1 ملخص قوانين الوحدة الاولى الزخم الخطي والتصادمات فيزياء توجيهي 2008 الاستاذ مؤمن عمر

بسم الله والحمد لله والصلاه والسلام على رسول الله السلام عليكم في ه الحصه ان شاء الله بدنا نلم لكم قوانين الوحده الاولى كلياتها في مكان واحد اكون عارف كل قانون متى استخدمه كيف استخدمه ايش في اشياء لازم انتبه لها وانا بطبق في هذا القانون هي الحصه هدف منها تكون قبل ما نبلش مراجعه الوحده نحن الى الان حابب اطمنك واحكي لك واطمنك واحكي لك انه نحن لساه ما خلصنا الوحده تماما شو يعني لو هسا انا اعطيك امتحان تحله لسا مش حتحله 100% انا عارف ما في مشكله انا بحب بحب نحن ناخذ كل الافكار بعدين نحل اسئله عليها كلها لانه امتحان الوزاره لما يجيك مش رح يجيك سؤال حكي لك هذا تصادم مرن هذا تصادم غير مرن هذا سؤال بندول قدفي لا الامتحان ما بيجي هيك بيجي عندك ست اسئله سبع اسئله هذول على الزخم بغض النظر عن شو قاعد بيحكي بغض النظر هو بيحكي لي عن تصادم مرن مش مرن اي بندول قذفي فرق في الزخم بتكون اسئله منوعه ومشكله فانا بيهمني الطالب والطالبه لما يعرف القوانين كلياتها بعدين خلص نضبط القوانين ونبلش بالاسئله كلها مش اجيب لك قانون وكل افكاره قانون بعده كل افكاره هذا كويس ومنيح بس الافضل انه انت تاخذ القوانين وكل على كل قانون تاخذ عليه فكره فكرتين فكره فكرتين انك تعرف كيف تطبق عليه بعدين نفوت على الاسئله التفصيليه اللي بيكون فيها مجموعه القوانين مع بعض والاشياء المختلفه نتعلم عليها من بعض بعد ما نخلص اسئله الوحده طبعا تحاول فيها لحالك وتحاولي فيها لحالك بعدين حنحلها مع بعض كلياتها بتفصيل بعد ما نخلص اسئله كتاب التمارين وقتها بنزل لكم امتحانات تختبروا حالكم امتحانات ايش حتكون؟ حتكون اسئله وزاره من الدورات السابقه تشوفها وتشوف تعال راجعني اذا في سؤال حيضايقك او في سؤال حيغلبك طيب نبدا بالبدايه اذكرك وانبهك وانبهك واحكي لك انه لما تيجي تقرا السؤال انا شو بدي اعمل ابتداء لانه ممكن اعطيك كل القوانين بس انا مش عارف كيف استخدمها مش عارف لما اشوف السؤال امامي شو بدي اعمل في عندي مجموعه خطوات انا بحطها امامي مهم تتنبه لها وتضلك واعي لها في كل سؤال بتحله وهذا الشيء اللي نحن حنمشي فيه ان شاء الله مشينا فيه سابقا وحنظل ماشيين فيه من هسه لنهايه السنه اي سؤال امامك اول شيء لازم تقرا السؤال كويس تحكي لي استاذ ما نحن عارفين ما نحن كلياتنا بنقرا السؤال للاسف لا كثير منكم مشكلته بالسؤال انه هو مش قارئه كويس هو مش فاهم السؤال شو حكي له مش فاهم السؤال شو معطيه مش متصور السؤال عن شو بيحكي انت اقرا السؤال ابتداء تعرف اه السؤال عن ايش بيحكي ممكن تقرا قراءه سريعه اول شيء او ممكن مباشره وانت بتقراه بتمهل تبلش اول شيء حدد لي المعطيات بعد قراءه السؤال وتحديد المعطيات عندي نوعين من المعطيات عندي معطيات مباشره لما يحكي لي الكتله مقدارها كذا يحكي لي السرعه كذا كذا غربا بدي انتبه غربا احط اشاره سالب بحكي لي الزخم