تعاشب شاي 2415 سيزيف المصري العذاب الأبدي في ساقية الديون

في الاساطير اليونانيه كان في ملك اسمه سيزيف الالهه عقبته وادته اشغال شقه مؤبده عقوبته كانت انه يفضل يزق صخره ضخمه يطلعها لقمه جبل واول ما يوصل هوب تقوم الصخره مدحرجه نازله تاني يوم ينزل ويطلعها ثاني الى الابد بقى اهو عارف سيزيف ده لو نزل مصر وبقى مواطن مصري بيقبض بالجنيه مش بالدراخمه كان هيرجع يبوس ايدين ورجلين الهه جبل الاوليمب على نعمه عقوبه دحرجه الصخره دي لاننا في مصر محبوسين في حلقه مفرغه العن بكتير احنا بنزق صخره فواتير وجمعيات وقساط وكل خمس سنين بالظبط يطلع لنا مسؤول ب ابتسامه سمجه ويقول لنا ابشروا احنا على اعتاب الاستقلال الاقتصادي ده في نور في اخر النفق اهو شايفينه وتفضل انت كمواطن مطحون مستني النور ده لحد ما تكتشف ان النور اللي في اخر النفق ده مش شمس الحريه الاقتصاديه لا ده كشاف تريلا محمله ديون جايه تهرسك تقريبا كل خمس سنين بيطلع علينا رئيس الوزراء بنفس الكلام المعتاد ويقول لنا ان البرنا البرنامج بتاعنا مع صندوق النقد خلاص بيخلص ومصر على عتبه الاستقلال الاقتصادي ومن كام اسبوع فاتوا طلع مصطفى ذا مدبولي يطمن الناس بنفس الجمله المشؤومه دي قال ان البرنامج هيخلص في نهايه 2026 وان مصر تقدر تكمل طريقها من غير ما تحتاج تلجا لبرنامج جديد مع الصندوق بس الغريب بقى ان في نفس ذات الاسبوع اللي اتكلم فيه عن نهايه البرنامج كانت الحكومه خلصت تجهيز حاجه اسمها الرؤيه لما بعد الصندوق واستراتيجيه وطنيه مكمله لحد 2030 30 ده كله ومصر قدامها لسه فاتوره ديون خارجيه لازم تدفع في نهايه سبتمبر 2026 السنه دي مقربه على 50 مليار دولار يعني تقريبا نص الدخل الدولاري السنوي للبلد فلو كان البرنامج هيخلص بجد ليه الخطه البديله جاهزه من قبل ما يخلص وليه لحد دلوقتي ما فيش حل لفاتوره 2026 تعالوا نرجع لتصريحات ذا مدبولي خطوه بخطوه ونفهم هو قال ايه بالظبط عشان تفهم الصوره صح لازم تعرف ان البرنامج اللي مدبولي بيبشرنا بنهايته ده مش برنامج واحد دول برنامجين راكبين على بعض الاولاني اسمه اتفاق التمويل الممدد ده اللي اتعمل في عز ازمه الدولار وبدا ب 3 مليار ونفش بقدره قادر بقى 8 مليار بعد التعويم والثاني ادوا له اسم شيكر المرونه والاستدامه عشان المناخ والطاقه وده بحوالي مليار دولار والاجمالي 9 مليار دولار عشان يدخلوا الخزنه لازم نعدي على حاجه اسمها مراجعه يعني خبراء الصندوق يجوا يفتشوا في الدفاتر ولو عجبهم الشغل يدونا شريحه من القرض ولو ما عجبهمش الفلوس بتتجمد ذا مدبولي بقى بيقول لك مافيش اعباء جديده حتى نهايه البرنامج ركز في الكلمه كده ما فيش اعباء لغايه ما البرنامج يخلص لكن بعد كده بقى خد اعباء براحتك اشمعنى يعني لانك لما تدقق في الكلام هتكتشف ان الصندوق ان شاء الله قاعد معانا برده حتى بعد انتهاء البرنامج الحكومه حطت في السرديه دي اكث من 400 سياسه بس قايمه على اربع عمدان لو ركزت فيهم