1544 قصة داخل الكرتون

السلام عليكم بدايه الشكر لله عز وجل ثم لكم اخواني واخواتي على الدعم في حسابي على الانستغرام واستجابه لطلب الفزعه يشهد الله انه يشد فيكم الظهر جزاكم الله خير وبيض الله وجهكم قصه الليله قصه عجيبه القصه حصلت ما بين عام 2007/2008 في محافظه الحديده مديريه بيت الفقيه في اليمن طبعا وتحيه لاهل اليمن القصه الله يسلمكم لشاب عمره 22 سنه اسمه عدنان عدنان هذا ابوه توفى وعدنان يعد هو الابن الرابع يعني قبله ثلاث بنات خواته وبعدين عدنان وعنده اصغر منه اخوه الاخير هذا يعني هم عددهم بالكامل خمسه من توفى ابوه وابوه كان انسان بسيط يعني ما ترك لهم شيء ولا ورث ولا ارض ولا مزرعه انه يعتاشون منها وكذا عايشين على على الرزق اللي يجيهم من رب العالمين فقامت ام عدنان وبعض ذهبها وذهب بناتها الشيء البسيط اللي كان عندهم واشتروا فيه دراجه ناريه موتور اللي عدنان يشتغل عليه ليش لانه في عندهم شغله مثل التاكسي على الدراجه الناريه الناس تنقل من قريه القريه فيعني مرات ياخذ رجل ياخذ شباب ياخذ يعني ينقلهم من قريه القريه بسرعه ويقدر عن طريق الموتور او الدراجه الناريه انه يدخل فيها في اماكن وعره واسرع من السياره واقل اجره وبسيطه وعلى قد الحال وما تصرف وقود كثير فكانت يعني شغله ممتازه وتدر عليها المال اللي يستطيع انه يعيش والدته وخواته الثلاثه واخوه الصغير وفعلا ما شاء الله عليه عدنان شاب تحمل المسؤوليه وهو صغير من بعد وفاه ابوه فاول اللي جاب البيت وحاجيات خواته ووالدته ويوم اشتغل على الدراجه قام يطلع يعني ما شاء الله يحافظ على الفلوس يوديها لامه على طول اول باول تشتري حق اخوانه الشيئ الضروري اللي يحتاجونه وتخبي من مبلغ من اللي عندها تخبيه حقنا لا سمح الله احتاج انه يصلح الدراجه الناريه وكان عدنان ابدا ولا يصرف ولا ريال على نفسه عنده هدف انه يعيش اخوانه ووالده فقط هذا همه في الدنيا مرت الايام وصار معروف عندهم عدنان اهل القريه والمديريه واللي حواليها ان عدنان يشتغل على الدراجه مثلا توصيل طلبات يعني تحتاج منه يجيب لك غرض من منطقه ثانيه من محافظه ثانيه يروح بسرعه يجيب لك الاغراض ويجي لك او انه يوصل لك او يشتري لك او يروح السوق يعني شغال على كله يعني يوصل ناس ويشتري اغراض ويوم من الايام عنده واحد من اصدقائه يسكن في منطقه اسمها المنطقه هذه ريما وهذا صديقه يبي يتزوج فما وجد افضل من عدنان انه يساعده في موضوع قضاء الحاجيات البيت وللعزومه اللي هي الفرح فطلب من عدنان قال اشوف ابيك تروح السوق تشتري مثلا خضراوات والمستلزمات الطبخ ابيك تجيب لي مثلا اغراض من السوق ملابس كل شيء يبيه حق زفافه يطلبه من عدنان وعدنان يتنقل من المحافظه اللي هو فيها او المنطقه اللي هو فيها الى المنطقه اللي فيها صاحبه في منطقه ريمه ريمه المهم الى ان جاء يوم حفل زفاف فقال عدنان حق يمه ترى اليوم انا مجهز نفسي واغراضي وكذا وبطلع من الصبح الفجر يعني من بعد صلاه الفجر بروح الى حفل زفاف صديقي وكذلك موصيني في اغراض اشتريهم له وممكن يعني اتاخر عنده حظر الحفل الزفاف واجي اليوم الثاني قالت لا روح الله يسهل عليك والله يحفظك ودير بالك على نفسك قال ان شاء الله