حصة ٨ مفهوم التكيف من اجل البقاء جزء ١ علوم منى عزام

السلام عليكم حبايبي طلاب الصف السادس باذن الرحمن النهارده هنبدا في المفهوم الاول من الوحده الرابعه اللي بعنوان التكيف من اجل البقاء اعتقد كده ان درس النهارده هيكون فيه شبه شويه من اول مفهوم في الصف الرابع يلا بينا نبدا في البدايه كده خلينا نفتكر ايه هو التكيف وايه هي انواعه يعني ايه يا اد كائن متكيف على الحياه في البيئه يعني قادر يعيش فيها برغم ظروفها الصعبه يعني مثلا برغم الحر او البرد الشديد اللي فيها ايا يكن هو الكائن قادر يعيش في البيئه ويبقى على قيد الحياه لو هو فعلا قادر يعيش في البيئه يبقى هو كده بيتكيف على الحياه فيها يبقى ايه هو التكيف هي عمليه بيصبح فيها الكائن الحي بص بقى قادر على العيش في البيئه بشكل يمكنه من البقاء على قيد الحياه يعني باختصار لو الكائن الحي قادر يعيش في البيئه دي ويبقى على قيد الحياه فهو كده متكيف على الحياه فيها. طيب ايه هي انواع التكيف بقى؟ في تكيف تركيبي يعني تركيب في جسم الكائن هو اللي مساعده انه يقدر يعيش وفي تكيف سلوكي يعني سلوك بيعمله الكائن ده علشان يقدر يعيش في البيئه اللي ظروفها صعبه دي. اولا التكيف التركيبي ايه هو التكيف التركيبي؟ بيقول لك تكيف يرتبط بتركيب في جسم الكائن الحي يعني تركيب في جسم الكائن هو اللي مساعده انه يتكيف على الحياه في البيئه زي ايه مثلا؟ زي الاشواك اللي موجوده في سقان النباتات الشوك ده مثلا بيحميه من الحيوانات المفترسه طالما الشوك هيحميه كده هيبقى قادر ان هو يعيش في البيئه برغم الحيوانات المفترض اللي فيها يعني هيبقى على قيد الحياه طيب زي ايهاني؟ زي مثلا الفراء السميكه اللي على اجسام بعض الحيوانات لان الفراق السميكه دي ده تركيب في جسمه هيحميه من البرد الشديد طالما هيحميه يبقى كده فعلا هيقدر يعيش في البيئه اللي مناخها بارد دي ويبقى على قيد الحياه يبقى كده حبايبي انواع التكيف عندي اول نوع اللي هو التكيف التركيبي تكيف بيرتبط بتركيب في جسم الكائن تركيب في جسم الكائن بيساعده انه يعيش في البيئه ويبقى على قيد الحياه اي حاجه في تركيب الكائن بتساعده على العيش في البيئه والبقاء على قيد الحياه هنقول عليها تكيف تركيبي طيب ايه بقى التكيف السلوكي لا التكيف السلوكي ده تصرف او سلوك الكائن بيعمله طب بيعمله ليه برض علشان يقدر يعيش في البيئه ويبقى على قيد الحياه علشان يتكيف ايه السلوك اللي بيتبعه الكائن ليتمكن من البقاء مثلا يعني بعض النباتات زي ظهور عباد الشمس بتشوف اتجاه الشمس فين وتمشي معايا علشان تاخد اكبر قدر من ضوء الشمس فده سلوك يبقى نمو النباتات باتجاه الضوء ده كده يعتبر سلوك عند النباتات طيب بعض الحيوانات مثلا بتحب ان هي تعيش في قطي طيع يعني بتحب تعيش في مجموعات مثلا علشان لما يجي حيوان مفترس يبقوا هم عددهم كتير وهكذا يبقى ده سلوك بيعملوه ليه؟ علشان يقدروا يعيشوا في البيئه دي ويبقوا على قيد الحياه سلوك مثلا زي الهجره ان الحيوانات تهاجر من البيئه دي تروح بيئه ثانيه علشان مثلا التكاثر او علشان البحث عن الغذاء السلوك ده بيعمله ليه؟ علشان يقدروا يعيشوا في البيئه ويبقوا على قيد الحياه يبقى ده سلوك يا اد بيتبعه الكائن للتمكن من البقاء تعالوا بينا بقى نشوف الاسئله تيجي على الجزء ده ازاي السؤال الاول ده علامه صح او خطا واحد التكيف التركيبي هو سلوك بيقوم به الكائن الحي من اجل البقاء والنمو التكيف التركيبي ده سلوك ولا ده تركيب في جسم الكائن بيساعده على البقاء طبعا خطا اثنين التكيف ف السلوكي هو تكيف يرتبط بتركيب في جسم الكائن الحي السلوكي ده تركيب في جسم الكائن لا التكيف التركيبي هو اللي تركيب في جسم الكائن لاثه الاشواك الموجوده على سيقان بعض النباتات تعتبر من التكيفات السلوكيه الشوك اللي موجود على الساق اللي هو جزء من تركيب النبات ده ده يعتبر تكيف سلوكي ولا ده تكيف تركيبي؟ طبعا ده تكيف تركيبي اربعه نمو النبات في اتجاه الضوء لما النبات يبدا يتحرك كده علشان ينمو في اتجاه الضوء ده يعتبر من التكيفات السلوكيه للنبات اه فعلا ده سلوك النبات بيعمله اختر الاجابه الصحيحه واحد اي مما يلي عد من التكيفات التركيبيه مين من دول يا اد يعتبر تكيف تركيبي نمو النبات في اتجاه الضوء نمو في اتجاه الضوء ده سلوك النبات بيعمله هجره الهجره دي برده سلوك الحيوان بيعمله وقوف بعض الحيوانات في قطيع ان هم يقفوا في مجموعات برض ده سلوك بيعمله الحيوانات لون فراق الحيوان ايوه ده جزء من تركيبه لون فراقه ده جزء من تركيبه يبقى هي دي اللي من التكيفات التركيبيه يلا بينا بقى على الجزء الثاني الجزء الثاني بقى حبيب قلبي بيقول لك ان في عوامل بتاثر في تك تكيف الكائن يعني عوامل بتساعد ان الكائن ده يتكيف على الحياه في البيئه بتاعته في عوامل بيئيه وفي عوامل وراثيه عوامل بيئيه زي ايه؟ يعني حاجات موجوده في البيئه زي مثلا الضوء الضوء ده حبايبي لو متوفر مش النبات هيقدر يعمل عمليه البناء الضوئي يبقى كده مين اللي ساعد النبات على البقاء الضوء يعني عامل بيئي هل ده تركيب في جسم النبات ولا دي حاجه موجوده في البيئه ساعدته ان هو يتكيف على الحياه فيها ويبقى على قيد الحياه دي حاجه في البيئه يبقى الضوء ده عامل بيئي بيؤثر في تكيف الكائن الحي مثلا الميه الميه دي من العوامل البيئيه ميه عادي موجوده في البيئه ساعدت النبات ان هو يعيش ويبقى على قيد الحياه لان هي اللي راوته مثلا الميه دي جه حيوانات شربت منها وعايشت عليها يبقى الميه ساعدتهم في البقاء على قيد الحياه يعني هي كده ساعدتهم في التكيف على الحياه في البيئه فكده عوامل بيئيه اهو حاجات موجوده في البيئه هي اللي ساعدتهم مثلا حجم الموطن اللي هم عايشين فيه مثلا لو الموطن ده كبير فاكيد هيكون فيه حيوانات كتيره كل كائن بيتغذى على عدد كبير من الكائنات الثانيه فحجم الموطن اهو بيساعد الكائن ان هو يتكيف على الحياه في البيئه يبقى كده حبايبي في عوامل بيئيه يعني عوامل موجوده في البيئه بتساعد الكائن ان هو يتكيف على الحياه في البيئه او يبقى على قيد الحياه النوع الثاني من العوامل اللي برده بتاثر او بتساعد على تكيف الكائن هي العوامل الوراثيه يعني حبيب قلبي صفه ورثها الكائن من مامته وباباه صفه تورثها الكائنات