هات هتلاقيهم هم هم شروط الصندوق بالحرف اول عمود فيهم حاجه مجعلصه كده بيسموها الفائض الاولي وده معنى ان الحكومه تلم ضرايب وايرادات اكث ما بتصرف عشان يفيض قرشين نسدد بيهم الديون الصندوق كان شرط ان الفايض ده يوصل ل 5% في السنه الماليه 2026 2027 تقوم السرديه الوطنيه بتاعتنا اللي هي من انتاجنا واخراجنا وصناعه محليه 100% تتعهد بان الفائض الاولي ده هيبقى كام 5% بالضبط ال 4.9 9 ولا 5.11% 0.1% نفس الرقم اللي مكتوب في دفتر الديانه. ثاني عمود هو مرونه سعر الصرف يعني نسيب الجنيه يعوم مع الموجه لحد ما يغرق براحته. الصندوق كان كاتبها كده تفتح السرديه الوطنيه تلاقي نفس الجمله بحروفها كانهم واخدينها كوبي بيست من جروب واتساب بتاع خبراء الصندوق. وثالث عمود هو الدعم. الصندوق بيقول لك شيل الدعم عن البنزين والكهرباء بالتدريج لحد ما يوصل لسعر التكلفه في 2026. السرديه الوطنيه بمنتهى الوطنيه والسياده بتقول لك احنا هنشيل الدعم عن البنزين والكهرباء برده. ورابع عمود هو القطع الخاص. الصندوق عاوز الدوله تلم هدومها وتخرج من الاقتصاد. والسرديه بتستهدف ان القطاع الخاص يمسك ثلتين الاقتصاد نفس الانسحاب بس بشكل مختلف. ومش بس كده ده الحكومه عملت موازنه لثلاث سنين قدام مره واحده. الصندوق بيسمي الاداه دي اطار الموازنه متوسطه المدى وده اللي بيطلبه من اي دوله بتاخد قرض ممدد. احنا بقى اخدناها وسميناها موازنه ثلاثيه. غيرنا اليافطه بس. النكته بقى انك لما تحب تعمل فيها مستقل وتستلف من بره الصندوق يعني رحت للاتحاد الاوروبي من كام شهر ومضيت معاهم مذكره تفاهم على قرض ب 4 مليار يورو المفروض ده تمويل مستقل يعني مالوش دعوه بالصندوق صح تقرا المذكره تلاقي مكتوب فيها سطر واحد كده في النص يقول لك صرف القرض مشروط بالتنسيق مع صندوق النقد لتنفيذ الاصلاحات يعني حتى الخواجه الاوروبي اللي رايح تستلف منه عشان تهرب من الصندوق بيقول لك روح هات ورقه ممضيه من الصندوق الاول عشان اديك الفلوس فالصندوق ما خرجش من حياتنا الصندوق سعادتك قاعد في الصاله بيشرب شاي بالنعناع واي حد بيجي يزورنا بيقول له الشروط بتاعته ايه عشان يتاكدوا انها تمت بالفعل يعني ما فيش اي حاجه هتتغير السياسات هي المراجعات هتستمر بس بدل ما نقول شروط الصندوق هنقول اهداف السرديه الوطنيه بالظبط كانك غيرت يفطه كشك سجاير في فيصل وسميته توباكو لاونج هو نفس الكشك ونفس السجاير الكيلوبترا ونفس ديلر السجاير اللي ورا الفتاترينا اليافطه اتغيرت اه وبقينا توباكو لاونج بس المشكله مش في اليافطه خالص المشكله مشكله في الديانه اللي واقفين على باب الكشك ومعاهم وصلات امان تخيل معايا كده سيناريو يخوف كابوس من بتوع امتحانات الثانويه العامه بس على مستوى دوله بحالها صحينا الصبح على نهايه سبتمبر 2026 لقينا مطلوب مننا نسدد فاتوره ديون خارجيه حوالي 50 مليار دولار حته واحده طب احنا حيلتنا كام بقى في الحصاله البنك المركزي بجلاله قدرو