مقداره هيك القوه هيك التغير هيك وبدي انتبه للاشياء اللي بيكون فيها غير مباشره معطيات زي ايش لما يحكي لي الجسم ساكن ما حكى لي السرعه الابتدائيه صفر حكى لي ساكن لما حكى لي العربه تقف ان هي العربه واقفه معناتها برضه السرعه ابتدائيه مالها ساكنه لما يحكي لي التحما معاشره تصادم مع دي مرونه لما يحكي لي غربا سواء كانت سرعه او زخم او قوه بعرف مباشره عند الاتجاه لازم اعوضه اشاره مين اشاره السالب فهي المعطيات اهم شيء لانك اذا ما حددت المعطيات كويس مش حتعرف تمشي منيح وملاحظه صغيره تخليها ببالك حكينا عنها اكثر من مره اذا كانت المعطيات نسب شو يعني نسب؟ يعني السرعه الانتهائيه ربع السرعه الابتدائيه من الكتله ها قد نص الكتله هذيك عوض ابدا وربك بيسر لا تخاف عادي الامور حتكون سهله وكالعاده في اشياء عننا رح تنشطب مع بعض بعديها الخطوه اللي بعدها تاكد انه الوحدات الحساسيه مجرد ما تشوف شيء سنتيمتر على طول الحساسيه بدها تشتغل شيء غرام مباشره سرعه مش متر لكل ثانيه مباشره لازم الوحدات تكون ضمن النظام الدول للوحدات متر ثانيه نيوتن اي ايش كمان عندي كيلوغرام لازم تكون كلها الوحد ضمن الوحده الاساسيه الوحده الاولى نادر ما كان يجي عنا شيء مختلف الا بالارتفاع البندول القذفي بس الوحدات الثانيه حيكون في عننا اشياء مختلفه لازم نظل مصحصحين لها طيب بعديها حدد المطلوب بعد ما انا حددت المعطيات وتاكدت انها وحداتي تمام احدد المطلوب او المطاليب احيانا بيكون في اكثر من مطلوب واحيانا مباشره لما احدد المطلوب بدي اعرف انا كيف بدي اوصل له؟ عشان اعرف كيف بدي اوصل له بدي احط خطه الخطه هي شو يعني؟ يعني انا بدي احدد القانون او العلاقه اللي انا بدي استخدمها واحيانا ممكن تكون اكثر من علاقه يعني السؤال طالب مني سرعه بس معطياتي ما بتحصل لي سرعه معطياتي بتحصل لي مثلا زخم معطيني هو قوه وزمن بقدر استخدم الدفع قانون حفظ الزخم اللي هو الدفع يساوي الزخم واوجد منها مين اوجد منها بعدين السرعه فلازم اعرف اضع خطه وعشان بعد ما احط خطه واعرف شو العلاقه واكتبها ابدا وهي مهمه ابدا لانك اذا ما بتبدا مش حتصل مرات كثير طالب بظل يفكر طيب يمكن هذا القانون ما يزبط طيب يمكن هذا القانون ما يزبط يا اخي جرب اذا ما زبط معك شوف غيره عادي انت عمليه الاعاده انك تجرب ومرتين وثلاث حتكون اسرع من انت تظلك صافن بالسؤال وتستنى الحل يجيك وتستنى الجواب يجيك من وين بده يجيك انت اذا ما بدات مش راح تمشي امورك طيب اغلطت خلال الحل ما في مشكله ارجع مره ثانيه استخدم خدم علاقه اخرى العلاقات المفروض ايش تكون براسي موجوده اول باول فدائما تذكر انها الاعاده اسرع من التفكير الزائد خلص اذا خطت على بالي فكره احاول اجربها ما زبطت اجرب غيرها المره الجايه ان شاء الله ما بغلط فيها بالذات هسه وبالامتحان انت معك بدك وقت ظلك تفكر بالسؤال مره ومرتين وثلاث واربعه هسه انت حط خطه ابتداء حاول زبطت ما زبطت زبطت ما زبطت شوف غيرهادقرت عليه اتركه بترجع له