مراجعة شهر أبريل لغة عربية الثالث الابتدائي الترم الثاني 2026 حل مذكرة المتطور سؤال و جواب pdf

بسم الله والصلاه والسلام على سيدنا محمد وعلى اله وصحبه وسلم اجمعين السلام عليكم ورحمه الله وبركاته معاكم ميس عزه الملكي والنهارده ان شاء الله هنحل مع بعض مذكره المتطور في ماده اللغه العربيه للصف الثالث الابتدائي الترم الثاني عام 2026 ودي مراجعه على شهر ابريل هنبدا الاول بالتعبير الكتابي اولا مراجعه على كتابه قصه قصيره عشان نراجع مع بعض على القصه القصيره لازم نحفظ عناصرها ايه هي عناصر كتابه قصه قصيره اللي هي بتكون تكون حواليه ست حاجات اول حاجه العنوان ودي الحاجه اللي هتشدك اصلا تسمع القصه او القصه القصيره دي اللي بتبقى شبه الحدوته اللي تيته بتحكيها لنا بالليل قبل ما ننام او القصه اللي ماما بتقراها لنا او حتى لما ماما تقول لي انزل اشتري قصه او يلا بينا هشتري لك قصه انت اكت حاجه بتشدك للقصه وتخليك تختار القصه دي ما تختارش غيرها هو عنوان القصه لان هو ده اللي بيبقى باين بره على غلاف القصه وعشان كده العنوان ده لازم يكون جذاب جدا ويشد الشخص اللي هيقرا القصه دي عشان يرضى ياخد القصه دي بالتحديد او عشان لما تيته مثلا تقول لك هحكي لك قصه الارنب والسلحفاه ومن هنا انت فهمت مضمون القصه وفي نفس الوقت اتشديت تعرف ايه حكايه الارنب والسلحفه يبقى العنوان مهم ولا لا طبعا مهم ثاني حاجه اللي هي اسمها الزمان والمكان الزمان بتاع القصه ومكانها مهمين عشان تتخيل هي القصه دي بتحصل فين يعني مثلا لو التيتا وهي بتحكي قالت لك ان المكان كان الغابه يبقى انت هتبدا تتخيل شكل الغابه شجر وارض وزرع وخضره وورد وحيوانات فهتبدا تدخلك في الاحداث بتاعه القصه كمان الزمان لازم تعرف وقت القصه بيحصل امتى الصبح ولا بالليل ولا الظهر ا فلازم برده الزمان يتقال ثالث حاجه في القصه هي الشخصيات ودي بقى الحاجات اللي تيت او الناس اللي تيته بتحكي لك عنهم او الحيوانات اللي تيته بتحكي لك عنهم يعني الارنب والصلح الحفه والاسد او الولد اللي اسمه سامي والبنت اللي اسمها جميله كده دول اسمهم الشخصيات بتاعه القصه ودول اللي انت بتبقى عايز تعرف ايه اللي هيحصل لهم في الاخر كمان لازم يبقى في عناصر القصه بدايه واحداث ونهايه ايه هم دول البدايه هو اول سطر في القصه واللي بيخليك متشوق تكمل اما الاحداث فهي المشكله اللي بتحصل في القصه واللي لما تيته توقف عندها تبقى انت مندهش كده وتبرق عينيك وتقول لها وبعدين ايه يا تيته اللي حصل؟ يبقى احداث القصه هي المشكله اللي كلنا مستعجلين نعرف حلها اما النهايه فهي اخر سطر في القصه واللي بيبقى فيه حل كل المشاكل اللي اتكلمنا عنها كده خلاص قلنا عناصر كتابه القصه يلا بينا نكتب قصه مع بعض هنا طلب مني سؤال اكتب قصه قصيره عن مساعده الاخرين مستخدما الجمل الاتيه لازم جوه القصه اقول جمله زي لم يحضر بسبب مرضه وجمله زي شكرني كثيرا وجمله زي ذاكرنا الدروس معا وجمله زي في اليوم التالي دول لازم يدخلوا جوه القصه ما تنساش عناصر كتابه القصه اللي هي عنوان وشخصيات وزمان ومكان ومقدمه والاحداث والنهايه انا مثلا قلت في القصه الصديق وقت الضيق طب اشمعنى العنوان ده ليه ما استخدمتيش مساعده الاخرين هو انت لو عايز تستخدمه استخدمه مش هيبقى غلط بس بس انا حبيت اخلي العنوان احلى واخلي الشخص يتشد للقصه بتاعتي عشان يختار يقراها هي اكت من غيرها الصديق وقت الضيق بتخلي عندك تساؤل ازاي يعني الصديق هيبقى في وقت الضيق فطالما هيخلي في دماغك فيه اسئله يبقى ده العنوان الحلو ثاني حاجه هنكتبها هي الزمان والمكان الزمان انا قلت في صباح يوم الاحد ممكن انت ما تحبش الصباح قول يا سيدي ال زهرا براحتك خالص المهم تكتب بوقت وكمان انا حددت وقت ثاني اللي هو يوم الاحد يوم من ايام الاسبوع والمكان قلت بالمدرسه لان احداث قصتي عن مساعده الاخرين هتكون بين واحد وصاحبه صاحبه ساعده لما هو عي او لما كان مريض في انه يعرفه ايه الحاجات اللي اخدوها وهو غايب فانا اخترت المكان المناسب اللي هو المدرسه شوف انت بقى تكتب قصه عن ايه واختار المكان اللي هتحصل فيها احدث القصه كده انا خلاص خلصت عنصرين من عناصر كتابه القصه العنوان والزمان والمكان كان فاضل الشخصيات ودول هيجوا في النص مش لازم كلهم يبقوا في الاول اهم حاجه المقدمه ان انا في البدايه هقول لاحظت ان زميلي خالدا لم يحضر بسبب مرضه يبقى دي اول حاجه حصلت في بدايه القصه ان انا لاحظت حاجه عشان كده كتبتها كبدايه وبالصدفه جا جواها كمان الشخصيات اللي هو خالد ولاحظتوا ان زميلي يبقى زميلي انا يبقى انا وخالد احنا كده الشخصيات اللي في القصه يلا بينا بقى نشوف احداث القصه والي هي المشكله اللي حصلت. شعرت بالقلق حسيت ان انا قلقان وفي اليوم التالي قررت زيارته في منزله لاطمئن على صحته واساعده في ما فاته من دروس وعشان احل مشكله ان انا قلقان على صاحبي رحت ازوره ولما لقيته عيان قررت ان انا اساعده جلسنا معا وذاكرنا الدروس معا بجد حتى فهمنا جيدا فرح خالد بهذه المساعده وشكرني كثيرا على وقوفي بجانبه في الاخر هختم بالكلام بجمله عشان ما ينفعش اقطع في النص كده اقول خلصت لازم الناس تبقى عارفه خلصت على ايه هقول ومنذ ذلك اليوم زادت قوه صداقتنا وتاكدنا ان التعاون هو سر النجاح الخاتمه دي ممكن تكون باكث من شكل ممكن حاجه استفدناها حاجه اتعلمناها حل للمشكله المهم ان تكون الخاتمه جمله ينفع نقفل بيها خلي بالك انا استخدمت كل الكلمات اللي هو قال عليها هو قال استخدمي لم يحضر بسبب مرضه وانا كمان كتبت لم يحضر بسبب باب مرضه هو قال لي استخدمي شكرني كثيرا وانا برده استخدمت شكرني كثيرا هو قال ذكرنا الدروس معا وانا كمان قلت ذكرنا الدروس معا هو قال وفي اليوم التالي وانا كمان كتبت في اليوم التالي خلي بالك الجمل اللي بيقول لك استخدمها مش شرط تكون بالترتيب المهم ان كل حاجه يقول عليها ننفذها دي قصه ثانيه عايزاك تقراها طلع بقى انت منها العناصر يلا هتبدا تقرا وتقول لي فين العنوان فين المقدمه وفين الاحداث وفين الخاتمه او النهايه بتتقال خاتمه وبتتقال نهايه ها اللي هي اخر جمله خالص وبعدين عايزاك تطلع الشخصيات والزمان والمكان كده لو عرفت تطلع الست حاجات يبقى ان شاء الله هتعرف تكتب قصه ثانيه ودلوقتي بنراجع مراجعه شهر ابريل لسه بس على