من الوالدين بتوعهم مثلا يعني لو الغزاله رجليها طويله هي ورثه الحاجه دي من باباها وبسبب طول رجليها ده بقت بتقدر تجري سريع علشان تهرب من الحيوانات يبقى الطول يا اد دي صفه وراثيه حاجه ورساها من الاباء والامهات حاجه ورثها الحيوان من الوالدين بتوعه وساعدته على التكيف على الحياه في البيئه طيب حجم حجم الكائن مثلا الفيل تلاقي كل الفيله زي بعض بيبقى حجمهم كبير وضخم ده واخدينها بالوراثه حجم الكائن ده يعتبر صفه بيتم تورثها من الاباء لون الفراء مثلا لون فراق ثعلب الفنك بيبقى بني او دهبي زي لون باباه بالظبط وهكذا فلون الفراء ده ساعده على التخفي عشان ما فيش حيوان يشوفه ويفترسه يبقى في صفات وراثيه بتساعد الحيوانات ان هي تتكيف على الحياه في البيئه في صفات تراثيه زي الطول طول الكائن حجم الكائن لون فراقه في صفات بتكون بيئيه يعني حاجات موجوده في البيئه برده بتساعده على التكيف يبقى لو جيت قلت لك الضوء ده عوامل بيئيه ولا وراثيه الضوء في البيئه يبقى عوامل بيئيه اجي اقول لك الميه من العوامل البيئيه اللي بتساعد على التكيف ولا من العوامل الوراثيه الميه دي موجوده في البيئه يبقى دي عوامل بيئيه اجي اقول لك لون فراء الكائن لون الفراء ده اكيد يعني ورثه من مامته وباباه فدي من العوامل الوراثيه طول الكائن اكيد الطول ده حاجه وارثه من مامته وباباه زي مثلا يعني انا طويله وطالعه لبابا واخداها وراثه من بابا فدي كده عامل وراثي تعالوا بقى نقرا مع بعض العوامل البيئيه والوراثيه اللي هي بتاثر في تكيف الكائن. اولا العوامل البيئيه. العوامل البيئيه دي الظروف المحيطه بالكائن واللي بتساعده عن نمو البقاء. يعني دي ظروف محيطه بيه موجوده في البيئه. ظروف محيطه بالكائن مش جزء من تركيبه او مثلا حاجه وارثها. العوامل البيئيه دي بقى زي ايه؟ زي مثلا الضوء. مش الضوء ده النبات بيحتاجه علشان يعمل البناء الضوئي. وده كده بيساعده عن نمو البقاء يبقى اهو عامل بيئي اللي هو الضوء وبرغم كده ساعده على النمو البقاء يعني على التكيف في الحياه في البيئه طيب الميه الميه دي كل الكائنات بتحتاجها للنمو البقاء يبقى الميه اهي ظروف محيطه بالكائن زي الميه بتساعده على النمو البقاء حجم الموطن حجم الموطن كل مكان يا اد مثلا الموطن كبير ومساحته كبيره اللي بيعيش فيه الكائن بقت في موارد متاحه كتيره للكائن يقدر يستخدمها في ميه كتير في ضوء كتير في كائنات كتير يتغذى عليها وهكذا يبقى بيؤثر حجم الموطن الذي يعيش فيه الكائن في نيمو لان حجم الموطن ده هيترتب عليه حاجتين المساحه المتوفره للكائن الحي يعني كميه الموارد اللي متحاله في الموطن ما هو موطن كبر بقى فاكيد في موارد متاحه كتيره ثاني حاجه كل ما كان الموطن حجمه كبير يا اد بقى فيه كائنات حيه كتيره ومتنوعه فده هيؤثر في العلاقات الغذائيه بين الكائنات الحيه تلاقي مثلا كل كائن بيقدر يتغذى على اكث من نوع من الكائنات ليه؟ لان الموطن كبير وفي انواع كائنات حيه كتيره طيب في نشاط كده تعالى نحله بيقول لك اذا كانت الموارد البيئيه كافيه وصل ها ايه اللي هيحصل لو الموارد المواد البيئيه كافيه يعني لو في ميه تكفي الكائنات لو كان الموطن ده حجمه كافي بالنسبه للكائنات اللي عايشه فيها هل الكائنات هتعتمد على طرق التكيف الموروثه ولا الكائنات هتستطيع نمو الازدهار لو كانت الموارد البيئيه كافيه هتستطيع الكائنات ان هي تنمو وتزدهر خلاص بقى في ضوء كافي وميه كافيه وهكذا هي دي الموارد البيئيه طيب اثنين اذا كانت الموارد المرد البيئيه شحيحه مثلا يعني الموارد البيئيه زي الميه ما هي الميه دي حاجه موجوده في البيئه مورد بيئي لو كانت مثلا يا اد الموارد البيئيه شحيحه في الحاله دي هتبدا الكائنات تعتمد على طرق التكيف الموروثه من اجل البقاء يعني مثلا لو الميه قليله النبات هيبدا يعتمد ان هو يخزن ميه جواه ويتحمل ان هو ما يشربش لفتره طويله الميه لو قليله الجمل مثلا هيتحمل العطش لفتره طويله بيبدا بقى يعتمد على طرق التكيف الموروثه من اجل البقاء يعني باختصار يا اد لو في موارد كافيه في البيئه تساعد الكائن انه يعيش خلاص هيعيش ويزدهر طب لو كانت الموارد البيئيه قليله ومش مساعدا انه يعيش هيضطر يلجا للطرق الموروثه من اجل البقاء يشوف مثلا مامته وبابا كانوا بيتحملوا العطش فيبدا هو كمان يتحمل العطش مامته وباباه كانوا بيتحملوا قله الضوء فهو كمان يتحمل قله الضوء وهكذا. ثاني حاجه العوامل الوراثيه بقى احنا كده عرفنا العوامل البيئيه بتساعد الكائن ازاي على البقاء. العوامل الوراثيه بقى دي صفات موروثه من الاباء صفات كل كائن بيورثها من الاب بتاعه والام بتاعته طيب منها ايه؟ حجم الكائن. كل كائن يا اد بيفضل ينمو ينمو لحد ما يبقى في حجم مامته وباباه حجم الوالدين بتوعه. ثاني حاجه لون الفراق. غالبا لون الفراق بيكون شبه لون فراق الاباء التول برضو طول الكائنات من نفس النوع كلهم تقريبا متقارب تلاقي كلهم تقريبا قريبين من نفس الطول يبقى حجم الكائن لون فراقه وطوله دي كلها عوامل وراثيه تعالوا بقى حبايبي نحل الاسئله اللي ممكن تيجي على الجزئيه دي واحد اي مما يلي لا يعد من صفات الكائن الحي التي حددها العامل الوراثي يعني كل دول فيهم عوامل وراثيه الا واحده بس مين هي؟ حجم الكائن لون فراقه طول الكائن توافر الماء ايوه توافر الماء دي مش عوامل وراثيه ده عوامل بيئيه اثنين اي مما يلي يعد من العوامل البيئيه التي تؤثر في الكائنات الحيه ها مين من دول عامل بيئي بقى كميه الضوء اللي في البيئه ولا الميه اللي في البيئه ولا الهواء ولا كل ما سبق ايوه كل ما سبق كل دي عوامل بيئيه بتساعد الكائن عن نمو البقاء ثلاثه تغير حجم الكائن الحي ليصبح في حجم اباؤه يعتبر ذلك من العوامل نقط للكائن دي عوامل وراثيه ولا بيئيه طبعا وراثيه بيورث الحجم بتاعه من مامته وباباه بيبقى حجم الكائن بيبقى نفس حجم مامته وباباه اربعه نقط هي الظروف المحيطه بالكائن بص ظروف محيطه بيه مش صفات وارثها من مامته وباباه هي الظروف المحيطه بالكائن واللي بتساعده عن نمو البقاء ها دي الموارد البيئيه او العوامل البيئيه يعني ولا دي عوامل وراثيه ولا ده تكيف تركيبي هو اصلا التكيف التركيبي ظروف محيطه لا ده تركيب ولا ده تكيف سلوكي لا ده السلوك ده سلوك هو بيعمله انا