1709 قصة ضمير غائب

السلام عليكم بدايه ما ننسى اخواننا الفلسطينيين بالدعاء الله يثبت اقدامهم وينصرهم ويعينهم ولا يعين عليهم والحمد لله فضل رب العالمين اليوم والله انا فرحت بوصول الهلال الاحمر الكويتي الى اراضي غزه لتقديم المساعدات والحاجيات اللازمه للشعب الفلسطيني واحنا معاهم قلبا وقالبا الله ينصرهم وان شاء الله تاتي النتائج لصالحهم باذن الله وما لنا الا الدعاء بصراحه قصه الليله هي لغز انا ذكرته في تويتر قبل يومين تقريبا قصه حقيقيه حصلت في الكويت لذلك انا بطرح القصه وكذلك حل هاللغز هذا في شاب كويتي اسمه عبد الرحمن تزوج امراه اسمها بدريه شافوه الاهل يعني دوروا له بنت الحلال لقوها البنت هذه من عائله محترمه بنت متعلمه خلوقه جميله المهم صار توافق بينهم وتزوجوا وكانوا عايشين حياه سعيده جدا وما في اي مشاكل والامور طيبه وعبد الرحمن رب العالمين يعني رازقه عنده خير وشرى له بيت صغير المهم اول سنه ثاني سنه كانوا مبسوطين بحياتهم سفرات وروح وردات يعني ما عندهم تو بعدين السنه الثالثه عبد الرحمن بدا يفكر في موضوع كان غافل عنه السنوات الماضيه السنتين هذول من كثر ما صار الاهل يسالونه يا عبد الرحمن ما في شيء يعني في الطريق يعني زوجتك مو حامل يعني كانكم تاخرت صارلكم سنتين وهو صحيح الافضل بصراحه الافضل اي زوجين ياخر موضوع الخلفه اول سنتين ثلاثه لين يكون بينهم توافق ويعرفون بعض عدل وبعدين يكون بينهم اولاد فعبد الرحمن يعني قال اي بس يعني كانه تو الناس يعني السنه الثالثه صار يفكر لا يسال زوجته يا بدريه في شيء يعني اخاف عندك مشكله معينه قالت لا ابدا ان شاء الله ما في شيء وهذا يعني بايد رب العالمين قال ادري ونعم بالله لكن واحد يتاكد ليش تاخرت يعني صارت ثلاث سنوات قالت لا لا ان شاء الله ما في شيء مرت الاشهر وهذا في باله موضوع الخلفه سالها ها قالت والله ما بس ايش رايك اروح اراجع قالله روحي راجعي ما في مشكله شوفي يمكن تحتاجين الى اشياء يعني محفزه لموضوع او مكملات غذائيه او اي شي يعني بسيط ان شاء الله قالت انا بروح وبراجع في كثير من الاطباء المعروفين او المستشفيات المعروفه في موضوع مشاكل الانجاب وغيرها راحت بدريه وفحصت وجتها النتيجه صادمه قال له انت يعني عندك مشاكل في موضوع الحمل وتحتاجين الى علاجات وفي امل يعني الامل موجود احنا ما نقول انك عقيم مثلا ولا انت مره واحده لا لا لالا لكن تحتاجين الى كورسات علاجيه وان شاء الله يكون في حمل مستقبلا قالت ما في مشكله صارت تاخذ هالادويه وبلغت زوجها في هالموضوع قال خير ان شاء الله شهر شهرين عدت السنه الثالثه سنه الرابعه وهي كانت عايشه في قلق وتوتر وخايفه وتفكر ان اخاف انه ما يحصل انجاب وبعدين يفكر يتزوج علي ولا يطلقني يعني كل شيء وارد راحت غيرت اكثر من دكتور اكثر من مستشفى ماكو فايده عدت السنه الرابحه السنه الخامسه عبد الرحمن اصلا ما نسى في يوم من الايام هالموضوع وشاغل باله لكن زوجتها يعني جالسه تاخذ الادويه كان ينتظر عليها شاف الموضوع طول قال لها يا بدريه شو السالفه فهمين اخاف مخبيه علي شي قالت له والله العظيم ما في شيء بس انا احتاج الى علاجات وكذا قال خمس سنوات الان وكذا قالت له اسمعني يا عبد الرحمن انت انسان يعني جدا محترم