An ATM but not for money A genius Egyptian invention that rewards people for collecting plasti

تخيل كده وانت ماشي في الشارع او داخل سوبر ماركت ماسك في ايدك شويه ازايز بلاستيك فاضيه بدل ما ترميهم في الزباله تحطهم في ماكينه وتاخد فلوس او خصومات عليهم ايوه كده زي ما سمعت ماكينه اي تي ام بس مش للفلوس دي للبلاستيك الفكره دي مش جايه من بره ده من دماغ شباب مصريين قرروا يحولوا الزباله لحاجه ليها قيمه ويغيروا شكل البيئه في مصر تفاصيل كتير في الفيديو ده فخليكوا معانا مجموعه من طلاب الفرقه الثانيه في معاهد الهندسه في اسكندريه قرروا يعملوا حاجه مختلفه خالص بدل ما يقعدوا يذاكروا نظري وبس قالوا لا احنا عايزين نعمل حاجه للناس تحس بيها فعلا على ارض الواقع الفكره بدات من مشكله كلنا شايفينها يوميا الزباله وبالذات البلاستيك اللي بقى في كل مكان في الشوارع وعلى البحر وحتى في الاراضي الفاضيه ومع الوقت بقى خطر كبير جدا على البيئه والصحه كمان الشباب لاحظوا ان اغلب الناس ما عندهاش دافع انها تجمع البلاستيك او تفكر تعيد تدويره فبدا السؤال ازاي نخلي المواطن نفسه يدور على البلاستيك بدل ما يرميه ومن هنا طلعت فكره ماكينه اي تي ام للبلاستيك الماكينه شكلها شبه ماكينات السحب العاديه اللي بنشوفها في كل مكان لكن بدل ما تسحب فلوس انت بتحط فيها ازايز بلاستيك فاضيه اول ما تحط الازازه الماكينه بتبدا تشتغل تلقائي فيها حساسات ذكيه جدا واحده تتاكد ان اللي اتحط بلاستيك فعلا والثانيه بتعد الازايز وتحسب قيمتها حسب العدد او الوزن ولو اي حد حاول يدخل اي حاجه ثانيه غير البلاستيك الماكينه بترفضها فورا يعني النظام كله متامن وذكي جدا طيب بقى المكسب هنا ايه الموضوع مش مجرد اعاده تدوير وبس لا انت كمان بتكسب بعد ما تخلص الماكينه بتطلع لك كيو ار كود على الشاشه ومن خلاله النقاط او القيمه بتنتقل على حسابك او موبايلك وبعد كده تقدر تستخدمها في خصومات او تشتري بيها منتجات من اماكن متعاونه مع المبادره يعني بدل ما الازازه تترمي في الشارع وتلوث الدنيا بقى ليها قيمه ومكسب كمان الاجمد بقى ان الشباب دول مخططين كمان انهم ينشروا الماكينات دي في اماكن الناس بتتحرك فيها طول اليوم زي المولات محطات المترو محطات القطر الجامعات السوبر ماركت وحتى الكورنيش والاماكن العامه وده معناه ان اي حد ممكن بكل سهوله يشارك في الفكره وهو رايح شغله او نازل يشتري حاجه وكمان الشباب ما وقفوش عند فكره الماكينه وبس دول عملوا موقع الكتروني مخصوص للمشروع تقدر من خلاله تعمل حساب تتابع نقاطك وتشوف اقرب ماكينه ليك وكل ده علشان يخلوا التجربه سهله وسريعه المفاجاه الحقيقيه بقى كانت في تكلفه المشروع رغم ان الفكره شكلها متطور جدا لكن الشباب اكدوا ان التكلفه بسيطه نسبيا والاهم ان الماكينه تقدر تغطي تكلفتها خلال سنه واحده بس من التشغيل وده معناه ان المشروع مش بس مفيد للبيئه ده كمان ممكن يبقى استثمار ناجح جدا والفكره لو اطبقت بشكل واسع في مصر ممكن تعمل فرق ضخم جدا اول حاجه هتقلل التلوث بشكل كبير جدا ثاني حاجه هتخلي الناس تتعامل مع البلاستيك على انه حاجه ليها قيمه ثالث حاجه ممكن تفتح باب لمشروعات جديده وفرص شغل للشباب في مجال اعاده التدوير والتكنولوجيا والاهم بقى من كل ده ان الفكره دي طالعه من شباب مصريين بامكانيات بسيطه لكن بفكره ممكن فعلا تغير شكل الشارع المصري في المستقبل ب