التشبيه المجمل افهم ببساطة الدرس 4

في الفيديو اللي فات اتكلمنا عن التشبيه المفصل وعرفنا انه لازم يتوافر في اركان التشبيه الاربعه وهم المشبه والمشبه به واداه التشبيه ووجه الشبه وكنا خدنا المثال اللي قدامك ده الجندي كالاسد في الشجاعه ولو بصيت هتلاقي الاربع اركان متوفرين فالمشبه هو الجندي واداه التشبيه حرف الكاف والمشبه به هو الاسد وو وجه الشبه هو الشجاعه وعلشان تفهم درس النهارده عايزك تركز في المثال اللي جاي ده لما اقول لك الجندي كالاسد واسالك ايه الركن اللي مش موجود من اركان التشبيه الاربعه هتقول وجه الشبه طيب لو قلت لك الجندي اسد في الشجاعه واسالك ايه الركن اللي مش موجود من اركان التشبيه الاربعه هتقول لي اداه التشبيه اهو اللي حصل ده من حذف اداه التشبيه مره وحذف وجه الشبه مره ده اسمه التشبيه المجمل طبعا هتقول لي مش فاهم حاجه خالص بسيطه يا سيدي تعال بقى افهمك بالراحه وواحده واحده التشبيه المجمل ده النوع الثاني من انواع التشبيه المفرد ولو مش عارف انواع التشبيه ايه لازم تروح تشوف فيديو التشبيه المفصل الاول لان كل درس مبني على اللي قبله وهسيب لك لينك التشبيه المفصل في الرابط اللي في الوصف اسفل فيديو او دوس على علامه الاي اللي هتظهر لك اعلى الشاشه دلوقتي. المهم بقى يا بطل قبل تفاصيل الدرس ما تنساش تشترك في القناه وتعمل لايك وشير علشان يوصلك كل جديد. طيب التشبيه المجمل ده بقى يا صديقي هو ما حذف منه اما وجه الشبه او اداه التشبيه ومعلومه كده على جنب اعرفها لكنك مش مطالب بيها. المعلومه بتقول ان التشبيه لو حذف منه اداه التشبيه بنسميه تشبيه مؤكد لكن اللي انت مطالب بيه انك لو شفت اسلوب التشبيه محذوف منه وجه الشبه او اداه التشبيه ده اسمه تشبيه مجمل تمام كده تمام ومثال التشبيه اللي حذف منه وجه الشبه زي لما اقول لك الجندي كالاسد فالجندي هنا هو المشبه واداه التشبيه هي حرف الكاف والمشبه به هو الاسد ولما اجي اقول لك الرمال مثل الذهب فالرمال هي المشبه ومثل هي اداه التشبيه والذهب هو المشبه به وكمان ممكن التشبيه المجمل يتحذف منه اداه التشبيه زي لما اقول لك الجندي اسد في القوه فالجندي هنا هو المشبه والاسد هو المشبه به والقوه هي وجه الشبه والصفه المشتركه بين المشبه والمشبه به او مثلا لما اجي اقول لك الام ينبوع في العطاء فالام هنا هي المشبه وينبوع هو المشبه به والعطاء هو وجه الشبه ولو لاحظت هتلاقي ان اداه التشبيه محذوفه في المثالين تعالوا بقى ناخد امثله نوضح بيها اكت يعني ايه التشبيه المجمل طبعا دلوقتي هتقول لي لا خلاص يا سيدي شكرا هقول لك والله ما ينفع خد مثالين كمان وخلاص طبعا دلوقتي انت بتقول مش مشكله مثالين كمان بس بلاش والنبي يا مستر الجندي كالاسد والكلام السهل ده اصل احنا بنتفاجئ في الامتحان بكلام هيروغليف هقول لك من عيني يلا خد عندك اول حاجه التشبيه المجمل بنعرفه لما بتحذف منه اداه التشبيه زي لما يقول لك انت نجم في رفعه وضياء تجتليك العيون شرقا وغربا وطبعا يا حبيبنا اول ما تبدا تسمع ابيات شعر هتبدا تحس بدوخه ورعشه وتنميل في صوابعك واعراض شيخوخه مبكره هتحس ولاول مره انك بتقرا هندي مش عربي وده طبعا شيء عادي وطبيعي لكن مش عايزك تقلق كلنا يا صديقي كنا كده في البدايات لكن مع الوقت والممارسه والمحاولات المتكرره هتلاقي الدنيا سهله وهتستنتج المعاني وهتفهم المعنى العام والامور بتكون سهله المهم ما تخافش وما توهمش نفسك انك كده مش فاهم لان يا حبيبنا دي حاله عامه مش حاله فرديه خاصه بيك انت بس ماشي يا صديقي اتفقنا يلا بقى نتوكل على الله ونكمل جاهز في المثال اللي فوق هتلاقي الشاعر بيمدح الملك بان هو في مكانته وعلوه زي النجم اللي في السما ولو طلبت منك تطلع لي المشبه هتقول لي سهله هو بيتكلم هنا عن الملك اللي الضمير انت بيعود عليه يبقى انت