سجن فى بيت العيلة قصة ممتعة جداً روايات سما وميرنا

مساء الجمال على احلى متابعين في الدنيا كلها متابعين روايات سما ومرنا في كل مكان معاكم ميرنا النجار ووحشتوني قوي يا حبايب قلبي من القصه اللي فاتت والنهارده جايه لكم بقصه جامده جدا للكاتبه الجميله والموهوبه منال كريم وهتعجبكم قوي قوي قوي ودلوقتي تعالوا اقول لكم على حاجه صغيره كده التحكم الزايد بيدمر البيوت مش بيحافظ عليها وكل انسان ولظروفه وما ينفعش نحاسبه على حاجه مش بايده البيت اللي ما فيهوش رحمه بيبقى سجن حتى لو كان كبير وخلينا متفقين ان احيانا البعد بيعلم الناس قيمه بعض وبس كده تعالوا بقى نبدا قصتنا بس قبل ما نبدا يلا بينا نصلي على النبي عليه افضل الصلاه والسلام وما تنسوش تشتركوا في القناه وتفعلوا زر الجرس على كلمه الكل عشان يوصل لكم اشعار بكل قصه جديده بننزلها ويلا بينا ندخل ونشوف احداث قصتنا هيحصل فيها ايه في رمضان في بيت كبير في الصعيد بيت الحاج نعمان الحسيني الساعه 9:00 الصبح في المندره كانت قاعده سناء وبتبص على جوزها اللي قاعد جنبها شايف يا احمد شايف نسوان ولادي لساتهم نايمين يا خبت فيهم انت اللي غلطانه يا ما قلت لك شدي عليهم شويه ده انا شايله في قلبي وساكت عشان ولادك طالما ساكته يبقى تحملي انا ماشي على الغيط لما اولادك يصحوا خليهم يجوا ورايا خرج نعمان من البيت ونفخت سناء بدييق من ولادها ونسوان ولادها والساعه 10 الصبح بتصحى مي بزهق على رنه التليفون مدت ايدها وخدت التليفون وفتحت الخط الو صباح الخير يا مي صباح النور يا شيرين انت لسه نايمه يلا بقى الساعه 1000 حاضر انت نزلتي ولا لسه؟ لا لسه هصلي الضحى وانزل على طول. قومي كده اجهزي ويلا ننزل سوا. طيب ماشي هقوم على طول بقول لك كلمتي بسمله؟ ايوه كلمتها وهي كمان هتصلي الضحى وننزل. يلا انا سامعه صوت حماتك صحيت ودي مش هتسكت على التاخير. ما شاء الله عليها نشيطه وكده كده هي مش بتسكت. طب بسرعه بقى يلا. حاضر. بسمله وشيرين ومي ثلاثه سلايف بيجهزوا في نفسهم عشان ينزلوا الدور الاول عند حماتهم نزلت مي من الدور الرابع وكانت شيرين مستنياها في الدور الثالث حضنتها وقالت كل سنه وانت طيبه يا مي وانت طيبه يا شيري ونزلوا الاثنين للدور الثاني كانت بسمله مستنياهم كل سنه وانتم طيبين يا قمرات وانت طيبه يا بسمله صباح النور يا بسوسه صباح النور ونزلوا الثلاثه عند حماتهم وهم خايفين منها صباح الخير ما ردتش عليها وكانت بتبص عليهم بغضب ا كل سنه وانت طيبه يا ماما برده ما فيش رد منها وبتبص عليهم بغضب ايه يا ماما صاحيه من بدري صاحيه من الساعه 6:00 الصبح هو انا هنام زيكم لاخر النهار هو فين اخر النهار ده احنا لسه الصبح بدري ليه كده يا ماما صاحيه بدري اليوم طويل في رمضان انا مش برتاح الا لو كل حاجه خلصانه بدري واحنا نقعد فاضيين مش نتاخر لاخر دقيقه قبل المغرب اتكلمت شيرين بهزار زي العاده عشان تفك الجو يا عيني علي يا ماما مالكيش حظ في نسوان ولادك واحده زيك المفروض ما تعملش حاجه وهم اللي يخلصوا كل حاجه وانت حاطه رجل على رجل وما عملتيش كده ليه يا اختي يا ماما انا مش الكبيره ولا الصغيره انا اللي في الوسط يعني ما ينفعش اعمل واختي الكبيره موجوده وما ينفعش اعمل انا واختي الصغيره