يا يمه وفعلا هذا عدنان بعد صلاه الفجر او يركب هالدراجه ويطلع من منطقه اللي هي مديريه بيت الفقيه متوجه الى اطراف ريمه اللي هي اللي فيها حفل زفاف صاحبه اثناء مروره بين الشوارع والطرق والبيوت ويمر على ثلاث اشخاص واحد فيهم ابن تاجر معروف جدا في محافظه الحديده والثاني ابن مسؤول كبير كذلك في محافظه الحديده اصدقاء ومعاهم صديقهم الثالث لما مر عليهم ولا هذول يعني طالحين فجر وشايلين بايدينهم مثل الكرتون فعدنان لما مر من جنبهم يعني سلم سلام من بعيد ولانه ناس واقفه وكذا وعرف ان هذول منو يعني لكن رفع ايده سلام وهو معرفته في يوم بسيطه جدا من بعيد لبعيد يعني وكمل طريقه رايح لمنطقه صاحبه وفعلا وصل عند صاحبه هناك وعطاه للحاجات اللي كان موصي عليها وحظر حفل الزفاف والامور طيبه هذول اللي شافهم عدنان الجسر يسولفون بينهم وبين بعض انه هذا صاحب الماتور كشف له وشافنا واحنا نشيل الكرتون وبكره السالفه تنتشر وراح تذكر انه شافنا الفجر وماسكين وكذا وراح يقول نعم والكرتون هذا اللي تخلصه منه فلان وفلان فلان وراح ننفضح وهذا ايش جاب لنا بهالفجر اتفقوا وانه يتخلصون من عدنان فصاروا يسالون لما طلعت عليهم بالشام كذا بعد ساعتين ثلاثه صاروا يدورون في المنطقه يسالون منو صاحب الماطور هذا الولد اللي شكله شكل الفلاني واللي على دراجه وهم يعرفون ان هذا الشخص اللي هو عدنان يوصل طلبات لكن ما يعرفونه معرفه شخصيا فلما بداوا يسالون يسالون واحد قال لهم ترى هذاك الرجل اللي واقف هناك هذاك ولد عمه اسالوا اكيد يعرفه ويروحونه انت ولد عمك فلان اللي عند الدراجه اللي وصل وكذا قال اي نعم اسمه عدنان ليش امر وفي شيء قال لا والله ما في شيء بس احنا نسال عنه يعني كنا محتاجينه يوصل لنا اغراض وما لقيناه وجينا نسال عنه قال لا ترى هم موجود والظهر انه ما راح يرجع اليوم يجي بكره لانه رايح يحضر حفل زفاف احد اصدقائه فاذا تبون بشيء ترى هذاك بيته قالوا بس يعطيك العافيه ومشكور تبون شي محتاجين شي قال لا والله ما نبي شي مشكور اجلسوا يفكرون الحين شلون يصيدون عدنان ودامنا عدنان موجود الان في منطقه اللي هي ريمه فاكيد لا جاء بيدخل للقريه يدخل من المكان الفلاني فصاروا يتحملون ويقدرون رايح عرس حفل زفاف فاكيد ما راح يجيب الليل او يجي على وجه الفجر اجلسوا طول الوقت وهم على الممر المؤدي للقريه يشوفون من بعيد اي دراجه ناريه يركزون عليها ولا هذا فعلا عدنان اللي جايو ويطلعونه اثنين سلام عليكم وعليكم السلام وقف هلا حياكم الله انت عدنان صح قال لي انت توصل والله جابك احنا محتاجينك توصلنا الان الى منطقه هني قريبه وترجعنا لا والله يا جماعه ترى تعبان وانا من الفجر رايح منطقه بعيده واشتغلت وتعبت وجاي برجع حق اهلي امي وخواتي واخوي الصغير في البيت بروحهم وانا جايب لهم كم ريال ابيهم يصرفون على نفسهم قالوا يا ابن الحلال احنا ما حصلنا احد بهالليل وكذا ارجوك يا اخوي عدنان نبيك توصلنا ما راح نطول ونعطيك اجرك اللي انت تبيه قالوا يا جماعه والله اعذروني تعبان قال يا ابن الحلال ما يخالف نبيك تساعدنا وهو رجل شهم يعني من قالوا نبيك تساعدنا واحنا متورطين ومقطوعين وما حد جنبنا وكذا تم حياكم ويركب الاثنين