تطبيق استراتيجية الحوار والمناقشة لكل معلم يريد الابتكار والإبداع في الحصة مع شروط الاستخدام

السلام عليكم ازيكم عاملين ايه النهارده اهلا وسهلا بيكم في حلقه جديده الفيديو النهارده هيكون مهم جدا لكل مدرس جديد او كل مدرس مبتدئ او حتى لو مدرس حابب ان هو يطور في شغله ويتعرف على استراتيجيات التدريس لو انت متابعني من الاول احنا عاملين بلاي ليست كامله بنشرح فيها كل استراتيجيات التدريس والتعلم النشط والتعلم التعاوني النهارده هشرح معاكم استراتيجيه الحوار والمناقشه هقول لك ازاي تطبقها في الفصل بخامات بسيطه جدا موجوده عندنا كلنا وكمان بوقت قليل وازاي ما تضيعش وقت الحصه قبل ما نبدا الفيديو يا ريت تحط لايك للفيديو ده لو لسه مش مشترك في القناه نورني واشترك اول حاجه استراتيجيه الحوار والمناقشه هدفها ان انا بخلي الولاد اللي هم عندهم خجل او اكثر هدوءا انه انهم يقدروا يشاركوا ويقدروا يتفاعلوا وكمان انا في الحوار والمناقشه بشارك كل انواع الطلاب وببدا ان انا احصل على مستوى تفاعل عالي جدا غير لما انا اكون واقف بشكل تقليدي وبسال الولاد واولاد بيطلعوا يجاوبوا لاننا طبعا كلنا في الفصول بنلاحظ ان في طلبه بيخافوا جدا انهم يخرجوا يتكلموا او يجاوبوا قدام حد طيب الحوار والمناقشه ببساطه احنا هنقسم الطلاب مجموعات خمس مجموعات اربع مجموعات حسب عدد الطلبه اللي قدامك تمام كده بعد لما تقسم الطلبه لمجموعات هتبدا ان انت تطرح عليهم سؤالا افتتاحياً لا لازم يكون اقول لهم مثلا قدامكم خمس دقاق قدامكم اربع دقاق بحيث ان انا ما اضيع ولا وقتي ولا اضيع وقت الحصه ويضع مني النشاط كله طيب راعي وانت بتحط الاسئله اللي انت هتديها للمجموعات ان الاسئله دي تكون مناسبه لمستوى الطلاب يعني انا طبعا براعي وانا بحدد افراد كل مجموعه ان تكون المجموعه يكون فيها طالب متميز طالب متوسط طالب ضعيف تمام كده ما ينفعش احط ط مجموعه كلها ضعاف ما حدش هيساعد حد لازم احط معاهم متوسط وممتاز عشان كل المستويات يدعموا بعض تمام كده وطبعا هتعين قائد لكل مجموعه يبقى الاول هقسم مجموعات بعد ما اقسم مجموعات هبدا ان انا اطرح سؤال السؤال لابد يكون محدد بوقت والخطوه اللي بعد كده وانا بحضر نفسي للحصه كمعلم وانا بحط الاسئله احط اسئله مناسبه لمستوى الطلاب ولا هي هايفه جدا وسهله جدا ولا هي هي صعبه ومعقده تمام والخطوه اللي بعد كده ان انا اراعي كل المستويات داخل المجموعه الواحده طيب هبدا ان انا ا اوزع الاسئله على كل مجموعه هنجيب فلاش كارد ا اي كانسون موجود عندك اي ورق موجود عندك وهتستفيد ماركر ممكن تستخدم قلم الخط العربي تمام كده يبقى انا هجيب فلاش كارد وهجيب ماركر وهبدا ان انا اكتب عليه الاسئله طيب زي ما قلت لك انا هدفي ان انا افهم الطلاب يعني ايه حوار يعني ايه مناقشه وعودهم انهم