره دي بقى بيتر قرر يشتغل بنظافه بدل الشغل العشوائي القديم قرر يستعمل برامج تصميم هندسي وكل حاجه محسوبه من الهدف المره دي انه يعمل الطياره اخف في الوزن وكون امان اكث قرر ان هو يعمل الهيكل من الالومنيوم وتخيلوا بقى معاه الشاسيه الالومنيوم خلى وزنها 30 كيلو بس ده فرق شاسع ما بين الدبابه اللي كان عاملها قبل كده واللي كان وزنها اضعاف من ده وكمان غير في تصميم الجناح اللي خلاه مستقيم مش مسحوب زي بتاع المره اللي فاتت ده هيكون اسهل في التصنيع واقوى في التحمل بعد ما خلص شغل فيديل الطياره اكتشف ان وزنه ثقيل وكان اثقل من المتوقع بس قال مش مشكله على الاقل ده اقوى من القديم في الاصدار الاول بيتر واجه مشكله في نظام التحكم بالكابلات والبكرات فقرر يغير النظام ده كله ويستعمل دراع لنقل الحركه وده حل هندسي اشيك وانظف بكتير اما بقى معدات الهبوط ودي خلوا بالكم منها قوي عشان دي نقطه ضعف رهيبه بيتر ما اخدش باله منها واركب دعامات الومنيوم بسمك ربع بوصه وهو بيركبها كان قلقان منها وليه حق الصراع يعني اي طالب في سنه اولى هندسه هيقول لك ان الموضوع ده ما ينفعش خالص بس خلينا نقول ان ممكن يكون تعب او كسل لان الصراحه اهتم بالشاسي قوي وحط فيه مجهود كبير جدا قبل ما يصرف على الشكل الخارجي وده كنا شفناه في حلقه صناعه السياره من الصفر لما الفيتنامي قرر بعد ما عمل الشاسيه يرمي العربيه من اعلى نقطه عشان يختبر الشاسيه ولما نجح كمل المشروع اصل بيني وبينك طالما انا عملت الشاسيه فانا عملت نص المشروع تقريبا او اكت خلينا بقى نقول الصراحه راحه احترافيه بيتر في تقطيع الفلين المره دي بقى معلم. بالنسبه بقى للمحركات في واحد من المتابعين شغال في شركه طيارات بدون طيار ادى له محرك من نوع التي موتور وقال له يجرب بيها المرات وده اهدى بكثير من الموتور اللي كان راكب في الاصدار الاولاني وسهل في التحكم وبيعمل اهتزازات اقل. الطياره خلصت وابتدى بيتر يجربها في الجنينه اللي ورا والبطاريات الحمد لله ما فرقعتش زي ما الناس كانت متوقعه. الصراحه يعني شكلها مرعب. بعدها بقى رحنا ميدان التجربه والطياره ابتدت تتحرك على الممر الطياره عملت اقلاع زي ما الكتاب بيقول بس الفرحه ما بتكملش المحاوله الثالثه حصلت كارثه وهو بينزل معدات الهبوط الالومنيوم اللي كنا شاكين فيها استسلمت الالومنيوم اتنى ومش بس كده البطاريه كمان ما كانتش متثبته كويس فاتزحلقت لورا وده عمل خلل في التوازن طياره مالت على جنبها وحصل لها شويه خبطات لكن الحمد لله بيتر سليم كمان اكتشف مشكله خطيره في الكهرب كهربا ان محركات التي موتور مش متوافقه اصلا مع منظمات السرعه بمعنى ان هو كل ما يزود السرعه للاخر المحرك بيفصل ودي كارثه فبيتر قرر يوقف المشروع حالا لان هو كان داخل معرض وكان لازم يشارك بالطياره طب العمل ايه نرجح ميزو ا انا صاحب القر هو فعلا شارك بالطياره ام كي 1 اللي عملها في اول الحلقه بس لما خلص المعرض قرر ان هو يعمل ام كي لاه وقال للناس بصراحه بقى الطياره رقم اثنين محتاج اعاده تصميم للعجل وتظبيط للمواتير وتعديل في الاجنحه عشان كده هو قرر يركنها خالص ويبدا من جديد ثاني ا ثالث بقى طب هتعمل بقى ايه يا عم بيتر في الاصدار الثالث قرر يعمل نموذج مصغر يجربه الاول واكيد مش عايز يكرر غلطات الماضي والنموذج ده عمله بجناح صغير وجسم عريض لما جه يجربه طار زي قالب الطوب ولبس في الشجره بيتر قال التصميم المبدئي ده مش نافع والطياره غير مستقره بالمره