في حوالي 53 مليار دولار يعني انت مطلوب منك تدفع 50 وتصرف نفسك بعدها بال 3 مليار بس اللي هم شويه فكه يا دوب تكفي نستورد اكل ود ودواء وبنزين لشهرين بالعدد طيب مين بقى اللي واقفين طابور بالوصولات دي كلها جزء كبير رايح عشان نجدد ودايع دول الخليج وجزء كبير رايح للناس اللي شاريين السندات السياديه بتاعتنا يعني تلاق صندوق الدخار في لندن ولا مستثمر ياباني قاعد في طوكيو بيشرب ماتشه مستني الفايده بتاعته تنزل في حسابه ده غير البنك الدولي وشويه بنوك صينيه ومؤسسات ثانيه بس وسط الزحمه دي كلها في واحد ثاني واقف في النص كده لابس بدله شيك وماسك اله حاسبه وبيبتسم ابتسامه صفراء ايه ده مين ده صندوق النقد خد الدولي شخصيا اه والله الصندوق اللي المفروض انه بيمولك وبيديك قروض عشان ينقذك ليه في الفاتوره دي لوحده قرب 3 مليار دولار هو بيسلفك بايد وبياخد قسط القرض اللي انت اخده قبل كده بايد تانيه والسنه دي سنه الذروه بتاعته في جدول السادات طيب احنا بنعمل ايه في المصيبه دي يعني بنحلها ازاي بنعمل حاجه اسمها اعاده تدوير الديون مصطلح شيك قوي تحسه طالع من بريزنتيشن في مؤتمر استثمار بس هو في الحقيقه معناه انك بتسد فيزا مشتريات بفيزا ثانيه من بنك ثاني انت ما بتسددش دين انت بتشتري وقت بتلابس طقيه الدال ده بتستلف عشان تسد السلف القديم وتستبدل قسط بقسط ومعاد بمعاد والعداد عمال يعد ورا في الخلفيه جبل الدين الخارجي بتاعنا وصل لحوالي 164 مليار دولار واحنا قاعدين بنعمل ريفريش لصفحه البنك وبنصلي ركعتين قضاء حاجه عشان الفيزا الجديده تتقبل ونلحق نسدد القديمه قبل ما بتاع البنك يبعت لنا انذار على البيت بس المصيبه ان بتاع البنك ده اللي هو المجتمع الدولي مش بيجدد لك الفيزا ولا بيسلفك عشان ان انت كاتب في السي في بتاعتك ان عندك رؤيه 2030 ولا عشان بتعرف تعمل بريزنتيشن باور بوينت شكلها حلو لا خالص هو بيسلفك لسبب واحد بس انك داخل عليه البنك وجايب معاك الكفيل الحج صندوق النقد الدولي شخصيا ماشي جنبك وماسك السبحه بتاعته الصندوق بيلعب دور في الاقتصاد اسمه التمويل المحفز ده الاسم الشيك يعني بس هو اسمه من الاخر واسطه فالصندوق ما بيديكش ال 50 مليار اللي انت محتاجهم هو بيديك حته صغيره جدا بس وقفته في ظهرك هي اللي بتفتح لك باقي الحنفيات عشان يديكوا الباقي وكلات التصنيف الائتماني العالميه اللي هم عاملين زي طنط الحشريه اللي بتيجي تقيم عفش العروسه وتطلع فيه القطط الفطصنه رابطين استقرارك كله بوجود الصندوق فلو الكفيل ده كشر بس طنط دي هتفضحك في السوق العالمي وتنزل تصنيفك لسبع ارض وتخيل بقى ان حتى الفلوس اللي احنا فاكرينها جايه من بره الصندوق زي القروض الثنائيه او الدعم الدولي طلع كلها مربوطه بالصندوق برده الصندوق اللي ما بقاش مجرد بنك ده بقى الضامن اللي من غيره ما حدش هيرضى يفك لك 100 جنيه ورقتين ب 50 حتى وهنا ممكن حد يسال طب ما ودايع الخليج بتتجدد لوحدها كل مره ايه اللي يقلقنا