وين قهوه ويمشي يمشي يمشي يمشي جو عند منطقه او قطعه من الارض مسوينها نفس المسلخ احنا عندنا في الكويت نسميه مسلخ هم يسمونه المجزره هذا المكان اللي ياتون فيه اصحاب الماشيه يبيعون اغنام واللي يشتريه مثلا يبي يذبح الخروف ولا يذبح البقره ولا يذبح له كذا بنفس المكان نسلخ نفسه هم يسمونه ويجيبونه عند مبنى المجزره ما في احد بالليل اوه يعني ما كان يعني متوقع ان هذول اللي بياخذون فيه ولا يشوف هذا ولد المسؤول الكبير الثالث ينتظره ويلتفت على الاثنين اللي مركبهم معها قالوا له وقف وقف ويوقف انزل انزل بدون اي كلمه عسى ما شر يا جماعه في شيء قالوا تعالوا وياخذون دراجته النارين ويدخلون داخل المجزره ويمسكون عدنان او يضربون ضرب وهذا مصدوم الولد يا جماعه عينه خير يا جماعه ايش فيكم ايش صاير انا ذليت بشنو غلطت بشنو يا جماعه اخاف انكم متوهمين قالوا لا لا انت شفتنا امس الفجر وحنا شايلين كرتون وانت عارف شنو اللي كان داخل الكرتون وتبي تفضحنا واحنا الحمد لله انه مسكناك قبل لا تدخل للقريه قال لهم اي كرتون اتضح انه عدنان فعلا ما كان منتبع الكرتون او شافته والفجر من بعيد سلم ومشى ومسكين على فاله رايح وراه شغل وهذول في بالهم انك تشوف الجريمه اللي هم مسوينها لا والله ما شفت شيء الله يرحم والديكم فكوني والله العظيم ما اتكلم ولا اجيب سيره وكذا واعتبروني لا شفتكم ولا شفتوني الله يخلق خلوني ارجع عند امي وخواتي وكذا كله والله ما تفلت احنا ما صدقنا نمسكك قبل لا ترجع لاهلك وتقعد تفضحنا المهم وهذه يترجى فيهم ويترجى فيهم وما يقومون شو يسوون فيه بصدمكم قالوا له اذا وافقت على الشرط اللي احنا نبيه نطبقه فيك راح نطلق صراحه احنا علشان نضمن انك ما تتكلم راح نعتدي عليك جنسيا ونصورك واذا تكلمت راح نفضحك في محافظه الحديده كلها ننشر الفيديو انه انت في كذا وكذا وكذا طبعا لما بداوا يخيرونه بين الشرف والموت قال لهم لا والله الموت عندي اهون وقام يقاومهم حتى انه تسبب باصابات الاشخاص الثلاثه لكن هو مجهزين كل واحد معاها الخنجر واللي معاه سكين واللي معاه عصا واللي يستلمونه ضرب ويطعنونه الى ان رجل الله يرحمه فرق الحياه مات المسكين بدون اي ذنب يرتكبه فقط لانهم اعتقدوا ان شافهم وهم يرمون الكرتونه تقولون يا ابو طلال الكرتون شنو فيه الكرتون الله يسلمكم بعد ما رموه في حاويه القمامه وكان هذا على وشك يعني صلاه الفجر الناس خلصت من صلاه الفجر وهي راجعه طالعه من المسجد وتسمع صوت ولد صغير يبكي توه وين هالصوت وين هالصوت ولا داخل حاويه القمامه ويتجمعون اهل المسجد ولا هذا الولد الصغير موجود داخل الكرتون فيه دم الولاده يعني ويقوم واحد من المصلين اللي بيتهم قريب من المسجد ويشيل هالولد هذا وياخذه معاه البيت وبلغ اهل المسجد قال يا جماعه اذا جاء احد وتعرف على الولد ترى هو عندي امانه وكذا وان ما جاء احد ترى انا بتبناه انا بخليه ولدي قال جزاك الله خير خذ الولد وراح لبيته لكن الموضوع ما يمر مرور الكرام الكل بدا يسولف هذا من ولده من اللي رماه شنو قصته من ابوه من امه من اللي سوى كذا اكيد ابن سفاح اكيد وبدت تحقيق في الموضوع والشرطه والناس تدور هذا الموضوع تسبب قلق المنو ولد