ولازم شويه تعديل الفكره اللي في دماغه هو عايز طياره حجمها اصغر واخفف في الوزن والمفاجاه بقى في الخامات هو بيفكر يستعمل الواح البلاستيك المفرغه اللي بنستعملها في تقفيل الابواب يعني هننسى بقى في فوم شويه ونخش في شغل البلاستيك والمعادن بالنسبه بقى للمواتير هو اكتشف ان المواتير الكهرباء مش بتاكل عيش وهو عايز يرجع للاولد سكول ويحط موتور بنزين وده عشان يحل مشكله العزم ويطير وقت اكبر جاب موتور خاص بالبارا موتور اللي هو البراشوط اللي فيه موتور يعني والمحرك ده بنزين 25 حصان تبريد ذاتي وزنه حوالي 13 كيلو وبيسحب حوالي من 3 ل 4 لتر بنزين في الساعه الموتور ده وزنه خفيف جدا وبيطلع قوه دفع كافيه جدا ان هي تشيل طياره وتطلع بيها مرتاح الموتور اشتراه بيتر من واحد صاحبه الحمد لله شفنا بيتر بيشتري حاجه غير المفصلات في الحلقه دي في الاصدار الثالث قرر ان هو يطور من مهاراته شويه مش هينفع طول العمر يقعد يلزق في فوم وفي خشبه راح لواحد صاحبه وعنده ورشه خراطه وعلمه اساسيات الحامل تج اللي هو الحامل لحام التنجستن او الارجون وده لحام مخصوص للالومنيوم والاستان والموضوع هنا يا جماعه اصعب من لحام الحديد العادي خاصه ان الالومنيوم خفيف ومش بيستحمل لحام عالي نيجي بقى لنقطه فيزيائيه مهمه شغلت ناس كتير في التعليق حاجه اسمها بيتش باور كوبلا ببساطه عشان المحرك مكانه لفوق ومركز الجاذبيه لتحت لما بيتر هيزود بنزين الطياره هتميل ببوزها لتحت بيتر هنا بيقول ان ممكن يبقى ده مشكله في الارتفاعات الواطيه لكن الموضوع مش خطير طير قوي خاصه ان ديل الطياره ثقيل ولما يطير بسرعه عاديه الطياره بتتسارع وتطلع اللي فوق عادي اهم حاجه بقى عجل الهبوط فاكرين الاصدار الثاني ايه اللي حصل فيه في الاصدار الثالث بقى ركب دعامات المنيوم تخانتها اكبر واثر طول العجل شويه وده بيخلي الطياره ثابته جدا على الارض وطبعا اهم حاجه اختبار الشاسيه قبل ما يصرف جني ثاني على اي حاجه مش هقول لكم بقى على التطور اللي بقى فيه بيتر في قص وتقطيع الفوم بصوا عامل قالب وبيستعمل عمل سلك السخان بقى يطلع كل الفوم مقاس واحد زي المسطره ايه ده مش انت قلت ان هو مش هيستعمل فوم في الاصدار ده ايوه هو كان لازم يستعمل فوم يحطه كحشوات ما بين الخشب عشان وزنه خفيف بالمناسبه بيتر قال انه اول مره يستعمل الخشب في الغلاف الخارجي للجناحات واول مره يجرب يتني الخشب باستعمال الميه عشان ياخد شكل الجناح في اختبارات الجناح بقى واستحمالها للضغط بيتر قرر يطلع بنفسه دي حاجه ما فيهاش هزار دي فيها موت بس تحس الكلب هنا عايز يقول له حاجه بعد ما اطمنا على الجناح وركبنا المحرك بيتر بيشرح لنا ازاي بيحضر المحرك عن طريق ان هو بينفخ في الخرطوم بتاع التهودي يعني وظيفه طرمبه البنزين في العربيه وده عشان يزق البنزين للكربيراتير المحرك اشتغل والصوت طرب رب ازرق ده كانها فسبه فعلا وانا اللي كنت بتريق في اول الحلقه خلاص بيتر عمل اختبارات للمحرك والجناح راكب عشان يتاكد ان الاهتزازات مش هتفكك اي حاجه في الطياره وربنا يستر المره دي انا حاسس ان نهايه بيتر قصدي نهايه الحلقه قربت المهم واحد من المتابعين بعت له منتج زي الفينيل كده بس مخصص للطيارات بدل بقى ما يقعد يعزل ويدهن وكل الكلام ده ده بيتركب كده ويبقى جاهز على طول الطياره اتنقلت للمطار وبيتركب الاجنحه الجديده الحمراء وقعد في الكرسي المكشوف هو حرفيا كانه قاعد في الهواء بدا بقى يجري على الارض شويه لا الطياره ماسكه