يعني لا حضرتك ما هو تجديدها التلقائي ده مشروط برده بان البرنامج يفضل شغال واكبر دليل على كده صفقه راس الحكمه بعد الصفقه دي حوالي 11 مليار دولار من ودايع الامارات اتحولت لاستثمار مباشر في اراضي راس الحكمه ودي قصه ثانيه خالص بقى غير تجديد الوديعه هنا مصر بتفقد سيطرتها على اصل على الارض بدل ما تفقد دولارات ونفس السيناريو ده بيدرسوا ازاي يطبقوه مع باقي الودايع وكل ده بيحصل تحت سقف واحد اسمه صندوق حتى الاحتياطي اللي بان انه كبير النهارده معتمد على عمود واحد بس وهو استمرار البرنامج لو العمود ده وقع الاحتياطي كله هيقع معاه هو الصندوق مش هيقدر ينسحب فعليا لانه عارف ان هو المظله اللي حاميه الكل واحنا عارفين اننا من غير ختم الكفيل ده هنبقى حرفيا في الشارع وما دام جبنا سيره الشارع فتعال نرجع بالزمن شويه الكفيل ده احنا مش لسه مقابلينه امبارح بالصدفه في كفيفه التجمع دي علاقه توكسيك عمرها اكث من 60 سنه وفيها 15 اتفاقيه وفي كل السنين دي احنا ما خرجناش من تحت عبايه الصندوق ده غير مرتين اثنين بس مره في الستينات ايام عبد الناصر لما كنا مقضيينها دعم سوفيتي ومره ثانيه فجوه كده حوالي 17 سنه غير كده احنا في الساقيه اول مره اتعاملنا فيها مع الكفيل ده كانت سنه 77 ايام السادات الصندوق دخل بطلباته المعتاده شيلوا الدعم عن العيش والزيت والسكر والبنزين والقرار طلع بالليل الصبح الشارع كله كان بيغلي الحاجه اللي اتسمت انتفاضه الخبز واللي راح فيها عشرات القتلى ومئات الجرحى النظام لقى نفسه في وش المدفع فرجع في كلامه في اقل من 48 ساعه وسحب القرار الدرس اللي كل حكومه بعد كده حفظته صم وبقى محفور في وعيها ان الشارع صوته اعلى من اي شيت اكسل وايقاع الشارع دايما بيغلب ايقاع الورق عدت ام سنه وصندوق رجع ثاني في نص الثمانينات والاتفاق المره دي رجع اخف شويه وبطريقه اهد بس في النهايه رجع وبعدين وصلنا لسنه 91 اللحظه اللي الحكومه بتبروزها لحد النهارده في كل مؤتمرات التنميه على انها قصه النجاح الاسطوريه اتفاق ضخم قلب الاقتصاد المصري راسا على عقب تحرير اسعار وخصه وشقلبه هيكليه والسؤال هنا ليه الشارع بقى ما انفجرش زي ايام السادات سنه 77 هل الحكومه مثلا خدت كورس في اداره التغيير وبقت عبقريه لا خالص هي جت مع العمي طباط بس ضربه حظ مصر شاركت مع التحالف الدولي في حرب الخليج وكمكافاه على الوقفه دي الخليج وامريكا ونادي باريس شطبوا حوالي 14 مليار دولار من ديون مصر 14 مليار دولار اتمسحوا باستيكا انت متخيل يعني كانك كنت مديون لطوب الارض وفجاه عمك الغني اللي في البرازيل مات وساب لك ثروه سددت نص ديونك طبعا رقم 14 مليار ده يبان تافه قوي بالنسبه لارقام النهارده بس ده بص له على ان هو كان نص الديون الفائض السياسي والمالي ده هو اللي خلى النظام يقدر يطبق شروط الصندوق من غير ما الشارع ينفجر في وشه بعدها بقى دخلنا في فتره صمت 17 سنه تقريبا الصندوق مالوش مكان على الترابيزه