هنا بسالك على الظروف المحيطه بيه كميه الميه اللي حواليه كميه الضوء اللي حواليه دي يا اد عوامل بيئيه او مواد بيئيه خمسه نقط تحدد الصفات الموروثه من الاباء بعض صفات الكائن الحي ها ده ايه ده دي العوامل الوراثيه هي اللي هتحدد ايه الصفات اللي هيورثها الكائن الحي من باباه طيب السؤال الثاني ده علامه صح او خطا واحد الصفات الوراثيه لها دور كبير في بقاء الكائنات الحيه اه طبعا الصفات الوراثيه ليها دور كبير في بقائهم زي ما قلت لك لو حيوان مثلا رجله طويله فده ساعده ان هو يهرب من الحيوانات يبقى هو ورث الارجل الطويله بتاعته وساعدته على الجري يعني على البقاء في البيئه اثنين حجم الموطن الحجم بتاع الموطن اهو ظروف بيئيه بيعد من العوامل الوراثيه اللي بتؤثر في بقاء الكائن طب ده بقى سؤال الحلقه هل حجم الموطن اللي هو عايش فيه ده عامل وراثي ورثه من مامته بابا لا طبعا لا ماارفش انا مش عارفه ده سؤالك لاثه تحدد الصفات الوراثيه شكل الكائن الحي وسلوكه واستجابته لتغير الظروف البيئيه اه طبعا يا اد الصفات الوراثيه هي اللي بتحدد الشكل بتاعه وهيتصرف ازاي دي صفات وراثيه وراثها من مامته وباباه لو شاف مامته وباباه مثلا بياكلوا بطريقه فلانيه ياكل زيهم بيهربوا من العدو بطريقه فلانيه بيهرب زيهم ا مامته وباباه رجلهم طويله فبيطلع رجله طويله زيهم فبتحدد الصفات الوراثيه شكل الكائن والسلوك اللي هيعمله واستجابته لتغيرات الظروف البيئيه اجابه صحيحه اربعه تؤثر العوامل البيئيه في سلوك الكائنات الحيه للبقاء على قيد الحياه طبعا يا اد مثلا العوامل البيئيه لو في وليكن الميه بدات تقل من البيئه دي هيبدا الكائن ده يعمل عمل ايه؟ حاجه من الاثنين لا اما يفضل يتحمل العطش لا اما سلوكه بقى يتغير ويبدا يروح يدور يهاجر بقى ويروح يدور على ميه في مكان ثاني يبقى العوامل البيئيه فعلا ممكن تاثر في سلوك الكائنات الحيه للبقاء على قيد الحياه خمسه لا تؤثر العوامل البيئيه على نمو النباتات في البيئات المختلفه العوامل البيئيه مش بتاثر على نمو النباتات ازاي بقى يعني الضوء مش بياثر ثر على النمو الميه ما بتاثرش على النمو خطا طبعا العوامل البيئيه بتؤثر وبس كده يلا بينا بقى ندخل على الجزء الثالث الجزء الثالث بقى حبايبي هناخد حيوان ونشوف ازاي بيقدر يتكيف على الحياه في البيئه بتاعته وهو غزال دور كاس غزال دور كاس ايه هو الغزال ده غزال حبايبي بيقدر يعتمد على تكيفاته السلوكيه والتركيبه يه للبقاء على قيد الحياه ده بقى لو انت عايز تشوفه تقدر تشوفه في المناطق الصحراويه وشبه صحراويه في مصر والشرق الاوسط الكائن ده حبايبي بيقدر يتكيف على الحياه في البيئه من خلال حاجه مهمه جدا لون الفراق بتاعه ده اللي بيساعده على التخفي في الصحاري ليه؟ لان الصحاري اللي هو عايش فيها دي اصلا بيكون لونها دهبي او بني فهو لون فراق نفس لون الصحاري اللون الفراق ده يا اد اسمع منك بقى لون الفراق ده عامل وراثي هو ورثه من مامته وباباه ولا ده ظروف بقيه حواليه لا لون الفراق ده من العوامل الوراثيه وده كمان تكيف تركيبي عنده طيب لون الفراق ده هو اللي بيساعده على التخفي في الصحاري طيب ثاني تكيف برده ان هو بيقدر يتحمل العطش علشان يبقى لعده شهور بدون ميه يعني ده عامل زي الجمل برده بيقدر يتحمل العطش ويفضل شهور ما يشربش يبقى لو جيت قلت لك ايه التكيفات اللي بتساعد غزال دركاس على الحياه في موطنه في البيئه الصحراويه دي هو لون الفراق وتحمله للعطش لون الفراق وتحمله للعطش هقول لك ازاي يعني بيقدر يتكيف على الحياه في المناطق الصحراويه تقول لي لون فرائده بيساعده على التخفي تحمله للعطش لانه بيقدر يبقى عده شهور بدون ميه. طيب تعالوا ناخد مثال ثاني على حيوانات برض بتتكيف بطريقتها وهي الطيور المهاجره في انواع معينه حبايبي من الطيور تركيب جسمها مساعدها ان هي تقدر تطير في الجو عادي وتهاجر من موطن لموطن اخر. طب قبل ما اكمل الهجره دي تكيف سلوكي ولا تركيبي؟ طبعا ده سلوك الكائن بيعمله. طيب يبقى الهجره ايه هو تعريفها؟ هو ان الحيوان ينتقل من مكان لاخر موسميا يعني في المواسم يا اد ممكن مثلا بيهاجروا في الشتاء او بيهاجروا في الصيف ايا يكن المهم ان ليهم موسم بيهاجروا فيه وده تكيف سلوكي زي ما انتم ما قلتوا يبقى الهجره هي انتقال حيوان من مكان لاخر موسميا انتقال حيوان من مكان لاخر ايه هي امثله الطيور اللي بتقدر تهاجر اشهر الطيور المهاجره هي السؤور والنصور طيب بيهاجروا فين بقى يا اد او ايه محطات الوقوف بتاعتهم وبيفضلوا طايين بقى على طول طول الصيف مثلا لا طبعا في محطات بيقفوا فيها او اماكن للهجره اشهر الحيوانات اللي بتهاجر حبايبي غالبا هي الطيور الطيور هي اشهر حيوانات بتهاجر على عكس اي حيوانات ثانيه طيب الطيور بقى حبايبي لما تيجي تهاجر ايه الاماكن اللي هي بتفضلها او بتحب ان هي تهاجر ليها قال لك يا سيدي نهر النيل والبحر الاحمر على فكره المناطق دي اساسا تعتبر من خطوط الهجره او محطات التوقف المهمه لملايين الطيور يعني اثناء هجرتهم بيحبوا ينزلوا عند نهر النيل وفي البحر الاحمر طب ليه بقى يا اد يعني ليه بيختاروا بالذات البحر الاحمر او نهر النيل كمنطقه توقف او يعني مكان بير يرتاحوا فيه اثناء الهجره بتاعتهم قال لك لان مناخ الشتاء المعتدل في مصر من عوامل الجذب الرئيسيه لاصراب الطيور المهاجره بيكون يا اد في مصر المناخ معتدل في الشتاء وده بيجذب او السبب الرئيسي اللي بيجذب اسراب الطيور المهاجره بيحبوا ينزلوا في منطقه البحر الاحمر ونهر النيل دي يا اد ليه علشان خاطر المناخ الشتائي المعتدل في مصر المناخ الشتائي المعتدل في مصر. طيب ايه بقى اصلا اللي يخلي الطائر كده يخرج من داره ويخرج يعني من موطنه ويروح لهاجر لموطن اخر؟ ثلاث اسباب رئيسيه غذاء تكاثر غذاء موطن احفظهم تكاثر غذاء موطن اول سبب من اسباب الهجره ان هم بيبحثوا عن موارد تساعدهم على التكاثر والحفاظ على نوعهم ثاني حاجه الغذاء بيبحثوا عن مصادر غذاء مختلفه عايزين ينوعوا ممكن مثلا البيئه اللي هم فيها خلاص الغذاء فيها قل او ما بقاش فيها تنوع غذائي فبيهاجروا علشان يبحثوا عن مصادر غذاء مختلفه ثلاثه موطن مناسب جديد الموطن مثلا بتاعهم المناخ ما بقاش حلو فبيبداوا يبحثوا عن موطن جديد يبقى اسباب الهجره