قاعده كده عيب في حقي طلعتي نفسك منها ناصحه قوي يا شيرين طول عمري اصلا هتقضوا اليوم كلام منك ليها ها يا ماما نعمل ايه واحده فيكم تعمل خلطه المحشي وتسلقوا الكرنب واثنين يمسكوا البط من فوق السطح وينظفوهم انا هعمل خلطه المحشي والكرنب لا يا بنت البندر هتعملي البط بلاش يا ماما انا بقرف هي كلمه واحده انت وميعملوا البط وبسم تخلص الحاجات اللي هنا يا ماما خليني انا مع مي كلمه كمان وخدوا بعضكم انتوا الثلاثه وغروا من وشي في الوقت ده نزل شهاب جوز شيرين صباح الخير ماحدش رد اصواتكم عاليه ليه الصبح كده تعالى شوف مرتك مشي ناحيه سناء وبس راسها صباح الخير ياما صباح النور يا ضنايا مين مزعل القمر مراتك ولا عاش ولا كان اللي يزعلك مزعله امي ليه يا شيرين؟ انا ما عملتش حاجه كل اللي قلته اني بقرف من تنظيف الطيور اسمعي الكلام يا شيرين من غير نقاش مع امي حاضر ومشيت شيرين مع مي ودخلت بسمله المطبخ بالراحه عليها ياما هي مش زينا وانا عملت ايه يا شهاب هي مرتك اللي ما بتعرفش تعمل حاجه ياما مرتي ما كانتش جايك والحمد لله اتعلمت حاجات كتير هو ده اللي انت فالح فيه تدافع عن مرتك المهم يا اخويا ابوك في الغيط من بدري صحي اخواتك ويلا على الغيط حاضر ياما وفوق السطح شيرين بتعيط وميا قالت خلاص بقى يا شيرين انت عارفه ماما ما بتحبش حد يكسر كلمتها انا مش بكسر كلمتها يا مي انا طلبت منها اعمل حاجه ثانيه وحتى بسمله وافقت معلش خلينا نخلص قبل ما ساره تيجي يوه كانت ناقصه ساره دي كمان افضع من امها بمراحل تيجي بس عشان تسمم بدن كل واحده فينا بالكلام وتمشي ربنا يسامحها وبعد شويه الثلاث بنات في المطبخ وتعبانين من الصيام والشغل الكتير واتنفض الكل لما سمع صوت ساره انتوا فين يا اهل الدار تعالي يا قلب امك البيت نور دخلت ساره وسلمت على امها وقعدت جنبها هو البيت عامل كده ليه ياما ماله يا ساره مش نضيف وفي ريحه مش كويسه عفشك ده حصره عليا يا بنت بطني بعد ما اتجوزتي ما لقيتش راحه نسوان اخواتك ايدك منهم والارض انت اللي غلطانه ياما المفروض تشدي عليهم شويه وبلاش دلع مالوش لازمه هعمل ايه بس يا قلب امك تعبت من الكلام معاهم ودول ما بيفهموش وكل واحده جوزها مقويها على امه نعم ياما اخواتي مجويين سوينهم علي يا دي الخيبه يا حصر على الرجاله وابويا رايه بيقول لي انت السبب عشان ساكته ما بتتكلميش عنده حج انت غلطانه غلطانه انك ساكته يلا ياما هدخل اشوفهم بيعملوا ايه في المطبخ وفي المطبخ البنات كانوا سامعين كل حاجه من غير ما واحده فيهم فكرت انها تخرج وترد دخلت ساره وهي بتبص حواليها عاملين ايه؟ الحمد لله انت عامله ايه يا ساره سيبك من الكلام ده مزعلين امي ليه ما حدش يقدر يقرب على امك يا ساره وانت عارفه كده يعني امي بتكذب يا ست شيرين لو سمحتي يا ساره انا مش ناقصه وفيا اللي مكفيني ومالك يا اختي ايه اللي ناقصك عايشه عيشه ملوكي خالص يا ساره الدنيا صيام وهي تعبانه من الشغل فين ولادك يا ساره ماجوش معاكي ليه وانت فاكره كده يا بسوسه انك نصحي وبتغيري الموضوع انا بس مش عايزه نبدا اليوم بم المشكله يا ساره وانا هسمع كلامك عشان انت الكبيره وبنت خالتي واخت جوزي وانت مش ناويه تفرحي قلبي في حاجه كده ولا كده اتجمعت الدموع في عيون مي