التسارع الصف التاسع عُمان

اكيد في مره ركبت سياره وكان السايق غشيم فحط ريله فجاه على البنزين فلقيت نفسك رجعت للخلف السؤال ليش بسبب شيء اسمه التسارع التسارع هو التغير في السرعه خلال فتره زمنيه معينه لان التغير في السرعه صار عالي فجاه فجسمك رجع ناحيه الوراء فجسمك رجع ناحيه الوراء بسبب التغير الكبير في السرعه وبسبب العطالة او القصور الذاتي للجسم لكن فلنفرض ان السياره هذي او الباص تحرك بسرعه ثابته السؤال هل راح تحس بتسارع الجواب لا لكن لما يتوقف الباص فجاه هذا يعني ان التغير في السرعه قل فجأه وبالتالي التسارع راح يقل فجأه نلاحظ ان التسارع يعتمد بشكل اساسي على التغير في السرعه فعشان جذي نقول ان التسارع هو التغير في السرعه خلال وحده الزمن فكاني قاعد اقول لك ان هذا يساوي هذا لما هذا بواحد لان وحده الزمن هي واحد ثانيه على فكره الكره الارضيه تتحرك بتسارع ثابت عشان جذي احنا ما نشعر بحركتها تخيل ان هذا الباص تحرك اول شيء بسرعه 30 كيلومتر/الساعة بعدين زاد سرعته الى 35 بعدين الى 40 بعدين الى 45 السؤال هني ما هو مقدار التسارع لاحظ ان الفرق بينهم خمسه وبالتالي هذا هو التسارع التسارع خمسه وهني ايضا التسارع خمسه والتسارع خمسه في هذه الحاله التسارع ثابت او منتظم فنقول ان التسارع هو خمسه والوحده في هذه الحاله كيلومتر على مربع الساعه لكن اذا كانت السرعه ثابته هذا يعني ان لا يوجد تسارع يعني الa تساوي صفر شلون فلنفرض ان الباص هذا يتحرك بسرعه ثابته 40 كيلومتر/الساعة خنحط القانون التسارع اللي هي العجله تغير في السرعه خلال فتره زمنيه معينه الدلتا يعني التغير اول ما اشوف دلتا راح اخذ القيمه النهائيه واطرح منها القيمه الابتدائيه على الدلتا القيمه النهائيه لانه يتحرك بسرعه ثابته ف 40 والابتدائيه ايضا 40 على الدلتا مو لازم اعرف قيمه الدلتا 40 ناقص 40 = صفر، على اي شي حتى لو مليون حتى لو 0.001 راح يعطينا صفر فاذا ما في تسارع او ما في عجله فاذا لما يقول في المسائل ان التسارع ثابت هذا لا يعني ان التسارع يساوي صفر اما لما يقول السرعه ثابته من كلمه constant هذا يعني ان التسارع يساوي صفر زين لما يقوللي ان السرعه ثابته هذا لا يعني ان السرعه تساوي صفر ما الذي نعنيه ب 20 كيلومتر/الساعة هذا يعني اذا كانت المركبه سياره هذا يعني ان السياره تقطع 20 كيلومتر في كل ساعه خلنا نسوي جدول عشان تتضح المساله راح نسوي الجدول بين المسافه والزمن المسافه بالكيلومتر والزمن بالساعات لما يكون الزمن بصفر المسافه المقطوعه بصفر لكن بعد مرور ساعه ف المركبه راح تقطع 20 كل بعد مرور ساعتين راح نزيد على ال 20 هذه 20 كيلو يصير 40 كيلو بعد مرور ثلاث ساعات نزيد على ال 40 هذه 20 يعني 60 كيلومتر هذا معنى ان الجسم يتحرك بسرعه 20 كيلومتر/الساعه فلنفرض ان هذي سياره والسياره هذي تتحرك بحركه خطيه يعني المسار يكون مستقيم بخط مستقيم وما تلف لا يمين ولا يسار وفالنفرض ان سرعتها تتناقص هذا يعني ان السياره هذي في حاله تباطؤ لما يكون عندي جسم مثل كره بولينج وتسقط الى الاسفل من دون تاثير شيء عليها من دون تطبيق قوه عليها نقول عن هذه الحاله ان هي