وخلوق وانا احبك وما ابي يعني يكون بيننا مشاكل وما ابي هالموضوع هذا يتسبب بانفصاله وصراحه انا فكرت في الموضوع كثير اذا تبي تتزوج والله تزوج وانا ما عندي اي مانع واذا تبي انا اروح واخطب لك بعد قال لها متاكده من هالكلام يعني انت حاسه ان موضوع الخلفه هذا او الحمار راح يطول قالت ل والله ما ادري بس ما في اي نتائج يعني واضحه فتبي تتزوج تتزوج وانت عندك قدره يعني انك يعني تتزوج وما عندك مشاكل فعلا صار يفكر بموضوع الزواج من اخرى ولانه يعزها ويحترمها وابدا ما عندها مشاكل معاه موضوع الخلف هذا يمكن ياتي مستقبلا فليش يطلقها وليش يفصلون وهي راضيه فصار يبحث عن زوجه ثانيه وبلغ والدته وخواته وصاروا يدورونه ويدرون موضوع مشكله زوجته اللي هي بدريه في موضوع الحمال وبدريه كذلك كانت تقول حق خوات عبد الرحمن اذا تبي تروحون تخطبه ترى انا ابدا ما عندي مانع وعلشان ثبت للمراه اللي تبي تخطبها حق عبد الرحمن ان انا ما عندي مشكله بجي وياكم قالوا لها ما في مشكله المهم صاروا يدورون شهر شهرين ولقوله بنت من عائله جدا محترمه وناس يعني اثقال يعني ناس اهل عادات وتقاليد وما عندهم يعني ما يرضون بالغلط وما شاء الله الب هذه اخوانها كثار وعمامها كثار يعني بنت عندها عزوه وعائله جدا سمعتهم جدا طيبه والبنت جميله واخلاق ومتعلمه وما عندها مانع بس لانه تاخرت في موضوع الزواج صار عمرها تقريب 28 سنه يبقى عبد الرحمن اكبر منها لما خطبوها وافقت واهلها قالوا ما في مشكله مشكله ودام ان زوجته الاولى موافقه اذا ما في اي مانع فعلا تمت الخطوبه وكتب الكتاب وتحديد موعد الزواج وعبد الرحمن لان بيت اللي اشتراه في البدايه كان صغير يعني يادوب يشيل عائله واحده ما في ما يقدر يعني يقسمه الى جزئين زوجه الاولى والزوجه الثانيه قام وباع البيت واشترى فيلا افخم وافضل ويتم تقسيمها بسهوله على الزوجتين واقام حفل زفاف وتزوج وصارت اموره طيبه وانبسط كذلك على الزوجه الثانيه باخلاقها وسوالفها وكلامها وكذا كذلك حبها ويحب بدريه ابدا بدريه هذه ما كان يقصر معاها باي شيء ولا حسسها بان الزوجه الثانيه اخذت مكانها ابدا الزوجه الثانيه اسمها دلال بدريه ودلال في قلب عبد الرحمن وما في مشاكل اول سنه وتحمل دلال وتجيب ولد ما شاء الله ويطير عبد الرحمن من فرحه السنه الثانيه وتحمل وتجيب له ولد ثاني يا سلام يا سلام السنه الثالثه تحمل وتجيب لها ولد ما اروعك يا دلال السنه الرابعه وتحمل وتجيب له بنت ملت له البيت اولاد وبنات وطاير عبد الرحمن من الفرحه وزوجته بدريه كانت مبسوطه لان زوجها مبسوط وصحيح تحس يعني شوي بال بالغيره وهذا شيء طبيعي لكن مبسوطه ان الحمد لله زوجها يعني حقق امنيته وصار عنده اولاد والبيت فيه يعني كانت الحياه جدا سعيده وما في مشاكل لكن يوم ايام عبد الرحمن يقول حق بدريه يا بدريه انت مو قلتي لي ان مجرد علاجات وممكن يحصل حمل قالت له اي نعم قالله الحين كم سنه صارلنا على الموضوع ترى السنين تمر وانت تكبرين شوفيلك حل يعني خلينا نراجع و ما تبين قالت له والله انا ودي واخاف اقول لك هالموضوع يعني ارج يعني اقلب عليك المواجع واخاف كذا قالله لا بالعكس انا كذلك ابيك تفرحين و تنبسطين مثل ما انا يعني زوجتي الثانيه يجيها عيال انت ابيك بعد انا احبك