جزء كتابه الفقره بس قبل ما اكمل حابه اقول لك ان المذكره دي لو عايزها بي دي اف هتلاقيها على جروب التليجرام واي مذكره كره ثانيه خاصه بمواد منهجك ولو انت عايز المذكره صور مش بي دي اف يبقى هتلاقيها على صفحتي على الفيسبوك ولو انت خلصت مراجعه العربي وعايز تراجع الانجلش هتلاقي فيديو هنا بيراجع ماده اللغه الانجليزيه برده مقرر شهر ابريل اسكان الكيو ار كود على طول هينقلك على الحاجه اللي انت محتاجها ودلوقتي هنكمل مراجعه على كتابه الفقره خلي بالك ان الفقره عباره عن مجموعه من الجمل لازم جمل جنب بعض جنب بعض بس مش جنب بعض وخلاص لازم تكون مترابطه يعني ليها علاقه ببعض يعني حاجه حصلت الاول وحاجه حصلت بعدها وحاجه حصلت بعدها لازم يكونوا بالترتيب كده واللي بتكون بتتحدث عن موضوع معين يعني هو موضوع واحد بنقول عنه كل الجمل يعني ما ينفعش مثلا تجيب لي جمله وتقول لي ذهب احمد الى المدرسه صباحا والجمله الثانيه جرت السلحفاه باتجاه الشاطئ والجمله الثالثه ينام الولد مبكرا لا مش ده المقصود الفقره كل الجمل اللي فيها بتتكلم عن نفس الحاجه زي ذهب احمد الى المدرسه صباحا فقابل صديقه خالد فسلم عليه ودخل معا الفصل يبقى لازم الفقره تكون عباره عن جمل مترابطه بس احنا هنكون بنتكلم عن موضوع مش بنحكي حدوته زي موضوع خالد كده المقدمه بتاعه ال ال الفقره هي اول عنصر من العناصر لازم يبقى في مقدمه او بدايه وتاني حاجه الموضوع بتاع الفقره اللي هي المعلومات اللي بقولها لك عن الموضوع ده يعني لازم اقول لك حاجات اكون تكون عارفها كمان جمله النهايه ودي اخر حاجه في الفقره خالص واللي بتكون حاجه اتعلمناها بص معايا هنا هو بيقول اقرا الفقره التاليه ثم حلل عناصرها تعالى نقرا مع بعض المسؤوليه اه يبقى الموضوع بتاع الفقره اسمه المسؤوليه طب فين العنوان يا ميس لا الفقره مالهاش عنوان الفقره بنعمل لها مقدمه وشوف مثلا هو قال لك اتكلم عن المسؤوليه هتبدا تعرف الناس يعني ايه مسؤوليه هي دي المقدمه فاللي مش عارف يعني ايه مسؤوليه هيلاقي الاجابه في اول سطر يعني في جمله المقدمه او البدايه المسؤوليه تعني ان نقوم بواجبتنا باتقان دون ان ننظر من ي ننتظر من يذكرنا بها يعني ان انت شخص مسؤول معناه انك عارف ان عندك درس الساعه كذا وعندك بعديه نادي وعندك بعده واجب تعمل كل ده من غير ما تقول اصل انتوا ما فكرتونيش اصل ما حدش قال لي الشخص المسؤول ما بيحتاجش حد يقول له منظم وقته وظابط المنبه وعارف كل اللي عليه وبيعمله كله فالطالب المسؤول مثلا يحضر يحضر دروسه في الوقت المحدد بيروح في ميعاده ما بيتاخرش وما بيقولش حجاج اصلي ما راحت عليا نومه اصلي مش لا لا لا وكمان يحافظ على ادواته وكتبه ما يجيش كتابه متقطع ولا ناسي كتابه في المدرسه مثلا وفي البيت يساعد اسرته اهتم بنظافه غرفته ونظ بنظامي غرفته ونظافتها يعني هو في البيت كمان بيساعد في ان يخلي اوضته نضيفه ومترتبه مش مستني حد يجي يرتبها له وكمان بيساعدهم يعملوا حاجتهم عندما نتح تحمل المسؤوليه نصبح اشخاص يمكن الاعتماد عليهم لما احنا نشيل مسؤوليتنا الناس تقدر تعتمد علينا وبالتالي سنكسب ثقه الجميع كل الناس هتثق فينا هو طالب مننا ايه طالب مننا ان احنا نقسم الفقره دي للعناصر بتاعتها يعني نكتب جمله المقدمه لوحدها والموضوع نكتبه لوحده وجمله النهايه نكتبها لوحدها هقول لك على سرخ خليك تحل ده صح 100% اول جمله نفضل ماشيين ماشيين ماشيين لحد لحد ما نلاقي النقطه شفت النقطه هنكتبها هنا في جمله المقدمه او البدايه وبعدين هندور على جمله النهايه الاول اللي هي اخر حاجه خالص ودي هنيجي من عند اخر نقطه كده ونمشي نمشي نمشي لحد ما نلاقي نقطه قبلها دي كده جمله الخاتمه وبعدين الباقي هنحطه عند الموضوع يلا نحط الحاجه في مكانها تعالي يا جمله البدايه تعالي يا جمله الخاتمه وتعالوا يصحهم هنا عند الموضوع يلا نعمل كده فعلا عملنا كده والدنيا اتظبطت وبقت تمام جمله المسؤوليه وتعريفها حطيناها في جمله المقدمه او البدايه والخاتمه كتبناها هنا والباقي حطيناه في النص من اول ف الطالب لحد ونظافتها لو طلب منك انت بقى تكتب فقره تشكر فيها معلمك ومعلمتك موضحا فضلهما عليك هتبدا توضح لي الفضل بتاعهم في المقدمه يعني هتقول معلمي الغالي معلمتي الفاضله انتم مناره العلم التي تضيء لنا دروب المستقبل بالعطاء والصبر يبقى لو حد سالك او قال لك اكتب فقره عن حاجه هوضح الحاجه دي الاول فضل معلمي ومعلمتي هقول الفضل ده في المقدمه ان هم اللي بينوروا لنا طريق حياتنا وان هم اللي بيعلمونا الحاجات اللي ما كناش نعرفها طب وبعدين نبدا بقى نقول الكلام اللي احنا لو هم واقفين قدامنا هنقوله لهم الحاجه اللي احنا عاوزينهم يعرفوها المعلومات هقول بفضل توجيهاتكم الشديده ان انتم على طول معانا او ممكن تقول السديده عادي اللي هي القويه يعني وجهودكم المخلصه تعلمنا كيف نقرا ونكتب واكتسبنا القيم والاخلاق التي تبني شخصياتنا وتنمي عقولنا تخلينا اذكيه وشاطرين فلكل منا فلكم منا كل التقدير على غرص حب المعرفه في نفوسنا يبقى هو في الموضوع وجه لهم الكلام اللي عايز يقوله لهم الحاجه اللي نفسه يوصلها لهم بعدين هيكمل كلامه ليهم ويقول لهم ان اثر ما قدمتموه لنا سيظل محفورا في قلوبنا خلصنا هنقول الخاتمه مش هينفع نمشي واحنا قاطعين الكلام في النص كده لازم اقول ان خلاص بنخلص هقول في الاخر بقى خالص ونسال الله ان يجزيكم عنا كل خير على كل ما بذلتموه من اجل رفعتنا طيب بعد ما خلصنا جزء التعبير الكتابي هننتقل لثاني حاجه ثانيا مراجعه لاهم مفردات المنهج بتاعه شهر ابريل قبل قل ما نبدا فضلا وليس امرا التفاعل حاجه مهمه جدا على الفيديوهات التعليميه ل ولاي مدرس ثاني اللايك والشير والاشتراك في القنوات وتفعيل زر الجرس وده لاننا لما بنلاقي تفاعل كبير قوي تعليقات ولايكات وكده على نوعيه معينه من الفيديوهات بنبقى فهمنا خلاص ان انتم محتاجينها فهتلاقي ان احنا بنعمل لكم لنفس السنه الدراسيه اللي فيها التفاعل الكبير ده فيديوهات اكتر ومراجعات احسن تعالوا بقى نراجع مع بعض معاني الكلمات معنى كلمه رعايه اهتمام معنى كلمه خصصت حددت زاويه معناها ركن ارويه معناها اسقيه مهاره يعني براعه الممتعه يعني المسليه اتطوع معناها اتقدم بالعمل باختياري يعني انا اللي اخترت اني اشتغل الشغلانه دي ومش هاخد عليها فلوس يبقى معناها اتطوع جزاء معناها ثواب اسعى يعني اجتهد مضاد الكلمات مضاد الكلمات يعني عكس الكلمه مضاد اهتمام اهمال عكس ان انا بهتم بحاجه قوي بهملها بسيبها تبوظ ثقه عكسها تردد وشك يعني انت واثق في حد عكسها متردد او شاكك فيه افوز عكسها اخسر يعني افوز معناها اكسب لكن عكسها ان انا خسرت خلاص المعتاده عكسها الغريبه معتاده يعني متعودين عليها عكسها ماارفهاش يبقى اسمها الغريبه الممتعه عكسها الممله حاجه ممتعه يعني مسليه بالنسبه لي عكسها ممله يعني زهقان منها المفرد وجمعه الاسواق اسواق كتير مفردها سوق عذرا هي ممسوحه بس طيب وقت جمعها ايه؟ وقت ووقت ووقت يبقى اوقات الغرفه جمعها الغرف اللافتات دي لافتات كتير جمع يبقى مفردها اللافته ودلوقتي هنبدا نحل مع بعض مجموعه الاسئله الاولى اسئله المعاني على معاني الكلمات معنى كلمه رعايه هل اهمال ولا اهتمام بيه ولا مساعده هو عايز المعنى خلي بالك يبقى معنى رعايه اهتمام بيه طيب السؤال اللي بعده معنى كلمه ارويه ارويه يعني انظفه ولا اسقيه ولا ازرعه لا طبعا ارويه يعني اسقيه يعني انا بروي الزرع معناه اني بسقي الزرع طيب معنى كلمه اتطوع معناها ان انا بتقدم العمل اجبارا لا طبعا طيب بتقدم بالعمل ا باختياري ايوه اكيد طبعا لكن مش برفض العمل طب معنى كلمه خصصت خصصت يعني حددت حفظناها مع بعض طيب معنى كلمه مهاره شخص عنده مهاره في حاجه يبقى عنده براعه شاطر قوي فيها مش عنده بطء ولا عنده كسل طب كلمه معنى كلمه جزاء جزاء معناها طبعا ثواب ان انا اخدت ثواب على حاجه اخدت جزاء خير على شيء معنى كلمه زاويه اللي هي الحته اللي في الركن دي يبقى زاويه يعني ركن معنى كلمه الممتعه يعني المسليه بتسليني معنى كلمه اسعى يعني اجتهد خلصنا المعاني تعالوا نحل شويه اسئله بقى على المضاد اسئله مضاد الكلمات مضاد يعني عكس الكلمه دي عكس انك مهتم بحاجه قوي وبتحبها وبتسليها وبتسمع اسمعها يعني حاجه بتحبها قوي عكسها ان انت بتهملها يبقى عكس او مضاد اهتمام اهمال مضاد ثقه بقى هل شك ولا تاكد ولا امان طبعا اكيد شك مضاد ثقه شك مضاد كلمه افوز اربح ولا انجح ولا اخسر لا طبعا اخسر افوز يعني اكسب عكسها اخسر مضاد كلمه المعتاده الغريبه عكس ان انا متعود عليها غريبه عليا معارفهاش طب مضاد كلمه الممتعه ممتعه يعني بتسليني عكسها ممله بتزهقني المجموعه الثالثه اسئله المفرد والجمع بقى جمع السوق السوق والسوق والسوق والسوق يبقوا كتير الاسواق جمع كلمه وقت ووقت ووقت يبقوا اوقات جمع كلمه الغرفه الغرفه والغرفه والغرفه تبقى الغرف مفرد كلمه اللافتات هتبقى اللافته يلا نراجع مع بعض اسئله القراءه النص المقرر من نص شكرا معلمي شكرا معلمتي اقرا الفقره التاليه ثم اجب نبدا نقرا الاول مش اقل من ثلاث مرات اي فقره قدامك اقراها ثلاث مرات قبل ما تحل اسمع كلامي هتلاقي نفسك اخدت الدرجه النهائيه قالت مريم بفضلك يا معلمتي اصبحنا نقرا القصص بانفسنا ونقرا اللافتات في الشوارع ونكتب جملا صحيحه وقال عادل تعلمنا من الاستاذ سامح معلم الرياض الرياضيات درس الاعداد واصبحت اساعد امي في حساب اسعار الفاكهه والخضروات بمهاره عندما اذهب معها الى السوق لاساعدها استخرج بقى طلع من الفقره معنى كلمه براعه حفظناها مع بعض براعه يعني ايه هل اهمال ولا مهاره ولا مساعده طبعا براعه يعني مهاره طيب اللي بعده بيقول مضاد يعني عكس اتخلى عن اخليت عن حاجه عكسها ان انا ايه ان انا اساعد عكس اتخلى عن ان انا بساعد في الناس مش بتخلى عنهم بساعدهم وبقف جنبهم طب جمع اللافته لافته ولافته ولافته يبقى اللافتات اكمل بفضل معلم اللغه العربيه في القطعه دي بنقرا ايه وايه وبنكتب ايه هو هنا الاجابه كلها طالعه من القطعه ما تجيبش حاجه من عندك هو قال بفضل معلم اللغه العربيه اصبحنا نقرا القصص ونقرا اللافتات ونكتب جملا صحيحه بس ده اللي هنكتبه هنا في النقط دي يبقى الاولى نقرا القصص الثانيه نقرا اللافتات الثالثه نكتب جملا صحيحه اصبح عادل يساعد امه في ايه؟ دور كده في القطعه طبعا بيساعد امه في حساب اسعار الفاكهه والخضروات برده جايبينها من هنا مش من عندنا اهم حاجه تقرا القطعه كويس عشان تحل صح السؤال اللي بعده من الذي يعلمنا درس الاعداد هل معلم اللغه العربيه ولا اللغه الانجليزيه ولا الحساب لا طبعا هو قال الذي يعلمنا درس الاعداد هو معلم الرياضيات اللي هو بيدينا حساب وبرضو الاجابه موجوده هنا موجوده في القطعه اهو تعلمنا من الاستاذ سامح معلم الرياضيات درسه الاعداد يبقى لازم اجيبها من هنا من القطعه بفكرك ثاني ان المذكره دي موجوده بي دي اف بدون الاسئله و بدون الاجابات بدون الاجابات وبالاجابات بي دي اف على جروب التليجرام وصور على الفيسبوك ولو انت عايز تراجع الانجليزي هتلاقي الفيديو هنا وكمان رابط القناه على اليوتيوب لو عايز تحفظها عندك هنحل مع بعض سؤال ثاني للقراءه المتحرره من مقرر شهر ابريل في منطقتنا عامل نظافه اسمه عم سعيد في المنطقه بتاعتنا في عامل نظافه وبينظف لنا الشوارع اسمه عم سعيد طبعا جزاه الله كل خير عنا يخرج قبل وقت شروق الشمس بيطلع بدري قبل ما الشمس تنور بيرتدي ملابسه لان هو لابس لان هو لازم ايه يبقى لابس هدوم مناسبه للشغل علشان هدومه الاساسيه ما تتوسخش ويحمل ادواته زي المكنسه زي الجروف ويبدا جولته في تنظيف كل شارع وكل زاويه من الحي ينفع بعد ما هو يتعب وينضف احنا نرمي الورقاني او نرمي الزباله ثاني طب ينفع اخلي راجل كبير قد والدي او قد جدي ينضف بدالي انا يعني بدل ما انا اروح ارمي وهو يوطي يشيل الورقه دي ولا انا من الاول احطها في الباسكت وبفضل اعتنائه واخلاصه لان هو بيعتني بينا وبيخلص لينا اصبحت منطقتنا منطقتنا نظيفه وجميله منطقتان اسفه معنى كلمه زاويه زاويه خدناها فوق في المعاني يعني ركن وجمع وقت اوقات برافو يبدا بقى العم سعيد طبعا ده سؤال علامه صح او علامه خطا يبدا عم سعيد عمله بعد غروب الشمس لا ركز كده في القطعه قال ايه قال يخرج قبل شروق الشمس عشان كده السؤال كله هيبقى غلط يساعد عم سعيد في جعل بيئتنا نظيفه وجميله طبعا العباره صح لان هو بينظف الشوارع السؤال اللي بعده بيقول اجب ماذا يحدث لو لم يقم عم سعيد بتنظيف الشوارع تخيل كده لو عم سعيد ما نضفش الشوارع هنقول كل اللي كان بيعمله فوق او اللي كان بيسببه فوق لم يبقى هقول ستصبح ستصبح