وافتكرنا اننا خفينا واننا عملنا بلوك ومسحنا النمره وشفنا حياتنا بقى لحد ما جت سنه التعويم العظيم اللي الجنيه فيها خسر نص قيمته في خمس ايام ودخلنا في اكبر اتفاق في تاريخنا مع صندوق النقد قرض بحوالي 12 مليار دولار ومن ساعتها ما سبناهوش ولا لحظه من 2016 لحد النهارده مصر ما عداش عليها 18 شهر على بعض بره برنامج مع الصندوق كورونا جت اتصل بالصندوق حرب اوكرانيا اتصل بالصندوق راس الحكمه وسع البرنامج القديم وضيف عليه اتفاقيه المرونه والاستدام كل ما برنامج يخلص الثاني بيكون بيطبخ في الكواليس او بيتمضي عليه على الترابيزه قبل ما احبر الاولاني ينشف اللي احنا بنسميه نهايه البرنامج ده مجرد فاصل اعلاني سخيف بين سيزون وسيزون من نفس المسلسل اللي ما بيخلصش وبما اننا في الفاصل الاعلاني السخيف ده تخيل معايا كده اننا سرعنا الفيديو لقدام وصحينا في يوم شتوي عادي جدا في 2027 نظريا وعلى الورق البرنامج رسميا خلص ما فيش مراجعه جايه ما فيش شريحه قرض دولاري منتظر وما فيش بيان جديد طلع من واشنطن حريه بقى واستقلال اقتصادي وكده صح طيب تعال نمشي مع بعض دقيقه بدقيقه في اليوم ده ونشوف ايه اللي اتغير فعلا وايه اللي لسه على حاله بتصحى من النوم اول حاجه بتعملها انك بتنزل تجيب عيش الرغيف المدعم لسه موجود بس سعره مش هو اللي متعود عليه سعر رغيف العيش المدعم نط اربع اضعاف مره واحده من كام سنه فاتوا ولسه برده الدعم بيغطي جزء بسيط من تكلفته الحقيقيه الباقي بقى ماجلينه للنطه الجايه هو ما حدش عارف ميعادها بالظبط بس الكل عارف انها جايه جايه النطه دي بقى مش مستنيه برنامج ولا مستنيه شروط بترجع البيت تدخل المطبخ الزيت والسكر والشاي كله باسعار السوق بطاقه التموين لسه موجوده في الدرج بس السلع اللي بتجيبها عماله تقل سنه ورا سنه دي قرارات متاخده من سنين طويله وطريقها مرسوم للاخر تنزل الشارع تقف في البنزين عشان تفول لو عصرت دماغك شويه هتفتكر ان لتر البنزين غلي كام جنيه الشهر اللي فات ليه الاجابه جاهزه ومحفوظه من سنين قاعده التسعير التلقائي اللي بتشتغل كل ثلاث شهور عشان تضبط السعر مع السوق العالمي وسعر الصرف القاعده دي الصندوق هو اللي سطبها على السيستم عندنا من زمان وبقت عامله زي الذكاء الاصطناعي اللي خرج عن السيطره شغاله لوحدها اوتوماتيك ما بتحتاجش بقى لا برنامج ولا صندوق عشان تدوس على الزرار كل ربع ساعه توصل شغلك تفتح مفردات المرتب لو انت موظف حكومه هتلاقي الحد الادنى للاجور زاد وبقى رقم يملى العين على الورق قبل دخله 2027 بس النكته ان الرقم المنفوخ ده بيجيب لك حاجات اقل بكثير من اللي كنت بتشتريه بمرتبك الاقل من سنتين ببساطه لان الدولار اضاعف ثلاث مرات من ساحه التعويم الميزانيه اللي بتنزل في الجرايد بتكبر وتنفش كل سنه بس المرتب في جيبك زي ما هو وامته بتقل ترجع بالليل مهدود تلاقي وصل الكهربا مزقوق من تحت باب الشقه تبص في الرقم تلاقيه اعلى من الشهر اللي فات واعلى