مراجعه شهر ابريل علوم رابعه ابتدائي علوم الصف الرابع الابتدائي ترم تاني 2026 ميس مارينا

اهلا بحبايبي طلاب روعه ابتدائي النهارده عامله لكم مراجعه لشهر ابريل هتكسر الدنيا هنحل على كل حاجه وعامله لكم ملخص سريع كده عشان لو في اي حد وقع منه جزء كده ولا كده نلمه وهنحل على كل حاجه يلا بينا اهو ده الملخص بصوا انا ماسكه لكم مفهوم مفهوم ملخصه فيه كده شويه نقط نراجع عليها علشان ما ندخلش نحلها على طول واحنا مش فاكرين وانتم برده لما تيجوا تذاكروا لو في مفهوم حاسين ان انتم مش متظبطين فيه امسكوه اقروه الاول بعدين حلوا عليه ده بيخليكم تفتكروا احسن وهتعرفوا تحله احسن فبعدين بقى تشوفوا النقط اللي واقعه منكم حاجه مش فاهمينها وتسالوني عليها وانا عينيا لكم يلا اول حاجه المفهوم بتاع الاجهزه والطاقه ساعتها اتكلمنا عن عربيه فاكرينها كانت اسمها عربيه كيرو سيتي حطينا فيها ايه حطينا فيها حاجتين اول حاجه الالواح الشمسيه اللي هي دي علشان بتاخد ضوء الشمس تحوله لطاقه كهربائيه وبطاريات طويله الامد ايه التحولات الطاقه اللي حصلت فيها من ضوئيه لكهربائيه لحركيه وحراريه تفضل بقى تلف كده اهو وتصور لنا كوكب المريخ وتصور كل المعلومات عنه ا وكمان عرفنا ان المسافه ما بين كوكب الارض وكوكب المريخ قد ايه كانت ست شهور وكاتبه لكم جنبيها هنا علل ان السؤال ده بيجي لنا ليه العلماء واجهوا صعوبه ان هم يكتشفوا كوكب المريخ عشان المسافه كانت كبيره قوي قوي كانت المسافه ما ما بين كوكب الارض والمريخ ست شهور وكمان ما ينفعش بشر يروحوا هناك. اللي بعده اتكلمنا عن ا حاجه اسمها المدخلات والمخرجات وقلت لكم في المراجعه بتاعه نص المنهج افتكروا دايما كلمه المدخلات باسم مستهلكه. المدخلات طاقه مستهلكه والمخرجات نعرفها منين؟ لما يقول لي طاقه ناتجه. طب المخرجات كان في نوعين كانت بتخرج طاقه اساسيه وطاقه مهدره. الاساسيه دي كانت ايه؟ كانت هي اللي بتساعد الجهاز على اداء وظيفته. طب امال المهدره دي كانت ايه؟ كانت لا تساعد الجهاز على اداء وظيفته كانت ممكن تبوظه كمان او بتسخنه زي مثلا ان التليفون بتاعي يسخن بعد فتره او المروحه تسخن مش دي حاجه مش بتساعد الجهاز ساعتها؟ قلنا ان هي مهضره وكان في معلومه حلوه قوي انه الطاقه اللي داخله لاي جهاز بتساوي الطاقه اللي خارجه منه. السؤال ده كان بيجي علل ليه يا مس مارين مثلا الطاقه اللي داخله المروحه بتساوي الطاقه اللي خارجه منها؟ علشان عندي قانون اسمه قانون بقاء الطاقه القانون ده بيقول لي ايه؟ ان الطاقه لا تفنى ولا تستحدث من العدم ولكن تتحول من صوره لصوره ثانيه بعدين اتكلمنا عن سلسله صور الطاقه ساعتها برده في المراجعه قلت لكم هي عامله شبه السلسله حلقات حلقات حلقات مترابطه ببعضها لو واحده اتفكت السلسله دي بتبوظ عشان كده اسمها سلسله اللي هي كذا حاجه دي مترتبه على دي ودي مترتبه على دي وهكذا هو مخطط يوضح مسار انتقال الطاقه وتحولاتها من صوره لصوره ثانيه مثال سلسله سعر الطاقه في تناول الطعام انا علشان اجي ادي الحصه لازم يبقى عندي طاقه جوه جسمي طب الطاقه دي عباره عن ايه طاقه كيميائيه انا اخدتها منين المصدر في معلومه المصدر الاساسي لمعظم الطاقات او لاغلب الطاقات على سطح الارض هو الشمس الشمس بتطلع النبات انا باخد ال ا الفاكهه او الخضروات او الحاجات اللي النباتات بتطلعها لي وباكلها صح يبقى اول حاجه كانت طاقه ضوئيه من الشمس اتحولت جوه الشجره او النبات او الاكل اللي انا باكله لطاقه كيميائيه اكلتها ا هضمتها بقت جوه جسمي بقى جوه جسمي طاقه كيميائيه بقت عارفه اتكلم واتحرك اهو الكلام طاقه صوتيه الحركه طاقه حركيه تمام اول حاجه الشمس بعدين بتطلع لي طاقه ضوئيه والطاقه الض الضوئيه بتتحول لطاقه كيميائيه راسمه لكم اهو الشجره بعدين بتتحول لطاقه حركيه اللي بتساعد في الانسان بعد الاكل بعد ما بناكل يعني بيبقى عندي طاقه اتحرك واتكلم فدي بتتحول بعد الاكل اهو المعلومه اللي لسه بقول لكم عليها الشمس هي المصدر الرئيسي للتقى على سطح الارض لو ما فيش شمس ما فيش نباتات ما فيش فواكه ما فيش خضروات ما فيش اي حاجه خالص احنا كده راجعنا ايه الكا معلومه المهمين في ال ا في المفهوم الاول بس عايزه اقول لكم حاجه يعني مثلا ماحدش ياخد ده ويقول ايه انا خلاص انا هذاكر منه ده بس دي بس شويه معلومات والاسئله اللي بتتكرر في المفهوم ده دي بس شويه معلومات والاسئله اللي بتتكرر في المفهوم ده تماماني مفهوم اللي هو الوقود كان ايه تعريف الوقود يا مس مارينا ها هتقول انت برافو هو اي حاجه بنحرقها بتطلع لنا طاقه حراريه هي اي ماده ينتج عنها طاقه حراريه لما بنحرقها طب كان عندي نوعين للوكود ده ايه هو ايه وقود حيوي ووقود حفري الحيوي قلت لكم علموه بالشجره ليه عشان اي حاجه ينفع نزرعها كان تعريفه هو الوقود الذي يمكننا الحصول عليه من من زراعه الكائنات الحيه طب امال كان ايه الوقود الحفري قلت لكم علموه بكلمه حفر وتحلل كان بنحصل عليه من الكائنات التي تحللت وماتت ودفنت في بطن الارض لملايين السنين واتعرضت لضغط وحراره كمان تمام ال ال وكده الحيوي الحفر ده ممكن يجي لنا اكمل ممكن يجي لنا قارن ممكن يجي لنا اكتب المصطلح العلمي الوقود الحيوي ده مصدر