هل أكون معلمة شديدة ولا معلمة طيبة و إيه الأفضل عشان أكون معلمة ناجحة ومميزة

السلام عليكم ورحمه الله وبركاته ازيكم حبايبي عاملين ايه اهلا بكم في قناه اطفالنا الحلوين ان شاء الله النهارده حبايبي هنتكلم مع بعض في موضوع مهم جدا انا كنت من زمان حابه اعمل معاكم الفيديو ده ان بيجي لي اسئله كتير جدا من المعلمات وبالاخص المعلمات الجدد وكمان برده من اولياء الامور يا ترى ايه هو السؤال هل اكون معلمه جديده او اكون معلمه طيبه ويا ترى مين الافضل فيهم هنجاوب مع بعض ان شاء الله باذن الله على السؤال ده تابعوا معايا للنهايه في البدايه كده انا حابه اطمنك انت كمعلمه جديده واقول لك انت مش لوحدك مش انت بس اللي بتسالي السؤال ده بعض المعلمات الجدد بيسالوا نفس السؤال وفي معلمات كتير تيجي تقول لي يا ميس لو سمحتي قولي لي اتصرفي ازاي انا مش عارفه اسيطر على الولاد انا مش عارفه اكون شديده معاهم ولا اكون طيبه واتصرف ازاي وبرده بعض اولياء الامور لما اولادهم بيتنقلوا من مرحله لمرحله مش بيكونوا عارفين يودوهم عند معلم شديد ولا معلم طيب ان شاء الله باذن الله هنتكلم مع بعض في الموضوع ده لان انا كنت من زمان حابه اعمل معاكم الفيديو ده لان بجد السؤال ده اتكرر كتير جدا انا نفسي جاللي وقت من الاوقات في البدايه خالص وبرده كنت محتاره اكون شديده ولا اكون طيبه لكن مع الوقت ومن كتر الشغل ومن كتر التعامل مع الاطفال واختلاف شخصيات الاطفال وصلت لحل مناسب وهقول لك تتصرفي ازاي وطبعا هنتكلم عن المعلمه الشديده ومميزاتها وعيوبها وهنتكلم عن المعلمه الطيبه ومميزاتها وعيوبها ونشوف مين الافضل فيهم ونشوف هنتصرف ازاي ان شاء الله باذن الله تعالوا كده نتكلم مع بعض بصراحه شويه انا شايفه ان المشكله مش في انك تكوني شديده او طيبه المشكله في انك تكوني في طرف واحد بس بعض المعلمات يا اما بيكونوا شداد قوي او طيبين قوي وده غلط يعني مثلا لو انت كنت شديده زياده عن اللزوم الطفل هيخاف منك اول ما اشوف شوفك هيجري ويسكت بس مش لان هو عايز يتعلم لا لا لانه خايف منك ومش حابب حصتك ولما الطفل يخاف هيبدا يخبي الغلط ولو ما عرفش حاجه مش هيسال ولو وقع في مشكله هيخاف يحكيها لك وده مش اللي احنا عايزينه احنا مش عايزين كده احنا عايزين طفل يتعلم مش طفل يكون طول الوقت قاعد خايف ومرعوب لكن في نفس الوقت لو كنت طيبه بزياده وكل حاجه عندك حاضر وماشي ونعم وما فيش قوانين وما فيش حدود هتلاقي الفصل بقى فوضى ومش عارفه تشتغلي حصتك وساعتها بقى هتلاقي كل طفل بيعمل اللي هو عايزه واحد بيتكلم واحد بيلعب واحد بيجري وساعتها حتى الاطفال المؤدبين مش هيعرفوا يركزوا يبقى الشده الزياده غلط والطيبه الزياده برده غلط طيب نعمل ايه دلوقتي لازم يكون عندنا حاجه اسمها الحزم وفي ناس كتير جدا بتتلخبط بين الحزم وبين فين الشده؟ الشده يعني صوت عالي وعصبيه وكل شويه تهديد وعقاب طول الوقت لكن الحزم يعني قوانين واضحه انا هحط قوانين للفصل ونمشي عليها وانا اتكلمت معاكم في الموضوع ده قبل كده يعني الطفل من اول يوم يعرف ان في نظام وقت اللعب للعب وقت الشرح للشرح اللي يغلط يتحاسب لكن باحترام من غير اهانه ومن غير ضرب ومن غير تكسير لشخصيه الطفل والحلو بقى ان الطفل بعد فتره هيحترمك مش هيخاف منك. تعالوا بقى كده مع بعض نشوف مميزات وعيوب كل شخصيه. اولا المعلمه الشديده من مميزاتها ايه بقى؟ الفصل بيكون منظم الاطفال بيسمعوا الكلام والشرح بيكون اسرع والقوانين بتطبق. اما بقى العيوب احيانا بيبقى الاطفال خايفين جدا خايفين كمان يعبروا عن نفسهم. ممكن الطفل يغلط ويخبي ممكن يفقد ثقته بنفسه وممكن كمان يكره المدرسه اصلا بسبب الخوف اما بقى المعلمه الطيبه مميزاتها الاطفال بيحبوها الطفل بيحس معاها بالامان بيحب يشارك ويسال معاها بكمان بيحب يروح المدرسه ثاني يوم لكن بقى لو الطيبه من غير حدود الاطفال بقى هيعملوا ايه هيستغلوا ده وكمان مش هيحترموا كلامك ومش هيحترموا حصتك الفصل هيتحول لحاله من الفوضى وفي الاخر المعلمه نفسها هتلاقي نفسها تعبت ودول الاطفال ما بقوش يسمعوا كلامي يبقى الحل فين؟ الحل ان الطفل يحبك ويحترمك في نفس الوقت يعني ايه يا ميس الكلام ده؟ يعني تضحكي معاه تهزري معاه تلعبي معاه لكن اول ما يبدا وقت الجد يعرف ان في نظام ولو غلط يتحاسب بس من غير اهانه ولو اعتذر نسامحه ولا ولو عمل حاجه كويسه نشجعه عليها وده هيخلي الطفل يتعلم ان لكل حاجه وقت معين كمان لازم نفتكر ان كل الاطفال مش شبه بعض لازم نعرف ان الاطفال مختلفين في طفل حساس جدا مجرد كلمه واحده تزعل وفي طفل عنيد جدا محتاج طريقه مختلفه وفي طفل خجول جدا وفي طفل كمان اجتماعي فما ينفعش اتعامل مع كل الاطفال بنفس الاسلوب الشطاره الحقيقيه انك تعرفي كل طفل محتاج ايه وكمان في نقطه مهمه جدا جدا احنا مش بنربي بالخوف حطي الكلام ده حلقه في ودنك احنا بنربي بالحب والاحترام الطفل لما يحترمك هيسمع كلامك حتى وانت مش موجوده لكن لو بيسمع الكلام خوف منك اول ما تغيبي هيعمل كل اللي هو عايزه وعايزه اقول لك في النهايه بقى لو سالتوني اكون معلمه جديده ولا طيبه هقول لكم كوني معلمه حنينه لكن تكوني حزمه ابتسامتك موجوده قوانينك واضحه صوتك هادي قراراتك ثابته لان افضل معلمه مش اللي الاطفال بيخافوا منها ولا للاطفال بيتحكموا فيها افضل معلمه هي اللي الاطفال يحبوها ويحترموها في نفس الوقت ويتعلموا منها ويفتكروا اثارها حتى بعد سنين فلازم تكوني معلمه ذكيه وشاطره يجتمع فيها كل الصفات الحزم والقوه والشطاره والحنيه والطيبه علشان هي دي المعلمه اللي بيدور عليها اولياء الامور وده كان رد على سؤال اولياء الامور احنا نروح لمين؟ نروح للمعلمه او المعلم اللي يقدر يحتوي الاطفال وفي نفس الوقت يكون حازم معاهم وفي نفس الوقت يوصل لهم المعلومه وهم يحبوه بس كده الموضوع سهل جدا وبسيط هو مش حاجه واحده فقط احنا لازم نكون حازمين وطيبين وحنينين في نفس الوقت يجتمع فينا الصفتين وفي النهايه الموضوع سهل وبسيط انتوا لو استفدتوا معايا ما تنسوش تدعموني بلايك كان معاكم اسلام حسين والسلام عليكم ورحمه الله وبركاته لا