المسؤول وولد التاجر وصديقهم الثالث وخصوصا بعد ما الناس بدات تتكلم عن موضوع المولود تذكروا سالفه عدنان اللي شافهم فقالوا اكيد عدنان اذا سمع سالفه انه في مولود وداخل كرتون راح يتذكر انه شافنا واحنا شايلين الكرتون هذا وراح ننفضح خلونا نتخلص من عدنان فعلا هم تخلصوا من عدنان شلون تخلصوا منه بعد ما طعنوه 27 طعنه وهم اصلا مطعنينه داخل المسلخ او المجزره اسحبوا جثته وحطوها في المجاري مجاري المجزره نفسها والمجزره فيها مثل مثل المجاري مليانه دم من البهايم والغنام وغيره فقالوا راح يضيع دمه وخصوصا لما رموا الجثه داخل المجاري واغلقوا عليها الفتحه اللي هي فتحه حديديه يعني عشان لا احد يسخط داخل المنقوله هذا لكن شو اللي صار اليوم الثاني دخل مسؤول المجزره الصبح وهذا المسؤول دائما كان حريص على ان المجزره قبل لا يتركون العمال شغل بالي نهايه اليوم يعني انه يغسلون الارضيه من الدماء ويشيلون صوف الاغنام وينظفون يعني ما يبقى اي اثار للدم الاغنام او غيرها يعني في مكان المسلخ ابدا فلما دخل المسلخ ويشوف اثار دماء لا والدماء هذي موجوده في مكان في المسلخ من المفترض انه ما يتم ذبح الخروف او يتم ذبح اي بهيمه فيها المكان هذا لازم تكون قريبه من المنهول وبدا يتبع الدم وهذا عنده خبره خبره في موضوع الدماء دماء يعني يعرف يفرق بين دم الانسان ودم البهايم شاف دم لونه غريب ومتخثر بسرعه فقرب منه وصار يتبع الاثار الدم الى ان وصل للمنهول يوم فتح الغطاء ولا هذه جثه عدنان وعلى طول ويقوم يبلغ رجال الامن في الموضوع عدنان اصبح الان غايب عن بيتهم تقريبا وقلبت الدنيا وين راحوا مو متعوده ولدها يغيب اصلا كان مفترض يروح عند صديقي يخلص الحفل الزفاف ويرجع هذا قعد لليوم اللي بعده هذا الامر يعني خلاهم يشكون في الوضع يعني قال لهم شوفوا انا علي اني راح ادور على عدنان عندنا في المنطقه بالكامل وراح افزع عيال عمي وابشروا وهذا عدنان ترى صديقي وانا ما راح اتركه وان شاء الله راح اعثر عليه واذا انتم عثرت عليه طمنوني الله يخليكم قالوا جزاك الله خير روحوا بلغوا الرجال الان في الموضوع سجلوا قضيه وصار الكل يبحث عن عدن في منطقه هم المناطق الثانيه ويعني في محافظه الحديده بالكامل لكن ما في اي اثر الا بعد ما هذا مسؤول المسلخ اكتشف وجود الجثه وعلى محضره ورجال الامن على ما طلعوا الجثه ولقوا فيها اثبات وعرفوا انه هذا وهو عدنان اللي تم الابلاغ عن اختفاءه وبلغوا اهله وجو وشافت والده المسكينه شافت جثت ولدها وهني يعني خلاص ثبته وان هذا هو عدنان المفقود لكن منو اللي اقتله وليش هذا الان اللي راح تسمعون تفاصيلها يوم الثلاثه ولد المسؤول وولد التاجر وصديقه اقتلوا عدنان عدنان معاه دراجه ناريه ومعاه تلفونه التلفون خذوه ورموه مع جثته مع جثه عدنان لكن دراجه الناريه يسوون فيها خافوا ان احد يشوفهم عليها ويعرفون ان هذول لهم علاقه في عدنان على طول اخذوا الدراجه وراحوا الى صديقهم الرابع هذا عنده حوش كبير في البيت وراحوا قالوا هذا الدراجه نبي منك خدمه تخبيها عندك في الحوش قال لهم ليش وهذه دراجه منو قال انا مالك شغل بس احنا نبي نخبيها عندك اذا ما عندك مانع اذا عندك مانع خلاص احنا نشوف