عربي تانيه اعدادي 2026 اسلوب الشرط ادوات الشرط الجازمه مستر عبدالله يسري

السلام عليكم ورحمه الله وبركاته طلابنا حبايبنا في كل مكان يا رب تكونوا بخير وصحه وسلام معاكم البليغ في اللغه العربيه استاذ عبد الله يسري من منصه الخطه التعليميه جايين النهارده مع درس جامد قوي وهو درس نحو وانا عارف ان انتم بتستنوا فيديوهات النحو عشان بنشرح فيها كل حاجه بالتفصيل زي ما عودناكم ومعانا النهارده درس اسمه اسلوب الشرط وده درس مهم جدا هيكمل معاك للثانويه العامه تمام كده فيلا بينا ندخل مع بعض في فيديو الشرح وبعد منه على طول هندخل في فيديو اهم الافكار وبعد كده فيديو حل اسئله الواجب زي ما عودناكم مع اكبر منصه في الوطن العربي وهي منصه الخطه التعليميه تمام كده فيلا بينا يا شباب عشان ندخل نفرم الدرس ونجيبه في شوال عشان ده درس مهم جدا جدا حماده بالله عليك ركز معايا عشان الدرس ده هيفرق معاك جدا من غير ما اطول عليك يلا بينا نخش في تفاصيل الدرس بس قبل ما ندخل في التفاصيل عايزك تسمع الشعار اللي اتعودنا عليه وهو البليغ والخطه مع مذاكرتك النحو والع عربي هيكونوا لعبتك الله ينور عليك يا بطل يلا بينا نخش في التفاصيل بص حماده لما بابا يحب يشجعك بقى وانت خلاص داخل على الامتحانات ويقول لك ايه بقى يقول لك ان تنجح اجيب لك ايفون يعني لو انت نجحت انا هجيب لك الايفون اللي انت بتحلم بيه انت بقى تتحمس بقى وتنجذاكر وتعمل اللي عليك ومش عارف ايه وفي الاخر تنجح تلاقي ابوك يقول لك ايه لا خلاص ما فيش حاجه تمام ده بقى يا معلم هو ده اسلوب الشرط يعني ايه يا مستر يعني انا لو جيت قلت لك ان تنجح ده الشرط اللي عشانه هجيب لك الايفون صح كده ولا لا؟ يبقى النجاح ده شرط عشان اجيب لك الايفون ده اللي هو النتيجه يبقى انا دلوقتي شرطت عليك ان انت تنجح ده شرط طب شرط عشان ايه؟ عشان اجيب لك الايفون اجيب لك الايفون حلو كده فهتاخد بالك ان انا ده كده اسمه اسلوب شرط يعني ايه اسلوب شرط يعني اسلوب شرط ده بيتكون من ثلاث حاجات اول حاجه عندي حاجه اسمها اداه الشرط دي كده اسمها اداه الايه الشرط الاداه اللي بشرط بيها ان تمام كده زي لو طيب وعندي فعل الشرط اللي هو تنجح ده الفعل بتاع الشرط يعني ده الشرط اللي انا هعمله اسمه ايه بقى اسمه فعل الشرط وبعد كده عندي النتيجه اللي هي ايه بقى اجيب لك ايفون اجيب تمام كده فده اسمه فعل جواب الشرط يعني ايه جواب الشرط يعني النتيجه بتاعه الشرط يبقى انا كده عملت عندي اسلوب ايه شرط زي بالظبط لما برده ايه لما مثلا ا واحد كده قاعد وعايز يجوز بنته ففي واحد جاي كده بيتقدم لبنته فيقول له ايه؟ فيقول له دلوقتي انا عايز انا طالب ايد بنتك يا حاج تلاقي الراجل كده قاعد كده وحاط رجل على رجل يقول له بص يا ابني لو جبت شبكه قد كده هجوزك بنتي فالراجل يقول له طب انا عشان اتجوز بنتك لازم اجيب شكه اقول له اه ده شرطنا احنا بنتنا مش اي بنت وتجيب لها شقه على البحر وتجيب لها مش عارف ايه ده الشرط اللي عندي يبقى ده اسمه اسلوب الشرط ان جبت الشبكه يبقى جبت الشبكه ده فعل الشرط ايه النتيجه هجوزك بنت يبقى ده كده ايه