ليلة زفاف تحولت إلى كابوس تورطت العروس وحدث ما لم يكن في الحسبان

السلام عليكم ورحمه الله وبركاته الحمد لله حمدا يرضيه والصلاه والسلام على من اجتمعت المحاسن فيه يا هلا وغلا فيكم دائما وابدا في قناتكم انتم قناه اخوكم علي التميمي من اجمل القصص اللي ممكن الواحد يرويها للناس القصص اللي تصلك من صاحبها مباشره اما عن طريق اتصال او عن طريق واتساب او عن طريق طرق طرق اخرى من طرق التواصل لكن اقواها واعظمها اذا جتك القصه من الرجال وهو جالس معك مشافهه يعني هو يتكلم وانت تسمع وهذا اللي حصل معي في قصه ابو سليمان امس كنت في اجتماع وجلسه جميله وانفض المجلس في اخر الوقت وبقى رجل اسمه ابو سليمان الله يحفظه هذا الرجل اعطاني قصه جميله حصل حصلت لحو شاب ابو سليمان رجل شاب في الثلاثينات من العمر يقول قبل 12 سنه كنت طالع من بيتي وماشي بالسياره يقول لقيت رجل باكستاني واقف على طرف الشارع ينتظر وسيله مواصلات واضح انه ينتظر اما تاكسي او ينتظر حافله اللي احنا نسميه باص بلده او خط البلده هذه حافلات قديمه كانت تنقل العمال يقول وقفت على جنب يقول الله سبحانه وتعالى فتح قلبي لهذا الرجل يقول فتحت الدريشه النافذه السلام عليكم قال لي وعليكم السلام ورحمه الله يقول قلت له ايش فيك واقف هنا قال انتظر الحافله حتى اروح اجيب علاج يقول ابو سليمان قلت له تفضل تفضل اركب اركب قال لا لا لا ما في مشكله انا انتظار قال لا اركب اركب ركب يقول اخذته سلمت عليه قلت له وين تبغى تروح قال ابغى اروح الصيدليه الفلانيه في مستشفى معين مستشفى كبير معروف تجاري لكن هذا المستشفى حاط قسم لذوي الحاجه الفقراء حاط قسم في الصيدليه للفقراء فهذا الباكستان ستاني يروح لهذه الصيدليه ياخذ علاجه طيب ش هو علاجه؟ علاجه يا جماعه الخير علاج غالي جدا هم علاجين في الحقيقه سعر الاثنين 1800 ريال تخيلوا قبل 12 سنه 1800 ريال عامل عامل جاي يكدح ويعمل عشان يصرف على اهله يدفع على علاجه 1800 ريال طيب ش علاجه هذا الغالي الغالي ذا وش هو هذا يا جماعه الخير هو علاج خاص بالكليه لانه هو زارع كليه تعرفون الكليه اذا زرعت في الجسم فهي جسم غريب فمحتاجه علاجات معينه حتى تثبت الكليه ولا يقاومها الجسم وهذه العلاجات تستمر مدى الحياه يقول ابو سليمان رق رقيت له مره يقول و سبحان الله يا اخي ارتحت لهذا الرجل واضح انه ضعيف يقول وصلته لين المستشفى اللي هو يبغاه فقال لي جزاك الله خير شكرا يقول قلت له لا ابغى انزل معك يقول ايش اللي يلهني اني افعل كل هذا يقول ما ادري حبيته يقول نزلت معه للصيدليه وفعلا راح للقسم اللي خاص بالفقراء والمحتاجين يقول واعطى الوصفه ل الصيدلي قال له الصيدلي فيه علاج واحد موجود والعلاج الثاني روح اشتره من برا مش موجود عندنا يعني مخلص في الحقيقه يقول عطاه العلاج ثم بقى العلاج الثاني قلت له يلا امش اوديك قال لا خلاص ما ابغى اتعبك يقول الباكستاني يقول ابو سليمان قلت له لا تعال يقول اخذته رحت انا وياه صيدليه ثانيه نزلنا للصيدليه الثانيه هذه السلام عليكم وعليكم السلام عندكم العلاج الفلاني قالوا ايو عندنا يقول ابو سليمان يقول قال لي الباكستاني انا ما عندي فلوس خله بعدين اجيبه بعدين يقول قلت له لا انا بدفع دفع الفلوس يقول وفعلا ابو سليمان يقول دفعت الفلوس يقول واخذنا العلاج يقول لما اخذنا العلاج قال لي خلاص جزاك الله خير