وما عرفتش ترد خدت بسمله ساره وقالت تعالي يا ساره ده انت وحشتيني قوي قوي طبطبت شيرين على كتف مي ما تزعليش يا حبيبتي مش عارفه ليه ساره بتحب توجعني بالكلام هي كده مع الكل ربنا يسامحها ربنا يسعدك ويرزقك ببنت جميله وتسميها على اسمي يا رب يا شيرين يا رب وعدى اليوم صعب وثقيل على شيرين ومي من كلام ساره انا تعبت من كلام ساره فرصه ليها اني مش بخلف عشان تضايقني براحتها وانا كمان عشان من القاهره ومش من الصعيد ومختلفه عنكم شويه يلا يا بنات المغرب قرب محظوظه انت يا بسوسه ما حدش يقدر يتكلم معاكي طبعا بنت خالتهم وكمان ساره متجوزه اخوكي خمسه وخميسه في عينيكم وشالت الاطباق وهم وراها وعلى اذان المغرب اتجمع الكل على الفطار منوره يا جلب ابوكي بنورك يا ابوي سامر جوزمي ايه يا ساره زياراتك جليله ليه نهار اسود لو زودت في الزيارات عن كده هتعمل ايه هتولع فينا وتمشي لا يكون شريف هو اللي منعك رد شريف وقال انا اقدر برده شريف ابن اصول امال مش ابن اختي الغاليه احمد جوز بسمله امي بتحب شريف وبسمله اكتر مننا بحبكم كلكم يا اد يا حبيبتي ياما كان الكل بيتكلم ويضحك مع بعض الا شيرين اللي شايفه نفسها غريبه عنهم ومي اللي حاسه بالنقص وبعد يوم طويل كانت قاعده مي في اوضتها وبتعيط دخل سامر وقعد قدامها انت مش بتبطلي عيط ليه عايزني اعمل ايه؟ عايزك مبسوطه دايما يا حبيبتي قام سامر فتح التلفزيون وشغل ماتش ومي كانت حزينه وبتبص عليه سامر طلقني ضحك سامر عشان مش اول مره تطلب منه كده حاضر اول ما الماتش يخلص هطلقك على طول انا مش بهزر انا بقول طلقني وانا قلت ماشي اخلص الماتش واطلقك على طول قامت وقفت قدامه وصرخت سامر والله مجنونه انت بارد ومستفز بقول لك طلقني ما ردش عليها وقعدت جنبه سامر انا مش هقبل انك تعيش مع انسانه عمرها ما تكون ام انت عمرك ما هتكون اب معايا انا عارفه ان اهلك طلبوا منك اكت من مره تتجوز وانت بترفض طلقني طلقني وارتاح وانا كمان ارتاح انت مش مرتاحه معايا يا مي ما ردتش عليه حبيبتي والله انت كل حاجه ليا في الدنيا بنتي وحبيبتي ومراتي ومش عايز حاجه من الدنيا ثاني غيرك ده امر الله لازم نرضى ونحمد ربنا ونشكره على كل النعم والله العظيم انا راضيه وبشكر ربنا على النعم الكتير اللي عندي بس مش عايزه اظلمك معايا وانا راضي ومبسوط وبعدين قدامنا العمر طويل لسه بدري على كلامك ده لسه بدري ازاي بس ده احنا بقىنا سنتين متجوزين امر الله طلقني يا سامر بلاش تقول الكلمه دي كفايه بقى يا مي كفايه فيها كلام مالوش عازه اقفل الموضوع ده لا مش هقفل الا لما تقولها هتكوني مبسوطه ايوه هكون مبسوطه الله يهديكي اسكتي شويه مش هسكت يا سامر لو سمحت طلقني ما ردش عليها وخرج من الاوضه وهي قعدت تعيط بحزن وفي اوضه شهاب انا مش عايزك تزعلي من امي يا شيرين انا مش زعلانه من حد مش زعلانه وانت وشك كده وانت عايزني اعمل ايه يعني يا شهاب النهارده بدل ما تقف معايا وقفت مع امك وانت عايزاه نجف قصاد امي لا انا مش عايزه كده كل اللي انا عايزاه ان حماتي تحبني زي بسمله امي بتحب الكل انت هتقول لي امك قلبها طيب قوي تصبحي على خير هنام شويه قبل السحور نفخت شيرين بعصبيه نام يا اخويا وفي اوضه احمد اتفضل يا حماده تسلم ايدك احسن واحده تعمل كنافه