واحد غيرك قال لها حاضر على الدراجه حطوها بالحوش ومتى ما تبونها خذوها استغرب يعني من هو اللي يمكن شاريينها يمكن على خلاف مع واحد يمكن ما موضوع بسيط بالنسبه له وهذا الرجل الرابع ركزوا عليه في القصه هذا خبا الدراجه الناريه عنده والتحقيقات يدورون يدورون يدورون من اللي له علاقه في عدنان من اللي شافه زين من اللي شاف الموتر ماله دراجه منو اللي اخر واحد شافه ما حد شافه من طلع من قريه صاحبه وحتى صاحبي حققوا معاه واهله وجماعته وكلهم اكدوا انه كان حاضر في حفل زفاف وطلع ما في اي مشاكل ولا حد يتبعه ولا احد حاقد عليه ولا في شيء اذا في احد حاقد عليه مدير نفسها حققوا مع اقاربهم جماعتهم ما في فايده بعد ايام من الباحث والتحري وحالتهم حاله رجال الامن ابدا ما توصلوا لاي شيء ويجيهم واحد هذا يعمل كذلك مثل شغله عدنان يوصل الناس على ماتور على دراجه ناريه ومعروف كذالك نفس طريقه عدنان قال لهم انا عندي معلومه قال انا شنو قال الدراجه الناريه اللي كان يملكها عدنان انا اعرفها بالضبط لكن انا استغربت لما شفت ثلاث اشخاص راكبينها ولد المسؤول لفلان الفلاني وولد التاجر الفلاني معروفين هذول شخصيتين ومعاهم واحد ثالث وشفتهم داخلين على حاره الهنود عندهم حاره اسمها حاره الهنود لكن اختفوا من دخلوا الحاره ما شفتهم ما طلعوا مره ثانيه وانا كنت انتظرهم ابيهم يطلعون بتاكد هل دراجه هذي نفسها لكن بعد ما سمعت عن قصه مقتل عدنان وعن اختفاء دراجه الناريه صراحه انا قررت اني ابلغ على اللي شفته لكن انا بصراحه ماني متاكد 100% ولا ربما معلومه تفيدكم قالوا لا يعطيك العافيه بالعكس معلومه جدا مهمه الان هم ما يبون يلقون القبض على ولد التاجر وولد المسؤول ولهم وزنهم يعني ويطلع كله كلام فاضي قالوا في البدايه حاره الهنود فيها قليل من البيوت راحوا حق العاقل او مسؤول القريه هذي الحاره قالوا لنا نبي نفتش البيوت سهله ندخل البيت نشوف فيه دراجه ناريه المطلوبه ولا لا كلام ابد اخذوا اذن بالنيابه وادخلوا عادي خذ راحتكم فعلا اصدروا امر نيابه وبداوا يدخلون بيت بيت يدخلون تعرفون الدراجه وين احد بخبيها يا عند الباب من داخل البيت او في الحوش او في يعني في مكان يعني واضح فصاروا يبحثون بيت بيت بيت بيت لين وصل الخبر لصديقهم الرابع ان الرجال تعرفون هذول اهل الحاره كلهم اقارب وعيال عم وصاروا يتواصلون مع بعض وانه رجال الامن يدورون على الدراجه ناريه وعرفوا القصه بالكامل وصلت المعلومات حق الرابع قام الرابع واتصل على منو على ولد التاجر ولد المسؤول انتم بتورطوني طلعتم انتم اللي قاتلين عدنان وماخذين دراجه مخبينها عندي وكذا قالوا لا اسمع اسمع اسمع والله العظيم انك كشفت السالفه راح نقول انك شريكنا في الجريمه لكن اذا حبيت الدراجه مضبوط راح الان نرسل لك مبلغ كبير من المال كان يعني تقريبا 100 الف ريال كان هذا مبلغ كبير في ذاك الوقت ونبيك تخبي الدراجه ولا كانك شفتنا ولا احنا شفناك بسرعه قبل لا يدخلون عليك رجال الامن قال لهم خلاص اوكي وهذا بعد يعني هم محتاج الفلوس قال انا مالي شغل انا فقط بخبي دراجه يعني انا فقط كاتم شهاده ما راح اشهد بشيء فقط انا مالي شغل بالجريمه زوجتي اللي معاه في البيت