انا اشوف لي وسيله مواصلات وارجع يقول قلت له ابدا ارجعك يقول رجعته لنفس مكانه عند بيته طبعا تعرفون ساكن في سكن متواضع يقول رجعته عند بيته يقول يوم رجعته عند بيته وقفنا وقفت السياره يقول طلعت فلوس من جيبي يقول ابو سليمان طلعت فلوس المقسوم اللي الله سبحانه وتعالى قدرني عليه واعطيت هي يقول اول ما اعطيته الفلوس يقول رفض ثم الحيت عليه واخذها يقول ثم بدا يبكي يقول كه طفل يبكي بكاء طفل يقول انا مستغرب ليش البكاء هذا الحار يقول المهم لما خلص من البكاء قلت له يا اخي ايش فيك ايش فيك انت ليش تبكي الله سبحانه وتعالى سخر لك العلاج والله سبحانه وتعالى سخر لك المشوار اللي يوصلك وسخر لك من يعطيك فلوس ايش قال له يا جماعه؟ قال له انا طلعت من البيت وانا ما عندي شيء ما عندي علاج ولا عندي فلوس ولا عندي مواصلات ورفعت ايدي عند الباب وقلت يا رب انت تعرف حالي وانا ما لي ملجا الا انت يا رب انك تسخر لي يا يا رب انك تعيني يا رب انك ترزقني انت الرزاق انت الغني وانا الفقير يقول فسخر لي كل شيء واعطاني كل شيء طلبته ما تبغاني ابكي يقول اخونا ابو سليمان فدمعت عيني في ذيك اللحظه شوفوا يا جماعه الخير كيف الله سبحانه وتعالى يهيا السيناريوات للشخص شوف الله سبحانه وتعالى كيف يرتب الاحداث يعني ابغاكم يعني تفكرون معي لو ان الله لم يلقي في قلب ابو سليمان المحبه لهذا الرجل وحب انه يخدمه او كان ابو سليمان مشغول او عنده ظرف او ما احد وقف لهذا الرجل لكن الله سبحانه وتعالى علم صدقه وعلم حاجته امن يجيب المضطر اذا دعاه ويكشف السوء ويجعلكم خلفاء الارض اهاله مع الله لا والله ما معك اله سبحانك خلونا ننتقل لعطرنا الثاني وهو عطر ظريف صراحه وفيه نكته وهي قصه واقعيه عجيبه جدا هذه واحده شابه صغيره بنت تعيش مع اهلها ومعها طبعا خواتها وامور الوضع مثل ما انتم عارفين اسره وكانت تتمنى ان ولد عمها يتقدم صراحه صراحه هي تحبه وموالفته ومن زمان وهي تتمناه زوجه مو معنى هذا ان بينهم تواصل لا معاذ الله لكن والد عمها وتعرفه وتعرف اخلاقه وتعرف وش هو فتتمناه يتقدم له وفعلا تقدم له تقدم والدعمها لها وحصلت الخطبه ثم حصلت الملكه اللي هي عقد القران استاذن اذن ابن العم من عمه وقال له يا عمي تسمح لي اكلم زوجتي فلانه لان الزواج بعد اسبوعين يعني وهذه زوجتي وبنت عمي في نفس الوقت تسمح لي اكلمها يقول فاذله عمه انه يكلمها ما في مشكله فكلمها شلونك عساك طيبه الله يجمعني فيك وان شاء الله يا رب نكون مع بعض ونعيش مع بعض ورب العالمين يوفقنا وترى يا فلانه انا محظ حضر لك مفاجاه كيف انا محضر لك مفاجاه باذن الله اول ما نلتقي في شقتنا تحصل الزفه انا محضر لك مفاجاه مدهشه قالت له ش المفاجاه قال لو قلتها لك ما صارت مفاجاه فخليها في وقتها قالت ما اقدر اتحمل قول لي انا يعني متحمسه قال لا ما اقدر اقوللك المهم خلاص انتهت المكالمه الاخت هذه مبسوطه على انها بتتزوج ولد عمها وتعد الثواني وتعد الدقائق والساعات متى تتزوج ابن عمه وفعلا جا اليوم الموعود وجا وقت العرس اقيم الزواج وحضروا في صلاه الافراح قسم الرجال وقسم النساء والعريس مع الرجال والعروس مع الحريم وتعرفون الطقطقه والرقص والامور هذه عند الحريب المهم والعريس راح الان ياخذ زوجته بسيارته ويتجه لشقته وفعلا راح اخذها وراحوا للشقه هذه طبعا تقول لو هي في السياره المفاجاه يا فلان؟ قال المفاجاه اصبري لا تستعجلين لا تستعجلين وفعلا راحوا لين وصلوا الشقه يوم وصل الشقه وفتح الباب وصك الباب سلم على زوجته ورحب فيها وحياها ثم قال لها يا فلانه الحين اخلعي ملابس العرس وشوفي انا جايب لحم في الثلاجه ابغيك تطبخين وتسوي لنا كبسه وشوفي اغراض السلطه موجوده عندك في الثلاجه الخيار والخس والطماط والجماعه هذه كلها ابيك تجهزين الامور وتجهزين عشاء اصحابي بيجونا على الساعه واحده كذا الحين احنا الساعه 12 على الساعه حده واحده ونص بيجون اصحابي يتعشون عندي هذه قاعده تطالع فيه قالت له انت صادق انت قال لي صادق مني بزوجك انا قالت الا قال خلاص اطبخي لي قلت اطبخ لك في ليله عرسي يا ابن الناس انت بعقلك قالي بعقلي خلي عنك بس الدلع واطبخي لي قلت انت صادق انت قال ايه انا صادق قلت تكثرين علي يلا يلا للمطبخ وراحوا تقول وقفت قلت انا ش الله بلاني هو ذا ش ذا الرجال ذا اللي تورط فيه انا هذا مختل عقليا بس انا عارفه رجال كويس وتكانه وممتاز ش مشكلته ش اللي طرى عليها الحين في ليله عرسي المهم تقول قلت ش اسوي ش اسوي وراحت للمطب وبدات الطبخ جابت القدر وكشنت ثم حطت لحمتها والرز والامور وانطلقت وخلصت الكبسه جا الرجال دخل عليها قال ها عساء العشاء جاهز قالت جاهز قال اصحابي موجودين الثلاثه فلان وفلان وفلان جايين يقولون نبغى نذوق طبخ زوجتك في ليله عرسك قالت ايه خير ان شاء الله خير ان شاء الله المهم واخذ العشاء واكلوا هي راحت من المطبخ الى غرفه النوم وقعدت دمعتها على خدها تتحسر تقول يا ربي ايش اللي ورطني مع هذا؟ انا كنت احسبه تكانه احسبه عاقل احسبه المهم قعدت لين الجماعه خلصوا عشاء ودع اصحابه ثم جا دخل عليها في الغرفه دخل الغرفه وصك الباب قال لها يا فلانه قالت نعم قال طبعا انت مستغربه من الموقف ذا كله هذول تحدوني وقالوا احنا نتحداك انها تنفذ اوامرك ليله عرسك احنا نتحداك انها تطيعك وتطبخ في ليله عرسك قلت لا والله بتطيعني وبتطبخ بنت عمي ومتربيه وراح توقرني ورايح تطبخ قالوا ما تطبخ قلت ايش تتحدوني عليه قالوا نتحداك على 22,000 نعطيك انت قط نعطيك 22000 قال خلاص قبلت التحدي وطلعتي كفو وعند الجول وبيض الله وجهك وهذه ال 22000 والله ما يدخل عليه منها ريال خذيها عاد هي تقول انا كنت منسدحه ودموعي على خدي تقول على طول انشفت دموعي وقمت قلت صادق انت قال لي والله صادق وبيض الله وجهك وانت فعلا زوجه كفو اللي اطعتيني في هذا الموقف اللي كل النساء المتزوجات في هالليله ما يخطر على بالها تسويه لكن بيض الله وجهك وشكر الله سعيك وهذه والله ما يدخل علي منها ريال لك انت هديه واعذريني اذا كنت وضعتك في هذا الموقف طبعا الجماعه تعرفون انتم حركات الشباب في ليله العرس لكن الشيء يا جماعه الخير اللي لازم نستفيده ان البنت على ما تتربى عليه البنت اللي متربيه على السنع متربيه على الخدمه متربيه على على الاداء وعلى الانجاز ما عندها مشكله المشكله في البنات اللي بعضهم ما تعرف تسوي بيض مسلوق بعضهن لما تقول لها روحي اسوي شاهي ما تعرف تسوي شاهي لذلك ننصح البنات نقول لهم يا بنات الله بانك تكونين راعي مطبخ الله انك تهتمين بمعده زوجتك لان في الامثال يقولون اقرب طريق لقلب الرجل معدته مو بمعقول حب مع جوع ما يجي هذا العطر اللي عندي اليوم واللي تستاهلون وتستاهلون اكثر منه السلام عليكم ورحمه الله وبركاته ‏Yeah.