اختبار سحرى لمعرفة إن كنت تحتاج لنظاره أم لا وبسيط جداً

او مش ممكن تحسنه اختبار بسيط ممكن نعمله في البيت بتجيب قلم او دبوس او وات ايفر وورقه يفضل لو وورقه قويه شويه يعني غلاف كشكول ولا غيره وبتبدا تعمل فيها اخرام زي ما انا بعمل كده اهو تمام بتعمل اربع خمس اخرام في الورقه بالشكل ده قريبين من بعض عادي جدا مش هيفرق المسافات ما بينهم اطلاقا وبعد كده بتجيب حاجه تكون عايز تقراها على المسافه اللي انت عايز تقراها وتحطها قدام عينك وتبدا تبص من الاخرام دي فهتلاقي لو شفت الصوره بشكل اوضح تبقى محتاج نظاره لو شفت الصوره زي ما هي او اسوا يبقى النظاره مش هتحسن عينك يبقى حتى لو كنت مش بتشوف كويس مش النضاره هي الحل انما ممكن يكون في مشكله ثانيه زي ميه بيضا زي ميه زرقاء زي سكر في الشبكيه حاجه زي كده ولكن لما طلعت وقلت هذا الكلام للناس كلت كميه شتايم وبالابتعاد ده ملايين الناس دخلت تشتمني يقول لك ايه الغباء اللي انت بتقوله ده طمنوني على الصوت والصوره وما تنسوش توصلوا الكلام ده لكل الناس عشان اللي شتمونا يسمعوا الرد العلمي ويوصل لهم هذا الكلام بتفاعلكم مع الفيديو ف اللي حصل بقى قال لك ايه ايه الغباوه بتاعتك دي يعني انا لما اشوف من الخرم الصغير ابقى انا عايز نظاره ولما ماشوفش منه يبقى مش عايز نظاره ايه الغباء ده ده يعني اني واي اشرح بقى الحل العلمي للموضوع ده ليه لان حتى تلاقوا الناس اللي هم عندهم طول نظر او قصر نظر او غيره لما يبصوا يعني كتير قوي الناس اللي عندهم مشكله في النظر تلاقيه ضيق عينه كده عشان خاطر يشوف وتلاقي من زمان او من وانتم صغيرين تلاقي الواحد لو عمل الحركه دي يشوف اوضح اللي هو محتاجين النظاره طب ليه انا قلت لهم جربوا بس بدل ما يجربوا دخلوا يشتموني القصه كلها ان الاشعه لما بتقع على العدسه العدسه بتجيب الاشعه دي عشان تحطها على الشبكيه الناس اللي عندهم قصر نظر او طول نظر ما بتقع على الشبكيه بتقع قدام الشبكيه او ورا الشبكيه فلما بيعمل الحركه دي بيخلي الشعاع اللي نازل من من الجسم ده مش هيقع على بيلغي العدسه تماما وبيو شعاع واحد مش اشعه كتير كل شعاع يروح على الشبك بشكل مباشر ده احنا بنعملها يعني كل عيادات العيون بتلاقي الدكتور بيحط لك كده خرام بعد ما يفحص عينك يشوف هل يا ترى البن هول هيحسن ولا لا وبعد كده بيعرف هل انت فعلا محتاج الناس اللي بيلبسوا نظارات يا جماعه عايزكم تردوا على الناس المتخلفين انا اسف اللي دخلوا يشتموني بدون اي سند علمي وقولوا لهم احنا جربنا كلام دكتور وليد قلعنا النظاره حطيناها على جنب ومسكنا الورقه شفنا كويس جدا لو حطيت الورقه دي قدام نظار وشفت اوضح من نظارتك يبقى النظاره بتاعه حضرتك محتاجه ايه محتاجه ان هي تعمل لها ابديت يبقى النظاره بتاعتك مش مكفيه عينك ولو عملت لها ابديت رحت عملت حسنها هتشوف احسن كمان من الصوره اللي انت شايفها بالنظاره بتاعتك طب فحص زي ده لو طفل قاعد في الفصل ورا ومش شايف السبوره كويس وقلتي له انت كامه او باباه بص حبيبي لما تروح المدرسه خد معاك الورقه دي وبص من خرام لو شفت كويس احسن قول لنا يبقى انت محتاج نظاره طبعا هو لو قال مش شايف مش هنستنى الورقه وبس المفروض ان هو يكشف والمفروض ان احنا نشوف عينه فيها مشكله ثانيه ولا لا ولكن اللي عايز اقوله ان واحد يقول لي الله طب ما كان لغوا النظاره العاديه وكان عملوا نظاره بتاعه الاخرام دي على فكره هذا الاختراع موجود في نظاره كده بلاستيك بتبقى عباره عن اخرام وفي ناس بيستخدموها كحل مؤقت لكن ليه ما تنفعش كحل دائم بترهق العين بتحد من المجال بتاع البصر ما ينفعش امشي بيها في الشارع ومش افضل حاجه هشوف بيه المجال بتاع الرؤيه مش هيبقى احسن حاجه لكن هيشوف بيه احسن من غيرها ولكن الصح والنظاره السليمه واحد يقول لك طب انا مثلا دلوقتي مش بقرا غير بنظاره القرايه لو ضاعت مني نظاره القرايه الافضل هو نظاره القرايه قلنا عشان خاطر اسباب كتير لو ضاعت مني نظاره القرايه وانا عاييز اقرا حاجه طارئه جواب طارئ ورقه طارئ هل لو انا عملت الحركه اللي انت بتقولها لي دي وبصيت من الاخرام هشوف الكلام اوضح اه هتشوف الكلام اوضح عموما ربنا يوفقكم وادينا شرحنا الحته العلميه بتاعتها ونشوفكم على خير في فيديو جديد وسلام