نفسها والعجل قوي مش زي الام كيتو بيتر داس بنزين والصوت هنا مرعب المره دي الطياره فعلا طلعت بنعومه وما فيش رعشه بسبب قوه العزم عكس مواير الكهرباء لا ودي كمان كملت طلوع وبيتر طاير بارتفاع عالي وبيلف وبياخد دورانات بمنتهى الثقه والتصميم المكشوف ده مخلي بيتر شايف الارض تحت رجله احساس رهيب بيتر نازل بسلام الهبوط كان ناعم جدا على العجل الجديد ولكن بيتر ما كانش مبسوط ليه يا عم بيتر بقى عايزين نقفل الحلقه لا معلش اخر حاجه بيتر ما كانش عاجبه صوت ورجه موتور البنزين وصوت الشكمان بتاعه قال انا كنت في مواتير الكهرباء كنت سامع صوت الهواء بس عشان كده قرر يعمل الاصدار الرابع ويحط فيه كل الزبده اللي اعلمها من الثلاث اصدارات اللي فات ويعمل شغل مظبوط بقى شغل مصانع فكره الاصدار الرابع نورت في دماغه لما اكتشف فكره الجناح الذكي ده كان دافع هندسي كبير جدا في ان هو يعمل الاصدار الرابع الجناح الذكي ده بيخلي الطياره توزن نفسها بنفسها ويتحكم فيها الديل بس ده بيقلل وزن وتعقيد ويخلي الطياره ابسط من البساطه عشان كده هنشوف في الاصدار ده جناح متني لفوق عشان يوزن نفسه بنفسه وبمناسبه الجناحات بقى بيتر قرر يرجع للفوم ثاني وما قالش السبب وانا هنا عايز اقول اللي تعرفه احسن من اللي ما تعرفوش مهاره بيتر از زادت قوي في تصنيع الشاسيه والجناحات وفي قص الفوم المره دي حته الفوم خارجه من تحت ايده تحفه فنيه وعملت دعامات المره دي من مواسير الومنيوم داخله بطول الجناح طب الموتور بقى يا عم بيتر تعبتنا معاك نفس موتور البراشوت اللي بيطير ده ولكن باراشوت احدث موتور كهرباء خد الموتور منه والموتور المره دي 92 فولت قدره 25 وات يعني حوالي 33 حصان بطاريات ليثيوم ويقدر يطير بيها مده حوالي من 20 ل 30 دقيقه المره دي الدنيا منظمه قوي ولوحه التحكم شيك جدا بقول لكم شغل مصانع يعني اللي فات حماده واللي جاي حماده ثاني الميزه المره دي ان الطياره سهله النقل والتجميع ومحتاجه 10 مسامير بس يتربطوا وتكون جاهزه للطيران وبخصوص المسامير بقى عجبتني فكره المفتاح الخشب اللي عمله بيتر عشان ما يستعملش مفاتيح حديد ويسرح وهو بيربط والمسمار يملص من البلاستيك فالصراحه اخدت الفكره ورسمته وعملت له واحد خلاص الام كي 4 جاهزه يلا بينا نطير بقى يا عم بيتر يلا بينا وفي التجربه الاولى كان في مشكلتين المروحه صوتها عالي جدا والطياره بتمشي ببطء زي ما تكون سايق عربيه على الغيار الاول وكمان لاحظ ان في رعشه في الديل جامد لو الرعشه دي زادت ممكن تطير الديل بيتر ما بيغلبش وما بيتعبش رجع الورشه ثاني وعمل شويه تعديلات قص اطراف الديل وزوده متر من كل ناحيه وبدل المراوح بمراوح فيها زاويه ميل اكبر عشان تدي سرعه اعلى وركب عجل للديل عشان يعرف يمشي على الارض من غير ما يجرجر الديل وراه بعد التعديلات دي بقى كانت اللحظه المنتظره الطياره طلعت بنعومه كتيره على سرعه 50 كيلو في الساعه طياره مستقره جدا تصميم اثنين بسيط تحكم سهل صوتها هادي ومريح للاعصاب وعمل هبوط ولا اروع وهنا اعلن بيتر اخيرا نجاح الام كي 4 وقال للمتابعين بلاش حد يطلب مني مخططات انا لسه بجرب وبعدل ومش هطلع مخططات غير لما مهندس طيران يراجع عليها ايه هو انت يا عم بيتر كل ده مش مهندس طيران هنا بقى النقطه المثيره للاهتمام في الفيديوهات دي بيتر مش بيقدم نفسه كمهندس محترف هو بيقدم نفسه كميكر او يوتيوبر ولكن هو بيشتغل بعقليه مهندس هو بيحب يتعلم بالممارسه يعني يجرب يفشل يعدل ينجح