بالهنا والشفاء كنت عايزه اكلمك في حاجه اتفضلي عايزاك تكلم ساره تخف شويه على شيرين ومي يعني كلنا عارفين ان شيرين من القاهره واتعلمت حاجات كتير ما كانتش عارفاها وده عشان ترضي الكل ومي موضوع الخلفه مش بايديها دي حاجه بايد ربنا اتكلم معاها وقول لها كفايه كلام امك عليهم انت فاكره اني مش بتكلم معاها اتكلمت معاها كتير والله وعلى فكره شهاب وسامر اتكلموا معاها وطلبوا منها بلاش تضايقهم بكلامها ربنا يهديها اذا كانت شيرين او مي كل واحده فيهم فيها اللي مكفيها واختك مش بترحم مي وعشان موضوع الخلفه طب وشيرين مالها بقى ربنا رزقها بولد وبنت صحيح شيرين بقى لها سنه متجوزه ومخلفه وعايشه هناك بس لسه بردك في حاجات كتير هي مش عارفه تتاقلم عليها ومش عارفه تتعايش معانا المفروض بقى ان احنا نحس بيها ونقدر حاجه زي دي عندك النهارده مثلا هي بتجرف من تنظيف الطيور وامك عارفه كدهده بس صممت ان شيرين تنظف الطيور حتى انا طلبت منها ان اعملهم رفضت شيرين حياتها نه متغير عن حياتها في القاهره ربنا يهدي الحال وبعد ما خرج سامر رن على شهاب واحمد يخرجوا عشان يقعدوا مع بعض وعلى القهوه كانوا الثلاثه قاعدين قال شهاب مالك انت كمان شكلك مخنوق الطبيعي خناجت قبل النوم انا كمان نفس الموضوع خناجه كل لحظه شكلكم يضحك بطل يا عم كلامك ده صحيح ما انت محظوظ يا احمد ربنا يبعد عينيكم عني بص يا شهاب اسمعني شيرين ضحك بحاجات كتير عشانك وانت عارف ان شيرين بتحبك ومش عايزه حاجه من الدنيا غيرك بس طبيعي تحس بالغربه وهي عايشه هناك ضيف عليهم بقى تحكمات امك وكلام اختك عارف ومقدر كل ده ودايما بحاول اهون عليها ربنا يسعدكم يا عم فارس انتم مشكلتكم سهله ما حدش يقدر ينكر ان الحرمان من الاطفال شيء صعب بس لازم ترضى بقضاء ربك يا سامر انا راضي بس مي اللي ما فيش على لسانها الا الطلاق هي معذوره بردك انا عارف انها معذوره وكمان هي راضيه بامر الله بس بتقول لي طلقني عشان كده بظلمك معايا تخيلوا ميا عايزه تنسى حب السنين عشان حاجه مش بايدينا انا بجد بجد تعبت ومش عارف اعمل ايه معلش اتحمل هي الفتره دي حالتها النفسيه مش كويسه يلا قوم وصالحها ربنا يهديها ويشيل فكره الطلاق من دماغها يلا يا شباب خلينا نلحق السحور رجعوا البيت واتجمعوا على السحور وبعدين الرجاله راحت تصلي الفجر وفي اوضه سامر رجع من صلاه الفجر وكانت مي بتمثل النوم مي رغم اني مش غلطان في حجك وانت اللي غلطانه بس وماله حجك علي انا بحبك ومش عايز غيرك يا بنت الناس ولو ما فيش نصيب اكون اب منك انا مش عايز ولاد خالص عشان بحبك يا مي حاولي تفهمي اني بحبك انا كل ثانيه بحمد ربنا وبشكر فضله انه رزقني بزوجه زيك بلاش توجعي قلبك وقلبي انا بحبك وانت بتحبيني وده كفايه قلبي بيتقطع لما بشوفك كده حضنتها مي وعيطت بصوت عالي من غير ما تقول ولا كلمه وهو طبطب طب عليها بحنان وبعد اسبوع ابو مي شعبان خير يا ابو احمد طلبت الناجي انا وام مي بعد الفطار على طول عايز اكلمك في موضوع مهم ويا ريت ما تاخدش على خاطرك مني خير ان شاء الله انا جلقت لما طلبت تقابلني بصت سناء على سامر ومي اللي قاعدين جنب بعض ومش فاهمين حاجه مي بقى لها سنتين متجوزه وعملنا كل حاجه ورحنا لدكاتره وعملت عمليات وما فيش فايده والموضوع ده ما ينفعش اسكوت عليه قصدك ايه يا ام سناء احنا جايبينكم هنا عشان نعرفكم ان سامر هيتجوز نزلت دموع مي وسامر انتفض من مكانه ايه الكلام ده ياما انت اتجننت يا ابني تعلي صوتك على امك انا ما اقصدش كده بس مين قال اني عايزه اتجوز يا بنتي حرام علي حرام علي نفسك كفايه عياض بقى ده امر الله ام مي خدت مي في حضنها ما تزعليش عليه اللي باعك اوعي تنزلي دمعه عليه مي انا ماعرفش حاجه عن الكلام ده صدقيني تعرف ولا ما تعرفش وهو انت هتعمل حاجه غلط انت هتتجوز عشان تجيب لك حته عيل مش عايز كل اللي انا عايزه مي وبس كفايه يا بتي قلبك هيقف من كتر العياط مي كانت بتعيط بس من غير ولا كلمه حبيبتي ولو فضلت اقولها من هنا لاخر يوم في عمري مش هقدر اقول لك انا بحبك قد ايه يا بنت انا حبيتك من وانت عايله صغيره واتمنيت انك تكوني حلالي بحبك يا اجمل ماليه في الدنيا ومش عايزه اكون اب لو مش انت ام ولادي افهمي وريحي قلبك وقلبي يا مي عامل في نفسك ليه يا ابني انا قلت من الاول بلاش الجوازه دي ما سمعتش كلامي كفايه لحد كده يا حاج نعمان بنتي مالهاش مكان هنا بعد كلامك ده بلاش كلامك ده يا عمي انا بحب مي ومش هفرط فيها ابوك وامك مش عاجبهم الكلام ما حدش ليه دعوه بحياتي دي احترم نفسك يا سامر وانت بتتكلم معانا بلاش تعملته يا ابوي انا بحب مي وساعدتي معاها هي وبس اخر كلام عندي مي هتعيش هنا معززه مكرمه بس انت هتتجوز واحده ثانيه قامت مي من مكانها واخيرا اتكلمت طلقني طلقني يا سامر اوعي تقوليك دي اوعي تقولي الكلمه دي ثاني سمعت يا سامر هي مش باقيه عليك انا مش باقيه عليه انا حياتي كلها هو سامر بحبه من اول ما فتحت عيني على الدنيا يوم الصعد لما بقيت مرته اتعاملت معاكم كانكم اهلي اتحملت منكم الاهانه وكلام زي السم وقلت معلش من زعلكم على سامر بس توصل انكم تجيبوا اهلي لحد هنا وتقولوا لهم الكلام ده من غير رحمه يبقى خلاص ماهيش عايشه معاكم اتحركت عشان تمشي سامر مسك ايدها وقال طلق مش هطلق يا مي شدت ايدها ومشيت ورا ابوها وامها جريت بسمله وشيرين عليها استهدي بالله بس يا مي واطلعي اوضتك دلوك سامر بيحبك وانت عارفه كده ما بقاش ينفع ومشيت مي بطولها من غير ما تاخد حاجه من البيت بصت شيرين على بسمله وقالت بدموع البيت ده عامل زي السجن هو مش بيت ده سجن والناس اللي فيه ما عندهمش اي رحمه طلعت شيرين جاريه على اوضتها وبسمله دخلت المطبخ بحزن عليهم هم الاثنين سامر كان بيبص على امه وابوه قلب بحزن مبسوطين دلوك احنا عملنا كل ده عشان مصلحتك عشان مصلحتي طب ازاي وانا مصلحتي مع مي واهي مشيت بسببكم خليك راجل مش ناقص غير تبكي على حرمه نزلت دموع سامر من غير كسوف وماله لما ابكي عليها هي حبيبتي وكل حاجه ليا في دنيتي ده انت اتجننت يا ابن سناء واقف من غير حياه ولا خشه تبكي على واحده ست الست دي مرتي وحبيبتي ايه المشكله ان ابكي على وجعها اخرص مش عايز اسمع صوتك غور من وش السعادي مشي سامر بحزنه وخرج من البيت وهو مش عارف يروح فين وبالليل في قصر نعمان في اوضه شهاب رجع شهاب من بره لقى شيرين قعد على السرير ومنهاره من العياط جري عليها وسال بخوف مالك يا حبيبتي بتعيطي ليه؟ ما ردتش عليه وبقت تمسح دموعها وايدها بتترعش ردي عليا يا شيرين مالك انا تعبت ومش عايزه اكمل. قصدك ايه؟ قصد ده مش بيت ده سجن. البيت ده مش بيت عيله. لا هو سجن. سجن العيله لازم اللي فيه يكون زي ما هم عايزين او يعيش في جحيم. انا مثلا من القاهره مش منكم يبقى معش ما ينفعش. واللي زي مي ربنا ماكرمهاش بالخلفه يبقى برده ما تنفعش. اما بسمله فمنكم وقاربتكم تبقى حلوه صح. ايه طريقتك دي؟ وطي صوتك وانت بتتكلمي معايا. انا مش عايزه اتكلم اصلا. انا عايزه امشي من هنا مالك يا شيرين فهميني في ايه انا سايبك كويسه مي سابت البيت ومشيت ليه كدهده حكت شيرين اللي حصل ونهت كلامها قو لي يا شهاب هو ذنب مي انها مش بتخلف دي حاجه بتاعه ربنا اللي يعملوا فيها وفي اهلها وقبلهم في سامر اللي بيعشق مي كده طب اهدي بس اهدي يا شيرين بجد مش قادره اتحمل يعني عايزه ايه يا شيرين تبعدي عني وتسيبيني طب انا عليكي ولادنا هانوا علي برده لا انت ولا هم تهونوا عليا كل الحكايه ان انا اعصابي تعبانه حقك علي وفي اوضه احمد حكت بسمله على كل اللي حصل ده كل اللي حصل يا احمد ليه بس كده يا ابويا لابويا يعمل كده انا متاكده ان ده راي خالتي هي ياما دماغها سم انا زعلانه قوي عشان مي وكمان شيرين شافه في البيت ده كتير قوي والله انا كمان زعلان عليهم قوي ربنا يرزق زق سامر امي بالذريه الصالحه ويهدي امي من ناحيه شيرين خليها تعرف تعيش هنا عارف يا احمد انا خايفه شيرين امي يكرهوني ليه بتقولك ده وبعدين حد يكره القمر ده تسلم يا حماده بس لما بحط نفسي مكانهم بقول المفروض يكرهوني انت شايف الكل بيعاملني ازاي وفي المقابل معاملتهم لشيرين ومي عامله ازاي حاجه مالكيش ذنب فيها المهم هتسكت يا احمد على خراب سامر لا طبعا لازم اتكلم مع ابوي. خرج احمد من الاوضه في نفس الوقت خروج شهاب. عرفت اللي حصل مع الاسف عرفت. تعالى نتكلم مع ابوك يلا بينا. وفي اوضه نعمان ينفع كده يا ابويا هو ده كلام بردك وكمان احنا في ايام مفترجه ليه تعمل كده وقبل ما يرد نعمان زعقت سناء جرى ايه يا اد هزين طولكم وجايين تحاسب ابوكم يا حبيبتي لا عاش ولا كان نحاسب ابويا احنا بس بنشاور على غلط ممكن يكون مش شايفه لا وانت الصادق كل واحد فيكم سمع من مراته وجاي يحاسبني يا ابوي حاول تفهمنا ليه عملتك لو سمحت يا ست الكل وحضرتك يا حاج نعمان عايزين مي ترجع احنا في رمضان وداخلين على عيد ما حدش طلب منها تمشي بعد اللي حصل ده كان لازم تمشي انا مصدع ومش عايز اسمع كلام فارغ يلا اخرجوا من هنا وشوفوا شيرين وبسمه اللي هينزلوا يحضروا السحور ولا جوم انا خرج احمد وشهاب ورنوا على سامر من غير رد وبعد ثلاث ايام سامر مارجعش البيت فيهم على اذان المغرب كانوا قاعدين على السفره دخل سامر الحمد لله على السلامه يا سامر اخصى عليك كنا جربنا نتجنن عليك يا اخي مشي لحد السفره وبص على ابوه وقال هو انت يا ابويا مش جلجان علي ماردش نعمان عليه للدرجه دي انا مش فارق معاك عامل كل دهله يا سامر يا ريتها كانت تستاهل هي تستاهل كل خير تعالى يا سامر اقعد اقعد وافطر معانا شكرا مش عايز انا جاي بس ابلغكم ان طول ثلاث ايام بدور على بيت والحمد لله جيت انا هعيش في بيت لوحدي بعيد عنكم عشان خاطر ارتاح انا ومرضي لو كده يبقى تنسى ان لك اهل ومن النهارده انا هعتبرك ميت ليه كده يا ابويا مش عايز اسمع