متجدد ولا غير متجدد كان متجدد ليه عشان احنا بنزرعه الزراعه يعني حاجه متجدده الامثله بتاعته الخشب وده كان اقدم اقدم الانسان عرفه ثاني حاجه الوقود السائل الثالثه الفحم النباتي طيب ايه امثله الوقود الحفري كان الفحم والنفط والبترول والغاز الطبيعي طيب فاكرين الحدوته بتاعه بتاعه علماء الارض وعلماء البحر اللي شافها يقول لي في الكومنتات كانت عباره عن ايه فاكرين علماء الارض لما عملوا حاجه فاللي كانوا قاعدين جنبهم في الاوضه الثانيه سمعوهم فقالوا هم اشمعنى هم احنا كمان هنعمل زيهم وكان في واحد معدي كده لو فاكرينه قال ايه ده ايه ده هم مبسوطين ليه ما يعرفوش ان الحاجات دي بتلوث البيئه ولا ايه فاكرين الحدوده دي اهي دي بقى الفحم ده كان ايه مصدره كان جاي من النباتات الجافه اللي ماتت واتدفنت في بطن الارض لملايين السنين طب النفط والبترول والغاز الطبيعي ده كان جاي منين؟ من الكائنات البحريه اللي موجوده في باطن البحر. طيب السؤال بتاع مصادر الطاقه المتجدده والغير متجدده برده ممكن يجي لنا قارن يقول لي قارن بين الاثنين او قول لي مثال على ده ومثال على ده. مصادر الطاقه المتجدده دي بتتجدد بعد وقت قصير من استخدامها زي ايه؟ زي ثلاثه شمس وميه ورياح دي دايما متجدده ودايما موجوده ودايما ربنا خالقها لي وبتتجدد باستمرار. ماشي طيب مصادر الطاقه الغير متجدده دي بتخلص بمعدل اسرع من معدل تكوينها يعني بتخلص قبل ما ايه تتجدد تاني ايه الامثله بتاعتها نفط بترول فحم غاز طبيعي كل الحاجات دي الحاجات اللي بنحفر عشان نلاقيها طيب ايه اسباب تلوث اسباب التلوث البيئي قلنا ساعتها برده في مراجعه نص المنهج هنحفظ ثلاث كلمات كانوا ايه هم وقود مبيدات كيماويات وقود مبيدات كيماويات الوقود ده كان بيلوس لي الهواء المبيدات الميه والتربه الكيماويات بتلوث كله بقى يلا هنلوس كل حاجه الهواء والميه والتربه طيب بعدين كان عندي حاجه اسمها الضباب الدخاني الضباب الدخاني ده قلت لكم لما ايه ا لما نجيب شويه ورق وشويه حاجات كده ونولع فيهم بتطلع نار النار دي بتطلع الدخان الدخان ده اسمه ضباب دخاني او انه ا مصنع اا او عربيه عربيه بتطلع العوادم بتاعتها العوادم دي ايه لو جت على عين ده اسمه دباب ضباب دخاني لو جت على عيني بقى تعمل لها تهيج وتهيج في الرئه وتلف في الجهاز التنفسي بتاع المشاكل وحشه خالص قلنا الضواب الدخاني ده اول ما يجيب سيرته نحط ايدينا على عينينا وجهازنا التنفسي بنقول ايه تهيج العين والرئتين وتلف الجهاز التنفسي ثاني تهيج العين والرئتين وتلف الجهاز التنفسي بصوا راسمه لكم اهو العين تهيج العين مش حرماكوا من حاجه واهي الرئتين رسم كروكي كده اهو عشان يثبت في دماغنا اهو تهيج العين والرئتين وتلف الجهاز التنفسي. طيب ينتج عن حرق الوقود الحفري غاز اسمه غاز ثاني اكسيد الكربون. طيب الغاز ده كان ايه اضراره؟ كان بيعمل زهراتين وحشين جدا وبيسببوا مخاطر كبيره ايه هما؟ الامطار الحمضيه والاحتباس الحراري. بصوا عامله لكم رسمه اهو سحب وفيها الاجزاء دي بخار ماء وفيها الاجزاء التخينه دي ثاني اكسيد الكربون مجازا يعني فاهمين طيب فاكرين الامطار الحمضيه دي في المفهوم اللي بعده كانت المفهوم اللي بعد بعده كانت تجويه ايه امطار حمضيه يعني كانت بتغير لي الطبيعه الكيميائيه فكانت تجويه كيميائيه يعني انتوا لو واخدين بالكم انا بربط يعني انا مش بشرح مفهوم مفهوم انا بربط المنهج كله ببعضه عشان يبقى زي حاجه متكامله مع بعضيها ثاني حاجه الاحتباس الحراري قلت لكم ان ثاني اكسيد الكربون بيحبز حراره كوكب الارض فبينتج عنه حاجتين ارتفاع حراره الارض وتغيير المناخ طيب ازاي نحافظ على الوقود الحفري قلنا كم حاجه كده زي بدل ما نركب عربيه نمشي بدل ما نركب عربيه نركب دراجه ما بتطلع لناش وقود ثاني حاجه قصدي مش بنستهلك فيها وقود اطفاء المصابيح لما نمشي من الاوضه احنا خرجنا من الاوضه دي وخلصنا مش عايزينها ثاني نطفي النور ورانا ثالث حاجه نست تستخدم مصادر متجدده ونضيفه مش بتلوث البيئه زي الشمس والميه والرياح يلا بينا على المفهوم اللي بعده بيتكلم عن مصادر الطاقه المتجدده اللي هي ايه؟ بصوا هو في المفهوم ده المفهوم ده بسيط جدا بيتكلمني عن مصادر الطاقه المتجدده وببساطه كل مصدر ده بنستخدمه في ايه وعملنا بايه بس اول واحده كانت معانا الشمس الشمس دي ا استفدنا منها في ايه؟ في الالواح الشمسيه اللي بتولد لي الكهرباء ثاني حاجه دفنا المنازل من النوافذ الزجاجيه ثالث حاجه طهي الطعام عن طريق المرايه المقعره اللي بتجمع لي ضوء الشمس بعدين تسخين الميه عن طريق السخانات الشمسيه وقلنا ان هي انابيب سودا ليه عشان تمتص لي اشاعه الشمس طيب ثاني حاجه الرياح الرياح عملنا منها حاجتين المنظر ده الطواحين الهوائيه اللي هي كانت وظيفتها ايه طحن الحبوب وقلت لكم علموها ط و لو عايزين الصور دي ابعتها لكم وتذاكروا منها قولوا لي في الكومنتات وانا هحطها لكم تمام ثاني حاجه التربينات الهوائيه التربينات الهوائيه اللي هي حديثه ايه وظيفتها بتولد كهربا وقلت لكم علموها ت وت توربينات توليد الكهرباء علشان كانت بتحول لي الطاقه الحركيه لطاقه كهربائيه ا وعملنا مقارنه ما بينهم ممكن ال هم الاثنين بيجوا لي في