ما تدري موضوع الدراجه الدراجه موجوده في الحوش فقال لها ابيك تروحين لاهلك ليش شنو قال لها روحي وانا بعزم ناس ورجال عندي وما ابيكم موجوده في البيت قالت له حاضر حاضر راحت لاهلها ويقوم في وسط الحوش عنده او يحفر يحفر يحفر لين حفر له حفره كبيره ويرمي فيها الدراجه ويدفنها اليوم اللي بعده جاء دوره هو وبيته وبيت اللي جنبه قام يفتشون هم ما لقوا شيء ولا شكوا باي شيء واختفى اثر الدراجه الناريه وقاموا والقوا القرض على ولد التاجر وولد المسؤول وصديقهم الثالث كلهم كانت اقوالهم وحده كانوا لا يبغى هذا اللي شافنا الظاهر متوهم هذه الدراجه الناريه انا املكها يقول ولد التاج الان املك دراجه ناريه وهو الظاهر شافني على دراجتي ومتوهم يعني منو هذا يعرف له قال زين وين كنتم يعني قال كنا موجودين عند صاحبنا اللي هو الرابع في حاره الهنود فعلا راحوا جابوا الرابع اللي كان مخبي الدراجه وقال مثل ما قالوا الثلاثه اقوالهم كانت متطابقه يعني انها زاروني ويتعشوا عندي وقالوا زين شو الدراجه اللي كانت معاهم قال لهم لا هذول جوني على دراجتهم ناريه يعني ليش اللي صايم قالوا احنا ندور على دراجه مواصفاته كذا هذي حق واحد مقتول اسمه قال لا والله صراحه انا ما ادري عنه وهذول الاصدقائي والمهم ضاعت الشبهه على الاربعه وطلعوا منها مثل الشهره من العجين علاوه على انه واحد فيهم ولد مسئول كبير الثاني ولد تاجر كبير والسالف والرابع ابدا اقوالهم مطابقه معاهم اطلعوا واصبحت القضيه ضد مجهول اجلست ام عدنان تبكي خواتي يبكون ما عندهم الا اخوهم الصغير هذا اللي المسكين يعني فقد مو اخو فقد ابو هم كلهم فقدوا العون الشخص اللي كان يساعدهم اللي كان يحميهم ما كانوا ينامون بالليل مطمئنين الا بوجود عدنان رغم انه عدنان شاب صغير لكن كان مكانته مكانه رجل مكانه الاب خساره كبيره هالعائله وصاروا يبكون من اللي الحين بيشتغلوا هالبنات تشتت المهم راحت الايام وجت الايام وراحت قضيه عدنان اللي انقتل ولا احد عرف منو اللي قتله وليش طبعا على بالكم القصه هني انتهت لا لا لا القصه توها بدت الرابع خلونا نسميه قاصد قاصد هذا الله يسلمكم بعد شهرين ثلاثه من قصه مقتل عدنان مستانس بالفلوس اللي معطينا اياه عيال ولد التاجر ولد المسؤول مقابل انه يسكت وانه اخفي الدراجه الناريه وانه ما شاهد بالقصه ويصاب بفشل كلوي فجاه كان صاحي ما فيه اي شيء قام يحس بعلام ولما راح المستشفى قالوا له يبغى انزيمات الكلى عندك اصلا الكرياتين هذي عندك صاعد ليه واصل مرحله خطيره جدا شلون وكذا وانا والله لا لا انت الان لازم تبدا بعمليه غسل الكلى ولا يصبح عندك فشل كلوي محد يقدر يساعدك ويروح الى مديريه زبيد مديريه زبيد هناك فيها مستشفى مختص في موضوع غسيل الكلى وصار ينفق كل امواله اللي اخذها من ولد التاجر وولد المسؤول وكذلك اللي كان وهو اصلا مدخرها طول حياتك كلها على غسيل الكلى جلس تقريبا التسعه اشهر سنه الى عام فلس صار يدور ويستلف وحالته حاله مريض والناس تعطف عليه وتعطيه وخلاص يعني الناس ملت واللي ما عنده واللي كذا يوم من الايام ويتذكر انه عنده شيء ممكن انه يبيعه اللي هو شنو الدراجه الناريه اللي كان دافنها عنده في الحوش وفعلا