وابيك يعني يكون عندك ظن وانا ما عندي مانع قالت له زين انا والله بحثت كثير وفي دكتور مشهور جدا في مستشفى معروف جدا جدا في محافظه حولي انا ما بذكر اسم المنطقه لان بس اقول اسم المنطقه ينعرف المستشفى هذا الدكتور متخصص في موضوع مشاكل الحمل يعني مثل يسمونهم اطفال الانابيب او التلقيح الاصطناعي مثل هالامور هذه قالله زين طيب قالت انا خفت اقوللك هالموضوع او ان الشيء هذا يضايقك انا ممكن يعني احمل اذا كان في تلقيح اصطناعي منك انت يعني قالله زين يعني شنو ايش تبين قال روح له لان اذا موافق على هال العمليه لازم اول شيء يتم فحص الزوج لان ياخذون من العينه وعلى اساسها يقررون موعد حضور وحضورك وان نتم العمليه النقل هذا الاصطناعي قالله اوكي بس مضمونه عاد ولا قالت لا ماه مضمونه يعني نسبه نجاح ما تعدى 30% هذا اللي انا سمعته روح وراجع وشوف قال اوكي شو اسم المستشفى المستشفى الفلاني الدكتور الفلاني حدد موعد وراحه السلام عليكم وعليكم السلام قالله يا دكتور الموضوع كذا كذا كذا كذا قال فعلا كلمتني يعني وطلبت منها انه يحضر الزوج اذا انت موافق ناخذ منك العينه قال انا ابدا ما عندي مانع خذوا من عبد الرحمن العينه اول شيء يف حصونها وثاني يوم يراجعهم يحددوا موعد حضورهم هم الاثنين ونقل العينه وكذا يعني هذه ترتيبات خوا من عبد الرحمن العينه اليوم الثاني راجعهم السلام عليكم وعليكم السلام هلا دكتور شلونك شو الاخبار طيب قال حياك الله تفضل استريح اخوي عبد الرحمن قعد عبد الرحمان شوي ويقوم الدكتور ويقفل باب عيادته باب المكتب ماله ويجيب التقارير الطبيه قال يا عبد الرحمن انا ما ادري شو اقوللك بس انت رجل يعني مؤمن ورجل عاق ورجل قال اي زين وبعدين ايش صاير دكتور قال والله خبر ما راح يعجبك ونتيجه يعني مخيبه للاعمال ايش قعد تقول دكتور شنو اللي نتيجه مخيب الامال وما ترضيني ليش ايش صاير قال نتيجه العينه اللي خذيناها منك قال الع اللي خذيتها مني انا قالله اي قال ايش فيها العينه قال والله تبين ان انت يعني لا يمكن انه يحصل منك موضوع الانجاب شنو دكتور انت ترى اخاف ملخبط ولا مضيع ولا ولا في شيء خطا صاير في الموضوع قال ليش قالي يا دكتور المشكله مو مني انا المشكله من زوجتي انا ما عندي مشاكل في موضوع الانجاب زوجتي اللي عندها مشاكل والعينه بتاخذها مني بتنقلها قاله ادري احنا العينه ننقلها لزوجتك اول شيء نتاكد منها واحنا شيكن عليها وطلع ان انت عندك ضعف شديد جدا في انتاج الحيوانات المنويه يكاد انه يكون شبه معدوم قالله يعني شنو قال يعني مستحيل يعني انك تقدر تنجب او يكون عندك يعني مو انت تنجب لا ان زوجتك تنجب منك يعني اولاد لان موضوع الحمل صعب جدا الان ولازم تعالج ولازم قال دكتور فهمي تكفى النقطه هذه انت تقصد الان الان انا فيني يعني صار فيني عجز يعني ولا من زمان حاصل فيني قال لا من زمان اكيد يعني انت لا يمكن ان في حياتك صار عندك خصوبه اصلا طبعا عبد الرحمن ما يبي يقول حق الكتور ترى انا عندي اولاد وزوجه ثانيه يعني يبين له ان والله هذول مو اولادي انجن قاله يا دكتور ركز معاي انت تتكلم ايش قاعد تقول انت يعني انا لا يمكن ان يكون من عندي قال مستحيل مستحيل مبين عبد الرحمن لفت فيه الدنيا خذ التقرير وطلعه وتقرير معتمد