قارن كانت قلنا ان دي اطول لكن دي قصيره دي فيها فتحات في الشفرات دي ما فيهاش طيب ثالث حاجه الميه كانت عملنا ايه عملنا تواحين مائيه ساعتها شفنا صورتها التواحين المائيه دي كانت وظيفتها ايه بتتحل الحبوب قلت لكم علموها ط وطيب ثاني حاجه السدود هي دي رسمه كروكي بس احنا هنعتبرها سدود ايه اللي كان بيحصل في السدود كان هنا بيبقى في طاقه وضع جاذبيه لما الميه بتتحرك وبعدين تخبط في التوربينات كانت بتتحول لي لطاقه اسمها طاقه كهرمائيه طب احنا ليه يا مس مارينا قلنا طاقه كهرومائيه مش كهربائيه عشان ببساطه هي كهربا ناتجه من الميه هل انا ينفع اقول كهرباء وما اقولش ميه ساعتها قعدوا يفكروا هنسميها كهربا ولا هنسميها ايه اصلك هي كهربا بس هي ناتجه من الميه طب هنسميها ايه فقالوا بس يعني نبطل خناق كدهوت ما تيجوا ندمجها مع بعض فسميناها الطاقه الكهرومائيه الكهرومائيه ايه مميزات وعيوب الطواحين الهوائيه او المائيه عشان ممكن يسالني عليهم هم الاثنين هم الاثنين بيعتمدوا على مصدر مصدر طاقه رخيص ربنا اللي خالقه لنا مش بندفع فيه فلوس بس عيوبها ان ممكن الرياح ما تجفش زي فصل الصيف ما فيش رياح او انه الميه دي ممكن تجف احيانا فما يبقاش فيها حركه اخر حاجه المفهوم بتاع تفتت الصخور وتحركها كان عندي ثلاث عوامل بيسببوا تفتت الصخور وبيسببوا لي التجويه وكده ايه هم بيسببوا لي التجويه والتعريه والترسيب كانوا ايه هم اول حاجه الميه ثاني حاجه الرياح ح الثالثه عوامل الطقس وقلنا هنحفظ الثلاث كلمات دول ماء ورياح وعوامل طقس ماء ورياح وعوامل طقس الميه دي كانت بتعمل ايه كانت بتح بتفتت لي الصخور وبتحركها من مكان للثاني زي امواج الشاطئ اللي كانت فاكرين بتعمل ايه بتهدم القلعه الرمليه اللي انا اللي انا قعدت اعملها يا دوبك رحت اكل ساندوتش بانيه رجعت لقيت القلعه بتاعتي اتهدمت الرياح بتحرك فتات الصخور من مكان لمكان اخر عوامل الطقس زي ان الجو حر او في فيضان هو تفتت الصخور وتحركها من مكان لاخر بعدين جايب لي بقى القلعه الرمليه والصخور الساحليه والاخاديث القلعه الرمليه دي انا بفضل اعملها في عده ساعات وايه اللي بيغيرها او اللي بيهدمها الامواج يعني الماء والرياح الصخور الساحليه بفضل بتفضل تتعمل في مئات السنين وبتتغير بالماء والرياح دي الاخاديد بتتعمل بالماء فقط وبتاخد ملايين السنين س بتت اه بتتكون يعني بالماء فقط وعوامل تكونها بتفضل ملايين السنين شغاله طيب دي رسمه كده الجبل الجبل ده مثلا في رياح او مطر او اي حاجه اثرت على على قمته فحصل تفتت في شويه صخور كده اتكسرت طب يعني انا قلت ايه دلوقتي قلت تكسير صخر كبير تكسير قمه جبل لقطعه صغيره لفات صغيره يبقى دي اسمها ايه برافو اسمها التجويه طيب التجويه دي اا ايه الحاجات اللي بتاثر فيها؟ قلنا هنحفظ ثلاث كلمات ماء ورياح وحراره الماء دي اللي هي الامطار ايه الثلاث كلمات؟ ما ورياح وحراره ماشي بعدين الصخور دي اتنقلت من مكان راحت لمكان ثاني قلت لكم لو قال لي نقل او انتقال او حركه تبقى تعريه نقل او انتقال او حركه يبقى تعريه طب ايه عوامل تعريه دي يا مس مارينا ماء ورياح جاذبيه ماء ورياح وجاذبيه بصوا حطها لكم فوق بعض عشان تحفظوا العوامل بسهوله هم الاثنين ماء ورياح اهو بس دي التجويه بتاثر عليها الحراره لكن التعريه الجاذبيه عارفين ليه التعريه بتاثر عليها جاذبيه اصلك الصخور اتفتت فوق هنا ايه اللي نقلها تحت ايه اللي شدها كده لتحت الجاذبيه طبعا يبقى قو لي قو لي دلوقتي سمعني في الكومنتات ايه عوامل التجويه ماء ورياح وحراره طب امال ايه عوامل الجاذبيه ايه عوامل التعريه قولها لي انت بقى ثالث حاجه الترسيب ان الرواسب دي اللي حصل لها تجو ويه وحصل لها تعريه تتجمع بقى وتكرر ان هي تستقر في المكان ده. التجويه اهو في منها نوعين ميكانيكيه وكيميائيه هنا عامله لك صخره قسم نصين سايباهم لك باللون الابيض عشان اقول لك ايه ان الخواص الكيميائيه بتاعته مش بتتغير وتركيبه الداخلي ما بيتغيرش هنا عامله لك صخر قسماه الاثنين بس شخبطت فيهم كده يعني بقوا بقوا مش نفس التركيب الاصلي هنا مثلا كان لونهم ابيض بقى لونهم احمر او بقى بقوا اي شكل ثاني او ظهر عليهم حاجات جديده طيب الامثله ان كان عندي مثلا ا هضبه او جبل او اي حاجه فبيحصل لها عوامل تجويه من هنا فهنا بتبقى مالسه وبتبقى بالشكل ده ثاني حاجه ان الاشجار تنمو جوه الصخر فتفضل الجذور تتمدد تتمدد تتمدد لحد ما تكسر لي الصخر ثالث حاجه الميه الميه اللي وهي ماشيه بتفتفت لي الصخور ماشي التجويه الميكانيكيه الكيميائيه ايه الامثله بتاعتها هي لا اما بتغير لي شكل ولون الحاجه لا اما بتكون لي حاجات جديده زي الحاجات الجديده اللي بتتكون كون جوه الكهف نتيجه تفاعل الميه مع الاحجار الجيريه ثاني حاجه ان الصخر لونه يتغير من مثلا كان كده يبقى لونه احمر ده بسبب ايه الصدى ا ان الاكسجين اتفاعل مع الحديد اللي موجود جوه الصخر فتغير لونه بعدين الاشنيات قلنا ان هي بتفرز لي احماض بتغير لي شكل الصخر وقلنا كمان الامطار الحمضيه اللي كانت في المفهوم الثاني اا بتعمل ايه بتغير لي الطبيعه الكيميائيه للميه والتربه فدي برده تدبيات كيميائيه التعريه لو عندي رياح خفيفه تنقلي شويه رمل صغيرين رياح كبيره تنقلي رمل كتير قوي الترسيب اخر حاجه الترسيب كان في حاجتين بينتجوا عن عن الترسيب اول واحده الدلتا والثانيه الكسبان الرمليه بس انا كان عندي كسبان رمليه بتبقى على الشواطئ وكسبان رمليه بتبقى في الصحراء الدلتا دي قلنا بتتكون نتيجه عمليه الترسيب ان ال النهر بيبقى شايل رواسب بيروح البحر يسيبها عنده النهر شايل الرواسب بيروح يصبها فين؟ في البحر ماشي القسبان الرمليه لا اما بتحصل على الشاطئ الامواج تيجي تاخد الميه من تيجي تاخد الرمل من هنا تنقله من هنا الامواج تاخد من هنا تنقله من هنا يبقى بتتكون كسبان رمليه نتيجه الامواج بتاعه البحر او بتحصل في الصحرا بسبب الرياح الرياح يجي ياخد شويه رمل ينقله اوه ياخد من هنا يحط هنا ياخد من هنا يحط هنا لحد ما تتكون لي القسبان الرمليه في الصحرا بينا بقى نحل اول سؤال اكمل يلا بينا اغلب صور الطاقه التي نستخدمها تنتج من ايه ها قلناها تنتج من الشمس الطاقه المهدره عند تشغيل المصباح الكهربي هي الطاقه المهدره يعني اللي مش اساسيه اللي مش بتادي وظيفته هي الطاقه الحراريه لاثه ارسل الانسان عربه استكشاف كريو سيتي الى كوكب المريخ كميه الطاقه الداخله لاي جهاز ها فاكرين قانون بقاء الطاقه كانت ايه تساوي طبعا كميه الطاقه اللي ناتجه منه عندما تحترق قطعه من الفحم تنتج طاقه ايه اكيد طاقه حراريه اصل اي وقود يتحرق بيطلع لي طاقه حراريه سته تتحول الطاقه نقط الى طاقه صوتيه في الجرز اليدوي تتحول الطاقه ايه الى الطاقه الصوتيه في الجرز اليدوي قال لي يدوي ما قالليش كهربي الجرز اليدوي اللي هو ببقى ماسكاه كده وبحركه فبيقوم مطلع صوت بقى تتحول للطاقه الحركيه سبعه يعتبر الفحم النباتي وكود نقط بينما الفحم لوحده وكود نقط فحم نباتي يعني حاجه بتتزرع فحم نباتي يعني حاجه بتتزرع يعني وكود حيوي طيب الفحم العادي الاسود ده اللي احنا بنشوي بيه ده وكود حفري اللي بعده مانيه تحتاج السيارات الى نقط لامدادها بالطاقه ثانيه واحده تحتاج السيارات الى البنزين اكيد وقود زي البنزين تسعه اصل تكوين نقط هو الكائنات البحريه الدقيقه حدد لي وقتها بقى ما ينفعش اقول له الوقود الحفري كده واسيبها لكن هو قال لي الكائنات البحريه الدقيقه اكتشفنا ايه في بطن البحر اكتشفنا النفط والغاز الطبيعي ما ينفعش نقول له الفحم لان اصل الفحم هو النباتات الجافه خدوا بالكم النفط او الغاز الطبيعي طبعا انا ممكن اكتب واحده بس في النقط وهتبقى صح 10 ترشيد استهلاك الكهرباء يساعد على نقط استهلاك الوقود الحفري ان هو ما يخلصش ترشيد برده 11 عندما يمتزج الماء في الهواء مع غاز ايه تتكون الامطار الحمضيه فاكرين رسمه السحابه اللي انا رسماها بخار الماء اهو يمتزج مع غاز برافو ثاني اكسيد الكربون 12 ظاهره ايه تتسبب في ارتفاع درجه حراره الارض ظاهره الاحتباس الحراري 13 يستهلك النفط بمعدل نقط من امكانيه تجدده اسرع يخلص بسرعه الطاقه نقط هي الطاقه الناتجه من الجهاز عند تشغيله فاكرين المخطط اللي انا عاملاه قلت لكم مستهلكه يبقى مدخلات طب مخرجات تبقى الناتجه الطاقه نقط هي الطاقه الناتجه من الجهاز عند تشغيله تبقى الطاقه الخارجه او نقول المخرجات 15 تستخدم نقط في تدفئه المنازل بينما تستخدم نقط في طهي الطعام ايه اللي بيدفي المنازل النوافذ الزجاجيه امال ايه اللي بنستخدمه في طهي الطعام اللي كانت بتجمع لي اشاعه الشمس من كل النواحي دي وتخلي الاكل كانت المرايه المقعره اللي بعده تحول الالواح الشمسيه الطاقه ايه للطاقه ايه الالواح الشمسيه تبقى الطاقه الضوئيه للطاقه الكهربائيه بعض الطواحين تستخدم طاقه نقط وبعضها يستخدم طاقه ايه اللي كيتعمل انا كان عندي طواحين هوائيه وطواحين مائيه الاثنين كانوا بيطحنوا لي الحبوب يبقى تستخدم طاقه الرياح والمائيه كانت بتستخدم طاقه المياه 18 الطاقه ايه هي الطاقه الناتجه من السدود فاكرين قلت لكم احنا هنسميها كهربائيه ولا مائيه كهربائيه ولا مائيه قلنا هنجمعهم سوا يبقى اسمها الطاقه الكهروم مائيه 19 عمليه تكو عمليه تكون الاخدود تستغرق نقط السنين والاغدود بياخد ملايين السنين طيب لو قال لي صخور ساحليه اقول له ايه برافو مئات السنين طب القلعه الرمليه عده ساعات 20 تغير مظاهر سطح الارض نتيجه تعرضها لعده عوامل مثل ا بتتغير نتيجه تعرضها لعده عوامل زي ايه الثلاثه اللي حفظناهم اهو ما ورياح وعوامل طقس اللي بعده الاحماض التي تنتجها بعض الكائنات الحيه تسبب حدوث تجويه ايه فاكرين مين الكائنات الحيه اللي كانت بتنتج دي اصلا اسمها الاشنيات تسبب حدوث تجويه كيميائيه عمليه تكسير وتفتيت الصخور لقطع صغيره تعرف باسم التجويه طب لو قال لي نقل نقل الصخور دي من مكان للتاني تبقى تعريه عربه التحكم عن بعد كريوسيتي صممت لاستكشاف كوكب المريخ الطاقه الداخله لمجف الشعر عبر السلك الدخله يعني المدخلات يعني علشان نستخدم الاستشوار الاستشوار اللي بنكوي بيه بيه شعرنا لازم نعمل ايه؟ لازم نحط الفيشه في الكهرباء تبقى دي طاقه كهربائيه تتحول الطاقه الضوئيه القادمه من الشمس وتختزم في النبات النباتات فاكرين رسمه الشجره ارجعوا بصوا عليها تبقى دي طاقه ايه كيميائيه تنتج الالواح الشمسيه طاقه ايه الالواح الشمسيه قال لي تنتج يبقى طاقه كهربائيه تصنع الاسلاك الكهربائيه من الخشب ولا النحاس اكيد من النحاس لازم تبقى مصنوعه من ماده موصله للكهرباء سته يتم قطع الاشجار للحصول على الخشب كمصدر طاقه متجدد. الخشب مصدر متجدد. سبعه بس قلنا ان احنا لو فضلنا نقطع نقطع نقطع ده هيعمل لي حاجه اسمها ازاله الغابات ويلوث لي البيئه. سبعه كل ما يلي يستخرج من باطن الارض ما عدا الفحم ولا النفط ولا الفحم النباتي ولا الغاز الطبيعي. بصوا بيقول لك ايه؟ من باطن الارض. يعني ايه باطن الارض؟ يعني الضغط وماتت واتدفنت واتعرضت لضغط وحراره لملايين السنين. يبقى كلهم وقود حفري ما عدا واحده اكيد دي وقود حفري وقود حفري وقود حفري ما عدا ده وقود حيوي الكهربا الناتجه من نقط يطلق عليها الطاقه الكهرومائيه كهرباء وميه اتعملت منين من السدود كل ما يلي يستخدم لتوليد الكهرباء من مصادر الطاقه المتجدده ما عدا المرايه المقعره المولدات التربينات الالواح الشمسيه طبعا المرايه المقعره لان دي اصلا ما بتولدليش كه الكهرباء دي بتخلينا ناكل بتسوي لنا الاكل 10 يفضل وضع تربينات الرياح في اماكن تربينات الرياح دي اللي هي لما تيجي حركه رياح شديده تقوم متحركه كده فتحولي الطاقه الحركيه لطاقه كهربائيه الافضل بقى احطها في حته فيها رياح ولا حته ساكته خالص كده ما فيهاش رياح طب ما كده يا حبيبتي التربونات مش هتشتغل كده ما فيش طاقه حركات تتحول لي لطاقه كهربائيه صح يبقى المفروض نحطها في اماكن شديده الرياح منعدمه دي مش هتعمل لي هدئه دي يا دوبك تعمل لي ايه؟ شويه كهرباء قد كده وخلاص ما تعملش ثاني 11 تتكون الالواح الشمسيه من الالواح الشمسيه بتتكون من خلايا اصغر منها اسمها الخلايا الشمسيه كانت بتبقى شكلها عامله كده وقلنا انه في الواح شمسيه كبيره والواح شمسيه صغيره الجزء ده بقى الجزء ده اسمه خلايا شمسيه الجزء الصغير ده اللي بعده تتسبب نقط في نقل الصخور وتكسيرها حاجه بتنقل لي الصخور وبتكسرها لي بتفتف فتها يعني بتعمل لي تجويه وتعريه في نفس الوقت الرياح صح المياه الجاريه صح يبقى جميع ما سبق اللي بعده تحدث عمليه الترسيب عند التقاء النهر بالبحر مكونه فاكرين الدلتا اتكونت ازاي قلت لكم الرواسب كان ماشي شايل حمل ثقيل على كتفيه كان شايل شويه طمل ورمل بقى ورواسب وحصى وحاجات كتيره اول ما وصل البحر حدفها بقى رصبها وارتاح فكونت لي ايه كونت لي الدلتا 14 اذابه المياه للمعادن المكونه للصخور مسببه تكون معادن جديده في معادن جديده اتكونت تبقى تجويه ايه تجويه كيميائيه على طول تنتج الاشنيات ايه تتسبب في تاكل الصخور بمرور الزمن بتنتج احماض اللي قلت لكم بتخرم كده في الصخر وبتكون فيه حاجات جديده وبتغير تركيبه الداخلي 16 التفاعل بين المعادن المكونه للصخور والهواء الجوي يمثل تجويه بتفاعل المعادن مع الهواء اللي هو كان زي ايه؟ تفاعل الهواء اللي هو اكسجين مع الحديد اللي جوه المعدن فبيصدي الحديد فبيخلي الصخره لونها احمر فدي تجويه ايه؟ تجويه كيميائيه 17 تكونت الكسبانه الرمليه في الصحراء الغربيه بمصر نتيجه لحركه الرياح اكيد الرياح اللي بتاخد الرمل من هنا تحطه هنا فتكون لي كسبان رمليه صح وغلط اول سؤال يختزن الزنبرك في مضخه الصابون طاقه حركه الزمبرك ده اللي انا لما بدوس عليه فتقوم متحوله لي طاقه الوضع لطاقه حركه فتنزل لي ثابوت تبقى غلط جواه طاقه وضع اللي بعده تعد الطاقه الحراريه الناتجه طاقه مهدره الطاقه الحراريه صح طاقه مهدره النفط والماء من مصادر الطاقه المتجدده لا واحده فيهم متجدده والثانيه غير متجدده اربعه يمكن استخدام النوافص الزجاجيه في طهي الطعام لا اه طبعا النوافذ الزجاجيه دي اللي كانت بتدفي البيوت بتاعتنا طب امال طهي الطعام ده كنا بنستخدم له ايه المرايه المقعره اللي بتجمع لضوء الشمس خمسه تستخدم الطواحين الهوائيه وتربينات الهواء في طحن الحبوب الطواحين الطواحين دي بتطحن الحبوب لكن التربينات دي بتولد لي كهرباء تبقى غلط سته اعتبر السؤال مكتوب بالانجلش تحول المياه الى مظهر طيني في الجداول او الانهار يعد من امثله التعريه اه فاكرين لما قلت لكم ان ده بيبان قوي قوي بعد حدوث عاصفه رمليه او ان الجو يبقى وحش كده ومطرب ومسفر لو بصيت على الميه بعديها هلاقيها ايد الميه تحسوها مطربه فيها تراب فيها كده حبيبات صغيره رمل وتحسوها مطينه فده نتيجه التعريه سبعه لا ترتبط عمليه التعريه بالترسيب لا طبعا بيرتبطوا ببعض مانيه الاشنيات تعد مثالا على التجويه الميكانيكيه غلط علشان هي بتفرز رز لي احماض هي مثالا على التجويه الكيميائيه اكتب المصطلح العلمي واحد العمليه التي تكونت من خلالها دلتا نهر النيل عمليه ايه يا ترى عمليه الترسيب كائنات حيه تنتج احماض اثناء نموها وتفتت الصخر ايه الكائنات دي الاشنيات لاثه وقود ينتج من تحلل قبل ما نكمل انا قلت تحلل يبقى انا بتكلم عن ايه عن الوقود الحفري يلا نكمل ينتج من تحلل الكائنات البحريه هنا خصص لي قال لي البحريه التي تعرضت للضغط والحراره لملايين السنين هل انا هنا ينفع اقول له وقود حفري بقى واسيبها مفتوحه لا اصل هو قال لي كائنات بحريه لازم يا مس مارينا نقول له ده نفط او غاز طبيعي ما ينفعش نسيبها مفتوحه يبقى النفط او الغاز الطبيعي طب لو كان قال لي هنا نباتات جافه كنت اقول له ايه كنت اقول له الفحم اربعه بقايا الصخور التي تمت تجويتها وتعريتها بعدين اترسبت حصل لها تجويه وتعريه بعدين اترسبت يبقى اسمها ايه؟ اسمها الرواسب خمسه الواح مصممه لامتصاص الطاقه الشمسيه لانتاج الكهرباء الالواح الشمسيه تاخد الطاقه الضوئيه تحولها لطاقه كهربائيه سته جزء من محطات الطاقه الكهربيه يحول الطاقه الحركيه الى طاقه كهربائيه كانت ايه؟ كانت التوربينات فاكرين الرسمه اصلا بتاعه محطات الوقود ارسمها لكم كانت هقول لكم كنا بنجيب شويه وكود كده اهو نحرقه ونولع فيه فينتج عنه طاقه طاقه حراريه وكان في هنا زي انابيب ميه كتير اا اهو مثلا كانت متوصله بتوربينات التربينات دي بقى ايه الهواء ده سوري الطاقه الحراريه دي تسخن لي الميه الميه الميه لما بتغلي ينتج عنها كميه بخار كتيره تروح تزق لي التربينات دي تروح تزق التربينات فالتربينات دي بتحول لي الطاقه الحركيه لطاقه كهربائيه تمشيلي بقى في الاسلاك وابراج الكهرباء اللي احنا بنشوفها على الطريق واحنا مسافرين لحد ما توصل المنازل والمصانع والشركات وكل الكلام ده اللي بعده يلا بينا نكمل بناء على النهر يتحكم في تدفق المياه توليد الكهرباء ايه هي الصدود نتخن القلم ثاني عشان تشوفوا كويس الصدود مانيه جسيمات صغيره ملوثه منتشره في الهواء بتسبب تهيج العين فاكرين لما قلت لكم لما نشوف ايه نحط ايدي ايدينا على العين والرئتين برافو الضباب الدخاني يبقى كان ايه اللي بيعمله الضباب الدخاني تهيج العين والرئتين وتلف الجهاز التنفسي انا عايزه المنهج يبقى زي اللعبه كده في ايديكم نشوف حاجه نفتكر كل الحاجات اللي كانت بتتكلم عنها تسعه الطاقه المستهلكه لتشغيل الاجهزه قال لي مستهلكه كانت معموله في في الورقه اللي انا وريتها لكم كانت ايه هي الطاقه المستهلكه المدخلات 10 عمليه نقل وتفتت الصخور من مكان الى اخر قال لي نقل قال لي نقل يبقى انا بتكلم عن ايه؟ بتكلم عن التعريه علل السؤال اللي انتم مش بتحبوه علشان بتكتبوا فيه عايزه اقول لكم علل ده سؤال بسيط هقول لكم يعني ايه علل علل يعني هو ليه حصل كده يعني مثلا علل انت ليه بتظبط المنبه قبل ما تنام علشان اصحى المدرسه الصبح. طيب علل انت ليه بتحضر الشنطه بالليل علشان ما تاخرش الصبح؟ علل يعني قو لي ليه الحاجه دي بتحصل ليه لما كذا اتحط على كذا حصل كذا ليه اتكون كذا يعني قو لي السبب بتاع الحاجه دي ومش لازم خالص خالص خالص نقول كلام اسطمبه ودش ولازم لان التي وك لا خالص احنا في العلوم بنفهم الحاجه طالما فاهمينها بنعرف نعبر عنها بشكل كويس بس بلغه علميه يعني احنا مش هنروح نالف منهج جديد واقول لك صح؟ لا طبعا لازم طالما انت بتتكلم في السياق العلمي وقلت المعلومه العلميه بطريقه صح يبقى انت كده راجل زي الفل واجابتك صح و ملا علل تبدا معظم سلاسل صور الطاقه بالشمس تعالوا ايه نشوفها سوا كده ليه معظم سلاسل الطاقه بتبدا من الشمس ليه يا ترى ليه هل عشان الشمس حلوه طب عشان احنا بنحب الشمس علشان الشمس احسن من القمر لا علشان الشمس دي قلنا ان هي بتدي الطاقه لمعظم معظم الحاجات اللي حواليها هي مصدر الطاقه على سطح الارض اصل من غير شمس ما فيش نبات من غير نبات مش مش هناخد الخشب مش هناخد الوقود اللي اتحلل نحرقه نشغل بيه محطات توليد الكهرباء كل ده مش هيحصل لو ما فيش شمس لو ربنا ما خلقش الشمس يبقى ليه هنقول تبدا معظم سلاسل سعر الطاقه بالشمس هنقول لانها مصدر الطاقه على سطح ارض اللي بعده واجه واجه العلماء صعوبه في استكشاف كوكب المريخ لوجهوا صعوبه وهم بيكتشفوا الكوكب ده عشان كان مسافته بعيده قوي صح كان بياخد وقت قد ايه فاكرين ست شهور بسبب طول زمن الرحله كانت قد ايه سته اشهر وصعوبه ارسال البشر اللي هناك ما ينفعش بشر يروحوا هناك ثلاثه مقدار مدخلات الطاقه في اي سلسله يساوي مقدار الطاقه الخارجه منها قلنا ان عندنا قانون بيخلي انه اي حاجه داخله للطاقه دي بتساوي اي حاجه خارجه منها اي حاجه داخله للجهاز سوري بيساوي اي حاجه خارجه منه ايه القانون ده قانون بقاء الطاقه يبقى لما يقول لي هو ليه الطاقه يا مس مارينا اللي داخله في الاستشوار قد الطاقه اللي خارجه منها اقول له عشان عندي قانون بقاء الطاقه طب ليه الطاقه اللي خارجه من المروحه بتساوي الطاقه اللي داخله لها عشان عندي قانون بقاء الطاقه طب اللمبه دي ليه الطاقه اللي داخله في اللمبه الطاقه الكهربائيه اصل انا دوست على الزرار ا الكبس ده ولعته واتولع طاقه كهربائيه وطاقه ضوئيه للطاقه اللي داخله قد الطاقه اللي خارجه علشان قانون بقاء الطاقه يبقى هنقول تبعا لقانون بقاء الطاقه ونسمع له القانون بقى القانون بيقول لي ايه ان الطاقه لا تفنى ولا تستحدث انا عايزاك تحفظه زي اسمك انسى اسمك بس ما تحفظ ما تنساش قانون بقاء الطاقه تمام يعني انت انسى اسمك دلوقتي وانا اقول لك اسمك ايه اسم قانون بقاء الطاقه مش هنستفاد كده ركز كده وهتحفظه هتلاقيه سهل وجميل ان الطاقه لا تفنى ولا تستحدث من العدم ولكن تتحول من صوره الى اخرى اللي بعديها يجب ترشيد استهلاك الوقود الحفري ليه احنا بنرش الشده اول حاجه علشان ممكن يخلص وده هيتكون بعد مليون سنه مش هنبقى موجودين ساعتها وثاني حاجه لانه بيلوث البيئه احنا اصلا مش عايزين نستخدمه كتير فاهمين يبقى هنقول حتى لا ينفذ ولانه يلوث البيئه طيب اللي بعده حدوث ظاهره الاحتباس الحراري علل حدوث ظهره الاحتباس الحراري على كوكب الارض ليه قو لي هو ليه حصلت ظاهره الاحتباس الحراري فاكرين برده في الورقه كنت عامله لكم رسمه كوكب الارض وحواليها كده اهو حاجه حابساها الحاجه اللي حابساها اللي هو ثاني اكسيد الكربون يبقى هنقول بسبب غاز ثاني اكسيد الكربون ايه اللي حصل ده ثاني اكسيد الكربون الذي يسبب ارتفاع درجه حراره الارض. اللي بعده الماء والنفط مصدران مختلفان للطاقه. هو ليه الميه والنفط مصدران مختلفان للطاقه؟ هو مش الاثنين برده بيطلعوا لي طاقه؟ هي مش الميه دي بتطلع لي طاقه كهرومائيه لما بتبقى في السدود ومش النفط ده بينتج منه طاقه برده. طب هو ليه بتقولوا عليهم مصدرين مختلفين؟ ببساطه علشان الميه دي مصدر متجدد متجدد حلو ونضيف ربنا خالقه لنا ما بيلوثش البيئه كل يوم بصحى الاقيه نشكر ربنا ثاني حاجه لكن النفط ده مصدر غير متجدد ده بيلوس البيئه كمان ممكن يخلص ولو خلص مش هنلاقيه تاني غير بعد مليون سنه صح يبقى هنقول لان الماء مصدر متجدد بينما النفط مصدر غير متجدد سبعه اهميه الثوبه الزراعيه في مجال الزراعه الثوبه الزراعيه كانت عامله كده كانت عامله كده ايه وبيدخل لها ضوء الشمس وبعد ما يدخل لها دوق الشمس بتفضل محبوسه الحراره بتفضل محبوسه جواها فبتوحل النباتات اللي فيها انه ايه احنا في الصيف يا شباب ما تقلقوش يلا يلا ننمو والدنيا جميله ولطيفه فالفلاحين بقى والمزارعين بيستخدموها علشان يزرعوا المحاصيل الصيفيه في وقت الشتاء اللي هو لو عايزين نزرع حاجه صيفيه بطيخ اي اي فاكهه صيفيه في وقت الشتاء بيعرفوا بقى يزرعوها عن طريق الثوبه الزجاجيه دي تبقى الاجابه لانها تستخدم في زراعه المحاصيل الصيفيه وقت الشتاء مانيه ترتبط عمليه الترسيب بعمليه التعريه ليه هم الاثنين مرتبطين ببعض لان ببساطه الصخور اللي حصل لها تعريه لازم هيجي وقت وتترصب هي مش هتفضل تتنقل كده تقعد تتنقل تتنقل يبقى هنقول لان الصخوره التي تمت تعريتها لابد ان تترصف في مكان اخر. اللي بعده اختفاء القلعه الرمليه على الشواطئ. ليه القلاعه الرمليه اللي انا بنيتها وقعدت تعبت فيها كذا ساعه اتهدمت كده بمكتين ثلاثه لما جوم عليها بسبب حركه الامواج او هنقول بسبب حركه الماء والرياح 10 تتسبب جذور الاشجار في حدوث تجويه ميكانيكيه للصخور فاكرين رسمه الصخره الشجره لما بتيجي تطلع تعمل كده كده اهو فتقوم ايه مكسره الصخره نصين هنقول لانها تكسر وتفتت الصخره الى اجزاء صغيره تد الصخور احسن ماذا يحدث في الحالات الاتيه ماذا يحدث يعني ايه اللي هيحصل لو ده حصل صل يعني ايه اللي هيحصل لو انت ما ظبطتش المنبه قبل ما تنام مش هروح المدرسه الصبح ايه اللي هيحصل لو الميه اتلوست بطننا هتوجعنا وهنتسمم ايه اللي هيحصل لو ا ما حضرتش الشنطه بالليل ممكن انسى الكتاب وانا رايح المدرسه ممكن اتاخر فاهمين الفكره يعني ماذا يحدث لما ده بيحصل سواء حلو او وحش ايه اللي بيترتب عليه يلا بينا اول سؤال وضع يدك بالقرب من مصباح مضيء م يعني ايه اللي هيحصل لو احنا عندنا اباجور وحطينا اهي الاباجوره مثلا حطينا ايدينا قريب منها هنحس بحراره مش هنتلسع هو غلط بس نلمس اللمبه بتاع اللمبه وهي شغاله علشان بتطلع منها طاقه حراريه وغلط لكن لو احنا مثلا ايدينا بعيده كده بعيده كده هنشعر بالحراره هنحس بحراره علشان هي بينتج عنها طاقه حراريه فاكرين دي اساسيه ولا مهضره قولوا لي في الكومنتات يبقى هنقول نشعر بطاقه حراريه ا سوري نشعر نشعر بالحراره لانه ينتج عنه طاقه حراريه اللي بعده دفن بقايا النباتات الجافه بصوا خصص لي هنا ازاي في بطن الارض لملايين السنين هل دلوقتي ينفع ينفع اقول له يتكون وقود حفري لا طبعا الفحم يزعل اصل كان قلت نباتات جافه يبقى انا بتكلم عن الفحم لكن لو قلت كائنات بحريه انا بتكلم عن مين صحابهم الثانيين النفط والغاز الطبيعي يبقى هنا يتكون الفحم لاثه ايه اللي هيحصل لما غايه ثاني اكسيد الكربون يتحد مع بخار الماء فاكرين رسمه السحابه ايه اللي هيحصل تتكون الامطار الحمضيه اربعه بناء السدود اعلى النهر السدود دي بتعمل لي ايه؟ بتنتج لي طاقه كهرومائيه هنقول توليد طاقه كهرومائيه خمسه نفاذ شحن بطاريه السياره اللعبه ايه اللي يحصل لما فاكرين الطياره الطياره اللعبه اللي انا حكيت لكم عنها في مراجعه نص المنهج قلت لكم ماما جابتها لي وانا صغيره وحكيت لكم اللي حصل وقتها ايه اللي هيحصل بقى لو البطاريه بتاعه العربيه او الطياره دي خلصت هعمل حاجتين لا اما استبدلها بواحده جديده انزل اشتري واحده جديده بطاريه جديده طبعا مش لعبه او لو هي بتتشحن في العاب بيبقى ليها شاحن كده ممكن نشحنها بيه او اشحنها يبقى اعاده ده شحنها مره اخرى او استبدالها ببطاريه اخرى اللي بعده توقف هبوب الرياح محمله بالرمال ايه اللي هيحصل لما الرياح اللي كانت بتاخد دلوق تنقلها من هنا تحطها هنا تنقلها من هنا تحطها هنا وقفت خلاص ايه اللي هيحصل الرمله اللي فيها هتقع هتقع وتكون لي حاجه جديده ممكن تكون لي القسبان الرمليه صح يبقى هنقول تسقط الرمال اللي بعده اصطدام امواج البحر بالقلاعه الرمليه الموجوده على الشاطئ ايه اللي يحصل لما الامواج تصطدم مع القلعه الرمليه القلعه الرمليه هتتهدم طبعا يبقى هنقول تهدم القلعه الرمليه حدد نوع التجويه في الحالات الاتيه اول واحده بيقول لي نمو جذور الاشجار في شكوك في شكوك الصخور ان ال الشجره تفضل توسع جذرها توسع جذرها توسع على الجذورها لحد ما الصخرتين يتقسموا نصين تبقى دي تجويه ميكانيكيه اللي بعده تاكل الصخور بفعل الامطار الحمضيه قال لي امتار حمضيه يبقى انا بتكلم عن التجويه الكيميائيه لاثه تجمد وانصهار الماء داخل الشكوك اللي هي كانت بتبقى صخر عامل كدههو في زي مثلث او في فتحه الميه تمطر تتجمد تقوم تقوم موسعه شويه تسيح تقوم ماشيه كده فتوسع شويه لحد ما في الاخر ده بيبقى صخر وده بيبقى صخر يعني تجويه ميكانيكيه اللي بعده تفاعل اكسجين الهواء مع بعض المعادن قال لي اكسجين بيتفاعل مع المعادن الموجوده في الصخور اكيد الصخر ده بعد شويه هيتغير ويبقى لونه احمر اللون تبقى دي تجويه كيميائيه تفتت الصخور بفعل اندفاع المياه الجاريه ما قالليش اتغيرت ولا لونها اتغير ولا حصل لها اي حاجه تبقى تجويه ايه ميكانيكيه الاحماض التي تنتجها الاشنيات اثناء نموها الاشنيات كانت بتنتج ايه بتنتج كانت بتنتج احماض فدي تجويه ايه تجويه كيميائيه يلا نكمل اجب عما يلي وضح تحولات الطاقه في الالواح الشمسيه والمصباح الكهربي والسخانات الشمسيه اسالني انا ليه جايبهم لك هم الثلاثه مع بعض علشان في ناس كتير قوي بتتلخبط ما بينهم وبتتلخبط كمان في المصباح الكهربي اصل بيقولوا الواح شمسيه سخان شمسي كلها ضوئيه وكهربائيه وحراريه فبيتلخبطوا فاحنا النهارده هنوضح كل واحده لوحديها اول حاجه التحولات اللي بتحصل في الالواح الشمسيه الالواح الشمسيه دي اللي هي عباره عن ايه؟ اللي هي كده اهو اللي بتاخد ضوء الشمس وتحوله لطاقه كهربائيه يبقى ايه اللي بيحصل فيها؟ بتحول لي الطاقه الضوئيه لطاقه كهربائيه طيب ايه اللي بيحصل في المصباح الكهربي؟ بتحول لي الطاقه الكهربائيه بصوا العكس ازاي؟ الى طاقه ضوئيه المصباح انا علشان اشغل النور بتاع الاوضه دي انا عملت ايه؟ ولعت النور دوست على الكبس تبقى دي طاقه كهربائيه فنور لي المكان بقيت طاقه ضوئيه في فرق هم الاثنين عكس عكس بعض خدوا بالكم طيب السخانات الشمسيه السخانات الشمسيه دي اللي هي عباره عن ايه اللي هي انابيب سودا بتتحط فوق البيوت بتاعتنا علشان تاخد ضوء الشمس وتحوله لي لطاقه حراريه ميه سخنه يعني طيب يبقى دي بتعمل ايه بتحول الطاقه الضوئيه الى طاقه حراريه ينفع اقول كهربائيه لا طبعا هو احنا بنت هنتكهرب ولا ايه هي بس بتبقى متوصله بسخانات الميه بتبقى متوصله بالميه بتسخنها لي كده وتحول لي طاقه الشمس لطاقه حراريه الميه السخنه طيب اذكر اهميه السخانات الشمسيه ايه اهميه السخانات الشمسيه تحول الطاقه الضوئيه لسه قايينها فوق الى طاقه حراريه لاثه وضح الطاقه الاساسيه والمهدره في مجفف الشعر اللي هو الاستشوار ايه الطاقه الاساسيه بتاعته الطاقه الحركيه والحراريه السخونيه اللي بتفرد الشعر والحركه بتاعه الهواء اللي هو اللي هو بيبقى مندفع في اتجاه واحد طيب ايه الطاقه المهدره اللي ما لهاش لازمه اللي بتزعجنا على الفاضي وت وتسمع البيت كله صوت الاستشوار ايه هي الطاقه الصوتيه؟ قارن ما بين التجويه الميكانيكيه والكيميائيه من حيث التعريف والامثله هنجاوبه فوقيها ايه التجويه الميكانيكيه دي كانتوا نعمل جدول لما يقول لي قارن بعمل له جدول كده عشان ابقى طالب منظم وورقتي نظيفه اهو هنا نتكلم عن التجويه الميكانيكيه وهنا التجويه الكيميائيه طيب من حيث ايه وايه من حيث التعريف والامثله التعريف وهنا الامثله كان ايه تعريف التجويه الميكانيكيه هي تكسير وتفتيت الصخور لكن دون تغير تركيبها الداخلي مش بيتغير يبقى تكسير وتفتيت الصخور الى قطع اصغر دون تغير تغير تركيبها الداخلي طيب كانت ايه التجويه الكيميائيه كانت تكسير وتفتيت الصخور برض لكن ويتغير تركيبها الداخلي ايه الامثله بتاعه التجويه الميكانيكيه ا مثلا هنقول انه زراعه ال نمو الشجره في الصخر داخل الصخر نمو جذور الشجره داخل صخر طيب ايه امثله التجويه الكيميائيه كتير بقى كتير ما تعدش كان عندي الاشنيات وكان عندي تحول الصخر للون الاحمر كفايه كده قارن بين النفط والميه من حيث نوع مصدر الطاقه والتاثير على البيئه يعني ببساطه قو لي هي دي مصدر طاقه ايه وبتاثر ازاي على البيئه النفط ده مصدر ايه متجدد ولا غير متجدد غير متجدد طيب كان ايه تاثيره على البيئه يلوث البيئه ولا لا يلوث البيئه يلوث البيئه طيب الماء متجدد يلوث ولا لا يلوث لا يلوث البيئه اذكر وظيفه كلا من الطواحين الهوائيه او التواحين المائيه والتوربينات الهوائيه طيب فاكرين قلت لكم الطه يبقى ايه طحن الحبوب وت توليد الكهرباء يبقى الطواحين سواء الهوائيه او المائيه ايه وظيفتها طحن الحبوب طيب التوربينات ايه وظيفتها توليد الكهرباء ما اسم العمليه التي تكونت من خلالها الكسبان الرمليه والدلتا عمليه ايه؟ عمليه الترسيب وبكده نبقى خلصنا مع بعض مراجعه شهر ابريل راجعنا على كل حاجه وحلنا اسئله كتيره جدا لو في اي حاجه واقعه منكم او سؤال مش فاهمينه او جزئيه حابين اشرحها لكم قولو لي في الكومنتات باي باي ‏Oi,