بعدين نحن لسا عندنا شوط طويل فدائما خلي ببالك انه انا ما بضبط اعلق على السؤال كثير عرفت شو المطلوب طيب بتذكر شو في قوانين لها دخل بهذا المطلوب اه في قانون قانونين ثلاث بحطهم امامي ايش بقدر استخدمه هون بستخدم وبشوف شو بيطلع معي اخر شيء او اخر شغلتين سائل منطقيه حلك ما بيضبط يكون عندي نفترض جسم ساكن هون وجسم اخر بيتحرك عليه زي هيك هذا يطلب منك في بي فاينال تروح تطلع معك في بي فاينال سالبه كيف طلعت معك سالبه ما هو هذا متحرك شرقا رح يضرب بهذا بده يرجع عكسي كيف زبطت معك منطقيه الحل هي مهمه تسائلها لانها هي بتفيدك بشغلتين اول شيء باسئله الضع دائره بتفيدك انه في اسئله بتحلها هيك زي ما شفنا باسئله الدرس ثاني شغله بتفيدني انه انا اتاكد طيب هذا اللي انا حليته صح ولا مش صح اتاكد انا شغلي مضبوط ولا مش مضبوط طيب نفترض الجواب تبعي طلع مش منطقي براجع حلي مره ثانيه في غلط هون في غلط هون في غلط هون حاول ارصد الخطا وين بحيث اني اقدر اعالجه فدائما دائما خلي عندك مسائله لمنطقيه حلك هل انا الحل حليته منطقي كتله طلعت معي سالبه منين كيف هي زبطت معك زمن طلع معي سالب ما بزبط فهي الاشياء لازم تظل ببالك لما يطلع معك الجواب اخر شيء واخر شيء بعد ما انت اتخذت الخطوات صح وسالت منطقيه حلك وامورك طيبه توكل على ربنا واستودع اجابتك لله سبحانه وتعالى وان شاء الله ربنا ما بخيبك انت بذل جهد عملت اللي عليك انجز وامشي شيء هذول الثمان اشياء حظل اذكر اذكرك فيهم نهايه كل وحده وان شاء الله رح اذكرك واذكرك فيهم ليله الامتحان امتحان الوزاره اقصد هسا نبدا بملخص القوانين ملخص القوانين هذا رح نعمل ان شاء الله رح تشوفوا اولى ثانيه ثالثه لان الثامنه كل وحده رح يكون في لها ملخص القوانين خلينا نخلصه بعدين اخر شيء اقول لك شو بدي اياك وشو بدي اياك تعملي فيه اسم العلاقه اول شيء بعدين العلاقه نفسها بعدين الاستخدام الاشياء لها اللي هو اكثر استخدام لها اول شنا علاقه الزخم الخطي اللي هي موضوع وحدتنا بتحكي لي بي تساوي ام في في هي ايش بستفيد منها لا انسى انها بي عباره عن متجه وبنفس اتجاه السرعه بتكون وعندي الكتله ثابته والكتله كل ما كبرت الزخم بده يكبر اذا كان الزخم ثابت كل ما الكتله كبرت السرعه بدها تقل ها كلياتها بتحكي لي اياها ها العلاقه متى بستخدمها حساب الزخم وحساب السرعه ولازم دائما تظل ببالي عند حساب السرعه لانه فش علاقه لها دخل بالسرعه بالوحده ها كلها الا الزخم اللي بعده التغير في الزخم عذرا ودائما كلمه التغير فاينال ناقص انيشيال دائما تغير في اي شيء فاينال ناقص انيشيال فلما احكي التغير في الزخم يعني بي فاينال ناقص بي انيشيال وعاده بختصرها بهي الصياغه كتله الجسم مضروب في سرعته الانتهائيه ناقص سرعته الابتدائيه هون متى بستخدمها ها حساب التغير في الزخم و ايضا عند حساب الدفع احيانا عند حساب القوه المؤثره اذا اعطاني الزمن بحتاج احسب التغير اللي في الزخم اللي هو نفسه الدفع هي هون جبتها حكيناها كمان