الشوارع غير نظيفه او لم تصبح الشوارع نظيفه الاثنين صح هنا في فقره ثالثه كان اليوم مميزا فهو اخر ايام العام الدراسي دخلت معلمتنا خديجه الفصل بابتسامتها المعتاده وهي تنادينا بالاسم الجميل الذي نحبه دائما صباح الخير يا ابطال رددنا تحيه معلمتنا بحماس استخرج بقى يعني طلع من الفقره فوق يعني مش هنجيب حاجه من عندنا لما طالما قال استخرج يبقى الاجابه كلها طالعه من هنا عايزين فعل ماضي يعني ايه فعل ماضي يعني فعل حاجه بتتعمل بس خلاص اتعملت عشان هو ماضي فهنحط جنبه كلمه خلاص هيقبلها طبعا كان خلاص تمام دخلت خلاص ايهاني ثاني طبعا ايه هنكتب اللي احنا لقيناه وعايز واحد بس انا كتبت كان ودخلت ورددنا كل دي افعال الماضيه انت اكتب واحد وهيبقى صح فعل مضارع بقى اللي هو بيبقى لسه بيحصل زي لسه بياكل ياكل تمام عايزين فعل لسه بيحصل وغالبا بيبدا بحرف من حروف انيت يعني ايه انيت يعني بيبدا بحرف الالف او حرف النون او الياء او بيبدا بحرف التاء يعني مثلا ممكن اقول اكل ده مضارع ناكل مضارع ياكل مضارع تاكل مضارع طب انا مثلا لقيت هنا ايه لقيت هنا تنادينا ونحبه يبقى دي افعال مضارعه لان لسه بتنادينا ولسه بنحبه يبقى طالما ينفع معاها لسه يبقى هي مضارع اكمل بعلامه ترقيم مناسبه رضدنا تحيه معلمتنا بحماس طب ده سؤال عشان نحط علامه استفهام لا طب ده مثلا تعجب ما اجمل ما اعظم ما اروع ما اسرع لا يبقى نحط في الاخر نقطه خلاص كده طب كيف كان اليوم مميزا هو اليوم كان مميز ازاي طبعا بيسال يبقى مستني رد وطالما مستني رد يبقى هو اخر جملته علامه استفهام سهله كده السؤال اللي بعده اختر الاجابه الصحيحه جمع العام والعام والعام والعام يبقى الاعوام طيب ينفع العوام لا العوام غلط طب كلمه ايام ايام كلمه ايام دي ايه مفرد ولا جمع مذكر سالم ولا جمع تكسير والله ايام قصدي اقول جنبها كلمه كتير ايام كتير طالما ينفع جنبها كلمه كتير يبقى ايام مش مفرد دي جمع يبقى مش هينفع اختار مفرد طب كلمه ايام دي تمام اا ما فيش اخرها ولا واو ونون ولا في اخرها ياء ونون فما ينفعش اقول مذكر سالم لان المذكر سالم لازم اخره حرفين من دول طب ينفع اقول جمع تكسير اه جمع بدون نهايه ثابته لو كان اخرها الف وتاء كنت هقول جمع مؤنث سالم بس هو ما فيش برده رابع حاجه هنراجع عليها النشيد عندنا النشيد هيجي في مقرر شهر ابريل اللي هو ابني وطني طبعا سيب لكم تحت روابط كل الدروس لو في درس انت ما اخدتوش خالص موجود تحت شرح وحل كل اسئلته من كتاب سلاح التلميذ طيب دلوقتي ابني وطني هقول بحديقه مدرستي شجر ارويه اذا احتاج الماء يعني جوه حديقه مدرستي في شجر لو احتاج ميه هرويه هدي له ميه يعني اسقيه اعطي محتاجا يسالني لا ابخل دوما بعطاء اي محتاج اي حد محتاج حاجه بيسالني يعني بيطلب مني لازم ادي له محتاج فلوس ادي له محتاج مساعده هساعده لا ابخل خ دوما بعطاء ما ينفعش ابقى بخيل الشخص البخيل ربنا بيقلل من الفلوس اللي معاه اتطوع في خدمه غيري فافوز وللخير جزاء يعني انا بتطوع ما باخدش اجر على ده يعني بساعد بارادتي في خدمه الناس اللي حواليا ساعتها هفوز برضا ربنا وهاخد جزاء على هذا الخير اسعى واجمل مجتمعي ابني وطني خير بناء يعني بجتهد وبتعب واعمل اللي عليا عشان ابني وطني وساعتها ده هيبقى افضل بناء هنحل مع بعض على النصوص اهو جاب لي قطعه بيقول بحديقه مدرستي شجر ارويه اذا احتاج الماء اعطي محتاجا يسالني لا ابخل دوما بعطاء اختر الاجابه الصحيحه معنى كلمه ارويه بحط له ميه يبقى انا بعمل ايه برافو اسقيه طبعا اسقيه اكمل بقى بيقول هنا لا يبخل الشاعر بعطاء عن ايه هو قال اعطي محتاجا يسالني لابخل دوما بعطاء ايوه بيدي مين ها عن شخص محتاج يبقى هنقول عن المحتاج يسقي الشاعر الاشجار الموجوده فين؟ هو بيقول في حديقه مدرستي صح يبقى لازم اخد الكلمه دي واكتبها في حديقه المدرسه السؤال اللي بعده اكتب البيت الذي يعبر عن معنى امنح المحتاج ولا ابخل عليه يعني ايه اكتب البيت ده يا ميس يعني اكتب بيت ازاي بصي يا حبيبي دلوقتي السطر ده كله اسمه بيت ده كده بيت الجزء الاول منه اسمه شطر شطر مش سطر لا شطر بالشين وده كمان اسمه شاطر يبقى كل بيت جواه شاطرين يبقى ده بيت ها اللي تحته ده كمان بيت ايوه ده كمان بيت هو عايزك بقى تكتب بيت يعني شاطرين البيت بقى اللي بيعبر عن ان انا بدي اي شخص محتاج وما ببخلش عليه اللي هو البيت الاخراني اعطي محتاجا يسالني لا ابخل دوما بعطاء النشيد الثاني بيقول اقرا البيتين التاليين ثم اجب اتطوع في خدمه غيري فافوز ز وللخير جزاء اسعى واجمل مجتمعي ابني وطني خير بناء اختر الاجابه الصحيحه من بين القوسين عارف بقى معنى جزاء ايه اخدناه في المعاني فوق معنى جزاء يعني ثواب طيب مضاد افوز افوز يعني اكسب انا عايزه بقى مضادها اخسر طب اكمل عندما نقوم بفعل الخير ايه لما نعمل خير هيحصل ايه برافو افوز ويعطيني الله الجزاء فممكن ايه افوز وللخير جزاء عادي يعني لو انت عايز تاخدها من هنا وتكتبها زي ما هي هتبقى صح برده اجب ما واجبك نحو وطنك ايه اللي المفرو المفروض تعمله اتجاه وطنك مكتوب هنا اهو اولا اسعى يعني اجتهد عايز تكتب اسعى اكتبها عايز تكتب اجتهد براحتك واجمل مجتمعي يعني ازين مجتمعي عايز تكتب ازين ماشي عايز تكتب اجمل ماشي ابني وطني هقول ابنيه طبعا اا اقف لحد هنا يبقى انا هعمل ثلاث حاجات اسعى وهجمل مجتمعي وهبني مجتمعي ده يلا نكتب الكلام ده يبقى هقول واجبي ان اعمل بجد جد واجمله وابني اجمل الوطن بتاعي وابني الوطن بتاعي القطعه الثالثه من النصوص هنا برده بيقول اعطي محتاجا يسالني لا ابخل ده ابدا بعطاء ا اتطوع في خدمه غيري فافوز وللخير جزاء هنا استخرج يعني ايه استخرج يعني اطلع من هنا ما اجيبش حاجه من دماغي معنى اتقدم بالعمل الاختياري او اتقدم بالعمل باختياري يبقى معنى كلمه موجوده هنا كده كلمه جوه الايه جوه البرواز ده او جوه هو النشيد ده يبقى كلمه اتطوع خلاص مضاد الشر عكس الشر ايه طبعا الخير ط علامه صح او علامه خطا اعط اعطي المحتاجين حين يطلب مني فقط يعني انا بدي الشخص المحتاج لما يطلب ولا لو انا شفته محتاج من نفسي ادي له طبعا غلط هو مش فقط لازم ادي له وقت ما ايه ما انا اشوفه ومش لازم لما هو يطلب خدمه الاخرين لها جزاء عند الله ولا ربنا ما بيكافئش عليها لا بيكافئ طبعا يبقى العباره دي ايه صح فعلا ايوه ربنا ربنا بيجازي خير على كل خير احنا بنعمله. هات من النشيد كلمتين لهم نفس النهايه يعني نفس الحروف الاخيره لازم كلمه طويله عريضه كده تنتهي مثلا بميم وهنا كلمه تانيه برض لازم تنتهي بميم زيها لازم كمان نفس الحركه يعني هنا ميم فتحه وهنا ميم كسره لا مش هتاخدهم ما ينفعش لازم ميم تكون مثلا فاتحه يبقى الميم الثانيه فاتحه زيها كده هم على نفس النهايه يلا نطلع من عندنا هنا اهو بعطاء همزه ساكنه جزاء همزه ساكنه يبقى على طول نطلع الاثنين دول واحنا مطمنين عطاء وجزاء خامسا واخر جزء بقى الاساليب والتراكيب مهمه جدا جدا خلينا عارفين ان احنا عندنا الجمله نوعين في نوع اسمه جمله اسميه ونوع ثاني اسمه جمله فعليه بعرفهم منين؟ من بدايتهم يعني حتى مثلا لو كلمه واحده لا دي مش جمله دي كلمه لكن مجرد ما بقوا كلمتين هي كده بقت جمله طب ثلاث كلمات برده جمله طب اربع كلمات جمله اعرف نوعها منين بقى اعدي على كل الكلمات دي يا مسيس لا هي اول كلمه فيهم بس لو طلعت اسم هتبقى جمله اسميه ودي بتكون غالبا فيها الف ولام زي الضابط الحديقه الفراشه يبقى غالبا بيكون فيها الف ولام اذا هي جمله اسميه لكن الجمله الفعليه بقى اول كلمه فيها دي بتبقى فعل سواء فعل ماضي او مضارع او امر تعالى كده نبص على الجمله دي اهي الحديقه جميله اول كلمه فيها ال يعني اسم يبقى الجمله دي اسميه طب وهنا تحرك القطار ينفع اقول التحرك لا ما تقبلش الف ولام اذا كلمه تحرك دي فعل فعل مضارع يبقى هي كلها جمله فعليه كلها دي كده على بعض جمله فعليه نراجع كمان على الاسماء الموصوله يعني ايه اسماء موصوله احنا بيبقى عندنا جملتين خلاص يعني مثلا اخي مثلا ا استمع الى شرح المعلم خلاص ادي الجمله الاولى الجمله الثانيه المعلم يساعدني على المذاكره ادي كده الجمله الثانيه طب انا عايزه اقولهم الاثنين كانهم جمله واحده يبقى هقول احب شرح المعلم الذي يساعدني على المذاكره يبقى انا جبت كلمه وصلت الجملتين ببعض صح يبقى اسمها اسماء موصوله بتوصل الجملتين ببعض لو كنا بنتكلم عن ولد واحد بس يعني مفرد مذكر هنقول عنه الذي احب المعلم الذي طب لو بنتكلم عن بنت واحده بس يعني مفرد مؤنث يبقى هنقول التي احب المعلمه التي تشرح الدرس. طيب لو كنا بنتكلم عن ولدين محمد واحمد مثلا يبقى هقول اللذان لان هم مثنى مذكر هنقول عليهم اللذان لان هم ولدين طب لو بنتين منى وهدى بقى يبقى التانت للمثنى المؤنث طب لو ولاد كتير قوي خمس ست سبع ولاد اقول الذين دي للجمع المذكر ولو بنات كتير قوي هقول اللا اي ودي للجمع المؤنث وخلي بالنا الاقي دي نفس كلمه ثانيه اسمها التتي برده يبقى احنا لو اخترنا التتي هتنفع لانها برده للجمع المؤنث يعني لو بنات كتير قوي هنراجع مع بعض على المقاطع الصوتيه كمان عايزين نتفق مع بعض ان الحرف المتحرك اللي هو عنده حركه قصيره ده سواء عليه فتحه او كسره او ضمه هيبقى مقطع لوحده يعني هيقعد في اوضه لوحده يعني انا لو لقيت حرف الميم عليه فتحه يقعد في اوضه لوحده يا ميس ايوه برافو هو كده مش هيخافه هيقعد في اوضه لوحده طب لو لقيت حرف النون مثلا او الكاف او الوا تحتيه كسره يقعد في اوضه لوحده ايوه يقعد في اوضه لوحده طب لو لقيت حرف الهاء او الشين او اي حرف عليه ضمه يقعد في اوضه لوحده ايوه برافو يبقى اللي عليه فتحه من فوق او تحتيه كسره من تحت او عليه ضمه من فوق هيقعد في اوضه لوحده طيب تعال بقى نشوف ايه اللي بيحصل لو حرف ساكن ده جبان خايف قوي يقعد في اوضه لوحده كل ما يقعد في اوضه لوحده يتخيل بحاجات مش بتحصل طيب يبقى نعمل ايه؟ حرام نقعده لوحده نروح لواحد من اللي كانوا قاعدين لوحدهم من شويه ونقول له خده بالله عليك قعدوا معاك حرام بيعيط فيوافق لان هو طيب يبقى لو انا عندي ميم فتحه عادي دي بتقعد في اوضه لوحدها طب جا جنبها نون سكون ايه رايك؟ اه كده هتقعد معاها يا عيني يا ميم مش هتعرفي تقعدي لوحدك خلاص يبقى نكتب الميم والنون مع بعض عشان النون جبانه وخايفه فتقعد مع الميم في اوضتها كمان حروف المد جبانه زيها تخيل يعني المد بالالف والمد بالواو والمد بالياء جبنه جدا وبرده هيقعدوا مع الحرف اللي قبلهم طيب عندي بقى الحرف المنون يعني اللي عليه تنوين ضمتين او عليه فتحتين او تحتيه كسرتين برده هيقعد في اوضه لوحده ايه المشكله يعني هو ما بيخافش ده لا ما بيخافش ركز بقى معايا في الحرف المشدد لو انت عندك ميم والميم دي عليها شده اعرف انها مش ميم واحده دول اثنين ميم واحده ساكنه هتخاف وهتقعد مع اللي قبلها وواحده ثانيه عليها فتحه او كسره او ضمه ودي هتقعد في اوضه لوحدها عادي خالص يعني مش هتخاف ناخد مثال على كده عندي كلمه زي قطه قطه قطه دي عليها شده قطه قف كسره والتاء مربوطه تنوين قطه يلا نحل القاف هتقعد لوحدها لانها تحتيها كسره فمش هتخاف يلا تعالي اقعدي ادي القاف قعدناها في اوضه لوحدها طب وبعدين لقينا ان الطاء دي شد اه نفكها اثنين طاء لوحدها وعليها سكون وطاء ثانيه فتحه على تقعد لوحدها ناخد بقى الطاء اللي بالسكون دي ونحطها مع القاف والثانيه تقعد لوحدها عادي والتاء المربوطه الاخيره عشان عليها تنوين هتقعد لوحدها عادي برده يبقى قطن متحلله كده خلاص بالشكل حتى اللي قدامنا تحت ده قبل ما نحل مع بعض هسمعك الحدوته بتاعه المقاطع الصوتيه انا رحنا لعائله الحروف كل الحروف اللي انتم شايفينها دي طالعه رحله علشان كلهم ينبسطوا مع بعض الحروف دي في منها اللي عليه فتحه واللي تحتيه كسره واللي عليه سكون حتى المدود كلها طالعه لكن لما قررنا نوزعهم على الاوض اللي جوه البيت في منهم اللي خاف يقعد في اوضه لوحده ومنهم اللي كان مبسوط جدا جدا ان لاول مره هيقعد في اوضه لوحده الحروف اللي كانت مبسوطه الحروف اللي كان تحتيها كسره او فوقيها فتحه او عليها ضمه والحروف اللي كانت خايفه ومرعوبه لانها اول مره تقعد في اوضه لوحدها هي الحروف اللي عليها سكون او المدود المد بالالف والمد بالواو والمد بالياء واول ما قعدناهم في اوضه لوحدهم لقيناهم طلعوا سابوا اوضتهم وطلعوا يجروا يقعدوا في الاوضه مع حد من اللي جنبهم خبطوا عليهم وقالوا لهم ممكن نقعد عندكم احنا خايفين وطبعا لان هم طيبين وافقوا يقعدوهم معاهم في اوضتهم اما الحرف اللي عليه شده اللي هم توام اصلا ولازم كلنا نبقى فاكرين ان الحركه دي لما بتتحط على الحرف