من السنه اللي فاتت وخد الثقيله هيبقى اعلى السنه الجايه خطه رفع الدعم عن الكهرباء ليها جدول زمني محدد ومكمل ل 2030 يعني بعد ما البرنامج المزعوم يخلص باربع سنين بحاله الجدول ده ما بيقراش جرايد وما يعرفش ان البرنامج خلص هو واخد طريق الدائري ومكمل فيه للاخر والمصيبه الاكبر بقى انك فاكر ان كل ده بيحصل واحنا لوحدنا فاكر ان الخواجه لم صنط مشي هتبقى طيب قوي في حاجه بتحصل في الكواليس بعيد عن النشره اسمها مشاورات الماده الرابعه دي زياره ثانويه بيعملها فريق من الصندوق لاي دوله عضو سواء واخده قرض او لا بينزلوا كل سنه يقعدوا مع وزير الماليه ومحافظ البنك المركزي ومندوبين من القطاع الخاص يشربوا الشاي يقلبوا في الدفاتر ويطلعوا تقرير زي الفل الزياره دي هتحصل في 2027 و2028 و2029 وفوق البيعه عشان احنا واخدين قروض معديه الليمت المسموح بيه بمراحل فاحنا ملبوسين بطبقه مراقبه ثانيه اسمها التقييم ما بعد التمويل يعني الصندوق هيفضل قاعد في الصاله يراقبك سنين بعد ما البرنامج يخلص الفرق الحقيقي بين 2026 و2027 هيبقى مجرد شكليات بس كلمه المراجعه هتتشال من قاموس الاخبار رئيس الوزراء مش هيطلع يعني يزف لينا بشرى صرف الشريحه الجديده الخطب كلها هتتحول بودره قادر من التزامات البرنامج للاستراتيجيه الوطنيه ل 2030 بس ميزانيه السنه اللي بعدها هتتكتب بنفس المنطق وهت تستهدف فائض اولي اكبر عشان نسدد الديون وشبكه الضرايب هتوسع اكث ما هي زي ما تخطط لها بالضبط النشره هتقول لك وزير الماليه يبحث مع خبراء الصندوق سبل دعم الاستراتيجيه الوطنيه الياطه بس هي اللي اتغيرت لكن الجدول والفريق والتوصيات والفاتوره اللي بتدفعها من لحمك الحي كلهم قاعدين لك ومربعين يعني من الاخر كده ما فيش اي حاجه حقيقيه اتغيرت اللي اتغير يا دوب اليوفط حفله تنكريه ماسخه بنعملها كل سنه من ايام السادات واول اتفاقيه واحنا شغالين في لعبه تغيير اليوفض دي مره كان البرنامج اسمه ترتيبات الاستعداد الائتماني ومره بقى اسمه تسهيل الصندوق الممدد والمره الاخيره زاد عليهم طبقه جديده اسمها تسهيل الصلابه والاستدامه وبكره لما يعلنوا ان البرنامج الحالي خلص هيجي اسم رابع او غالبا وده الاصع ان هم مش هيجيبوا سيره الصندوق خالص وتتلم الحكايه تحت عناوين اهده شويه زي اطار وطني شراكه استراتيجيه او حوار سياسات اليافطه الاجنبيه هتتشال بس العلاقه الحميمه مكمله والكفيل لسه ماسك الريموت وعمال يقلب في قنوات حياتنا عادي والفاتوره مش هتتبخر مع البيان الصحفي ولا الميزانيه هتتضبط عشان كم جمله بلاغيه اقاله في مؤتمر خطه رفع الدعم مكمله في طريقها زي القطر لحد 2030 سواء بقى سميناها التزام تجاه الصندوق او زوقناها وسميناها الاستراتيجيه الوطنيه او حتى ما سميناهاش خالص وعملنا نفسنا مش واخدين بالنا الجدول واحد والمحصل واحد واللي بيدفع الحساب في النهايه هو المواطن اللي بيحاسب على المشاريب دي كلها من لحمه الحي ونشوفكم على خير ان شاء