ثلاثه تكاثر غذاء موطن تكاثر غذاء موطن تكاثر بيبحثوا عن موارد تساعدهم على التكاثر غذاء ذاء بيبحثوا عن مصادر غذاء جديده موطن بيبحثوا عن موطن جديد مناسب طيب هل بقى هجره الطيور دي حاجه سهله يعني كده بالساهل ما فيش اي تحديات بتواجههم قال لك لا ده في تحديات صعبه جدا بتواجههم اثناء هجرتهم اثناء الهجره يا اد بيعانوا من حوالي خمس تحديات اول حاجه نقص الميه والغذاء بيكون في نقص للماء والغذاء اثناء الهجره ما هم مش هيشيلوا معاهم وهم هم ماشيين فهم وحظهم بقى اثناء هجرتهم يبقى اول حاجه او اول تحدي بيعانوا منه نقص الماء والغذاء ثاني حاجه الحيوانات المفترسه بيقابلهم حيوانات مفترسه في الطريق ثالث حاجه الظروف المناخيه القاصيه ممكن مثلا الدنيا تمطر جامد عليهم الدنيا تبقى حر فجاه فما يتحملوش فممكن يموتوا فالهجره دي مش سهله خالص من ضمن التحديات اللي بتواجههم الظروف روف المناخيه القاصيه رابع حاجه والاخيره كله مناطق الراحه مش بيلاقوا يا اد مناطق راحه كتيره يرتاحوا فيها اثناء الهجره يبقى التحديات التي تواجه الطيور المهاجره الظروف المناخيه القاصيه الحيوانات المفترسه اللي ممكن تطلع عليهم نقص الميه والغذاء مناطق الراحه المحدوده لان مش اي مكان برده بيرتاحوا فيه فمناطق الراحه بالنسبه لهم اثناء هجرتهم بتبقى محدوده بسبب فقدان الموائل لان هم سايبين موطنهم المكان اللي كان قويهم تمام واللي كانوا بيتكيفوا على الحياه فيه فنادرا لما يلاقوا حاجه زيه يبقى مناطق الراحه المحدوده بسبب فقدان الموائل يعني فقدوا المكان اللي كانوا بيعيشوا فيه يبقى التحديات اللي بتواجه الطيور مناطق الراحه المحدوده بسبب فقدان الموائل طيب هل بقى الطيور بتقدر تتغلب على التحديات دي والله بتحاول الطيور بقى يا اد ما فيش حاجه بقى تعملها الا ان هي تعتمد على الصفات الجسديه الوراثيه للتغلب على هذه الظروف البيئيه للبقاء على قيد الحياه ما هي دي كلها ظروف بيئيه حواليهم حاجه حصلت حواليهم في الحاله دي ما فيش غير ان هم بقى يعتمدوا على صفاتهم الجسديه اللي هم ورثوها من ابائهم يعني لو حد فيهم بقى هيتحمل العطش حد فيهم يتحمل الظروف المناخيه القاسيه حد فيهم يتحمل نقص الميه والغذاء اي صفه بقى ورثها من مامته وباباه فيبدا الطائر المهاجر ده يعتمد عليها علشان يتغلب على الظروف القاصيه البيئيه اللي عماله تواجهه اثناء الهجره طيب هل بقى يا اد الطيور بتفضل في الموطن الجديد اللي هي راحت له ولا مسيرها ترجع موطنها مسيرها طبعا ترجع موطنها تاني لا تبقى الطيور والحيوانات الاخرى في المكان التي هاجرت اليه ولكنها تعود الى موطنها وده بقى لسببين السبب الاول التغيرات المناخيه القاصيه لو هم ما قدروش يتحملوها ثاني حاجه نقص الغذاء لو حصل نقص شديد في الغذاء فبيبداوا يرجعوا موطنهم مره ثانيه طيب هل بقى لما بيرجعوا ثاني ما بيرجعوش يهاجروا ثاني لا بيرجعوا وتفضل القاره تعيد نفسها مره ثانيه عندما تعود الحيوانات للمكان الذي هاجرت منه تتكرر دوره هجرتها من جديد يعني يا اد الحيوانات لما خلاص بقى بيفيض بيهم الكيل يبقى في تغيرات مناخيه قاسيه ونقص غذاء رهيب