ده معناه انه مش حرف واحد دول اثنين توام لازقين في بعض للاسف الاخوات اختلفوا في منهم اللي خايف ومنهم اللي عايز يقعد في اوضه لوحده الخايف هو اللي كان عليه سكون واللي عايز يقعد في اوضه لوحده هو اللي كان عليه الفتحه ومش لازم يكون فتحه فتحه او كسره او ضمه دول ما بيخافوش ابدا دلوقتي هنبدا نحل مع بعض على القواعد اللي ذاكرناها الممرضتان نقط تساعدان المرضى مجتهدتان هنختار بقى اللذان ولا اللتان ولا الذين انا هبص للكلمه اللي قبل النقط خالص الممرضتان وعشان هم بنتين هناخد التان زي ما دي اخرها تان دي كمان تبقى اخرها تان سهله كده نقط في بنائي وطني هي جمله فعليه يبقى لازم احط هنا ايه هل بقى ينفع ان انا احط اشارك ولا احط الوطن ولا احط بناء بناء اسم فمش هتنفع حتى ينفع احط لها الف ولام البناء فدي مش هتنفع الوطن فيها الف ولام يبقى اسم مش هتنفع هو طلب جمله ايه فعليه يبقى اشارك اشارك فعل مضارع السؤال اللي بعده الاولاد نقط معي في الفصل متعاونون الاولاد دول ولد واحد ولا اثنين ولا اكتر اكتر اولاد كتير طب يبقى التي لا التي للايه البنات الكتير ده ولاد كتير فمش هتنفع طب الذين اه الذين تنفع للمذكر الجمع اللذان لا دي لو كانوا اثنين بس فمش هتنفع برض الجنود اقوياء هي جمله ايه طالما بدات بالجنود فيها الف ولام تبقى اسم يبقى الجمله كلها جمله اسميه لانها تبدا باسم يبقى نختار كلمه جمله ايه اسميه السؤال اللي بعده الفتيات نقط سعد ساعد ساعدنني لطيفات جدا الفتيات بنات كتير واحده ولا اثنين ولا اكتر اكتر طبعا فتيات جمع جمع بنات يبقى نختار ايه او تنفع اللائي اي الاثنين صح السؤال رقم سته قابلت المعلم نقط اقدره ده معلم واحد بس ولد ولا بنت لا ولد يبقى نختار معاه الذي لو بنت كنا هنقول التي طيب السؤال رقم سبعه عاد الى الوطن العالمان العالمان مثنى اخرها الف ونون يبقى نقول اللذان برده اخرها الف ونون صح كده يبقى المثنى بياخد اللذان ده معناه ان هم شخصين اثنين نقط اصدقائك هي جمله تبدا بفعل امر يبقى هو عايزني اجيب هنا ايه فعل امر ساعد اصدقائك الصديق مع لا طبعا امر يبقى ساعد كلمه تهمل تحليلها الصحيح هو ايه عايزين نحللها صح حللها بره الاول التاء عليها ايه عليها ضمه خلاص اقعدي في اوضه لوحدك لقينا بقى الميم الجبانه اللي بتخاف اللي عليها سكون خلاص اقعدي معاها يبقى يبقى التاء والميم مع بعض طيب والهاء كسره لا اقعدي لوحدك خلاص بقى انت ما بتخافيش طب واللام ضمه اقعدي لوحدك يبقى الاختيار الصحيح نختار انه واحده اللي هي في النص دي اللي هي الاختيار اللي في النص يبقى احنا نحلل عادي خالص كان ما فيش اختيارات وبعدها نختار اللي شبه اللي احنا اخترناه الاولى غلط علشان السكون ما ينفعش يبقى في اوضه لوحده كده فدي غلط ما ينفعش طيب الثانيه غلط ليه لان هنا الهاء تحتيها كسره فالمفروض تبقى ما بتخافش فتقعد في اوضه لوحدها وبرده اللام عليها ضمه تقعد في اوضه لوحدها وهو حاططهم مع بعض فعشان كده ما تنفعش الطبيب يعالج المرضى دي جمله ايه؟ طيب نبدا نبص لاول كلمه في الجمله اللي هي الطبيب اسم ولا فعل طالما فيها الف ولام يبقى هي اسم وطالما كده يبقى الجمله كلها جمله اسميه السؤال اللي بعده نقط الطائره فوق السحاب عايزين نحط فعل يليق مع الطائره يطير تطير طيران لا طبعا هتبقى تطير الطائره لان الطائره مؤنث فالفعل المضارع بتاعها يبدا بتاء لكن لو هي مذكر كان الفعل المضارع بتاعها هيبدا بياء تمام كده كلمه نقط تنتهي بهمزه متطرفه على السطر يعني ايه همزه متطرفه يا مس يعني همزه في اخر الكلمه في الاخر خالص طب يعني ايه على السطر يعني قاعده على السطر كده ولا هي على ا ولا هي على واو ولا هي على نبره ولا هي على ياء فهي عشان كده بنقول عليها متطرفه ليه لان هي طبعا دي مش متطرفه دي متوسطه احنا عايزينها متطرفه يعني في الاخر لان قبلها بقى مد بالواو ما احنا قلنا ان هي بتبقى متطرفه لكذا سبب منها ان تكون ايه يا جماعه ان يكون قبلها مد سواء مد بالالف يبقى هي هتبقى على السطر قبلها مد بالواو هي هتبقى على السطر قبلها مد بالياء هي برده هتبقى على السطر قبلها مد بالياء ياء عادي هي تتكتب على السطر هل بقى كلمه هدوء ولا كاس ولا اسف لا اسف الهمزه على الف ومش متطرفه يعني في اول الكلمه مش في اخرها كاس الهمزه متوسطه في النص وكمان على الف اما هدوء الهمزه متطرفه وكمان على السطر يبقى نكتب هدوء رايت القمر نقط ليلا هل كلمه السماء بقى عايزه اقول رايت القمر في السماء ليلا هتبقى السماء بتتكتب كده ولا السماء كده ولا السماء كده طالما قبلها سما مد بالالف اه يبقى الهمزه تحت افتكر دايما المدود بتزحلق هتلاقي الهمزه دايما واقعه جنبها كده فالسماء طولنا اه الهمزه فين تبقى على السطر عشان كده نختار السماء الاولى حضر الولدان نقط كتب الدرس دول ولدان اخرهم الف ونون يعني مثنى كده على طول نكتب معاهم اللذان اللي اخرها الف ونون برده لانها مثنى نقط الظهور في فصل الربيع طيب الزهور ور دي جمع مذكر جمع قصدي تكسير وفي نفس الوقت غير عاقل ما عندهاش عقل يفكر كل جمع غير عاقل يعامل معامله المفرد المؤنث يعني ايه يعني كانها بنوته واحده بس متخيل كل جمع غير عاقل هيتعامل معامله ايه الجمع هيتعامل معامله قصدي المفرد المؤنث يبقى الظهور ايه في فصل الرابع تتفتح ولا يتفتح ولا فتحت هنا في غلطه في سؤال المفروض تتفتح او تفتحت الاثنين ايه؟ فتحت ماضي فتبقى الاثنين صح كلمه بحر تحليلها الصوتي الصحيح هو ايه؟ ان هي مقطع ساكن ولا مقط ومقطع منون هو كده بيقول لي اعملها بالشكل ده بس احنا ما لناش دعوه بالجزئيه دي خلينا نحلل كلمه بحر لوحدها عادي يلا نشوف تشكيلها ايه وهو على فكره في الامتحان بيجيبها لك بالتشكيل بس انا قصدت اجيبها من غير تشكيل عشان اعلمك انت تشكل با يبقى عليها فتحه با فتحنا بقنا بح كاننا دوسنا فرامل وقفنا يبقى هنا في سكون بح وبعدين الراء رن يبقى عليها هنا ضمتين بحر بحر طيب يلا بينا نحللها بقى هو هنا قال لي ان في مقطع ساكن يبقى الساكن ده هيقعد مع اللي قبله يبقى دول مع بعض صح كده والراء اللي عليها تنوين هتقعد في اوضه لوحدها يبقى فالاختيار الصحيح الاختيار اللي في النص يبقى كلمه ايه بحر تحليلها الباء مع الحاء والراء لوحدها حكم القاضي بان المتهم نقط من التهمه هتبقى بريء الياء الهمزه بعد مد بالياء ولا برئ ولا بر اسمها بريء فطالما بعد في مد بالياء طولنا الياء كده يبقى الهمزه تيجي على السطر همزه متطرفه على السطر السؤال اللي بعده استعدت المعلمات نقط ينظمنا المسابقه احنا عايزين هنا نحط اسم موصول مش عارفين اللذينه ولا اللاتي ولا اللذان لقينا ان المعلمات جمع معلمات كتير طالما كتير يبقى هي جمع واخرها الف وتاء يبقى مؤنث سالم يعني دول بنات كتير والاسم الموصول بتاع البنات الكتير اسمهم التي او اللائي التتي او اللائي اي واحده فيهم كنا هنختارها طيب وصل الفنانون اه الفنانون دول ولاد كتير ولاد كتير يبقى ناخد الجمع بتاع المذكر اللي اسمه ايه لا طبعا مش اللذان تبقى اللذينه برافو عليك اللذان دي للمثنى لو كانوا اثنين بس طيب شجعت البنت نقط ساعدت صديقتها طب البنت دي بنوته واحده بس يعني مفرد يبقى على طول نختار معاها التي بنوته واحده بس يبقى التي وخلي بالك برده ان جمع الغير عاقل يعني لو بنقول مثلا ايه كتب فدي جمع بس حاجه ما عندهاش عقل كنا برده هنقول لها التي كانها مفرد مؤنث زي البنت كده نقط السلحفاه في الماء هي جمله فعليه وطالما شرط انها جمله فعليه يبقى لازم هنا نكتب فعل السلحفاه لا طبعا اسم طب في لا ده حرف يبقى ما قدامناش غير ان احنا نكتب طغوص عشان تبقى جمله ايه عشان تبقى جمله فعليه يبقى هنقول تغوص السلحفاه في الماء قطفت الثمار نضجت طب الثمار جمع صح ثمار كتير بس هل عندها عقل تفكر لا ما عندهاش يبقى جمع غير عاقل يبقى على طول نعملها معامله المفرد المؤنث ونقول التي قطفت الثمار التي نضجت عرفنا كده ان لو الجمع ما عندوش عقل يفكر بنعامله معامله البنوته الواحده بس اللي هو المفرد المؤنث تفوقت البنات دول كتير طالما بنات كتير يبقى ناخد اللاتي او اللائي بفكرك ثاني ان المذكره دي موجوده بي دي اف على جروب بالتليجرام وموجوده صور على صفحه الفيسبوك ومراجعه اللغه الانجليزيه لشهر ابريل برده هتلاقوها في الكيو ار كود ده 25 جاءت الفتاتان نقط فاز فازتها في المسابقه عايزه اكد على حاجه مهمه ان الفتاتين دول اثنين بنات الاثنين بنات مش زي الاثنين ولاد اثنين ولاد اللذان لكن اثنين بنات يبقى قلتان خدت بالك كمان من حاجه ثانيه ان الفعل بعد ما جه بعد مثنى اتحط له حاجه اسمها الف الاثنين يبقى اسمها ايه؟ فازتا مش فازت فازتا يبقى المثنى بيتحط له التتان ولو في فعل بحط له الف اسمها الف الاثنين عشان لو طلب منك تحول جمله من مفرد لجمع تعرف ايه اللي بيتعمل للفعل بعد ما يجي بعد مثنى المكتبه مكان للقراءه والبحث هي جمله ايه بتبدا باسم يعني هو كمان بيغششني يقول لي انها بدا باسم طيب اهي المكتبه وفعلا اولها كلمه فيها الف ولام وتاء مربوطه تبقى اسم على طول يبقى على طول هنقول عليها جمله اسميه طب زرت خالي نقط كان مريض اللي قبل النقط اللي هو خالي ده ولد واحد بس يبقى نحط له الذي اسم موصول الذي يبقى الولد الواحد بس اللي هو المفرد المذكر هنحط له الذي نقط ابي من السفر هي جمله فعليه يبقى لازم ابدا بفعل طالما هو قال لي ان هي جمله فعليه هيبقى وصل اه تنفع وصل فعل ماضي لكن ابي اسم مش هتنفع والسفر اسم برض مش هتنفع يبقى نقول وصل ابي من السفر فازت الطالبتان نقط تعاونتا في المشروع الطالبتان مثنى بنوتتين اثنين واخرهم تاني يبقى نختار معاها التان برده خلي بالك من حاجه ان المثنى اللذان واللتان فيهم اين ل اللاذان تمام كده اللذان فيها اين ل والمثنى بتاع البنات برده برض فيها انين ل ما هم مثنى فلازم يبقى فيها اين ل اخدت بالك بعد الالف اين ل مش للاتي بتاعه جمع الايه ها اللاتي او اللا اي سواء دي او دي مش مشكله برده فيها 2 ل جمع المؤنث لكن الباقي كله بلام واحده الذي ل واحده اهي ما ينفعش تعمل 2 ل التي لده تمام الذين لدت بالك يبقى ما ينفعش في دول اعمل اثنين ل طيب نقط القراءه مواهبك هي جمله اسميه يبقى لازم ابدا هنا بايه باسم هل تنمي لا طبعا تنمي ده فعل طب تطور لا برده تطور ده فعل مضارع لكن هو عايزها تبدا باسم لانه قال لي جمله اسميه يبقى نكتب ايه القراءه لان القراءه فيها ال ولام وتاء مربوطه يبقى اكيد ان هي اسم وهو عايزها جمله اسميه لسه في اسئله النحو دلوقتي بنراجع جزئيه اكمل بما هو مطلوب بين القوسين يعني هنا في كلمه ناقصه هكملها باللي طلبه بين اقواس هنا فلازم اقرا اللي بين الاقواس الفلاح يزرع ارضه حول الجمله من اسميه الى فعليه هي اسميه عشان باده بالفلاح لما يطلب منك تحول من اسميه لفعليه كل اللي هتعمله انك تبدل اول كلمتين بس بدل ما هي الفلاح يزرع عرضه لا يزرع الفلاح ارضه بدلنا اول كلمتين بس والباقي اتكتب زي ما هو يبقى هنقول يزرع الفلاح ارضه الممرضتان دول مثنى بنتين اثنين تساعدان المرضى مجتهدتان وعايز اسم موصول مناسب للكلمه اللي قبل النقط اللي هي الممرضتان اثنين بنات يبقى برافو اسمهم اللتان طب يذهب الطالب نقط الى المدرسه صباحا عايزين حرف جر مش المدرسه مكان حط قبله الى يبقى يذهب الطالب الى المدرسه صباحا نقط عمال مخلصون في عملهم عايزين نحط اسم اشاره يكون للجمع حد فاكر اسماء الاشاره هذا هذه هذان هاتان هؤلاء ذلك تلك اولئك هم دول اسماء الاشاره طب عمال جمع كتير يبقى ينفع هذا لا هذه لا هذان لا هذان دي لو اثنين طب هاتان لا هاتان برده لو اثنين طب هؤلاء هؤلاء للجمع يبقى نقول هؤلاء عمال مخلصون في عملهم جلس تامر في نقط تام كلمه عايزين كلمه تنتهي بهمزه متطرفه يعني ايه همزه متطرفه يعني في اخر الكلمه خالص وتكون على السطر يعني زي ما انا كاتباها كده على المرميه على الارض ولا هي مكتوبه فوق الف ولا هي فوق واو ولا هي فوق ياء فعشان كده سميناها متطرفه على السطر يبقى انا عايزه اقول جلس تامر في نقط تام يبقى ممكن في هدوء هدوء تام حلل الكلمه التي تحتها خط اللي هي البائعون ال هتبقى مع بعض زي ما انتم شايفين لانها ل قمريه واللام القمريه احنا عارفين ان هي عليها سكون يبقى نكتب الالف واللام مع بعض في اوضه لوحدهم با الباء تعاليه فاتحه بس لقيت بعدها مد بالالف والمدود كلها جبانه بتخاف يبقى با ال با وبعدين اي اللي هي الهمزه اللي تحت دي اي وبعدين ها الهمزه عليها تحتيها كسره فخلاص العين عو عو عليها ضمه يبقى برده في اوضه الواحده اللي هي كلمه اللي هي حرف ايه عو عشان عليها ضمه بس لقينا بعدها مد بالواو عو بيخاف يبقى نحطه معاها بعدين اوضه