قصة منير من حمال في سوق الخضار إلى أخطر تاجر في السوق

اصعب شعور ممكن تعيشه في هذه الحياه انك تعيش وسط خدعه انا انولدت في فمي ملعقه من ذهب وبغمضه عين انا صرت شخص ابيع المويه عند الاشاره انا ممكن اكون اكثر شخص في هذا الكون انظلم انا اليوم هنا ما جيت اقول قصتي عشان تتعاطفوا معاي انا اليوم جيت هنا عشان احكيكم قصه كفاح رجل انا انظلمت انا انسجنت انا عشت في اهانه وفي الاخير انا اكلت اكبر صدمه في حياتي السلام عليكم انا اخوكم فهد فوه واتمنى ان قصه اليوم تعجبكم واذا عجبتكم لا تنسوا اللايك واذا ما كنت مشترك اتمنى انك تشترك روايتي التعويذه موجوده في جميع فروع جرير داخل المملكه وخارجها واذا كنت في اي مكان موجود في العالم راح تلقى الرابط موجود في صندوق الوصف ادخلوا على الرابط يا جماعه وحددوا وين مكان دولتكم وراح توصلكم الروايه الين باب بيتكم مشاهده ممتعه انا اسمي منير بدات قصتي وانا طالب في الجامع وقتها كنت في السنه الثالثه في الجامعه بقي لي سنه يا جماعه الخير واتخرج كنت من عائله اللهم لك الحمد عايش في خير ونعمه وعايش في ثراء كبير والدي لما كان يمشي في اي مكان الكل يضرب له الف حساب كان الكل يتمنى انه يتقرب منه الكل يتمنى انهم يصاحبوه افتكر كل العزايم اللي كان والده يسويها عندنا في البيت كان الكل يجري عشان يحضر هذه العزايم والده كان انسان طموح جدا وانسان ناجح في حياته كان عنده شيء مميز الميزه هذه اللي كانت موجوده فيه كانوا الناس الكبار التجار اصحاب المناصب الكل يتواصل مع والده عشان ياخذوا منه هذه الميزه اللي كان يتميز فيها والده وميزه والدي كانت هي العلاقات علاقاته كانت كبيره وقويه مع الناس داخل البلد اللي احنا عايشين فيها وخارجها ووالدي ما ولد غني لا والدي جابها من الصفر يا جماعه كان دائما ينصحني يقول لي يا منير اصحى صلاه الفجر ومن بعدها لا تنام يا ولدي كنت طالع فيه كذا واستغرب اقول ليش يعني حتى لو ما عندي شيء اصحى للفجر قال لي ايوه حتى لو يومك فاضي حتى لو كان عندك اجازه اصحى وصلي الفجر في المسجد وبعدها ابدا يومك كنت استعجل من كلامه ولكن لما انا تعمقت معاه في الكلام اكثر واكثر عرفت يا جماعه انه الفضل او الرزق اللي جا لوالدي طبعا من بعد الله ثم صلاه الفجر رغم العز والثروه اللي انا كنت عايش فيها الا تربيه والدي لي كانت تربيه جدا حازمه والدي طبعا يا جماعه اسمه جمال كنت دائما لما اسوي شيء غلط كان والدي دائما يعاقبني ويقول لي هي كذا على طول يقول لي شوف يا منير انا راح اربيك نفس ما جدك رباني انا ما راح اربيك نفس التربيه الحديثه هذه على قولتهم من صغري وانا ادرس في المدارس الخاصه ومو اي مدارس خاصه المدارس اللي سعرها جدا جدا جدا عالي يعني انتم متخيلين المدرسه اللي كنت ادرس فيها في المرحله الابتدائيه يا جماعه اغلى من الجامعات الخاصه اللي موجوده في بلدنا والدي كان يعني ما يضايقه هذا الشيء بالعكس كان يقول يعني انا استثمر فيك يا منير هذا الشيء انت روح المدرسه بسواك وكان عندنا في بيتنا العاملات وكان عندنا عامله بس للطبخ وعامله بس للنظافه حياه رفاهيه يا جماعه لما تخرجت من الثانوي والدي اهداني سياره من نوع جدا حديث السياره هذه لو موظف عادي يبغى يشتريها اقل شيء يقعد يعني يشتغل ثمانيه او سبع سنوات عشان يقدر يشتري هذه السياره اللي انا جتني بعد ما تخرجت من الثانوي تصرف والده جمال معاي كان تصرف حازم كان دائما يقول لي لا تتكبر لا تشوف نفسك لا تتغير على الناس راس مال الانسان اخلاقه وبسبب هذه الاخلاق انت حتكون فيها علاقات اكثر واكثر اكثر لا تستهين بالعلاقات يا ولدي العلاقات بحد ذاتها هي راس مال جدا كبير قلت له ايش حستفيد يعني انا ذحين لما اتعرف على فلان وفلان وفلان ايش استفيد منه طالع في والدي جمال قال لي يا ابني الفائده الحقيقيه مو لازم انك تستفيد من هذا الشخص الشخص هذا مو لازم يفيدك بماله مو لازم يفيدك بعلمه ممكن في يوم من الايام يفيدك انك تكون متضايق ويسعدك وممكن في يوم من الايام لو نيجي نتكلم في الجانب المادي مريت في ضيقه ماليه يساعدك قالت فيه قال له كيف امر بضيقه ماليه وانا ولد جمال طالع فيه وقال لي لا تختر عمرك لا تختار يا منير ترى الدنيا مو دائمه في ناس يا ولدي يكونوا فوق وفجاه يصيروا تحت الحياه هذه يا ولدي اختبارات يوم يكون معك الحظ وتنجح ويوم ممكن ترسب عشان كده يا ولدي في كل الاحوال لازم تكون جاهز ومستعد لاي لحظه ولاي حياه وقتها يا جماعه انا خفتعبت من كلام والده جمال وقتها طالع فيا وضحك قال لي بس لا لا تخاف ترى مضبط لك امور حتى لو في يوم من الايام ربنا اخذ امانته وانا رحت عنده لا تشيلهم يا ولدي انا مسجل لك كل شيء باسمك طالعت فيه كذا وانفجعت الكلام اللي قاله لي والدي كان بالنسبه كلام ثقيل مو كلام يفرح اني انا حورث او حنبسط اني حصير صير شخص ثري ومن هذا الكلام لا ما انا كذا كذا اوردي اللهم لك الحمد عايش في هذا الخير وعايش في هذه النعمه ووالدي احرمني من شيء طالعت فيه كذا قلت له لا تكفى لا تقول هذا الكلام الله يرضى عليك بعد كذا قال لي لا بس انت كبرت اليوم خلاص يا منير لازم تعرف ايش اللي لك ش اللي عليك قال لي ايش تتمنى تكون طالعت فيه وضحكت دليل الامانه انا ودي اكون زيك انا مره معجب فيك انا اشوف الناس وهم يتصلوا عليك اشوف طول الوقت جوالك ما يسكت اتصالات ما شاء الله واشوف يعني الناس لما تطلب منك اي خدمه وتقفل منهم وتدق على الشخص الثاني وتنفذ له الخدمه هذه بحد ذاتها انا اشوفك كانك ساحر هنا والدي جمال قاعد يضحك قاللي شوف الشيء هذا اللي انت قاعد تشوفه اليوم في هذا حصاد زرعته من سنين طويله وتعب وجهد سنين وله تضحيات كثيره انا صح يا ولد اليوم انا ناجح في حياتي اللهم لك الحمد وربنا ما يعطيني من خير وعقارات وسيارات ومنصب ولكن ترى انا ماني كامل الكمال لله سبحانه وتعالى يا ولدي ولكن انت قاعد تشوف الناحيه الايجابيه فقط حياه والدك بس تعال وخلينا نشوف الجوانب السلبيه اللي في حياه والدك امك يا منير انا مقصر معاها مره كثير ولكن امك راضيه مو عشان اني اعطيها فلوس او اني اكرمها بالفلوس هذه لا لا امك راضيه لانها في الاساس شريكه نجاح في الحياه هذه اللي انت تشوفها اليوم طالعت فيه كذا قلت له بس معلش كيف شريكه نجاح وامه من الاساس ما اشتغلت ولا عمري شفتها تشتغل قال لي مين قال لك شريك النجاح دائما يكون بالعمل امك جالسه تشتغل شغل جدا صعب واصعب من شغلي بالكامل طالعت فيه كذا بنظره استغراب ايش الكلام هذا اللي قاعد تنظر فيه علي؟ قال لي امك شريكه نجاح لاني كنت اخذ من وقتها ووقتها اللي المفروض يعني اعطيها يا واجب علي كانت تقول لي عادي وقتي هذا اللي انت تبي تقضيه معاي عادي انا موافقه انك تقضيه في شغلك بس الاهم انك تنجز مهامك وتنجح في شغلك ونيجي للموضوع الثاني والاهم والاكبر موضوعك انت يا منير موضوع تربيتك فكان الشيء هذا بحد ذاته شيء جدا جميل من ناحيه احترام والدي لوالدتي والده كان عنده زميل اسمه عمران عمران هذا الذراع الايمن لوالدي كان دائما معاه في كل مكان رايح جاي ما يترك والدي ابدا والدي كان يعزه جدا لانه تقدروا تقولوا يعني عشره عمر واضح من كلامي وانا احكيكم عن والد جمال اني جدا معجب في هذا الشخص العظيم متخيلين الكلام هذا كله اللي قاعد اكلمكم عنه الثراء والحياه والدنيا هذه كلها انا اللي كنت عايش ومتهني فيها لوحدي لانه من الاساس انا ولدهم الوحيد يا جماعه بيتنا يا جماعه ابدا ما كان يوقف من العزايم كل يوم جمعه لو مريت من قدام باب بيتنا راح تشوف زحمه كميه سيارات وطبيعيه وهذول الناس كلهم اللي جايين ومعزومين وقاعدين مع والدي كلهم ناس يعني اصحابه وناس بينهم وبين والده شغل وفي ناس يعني ما في بينهم اي شيء بس يجوا من باب العلاقات والتعارف عرف انهم يجلسوا مع والدي ووالدي كان من الناس اللي باب مجلسه مفتوح مستحيل باب المجلس تقفل يا جماعه وفي شيء يا جماعه نسيت اقول لكم اياه بحكم عمل والدي والدي سفرياته جدا كثيره ومكتب عمله مو بس في المدينه اللي احنا عايشين فيها لا في عنده اكثر من فرع يعني بشكل اسبوعي راح تلقوه متنقل ما كنا نشوف والده اصلا من الاساس عندنا في البيت يعني يوم او يومين في الاسبوع فقط لدرجه والده كانت دائما تدقه في الكلام تقول له يا جمال ترى انا قلبي ما يخيب حاسه انك متزوج والده جمال يطالع فيها ويضحك قل لها اتزوج مين انا انت زوجتي الاولى وزوجتي الثانيه شغلي ما عندي غير هذه الحياه ابدا المهم يا جماعه بعد فتره تقريبا والدي رجع من سفره جدا مهمه والسفره هذه كانت يعني تقدروا تقولوا كان فيها صفقه العمر والدي اول ما رجع كان دائما يقول انا عندي صداع في راسي عندي صداع في راسي الوالده جت تصحين تقول ق لي منير ترى ابوك مصدع وتعبان هيا امشي خليني اوديه المستشفى قلت لها تبشري قمت على طول ولبست ورتبت اموري خذت الوالد وتوجهت للمستشفى واحنا في المستشفى اصلا كذا تقريبا بعد 40 دقيقه الا عمران صاحبه يجينا برضه على المستشفى عمران كان يعني كل شيء والله العظيم كلمه حق في هذا الانسان دخلت لوالدي وقعدت اشوفه والدي يا جماعه وجهه متغير مو جمال اللي اعرفه طلعت الدكتور الدكتور قال لسه لازم يتنوم نبي نعمل له تحليلات ونشيك عليه اكثر واكثر قلنا له تمام ما في مشكله هذاك اليوم انا وامي نمنا عنده جينا اليوم الثاني طلعت التحليلات يا جماعه الوالد ما فيه الا العافيه يا رب لك الحمد حتى الوالده وقتها طالعت فيه قالت له يا جمال تراك جالس تضيع وقتنا يلا قوم بلا دلع خلينا نمشي من هنا خالتي جمال طالع فيها قال له والله العظيم يا ام منير ما اعرف ايش اقول لك بس احس اني ما اقدر اطلع من هنا وقت امي طالعت فيه زي كذا قالت له ما فهمت يعني ايش قصدك ما تقدر تطلع من هنا قال لها لا لا ما في شيء ما في شيء خلاص تمام يلا انتوا جهزوا اموركم وحطلع معكم ان شاء الله بس قبل كل شيء فين عمران عمران برا قابوا لي عمران ابغى اتكلم معاه قاله طيب ابشر جا عمران وجلس عند والدي جنبه والده هنا طالع فينا انا والوالده قال خلونا انا وعمران لوحدنا طلعنا انا والوالده برا مستغربين تصرفات والدي تصرفات غريبه فجاه عمران يخرج من الغرفه يجري رحت الحق وراه عمران ايش في ايش صاير تكلم قال لا ما في شيء بس شغل شغل عندي يلا استاذنك عمران رجع يا جماعه بعد تقريبا ساعه ونص رجع ومهلف وقت يا جماعه للامانه استغربت ايش اللي صاير طالع من القزازه اشوف عمران يعطي الوالده الملف والوالد يوقع طالت امي قال له ايش اللي قاعد يصير قالت له ان ما انت عارف اكيد شغل غل يعني ما شاء الله عليك ابوك وما تعرفه وقتها يا جماعه انا ماني مرتاح فجا عمران افتح باب الغرفه يقول تعالوا خشوا دخلنا عنده وامي على يمينه وانا على يساره وماسك يد الاثنين طالع فيا قال لي يا منير اوصيك بامك امك يا منير ابك تحطها في عيونك واذا على موضوع مستقبلك فلا تشيل هم فانا امنت لك مستقبلك باذن الله انه يكون عون لك لاخر يوم في عمرك بس الاهم يا ولدي انك تكمل هذا الشيء اللي انا بنيته من الصفر ليغرك المال؟ المال يا ولدي مهما كان حجمه ومهما كثرت معك وصارت يعني بشكل ما تتصوره ترى ما صيرها تخلص لا توقف فلوسك فلوسك لا تخليها بس كذا واقفه في البنك فلوسك دائما حركها يا ولدي والاهم من هذا كله عمل الخير اذا تبى ربنا يبارك لك في رزقك ويوصلك لاعلى مكان ما كنت تصوره فيهم في حياتك عليك بالصدقه الصدقه والس زواج تزوج يا ولدي لا تقعد كذا حر طليق المال يا ولدي وكثرته يسهل امور الحرام يسهل امور الدنيا بس اذا مشيت في الحرام يا ولدي تاكد انه النعمه هذه كلها اللي قدامك الان راح تزول لا تستهين بالحرام يا ولدي انا يا جماعه قاعد اطالع فيه ايش قاعد يقول ليش قاعد ينصحني النصائح هذه كلها ويجي عند امي ويمسك يدها قال لها عاد لا اوصيك ه في منير عاد يعني هذا اغلى شيء في حياتك قالها في عمران قال لي عمران انا عارف انك اكثر انسان في هذه الحياه يحبني ويعزني انا ما سميتك ذراع اليمين من فراغ انت مو بس مدير مكتبي انت صاحب عمري انت سندي الامانه اللي وصيتك فيها لا تتاخر فيها على عيالي عمران وقتها طالع في والده قالله ابشر ما طلبت شي قال خلاص انا كذا اديتها الامانه امي طالعت فيه قالت له يلا قوم والدي جمال طالع في امي قال لها ما اقدر اقوم امي قالت له كيف ما تقدر تقوم ليش ما تقدر تقوم قوم يا جمال جمال قوم يلا والده وهو ماسك يدنا نطق الشهاده اشهد ان لا اله الا الله واشهد ان محمدا رسول الله وخمط عينه يا الله انا قاعد يا جماعه طالع فيه مصدوم من مستوعب كل السيناريو هذا اللي صار انه صار قدامي ماني متصور اني عشته ماني متصور انه والدي اللي لسه في عز شبابه اي في عز شبابه والدي يا جماعه فارق الحياه وهو عمره لسه 40 سنه بس راح هو مطمن راح هو مطمن على مستقبل ولده ومستقبل زوجته وحياته فراق والدي جمال ا كان فراق جدا صعب اخذنا بعزاه وج الناس يعزون من كل مكان ناس من داخل بلدنا وناس من خارج بلدنا جميع الجنسيات حضرت عشان والد الله يرحمه صح انه قصه جمال انتهت ولكن تقدروا تقولوا قصه منير جمال الان بدات بعد ما انتهينا من واجب العزا وكل كل الامور هذه خلاص صرت انا ووالدتي لوحدنا بعد تقريبا فتره تجيني الوالده تقول لي بطاقتي اللي في البنك فيها مشكله قلت له مشكله ايش ايش صاير قالت لي ما ادري شوف ايش فيها دقيت على البنك اكتشفت ان بطاقه امي موقفه فعلا قال خلاص ولا يهمك ا اي شيء تبغيه من بطاقتي خذيه وبكره نروح البنك نشوف ايش موضوع بطاقتك قالت لي لا خلاص انا راح ادق على عمران وراح ابلغ غو وهو يشوف ايش موضوع البطاقه فعلا يا جماعه الوالده اتصلت على عمران لكن عمران ما كان يرد رجعت اتصلت عليه بعد كم ساعه وبرضه ما يرد استغربت يا جماعه قلت طيب دام كذا خليني اروح مكتب والدي وصلت الينا المكتب حق والدي والغريب في الموضوع ان المكتب مقفل كيف مقفل في وقت انا عزل لما سالت عمران قال لي انه الشغل ماشي والمكتب ماشي ليش مقفلين رجعت البيت لامي امي قالت له اسمع هذا شغلك ورزقك لو ما وقفت على حلالك حلالك راح يزول منك يا ولدي رحت اليوم الثاني قعدت ادقدق على عمران ادقدق ادق عمران ما يرد لين يعني الموضوع قلقني قلت خليني اروح للبيت اعرف بيت عمران وين ساكن رحت له لين بيته كان ساكن في فله دقيت باب الفيله اللي فتح لي حارس الفله طالع فيه الحارس قال لي تفضل قال له عمران عمران موجود قال اوه لا عمران ينقل قلت له فين ينقل قال والله ما اعرف قلت له تمام يعطيك العافيه رحت البنك يا جماعه ويا ليتني ما رحت فلوس والدي يا جماعه بالكامل قبل وفاه والدي باسبوع المبالغ هذه كلها تحولت من حساب والدي لحسابات اخرى حسابات خارجيه والتحويلات هذه كلها كانت من باب الاستثمار قاعد طالع في موظف البنك قلت له طيب والحلال اللي عندنا والاشياء هذه كلها قال لي امور الورث قصدك قلت له ايه نعم قاللي بس هذه تاخذ وقت شويه لازم تخلصوا اجراتكم مع المحكمه والورثه والامور هذه كلها وبعدها ان شاء الله نرتب لك كل الامور قله طيب تمام يعطيك العافيه خرجت من البنك يا جماعه مستغرب والدي قبل وفاته باسبوع دخل في استثمارات كثيره موضوع شويه غريب والموضوع يعني فيه انه رجعت لامي قلت لها يا امي والده تكلم معك قبل كده انه راح يدخل في استثمارات لحسابات خارجيه ومن هذه الامور امي قالت لي لا والدك كل اشغال غاله وحلاله موجود هنا في البلد ما عنده اي شيء بره كان ضد انه يشتري خارج بلده نهائيا الا بس غريبه يعني البنك قاعد يقول انه دخل مع ناس وحول لهم فلوس من باب الاستثمار والناس هذول اصلا من الاساس ماهم من بلدنا حسابات خارجيه امي طالعت فيه قالت لي لا الموضوع هذا شويه غريب لا بس عمران فينه مختفي عمران العلم كله عنده محامي الوالد محامي الوالد برضه مو قاعد يرد اعوذ بالله من الشيطان الرجيم ايش هذا اللي قاعد يصير مععاه يا اخوان شيء غريب شيء ابدا مو طبيعي خلصنا امورنا مع المحكمه والبنك وكل شيء الصدمه الحقيقيه يا جماعه لا تستغربوا مني ليش الان قاعد اضحك اضحك يا جماعه لان الثروه اللي والدي بناها لنا من الصفر وصارت ملايين الملايين اليوم رجعت للصفر ايوه يا جماعه انا ورثت صفر ما ورث فلوس ما ورث عقارات ما ورث اي شيء كل شيء قبل وفاه والدي باسبوع صادر البيت الفخم الفاره اللي عايشين فيه البنك يبغاه السيارات البنك يبغاها الناس اطالب بفلوسها كان فلوس والدي ما في شيء ما في فلوس يعني والدي يكذب علينا لا بس في لعبه واللعبه هذه كانت جدا خبيثه والواضح ان عمران مدير مكتب والدي والمحامي شركاء في هذه اللعبه حتى الجامعه اللي انا فيها قفلت ابوابه هنيه قالت لسامحنا ما تقدر تكمل الناس يا جماعه اللي كنت اشوفهم يسلموا علي ويضحكوا معاي ودهم يجلسوا معاي اختفوا انحوا من حياتي استدقاء والدي اللي كانوا يشوفوني ماشي في الشارع ويضربوا لي الف تحيه صرت امر من عندهم ما احد يسلم علي كذا فجاه اكتشفت ان كل الناس اللي كانت حولنا كانوا ممثلين بارعين ما في احد كان متقمص شخصيته الحقيقيه ما احد اتصل على امي قال لها ايش محتاجه ايش ناقصه ما في الكل صار يا جماعه ما يشوفنا الكل صار يشفق علينا مع ان الاول كانوا يحسدون على العيشه والحياه اللي كنا عايشين فيها الله يرحمك ويغفر لك يا جمال هذا اكبر درس تعلمته في حياتي وزي ما انتم عارفين يا جماعه بسبب الشيء هذا اللي حصل لي صارت كل الابواب قدامي مقفله بيت العز اللي كنا عايشين فيه خرجونا منه والجامعه اللي ادرس فيها برضه خرجتني سياراتنا وانسحبت حلال والدي جمال من الاخير جماه حلال والدي جمال بالكامل اختفى من الوجود طلبت المساعده ولكن ما احد مد لي يده الكل كان الكل كان يقول الله يصبره شكرا انكم تدعوا لي لكن انا ما رحت لناس ما عندها انا كل الناس اللي رحت لهم ناس شبعت من حلال والدي ولكن زي ما قلت لكم اول الاقنعه سقطت وبانت الوجوه الحقيقيه انا يا يا جماعه لسه توي في عز شبابي لسه ببدا اعيش حياتي وانا من الناس يا جماعه اللي تقدروا تقولوا من يوم ما ولدت انا ولدت وفمي ملعقه من ذهب انا ما تعبت انا ما عانيت انا ما حسيت بالشقى انا لما كنت امشي بالسياره مع والدي جمال واطالع في الصغار اللي يشحتوا او الصغار اللي يشتغلوا كنت اتعاطف دائما معاهم مره من المرات شفت ولد صغير واقف عند شهاره يبيع مويه طلعت في والدي قلت له الولد الصغير هذا ليه قاعد يشتغل هذا الشغل شغل والدي جمال وقتها طالع فيني وابتسم قال لي قول الحمد لله يا ولدي الولد هذا من الاكيد انه يشتغل هذا الشغل بسبب انه ما عندهم مصاريف تكفيهم ممكن او ممكن يكون يتيم ولما سالت والده جمال هذا السؤال انا وقتها كنت صغير في العمر انا مو بس عشت في حاله اكتئاب انا والله العظيم عشت في حاله انهيار امي امي ما صارت تتكلم من قوه الصدمات اللي قاعده تجينا ورا بعض يا جماعه احنا كنا نلعب بالفلوس لعب سفريات رفاهيه عايشين حياتنا وقتها وقفت في مكان خالي وصرخت باعلى صوت ليش قاعد يصير معانا كذا لكن خلاص استسلمت يا جماعه للامر الواقع انا الان الرجال انا رجال البيت انا اللي راح اشيل امي انا لو ما شلت امي امي راح تضيع وزي ما انتم عارفين انا وحيد امي وابويا وقتها قعدت افكر وافكر وافكر ما جتني اي فكره نهائيا اخذت امي رحنا نسكن يا جماعه في بيت على قد حالا بيت يا جماعه الحشرات منتشره فيه في كل مكان بيت حتى المويه مو موجوده فيه المويه يعبوها في جوالين اتمنيت يا جماعه اي احد من زملاء الوالد يمدلنا يد العون يقول تعالوا احتويكم بس فتره على الاقل تمنينا احد من جماعتنا حتى يجي يضيفنا امي كانت راح تطلب واحد من جماعتنا مع الرغم انه عارف بظروفنا وعارف الحال اللي احنا ماشيين فيه وقت قلت لها لا طول ما انا موجود في هذه الدنيا والله ما اخليك تحتاجي اي احد جلستها في البيت ساكن في حاره شعبيه اهل الحي اللي ساكنين في هذه الحاره ناس جدا بسيطه قعدت امشي في هذيك الحاره زي المجنون اطالع يميني ويساري ابغى اشوف اي مكان اشتغل فيه اي حاجه بس اقدر اوفر لامي قوت يومها رحت كل مكان ولكن الكل قاعدين يقولوا لي ما في وظيفه ما عندنا شغل لك كنت اقول لهم يعني انا طالب جامعي واعرف استخدم الكمبيوتر واعرف واعرف واعرف لكن ما احد يبغاني او بالاصح ربنا مو رايدلي وانا قاعد اتمش على رجولي يا جماعه فجاه اطالع على اليمين اشوف في سوق كبير سوق خضار قربت من هذاك السوق سوق يعني اول مره اشوفه ايوه اول مره اشوف السوق هذا لاني ما كنت اروح اشتري اي شيء من الاساس في كانت ناس هي اللي تشتري لنا وتجيب لنا وتسوي لنا وتعطينا اول ما دخلت هذاك السوق شفت شخص يا جماعه واقف قدام شاحنه كبيره وماسك الميكروفون وقاعد يحرج على الخضار قرب يا طيب قرب على 20 على 30 على 50 ها مين يزود وقتها قاعد اطالع مازاد خضار شيء جديد علي اول مره اسمع في هذا الشيء والناس قاعده تشتري وتمشي وفي ناس كثير متجمعه ما حسيت بنفسي يا جماعه الا وانضميت وسط هذول الناس وفجاه الاحظ في شباب بعمري الشباب هذول قاعدين يشتغلوا حمالين الزبون لما نشتري من المزاد هذول الشباب يشيلوا الكراتين عن هذا الزبون ويودوها له لسيارته وانا قاعد اتفرج على الشباب اشوف واحد ورا الثاني قاعد يساعد الزبائن هنا يا جماعه انا تحمست قلت خلوني ايش اساعدهم جيت اشيل كرتون وحطيته فكت فيه وجيت بشيل الا راعي المزاج طالع فيني كذا قال لي ولد فين رايح انت طالعت فيه قلت له اساعد الشباب قال تساعد الشباب ولا حرامي قالت فيه الحرامي انت شايف وجهي هذا وجهي حرامي قال الصراحه وجهك يعني مو بس مو حرامي وجهك حتى يعني مو راعي الشغله هذه الا فجاه يجي الولد اللي اول واحد شفته يشيل الكراتين الولد هذا اسمه احمد طالع في راعي المزاد هذا قال له لا خلاص ما عليك معاي معاي هذا راح المزاد هذا قال له احمد تتكلم من جد قال لي ايه هذا اعرفه من زمان خلاص خليه خليه ما عليك عندي قعت في احمد هذا يا جماعه مين هذا اللي يقول يعرفني من زمان جيت بكلم احمد غمزلي بعينه الزبده شلت الكرتون ورحت وديته على السياره صرت اروح واجي اروح واجي اروح واجي على هذا الوضع الين خلصنا التحميل بالكامل جاء احمد كذا قال لي يلا يعطيك العافيه ودخل في جيبه وطلع مبلغ قال لي تفضل هذا حق شغلك قالت في احمد هذا كذا وابتسمت قال لي يعني المره الاولى قلت انك تعرفني وانا متاكد انك ما تعرفني واول مره تشوفني والان تيجي تعطيني يعني مبلغ ايش هالسبب؟ قال لي السبب واحد رزق الله وساقه لك طالعت فيه كذا قلت له برضه ما فهمت طالع فيا وضحك قال لي شوف انا لما شفتك تشيل الكرتون على كتفك وبتساعد معانا عرفت انك انسان تدور شغل واضح هذا الشيء من عيونك قلت له اي والله يا احمد انت صادق انا فعلا ادور على شغل والله يجزاك الخير والجنه على وقفتك ومساعدتك هذه لي على العلم يا جماعه المبلغ اللي معاي والله العظيم مصروف مدرستي اليومي عش اضعاف هذا المبلغ لكن الحركه البسيطه هذه اللي سواها مععاي احمد بالنسبه لي كانت شيء جدا كبير شيء مو بسيط ابدا قلت له يعطيك العافيه قال لي خلاص تعال انا بكره وابدا من الصباح معانا قلت له طيب ابشر قال لي اهم شيء لا تتاخر قلت له ابشر قلت له بس متى دوامكم يبدا هنا قال دوامنا هنا على طول من قبل صلاه الفجر حتى الكل يكونوا متواجدين هنا قال خلاص تم تلقاني ان شاء الله عندك بكره مشيت وانا راجع البيت يا جماعه طالع في ساعتي بقي اربعه ما ادري خمس ساعات ويجي وقت الدوام اللي اتفقت فيه مع احمد وفعلا جيت اليوم الثاني ولكن هذه المره يا جماعه مو في المسا هذه جت شاحنه كبيره بننزل هذه الكراتين للمحلات اللي في سوق الخضار احمد شافني وسلم عليه قال لي ها جاهز قلت له جاهز قال لي يلا توكل على الله يا جماعه قعدت اشيل كميه كراتين عدد غير طبيعي ابدا شيء مستحيل من قوه تحميل الكراتين هذيك والله العظيم ماني قادر كذا اثبت لا صرت امشي وظهري نازل قادر امشي بس تحملت تحملت على هذا الوضع الين صرت خلاص حمال خضار رسمي الشغل مو عيب بس انتم عارفين ايش اللي صار معاي نقطه التحول هذه اللي صارت معاي نقطه جدا صعبه مصيبه صرت اصلي وادعي اقول يا رب صبرني اصلي وادعي متخيلين جالس على هذا وضع ثلاث شهور خلال الثلاث شهور هذا المبلغ اللي حصلت عليه ما يسوى والله العظيم مبلغ مصروف نص يوم حتى بس الحمد لله خير ورزق ونعمه يا جماعه انا انحرمت من النعمه عشان كذا الان انا عارف قيمه النعمه بحقه حقيقه كنت اشتغل من فجر الله لاخر الليل 12 ساعه لا مو 12 ساعه اكثر من 12 ساعه والله العظيم لو اقول لكم اني اشتغل 16 ساعه هذا اقل شيء لدرجه صرت معروف في سوق الخضار اي احد يب ينزل بضاعه يناديني اشلل الكراتين ومن هذه الامور صرت يا جماعه اشتغل اي شيء مو بس حمال على ظهري لا اخذت لي عربيه الزبائن اللي يجوا يقضوا باسعار كبيره انا امشي بالعربيه واحمل لهم الكراتين في العربيه الين اودي لهم هي لسيارتهم صرت اشتغل كل شيء صرت اشتغل احرج على الخضار في يوم من الايام جا زبون الزبون هذا يا جماعه كئيب من قوه انه كئيب بس مكشر كانه كذا كلب بيتبول عارف الكلاب اللي كانت تيجي في تيموجيري هذيك اللي كذا تيجي فيها طبقات الشخص هذا نسخه منه جا قلبه عربيه طالعت فيه وابتسمت قلت له حاضر ابشر قال لي بكم قلت له بالسعر اللي تعطيني اياه انا اشتغل قال اعرف الحركات هذه تقول لي كذا وفي نهايه الليله تجي تبغى مبلغ كبير انا احب الناس اللي تتفق قلت له على عيني وراسي حاضر شوف انت اللي بتعطيه اطيني اياه وانا والله العظيم لاخذه حتى لو تقول لي والله ما عندي والله ما اخذ منك ولا تحسبني اقول لك هذا الكلام من باب التسويق وانك تاخذني وتطمن لا انا اتكلم معاك كلام رجال طالع فيا وبكابته هذيك قال لي طيب يلا امشي ورايا طلعت فيه زي كذا قلت له ابشر اخذت العربيه وصرت امشي وراه طول اليوم واختار من كل محل نوع خضار كرتون من هنا وكرتون من هنا الزبده وانا ماشي بالعربيه فجاه كفر العربيه ينكسر وتطيح الكراتين من فوق العربيه انا وقته هنا انفجعت طالعت فيه قلت له لا تشيلهم خلاص انا انا ارتب كل شيء فجا هذا الشخص باحلى صوت ويسمع كل اللي في السوق انت حمار انت ما تفهم طلعت فيه كذا وكل براءه قلت له انا اسف انا غلطت وحقك علي بصلح غلطتي ابشر الشخص هذا ما اكتفى بهذا الشيء طالع فيه كذا بنظره احتقار قال لي يلا انقلع من هنا ولا قاعد اشوفك في زي كده قلت له ليش تقول لي كذا انا في ايش اذيتك انا التصرف هذا اللي صار مو بيدي قال لي كمان انت يا شحات ترد عليه قدام الناس انا وقتها سكت وقتها الله يكرمكم يا جماعه طلع الصندل اللي في رجله رجله يا جماعه كبيره رجله مقاس 50 انا متاكد هذا لما يبي يروح اشتري صندله وحذيانه واي شيء هذا تفصيل جاهز ما يلقى اخذ الصندل وباقوى هو ما عنده يضربني قدام الناس انا عارف انكم راح تقولوا ليش ما تدافع عن نفسك لازم تعرف انه في هذا السوق اللي اشتغل فيه في سياسه اي شخص من الحمالين يجيب مشكله مباشره ينطرد من السوق ولا يقعد فيها دقيقه واحده من الاخير كحمال هناك يبغوك تكون شخص ملطشه بس انا ما تحملت انا ولد جمال انا ولد جمال اللي تربيت على العز مو كلب زي كذا يتعدي علي واسكت عشان فلوس انا فخنه عن الفلوس اللي تجي من ورا هذه الاشكال طبعا كل اهل السوق قاعدين يطالعوا ما حد بيتدخل في هذه المشكله لان السوق هذا له مسؤول والكل يخاف ويهاب من هذا المسؤول طبعا طالعت في كل الناس اللي موجوده في السوق قال له ما عاش ولا كان اللي يمد يده على ولد جمال ويسكت الصندل حقه الله يكرمكم اعطيته باقوى ما عندي وجت في وجهه وتحسب الموضوع وقف على كذا لا يا حبيبي صح انا ادرس في مدرسه خاصه وصح اني كنت يعني ولد عز ونعمه ومال لي في الامور هذه الال الكرامه وعزه النفس خل بس اسد حتى دخلت فيه يا جماعه ضرب اقوى ما عندي ما وقفت من هذاك الضرب الا لما جاء هذاك المسؤول وقال خلاص وقف على طول هذاك المسؤول طالع فيه قال لي انقلع من هنا ولا عاد اشوف وجهك هنا في السوق فاهم ولا لا انقلع وقوموا الرجال هذا اللي هو الزبون اكرموه ودخلوه عندهم المكتب وسووا له عصير بس بقي يزوجوه خلاص هذا اللي باقي وانا احلى صوت قدام الناس طردني حتى احمد جاي يدافع عني اللي اول واحد يعني شغلني هنا طالع في هذا المسؤول قال له سيبه ولا والله لاخليك تلحقه انت الثاني طالعت في احمد قلت له لا احمد احمد انت مالك دخل خليك خلاص انا غلط واتحمل غلطي احمد طالع فيا قاللي بس انت ما غلطت قلت له انا غلطت انا قلت هذا الكلام قدام احمد عشان ما بى احمد يدخل معاي في نفس الموضوع وهو ما له ذنب فعلا تركت السوق هذاك اليوم رجعت البيت وانا مخذول رجعت يا جماعه وجهي محمر وملابسه مقطعه واضح انه شخص الظاهره امي طالعت فيه قالت لي ايش فيك ايش فيك يا منير صاير مك حبيبي قلت لا لا لا بس تعب الشغل ومن هذه الامور طالعت في كذا قالت لي تكذب علي يا منير من متى تكذب على امك علمني ايش صار معك قال له والله يا امي انطرت من الشغل قالت له خيره خيره حيعوضك ربي يا ابني باذن الله بس الاهم صلاتك وقرانك الحاجتين هذه يا ولدي لا تتركها ابدا وانت بار فيني وقايم فيني ربنا حيوفقك ويبارك لك اضعاف ما تتمنى يا ابني لا تضعف ولا تستسلمشيء هذا اللي صار لك اصلا من الاساس يا ولدي حد ادرس لك عشان تتعلم بكره امي درس ليش انا ما غلطت عشان يعطوني درس انا حالف على نفسي اترزق الله قالت لي معليش يا ولدي قالت له خلاص روح ارتاح وبكره خير ان شاء الله وفعلا يا جماعه تركت امي ودخلت الغرفه انام لكن هذاك اليوم ما جاني نوم طول اليوم قاعد افكر ايش حسوي كيف حصرف على امي انا الفلوس اللي كنت اخذها مو بشكل شهري كنت اخذ راتبي باليوم طب انا ما معي فلوس حق قوت يومي فعلا وضعي صعب وضعي ميؤوس منه وفعلا ما جاني النوم فجاه اسمع صوت اذان الفجر قمت من سريري وتوضيت ونزلت للمسجد يا جماعه وانا قاعد امشي على رجولي وانا في طريقي للمسجد فجاه بطالع في الارض بشوف مبلغ مرمي في الارض المبلغ هذا يا جماعه مبلغ جدا بسيط بس بالنسبه لي وبالنسبه للوضع اللي انا فيه اوف المبلغ هذا كبير اخذت المبلغ هذا يا جماعه من وقعدت اطالع فيه قلت معقوله اكون المبلغ هذا يكون رزق من ربي قعدت افكر بل دقيقه منير منير لا تنسى انت امس صاير لك موقف انظلمت فيه فمن الطبيعي نازل الان تصلي الفجر ولقيت رزقك في الارض مرمي وهذا الشيء فعلا اللي صار اخذت المبلغ هذا وجيت امشي فجاه رجعت ورايا المبلغ هذا كان مرمي قدام باب سياره بس دقيقه السياره هذه لمين يعني من الاساس راح المبلغ هذا هو نازل من سيارته راح المبلغ هذا من جيبه هذا الشيء الطبيعي بس الان انا ماني عارف مين صاحب هذه السياره من الاساس اخذت المبلغ يا جماعه ودخلت المسجد طالع في المسجد في مصلين كثير قلت خلاص اخلص الصلاه واروح اوقف عند هذيك السياره الى ان يجي صاحب السياره واساله عن هذا المبلغ صليت الفجر والحمد لله وخرجت من المسجد وجلست واقف عند باب السياره الين يا جماعه يخرج من المسجد رجال عجوز كبير في السن طلعت في هذاك الشخص من الواضح انه هو فعلا صاحب السياره جاي لين عندي وسلم علي قال لي تفضلي كيف اقدر اخدمك يا ابني قال لي يا عمي اذا ما عليك امر انا لقيت هذا المبلغ مرمي عند باب سيارتك على الشارع هل هذا المبلغ لك الشايب هذا طالع فيا كذا ضحك قال لي الله اللهم لك الحمد لليوم هذا في امانه قلت له اكيد يا عم هذا واجب هذا المبلغ لقيته عند باب سيارتك حرفيا على الشارع طالع في هذا الشايب قال لي لا والله يا ولدي هذا المبلغ مو لي انا اصلا من يوم ما خرجت من بيتي وانا جيبي فاضي ما فيه ولا ريال طالع في هذا الشايب قال لي يا ولدي دام لقيته في الارض فالمبلغ هذا حلالك. قلت له لا يا عم المبلغ هذا اكيد صاحبه محتاج هذه الفلوس. قال لي شوف والله العظيم للامانه انا وانا جاي للمسجد كان راكب جنبي واحد من العمال اللي اشتغل عندنا في الحاره تبى تروح تساله وتبري ذمتك براحتك. قلت له طيب فين هذا العامل؟ قال لي العامل هذا تلقاه موجود في المسجد. قال لي وازيدك من الشعر بيت. اذا انت تبى تبري ذمتك من الاخر اذا العامل قال لك الفلوس هذه مو فلوسه فانصحك انك تعطيها امام المسجد لانه اللي ضيعها اكيد راح يسال امام المسجد قلت له تمام يعطيك العافيه دخلت المسجد رحت الينا العامل سلمت عليه وجلست جنبه قلت بعد اذنك في مبلغ طاح منك وانت نازل من السياره لما كنت مع الرجال الكبير في السن العامل قال لي لا هذه مو فلوسي قلت له تمام يعطيك العافيه تركت هذا العامل وكنت متوجه لامام المسجد لما رحت للامام يا جماعه كذا في شعور غريب جاني انه لا تعطي الامام ايش السبب ايش الحكمه الله اعلم زبده اخذت هذا المبلغ وخرجت من المسجد قابلت رجال كبير في السن ثاني مو نفس راعي السياره خلعت قلت له كيف حالك يا عم قال لي بخير قلت له يا عم بسالك سؤال قال لي تفضل قال له يا عم اذا لقيت مبلغ مرمي في الارض مبلغ بسيط والمبلغ هذا ما لقيت صاحبه ايش الشيء اللي تنصحني اسويه شايب هذا طالع فيا وابتسم قال لي واضح يا ولدي من سؤالك ومن هيئتك انك ولد ناس وفيك الخير قال لي يا ولد تصدق فيها واذا تبى صدقه طيبه خذ لك كرتون مويه وحطه في اي مكان قلت له يعني فين احطه في المسجد قال لي المسجد عندنا ما شاء الله تبارك الله فيه الخير من المويه حطه في اي مكان محتاجين الناس تشرب فيه مويه قلت له يعني لازم الناس تكون فقيره قال له اي شخص يعطش وتعطيه مويه راح تكسب اجر هذه المويه مو شرط انه لازم تكون لفقير او شخص محتاج قال له طيب يعطيك العافيه توجهت يا جماعه المحل يبيع الكراتين المويه والاشياء هذه اخذت لي كرتون مويه وحطيته في مكان المكان هذا من الاساس الناس عندنا تمشي فيه الحوامل الرياضيين الامور هذه كلها حطيت الكرتون وقاعد اتفرج من بعيد اشوف كل واحد من الناس اللي تهرويله واللي يجروا يوقف عند الكرتون وياخذوا علبه مويه ويمشوا يا جماعه غمرتني سعاده بشكل غير طبيعي احط يدي في جيبي لسه في فلوس من هذا المبلغ والكرتون هذاك خلص رحت اجيب كرتون ثاني يا جماعه واحطه وفعلا نص ساعه والكرتون خلص الزبده يا جماعه اني خلصت المبلغ اللي كان معاي في كراتين المويه هذه المهم لما رجعت البيت وجلست كذا مع نفسي قعدت افكر قلت هذاك المكان يجوه ناس يمشوا مره كثير والناس اللي قاعده تجري او تهرو ما شفت اي احد فيهم نهائيا ماسك معه علبه مويه فقلت هنا يا منير ليش ايش ما تسوي لك بسطه صغيره تبيع فيها مويه هذاك المكان بالذات وفعلا يا جماعه هذا اللي صغار اليوم الثاني توجهت مباشره للمكان اللي اشتريت منه كراتين المويه واخذت يا جماعه خمسه كراتين واخذت لي كذا فلين كبير وعبيته ثلج وصرت احط فيه المويه وابيع قدام الناس كلهم وصار الناس يجوني بطريقه مفجعه يا جماعه زحمه علي الخمسه كراتين اللي جبتها اول يوم خلصت يا جماعه في اقل من ساعه المكان اللي جالس اكلمكم عنه مكان جدا مزدحم المكان هذاك اصلا معروف يعني بالرياضه والله يا حبيبي وانطلق جريج كراتين مويه زياده شفت الشغله هذه فيها خير لما رجعت البيت هذاك اليوم رجعت اسعد يوم في حياتي صح اني يا جماعه قاعد ابيع مويه وعلى قدي وكذا بس حسيت نفسي والله العظيم اني تاجر حتى هذاك اليوم لما رجعت البيت حاط رجل على رجل كاني يعني راعي مكتب عقار مو واحد يبيع مويه والوالده تسالني ها بشر ايش سويت؟ قاعدت احكي الوالده يا جماعه عن قصه نجاحي بهذا المشروع البسيط وقتها امي طالعت فيها قالت لي الله يسعدك يا رب واشوفك في اعلى المناصب وقالت لي لا تزعل على حالك انا عارفتك انك رجال طالع لابوك جمال وعارفه ان اللي صار لك مو بسيط استمر يا ولدي في اللي قاعد تسويه وانا متاكده انه بكره اجمل باذن الله خالت فيها وابتسمت قالت لي ايوه صح صح صح قبل لا انسى دام انه المويه هناك يعني مشيت بهذه السرعه ما شاء الله تبارك الله ايش رايك تبيع سندوتشات معها طالعت فيها ق سندوتشات قالت لي ايوه سندوتشات الناس بعد ما تخلص تمرينها تكون جيعانه والناس اللي يجوا يلعبوا رياضه بعضهم يكون معهم اولادهم قعدت افكر يا جماعه في فكره امي طالعت فيها قلت له ايوه صح انا كيف ما فكرت كذا قلت لها تمام سندوتشات سندوتشات هنا يا جماعه الفكره بدات تتطور احنا ما صرنا بس نبيع نبيع مويه صرنا نبيع مويه وسندوتشات المويه ما شاء الله شغاله بس السندوتشات لسه ما حد داري عنها حطيتها على الطاوله وصاروا الزبا لما يجي يشتروا مويه اقول لهم في سندوتشات عندنا وكذا تفضلوا حياكم الله قاعد اسوق لشغلي لما شفت الوضع كذا مايخارج صرت يا جماعه استغل الاطفال اشوف طفل ماشي مع امه ارفع السندوتش كذا فوق كاني ماسك كاس العالم ولا لو شفت بنت صغيره ماشيه ورا امها ولا ورا ابوها امسك السندوتش واقعد اكل قدام الطف طفله اخلي الطفل يتعذب من الجوع التسويق يا جماعه اللي انا ماشي عليه كنت في هذيك الفتره تسويق خبيث جدا طبعا الطفله على طول تستجيب للموضوع ابى سندويتش هنا الابي طالع ورا انا اسوي مجنون اني فاهم مواطن غلبان و ما له اي ذنب في هذه الجريمه الحمد لله ربنا قاعد يعطيني يا جماعه اكثر واكثر من رزق هذاك المكان انا كنت اول شخص يسوي بسطه هناك المهم بعد فتره جاني ولد شباب وفتح بسطه جنبي ويبيع نفس ما انا ابيع مويه وسندوتشات ما اخفي عليكم في البدايه يعني زعلت لانه انا الوحيد هنا انا اللي اكتشفت هذا المكان بس في نفس الوقت قلت رزقه زي ما انا قاعد ادور رزقي اكيد هذا الانسان عنده ظروف في حياته خلته انه يسوي هذا الشيء جنبي ولكن الصدمه يا جماعه مو هنا الصدمه انه الشخص هذا مو محتاج هذه الفلوس مو محتاج هذا البسط بسطه مسوي هذا البسطه من الاساس من باب انه يمارس هوايته معه سياره حلوه ما شاء الله معه وظيفه محترمه ما شاء الله وضعه مو وضع انه شخص يفتح بسطه المهم هذا شيء بينه وبين ربه فكل الامور هذه اللي قاعد اقول لكم عنها انا ما لي اي دخل اني امنع شخص من رزقه انا قاعد اشتغل في الاساس ارضى الحكومه المهم في يوم من الايام رحت وسلمت على راعي البسطه هذا اللي فتح جنبي سلمت ليه وقعدت اعرفه بنفسي الشخص هذاك كانه مو طايقني قال لي امر كيف اقدر اخدمك قال له انا جارك اللي جنبك هنا قال لي عارف قلت له حياك الله بس حبيت اتعرف عليك طالع في كذا قال لي بس هذا وقت شغل مو وقت تعارف صادق يعطيك العافيه تركته يا جماعه ومشيت للامانه استغربت من رده فعل هذاك الادمي يعني وضعه غريب انا جاي اتعرف عليك وتكرشني بهذه الطريقه شيء مره غريب ترا راجع حساباتي يمكن انا سويت شيء غلط له يمكن زعلته يمكن ضايقته بشيء او تصرف لكن والله العظيم ما لقيت اي شيء يعني اني سويته انه يضايق هذاك الشخص اوكي ما في مشكله تركت هذاك الشخص وقعدت مركز في شغلي في يوم من الايام وانا قاعد اشتغل وكان اللهم لك الحمد هذاك اليوم في زحمه قدام بسطتي يشهد الله علي ان بعض الزبائن لما كان يجوا عندي كنت ارسلهم على البسطه اللي جنبي فوق انه لئيم وتصرفه كان معاي من اول مره او اول استقبال لي معاه كان جدا سيء فوق هذا الشيء قاعد ارسل له زبائ وقاعد اسوي الطريقه هذه من باب انه ابغى الشخص يعني ما يزعل او يتضايق مني لانه للامانه الزحمه كانت كلها عندي واشهد الله اني قاعد اسوي هذه الحركه بس من باب انه الشخص هذا ما بغاه يزعل مني قلت له كذا زبون وكانوا الزبائن هذول يقولوا له ترى اللي رسلنا جارك اشوفهم هم ياشروا علي قلت يلا جت الفرصه ثانيه الان يا منير انك تروح وتسلم على الرجال وتتعرف عليه رحت له السلام عليكم يا جار كيف حالك طالع فيا قال لي مرحبا قلت له كيف الشغل معك اعطاني هذيك النظره اللي توكل على الله مو وقتك وقتها طالعت فيه وابتسمت ومشيت من عنده خلاص انا اللي علي سويته حاولت مع هذا الشخص كم مره اني اكسبه لكن من الواضح انه الشخص هذا ما يبغى يتكلم معاي من الاساس براحته ركزت في شغلي وماشيه اموري الا فجاه تظهر سياره من سيارات البلديه وتوقف عندي وينزلوا من السياره قالوا فيه كذا قالوا لي فين تصريحك وقت توترت وخفت قلت لهم لسه لسه انا لسه ما طلعت تصريح انا هنا هذا المكان اصلا انا جديد موظف البلديه قاللي اها انت جالس تبيع هنا بدون تصريح قالت في موظف البلديه اشوف شوف يعلم الله انه علي ظروف ماني جالس اقول لك هذا الكلام اني اتعذر او شيء من هذه الامور انا شخص قائم بوالدتي ووضعني جدا صعب ولسه توي لقيت لي هذه الشغله وبديت اتنفس فيها اوعدك اني راح اطلع تصريح بس الله يرضى عليك بسطتي هذه لا تشيلها يا كل راس مالي البسطه هذه اذا راحت والله العظيم ان بيتي حيضيع موظف البلديه طالع في كذا قال لي انا مو جمعيه خيريه انا شخص قاعد اقوم بعملي قلت له بس عديها اليوم بس واوعدك انه والله العظيم اطلع تصريح باسرع وقت موظف البلديه هذا يا جماعه كانه مو سامعني ولا شايفني ابدا وفوقها قاعد اطالع في البسطه اللي جنبي ما كلمه راح البسطه هذاك يطالع في ومبتسم ابتسامته لي كانها انتصار وقتها شكيت حسيت انه في شيء غلط رحت لموظف البلديه قلت له طيب يعني ليش بس انا ليش انا بس اللي تشيل بسطتي قال لي ما لك شغل في غيرك قلت له كيف مالي شغل في غيري اللي جنبي شغله نفس شغلي قال اللي جنبك معه تصريح قلت له لا ما معه تصريح اللي جنبي وضعه نفس وضعي قال اجل هذا امه داعيت له لما قال هذه الكلمه وقت عرفت ان الموضوع في انه طالعت فيه وابتسمت قبي الله ونعم الوكيل حسبي الله ونعم الوكيل نظف البلديه هذا فك باب السياره رجع نزل تدعي علي يلا حرك من هنا حرك من هنا وفعلا يا حركت من هذاك المكان خرجت من هذاك المكان وانا مخذول موجوع سبحان الله كان في بداخلي قوه القوه هذه ما اكتشفتها الا بعدين بعد سنين جدا طويله بس القوه هذه اللي اكلمكم عنها اللي صنعتها ظروف حياتي انا لما رجعت وافكر في ظروف حياتي انا ورايا امي ورايا ايجار بيت ورايا مصاريف ورايا فواتير انا الامور هذه لو ما قمت فيها وانجزتها ما راح اقدر اعيش انا ولا امي انا عارف انكم راح تسالوني تقولوا لي منير طيب يا اخي ايش فيك ما تحركت في موضوع ابوك جمال وانت بنفسك يا منير عارف انه ابوك جمال صارت له لعبه جدا خبيثه ايوه يا جماعه انا عارف كل شيء بس انا حاليا ما اقدر اسوي اي شيء انا لوحدي وما عندي اي مقاومات تقدر تساعدني اني اقدر اواجه هذولاك الناس هذول يا جماعه عباره عن عصابه مو شيء بسيط انا ما استبعد يا جماعه انه وفاه والدي وراها احد لانه زي ما انتم عارفين والدي ما شاء الله تبارك الله بصحه وعافيه وما فيه الا الخير المهم رجعت البيت وانا مخذول المره الاولى انخذلت وانا كنت حمال والمره هذه انخذلت وانا قاعد ابيع السندوتشات والمويه وانا جالس في البيت يا جماعه كذا قلت خليني انزل الشارع اغير جو شويه المهم نزلت كان في قهوه جنب بيتنا وانا قاعد في هذيك القهوه فجاه اطالع في التلفزيون اشوف شوف اعلان في التلفزيون عن مشروع جديد المشروع هذا يا جماعه حاطينه في مدينه مره بعيده المدينه هذه تبعد عن مدينتي اللي انا ساكن فيها اقل شيء ثمانيه ساعات وقاعدين يعلنوا انه راح تصير في مشاريع مره كثيره في هذيك المدينه والمدينه هذيك من الاساس عدد سكان اهلها جدا قليل قعدت افكر افكر افكر من قوه التفكير دماغي اخذتني لمكان مره بعيد تخيلوا ايش سويت رجعت البيت اجري اقوى ما عندي قلت لامي عادي لو سافرت طالعت فيه زي كده قالت لي وتسيب انا لوحدي قلت له والله ما يهون علي بس انا جتني فكره قويه قالت لي ايش الفكره قلت لي امي انت عارفه انه البسطه حقي اخذتها علي البلديه وما صار لا عندي بسطه ولا صار عندي حتى بضاعه قالت لي عارفه يا ولدي بس لا تشيل هم ترى عوض ربي اجمل قلت لها عارف عشان كذا الان انا جالس قدامك قاعد استشيرك يا امي في مدينه جديده قاعدين يشتغلوا عليها والمدينه هذه في شركه مقاولات كبيره ومعروفه عندنا في البلد ماسكتها قالت طيب بس المدينه هذه ما فيها سكانتروح تبيع مويه وسندوتشات لمين؟ قلت لها لا ما عليك انا ما راح ابيع للسكان انا راح ابيع للعمال اللي اشتغلوا في هذاك المشروع شركه المقاولات هذه فيها مهندسين وفيها عمال العمال راح ابيع لهم المويه وراح ابيع لهم السندوتشات وراح كمان اضيف لها شاهي اما المهندسين يا امي هذول حع لهم المويه والاشياء هذه برضه بس راح كمان اضيف لهم اني اسوي لهم وجبات اكل وجبه غدا والمدينه هذيك يا امي حرموت امي طالعت في كذا وابتسمت قالت لي والله العظيم اني قاعده اشوف زوجي جمال قدامي ايش هذا يا منير انت طالع حرفيا نسخ لصق لابوك نفس تفكير ابوك ابوك لما كان يسوي المشاريع ويشتغل في هذه الامور امور يجيبها من هذه الطريقه ابوك كان لما يدخل مشروع يفكر في المشكله يعني زي انت الان جبت حل لمشكله قعدت تدرس هذه المدينه مناخيا ان الوضع حر وزي كذا فيحتاجوا مويه وقعدت تدرسها اكثر انه ما في مطاعم قريبه من هناك قررت انك تسوي لهم وجبات هذا الشيء اللي قاعده افهمك اياه يا ولدي قالت دام الموضوع زي كذا لا انا ما عندي اي مشكله ولا راح اعارضك بالعكس انا راح اكون جنبك ادعمك جتني فرحه مره يا جماعه كبيره بس برضه شايل هم شايل هم امي من يقعد معاها قالت لي لا تشيل هم امكف رجال روح والقلب داعي لك يا ولدي المهم يا جماعه جهزت شنطتي وعفشي وانطلقت لجهه الباصات طلعت الباص وانطلقت تحدي جديد ومشروع جديد وصلت هذاك المكان المكان هذاك يا جماعه فعلا خلى خالي طالع في الناس ومتعجب اشياء كثيره مختلفه عن المدينه اللي انا عايش فيها المدينه هذه اللي انا فيها يعني مدينه متاخره عن المدينه اللي انا جاي منها من الاساس اول شيء قررت اني اسويه قررت اني اسوي لي بسطه لكن هذه البسطه صنعتها انا بنفسي جبت الخشب وقعدت اشتغل فيها من قلب تحسبوني خلصت كذا لا ما عجبني الوضع البسطه هذه ما ينفع تكون بهذه الطريقه لازم يكون فيها كفرات عشان اقدر اتحرك فيها لانه المكان هذاك ما اقدر اثبت فيه وعشان تخدمني هذه البسطه اكثر تحتاج اني اخليها عربيه الزبده جهزت كل شيء بالكامل وصارت جاهزه رحت واشتريت الاغراض السكر الملح الدنيا جهزت كل شيء فانطلقت لهذاك المكان الكبير المكان اللي ماسكه فيه الشركه يا جماعه ماشيه على عمايه والله مخليها على الله تيجي زي ما تجي وصلت هناك في كان رجال الامن واقفين طالعوا في قالوا لي نعم ايش عندك هنا قلت لهم والله يا جماعه انا ابيع شاهي وابيع مويه وابيع سندوتشات قالوا لي طيب معك تصريح انك تبيع هنا داخل المشروع طالعت في السكيورتي قلت له والله ما معاي ولا شيء ولو تسال عن التصريح فتصريحي توفيق الله عز وجل السكيورتي هذا طالع فيا وضحك قال لي شوف ترى هذا الشيء ممنوع بس من الواضح يا ولدي انك جاي تترزق الله هنا قال له الله قال لي حدخلك لكن لو سويت اي مشكله داخل هذا المكان او اي مهندس او واي عامل اشتكى منك سامحني راح اخرجك من المكان مباشره قال لا لا لا ابشر باللي بيض وجهك ولا تشيل هم قال لي خلاص