صوت واحد فيكم اللي هيتكلم يطلع بره البيت ويحصله وطلع نعمان على اوضته اخسى عليك يا ابن بطني وطلعت ورا جوزها ليه كده يا سامر ما فيش حل ثاني يا احمد انا بحب مرتي وعايزها. وخرج سامر من قبل ما يسمع كلام من حد وفي بيت شعبان ابو مي كانت قاعده مي بتفطر وعقلها مشغول ان سامر ما سالش عليها وافتكرت انه كده هيتجوز خبط الباب غريبه من ياجي دلوك قام وفتح وكان سامر سامر اتفضل يا ابني اتفضل افطر معانا دخل سامر وسلم على حماته وما بصش على مي وقعد كل معاهم من غير ولا كلمه وبعد الفطار قعد سامر مع شعبان وام مي ومي منور يا ابني بنورك يا عم شعبان اسف ان الزياره دي اتاخرت بس كنت مستني اجي بايدي مليانه يعني ايه يا سامر يعني انا طول الثلاث ايام دول كنت بجهز بيت نعيش فيها انا ومي بعيد عن تحكمات اهلي انا بحب مي وما عنديش مانع في موضوع الحمل كل شيء بامر الله كلامك ده جد ولا هزار انا جاي اخد مرتي يا عم شعبان لو هي موافقه انا ما عنديش مانع اني جاهزه ده ربنا يسعدكم يا رب وبعد شويه في بيت سامر الجديد ما شاء الله البيت جميل قوي يا سامر ما ردش عليها برده قعدت قدامه وقالت انا ملاحظه انك مش بترد عليا خالص بص عليها من غير رد هو في ايه يا سامر برده لسه ساكت اوعى تقول انك مخاصمني لوت اني اسفه حقك علي مع اني مش عارفه السبب بجد مش عارفه السبب ايوه مش عارفه السبب يعني الكلام مالوش لازمه قو لي في ايه؟ وجعت قلبي لما طلبت مني الطلاق وسبت البيت ومشيتي. حقك عليا يا سامر كان غصب عني كلام ابوك وامك كان جاسي قوي مش مهم اي حد المهم انا. مسك سامر ايدها والله العظيم بحبك وما فارج معايا حاجه غير انت وبس. لو مكتوب كنب اكون منك منك انت غيرك ده. مش عايز يا مي بلاش نكد بقى او كلام في الموضوع ده ثاني. وانا بحبك وكنت بموت وانا بجك ده والايام اللي عدت بعيد عنك كانت عذاب خلينا ننسى اللي فات يا رب اجيب ولد شبهك يا رب تكون بنت جمر زيك كده ربنا يبارك فيك ويحفظك ليا من كل شر ولك بالمثل حياتي وفي اليوم الثاني سامر راح البيت وعزم اهله بس نعمان وسناء رفضوا يجوا وفي بيت سامر على الفطار منورين يا جماعه بنورك ما شاء الله البيت حلو فعلا مريح للاعصاب تسلم ايدك يا مي الوكل جميل بالهنا والشفا القاعده كانت هتحلوي لو عمي ومراه عمي كانوا هنا ربنا يهدي النفوس مي اني اسفه ليكي على كلام القاسي لما سامر غاب عن البيت ثلاث ايام قلبي وجعني عليه وعليكي سامحيني يا مي انت اختي يا ساره ومش زعلانه منيكي وانت يا شيرين زعلانه مني لا طبعا انت غاليه عشان اختي الغالي حبيبه قلبي يا شيري ربنا يديم المحبه بينا وسهروا مع بعض وكانت السهره جميله وبدات حياه سامر وميل احسن بعيد عن كلام حد اما شيرين فلسه حماتها بتعاملها معامله صعبه ودايما بتقارن بينها وبين بسمله كانت قاعده في اوضتها زعلانه زي العاده دخل شهاب بسعاده قاعده هنا ومش عارفه ايه اللي حصل يا شيري في ايه خبر حصري امي وابويا بيتسحروا في بيت خالتي مع ساره انا عارفه وكمان احمد وبسمله والعيال معاهم عارفه وعارفه انهم خدوا معاهم ايوه يبقى يلا بسرعه مش فاهمه حاجه تعالى اقول لك في المطبخ وفي المطبخ كانت قاعده شيرين وشهاب هو اللي بيحضر السحور ايه الدلع ده يا شهاب من حجك الدلع يا جمر ربنا يبارك