شوي اللي هو له دخل بالقوه وله دخل بالزمن المؤثر ملاحظه هون كثير لازم تنتبه لها الا وهي التاليه مراعاه الاتجاه لانه الزخم مرات كثير جسم ضرب بالحيط وارتد ضرب بالحيط وارتد هيك كان معه زخم لما رجع سرعته انعكست فالزخم بده يكون بعكس الاتجاه هي الاشياء لازم تضلك مصحصح لها انه انا زخم معناته معه اتجاه هو موجب ولا سالب شرقا ولا غربا يمين ولا يسار لازم اظل مصحصح لهي الاشياء لما اعوض في اتجاه الزخم فممكن يطلع عندي مثلا يكون شيء زي هيك عندي هون في فاينال ناقص في انيشال مثلا تطلع كانت سالب خمسه ناقص السالب خمسه ميز السالب تبع الفرق والسالب تبع مين؟ تبع الاتجاه ميز السالب تبع الفرق والسالب تبع الاتجاه اللي بعده قانون النيوتن الثاني قانون النيوتن الثاني في صياغه الزخم اللي كان يحكي لي التغير في الزخم مع التغير في الزمن متى متى بستخدمه هذا؟ بستخدمه عند حساب القوه المؤثره بستخدمه في حساب زمن التاثير وفي عند حساب التغير في الزمن احيانا بستخدمه لحساب السرعه انا بحتاج اجي خطوه خطوه واصللها مرات بون في خطوتين عندي الدفع الدفع ذكرنا انه الدفع يساوي التغير في الزخم ويساوي القوه المؤثره مضروبه في زمن التاثير وهي العلاقه تذكرنا فيها اكثر من مره انه كل ما زدنا القوه زمن التاثير بده يقل كل ما زدنا زمن التاثير كثير القوه المؤثره ايش بده يصير فيها؟ بدها تقل وهي الضراب تسنا عليها تطبيقات كثيره متعلقه في زياده زمن التصادم عشان نقلل القوه المؤثره الموجوده عندي هي وين بستخدمها؟ بستخدمها حساب الدفع هي لها استخدامات كثير تغير في الزمن اللي هو عف مش التغير في الزمن اللي هو الزمن التصادم نحن بنسميه مش التغير في الزمن القوه وزمن التاثير القوه المؤثره وزمن التاثير السرعه كان المفروض التغير في الزخم وليس في الزمن مرضان وانا بكتب التغير في الزخم اللي هو نفسه الدفع كلياتهم بستخدم لهم هي العلاقه اه العلاقه هي مهمه جدا فلازم اعرف انا انه هي بتربط هي الاشياء كلها ببعض مهم تتذكر انه الدفع والتغير في الزخم لهم نفس المقدار للجسمين ولكنهم بعكس الاتجاه هي ليش مهمه احيانا هو بيعطيك معلومات للجسم الاول وبيطلب منك تغير في الزخم للجسم الثاني ط كيف بدك تحسبها اذا حسبت التغير في الزخم للجسم الاول معناته اذا تصادموا الجسمين هذا راح يكون نفسه التغير لمين؟ للجسم الثاني لانه الجسمين اذا تصادموا مع بعض تصادموا هي في حاله التصادمات اذا صار عندي تصادم بيكون التغير في الزخم لهم الاثنين نفسه ولكن بعكس الاتجاه فاحيانا ممكن يعطيك معطيات للجسم الاول ويطلب منك مطلوب للجسم الثاني فانت لازم دائما تربط اه انه التغير في الزخم او الدفع هو ماله هو نفس المقدار ولكن عكس الاتجاه اخر فكره كانت في الدرس الاول موضوع المنحنى اذا كان عندي منحنى القوه الزمن كنا نحكي انها المساحه تحت هذا المنحنى هي المساحه اللي هون تساوي الدفع وتساوي التغير في الزخم اذا كانت فوق بتكون موجبه اذا كانت تحت بتكون سالبه طيب هسا لما يكون عندي اي مستوى بياني لازم انتبه لشغلتين اساسيات لازم انتبه للوحدات على المحاور احيانا ممكن يتلائم اللي كاتب السؤال ويحط لك هون مت يحط لك ايش دقيقه انت بدك تنتبه تخليها ايش؟ سكند بالقوه نفس الشيء ممكن يتلائم يحط لك ضرب 10 قوه 3 وهون عندك ثلاث وهون عندك اثنين وهون عندك واحد معناته هي الثلاث هي عباره عن 3000 لانها مضروبه في كم؟ في 10 قوهث هي التفاصيل لازم تنتبه لها وتنتبهي لها مجرد ما تشوفوا رسمه بيانيه مباشره اطلعوا على المحاور اول شيء ايش الكميات الموجوده ثاني شيء ايش الوحدات فلازم تتحسسوا منها على السريع لانها ممكن تكون الكميات مش قوه وزمن ممكن يطلب منك شيء مختلف يطلب منك مثلا دفع وزمن ويحط لك شغلتين مختلفات انت لازم تضلك متذكر ومتذكري متذكره انا اطلع شو كميات عندي هون وشو الوحدات اللي معطيني اياها كمان عشان احل صح واضمن اني ما اغلط بعديها بنروح لنهايه الدرس الاول وبدايه الدرس الثاني اول شيء حفظ الزخم الخطي قانون حفظ الزخم الخطي زهقناه الزخم الابتدائي يساوي الزخم الانتهائي كتله الاول في سرعته الابتدائيه زائد كتله الثاني في سرعته الابتدائيه تساوي كتله الاول في سرعته الانتهائيه زائد كتله الثاني في سرعته الانتهائيه هذا القانون قانون متى بستخدمه؟ عند انفصال جسمين رصاصه مدفع واحد زد كره واحد نط عن سطح قارب بغض النظر والتصادمات اي نوع من التصادمات كلها اي نوع تصادم لازم يظل ببالك انا بدي استخدم الزخم اي نوع تصادم بالدنيا لانها اتفقنا انه الزخم ما دام هالتصادمات في انظمه معزوله الزخم دائما محفوظ تمام اللي بعده الفرق في الطاقه الحركيه الفرق في الطاقه الحركيه في ملاحظه كثير مهمه مهمه وردتني من اكثر طالب خطوا فيها الفرق في الطاقه الطاقه الانتهائيه ناقص ابتدائيه زي ما ذكرنا انتهائي ناقص ابتدائي بحط الطاقه الحركيه نصف الكتله في السرعه تربيع زائد نصف الكتله في السرعه تربيع ناقص نصف الكتله في السرعه الابتدائيه السرعه الانتهائيه المهم انتبه انه السرعه الانتهائيه هي اللي بدي احطها بالاول والسرعه الابتدائيه هي اللي بدي احطها بعدين الشغله الثانيه اللي لازم ننتبه لها كثير كثير كويس انه هذا السالب بتوزع على القوس الكبير لانه الطاقه الحركيه الابتدائيه بتشمل طاقه الاول وطاقه الثاني صح فانا لازم اجمع هذول مع بعض بعدين اطرح في البعض كان ايش يعمل كان ما يحط هذا القوس ليش هي بتمسح هيك كان ما يحط لي هذا القوس فكان ايش يطلع عنده الموضوع هي تطلع ناقص وهي ايش تصير تصير زائد فتطلع عنده قيمه تطلع عنده قيمه خطا بتطلع عنده قيمه مختلفه فلازم انتبه دائما انه القوس هذا لازم يضل عندي عشان لما ا اوزع السالب عليه يكون السالب لهي وهي لانه انا بدي اطرح الطاقه الحركيه الابتدائيه جميعها طيب هذا متى بستخدمه؟ استخدمين اس استخدامين اساسيات تحديد نوع التصادم اذا كان بشكل اساسي عشان احدد نوع التصادم اذا سالني ما نوع هذا التصادم ما في عندي الا ايش الا ال الفرق في الطاقه الحركيه الا اذا كان الجسمين التحموا التحام بعرف انه ايش عديم المرونه بس اذا ما التحموا بحتاج انا اوجد الفرق في الطاقه الحركيه عشان اعرفه تصادم مرن ولا تصادم غير مرن؟ ملاحظه كويسه مهم تنتبه للقوس هذه نبهتك عليها اكثر من مره في له استخدام ثاني احيانا السؤال نفسه بيطلب منك ما التغير في الطاقه الحركيه ما قدش مقدار التغير يعني هذا بصير سؤال بالعاده طيب اللي بعده التصادمات المرينه التصادمات المرينه كان في لها علاقه خاصه فيها اللي هي بتحكي لي سرعه الاول الابتدائيه زائد سرعته نفسه الانتهائيه تساوي سرعه الثانيه الابتدائيه زائد سرعته نفسها الانتهائيه هذا وين بستخدمه؟ في التصادمات المرنه اي تصادم مرن السؤال بحكي لك انه هو مرن بكون عاده لازم تستخدم ها العلاقه ليش؟ لانه حيعطيك مجهولين رح تستخدم ها تستخدم معها مين؟ رح تستخدم معها حفظ الزخم الخطي واحد بيحكي لي طب حفظ الطاقه وليش ما بستخدمه بالتصادم المرن ما هي هي العلاقه هي هي عباره اصلا عن ايش؟ عن دمج قانون حفظ الطاقه مع قانون حفظ الزخم ففعليا انا مستخدم حفظ الطاقه الحركيه هون لو نفترض واحد ما بده يستخدم هي رح يعوض هون عادي حتمشي معه اموره بس حت تغلبه فلا هي خليها معك بتفيدك وبتكون كثير مهمه لك اخر شغلتين عننا التصادم عديم المرونه مهم نتذكر فيه انه الجسمين لما يلتحموا بصيروا ايش بصيروا جسم واحد لهم كتله واحده وهم سرعه انتهائيه مالها مشتركه لهم سرعه انتهائيه واحده بطل عندي كل واحد له سرعه لا لا السرعه الانتهائيه نفسها للجسمين كانوا جسمين صاروا جسم واحد فالكتلتهم واحده بجمعها وسرعتهم الانتهائيه واحده وكنا نحكي هي العلاقه تبعتها احيانا كنا للتسهيل نعملها زي هيك ونحفظها اي في اي انيشيال زائد ام بي في بي انيشيال الكل على ام اي زائد ام بي كنا ممكن نعملها زي هيك عشان نحسب السرعه الانتهائيه بعد التصادم لانه الاول سرعته الابتدائيه قديش هي بتطير صفر اذا كان لا هذا بحكي عن بندور قذفي انا رحت مش بالضروره المهم هي هي العلاقه تبعتي بتحسب له سرعتهم الانتهائيه بعد التص تصادم استخداماتها الاساسيه السرعه النهائيه في التصادمات عديمه المرونه وفي استخدام البندول القذفي عشان احسب سرعه الرصاصه لما يكون بندول قذفي كوننا صرنا جبنا سيره البندول القذفي عندي السرعه الانتهائيه شو هي السرعه الانتهائيه هي سرعه البندول بعد التصادم مباشره تساوي الجذر التربيعي لاث اتش في جي اتش هي ارتفاع البندول اعلى ارتفاع له في وحده المتر وجي تسارع الجاذبيه الارضيه عاده عاده بقول لك اياه 10 وانت بتشوف شو السؤال بيحكي لك اياه اذا ما جاب لك سيرته اعتبره 10 ومشي واخر شيء هذا متى بستخدمه لسرعه البندول القذفي بعد التصادم مباشره بطلعه احيانا هذا بيكون خطوه مرحليه لانه هو بيعطيني الحاله كلياتها بحكي لي قديش كان سرعه الرصاصه او السهم فبستخدم ها وين بعوضها بعوضها بالعلاقه ها اللي فوق عشان تعطيني سرعه الرصاصه الابتدائيه هيك بكون بحمد انهينا ملخص هذه الوحده هذا الملخص الهدف منه