جديده نحط فيها النون اللي فاضله يبقى لو طلب مني تحليل البائعون لمقاطع صوتيه افتكر ان السكون بيقعد مع اللي قبله والمدود بتقعد مع اللي قبلها يبقى البائعون كده طيب بيقول يتعاون الصديق في العمل حول الجمله الى اسميه لان هي فعليه بدات بيتعاون فعل زي ما اتفقنا اما يطلب تحويل الجمله نبدل على طول يبقى هنقول الصديق يتعاون مع في العمل هذا صديقي الذي احبه ثني يعني خليها الاثنين بدل ما هو واحد يبقوا اثنين ثني الجمله وغير ما يلزم هذا هتبقى هذان احنا بنغير كلمه بكلمه هذان صديقي هتبقى صديقاي الاثنين صديقاي انا عارفه ان المثنى بيتحط له الف ونون صديقان بس علشان شايف الياء دي اللي جت في الاخر الياء دي بتحذف النون ما بتحبهاش وتقعد مكانها يبقى صديقاي الذي هتبقى بقى اللذان ما هم اثنين بقى احب يبقى احبهما احب تفضل زي ما هي بس الهاء اللي هي بتاعه واحد وولد واحد بس هنخليها هما هما مش الهاء دي بدل هو لا انا هخليها هما يبقى انا بحبهم الاثنين يبقى هذان صديقاي اللذان احبهما هؤلاء القطط عذرا هنا في غلطه المفروض هذه هذه القطط لطيفه هذه القطه لطيفه اجعل بقى الجمله للجمع وغير ما يلزم هتقول لي يا ميسي انت قلتي لي امسك كل واحده واخليها جمع هذه اخليها هؤلاء لا لان القطه لما تبقى قطط هتبقى جمع غير عاقل هيبقى برده ما عندهاش عقل تفكر فمش هينفع ان انا احط لها اداه الجمعاها هعملها معامله المفرد المؤنث اللي هي تفضل هذه يبقى هذه القطط انا جمعت القطط بس وبرده الصفه بتاعه غير جمع غير العاقل بتفضل مفرد برده زي ما هي يبقى لطيفه كده هخليها هذه القطط لطيفه عاد الى الوطن العالمان حقا انجازا عايزين اسم موصول يلا بينا الاسماء الموصوله اللي هي ايه الذي التي الذين واللائي بس العالمان مثنى نحط لها برده ايه اللذان رقم 11 نقط الطائره فوق السحاب عايزين فعل مضارع يبقى يبدا بحرف من حروف انيته الف او نون او ياء او تاء زي اكل او ناكل او ياكل او تاكل او مثلا ا اشرب او نشرب او يشرب او تشرب طب الطائره مش بتطير؟ ايوه يبقى اطير او نطير او يطير او تطير بس عشان هي مؤنثه هنخليها تبدا بتاء بس يبقى اسمها تطير الطائره يلا هنحط الفعل تطير رايت قطه حلل الكلمه التي بين قوسين هي قطه اصلا فيها حرف مشدد قط ط في حرف اتنطق مرتين ط يبقى هي عليها شده صح كده على طول من غير ما نفكر الحرف اللي عليه شده يتفك حرفين طاء هتقعد مع القاف اللي قبلها والطاء الثانيه في اوضه لوحدها والتاء المربوطه لوحدها يبقى نعملها كده ق وطاء مع بعض وبعدين الطاء الثانيه لوحدها وبعدين التاء المربوطه لوحدها كده اتقسمت ثلاث مقاطع طيب رايت القمر في الليل صح كده في نقط ليلا عايزين كلمه تنتهي بهمزه متطرفه بعد مد طبعا القمر بنشوفه في المساء وفعلا فيها همزه اهي متطرفه وجايه بعد مد بالالف حضر الولدان هما اثنين كتب الدرس عايزين اسم موصول يكون مناسب اسم موصول اللي هو الذي التي الذين اللائي وبما ان الولدان اثنين يعني مثنى يبقى نختار معاها ايه المثنى اللي زيها اللي هي اللذان اهتم بمشاهده الافلام حلل الكلمه التي تحتها خط اللي هي الافلام يبقى ال عشان الالف دي لام قمريه عشان اللام دي ل قمريه يبقى كان اللام عليها سكون فمنقعدها في اوضه لوحدها والاقف مع بعض ليه؟ الالف عليها فتحه والفاء سكون فهتقعد معاها وبعدين نعمل اوضه ثانيه جديده لا اللام فتحه بس معاها مد بالالف لا لان المد جبان فهيقعد معاها ما يبقى الميم لوحدها طب يا ميس هو هيجيبهم لي من غير تشكيل في الامتحان المفروض يجيبها لك بالتشكيل بس ما فيش حاجه مضمونه دلوقتي فلازم برده تعرف تكون بتنطق الحرف بالتشكيل بتاعه يلا بينا يبقى الافلام بتتكتب بالشكل ده امي تطبخ طعاما مفيدا حول الجمله من اسميه الى فعليه هي اسميه عشان بدات بامي صح وامي اسم المفروض ان احنا نبدل ما بين امي وتطبخ عشان تبقى جمله فعليه يبقى نقول تطبخ امي طعاما مفيدا الفتيات نقط ساعدنني لطيفات عايزين اسم موصول الذي او التي او الذين او التي او اللائي بس عشان الفتيات جمع بنات كتير ممكن نقول اللاتي وممكن نقول اللائي اي واحده الشمس نقط في الصباح عايزين فعل مضارع بيبدا بحرف من حروف انايته بيدل على ان لسه الحاجه بتحصل يبقى ممكن نقول الشمس تشرق في الصباح نقط حققوا انجازا علميا وعايزين كلمه تنتهي بهمزه متطرفه يعني همزه في اخر الكلمه وتكون على السطر زي ايه مثلا مين ممكن يكونوا حققوا انجازا علميا واخرهم همزه مطرفه ممكن العلماء هذا هو المعلم الذي اقدره عايزين كلمه تنتهي بهمزه متطرفه على السطر يبقى ممكن نقول مثلا هؤلاء ا هنا اسفه بيقول اجعل الجمله لجمع المذكر وغير ما يلزم اول حاجه عملناها ان احنا حولنا هذا بدل ما هي مفرد خليناها هؤلاء جمع ماشي هو هنخليها هم يبقى كل ضمير لوحده بيتحول جمع المعلم هتبقى المعلمون جمع مذكر سالم اخره واو ونون والذي هتبقى الذين عشان بقت جمع واقدره اقدر زي ما هي لكن الهاء اللي هي الضمير هتتحول هم شايفينها يبقى اقدرهم هؤلاء هم المعلمون الذين اقدرهم هذا هو الصديق الذي يتعاون في العمل حول الجمله للمثنى بنوعيه يعني مره مثنى مذكر ومره مثنى مؤنث يلا بينا هاز عشان تبقى مثنى هتبقى هازان هو هتبقى هما الصديق هتبقى الصديقان الذي هتبقى اللذان يتعاون هتبقى يتعاونا حط لها الف الاثنين عشان ده فعل وممكن احط لها النون برض او هتبقى يتعاونان مافيش مشكله في ا هتفضل زي ما هي والعمل زي ما هي يبقى يلا نقول هذان هما الصديقان اللذان يتعاونان في العمل طب بنوعيه بقى يعني عايز المؤنث كمان هذا هتبقى هاتان بقى هو هتبقى هي ا ولا عشان هي جمع هتتغير هتبقى هما برض خلي بالك المثنى من من الضمائر ا بيفضل المثنى للمؤنث زي المذكر هما الصديق هتبقى الصديقتان الذي هتبقى التان يتعاون هتبقى تتعاونان في العمل هتفضل زي ما هي هذه هي الفتاه التي فازت في المسابقه اجعل الجم الجمله للجمع جمع المؤنث هذه عشان تبقى مثنى هو عايزها جمع مش مثنى عذرا هذه هتبقى هؤلاء وهي الجمع بتاعها هن والفتاه هتبقى الفتيات والتي هتبقى اللاتي وفازت هتبقى فزنا في المسابقه هتفضل زي ما هي اللايك والشير بيساعدنا نستمر وعشان توصل لكم فيديوهاتنا اول باول فعل زر الجرس واضغط على زرار الاشتراك كده احنا خلصنا واتمنى اتمنى تكونوا استفدتوا واترككم في رعايه الله والسلام عليكم ورحمه الله وبركاته.