ما بيكملوش خلاص في الهجره دي وبيرجعوا الموطن بتاعهم ثاني يبقى ايه السبب اللي يخلي الطيور ترجع موطنها تغيراتها المناخيه القاسيه ونقص الغذاء تعالوا بقى حبايبي نحل اسئله الجزء الثالث ده علامه صح او خطا واحد تهاجر الطيور الى بيئات اخرى بحثا عن الغذاء والماوى اه طبعا صح بيبحثوا يا اد عن غذاء وموطن وعلشان التكاثر كمان اثنين تعتمد الطيور المهاجره على صفاتها الوراثيه للتغلب على الظروف القاسيه اثناء الهجره اه لو فعلا في تحديات واجهتهم بيئيه صعبه ظروف مناخيه قاسيه نقص غذاء وماء بيبداوا يشوفوا الصفات الوراثيه اللي هم ورثوها من الاباء والامهات على ويعتمدوا عليها اثناء الهجره دي فاجابه صحيحه. لاثه تعتبر مناطق البحر الاحمر ونهر النيل من مناطق الراحه للطيور المهاجره فعلا يا اد مناطق التوقف بتاعتهم بتكون في البحر الاحمر ونهر النيل ليه؟ لان المناطق دي بتكون المناخ فيها معتدل شتاء وده بيجذب اسراب التيور فاجابه صحيحه. اربعه نقص الغذاء والماء من التحديات الوراثيه التي تواجه الطيور المهاجره. هل نقص الغذاء والماء دي من التحديات الوراثيه اللي بتواجه الطيور المهاجره ولا دي تحديات بيئيه حاجه في البيئه؟ طبعا خطا تحديات بيئيه خمسه لا تبقى الطيور والحيوانات الاخرى في المكان الذي جرت فيه ولكنها تعود الى موطنها اه اكيد طبعا الحيوانات والطير ما بتفضلش عايشه في الموطن اللي راحت له هي بترجع موطنها مره ثانيه سته من اسباب هجره كره الطيور بحثها عن موطن جديد اه طبعا اسباب الهجره يا اد بتبحث عن مورد يساعدها على التكاثر وبتبحث عن مصادر ثانيه للغذاء وبتبحث عن موطن فمن اسباب الهجره فعلا البحث عن موطن سبعه يعيش غزال دركاس في المناطق الصحراويه الحاره اه فعلا بيقدر يعيش في المناطق دي اختر الاجابه الصحيحه اي مما يلي يعد من العوامل البيئيه التي تواجه الطيور المهاجره تحد تحديات بيئيه ظروف مناخيه قاسيه اه حيوانات مفترسه فعلا ده عامل بيئي حاجات في البيئه نقص الغذاء والميه برده دي تحديات بيئيه بتواجههم فالاجابه كل ما سبق اثنين من اشهر مناطق الهجره للطيور المهاجره نهر النيل البحر الاحمر المناطق الصحراويه الف وباء معا طب ده بقى ثاني سؤال تحدي في الحلقه وهشوف كل اجاباته في الكومنتس لو انت مركز يعني لاثه احد التكيفات السلوكيه حيث تنتقل الحيوانات من مكان الى اخر موسميا ده اسمه ايه؟ ايه التكيف السلوك اللي بينقل الحيوان من مكان لاخر في المواسم الهجره ولا الموت ولا النمو للانقراض الهجره اربعه تمتاز بعض الطيور بصفات نقط تساعدها على البقاء اثناء الهجره على عكس باقي الطيور بعض التيور يا اد بيكون عندها صفات جسديه او تركيبيه يعني هي اللي بتساعدها على البقاء اثناء الهجره مش اي طائر يقدر يهاجر الطيور يا اد اللي جسمها مهيا ان هي تطير لفترات طويله بس هي اللي بتقدر تهاجر يبقى تمتاز بعض الطيور بصفات جسم جسميه او يعني تركيبيه هي دي اللي بتساعدها على البقاء اثناء الهجره على عكس باقي الطيور وبس كده حبايبي خلصنا الدرس الاول من مفهوم ان شاء الله استنوني الحصه الجايه في الدرس ثاني السلام عليكم ورحمه الله وبركاته