يقولوا رايهم تمام كده وانهم ما يخافوش بعد لما هوزع الاسئله على الطلاب وحد الوقت هبدا انتظر وهمر على المجموعات كلها سريعا وهقف عند كل مجموعه من دقيقه لدقيقتين لحد لما اشوف هم وصلوا لايه بيحلوا ايه تمام كده وطبعا يكون في قائد لكل مجموعه زي ما قلت لكم هو اللي بيقوم يعرض اجابات المجموعه بتاعته بعد لما ابدا زي ما قلت لكم اعمل الخطوات اللي فاتت كلها هبدا ان انا اصمم الشكل ده الشكل ده عباره عن قلب تمام كده قلب من الورق انا هسيب لكم لينك ازاي تنفذوها على الكانسون تحت في الدسكربشن بوكس تمام كده وعليه بطاقه عاديه جدا ورقه عاديه خالص باللون الابيض وبعدين لزقنا بالمسدس الشمع زي ما احنا شايفين كده استيك الايس كريم طيب دي هدفها ايه ال هعمل منها اثنين هعمل منها اثنين يكونوا نفس الشكل بالظبط كل الحكايه ان انا هكتب فيهم صح او خطا طيب يعني ايه او ليه هكتب صح او خطا بص يا سيدي انت هتكتب صح وهتكتب على الفلاش كارد الثانيه خطا تمام كده طيب بعد لما كتبنا صح وخطا هطلب من ا الطلاب كل واحد يقوم يعرض الاجابه احنا قلنا كل قائد مجموعه هيقوم يعرض الاجابه طيب باقي المجموعات هيرفعوا الورقه لو هم موافقين على اجابه صديقهم او اجابه المجموعه هيرفعوا ورقه صح ولو هم شايفين ان الاجابه خطئه هيرفعوا الورقه اللي مكتوب عليها خطا وممكن تخليها اوافق او لا اوافق تمام كده ما فيش مشكله باي طريقه تقدر توظف الاستراتيجيه المهم ان انت تعلم الولاد ان مش شرط كل حاجه بيسمعوها هتكون صح ومش شرط تكون غلط وانهم لازم يفكروا في الحاجه اللي بيسمعوها طيب من فوايد استراتيجيه الحوار والمناقشه انك هتدرب الطالب ازاي يقدر يقوم را يقوم يقول رايه وازاي يعبر عن نفسه زي ما قلت لكم بنشوف طلبه كتير جدا في الفصول مش قادرين يتكلموا وخايفين يعبروا عن نفسهم وبيخافوا حتى يقولوا صح او خطا فالفكر دي هتكون حلوه جدا ان انت هتشجع انهم يتكلموا عن نفسهم وعن ارائهم طبعا ما تنساش التحفيز والتعزيز ان يكون معاك هدايا ولو بسيطه بونبوني مثلا اقلام مثلا لو فصل بنات ممكن يكون معاك اكسسوريز او كده المهم ان يكون معاك هدايا حلوه لان التعزيز والتحفيز مهم جدا تمام كده فكره زي دي تقدر تستخدمها لو مطلوب منك ورشه عمل وتقدر كمان تستخدمها لو مطلوب منك ديمو او حصه نموذجيه في اي مدرسه ا دي كانت استراتيجيه النهارده بتمنى ان انتم تقدروا تنفذوها بشكل بسيط ويا ريت لو انت انت نفذتها بالفعل اكتبوا لي في الكومنتات وقولوا لي ايه رايكم ولو حد بينفذ بشكل مختلف يقول لنا بينفذ ازاي اشوفكم الفيديو اللي جاي على خير كنت معكم معلمه منى احمد انتظرونا الفيديو اللي جاي ان شاء الله هيكون معانا افكار حلوه كتير هسيب لكم تحت في صندوق الوصف كل الاقسام في القناه اللي بتساعد اي مدرس جديد او اي حد نفسه يحب التدريس