قام حفر الحوش وطلع الدراجه الناريه مالت عدنان الله يرحمه وصار يفككها قطع قطع وياخذها معاه الى مديريه زبيد ويبيعها هناك وبفلوسه يروح يغسل الكلى يوم يجيب لها المقود يوم يجيب الكرسي مال الدراجه يوم الاطارات يوم المكابح يوم ما ادري شنو الاضواء ما خلى قطعه في الدراجه الا باحه الا الموتور كان متردد مخليه اخر شيء الموتور نفسه او الماكينه دائما يكون فيها مثل الرغم سير النمبر هذا او رغم الشاصي وهذا الرقم الشاصي هو اللي الناس التعرف على الماتور هذا اذا حق فلان ولا لا لكن لما وصل حده خلاص الرجل تعبان وحالته الصحيه كل ماله وتدهور والغسيل ما صار يجدي معانا يعني صار يحتاج الى غسيل اكثر من مره في الاسبوع فاضطر انه ياخذ الماكينه ويبيعها الى نفس الشخص اللي في مديريه زبيد هذاك الشخص اللي اشترى منه يدري بحالته وانه هذا قاعد يغسل كذا ورغم انه كان يبيع له بعض القطع ايش فيها صدى شوي ما هو عارف شو القصه لكن هذاك لانه عندك خبره في الدراجات الناريه كان مستغرب من شي ان هذا باع لي الاطارات والمقود والكرسي والشاصي والمدري شنو ما ادري شنو وحقيقه الامر ان هذه القطع هذه كلها تعود لدراجه ناريه واحده يعني لما يجمعهم يصبح عنده دراجه ناريه قال هذا ليش ما بعد دراجه بسعر اغلى ما يبيعها قطع فكان مشتبه فيه وكان يبيع له بسعر رخيص تذكر سالفه انه يوم من الايام كان في بلاغ من قبل رجال الامن الى محلات اللي تشتري قطع غيار دراجات الناريه والاشترون دراجات الناريه المستعمله كانوا مبلغين عند دراجه ناريه ورغم شاصي وكذا فبدا يراجع المحلات قالوا تذكرون السالفه قالوا ينعم قال من اللي عند البلاغ وياخذ من واحد فيهم رغم من البلاغ ويشوف رغم الماكينه المبلغ عنها ولا مطابقه للماكينه اللي قاعد يشتريها من هالرجل هذا يخرب بيتك ويقوم ياخذ القطع قطع الغيار الدراجه اللي اشتراها منه كلها وين راح فيهم راح فيهم الى محافظه الحديده الى مديريه بيت الفقيه عند اهل عدنان عند جماعته يعني من عيال عمه وقال يا جماعه هل قطع هذي كلها ترجع لي موتور واحد لدراجه ناريه واحده وانا اشتريتها من رجل هو عايش عندكم في حاره الهنود واسمه فلافلاني وهذا قاعد يعني جالس يغسل عندنا كلى في مديريه زبيد وكان يبيع للقطع علشان يغسل الكلى وانا صراحه اشتبهت فيه ولما شيكت على رقم البلاغ اكتشفت ان هذا القطع تعود للدراجه الناريه لولدكم المقتول شنو هذا الكلام بعد سنه ونصف من الجريمه ويبلغون رجال الامن وعلى طول ويلقون القبض على الرابع هذا اللي يغسلك طبعا الرجل تعبان وواصل حده وكذا قال والله يا جماعه انا ضحيه خدعه خدعوني اصدقائي وقالولي خبي الدراجه عندك وبعدين اكتشفت انها فيها جريمه قتل وصراحه اغروني بالفلوس وانا كتبت الشهاده وبعدين احتجت الى اني ابيع القطع غيار الدراجه الناريه علشان اتعالج وهذا اللي صار معي فلان الفلاني وفلان او يلقون القبض عليهم وهم الثلاثه ويعترفون بالقصه بالكامل قالوا يبه احنا طلعنا الفجر مره لما ولد المسؤول عنده صديقه وكان بينهم علاقه والبنت حملت منه سفاحا وانتظرها لين تولد فاخذها منها المولود على طول وحطه في الكرتون واحنا ساعدنا لنا نروح وياي يعني ورمينا الكرتون في حاويه القمامه