اسقطت سقوط حر وهذا اللي صار مع نيوتن نيوتن لما كان قاعد تحت شجره التفاح لاحظ ان التفاحه اسقطت عليه تحت تاثير الجاذبيه الارضيه فقط فهذا نسميه السقوط الحر هذه التفاحه اسقطت بتسارع والتسارع اللي سقطت فيه هو تسارع الجاذبيه الارضيه تسارع الجاذبيه الارضيه قيمه ثابته حفظ 9.8 متر على مربع ثانيه اذا نسيت هذا الرقم او هذا العدد تقدر تقربه الى 10 متر على مربع الثانية وهذه قيمه الجاذبيه عند سطح البحر ارسطو سوى تجربه ياب صندوق ثقيل وياب ريشه واسقطهم من نفس الارتفاع شاف ان الصندوق الثقيل يصل الى الارض بشكل اسرع من الريشه فاستنتج قال ان الاجسام الثقيله تصل الى الارض اسرع من الاجسام الخفيفه شرايكم بكلامه؟ هل كلامه صحيح طبعا كلامه خطا ليش لان الجسمين يصلون الى الارض بنفس اللحظه لكن بوجود الهواء يختلف الامر، بوجود الهواء الهواء يأثر على الاجسام الخفيفه اكبر من تاثيره على الاجسام الثقيله فاذا في حاله السقوط الحر راح نستبعد الهواء فلأن كلا الجسمين يخضعون الى نفس تاثير الجاذبيه الارضيه راح يوصلون الى الارض بنفس اللحظه تقدر تجرب هذا بنفسك لما تجيب ورقه وقطعه معدنيه وتسقطهم من نفس الارتفاع راح تشوف ان القطعه المعدنيه تسبق الورقه في الوصول الى الارض لكن لما تاخذ الورقه هذي وتعفسها وتخليها في شكل كره بهالشكل هذا مع القطعه المعدنيه وتسقطهم من نفس الارتفاع راح تشوف انهم يوصلون الى الارض بنفس اللحظه لان انت خليت كتله الورقه تتركز في المنتصف قطار تحرك من السكون الى ان وصلت سرعتها 300 كيلومتر/الساعة خلال زمن 300 ثانيه عشان نوجد التسارع نحتاج الى امرين نحتاج الى التغير في السرعه والزمن المستغرق المقصود بالزمن المستغرق هو الزمن المطلوب عشان يغير الجسم سرعته قانون التسارع اللي هو الa = دلتا على الدلتا هو التغير في السرعه خلال وحده الزمن دلتا يعني القيمه النهائيه نطرح منها القيمه الابتدائيه كل هذا على الدلتا لكن الكتاب مو ذاكر الv2 والv1 استخدم رموز بدلا منهم راح نلتزم رموز الكتاب قال ان السرعه النهائيه اللي هي الv2 سماها اما السرعه الابتدائيه اللي هي V1 قال عنها على الدلتا طبعا اذا نسيت هذه الرموز تقدر تستخدم هذه الرموز راح تاخذ الدرجه الكامله اذا عوضت بالشكل الصحيح نقدر نحطهم بمثلث هذا المثلث وشرطه الكسر هذي اللي هي هذي هني فوق V-U تحت راح نحط الa والt او الدلتا ونقدر نعكس بينهم لان الضرب عمليه ابداليه راح تعطيك نفس النتيجه فالترتيب غير مهم في عمليه الضرب الحين خلونا نحط المعطيات اول شي قالي ان القطار تحرك من السكون يعني السرعه الابتدائيه اللي هي الU الي هي نفسها الV1 تساوي صفر اما السرعه النهائيه اللي هي الV واللي هي نفسها الV2 300 كيلومتر على الساعه والزمن اللي اهو 300 ثانيه نلاحظ هني في وحدة دوليه وهذي وحدة غير دوليه للسرعه وبالتالي لازم نحول وحدة السرعه الى الوحدات الدوليه عشان احول من كيلومتر الى متر على طول اذا حولت من كبير الى صغير على طول ضرب لكن ضرب كم الكيلو باللاتيني يعني 1000 لاحظ اني انا شلت حرف الK وحطيت فراح اضرب ب 1000 واذا العكس اقسم على 1000 الحين الساعات عشان احولها الى