يعلمني كيف احل الاسئله يعلمني كيف اتبع السؤال ويحكي لي انا اي قانون استخدم عند اي سؤال هسا ايش المطلوب منك والمطلوب منك عندكم اجازه يومين زمن هذا يوم خميس حتى ححاول انزل لكم اياها ابدر من العاده المفروض تكون نازله ومخلصه بتحضروا هي الحصه بتبلشوا بمراجعه الوحده اسئله مراجعه الوحده بتبلشوا فيها بتفصلوا فيها حبه حبه تحاولوا فيها اي سؤال بتواجهوا فيه مشكله ابعث لي عادي نحن لسات عم نتعلم نتذكر بعديها ان شاء الله بعد ما نخلصها رح اعطيك امتحان امتحان وزاري مرتب على هي الوحده كامله تضمن امورك وتضمني امورك وان شاء الله هي الوحده نحطها على جنب نحطها على جنب مش معناتها مش حنرجع لها لا نحطها على جنب يعني نحن خلصنا فناها وضمناها ان شاء الله ولكن رح نظل نتابع فيها طول السنه عشان ما نيجي نهايه السنه انا اه والله بدي اراجع الوحده بدي ابصر اراجع القوانين لا لا بدنا نشتغل عليها من الان بتفصيل هسا هي اول شغله بدي اياها منكم الشغله الثانيه هي القوانين انا حبعث لكم اياها بس بدي اياكم انتم تكتبوها بخط ايدكم على ورقه تجهزوها عذرا وهي الورقه تحطوها جلدوها تضبطوها تعملوها منيح وتخلوها موجوده عندكم على المكتب كل وين اطلعوا عليها بغض النظر حليته ولا ما حليته رح نعمل زي هي ثمان ورقات كل ورقه واكتبوها بخط ايدكم واحفظوها عندكم وخلوها ها رح نعمل زيها زي ما حكينا ثمان ورقات خليها عندي على المكتب اراجعها كل اسبوع بس اطلع عليها اه هي هيك كانت خلص اه هي هيك كانت خلص اه هي هيك كانت خلص ظلك تبع عليها تبع عليها تبع عليها ما بنصل اخر السنه حتى اذا في شيء انت من هذول كنت ضعيف فيه كنت مش مستذكره كويس حيصير عندك محفوظ بصم اذا قدرتوا تعلقوها مكان مش غلط بس انا ما بفضل التعليق خلوها عندكم موجوده وكل ما فكرتوا تدرسوا فيزياء ما بتاخذ معكم دقيقه ما بتاخذ معكم دقيقتين بس اطلعوا عليها وتاكدوا انتم فاهمين كل الرموز ايش هي فاهمين كل العلاقات ايش هي عارفين هي ايش تساوي هي ايش تساوي طلقوا مروا عليها مره مرتين ثلاثه 10 20 30 50 100 مره خلال السنه بتكون امورنا 100% وامورنا طيبه وان شاء الله هي القوانين خلص بتنطبع طبع عندكم الماده مو صعبه انا عارف القوانين واحد بشوف كل هذول على الوحده الاولى اه كل هذول على الوحده الاولى استاذ كل وحده حيكون كل وحده حيكون عننا زيهن تقريبا اه انا مش حكذب عليك واقول لك لا الوحدات الثانيه ما فيش فيها قوانين في فيها علاقات بس هسا لاحظتوا انتم كل العلاقات هي انتم عارفينها اه هي بعرفها هي بعرفها هي بعرفها لانه هل انا اعطيتك اياها بيوم واحد لا نحن بنيناها بناء وكذلك الفصل كامل فزي ما حكيت لكم اول شيء اكتبوها حطوها عندكم ظلكم راجعوها اول باول من هون لبعدين حضل اذكركم فيها اثنين لازم لازم تحلوا اسئله الوحده اللي بتقدروا عليه منها وان شاء الله بحلهم مع بعض بدايه الاسبوع الجاي بنخلصهم ونبدا بالوحده الجديده باذن الله يعطيكم الف عافيه ذكروا دائما سمحوا القيوم والسلام عليكم.