ومعاه كل الفحوصات وهذا مستشفى معروف جدا مو غش مره صار فكر ايش صاير شنو يعني انا لا يمكن انه يكون من عندي اولاد اج الاربعه هذول اللي عند زوجتي الثانيه اللي هي دلال هذول عيال منو وصار تعرفون واحد الحين يفكر بنفسه شويه يتذكر ويطالع بوجيه و يعني وجيه اولاده يجون ذاكرته يعني بخياله ويقول اي والله هذول ولا واحد فيهم يشابه مني كلهم يشابهون والدتهم معقوله هذه تلعب من وراي معقوله ان انا مغفل لهالدرجه ما حسيت بشيء معقوله ان سبب عدم الانجاب من قبل زوجتي الاولى اللي هي بتريه كان انا السبب واني رحت وتزوجت عليها حده وخانتني وجايبه اولاد ومسجل التهم باسمي وانا مثل الاهبل ولا ادري ايش السالفه وصار ياكل بنفس المسكين شو اسوي شو اسوي هل اروح اخرب الدنيا وامسك الحين والعن خيره ولا شو اسوي يا ربي يا صار يفكر وابتعد عن كل اقاربه واصدقاء ما يبي يسولف من الهم والغم اللي فيه اليوم الثاني ويروح الى شيخ دين قال يا شيخ انا عندي مصيبه وحلت علي وماني عارف شو اسوي شنو رايي الشرع في الموضوع هذا قاله شنو قال شيخ اكتشفت ان انا لا يمكن ان يكون من عندي اولاد وزوجتي الاولى فعلا ما كانت تجيب لكن لما تزوجت الثانيه جابتلي اربعه وشلون اربعه وانا اصلا ما عندي حتى الحيوانات المنويه عندي ميته اصلا وهذا التقرير ويثبت واكد للدكتور النتيجه الحين شو اسوي يا دكتور هذول العيال هم عيال حرام انا شنو دوري الحين شو اسوي اخرب الدنيا واطلقها وانفي نسبهم لي ولا شو اسوي حتى الشيخ احتار قالله شوف يا ولدي القانون هو الوحيد اللي يقدر يساعدك علشان يثبت بشكل قاطع ان هذول فعلا اولادك ولا لا واذا كانوا ما هم اولادك يعرفون اولاد منو لان السالفه مو فوضه لازم يتم التحقيق في الموضوع ومنو هالحقير هذا ولازم يعني سالفه كبيره يعني فانت بين خيارين امك ان تطلقها وتتركها هي وعند اهلها لكن يبقى الاولاد باسمك وهذا شي انت ما اعتقد انك راح توافق عليه اذا ان حتى تنفي نسبهم لك مالك الا القانون راح شيخ ثاني شيخ ثالث راح اليوم اللي بعده الى مستشفى اخر وعطاه التقارير لدكتور معروف قالله دكتور انا مصيبتي كذ كذ ك هل فعلا انا عندي مشكله في الانجاب يعني مستحيل انه يكون عندي ذريه الدكتور طلع على التقارير قال وفقا للتقارير هذه فعلا انت لا يمكن يكون في اولاد من صلبك مستحيل انت مره واحده يعني ميته عندك يعني ترى اللي في ضعف يكون في نسبه واذا كان سبق ان عنده اولاد وكذا هذا ما يكون مره واحده ميته عند التقرير يؤكد ان انت ابدا يعني عندك عجز كبير جدا الا اذا انت مو عاجبك تقرير نعيده لك قال لاا خلاص خلاص مشكور دكتور خذ الاوراق ومشي راح فاتح ابوه في الموضوع الابو سكت فيها الدنيا ايش قاعد تقول يا عبد الرحمان قالله اي والله يا يبا هذه السالفه اللي صاير وانا ترى من عرفت ما رحت البيت ماني قادر حتى اطالع بوجهها اخاف اني اشوفها واقتلها قالله لا ل لا تقتلها ولا تقتلك ولا خذها ودها بيت اهلها وطلقها يبا ليش تقتلها ماالك حق تقتلها اصلا خاينه خاينه على نفسها ليش تضيع نفسك انت خلاص دام الموضوع راح يوصل لهالحد لا يبا ود لاهلها وطلقها قال ما كله هذا وانا راح اتوجه بشكوى ولازم اعرف الحقير اللي له علاقه فيها ولازم يعترف بنسب اولاده يشيلهم من اسمي وفعلا