لكن شافنا عدنان واعتقدنا انه عرف شنو القصه لكن اتضح بعدين انه ما يدري واحنا اصلا اللي كشفنا الجريمه له وهم اصلا ما كان عارف لما سالناه كان هو فعلا ما يدري شنو داخل الكرتون فقررنا نتخلص منه وهذا اللي صاروا والقصه مثل ما سرتها لكم مالكم بالطويله بعد ما انكشفت القضيه وصارت في ضغوطات على ام عدنان ان التنازل وهذا والتاجر وهذا ولد مسؤول وهذا والعالم تجيها وندفع لك جديه وخلاص يوم عدنان قالت والله العظيم ما يرضيني الا الدم بالدم الا اشوفهم هذول وهم يطلق عليهم الرصاص يعدمون علشان ارتاح هم ما اخذوا ولدي فقط هم خذوا صاحب البيت هم خذوا ابونا هم خذوا اللي معيشني انا وبناتي واخوه انتم ما خذيتوا واحد عادي انتم خذيتوا كذا لكن لما شافت انه في مواطنه في قضيتها وانه حكم الاعدام اللي صدر على الثلاث القتله الى الان ما هم راضيين ينفذونه قامت وتطير الى صنعاء راحت الى بيت رئيس رئيس الجمهوريه اليمني علي عبد الله صالح وقالت والله ما تحرك من الباب الا ادخل عليه المهم وصل لك خبر قصه المراه فعلا قابلها وقالت له انا ما طالبه شيء انا طالبه القانون قال شنو تبين قالت المحكمه حكمت لي انا بتنفيذ تنفيذ القصاص منهم الاعدام بالرصاص انا ابي بس تنفذون الحكم وهذول اللي يمطلون فيني الا ان هذا واحد ولد مسؤول والثاني ولد تاجر ويحاولون انه يضغطون علي علشان اتنازل وانا ما ابي اتنازل قال اللي تبيني يصير احنا معاك ومع القانون وفعلا او يصدر امر علي عبد الله صالح بتنفيذ حكم الاعدام في الثلاثه وهذا اللي حصل اقتلوا المجرمين الثلاثه باطلاق النار الرابع احكموا عليه بالسجن سنتين لان فقط كان يعني كاتب من الشهاده ومنه مشارك لكن مشاركته ما كانت مشاركه رئيسيه في الجريمه لا كان مخبي الادله وانه كتم وما عدله بمعلومات عن جريمه وانه تستر وانه كذا بس سنتين تقريبا ان مراعاه لحالته الصحيه لانه كانت حاله الصحيه متدهوره لما جو يبي ينفذون فيه حكم تنفيذ السجن في سنتين ويتوفى هذا الرجل الرابع وصارت عندهم في المقبره في مديريه بيت الفقيه يوم الدفنوا الرجل هذا الرابع صارت عندهم شغله غريبه بالليل ولا مده اسبوع كانوا يسمعون صوت انين داخل المقبره امين في انحاء القريه بالليل ما في لا يعني تكييف ولا ازعاج ولا سيارات وكان وقت شتاء والجو بارد والناس فاتحه شبابيك او نائمه وكذا والصوت يسري ويسمعون صوت عينين واحد طول الليل اهات يا جماعه شنو الصوت هذا اليوم الثاني اهل القريه كلهم كل واحد يسال ثاني انت سمعت الصوت هذا يقول ينعم سمعت انت سمعت تقولي نعم اول يوم ثاني يوم ثالث يوم ما هم عارفين حتى قاموا يدخلون رجال الانف في الموضوع والناس قامت تنصح ويجمع اذكر الله وصار رعب عندهم تجمعوا وذاك اليوم كلهم وراحوا للمقبره لكن الصوت ياتي من قبل الرابع فيتكلموا الشيوخ دين ان هذا يعني لربما ان الرابح هذا يعذب او يتم محاسبته لك يتم الشهاده طبعا كل واحد قام ياول مالكم بالطويله اما الولد المولود هذا اللي هو اساس القصه الى الان موجود حي يرزق ورباه جار المسجد والكل يمدح اخلاق الولد والكل يحبه عارفين قصته طبعا لكن الى الان لم يتم اكتشاف من هي والده هذا المولود سالفتنا وفي امان الله مع السلامه