دقائق الساعه الواحده فيها 60 دقيقه ومن كبير الى صغير دائما نضرب والدقيقه الواحده فيها 60 ثانيه اول شيء راح اسويه راح اخذ ه المعطى هذا 300 كيلومتر/الساعة وفوق راح اضرب ب 1000 عشان احول من كيلومتر الى متر اما تحت راح اضرب 60 ومره ثانيه راح اضرب 60 عشان احول الى الثواني نحط هذا بالاله الحاسبه فراح يكون الكسر 300 ضرب 1000 على 60 ضرب 60 راح تكون السرعه النهائيه عندي 83.33 دوري متر على الثانيه قانون التسارع اللي هو فوق راح يكون التغير في السرعه تحت العجله والزمن احنا راح نغطي هذي راح نقول ان العجلة او التسارع V-U على على فكره سموا الU ان هي السرعه الابتدائيه والV هي السرعه النهائيه لان بالابجديه الU تسبق الV خلونا نعوض الV هذي اللي هي 83.33 دوري ولانه قال لي انه انطلق من السكون ف الU بصفر اللي هي السرعه الابتدائيه على 300 ثانيه هذا راح يعطيني 0.276 متر على مربع ثانيه لاحظ ان التسارع صغير جدا جدا ف ممكن انت ما تحس بالتسارع ما يرجع جسمك للوراء واذا كان عندك مشروب على الطاوله ممكن انه ما يتحرك نهائيا تتسارع طائره من 100 الى 300 متر على الثانيه خلال 100 ثانيه فكم يبلغ تسارع الطائره هذا مسار الطائره و فلنفرض ان هذي هي الطائره والطائره هذي تحركت من المسار الى النقطه السرعه الابتدائيه اللي هي الU عند النقطه 100 متر على الثانيه اما الV الي هي السرعه النهائيه والي هي اقصى سرعه وصلت لها 300 متر على الثانيه والفتره الزمنيه من الى طبعا الA والB هذه نقاط افتراضيه من عندي عشان تفهم المساله قالي ان الزمن 100 ثانيه نقدر نعوض لان الوحدات متوافقه المثلث في التغير في السرعه فوق اللي هو الدلتا الي هو الV ناقص الU تحت الa والt احنا نبي التسارع نغطي الا فراح نلاقي ان الa هي V-U على الدلتا او الt الV اللي هي 300 الU الي هي 100 على الدلتا الي هي 100 فراح يعطيني 2 متر على مربع ثانيه لكن خلونا نفهم شنو يعني 2 متر على مربع ثانيه اذا سوينا جدول الجدول هذا يوضح العلاقه ما بين السرعه ووحدتها متر على الثانيه والزمن ووحدتها الثانيه لاحظ ان الطائره عند الزمن صفر كانت بسرعه 100 متر على الثانيه لكن بعد مرور ثانيه واحده لان العجله طلعناها ان هي 2 متر على مربع ثانيه فراح تزيد السرعه باثنين فصير 102 متر على الثانيه بعد مرور ثانيه راح تصير 104 زدنا ا على 102 بعد مرور ثانيه راح تصير 106 لاحظ ان الفرق بينهم يمثل التغير اثنين كله اثنين هذا معنى التسارع وراح يستمر بهالطريقه لما يوصل الى 100 ثانيه فراح تكون عندها السرعه 300 متر على الثانيه السؤال ليش وحده التسارع متر على مربع الثانيه اول شيء خلنا نحط القانون الa الي هي تغير في السرعه دلتا على الدلتا وحده السرعه اللي هي متر على الثانيه اما وحده الزمن اللي هي الثانيه لاحظ ان الثواني ظهرت مرتين مره للسرعه ومره للزمن الحين قالوا لنا بالرياضيات ان لما يكون عندي كسر بهالطريقه هذه لاحظ ان هذا مقامه واحد القريب راح نضربه بالقريب ويروح مقام والبعيد مع البعيد ويروح بسط فهذا راح يعطينا متر ضرب واحد وثانيه ضرب ثانيه في حاله الضرب نجمع الاسس راح يصير متر على مربع الثانيه هذه