تفضل توكل على الله وادف العربيه يا جماعه وادخل على المشروع جري فرحان انتصرت يا جماعه سبحان الله اللي خلى رجل الامن هذا يثق فيني ويدخلني داخل هذاك المشروع خلاص يا جماعه استقريت على هذا الوضع والله لك الحمد ربنا قاعد يرزقني اكثر واكثر الكل مبسوط صوت مني العمال والمهندسين الكل يجي يسولف معاي ويفتحوا معاي مواضيع في يوم من الايام قابلت مهندس وهذا المهندس كان اسمه يوسف يوسف طالع في كذا قال لي انت ايش حكايتك طالعت فيه وضحكت قلت له انا حكايتي حكايه وحكيت كل قصتي يوسف هذا انصدم او بالاصح خلينا نقول ما صدقني قال لي هي كذا في وجهي الشيء هذا اللي قلت ليه ما يصير غير في الافلام وما الومه الصراحه راحه لانه قصتي ما تتصدق المهم على هذا الوضع يا اخوان شغل في شغل واخر اليوم اتصل على الوالده واتطمن عليها وعن امورها وبشكل شهري يا اخوان ارسل لها مصروفها الشهري سبحان الله ربنا قاعد يفتحها علي المهم يا اخوان انا كنت ساكن في عماره العماره هذه يعني شققها صغيره جدا العماره هذه كان فيها غرفه حارس من الاساس اصلا العماره هذه عماره سكن عوائل وانتم عارفين المدينه هذه اللي من الاساس احنا نشتغل فيها مدينه ما فيها سكان كثير واكثر الناس اللي ساكنين في هذه المدينه ناس جايين عشان الشغل المهم هذاك اليوم رجعت من الدوام وانا تعبان ماني شايف اي شيء قدامي دخلت غرفتي وقفلت الباب وانسدحت علىفراش اللي في الارض تعرفوا الشغل اللي انا اشتغله شغل متعب اصحى من فجر الله ما ارجع الا اخر الليل المهندسين في ناس شفت الصباح وفي ناس شفت الليل فانا كنت اشتغل عشان ابيع اللي شفت الصباح الصباح وابيع اللي شفته الليل فخلاص لما ارجع البيت اكون مقتول نوم المهم هذاك اليوم صحيت من النوم واحط يدي تحت المخده الا فجاه احس ان جوالي مو موجود قمت وشلت المخده الجوال مو موجود يا جماعه نهائيا قمت ارفع اللحاف ادور في كل مكان قعدت افتكر الجوال فين حطيته معقوله معقوله اكون نسيته في الشغل لا مستحيل انا لما رجعت امسى البيت قبل ما انام اتصلت على امي واتطمنت عليها والغرفه هذه اللي من الاساس انا ساكن فيها لوحدي ما معي اي احد وانتم عارفين العماره اللي انا ساكن فيها عماره عوائل فكان شيء جدا غريب قعدت يا جماعه ادور في الغرفه فوق تحت ما في اي مكان الا ودورت فيه وما لقيت جوالي انا هنا يا جماعه اجننت قعدت اتعوذ من ابليس بسم الله الرحمن الرحيم ايش هذا جني عندنا هنا في البيت ولا ايش بالضبط المهم خرجت من الغرفه العماره اللي انا ساكن فيها فيها حارس والحارس هذا عنده كرسي يجلس فيه قدام الباب رحت للحارس قلت له لو سمحت في احد دخل اليوم العماره الحارس طالع فيه قال لي لا ما احد دخل قال له طيب شفت احد خارج او شيء قال لي لا ايش اللي صاير معك قال والله ابدا بس يعني جوالي كان معاي والجوال اختفى من غرفتي حارس قال لي غريب كيف احد بيدخل غرفتك وانت مقفلها بالباب قلت له والله ما ادري انا امس رجعت من العمل جدا مرهق فما افتكر اني قفل قفلت باب الغرفه او نسيته اهم شيء انك انت ما شفت اي احد داخل او خارج قال لي لا والله ما شفت اي احد قلت له تمام يعطيك العافيه قعدت ادور زي الضايع يا اخوان مع انه جوالي مو جوال حديث جوال جدا عادي بس انتم عارفين الجوال العايدي هذا قد ايش تعبت واشتغلت عشان اقدر اوفره وغير كذا انا ما اقدر امشي بدون جوال انت عارفين الوضع اللي امي فيه امي عايشه لوحدها مستحيل يعدي يوم ما اطمن عليها المهم وانا جالس تحت العماره الا في واحد من الجيران معه اهله كانوا طالعين البيت انا هنا مباشره بعت عن البوابه احتراما يعني لعائله هذا الشخص الا فجاه اسمع هذا الشخص قاعد يكلم الحارس يقول له هذا ليش ساكن هنا لوحده ما معه عائله الحارس قاعد يقول له هذا واحد على باب الله يعني جاي يشتغل ويتوكل على الله وغير كذا يعني المدخل حق غرفته مو من نفس يعني مدخل عمارتكم مدخله من الجنب فيعين وجوده لا يقدم ولا ياخر يعني ولا ياذي انا اعرف الرجال شخصيا ولد جدا خلوق ومحترم وماله في الكلام الفاضي الا الشخص هذاك يطالع في كذا بنظره كاني مو عاجبه يا اخوان انا مستغرب كل الاشياء او كل الحاجات هذه اللي قاعده تصير معاي كانها متشابهه لدرجه والله العظيم دخلت الغرفه ذاك اليوم وقعدت ابكي ابكي من الوجع والقهر قل لهذه الدرجه انا منبوذ لهذه الدرجه الناس ما تطيقني ليش انا ما عندي اصحاب ليش حياتي زي كذا ايوه على طار الاصحاب اصحاب اللي كانوا يدرسوا معاي في الجامعه والدنيا والامور هذه كلها ادق عليهم واحد رد علي ارسل لهم رسائل كانهم ما يشوفوها بديت احس يا جماعه كاني عايش وسط والله العظيم مؤامره بس كنت دائما احتسب لوجه الله واقول الحمد لله المهم خرجت من الغرفه وانا ماشي الحارس ناداني قال لي اقول لك جارك اللي في الدور الثالث سال عنك قلت له اي سمعته قال لي على العموم انتبه من هذا الشخص هذا مو طبيعي طلعت فيه كذا قلت له كيف يعني مو طبيعي قال لي شخص يعني الله يعفينا ويعفيك بلاوي تعاطي ما تعاطي الله يعفينا ويعفيه قال له اعوذ بالله لا لا انا مالي دخل في هذه الامور قال ايوه انا بلغتك عشان حتى لو في يوم من الايام تعرض لك او شيء تجنبه قلت له لا لا الهم خلاص انا في الامور هذه جدا متفاهم وقتها رحت الشغل خلص شغلي وكل اموري وكل شيء رجعت البيت طبعا الجوال يا اخوان دقيت من كل مكان جوالي مقفل خلاص يعني حرفيا الجوال ما ضاع الجوال انسرق في يوم من الايام وانا نايم على الحافيه فجاه يا جماعه اسمع صوت واحد يرفس الباب باقوى ما عنده انا وقتها فزيت لا اله الا الله اطالع يا اخوان الى الشخص اللي ساكن في الدور الثالث الشخص هذا اسمه عمر عمر جالس يدور فينها فينها انا على الحافي وطالع في هذا المنظر مصدوم ايش هذا اللي قاعد يصير معاي اعوذ بالله من الشيطان الرجيم هذا ايش جابه هنا لا مو بس كذا الشخص هذا داخل علي يا جماعه وفي يده سكين جا عندي قال لي والله لاذبحك فينها ويصارخ انا انا قاعد ارجف رجولي متجمده في الارض ماني عارف ايش اسوي مين هي اللي فينها جا قرب مني الين عندي حط السكينه على رقبتي وخانقني باقوى ما عنده قال لي طلعها ولا والله لاذبحك معاها طالع فيه الرجال عيونه عيون مو طبيعيه ووجهه كله عرق وملابسه مبهذله انا هنا وقتها ما حسيت بنفسي تقدروا تقولوا خلاص منير زمان انتهى اليوم صار في منير جديد وانا على الحافي وسكينته على رقبتي مسكت السكينه ورميتها باقوى ما عندي ومسكته من هنا يا جماعه وسدحته في الارض ودخلت فيه يا جماعه تشويت هنا وهنا واعطيه هنا ما في الا قوه الضرب فوق تحت ما في مكان سبته الا هلكته فيه من قوه الضرب عدمت وجهه يا جماعه كله دم في دم ويجي الجيران ويجي الحارس الناس كلها تجمعت خلاص فكه بتقتله بتقتله في يدك هذاك اليوم مو بس الشيطان دخل فيني الشر كله كان حاضر هذاك اليوم لدرجه حارس العماره برضه يعني ولد شباب جايبي فارع دفيته باقوى ما عندي الناس فارعت وكل شيء هذا خلاص قاعد يصيح الرجال هذا مسكته من هنا انت اللي سرقت جوالي صح انت اللي سرقت جوالي قال لي ايوه قلت له تمام حطيت يدي في جيبه وسحبت جواله قلت له مو من طبع الناسر اسرق بس ترجع جوالي رجع لك جوالك اذا احنا اثنيننا صافيين شالوه الجيران يا جماعه وكل شيء وخرجوه انا الى الان مو مستوعب هذا المريض جاي يدور عندي على مين استنيت اليوم الثاني لا جاب جوالي ولا يحزنون قلت خلاص دام ما جاب جوالي فجواله حلال علي المهم يا اخوان انا هنا قررت اني اخذ لي اجازه وارجع اشوف الوالده اشتقت لها وابشركم رحت شفتها وطمنت عليها الحمد لله بخير ونعمه ومبسوطه وفرحانه واخذت لها بيت افضل من البيت اللي كانت ساكنه فيه في الحاره اطمنت عليها وعلى امورها وكل شيء خلاص ثلاث ايام قعدت عندها وقررت ارجع للمكان اللي اشتغل فيه المهم يا اخوان رجعت لشغلي وانا في وسط الشغل اللي يجوني اثنين لابسين لبس مدني بس اشكالهم غريبه جوا عندي وسلموا علي قالوا لي منير قلت لهم هال هال قلي معك البحث الجنائي انا هنا توترت قلت خير اللهم اجعله خير ايش في ايش صاير قالوا لي تعال معان المركز وتفهم كويس ايش اللي صاير رحت معاهم الينا المركز ودخلت وقابلت الضابط قاللي تفضل اجلس خلعت في الضابط قلت له امرني قاللي تعرف واحده اسمها سلمى طالعت فيه قالله سلمى مين هذه سلمى الضابط طالع فيه وابتسم قال لي منير لا نلف ولا ندور على بعض خليك واضح وصريح معاي من متى وانت تعرف سلمى عفوا يا سعاده الضابط انا ما اعرف احد بهذا الاسمين الضابط وقف من على كرسي قال لي يعني انا كذاب صح قلت له لا محشوم بس انا فعليا ما اعرف احد بهذا الاسم الضابط بس يقول لي بس الكلام اللي وصلني غير هذا الشيء الكلام اللي وصلني انه في بينك وبين سلمى علاقه طالعت في الضابط قلت له اعوذ بالله ايش قاعد تقول انت انا مالي في هذه الامور والله العظيم يشهد الله علي لا عمري حتى تكلمت مع بنت اصلا قلي طيب بكل اختصار علمني ليش قتلتها ايش قتلت مين سعاده الضابط انت تكلمني انا اقتل مين قال ايوه عادي اقتلها ليش ما تقتلها ايش ينقصك عشان ما تقتل قال له لا قصنا حاجات كثير قلت له انقصني ينقصني امي اللي متغرب عنها وتنتظرني ينقصني لقمه عيشي بس الى الان يا سعاده الضابط انا ماني عارف مين هذه سلمى اصلا من الاساس قال لي تب طيب تعرف واحد اسمه عمر اول ما سمعت هذاك الاسم انا تجننت قلتله ايوه اعرفه قال لي انت تعديت عليه قبل فتره صح قلت له لا يا سعاده الضابط لو تعديت عليه يعني كانك تقول دخلت بيته بس الشخص هذا تهجم علي في بيتي فمن الطبيعي اني راح ادافع عن نفسي ما راح اخليه ياذيني وسط بيتي هذا انا اتوقع يا سعاده الضابط انه لا دين ولا قانون يضب هذا الشيء قال لي كلام سليم بس عمر يقول وبشهاده الجيران انهم سمعوه يدور على زوجته عندك في الغرفه اعوذ بالله من الشيطان الرجيم ايش قاعد تقول يا سعاد ذا الضابط الكلام هذا ما يصير الضابط هنا طالع فيه وابتسم قال لي ما شاء الله جاي تعلمني العيب يا منير لا والله كفو ليك قلت لا محشوم يا سعاده الضابط بس الكلام اللي جالس تقوله كلام ثقيل مو سهل وانت جالس سعاده الضابط تكلم في اعراضه وما احد يرضى بهذا الشيء ابدا قال له اجل طيب ا عمر ليش يتعدي عليك دام ما بينك شيء وبين سلمى قلت له طيب ممكن تفهمني سعاده الضابط مين هذه سلمى اصلا من الاساس قال لي سلمى هذه تصير زوجه عمر كيف كذا ايش قاعد تقول انت انا يعرفني في زوجه عمر اصلا الضابط طالع فيه قال لي وريني الجوال اللي في يدك طلعت الجوال من جيبي واعطيت فيه قال لي هذا الجوال مو جوال عمر قي جوال عمر بس انت في شيء ما انت فاهمه يا سعاده الضابط اللي فهمني قال له عمر هذا تعدى علي ودخل بيتي في يوم من الايام وقاعد يقول وينها وينها وكلم بطريقه جدا غريبه ومن الواضح انه هذاك اليوم ما كان في وعيه والان وضح لي من كلامك انه هذاك اليوم عمر جاي يدور زوجته عندي في البيت اعوذ بالله بس هذا الضابط انا عمري ما اذيت احد وعمري ما تكلمت اصلا من الاساس مع بنت في حياتي واذا تبي تتاكد اسال سلمى هذه زوجه عمر والله العظيم انا عمري ما شفتها ولا كنت تكلمت معها ولا صار بيني وبينها اي شيء الشخص هذا اللي اسمه عمر شخص مريض ضابط طالع فيه قال لي اسال سلمى اجل ها ضحكتني والله العظيم اسالها فين سلمى يا منيره انقتلت عمر زوجها يقول انك انت اللي قتلته ورافع عليك بلاغ وشكوى ويقول انه في بينكم وبينها علاقه ومو بس كذا يقول انك حاولت انك تخبب بينها وبين زوجها وشافكم كذا مره مع بعض اعوذ بالله من الشيطان الرجيم اعوذ بالله من الشيطان الرجيم مستحيل في احد يتكلم عن عرضه واهل بيته بهذه الطريقه الضابط طالع فيني قال لي شوف يا منير