دخل البيت ولا هذه زوجته اللي هي دلال انت وينك وصار لك كم يوم وما ترد علينا و قال لها بدون ولا كلمه لا تخليني ارتكب في الجريمه الحين اخذي اغراضك واخذي عيالك واركبي السياره ايش فيك ايش صاير بعدين راح اقوللك خلصيني قامت تراد اش فيك وكذا ويضربها كف اقوللك بدون ولا كلمه وصدمت خذت اغراضها وذهبها و عالها وركبت السياره ويرميها بيت اهلها ويتوجه الى مركز الشرطه ويقدم بلغ قضيه زنا وقدم الاوراق و وجايب معاه محامي يتهم زوجته بالزن وينفي نسب اولاده وهذا التقارير والاوراق وتنقلب الدنيا يوم اسمعوا اهل دلال الموضوع ان زوجها يتهمها انها على علاقه مع شخص اخر وان العيال عيال العشيق ما هم عيال عبد الرحمن ولا اقول لكم اخوانها ياكلون الزلط صار يتسابقون منه يروح الدلال يقتلها الا واحد فيهم هذا هو الكبير كل ما جاء احد يبي يضرب دلال طبعا دلال مصدومه من اللي صاير ومن الكلام تبكي وتلطم ومنهاره وتحلف وتقسم لكن ما حد يدري عنها ومعروفه يعني المتهم ما يعترف على طول يحاول يبرر يحاول يحمي نفسه يعني شيء طبيعي في الانسان الا اخوها الكبير كل ما قرب احد يبي يعتدي عليها ولا يضربها يمنعه ليش الكبير هذا طبعا ابوهم لان شايب يعني ما هو قادر حتى يتصرف ابهم منهار نفسيا وقاعد ولا هو عارف شلون يفكر فضيحه الكبير حكيم صحيح انه دمه حار وعنده غيره وده يذبح دلال ويخلص من هالعار لكن ما يبي الموضوع ينفضح اكثر يقول خلونا نداري على فضيحتنا ونشوف ايش حصل بالنهايه لان الموضوع وصل الى مركز الشرطه داقين عليهم تعالوا جيبوا بنتكم اللي هي دلال وياخذها وياخذ عيالها ويروح الى مركز الشرطه ويحيلون الى النيابه على طول تم احاله الاولاد الى دور الرعايه صار الدلال تلطم وتبكي عيالي الله يخليكم قالوا له عيال الحرام ما يقعدون لا عند خوالهم ولا عند الرجال اللي مسجلتش تكلمي واعترفي ومنو هذا ومنو عشيقك حرام عليكم ليش تظلموني هذا كله راح يبين انكري على راحتك مصيرك بتعت فين المهم تكلم تكلم ما هي راضيه احالها للحجز على ذمه التحقيق اطلبوا من عبد الرحمن يسوي اعاده فحص ويخضع كذلك لفحص الدي ان ايه والاولاد كذلك راح ياخذون منهم عينه والام ياخذون منها عينه ويحققون في الموضوع اكثر يعني الموضوع يحتاج لوقت مو بسهوله خلاص راحت للسجن والعيال دون رعايه وعبد الرحمن رجع البيت وقال زوجته الاولى السالفه قال له انا اسف اني ظلمتك معاي ورحت تزوجت عليك قالت له ايش فيك ش صاير وانا سمعت سوالف صايره صج انت رايح مشتكي عليك ليش ص قال لها تبين انا اصلا ما اجيب عيال وهذول الاربعه ما هم عيالي وهذه التقارير تثبت الكلام حجزوها والعيال خذوهم بدون رعايه والقضيه الى الان بس تحتاج الى بعض الاوراق والفحوصات انصدمت قالت يعني ممكن موضوع الانجاب اللي يخصني ما كان المشكله الرئيسيه مني انا يمكن انت كذلك يعني هني هو تاكد قال فعلا بدريه كلامها صحيح بدريه كان عندها ضعف وبالعلاج يعني تسهل امورها انها تحمل لكن لما يكون عبد الرحمن اصلا معدم او عاجز مره واحده فمستحيل يحصل قال انا صح انا هني فهمت الوضع بس هذيك الخاينه اللي انا توقعتها بنت عائله محترمه شلون سوت فيني كذي وانا شلون ما حسيت طول هالسنوات وفعلا ما حسيت بيوم من الايام يعني بحنان الابوه بيني وبين الاولاد