هي الوحده الدوليه للتسارع تقدر تحلها بطريقه ثانيه لاحظ انا بشيل الكسر هذا واحط علامه التقسيم فمتر على الثانيه تقسيم ثانيه اذا حولت العلاقه من قسمه الى ضرب لازم اقلب اللي بعده فهذا راح يساوي متر على الثانيه واحول العلاقه الى ضرب لازم اقلب هذا الحين هذا مقامه واحد فيصير واحد على الثانيه فلما نضرب نجمع الاسس فيصير تحت مربع الثانية وفوق متر اي من الوحدات الاتيه لا يمكن ان تكون وحده تسارع اول شي راح نحط القانون اذكرك بالمثلث فوق التغير في السرعه السرعه النهائيه ناقص السرعه الابتدائيه وتحت راح يكون عندي تسارع مضروب بالt الحين انا ابي التسارع فاغطي التسارع هو تغير في السرعة على الt، التغير في السرعه اعوض عنه الي هو دلتا على راح اعوض عنه بالوحده الي هو متر على الثانيه تحت ثانيه فالقريبين اضربهم ببعض ويروحون مقام فيعطيني تربيع وفوق المتر الحين هذه لا يمكن ان تكون وحده التسارع هذي هي الوحده الدوليه للتسارع هذي لا يمكن تكون وحده دوليه للتسارع او اي وحده من التسارع اما هذه ممكن تكون وحده تسارع ليش لاحظ ان في الوحده هذه الطول فوق الي هو بالامتار فممكن اشيل المتر واحط كيلومتر احط ميل احط سنتيمتر احط ملليتر فهذه ممكن تكون وحده تسارع تنطلق سياره من اشاره مرور فتصل الى سرعه 27 متر على الثانيه في زمن 18 ثانيه فكم يبلغ تسارعها خلنا نرسم هذا الطريق هذي هي السياره السياره هذي واقفه عند اشاره مرور وتحركت فلنفرض من الى قال لي فتصل الى سرعه 27 هذه اي سرعه؟ هذه السرعه النهائيه فV الي هي الV2 سبعة وعشرين متر على الثانيه والزمن من الى قال ان احتاجت 18 ثانيه لكن السؤال السرعه الابتدائيه وين؟ لانه قال لي ان السياره واقفه عند اشاره مرور فالسرعة الابتدائيه راح تكون صفر لان هي واقفه في البدايه فهي انطلقت من السكون نحط المثلث مع اني انا ما أأيد المثلثات التغير في السرعه فوق والعجله والt تحت احنا نبي التسارع الي هي العجله فV-U على الt يصير تقول الt او الدلتا نفس الشي الV الي هي اقصى سرعه وصلت لها السياره 27 والU = صفر وال هي 18 فالتسارع راح يكون 1.5 متر على مربع الثانيه يتحرك قطار بسرعه ابتدائيه 12 متر على الثانيه وتزداد سرعتها حتى تصل الى 36 متر على الثانيه في 120 دقيقه كم يبلغ تسارعه، هذا الطريق فلنفرض ان هذا هو القطار والقطار هذا تحرك من اللي هي النقطه الافتراضيه الى النقطه الثانيه بسرعه طبعا هني السرعه النهائيه يعني السرعه عند الB الي هي 36 متر على الثانيه اما السرعه الابتدائيه اللي هي الU هي 12 متر على الثانيه والزمن 120 ما يحتاج احول لان الوحدات متوافقه المثلث V-U فوق والa والt تحت راح نغطي الa لان احنا نبي التسارع فالتسارع الفرق في السرعه V-U على 36 ناقص 12 على 120 هذا راح يعطيني ان العجله او التسارع 0.2 متر على مربع ثانيه اخر شي ابي قوله ان غاليلو قال ان العجله هي التغير في السرعه لكل ثانيه فغاليليو قال ان العجله هي دلتا على الدلتا شغله ثانيه في حاله السقوط الحر هي حركه على المحور الصادي مو على المحور السيني نلاحظ ان المعدل الزمني لتغير السرعه في كل ثانيه هو نفسه 9.8 متر على مربع الثانيه