الكلام هذا كله اللي جالس تقوله الان ترى ما يفيدك انت الان قدامي المتهم الوحيد في مقتل سلمى يا تعترف وتريحنا وتخليني اشوف اي طريقه اقدر اساعدك فيها يا تتحمل نتائج تاخيرك هذا كله طلعت فيه قلت له والله العظيم انا فعليا ما سويت شيء انا كنت مسافر عند امي انا لسه توي واصل قال لي عادي تقدر تنفذ جريمتك وتسافر الموضوع مو بهذه الصعوبه المهم يا جماعه انا ضعت في هذا التحقيق جولتي كانت مره خسرانه ما احد رضي يشهد معاي تقدروا تقوله انا شلت الشاي لوحدي ورموني في الحجز محامي ما عندي فلوس المحامي عشان اجيب لي محامي طلبتهم يجيبوا حارس العماره لكن حارس العماره ما رضي يقول اي معلومه قال انا ما اعرف اي شيء حتى لما سالوه عن اخلاقي وعن وعن وعن ما قال ولا معلومه صحيحه اني والله العظيم وانتم اكثر ناس عارفين لا ضريت احد لا اذيت احد ولا اي شيء خلاص رسميا منير مجرم وبالخط العريض في كل الصحف وفي القنوات وفي كل مكان قاتل سلمى كذا بالخط العريض والاخبار اللي كانت مكتوبه اني قتلت سلمى عشان طلبت من سلمى انها تنفصل من زوجها ونتزوج انا وهي فسلم رفضت فانا هنا قررت اني اتخلص من سلمى كل الصحف والقنوات قاعدين يتكلموا بلساني والله العظيم انا انا ما سويت شيء حاولت ت ادافع عن نفسي حاولت حاولت ما قدرت خلاص حكموا علي بالسجن والاعدام ودخلت السجن يا جماعه اول ما شفت السجن وعالم السجن رعبت يا جماعه لاني انا مظلوم انا هنا جيت بدون اي ذنب وكل الاشياء ثبتت ضدي والمحامي اللي كان جايبه هذا اللي اسمه عمر محامي مو طبيعي جاب القضيه يمين ويسار وبالذات لما عرفوا ان انا سرقت جوال امر انا خلاص ثبتوا علي كل شيء وسكان العماره وحارس العماره انا ماني عارف ليه هذول الناس كلهم ما احد فيهم شهد معاي هنا خلاص ما عندك اي حل غير انك ترضى بالامر الواقع بس انا همي الوحيد كان مو حياتي ولا مستقبلي همي الوحيد كان امي امي ما صار لها اي احد كنت كل يوم يا جماعه انهار اكثر واكثر يا ترى مين قاعد يصرف على امي مين قاعد يسدد الايجار عن امي اسئله كثيره كنت اسالها نفسي لكن ماني لاقي اي اجابه لها الين هذاك اليوم اليوم اللي اتصلت فيه من تلفان السجن على والدتي قلت لها كيف حالك قالت لي انا بدونك بدون حياه قلت لها لا توجعي قلبي اكثر قالت لي ليش سويت كذا قلت لها والله يا امي ما سويت شيء انت حتكوني ضدي مع الناس كمان ولا ايش قالت لي لا انا عارفه ولدي ولد بطني عارفه منير جمال ما يسويها ابدا ولا تخاف يا ولدي انا معاك وفي ظهرك قال له ما عليك مني الان انت طمنيني ايش قاعده تسوي وكيف قاعده تصرفي على نفسك؟ قالت لي لا تخاف علي يا ولدي انا بخير والجيران اللي حولي ناس يخافوا الله الناس هذول اول ما عرفوا بظروفي وعرفوا اللي حصل لك كلهموا معاي وابشرك جارنا ابو محمد اللي ساكن تحتنا دفع ايجار الشقه لمده سنه كامله يعني اطمن انا بخير يا ولدي اهم شيء انت ارتاح واتطمن قف اتطمن يا امي كيف اتطمن والدنيا كلها ضدي انت شايفه باللي قاعد يصير معاي من يوم ما توفى والدي جمال وانا في دمار كل شغل اخش يا امي اطلع منه كل ما انجح في شغله واقول بسم الله يلا بديت تتقفل في وجهي بسرعه يا امي انا بديت احس اني انا انسان منحوس بديت اني احس اني انسان مو كويس قالت لي لا تعوذ من ابليس ولا تقول هذا الكلام ابدا انت بالكلام هذا اللي جالس تقوله الان انت قاعد تعترض على حكمه ربي كل الاشياء اللي قاعده تصر لك هذه ابتلاءات من رب العالمين لك ربنا يحبك ربنا قاعد يختبرك يا منير لا تضعف لا تضعف لامور الدنيا يا منير اي شيء يصير معك يا منير احمد الله على النعمه اللي انت فيها قال له يا امي الحمد لله بس انا في مصيبه يا امي انا في مصيبه يا امي انا انا مو بس حنسجن يا امي انا راح انعدم وقتها قاعدت تبكي تبكي قالت لي انا معك وباذن الله ربنا راح يظهر الحقيقه استودعتك الله يا ولدي وقفلت ان وجعت يا جماعه من قوه الوجع اللي جاني في هذيك المكالمه انا صرت اتهرب من اي مكالمه تصير بيني وبين امي المهم وانا جالس في الزنزانه فيشيني رجال كبير الرجال هذا بعمر والدي جمال سلم علي وجلس جنبي قال لي ايش فيك يا ولدي ايش صاير معك انا قريت في عينك هم مره كبير قال له صادق قال له معك ابو راشد قال له اهلا وسهلا انا منير قال له ش اللي جابك هنا يا منير قال له اللي جابني هنا مر الدنيا اللي جابني هنا ابتلاء واختبار من رب العالمين لي قل لي الحمد لله بسالك انت هنا في السجن انت ظالم ولا مظلوم له انا كلمه مظلوم قليله بحقي كلمه مظلوم احس ما توفيني انا مغدور قل حكيني ايش اللي صار معك اعطيت قصتي نفس ما اعطيتكم هي طالع في قال لي الله يرحم والدك جمال من الواضح انه جمال جاب رجل بحقه حقيقه قلت له بس الرجل هذا خلاص كلها كم سنه وينعدم طالع في ابو راشد وحط يده على كتفي قال لي يا ولدي يا بخت من بات مظلوم ولا بات ظالم صح انك مسجون وصح انك شايل هموم الدنيا هذه كلها فوق راسك سقول لها يا ولدي تقدر تروح وتنام وانت مرتاح ما تخاف ما تخاف ان النومه هذه تكون اخر نومه في حياتك بس طالما الموضوع زي كذا تطمن انا راح اوقف جنبك طالعت فيه وضحكت يا ابو راشد توقف جنبي مين؟ ابو راشد انت معاي مسجون لو كان تقدر تخدمني كان خدمت فيها نفسك؟ قال لا للاسف للاسف ان وضعي يخليني اقدر اخدمك بس ما اقدر اخدم نفسي قلت له ليش؟ قال لي لاني من الاخير انا اللي صار معاي نفس اللي صار مع ابوك انا هنا يا ولدي في هذا السجن بسبب الثقه وثقتي ما كانت من ناس بعيده لا ثقتي كانت من ناس جدا قري يبه ثقتي كانت بسبب اخويا اخويا اللي من لحمي ودمي اخويا غدر في عشان الفلوس كان دائما يطلبني كنت ارفض بس رفضي له كان لمصلحته كنت اخاف عليه ما كنت ابغاه يطلع اتكالي كنت ابغاه يطلع شخص يعتمد عليه والله يا منير وانت ما حلفتني اني كاتب في وصيتي انه يورث مني زي ما عيالي يورثوا مني وفوق هذا الشيء ما ثمر طالعت فيه كذا قلت له وليه ما ثمر قاللي لانه ما يعرف ما يعرف انه انا مسوي له هذا الشيء قلت له بس كيف يعني معلش غدر فيك قال بكل سهوله تعاون مع عدوي ضدي قلت له بس شيء غريب يعني انت ما اذيته ولا سويت لي شيء ليش هو يسوي فيك كذا قال الغيره الغيره البعيده عنك قال بس معلش يعني هل الخير اللي عندك لهذه الدرجه كبير قال اكبر مما تتصور قال له ايو بس يعني ما دام انت عندك خير وعندك فلوس انت ليش انسجنت قال انسجنت انا هنا بسبب ان استقبلت بضاعه والبضاعه هذه كانت باسمي البضاعه هذه كانت بضاعه ادويه كبيره كنت مستوردها من بلد مجاوره والبضاعه هذه كان اخويا هو اللي مسؤول عنها بس كان يوقع بتوقيعي ويختم الختم بختمي وكل الاجراءات القانونيه كانت باسمي اما هو ما كان له اي صله بالموضوع نهائيا قلت له طيب وبعدين ايش اللي صار؟ قال اللي صار يا طويل العمر والسلامه انه الادويه هذه اللي دخلت في البلد من الاساس ما هي ادويه هذه كانت مخدرات طالعت فيه كذا وانا مصدوم له مخدرات انت تشتغل في المخدرات قال لي لا اعوذ بالله بس اخويا اخويا ولد لحمي ودمي غدر فيني واخذني كبري قال له طيب وبعدين قال لي وبعدين مسكت البضاعه من جمارك المطار قال له طيب وبعدين قال لي وبس قاعده تصادرت البضاعه وكل شيء وجابوني انا لانه كل شيء باسمي وحققوا معاي ونكرت طبعا لانه انا ما لي ذنب فعلا تخيل يا منير انه اخوك اللي اصغر منك اخوك اللي انت بنفسك شلته بيدك رحت تسجله في المدرسه المرحله الابتدائيه بعد عمر طويل تشوفه في المحكمه ايش ههد ضدك انا يا جماعه وانا اسمع هذه القصه من ابو راشد انا انوجع قلبي انا ما قدرت اتحمل قلت يا الله يا الله وطيب ش اللي صار بعدين يا ابو راشد قال اللي صار خلاص كل شيء كان مثبت ضدي وانا لي مسجون ون فتره جدا طويله ومستني يصدر حكم اعدامي قاعد يكلمني هذا الكلام يا جماعه وهو مبتسم ما كانه خايف ولا كانه متوتر ولا اي شيء حرفيا قلت له لا حول ولا قوه الا بالله لا حول ولا قوه الا بالله قلت له طيب يعني ما في اي شيء يبرئك من هذا الموضوع قال لي ما في قال له طيب يعني اخوك ليه سوى هذا الشيء يعني هل هو محتاج فلوس انه يهرب هذه البضاعه قال لي لا هو تعاون مع شخص منافس لي في المجال في مجال عملنا طبعا عدو اخوي اعطى اخويا مبلغ كبير واخويا انسان مشفوح لما شاف هذه الفلوس وهذه الدنيا الجديده اللي راح يعيشها قرر انه يستغني عن اخوه الكبير وللمعلوميه اخويا هذا اللي احكيك عنه ما كنت بس اخوه انا كنت ولي امره انا كنت مسؤول عنه انا اللي زوجته انا اللي صرفت عليه انا اللي كبرته ما اقوللك قاعد هذا الكلام يا منير اني قاعد اتمن لا والله قاعد اوضح لك بس انه انا في هذا المكان جالس هنا ليش؟ طالعت فيه وابتسمت قلت له ماك رجع طالع فيا وقال لي تراني على وعدي انا راح اساعدك واوقف معك طالعت فيه قلت له انا نفسي يعني اقول لك هذا الشيء ولكن ما حقدر اساعدك عارف تركته يا جماعه وجلست لوحدي وقعدت افكر قعدت كذا لوحدي يا جماعه جلست افكر ليش ممكن شخص ينتقم من ابو راشد بهذه الطريقه ابو راشد يعني على كلامه انه تاجر ويشتغل يبيع ويشتري ومن هذه الامور ليه ممكن شخص انتقم من شخص بهذه الطريقه معقوله في عالم البزنس وفي هذه الامور توصل لهذه المرحله قعدت كم يوم كذا بعيد عن ابو راشد بعده رجعت وجلس اتكلم معاه قلت له ها ايش اخبارك قال لي نفس كل يوم قلت له والله انا جلست مع نفسي وقعدت افكر انه كيف نلقى اي طريقه عشان تخرج من هذا الموضوع قاللي لا لا تشيلهم في ناس كثير قاعده تفكر عني في محاميين كثير ماسكين قضيتي بس باذن الله يجي يوم ويظهر الحق قال له باذن الله قال لي ايوه على العموم ترى بلغت المحامي وكلمته عن موضوع والجماعه شغالين على الموضوع اطمن قال الله يطمنك دنيا واخره قال لي ايوه لو خرجتني قول من السجن ايش راح تسوي طالعت فيه وضحكت قال اذا خرجت من السجن ان شاء الله انا وانت نتقابل في الجنه هنا ابو راشد قاعد يضحك قال لا لا ان شاء الله الله يطول بعمرنا ونعيش في الدنيا ونتقابل برضه باذن الله في الجنه ليش لا اس لا خلينا نتكلم من جد ايش ناوي تسوي؟ قلت له والله ابدا انا خلاص احس نفسي صرت يعني عاشق لعالم التجاره مع اني ابيع سندوتشات يعني كنت ومويه والاشياء هذه بس برضه احسها تجاره ابو راشد طالع في قال لي لا تستحق ابدا مهنتك مهما كانت بسيطه او صغيره انت عارف هذا البزنس اللي تتكلم عليه انك تبيع سندوتشات انت عارف في مطاعم عالميه فاتحه على السندوتشات هذه وجالسه تحقق مو ملايين مليارات قلت له عارف ايوه سالني انا مستوايا مو نفس هذولاك الناس قال لا لا لا تقول كذا الناس هذول بدايتهم كانت نفس بدايتك بس اللهم الفرق بينك وبينهم انه نفسهم طويل وعندهم صبر وانت لسه ما اخذت فرصتك في هذا البزنس وبعطيك نصيحه يا منير يا ولدي التجاره مو انك تبيع بضاعه بس التجاره الحقيقيه انك تبيع فكره السجن ما في جوال الوقت اللي يمر علينا داخل السجن كانه سنه في الخارج عشان كذا انت تقدر تبدا فكرتك من هذا المكان قلعت فيه وضحكت قلت له معليش يا ابو راشد بس هذا الكلام تقوله الواحد راح يخرج بعد شهر بعد سنه بعد خمس سنين حتى انت قاعد تكلم الان يا ابو راشد واحد بعد كم سنه ما راح يكون موجود في الدنيا قال لي تفاءل بالخير تفاءلوا بالخير تجدوه يا ولدي خلي دائما على طرف لسانك التفاؤل خليك دائما شخص ايجابي لا تكون شخص مستسلم مهما كانت الظروف قاسيه عليك اصمد اصمد قلي ابشر وفعلا صرت اشغل وقت يا جماعه بافكار البزنس افكر افكر افكر غرقت يا جماعه عالم التفكير الين هذاك اليوم اليوم اللي انا جالس وسط زنزانتي ينفتح باب الزنزانه وينادوا باعلى صوت منير جمال انا وقتها يا اخوان قلت لا اله الا الله ايش في؟ اخذوني من يدي وخرجت الين وصلت يا جماعه مكتب الضابط طالع في الضابط قال لي تفضل اجلس الضابط طالع في قال لي من يوم ما شفتك انا داخل السجن وانا عارف انك بريء يا ولدي احنا ما نقدر نقول شيء ما نقدر ناخذ الشخص على ملامحه او على اخلاقه او على تربيته نحنا ناخذ الاوراق اللي قدامنا قال له عارف قاللي للمعلوميه ترى امورك طيبه راح تخرج خلاص طالعت فيه نعم ايش تقول انت؟ قال امورك طيبه وراح تخرج من هنا عفوا يا سعاده الضابط انا علي حكم اعدام تقول لي تقول لي حخرج من هنا تقول لي ايوه حتخرج من هنا الشخص اللي ارتكب هذه الجريمه طلع هو زوج سلمى زوج سلمى قتلها لانه مريض متعاطي بسبب هذه البلاوي اللي يتعطاها صارت تجيه هلوسه كثيره وصار تتخيل امور ما هي موجوده اصلا والناس اللي شاهدوا ضدك في المحكمه عمر كان مهددهم شخص ولكن المحامي الاخير اللي مسك قضيتك هو اللي كان بفضل الله ثم فضله اللي قلب القضيه فوق تحت قلت له معلش عفوا انا ما فهمت ممكن تفهمني اكثر قال لي ابشر حفهمك انت الان اهد ولا تتوتر قله انا هادي بس تكفى علمني ايش اللي صار بالضبط قال اللي صار بالضبط شفت هذاك اليوم اللي انسرق منك جوالك قلت له ايوه قال اللي انسرقه عمر قلت له ايوه عارف وانا قلت لهم في التحقيق قال لي ايو بس ما سالت نفسك هو ليه سرق جوالك قلت له لا والله قال سرق جوالك في البدايه عشان اشوف جوالك رقم زوجته مسجل عنده ولا لا وما لقى رقمها وما اكتفى بهذاك الشيء والغلط اللي صار في الموضوع انه في يوم من الايام عمر وهو كان راجع ومعاه زوجته في السياره وكانوا طالعين العماره صارت بينهم مشاده في الكلام سلمى زوجته قالت له النظافه ما هي بالفلوس شوف جارك اللي تحت اللي ساكن في غرفه الحارس انسان باين عليه على قد حاله بس ما شاء الله دائما نشوفه من البيت للمسجد بسبب هذه المدحه عمره تحول لشخص ثاني واتجنن قال بس اكيد انه منير له علاقه مع زوجته فقرر هنا منير انه يذبح زوجته تخلص منها وسوى السيناريو هذا بالكامل عشان انت تشيل لليله لانه هو متوهم فعلا ومتاكد انه انت تعرف زوجته والعياذ بالله قال له مستحيل قال له انا عارف عارف انه مستحيل بس هذا شخص مو بوعيه شخص غير طبيعي طالعت في الضابط قلت له بس هذا كيف اعترف قال لا لا لا ما اعترف ببساطه بفضل الله ثم المحامي اللي قلت لك عنه هو اللي بهذله بهذله من قوه البهذله اللي سواها فيه خلاه يجينا زي المجنون عمر جانا زي المجنون الينا المركز واعترف بكل شيء وانت الان خلاصيه بسالك المحامي هذا اللي جبته هذا من اكبر المحاميين عندنا في البلد والقضايا اللي مسكها مو بالالوف بالملايين انت كيف جبته طالعت في الضابط قال والله العظيم اني ما دفعت له ولا ريال الله يجزاه الخير والجنه ابو راشد وللمعلوميه يا منير ترى حتى ابو راشد مظلوم زيك بس ما احد قادر يثبت هذا الشيء هو قدر يساعدك بس غلبان مو قادر يساعد نفسه قام الضابط من على الكرسي وسلم علي قال لي مبروك البراءه يا منير تقدر تتفضل خرجت ورجعت للزنزانه رجعت يا جماعه اودع زملائي اللي قضيت معهم فتره سته اشهر دخلت عليهم بخيري وخرجت من عندهم بخيري ابو راشد قال لي باذن الله يجي يوم ونلتقي قال له باذن الله وانا راح احاول قد ما اقدر اني اساعدك قال لي لا موضوعي ابعد عنه نهائيا لانك لو فكرت انك تساعدني ما راح يسيبوك قضيه كبيره يا ولدي ما هي بسيطه قلت له لا والله ما اسيبك قال لي لا منير اذا تعزني كويس فابعد عني لا تجيب اسمي لاي احد ولا تدور ورا موضوعي نهائيا حتى اخويا ارجوك يا منير انت في ام تنتظرك انت ما انت جالس تتعامل مع ناس بسيطه يا منير انت جالس تتعامل مع ناس ما يعرف الرحمه يا ولدي ناس ضميرهم ميت ناس ما يهمهم غير الطمع قلت له ابشر قال اللي اعرفك كذاب تسوي اللي في راسك بس دقيقه راح الين تحت لحافه سحب المصحف قال لي حط يدك في المصحف قه لا قال لي حط يدك في المصحف حطيت يا جماعه غصب عني قال لي احلف احلف انك ما تدخل في موضوعي نهائيا احلف حطيت يدي في المصحف حلف اقسم بالله العظيم اني ما اتدخل في موضوعك نهائيا يا ابو راشد واخذني بالحضن قاللي خلاص تقدر تشوف حياتك يا ولدي بالتوفيق استودعتك الله وخرجت من عندي يا جماعه خرج جري لحضن امي وهي تستقبلني عند باب السجن رجعت رجعت الحياه من جديد والحمد لله ولكن المطلوب مني الان اني ارجع واوقف على رجولي من اول وجديد تجارتي الاولى ما نسيتها لسه موجوده رحت وتوجهت جماعه للمكان اللي كانوا يجوا ويسووا فيه رياض الناس المكان اللي فاتح فيه بسطه اول المكان هذاك صار عباره عن بسطات كثيره صرت اروح لاصحاب البسطات واسالهم عن كيف الشغل معكم والكل يا جماعه كان يشتكي من الشغل يقولوا انه بسبب كثره البسطات يعني الواحد ما صار يعني يعرف يشتغل والشيء هذا سمعته مو من بسطه واحده لا من اكثر من بسطه وقتها عرفت سبحان الله ليه ربنا زمان صرفني عن هذا الرزق وعن هذا المكان وتفتكروا هذاك الشخص اللي بلغ علي البلديه وسوى الفيلم هذاك بالكامل سالت عنه الصدمه يا جماعه لما عرفت ايش صار معاه قالوا انه في واحده جت واتبلت عليه في مكان عمله وان الشخص هذا فعلا مظلوم ما سوى لها ولا اذاها ولا عمل لها اي شيء وقتها والله العظيم لمن سمعت هذاك الخبر صح اني اضايقت وزعلت لانه في الاخير شخص انسجن ظلم وانا جربت هذا النوع من الظلم قبل كذا بس وقتها عرفت سبحان الله ان الله يمهل ولا يهمل انتم بنفسكم عارفين انه زمان هذا الشخص نفسه اتبلى علي استخدم واسطاته في البلديه ومن هذه الامور وخلاهم يطيروني من المكان بالنسبه لي كان هذا الموضوع درس كبير لي في حياتي المهم ما ناسبني المكان مشيت هنا الوالده قالت لي ها بشر ايش راح تسوي طالعت فيها قلت له يا امي لازم اسوي الشيء اللي ما سويته من زمان الوالده طالعت فيه كذا قالت ليكون قلت لها ايوه يا امي هو انا بروح لعمران بروح للمحامي انا يا امي صبرت على شيء مستحيل اي احد مر بالظروف اللي مريت انا فيها بحياتي يتحمل هذا الشيء يا امي انا ما راح اطلب سلف او راح اطلب احد يعطيني صدقه يا امي انا رايح اطلب حلالنا رايح اطلب رزقنا رايح اطلب الشيء اللي اخذ مننا امي طالعت فيه قالت لي بس ما احد اخذ منك شيء يا ولدي قلت لها الا الا حلال ابويا كل اخذ يا امي ولا شكلك يا امي تبغيني اصدق المسرحيه هذه بالكامل اللي صارت علينا قالت يا ولدي لو في شيء يثبت كان ظهر من زمان قلت لها لا يا امي هذول ناس جدا خبيثين هذول ناس شغالين على هذا الشيء من فتره جدا طويله بس ما احنا قادرين نوصل لاي شيء الوالده ضغطت ضغطت علي ولكن انا ما قدرت ما قدرت اتحمل يا جماعه وانا متاكد لو اي احد منكم في مكاني اقل شيء هذا حيسويه قعدت يا جماعه احفر على بيت عمران قاعد ادور على بيته زي المجنون الين وصلت لعنوان بيت عمران رحت لين بيت عمران ودقيت عليه الجرس عمران خرج لي طالع فيه قال لي امرني قلت له ما يامر عليك عدو س اتكلم معك قل له حياك ك الله تفضل دخلني بيته قال لي امرني كيف اقدر اخدمك يا جماعه اشكيله واحكيه عن الظروف كلها اللي انا مريت فيها ولكن لا حياته لمن تنادي يطالع فيا ساك قال لي تمام ما في مشكله تركني في المجلس وراح وبعد ثلاث دقائق رجع رجع في يد الظرف قال لي ها تفضل هذه مساعده مني لك اهم شيء لا تنسونه من الدعاء اخذت الظرف رميته في وجهه قلت له انا ماني انا جاي اخذ منك صدقه انا جاي ادور على حلال والدي حلال والدي اللي لعبتوا عليه بس كيف لعبتوا كيف انتوا وصلتوا لهذه المرحله عمران جا وقف قدامي قال لي شوف يا منير انت متخيل انه لعبنا على والدك ومتخيل انه سرقناه بس انت شافت عينك والدك الناس تساله فلوس من كل مكان وللمعلوميه ترى بسبب المشاكل هذه اللي والدك كان داخلها انا وناس كثير من زملاء الوالد دفعنا دفعنا عشان والدك يرتاح في قبره بدل ما تيجي تشكرني الان جاي تتهجم علي وتغلط علي هذا نهايه الاحسان يا منير كذا علمك ابوك جمال لما شخص يوقف معاكم في الاوقات الصعبه كذا تتعاملوا معاه وقتها وقفت من على الكرسي ق له مو انت يا عمران مو انت يا عمران اللي تعلمنا الواجب يا عمران انا كنت اشوفك بعيني وانت تبوس يد والدي كنت اسمع صوتك من الجوال وانت تترجاه جاي الان تسوي علي يا شيخ جاي الان تنظر علينا وتقول انك انت من الناس اللي وقفت مع والده عشان لا يتعذب في اخرته سددته عن ديونه ضحكتني يا عمران ضحكتني مشكلتك يا عمران انك تحس بنفسك ذكي نصيحتي لك انك توقف قدام المرايا وتسال نفسك قدام المرايا انا ذكي ولا غبي عمران طالع فيا قال لي اطلع برا اطلع برا طالعت فيه وضحكت قلت له ما الايام بيننا باذن الله عمران طالع في قال لي تهددني اكيد تهدد ما صرت ما شاء الله تبارك الله خريج سجون قال له صح صرت خريج سجون انا كانت امنيه حياتي اني اتخرج من الجامعه ولكن انحرمت من هذا الحلم واليوم انا خريج سجون صح اني خارج من السجن بس اقلها اني شخص شريف مو شخص حرامي تركت يا جماعه ومشيت قعدت افكر ايش اسوي ايش اسوي ايش اسوي ورجعت لشغلي الحقيقي ابيع مويه ولكن هذه المره قررت اني ابيع المويه عند الاشاره. اخترت يا جماعه افضل واقوى اشاره عندنا في المدينه الاشاره هذيك كانت عند حي الحي هذاك كبير وفخم وحي من الاخير ما يسكنوه الا الناس اللي عندهم خير. انا جالس في هذيك الاشاره كنت اجيب كذا كرتون واحطه جنب الاشاره وامسك علبتين مويه او ثلاثه علب مويه واقعد ارفع للسيارات. مويه بارده مويه بارده مويه بارده واشتروا مني اصحاب السياره في بعض المواقف يا جماعه مستحيل انك تنساها والمواقف هذه تكون عباره عن دروس لك تعلمك الصبر انك تمسك نفسك وقت الغضب من هذه الامور من هذه المواقف في موقف مره ما اقدر انساه كان يا جماعه زبون كان واقف عند الاشاره قال لي المويه هذه اصليه ولا تقليده ويضحك طالعت في الزبون هذا ايش بك ليش كذا انت انت دمك ثقيل انت ما تضحك بس طبعا ما اقدر اقول لهذا الكلام انا هنا لازم اضحك لازم اجامل عشان اشتري علبه المويه للمعلوميه الاشاره مدتها 30 ثانيه خلال ال 30 ثانيه انا لازم ابيع اكثر من علبه مويه يعني الزبون ما ياخذ مني وقت ولا ينفع اطول معاه قلت له لا اصليه طالع فيه كذا حجر لي ما ضحك ترى عارف حركاتكم عارف حركاتكم مره كويس تاخذوا العلبه الفاضيه تروح تعبوها من عند المسجد وترجعوا هنا تبيعوها طالعتي قويه فتح المويه سمع الطق حق العلبه هذا طرق قال ها اصليه ولا تقليد قال لها اصليه اصليه ما شاء الله بسبب الحوار هذا الاشاره رجعت فتحت من جديد انا هنا عرفت وقتها اني ما ينفع اخذ واعطي مع الزبون كثير لانه انا عندي 30 ثانيه لازم ابيع في ال 30 ثانيه هذه باسرع وقت ممكن عشان اخلص الكراتين اللي معاي صار عندي خبره يا جماعه في السيارات اعرف مين اللي اشتري مين اللي بس يبي يتفلسف مين اللي جاي مين اللي جاي يسرق كل الامور هذه خلاص صار عندي خبره عاليه فيها استمرت على هذا الوضع سنتين كامله كنت اعدها يوم ورا يوم متخيلين خلال هذه السنتين جمعت مبلغ كويس غير طبعا المصاريف الثانيه ايجار البيت الاكل والشرب كنت ما احرم الوالده من اي شيء ابدا تقدر تقوله من بعد هذا الموضوع تغيرت حياتي فوق تحت يا اخوان وقت جلست مع نفسي وقعدت افكر افكر في ابو راشد وافتكرت شيء افتكرت النصيحه ذيك اللي قالها لي ابو راشد زمان وانا داخل السجن لما قال لي التاجر الحقيقي مو اللي يبيع بضائع التاجر الحقيقي اللي يبيع فكره من هنا بديت افكر كويس المهم يا جماعه احتجت اني اروح لمقهى انترنت جلس في هذاك الكمبيوتر وقعدت اتصف طفحت تتفرج على المواقع العالميه المواقع اللي فيها تجاره الكترونيه بيبيعوا عن طريق الاونلاين ركزت يا جماعه على اكبر موقعين في العالم قعدت اخطط وافكر المواقع هذه كيف قاعده