الاربعه احس انه يعني كانهم عيال الجيران كانهم عيال احد من اقاربي ما احس اني انا ابوهم صار يسترجع الاحداث والمواقف قال لا انا احساسي ما يخيب الحقيره لكن اقسم بالله ما راح اتركها الا لما اعرف منو هال العشيق العشيق هذا لابد اني اعرفه مستحيل كان يدخل بيتي او يطلع وانا ولا حسيت اكيد كان يراقب تحركاتي اكيد يعرفني يعرف ظروفي اكيد منو هال العشيق اموت واعرفه المهم راح مثل ما اطلبوا منه النيابه يسوي اعاده فحص راح الى نفس المستشفى ولا يقولوا له دكتور مسافر الدكتور اللي سو له فحص اول واحد قال ما في مشكله عادي اي دكتور ثاني ابي اعاده فحص من نفس المستشفى اعاده فحص اليوم اللي بعده راح استلم ويطالع ولا النتيجه غير شنو هذا سال قال شنو ه النتيجه هذه قال ما شاء الله ما في شي يعني قال شنو يعني ما في شي قال يعني ما في شي الحمد لله امورك طيبه انت يعني يعني انا اقدر يعني حصل مني يعني ذريه وكذا وزوجتي قال ايه الحمد لله انت صحتك تمام وامورك طيبه قال شلون وهذا الفحص ويطلعهم الفحص القديم ويطالعون المستشفى وانصدموا شلون وفحص جديد بعد استغربوا قال والله ما ندري يعني الدكتور هذا اللي سوالك الفحص مسافر خله يجي ونتاكد منه وترى الخطا وارد قال نعم شنو الخطا وارد انتم تدرون ايش سويتوا انتم دمرتوا حياتي زوجتي الان مسجونه و بدون الرعايه الخطا وارد اقسم بالله لاشرب من دمه الدكتور هذا وينه بس وين راح قالوا مسافر ماخذ اجازه انجن عبد الرحمن تدرون يعني شنو يعني اهو اتهم زوجته بالخيانه وهي بريئه وترك عياله في دور الرعايه تخيل واحد يخلي عياله بدور رعايه لا وكرههم وعيالي وعشيق لا في عشيق والزوج طلعت بنت حلال لا يا ويلك يا ويلك من عائلتها يا ويلك من اخوانها اللي كانوا يقتلونها يذبحونها والمراه اللي تبكي وتلطم وتحلف وتقسم ما احد صدق يا ويلك اندروا ان تقريرك الاولي هذا كان خطا ويطير الى وكيل النيابه ويبلغه في الموضوع حتى وكيل النيابه انصدم قال احنا اخذنا الاجراءات بناء على البلاغ اللي قدمته لكن مع هالتقرير هذا لا لا الموضوع كبير جدا وعلى طول يستدعون اخوان دلال ويتم الافراج عنها وطلب تسليمها اولادها عبد الرحمن ما له وجه يطالع احد طلب وكيل نيابه استدعاء الدكتور اللي عمل التقرير الاولي طبعا اخوان دلال يوم ا عرفوا بالسالفه وانه في خطا بالتقرير ايدور بس على عبد الرحمن راحوا ل بيت ابوه وافضحوا فضيحه العالمين والله ما نخليه والله انكسر تكسر ابن الكذا ابن الكذا يتهم بنتنا واحنا زين ما ذبحناه والحمد لله انه تصد لهم اخوهم الكبير اخوهم الكبير ما تصد لهم والله يعني من حب ل لا لا خايف من الفضيحه ان تكبر اكثر يعني لكن من صالحها ان طلع تفكيره بهالصوره هذه ويطلعون دلال من السجن شبه مجنونه من كثر البكي واللطم ويعطونها عيالها ويقولوا لها يبا ترى الموضوع طلع فيه خطا لكن حقك محفوظ لا تخافين والله لنطلع من عيونه عبد الرحمن مو عارف شو يسوي راح عند ابوه الكل مصد من اللي صار ايش سويت الله لا يعطيك العافيه يا عبد الرحم ليش تستعجل شو اسوي شو اسوي التقرير هو اللي ورطني شو اسوي الحين السر وين عند ه الدكتور الغبي اللي كتب التقرير وهو اللي فحص عبد الرحمن قال انت مستحيل يكون من عندك عيال وينه مسافر دكتور كويتي