فيك ويفرح قلبك زي ما بتفرح قلبي بالحاجات البسيطه دي وعندي ليكي خبر حلو كمان ايه هو طلبت نجل من الشركه هنا للشركه اللي في القاهره بجد يا شهاب بجد يا حبيبتي انا شايف ان بقىك سنين وانت بتحاولي تتاقلمي هنا بس في حاجات صعبه علي وبتضايقك فانا قررت اخد الخطوه دي ونعيش في القاهره طيب ا وعمي ومراه عمي يقولوا ايه عشان خايف على زعالهم وكمان من وقت ما سامر ساب البيت وهم مش في حالتهم الطبيعيه فانا هقول ان الشركه هي اللي قررت تنجلني مش انا اللي طلبت خوفا على مشاعرهم يعني فكره حلوه مبسوطه قوي قوي يا رب دايما هنسافر امتى بعد العيد ان شاء الله وبعد شهرين كان شهاب نقل في القاهره هو ومراته واولاده ولسه سامر وميا عايشين في بيت لوحدهم وفي بيت نعمان كانت بسمله في المطبخ بتحضر الفطار خلصتي الفطار يا بسمله؟ ايوه يا خالتي طب يلا بسرعه عشان عمك عايز يروح لغيط انا خلصت وعلى السفره بص نعمان على احمد وبسمله واولادها محمد ومحمود وانت مش ناوي يا احمد مش ناوي على ايه يا حاج تاخد مراتك وتسيب البيت زي اخواتك ونعيش انا وابوك لوحدي ده كاننا ما عندناش عيال انا لا يمكن اسيب البيت اخواتك عملوها قبلك شهاب عشان شغله وسامر عشان يفض المشاكل وبعدين يا عمي هم دايما بيجوا هنا بس انت وخالتي خلوا قلبكم يحن البيت بقى فاضي احنا معاكم اهو انتوا الغاليين ربنا يبارك في عمركم ما احنا بنتجمع كل جمعه رغم ان انت وامي لسه زعلانين منيهم بس هم محافظين على الزياره عشان رضاكم تفتكر انا عايز اخرف بيت ولادي اكيد لا يا ابويا وطالما لا اخواتك عملوا فيا كده ليه يا عمي الظروف اللي اضطرت انهم يعملوا كده وبلاش نتكلم في الماضي وان شاء الله الايام تحل كل حاجه يا رب يلمي شملنا من تاني وفي القاهره اتفضل يا شهاب الشاي شكرا يا شيري بقى لنا شهرين بس هنا وانت باين عليك الزعل اكذب علي لو قلت اني مش زعلان تفتكر لو انت زعلان انا هكون فرحانه خلينا نرجع وانا اتحمل كل حاجه علشانك الحمد لله اننا لسه ما حولناش ورق العيال من المدرسه بتتكلمي جد يا شيرين؟ ايوه يا حبيبي بتكلم بجد ونخلي الشقه دي زي ما هي نبقى نيجي في الاجازات انا بحبك قوي وانا كمان وفي بيت سامر منور يا ابويا منوره الدنيا ياما بنورك يا ضنايا فين مرتك عايزكم في كلمتين انا هنا يا عمي بحضر الغداء خلي الغدا بعد ما اخلص كلامي خير يا عمي انا اسف ليكي يا مي حسبتك على حاجه مالكيش ذنب فيها وانا كمان اسفه على كل كلمه قلتها ليكي يا بتي ما حصلش حاجه الشهرين دول كانوا درس جاسي لما فجاه لقيت البيت بيفضى علينا البيت ناقص من غيركم عشانكده بطلب منك انت ومراتك ترجعوا البيت ونوعدكم مش هنتكلم عن موضوع الحمل ده ثاني ايه رايكم يا اد انا بيتي وحشني قوي يا سامر ما حدش يقدر يرفض لك كلمه يا حاج زغرطت سناء وسافر نعمان وسناء القاهره عشان يعتذروا لشيرين وبعد سنه العيله متجمعه في حفله سبوع ابن سامر ومي واتعلم نعمان وسناء من بعد ولادهم بلاش التدخل في حياتهم كل واحد عارف مصلحته وعاشت العيله في سعاده وهنا وبكده تكون خلصت قصتنا اتمنى انها تكون عجبتكم وهستناكم تشاركوني في التعليقات عن اكث شخصيه حبيتوها في القصه وما تنسوش تفرحوني باللايك والاشتراك في القناه عشان يوصل لكم كل جديد مع السلامه