هو المشبه وشبهه بالنجم يبقى النجم هو المشبه به والاثنين اشتركوا في صفه العلو اللي هي وجه الشبه ولو لاحظت هتلاقي هنا ان اداه التشبيه محذوفه ولو قريت المثال الثاني العلم سيف نفعا وضرا فهنا بيشبه لك العلم بالسيف في النفع والضر فلو استخدمته في طريق الخير فهو خير ولو لو استخدمته في طريق الشر فهو شرط هتلاقي هنا ان العلم هو المشبه وتم تشبيهه بالسيف اللي هو المشبه به والصفه اللي فيها المشبه والمشبه به اللي هي وجه الشبه هو النفع والضرر وهتلاحظ هنا برده انه حذف اداه التشبيه يبقى احنا في المثالين لاحظنا وجود ثلاث اركان بس وبالتالي التشبيه هنا تشبيه مجمل وممكن التشبيه المجمل يكون بحذف وجه الشبه زي لما يقول لك في قوله تعالى وله الجواري المنشات في البحر كالاعلام فهنا شبه الجواري والمقصود بها السفن بالاعلام اللي يقصد بها الجبال وهي طبعا المشبه به وربط بينهم باداه تشبيه اللي هي حرف الكاف وطبعا ما فيش وجه شبه او صفه مشتركه بينهما وفي المثال ده وفتيه كاسود الغاب ليس لهم الا الرماح اذا اشتد الوغا اجموا هتلاقي هنا ان المشبه هو فتيه وشبههم باسود الغاب واسود الغاب هنا مشبه به وربط بينهم باداه تشبيه وهي حرف الكاف لكن ما جابش وجه شبه وبما انه حذف وجه الشبه في المثالين وجاب ثلاث اركان فقط للتشبيه يبقى التشبيه هنا تشبيه مجمل وخد بالك بقى بقى من نقطه مهمه جدا ممكن يتعمد يجيب لك صفه للمشبه به علشان يحسسك انها وجه شبه لكنها ما بتكونش وجه شبه وسهل جدا تعرف هي وجه شبه ولا لا وده بتعرفه بطريقه كنت اديتها لك في الفيديوهات اللي فاتت واللي بالمناسبه بكرر انك لازم تتفرج عليها الاول بالترتيب قبل الدرس ده وروابط الدروس كلها هتكون في الوصف اسفل الفيديو زي لما يقول لك هم كالحلقه الحلقه المفرغه لا يدرى اين طرفاها فجمله لا يدرى اين طرفاها هنا صفه للمشبه به اللي هي الحلقه بس انت هنا ممكن تقول لي انها وجه شبه لكن الكلام ده مش مظبوط وعلشان تعرف هي وجه شبه ولا لا اول حاجه بتطلع اركان التشبيه اللي هم المشبه وهو الضمير هم واداه التشبيه وهي حرف الكاف والمشبه شبه به هو الحلقه طب لا يدرى اين طرفاها وجه شبه ولا لا خليك معايا للاخر هنفترض ان جمله لا يدرى اين طرفاها هي وجه الشبه ومعنى الجمله دي يعني ان الحلقه لا بدايه لها ولا نهايه طيب تعال بقى نتاكد هي وجه شبه ولا لا هتسال نفسك هل المشبه به اللي هو الاشخاص اللي بيعود عليهم الضمير هم ممكن اوصفهم بان لا بدايه بدايه ولا نهايه لهم هتقول لي لا ما ينفعش اقول ان الاشخاص مالهمش بدايه ومالهمش نهايه حلو قوي الكلام ده خش بقى على المشبه به واسال نفس السؤال هل الحلقه ممكن اوصفها بان لا بدايه ولا نهايه لها هتقول لي ايوه ما هي الحلقه عباره عن دائره مالهاش بدايه ولا ليها نهايه بص بقى يا سيدي طالما ان الاجابه مش واحده يبقى لا يدرى اين طرفاها مش صفه مشتركه بين المشبه والمشبه به وبالتالي فهي ليست وجه شبه يبقى كده التشبيه ده تشبيه مجمل مش مفصل اخر حاجه بقى يا حبيبنا وهي المقارنه بين التشبيه المفصل والتشبيه المجمل ولما يقول لك ايهما اقوى التشبيه المجمل ام التشبيه المفصل طبعا كنا خدنا قاعده بتقول كل ما زادت اركان التشبيه ضعف التشبيه وكل ما قلت اركان التشبيه قويه التشبيه وانا عندي التشبيه المجمل بيبقى عباره عن ثلاث اركان والتشبيه المفصل عباره عن اربع اركان يبقى التشبيه المجمل اقوى وافضل من التشبيه المفصل لغايه هنا انا انتهيت من الدرس ولو استفدت ما تنساش تعمل اشتراك في القناه ولايك وشير للفيديو علشان تفيد غيرك ودلوقتي انا هسيب لك تدريبات حلها وابعت لي الاجابات في التعليقات وانا هصححها لك سبحانك اللهم وبحمدك استغفرك واتوب اليك وما تنساش الدعاء اللهم اني استودعتك كل ما تعلمته فرده الي عند الحاجه الي والسلام عليكم ورحمه الله وبركاته