بعد المهم الكم بالطويله النيابه تدور عليه وينتظرونه استعلم ولا مسافر الى احد الدول الاوروبيه لكن في شيء غريب يوم اسالوا اداره المستشفى عن سفره الدكتور قالوا يبى هذا لما قدم اجازه قدمها وهو اصلا رايح راكب طياره كان ستعجل وقالهم انا عندي ظروف وكذا وسووا لي اجازه على بالكم السالفه انتهت صح لا لا لا لا لا السالفه توها بدات ليش مستغربين من هالدكتور تو مسافر وناطرين كويت وين بيروح ودكتور يعني مو واحد عاطل مثلا لابد انه يرجع عنده دوام عنده التزامات عنده كذا حطوا عليه بلاغ لين يجي يتم القاء القرض عليه طبعا يبي يعرفون منه ليش ليش كاتب تقرير غير صحيح هل كان متعمد هل كان في خطا فعلا المهم انتظروا انتظروا شهر شهرين طبعا عبد الرحمن دلال طلبت منه طلاق وتنازلت عن جميع حقوقها قالت له ما ابي منك اي شيء بس ابيك تفارقني انت اصلا مو رجل ولا تستحق اني اعيش معاك خطا ولا مو خطا اقلب وجهك كذف واجبروه اخوانها انه يطلقها علشان بس يعني يكف الله من شر الدم عشان لا يذبحونه بس طلقها وفتك ورجع لزوجته الاولى لكن متحطم نفس نفسيا ومتفشلة قال عبد الرحمن قال اي نعم تفضل قال معاك الدكتور فلان الفلاني الدكتور اللي يفحص اللي يدورون عليه انت الله لا يوفقك حسبي الله ونعم الوكيل اقسم بالله اذا شفتك لا اذبحك والله العظيم ما اخليك قال اهد اهد شوي اهد شوي قالله اسمعني اسمعني يا اخوي عبد الرحمن بقولك شي قالله افضل قول قال ترى انا ضحيه مثلك واللي ورط ف المصيبه هذه زوجتك بدريه شنو قالله اي نعم زوجتك بدريه هي اللي عطتني مبلغ 5000 دينار وقالت لي ابيك تزور التقرير واهي كانت منت عمده تخليك تجي عندي تراجع علشان نسوي فيك الموضوع هذا لكن للامانه انا وافقت لانها خدعت لما قالتلي ان هي عندها مشكله في موضوع الانجاب وتبي انت كذلك تعتقد ان المشكله يعني متبادله بينك وبينه عشان يكون في تقبل ولا كنت ادري ان انت عندك زوجه ثانيه وان عندك اولاد انا ما كنت ادري انت اصلا لو قايلي وقتها ان انا عندي اولاد وشلون يا دكتور انا ما اجيب عيال وعندي اولاد عيال العيال هذول عيال منو لو قايل لي وانا دريت كان فهمت شنو كان قصدها لكن هي خدعتني وصدقني هذا اللي صار قالله حبيبي هذا ما ينفعك الكلام لكن ما راح اخليك ولا راح اخليها سكر تلفونه ويمسك زوجته بدريه ضربها ضرب سنه بساعه واعترفت له بكل شيء بطت الجربه اسمعوا السالفه ليش الدكتور دق على عبد الرحمن هي ورطت نفسها بنفسها صحيح ان عطيت الدكتور 5000 دينار واتفقت معاه وكانت تقول لان علشان هو يتقبل والدكتور ها قال يلا سوالف حريم وعادي وكذا و 5000 وانا استفيد اضحكت على الدكتور الدكتور غبي يعني لكن لما عبد الرحمن خذ التقرير وراح للنيابه وانسجنه دلال وعيال اخذوهم دور الرعايه والقضيه كبرت واخوان دلال يبي يقتلونها وهذا عبد الرحمن كان يقول لها كل شيء حصل معاه يقول انه سجنت والحين طالبين مني فحص واني عاده فحص ودي ان ايه وكذا هي لما سمعت اعاده فحص وهذا الشيء اللي كان رايح عن بالها خافت انه يتم اكتشاف الموضوع والسر عند الدكتور قامت واتصلت عليه قالت له دكتور مبين انه زوجي اكتشف ان التقرير مزور يبي يسوي اعاده فحص وراح يعرف انه انت مزور التقرير ف تصرف الله يخرب بيتك وشلون وكذا قالت له يبا