تبيع لكل العالم وكيف قاعده توصل بضائعها لكل العالم طيب دقيقه هل معقوله الاشخاص اللي يطلبوا هذه الطلبيات كلهم توصلهم بضائعهم او بالاصح هل الناس هذول اللي يطلبوا عن طريق الاونلاين كلهم يدفعوا مقدما لا في ناس يدفعوا عن طريق الفيزا وفي ناس يدفعوا كاش الكاش يكون لما يستلم البضاعه يدفع مبلغه طيب تبى تقنعني اللي يدفعوا كاش هذول دائما يكونوا صادقين يعني خليني اعطيكم مثال على شخص اسمه سالم سالم شخص دخل الموقع وطلب مثلا اي نوع جهاز الجهاز هذا سعره 500 سالم لما جاء عن نقطه الدفع قال خلي الدفع وقت الاستلام كاش وصل المندوب حق الشركه وقال لي سالم افضل هذا الجهاز وصلك هنا سالم كان متحمس مره على الجهاز ويبغاه من هذه الامور ولكن لما وصل المندوب فلوس سالم طارت سالم هنا ايش يقول لا خلاص ما عاد ابغى الجهاز رجعوه طيب دحين الشركه عشان ترجع هذا الجهاز حترجعه فين للبلد الام طيب البلد الام فين بعيده حيدفع رسوم شحن حيخشوا في تكلفه حيخشوا في مواضيع فيها خساره اكثر من المكسب طيب الموضوع وصل لكذا اصحاب الشركات هذه وين يودوا هذه الاجهزه ايوه يا جماعه المشكله هذه اللي قاعد اكلمكم عنها الان صارت هي البزنس اللي انا اشتغل فيه صرت اشتري من اصحاب المواقع الكبيره والشركات الكبيره البضائع المسترده انا عارف انكم ممكن تتوقعوا ان الشيء هذا شيء بسيط وشيء عادي بس احب اقول لكم عشان اوصل لاصحاب الشركات هذه سويتها الهوائيل والهوائيل المهم يا جماعه دخلت ابحث عن اماكن الشركات هذه او المسؤولين عن استلام بظائعهم عندنا هنا في المدينه اللي انا عايش فيها دخلت يا جماعه ابحث عن الشركه المسؤوله عن هذه الامور ولكن اللي اكتشفته ان الشركه ما هي موجوده في بلدنا اصلا قلت بس هذه فرصتك يا منير المشكله اني ما اقدر اسافر رسلت ايميل للشركه الام وقلت لهم عن الموضوع هذا بالكامل وعن المشكله هذه اللي هم قاعدين يواجهوها وقلت لهم اني عندي حل والحل هذا اني انا اشتري هذه البضائع المسترده ولكن اشتريها بسعر اقل اصحاب الشركه ردوا علي بايميل كانوا مره مبسوطين من الفكره اللي عرضتها عليهم وعقدوا معي اجتماع مديرهم او المسؤول عنهم اللي كان معي في الاجتماع سالني عن منصبي ورديت عليه بكل فخر ق له ابيع مويه قال لي عفوا قيع مويه قال لي ما شاء بزنسك في المياه وكذا هنا انا حسيت انه لازم اكذب واعزز له قلت له اي نعم احنا شغلنا في المياه ومصانع المياه وعلب المياه كراتين المياه هذه يعني هذا البزنس حقنا مو داري اني في عز الشمس ماسك علبه مويه واصرخ مويه بارده مويه بارده مويه بارده رحبوا فيني المسؤولين اللي في الشركه قالوا لي تمام اتفقنا بس لازم يكون عندك اوراق رسم رسميه لهذا الموضوع قال لهم كيف يعني؟ قالوا لي يعني تسوي لك سجل تجاري او تفتح لك شركه او مؤسسه ايا كان اهم شيء انه يكون التعامل بيننا وبينك رسمي انا هنا وردت انا ما معاي اي شيء من هذه الامور ولكن عندي النت ما في شيء يصعب علي دام النت قدامي بحث يا جماعه في النت انه كيف اسس شركه او اسس مؤسسه او من هذه الامور قعدت اقرا طلع لي يا جماعه اني احتاج يعني ادفع مبلغ للسجل التجاري وادفع مبلغ للرخص خاص ولازم يكون عندي مستودع كلام كبير رجعت وارسلت لهم ايميل مره ثانيه قلت لهم ايش الشيء الضروري الان اللي تحتاجوه مني قالوا لي اللي احتاجه منك الان اوراق رسميه فقط قلت لهم المستودع قالوا لي المستودع عادي يعني وقت ما ترتبه وتضبط وتجهزه كلمنا ونبدا قلت لهم طيب ما في مشكله خلوني اشوف وارجع لكم رحت لامي قلت له يا امي الموضوع واحد اثنين ثلاثه قالت لي انت مرتاح قلت له مره مرتاح يا امي انا متاكد انه الموضوع هذا والله العظيم لو ضرب حيضرب ضربه مو طبيعيه ابدا قالت له خلاص توكل على الله قلت لها بس يعني الفلوس ما تكفي اللي معاي قالت لي ابدا حبه حبه يا ولدي الان بالفلوس اللي معك روح افتح لك فيها سجل تجاري روح ضبط اوراقك ضبط امورك وبعدها يجي الخير قالان يا جماعه رحت سويت السجل التجاري وضبطت كل اموري طيب منير المستودع فين المستودع بيت انا كتبت في الشركه انه عندي عنوان مستودع ومادري ايش ومن ذا الكلام هم ما يفرق معهم في الاول الاخير انا اللي اخذ البضائع وانا اللي اخزنها خليت بيتي مستودع بس الصدمه اني اكتشفت ان الشغله هذه ما اقدر اشتغلها لوحدي ولا اقدر يشتغلوها اثنين ولا عشره والله العظيم خلال شهر واحد صار عندي 50 موظف انا عارف انكم تقولوا مستحيل كيف 50 موظف خلال شهر انت ايش قاعد يقول انت قاعد تكذب علينا صح؟ لا والله اني صادق معكم خلال شهر واحد صار عندي 50 موظف وصار عندي مستودع صار عندي مكتب وازيدكم من الشاعر بيت ما اروح انا استلم الاشياء بنفسي صار عندي مناديب في كل مكان وقتها عرفت عرفت ان عوض ربي وصل عرفت ان اللي قاعد يصير الان شعور غريب اقول لكم شيء انا مصدوم مصدوم وانا قاعد احكيكم قصتي الشيء اللي قاعد يصير معاي الان مستحيل صعب الان عرفت قيمه الفكره اللي تكلم عنها فعلا ابو راشد اول طيب اوكي تمام حلوين شغلنا قاعد يكبر الشركات الكبيره اللي موجوده عندنا في البلد اللي تبيع باسعار مخفضه صاروا يترجوني اني انزل لهم بضائع صرت ابيع للناس كلها يا جماعه انا كنت ماسك شركه والله العظيم ما كنت اتوقع انه الشركه هذه كنت اشتغل فيها حتى سواق انا اليوم شريك استراتيجي مع هذه الشركه الضخمه العملاقه انا اليوم الشركه هذه قاعده تستفيد مني وانا قاعد استفيد منها في نفس الوقت انا اللي في البدايه سويتها مؤسسه انا الان صرت شركه المستودع اللي اخذته ما صار يكفي اخذت مستودع اكبر خلال سنه واحده حققت نجاحات مو طبيعيه وخلال خمس سنوات انا دمرت السوق تدمير لدرجه التجار الكبار انجلطوا مني الكل يسال مين هذا من هذا منير من فين ظهر؟ لانه منير تقدر تقوله بالاسعار الرخيصه اللي صار يبيع فيها بالسوق دمرهم بالطريقه هذه اللي قاعد ابيع فيها وبالطريقه هذه اللي قاعد اسوك فيها اعدائي كثره واعدائي مو مجرمين لا اعدائي تجار منافسين بس المنافسين هذول في منهم الصالح وفي منهم الطالح فوق كل المنافسات هذه اللي قاعد اكلمكم عنها ما حد قدر يسوي اي شيء خلاص منير صار قوي منير الضعيف زمان مات الحمد لله ابشركم حالي تغير يا جماعه بشكل مو طبيعي راكب افخم سياره مسكن امي في احلى بيت تقدروا تقوله رجعت ووقفت وبنيت نفسي من اول وجديد قاعد اشوف سيناريو والدي جمال القديم قاعد ينعاد من اول وجديد بس في مشكله يا جماعه المشكله هذه كانت اغرب مشكله في القصه بالكامل من يوم ما خرجت من السجن وانا احاول اتواصل مع ابو راشد اللي كان معاي في السجن ولكن ما في اي تواصل نهائيا ووصلت لناس الناس هذول في ناس من اهلهم موجودين داخل السجن سالت كذا شخص عن ابو راشد كثير يقولوا لي ما في احد بهذا الاسم يا جماعه في شخص كان مسجون معاي كبير في السن اسمه ابو راشد كان مسجون معاي بس مده سجنه كانت طويله وفي نفس الوقت كان عليه حكم اعدام قولوا لي والله العظيم ما في احد بهذا الاسم نهائيا استخربت انا من هذا الموضوع ابو راشد كان معانا ولكن كان في زنزانه مختلفه ولكن كان يجي عندنا في زنزانتنا من باب انه كان عنده اصحاب في نفس الزنزانه اللي انا فيها كان يجيني يعني ثلاثه مرات في الاسبوع مرتين في الاسبوع بهذه الطريقه ولما رحت وسالت اداره السجن عن ابو راشد هنا كانت الصدمه ان ابو راشد انعدم هذه بحد ذاتها كان اكبر صدمه لي في حياتي خبر كان مره موجع وقتها كان نفسي اقابل اخوه اخوه اللي تملعن فيه واللي سوى في الفيلم هذا كله ولكن ما عندي اي معلومات عنه وقتها خلاص يعني ما كان عندي اي حل ثاني اسويه رجعت لشغلي وركزت في اموري وانطلقت مره من المرات جتنا طلبيه نفس المستودع حقي او في نفس الشركه حقي صار عندنا في قسم القسم هذا نصنع فيه الهدايا هدايا تذكاريه هدايا للشركات هدايا للجهات الحكوميه على هذا الوضع تعرف المناقصات الرسميه والامور هذه اللي تصير تجي شركات تطلب طلبيه وانت كشركه تشارك في هذه المناقصه اذا الجهه الحكوميه هذه ناسبتها مناقصتك اخذتها واشتغلت معك فكنت قاعد اسعى يا جماعه عشان اوصل لهذه المناقصه والحمد لله السعي اللي كنت اسعاه نجح وجتني الموافقه على هذه المناقصه قطاع عسكري مره حساس ومره قوي طالب هذه الهدايا مننا بالنسبه لي انا كصاحب شركه فخر كبير اني اصنع هدايا للقطاع العسكري هذه بحد ذاتها تسويق مره كبير صنعت الهدايا هذه كلها وكل شيء ورتبنا الدنيا خلاص جاء موعد الحفل حقهم توجهت انا والموظفين اللي معاي ورحت الين مقرهم رتبنا الهدايا وكل شيء وخلاص وجلسنا على الكراسي مع الحضور اما باقي الموظفين في منهم اللي كان يوثق بالصور والفيديوهات ومن هذه الامور والقطاع هذا يا جماعه اللي كان يتكرمه كان قطاع المباحث بحث ينادوا على الشباب باسمائهم ويستلموا الهدايا ويتوكلوا ايوه يا جماعه جا الوقت اللي اقوله مستحيل انسى هذاك اليوم اللي شفته ابو راشد قدام عيني هو يستلم هديه تكريمه ابو راشد لعب علي لعبه مره خطيره اللعبه هذه انا عن نفسي سميتها لعبه الموت لانها لعبه مره كانت ذكيه ابو راشد مرسول للسجن اللي انا كنت مسجون فيه بالذات لما دخلت لهم بقضيه جنائيه بس السؤال اللي يسال نفسه ابو راشد قاعد يراقبني ليه انا ايش سويت انا ايش الطريق الخطا اللي مشيت في حياتي عشان المباحث تراقبني وتراجع ورايا بس الصدمه مو هنا انه طلع ابو راشد مباحث لا الصدمه لمن وانا جالس في التلفزيون وقاعد اتفرج القض على اكبر عصابه تهريب مخدرات في البلد قائد هذه العصابه او بالاصح قائد هذه المنظومه الخط العريض المرحوم جمال كيف ابويا ابوي ايش دخله ابوي ايش سوى انتوا انت جالسين تتبلوا على ميت ماخذين راحتكم عشان عارفين انه ما حيدافع عن نفسه لا لا يا حبيبي في عنده ولد يدافع فعال اسمه منير جمال يدافع عنه بس دقيقه ايش هذا كله اللي قاعد يصير معاي كيف كذا في نفس الوقت تذخر صوره عمران بتظهر صوره المحامي بتظهر صور اكثر الاشخاص اللي كانوا يجلسوا مع والده جمال الله يرحمه ايش في ايش اللي صاير اللي صاير يا جماعه زي ما انتم مصدومين انا مجلوط انا مصدوم اكثر منكم انا اكلت المقلب اكثر منكم كيف كذا كيف ايوه يا جماعه والد جمال ما كان ماشي في طريق صح كان ماشي في طريق البلاوي سبحان الله كل شيء من ربي له حكمه عمران والمحامي هم اللي خلصوا على والدي طبعا ما خلصوا عليه كذا من فراغ خلصوا عليه بامر من عصابه ثانيه لانه والدي كان موقف لهم كل الشغل والله العظيم انا انا انجلطت انجلط لمن استدعوني للمركز وقعدوا يسالوني ويستجوبوني انا وامي والله العظيم ما نعرف اي شيء زي ما انتم عارفين سبحان الله انا صح زعلت صح ان وجعت صح اندمرت عرفت ليه ربي سوى فينا الشيء هذه كلها عرفت ليش ربي خلاني ارجع للصفر عرفت ليش ربي خلاني اتعب هنا واتعذب هنا واتمرمط هنا عشان اعرف قوه الحلال عرفت كمان ليش ربي استبدل فلوس انا اللي بالحرام بفلوس حلال وابشركم كل الناس اللي كانوا مشاركين مع اعمال والدي او بالاصح كل عصابه والدي كل واحد فيهم اخذ حكم جدا عالي اما عمران والمحامي فتم الحكم عليهم بالاعدام لانهم كانوا مشاركين في تهريب وفساد وامور جدا كبيره وابو راشد انزرع وسطي يحسبني كان اني شغال معاهم ويحسب ب ان موضوع الفقر والجوع اللي عشت فيه انا وامي كان فيلم عشان نخدع فيه الحكومه ولكن بعد ما تاكدوا من كل شيء وتاكدوا انه انا ووالدتي ما لنا اي ذنب تركونا في حالنا انا ماني زعلان من ابو راشد لان ابو راشد صح انه كان في مهمته الخاصه ولكن اعطاني درس كبير مستحيل اني انسى انه التاجر مو اللي يبيع بضاعه التاجر اللي يبيع فكره هذا انا منير جمال وهذه قصتي يا فهد وحبيت تقولها لكل الناس يعطيكم العافيه