ترى الموضوع كبر ووصل النيابه واتهم زوجته بان الاولاد ما هم اولاده حجزوها قال لها شنو وليش ما قلتيلي انه متزوج ثاني وعنده اولاد قالت له حبيبي اخلص الحين هذا اللي صاير تبي تنتظر لان يلقون القبض عليك كيفك وياخذ تذكرته ويطير للمطار لكن تدمرت حياته دكتور ومطلوب القبض عليه يا ويله بكل الاحوال راح يتفنش يعني ويتم سجنه يعني اكيد سافر وقام يتصل عليها من برا انت دمرتيني انت ما ادري ايش سويتي فيني لازم تعوضين على اللي صار قالت له ما في مشكله انا ارس قلك 2000 دبر قاللها شنو ابي منك 100000 دينار قالت له والله لو تموت ما اعطيك قال لها راح افضحك قالت له افضحني من بيصدقك يعني انا من وين اجيب لك 100000 تبي 5000 10000 ادبر لك اوكي 100000 من وين اجيب قال انا اعلمك قام واتصل على زوجها وفضح الموضوع طبعا بدريه اعترفت بالقصه بالكامل وقالت له انا ما كنت اقصد ان الموضوع يوصل لهالحد انا كنت بس ابي يعني اعكر صف حياه زوجتك اللي هي الثانيه اللي كل سنه تجيب ولد وانا اشوف واتحسر ان انا ما اجيب عيال وانت سعيد ومبسوط فيهم وحاسه ان انا فيني نقص قلت لازم يعني اني اخلي شك فيك تجاهها وتجاه يعني اخلاصها لك وان هذول ممكن يطلعون مو عيالك وبس ان يعني تحصل مشاكل بينك وبينها انا ما ادري انك بتوصل للنيابه ويتم حجزها وياخذون العيال والموضوع يكبر ويتم اكتشافه بهالطريقه هذه المهم قال له الكلام هذا ما ينفع ويطلقها ويروح للنيابه ويتنازل عن القضيه بالكامل ويسكر الموضوع وافلس من زوجته الاولى ومن زوجته الثانيه اللي طلقها وعياله اللي الان في عهدتها العبره من الموضوع انه دائما كل وحده وضرتها لابد انه يكون بينهم حزازيه حتى لو كانت بسيطه او غيره خصوصا اذا كانت واحده فيهم عندها نقص عن الاخرى مثلا ما تجيب عيال مثلا حالتها الصحيه تعبانه وهذيك متعافيه الجمال يعني لابد هذا طبيعه البشر لكن هني ياتي دور مخافه رب العالمين لما تكون مراه خايفه الله مستحيل تسوي اللي سوته بدريه الشيء الثاني الدور ياتي على كل شخص بغض النظر عن حاله عبد الرحمن لما يجيك تقرير طبي لا تصدقه من اول فحص سو فحص ثاني ثالث انتم ما تسمعون بال التشخيص الخاطئ يا كثر التشخيص الخاطئ اللي يقولوا له فيك ايدز يطلع ما في شي اللي يقولوا فيك قلب يطلع ما في شيء اللي يقولوا له انت فيك سرطان يطلع ما في شي كثير تحصل انا ما اكلمكم بعد عن فحص المستشفيات الدي ان ايه نفسه تدرون ان في المحاكم الكويتيه ما يتم الاعتماد عليه بشكل كبير ولا يؤخذ فيه في موضوع خصوصا موضوع النسب لان الى الان العلم ما توصل الى ان يكون الدي ان ايه معتمد بشكل كبير لان في اخطاء كثيره حصلت خصوصا في موضوع النسب لكن يتم الاستعانه بالدي ان ايه للاستدلال على مثلا روفات لاقينها صار لها سنوات مثلا متحلل الجثه يستخدمون دي ان ايه للتوصل الى او لمعرفه هويه الشخص لكن في موضوع النسب صعب جدا التاكد او ان تكون النتيجه يعني موثوق فيها بشكل كامل لذلك الواحد دائما لا يستعجل وخصوصا في التقارير الطبيه لان هي من عمل الانسان وعمل الانسان لابد يكون فيه اخطاء يتم الفحص مره مرتين ثلاثه قبل لا تستعجل بالحكم وسوي ه المشاكل وتفضح الدنيا ولا تخون باحد ولا تدمر اسرتك هذه نهايه سالفتنا وفي امان الله مع السلامه