جواب الشرط فهمت يا معلم فهمت حماده يبقى انا عندي اسلوب الشرط بيتكون من كام حاجه ثلاثه الاداه اللي هشرط بيها وفعل الشرط ذات نفسه وبعد كده النتيجه اللي هتحصل لما تيجي تعمل الفعل ده تمام يا مستر طب يلا بينا كده يا معلم نرجع للدرس بتاعنا بيقول لك ايه اسلوب الشرط بيقول لك تعالى كده بص على السؤال ده بيقول لك ايه ما شرط النجاح هتقوم انت ق لي والله يا مستر شرط النجاح هنا هو المذاكره فهقول لك يعني تقدر ان انت تقول لي ان المذاكره هي شرط يعني سبب اساسي للنجاح والنجاح هي نتيجه يعني جواب يعني نتيجه للمذاكره فلو كده ممكن اعمل اسلوب شرط واقول لك ايه ان تذاكر تنجح يبقى انا دلوقتي عملت ايه عملت اسلوب اسمه اسلوب الشرط اللي هو بيتكون عندي من كام جزء ثلاث اجزاء وهي اداه الشرط فعل الشرط وجواب الشرط يعني النتيجه يبقى انا دلوقتي ده اجزاء اسلوب الشرط اللي عندي اللي هي اداه الشرط اللي هي عندي ان وفعل الشرط اللي هو تذاكر والجواب اللي هو النتيجه وهو كلمه تنجح جميل الكلام جميل الكلام طب احنا يا مستر كده عرفنا اجزاء اسلوب الشرط هندرس ايه دلوقتي مع بعض هندرس اداه الشرط ليه فيها نوعين في نوعين من ادوات الشرط وهندرس مع بعض فعل الشرط وجواب الشرط اعرابهم ايه تمام كده فيلا بينا نخش في التفاصيل حماده حبيب قلبي الغالي اللي بحبه وبحبه بحبه وبحبه عايزك تركز معايا عايزك تبقى مفوق ومصحصح كده يغسل لي وشك وركز معايا بص يا معلم هناخده اول حاجه ان طبعا ادوات الشرط في منها نوعين يعني ايه يا مستر يعني الاداه اللي انا بشرط فيها في منها نوعين عندي ادوات شرط جازمه يعني ايه جازمه يا مستر اه انا فاكر كلمه جازمه دي انا فاكر كلمه جازمه دي يا ترى كلمه جازمه دي كنت واخدها فين كنت واخدها فين يالا يا حماده ايه ده لحقت تنسى يا ابني مش احنا جينا قلنا قبل كده جينا قلنا قبل كده ان انا عندي الاسماء المبنيه لما كنا بنتكلم في المعرب والمبني وقلنا الاسم المبني والضمير والاشاره والموصول وايه وايه وايه وشرط واستفهام ادوات الشرط كانت من ضمن الاسماء الايه المبنيه بالله عليك اوعى تكون سقطت ولو ما لو انت سقطت ونسيت ارجع للحصه دي ارجع للحصه دي بتاعه الاسم المعرب والمبني عشان تفتكر معايا طيب يبقى انا عندي ادوات الشرط الايه؟ الجازمه حلو كده ادوات الشرط الجازمه دي بتعمل ايه؟ سموها جازمه لانها بتجزم يعني ايه بتجزم يا مستر يعني الفعل اللي بعد منها بيكون اعرابه مجزوم بتجزم ايه بقى؟ بتجزم فعلي الشرط يعني مش بتجزم الفعل بس فعلين الشرط اللي هو فعل الشرط وجاب الشرط عايز تقول لي يا مستر ان انا لما اجي اعرف فعل الشرط وجواب الشرط اعربه فعل مضارع مجزوم قال لك ايوه ولكن لما تكون اداه الشرط دي من ضمن ادوات الشرط الجازمه طب ايه هي يا مستر ادوات الشرط الجازمه لسه هقولها لك يا حماده انت دايما مستعجل ودايما متسرع وعايز دايما كل حاجه بسرعه كده فهد شويه عشان اقولها لك بص ادوات الشرط الجازمه بتجزم فعل الشرط الله ينور عليك وجواب الشرط تمام كده بس لازم يكونوا طبعا فعلين مضارعين يعني ما تجيبهمش في الماضي لان الماضي ما بيتجزمش احنا قلنا قبل كده الفعل الماضي والامر مبنيين مين اللي معرب وبيتجزم الفعل المضارع يبقى انا لو فعل الشرط وجواب الشرط الاتنين دول مضارعين يبقى ده كده هيتعاربوا فعل مضارع ايه؟ مجزوم طيب ايه هي بقى ادوات الشرط الجازمه عد معايا ان اوعيك تقول لي ان ان دي يا حبيب قلبي يا غالي مش من ادوات الشرط الجازمه ومش من ادوات الشرط اصلا ان دي من الحروف الناسخه اللي هي بيبقى بعد منها اسم ان وخبر ان تمام كده دي مش تبعنا الثانيه اسمها ان بالسكون كده ان تمام كده طيب ان ومن اوعى لاقيك بتقول لي مين انا عارفك متسرع مين دي حرف جر بكسر الميم تمام كده مش من ادوات الشرط اصلا انما دي اسمها من من وعندي ما وعندي مهما وعندي متى وخلي بالك متى ليها اكت من استخدام عشان مش دايما بتيجي اسم شرط واينما وايان واي يبقى عد معايا كده ان من ما مهما مات اينما ان من ما مهما مات اينما الله عليك يا مستر يا ملحن يا جامد انت ان من ما مات نسيتني الله يخرب بيتك يا عم حماده ان من ما مهما مات اينما ايان وك ايان وك اي ان من ما مهما مات اينما اين اي اين اي اللحن باص انسى خلاص يبقى عندك ان ومن وما ومهما ومتى واينما وايان انا واي دول ادوات الشرط الجازمه اول مام في القطحه اعرف على طول ان اللي بعدهم فعل مضارع مجزوم اعرف على طول ان اللي بعدهم فعلين مضارعين مجزومين يعني بتجزم فعلين تمام وعندي ادوات شرط غير جازمه دي ما بتجزمش لا فعل الشرط ولا جواب الشرط اللي بعد منها بيكون فعل مضارع مرفوع و على حسب موقعها في الجمله وهي اذا ولو وكلما اذا ولو وكلما يبقى انا ممكن اشرط باذا ولو وكلما بس اللي بعديهم ما بيكونش مجزومين يعني ايه يا ابو المساتير اقول لك يا عم تعال اشرح لك انت شكلك ايه بتحب الشرح الايه المبسط يعني لو جيت قلت لك ان تذاكر تنجح تمام ان دي من ادوات الشرط الايه الجازمه يا ابو المساتر اقول لك الله ينور عليك اذا اعرف فعل تذاكر ايه هتقوم يقول لي فعل مضارع اقول لك الله ينور عليك ماله مجزوم ليه يا ابني خليته مجزوم اقول لك يا مستر عشان اداه شرط الجاذمه طب وتنجح اعربه ايه؟ فعل مضارع مجزوم الا برض اقول لك ايوه برده تقول لي ليه يا مستر؟ اقول لك عشان دي يا ابني اداه شرط جازمه تجزم فعلين تجزم ايه فعلين ايه هما الفعلين فعل الشرط وجواب الشرط فعل الشرط وجواب الايه؟ الشرط تمام حلو الكلام يا مستر حلو الكلام يا حبيبي المستر طيب لو جيت يا مستر بقى قلت لي ايه لو جيت قلتها خلي بالك ركز بقى معايا لو جيت قلت لك بقى ركز معايا معايا في الحته اللي هقولها لك دي لو جيت قلت لك ايه لو معلش يا جماعه لو جيت قلت لك لو تذاكر تنجح بص الفرق بقى لو دي اداه شرطه اه بس غير جازمه يعني ايه غير جازمه يا مستر يعني ما بتجزمش فتذاكر ده علبه ايه؟ فعل مضارع ماله ينفع اقول مجزوم لا مرفوع طب وتنجح فعل مضارع او مجزوم لا مرفوع برده طيب ليه عشان دي اداه شرط غير جزمه طب شيل لو وحط لي مثلا متى اللي احنا قلنا عليها من اداوات الشرط الجزيمه ده مش هيبقى مرفوع هيبقى ايه؟ هيبقى مجزوم وده مش هيبقى مرفوع يبقى ايه؟ هيبقى مجزوم اظن انت كده ما قدامكش حاجه او ما قدامكش حجه انت كده فهمت الايه؟ في عامه المثال تمام تمام يلا بينا طيب وفيما يلي سنتعرف اسلوب الشرط مع ادوات الشرط الجازمه بشيء من التفصيل اما ادوات الشرط الغير جازمه فسنتعرف عليها في الدرس التالي يعني هتاخدها في الدرس الجاي تمام طيب تعالى نشتغل على ادوات الشرط الجازمه طب قال لك علامات جزم فعلي الشرط وجواب الشرط طبعا اخدناهم قبل كده في الفعل المبني والمع المعرب بس هنراجعهم ثاني الفعل الشرط وجواب الشرط بيتجزموا بايه؟ قال لك بيتجزم بالسكون لو هو كان صحيح الاخر ودي علامه اصليه لو صحيح الاخر بيتجزم بالسكون ولو هو معتل الاخر بيتجزم بحذف حرف العله ودي علامه فرعيه ولو هو من الافعال الخمسه وفكرني كده بالافعال الخامسه مستر هي فعل مضارع اتصل ب وو الجماعه الف الاثنين ياء المخاطبه بيتجزم بعلامه جزم اللي هي حذف النون ودي برده علامه فرعيه واخدنا الكلام ده قبل كده واللي مش فاكر الكلام ده يرجع يرجع للحصه بتاعه الفعل المعرب والمبني ويشوف الكلام ده. طيب قال لك يجزم الفعل المضارع بالسكون اذا كان صحيح الاخر او اذا كان قبل الاخر حرف عله وبيجزم بحذف حرف العله منعا التقاء ساكنين مثل ينال بص ركز الحته دي مهمه قوي مهمه قوي الحته دي مهمه قوي بص يا معلم انا دلوقتي لو انا عندي مثلا جيت قلت لك ايه مثلا انت دلوقتي عرفت ان اداه الشرط دي بتجزم فعلين فعل الشرط وجواب الايه الشرط فلو جيت قلت لك بص ان تسعى لو جيت ان تسعى الى الخير يرضى الله عنك. بصوا يا شباب بيقول لك ايه؟ يجزم الفعل المضارع بالسكون اذا كان صحيح الاخر واذا كان قبل الاخر حرف عله فبرض بيتجزم بالسكون تمام كده؟ طيب بس بيتحذف حرف العله منعا لالتقاء ساكنين. طب يعني ايه بقى الكلام ده؟ الحته دي مهمه قوي قوي قوي قوي فركز معايا بص يا سيدي انا دلوقتي لو جيت قلت لك بص المثال ده مثلا ان تسعى الى الخير يرضى الله عنك يلا فين اداه الشرط يا اد اداه الشرط عندي اداه شرط الجازمه ولا غير جازمه؟ لا دي من ادوات الشرط الجازمه يا مستر طب دي ادوات شرط الجازمه بتعمل ايه؟ بتجزم فعل الشرط وجواب الشرط فين فعل الشرط؟ تسعى فين جواب الشرط؟ اللي هو لازم يكون فعل مضارع برض لما تسعى الى الخير ايه اللي هيحصل يرضى الله عنك لازم يجي فعل مضارع برض ها طيب اعتسع الى ايه؟ فعل مضارع مجزوم حلو الكلام اهو فعل مضارع ماله يا مستر مجزوم طب علامه جزمه ايه هو مش تسع ده كان اصله تسعى كان في حرف عله اه ايه اللي حصل له؟ اتحذف يبقى مجزوم وعلامه جزمه حذف حرف العله جميل نفس الكلام في كلمه يرضى هو كان اصله يرضى فحذفنا حرف العله فبرده مجزوم بحذف حرف العله لغايه هنا الدنيا زي الفل تمام تمام خد بقى معايا مثال تاني بيقوللك ايه بيقوللك بيقوللك ان ان تعش في سلام تنل محبه الاخرين بص بقى فين اداه الشرط ان فين فعل الشرط تعش فين جواب الشرط تنل صح كده طيب لو انت هتعيش في سلام هتنال محبه الاخرين فلو جيت قلت لك اعرب لي تعش ده هتقوم قال لي بص يا مستر ده فعل مضارع ماله مش ان دي اداه شرط جازمه اه فبتجزم الفعلين فعل شرط وجاب الشرط يبقى ده مجزوم هقول لك طب مجزوم بايه هتقول لي تعش هو في حرف عله اتحذف يبقى بحذف حرف العله اللي هو كان اصلها تعيش اقول لك لا هو احنا كنا بنجزمه بحذف حرف العله لو كان معتل للاخر هو هنا حرف العله في الاخر ولا قبل الاخر تقول يا مستر هي كان اصلها تعيش تعيش فحرف العله هنا قبل الاخر اقول لك يعني هو صحيح الاخر تقول لي اه يا مستر صحيح الاخر اقول لك طالما صحيح الاخر تجذبه بالسكون يبقى تقول فعل مضارع مجزوم بالايه؟ بالسكون ليه؟ لانه صحيح الاخر يا مستر طب ليه بالسكون ما في حرف عله اتحذف هقول لك حرف العله ده بقى اتحذف ليه؟ واحده هي كانت الكلمه اسمها ايه؟ الكلمه كانت اسمها تعيش تمام اللي انت مش عارفه مش عارف انت عارف الكلام ده ولا لا ان حرف العله سواء واو او الف او ياء او اي حرف مد اللي هو مثلا تعيش تنال مثلا تعود اي حرف مد هو اصلا حركته سكون لان ما ينفعش احط له حركه ما ينفعش احط له تشكيل لان هو دايما بيجي بحركه المد بتاعته فهو هنا حركته ايه؟ سكون طب انا هنا جزمت هو ده عشان صعيد اخر مجزوم بالايه؟ بالسكون واليا اللي قبل منها كانت علامتها سكون هي تعيش وانا عندي في اللغه العربيه حاجه اسمها عدم التقاء ساكنين يعني ايه عدم التقاء ساكنين؟ يعني ما ينفعش حرف عليه سكون يجي بعد منه حرف عليه سكون استحاله هتنطقه ازاي؟ امال مين هيحرك الثاني؟ مين هتنطق بيه الثاني؟ فعشان كده بنحذف حرف منهم طب نحذف انه الحرف الصحيح القوي ولا الحرف المعتل الضعيف؟ الحرف المعتل الضعيف. طب يبقى لماذا حزني ف حرف العله في كلمه تعيش وبقت تعش منعا لالتقاء ساكنين هل ده يخليك تقول ان هو مجزوم بحذف حرف العله؟ لا هو مجزوم بالسكون لانه صح الاخر طب حرف العله اتحذف ليه يا مستر منعا لالتقاء ساكنين عشان ما ينفعش يكون عندي حرفين سكون نفس الكلام في كلمه تنل تنل ده جواب الشرط هعربه ايه؟ فعل مضارع مجزوم طب مجزوم بايه يا مستر؟ بالسكون طيب ليه يا مستر؟ ما في الف اتحذفت هو كان اصلها تنال اقول لك يا ابني ما هو صحيح الاخر اللام دي فهو ده مجزوم بالسكون تمام وحرف العله ده كده كده حركته سكون ما ينفعش يبقى عندي سكون وسكون فعشان كده حذفنا حرف العله ده منعا الالتقاء ساكنين يبقى حرف يبقى دلوقتي الفعل المضارع لو صحيح الاخر مجزوم بالايه؟ مجزوم بالسكون ولو معتل قبل الاخر برض مجزوم بالسكون بس يجب عليا ولازم عليا احذف حرف العله طب بحذفه ليه لما هو مجزوم بالسكون مش بحذف حرف العله منعا لالتقاء ساكنين يبقى احنا حذفنا حرف العله بسبب الجذب لا حسبناه بسبب عدم التقاء قاء ساكنين في مشكله طيب امتى يكون مجزوم بحذف حرف العله لو هو معتل الاخر بس لو هو معتل الاخر بس تمام كده تمام الجزئيه دي مهمه جدا وكنت لازم تعرفها طيب فبص يا سيدي بيقول لك ايه بيقول لك اا اهو منع التقاء ذاكنين زي كلمه ينال زي كلمه ينال و هتبقى من ينال ليه حذفنا ايه ده اخره سكون اهو بس ده حركته ايه حركته سكون اي حرف مد حركته سكون فحذفنا الحرف ده وهيبقى بيفضل مجزوم بالايه؟ بالسكون طيب قد تدخل ادوات الشرط الجازمه على الفعل الماضي ممكن ادوات الشرط تيجي على الفعل الايه الماضي وفي هذه الحاله يكون الفعل مبنيا في محل جزم مثل ان اجتهدت تنجح ان دي اداه شرط جازمه اجتهدت ده فعل ماضي ينفع اقول فعل ماضي مجزوم ما عنديش الكلام ده نقوله فعل ماضي مبني في محل جزم يعني ايه كلمه في محل جذب يعني المفروض يكون مجزوم بس هو مش مجزوم تمام وستتعرف اسلوب الشرط مع ادوات الشرط الجازمه بالتفصيل فيما يلي بص يا سيدي هناخده ادوات الشرط واسلوب الشرط اهو اجزاء اسلوب الشرط عندي ان تجتهد تحقق النجاح يلا بينا فين اداه الشرط ان طب اداه الشرط ان دي تستخدم ايه لربط الجواب بالشرط هي دي وظيفتها يبقى وظيفه الاداه هناخد كل اداه ووظيفتها بتربط الجواب بالشرط فين فعل الشرط تجتهد فعل مضارع مجزوم بالسكون لانه صحيح الاخر طب فين جواب الشرط تحقق فعل مضارع مجزوم وعامد جزم السكون لانه صحيح الاخر تمام كده طيب من يزرع الخير يحصده من مش من ومن دي من ضمن ادوات الشرطه تستخدم لايه تستخدم للعاقل ليه للعاقل لان لما اجي اقول لك ايه من يذاكر يزرع يزرع ايه بقوله ده من يذاكر ينجح اكيد اللي هيذاكر ده شخص عاقل زي هنا من يزرع الخير يحصده اللي هيزرع ده شخص عاقل يبقى من تستخدم للايه للعاقل طب فين فعل الشرط يزرع فعل مضارع مجزوم وعلامه جزم السكون لانه صحيح الاخر يحصده فعل مضارع مجزوم وعلامه جزم السكون لانه صحيح الاخر تمام كده طيب يبقى احنا كده قلنا ان ايه ايه وظيفتها بتربط جواب الشرط بالشرط تمام طب من ايه وظيفتها تستخدم للعاقل عندي ما وعندي مهما والاثنين دول بيستخدموا لغير العاقل يعني معنى كده ان اللي بيعمل فعل الشرط وجواب الشرط ده شخص غير عاقل ازاي اهو مش شخص بقى هو حاجه غير عاقله زي ما تتخروه اليوم تجدوه ركز بقى معايا في المثال ده ما تدخ دخروه اليوم تجدوه غدا فين اداه الشرط ما وتستخدم لايه لغير العاقل عشان اكيد اللي انا هداخره الحاجه اللي انا هداخلها غير عاقل يعني انا بدخر المال المال غير عاقل يعني انا بدخر وقتي او بدخر مثلا علمي او بدخر كذا بدخر كذا يعني بحافظ عليه يبقى ده اسمه ايه اسمه يا جماعه غير عاقل طيب فين فعل الشرط ايه الحاجه اللي احنا هنعملها ندخر طيب تدخرو ده فعل مضارع مجزوم احنا كده كده اتفقنا فعل الشرط وجاب الشرط هم افعال مضارعه فهو فعل مضارع مجزوم طب مجزوم زوم بايه يا مستر هنا في واو جماعه تدخروا طالما في واو جماعه يبقى ده من افعال الخمسه يبقى مجزوم علامه جزم حذف النون طب فين النون اتحذفت هي كان اصلها ايه تدخرونه اهي النون اهي عملنا فيها ايه بقى النون دي حذفناها طب اللي هندخله اليوم ايه اللي هيحصل تجدوه غدا يبقى فين جواب الشرط تجدوه فعل مضارع ماله مجزوم علامه جزم برده حذف النون لانه من الافعال الخامسه اهو يبقى علامه الجزم حذف في النون لانهما من الافعال الخمسه طيب نفس الكلام عندي كلمه ايه يا جماعه؟ عندي كلمه مهما برده الغير العاقل زي لما اجي اقول لك ايه مهما تقرا تزداد معرفه يعني كل ما تقرا هتزداد معرفه طبعا برده تستخدم الغير عاقل لان القراءه والمعرفه غير عاقل طيب يبقى عندي فين اداه الشرط مهما وتستخدم لغير العاقل فين فعل الشرط مهما مهما عملت ايه تقرا يبقى ده فعل الشرط اعرابه ايه فعل مضارع مجزوم طب مجزوم بايه بص كده اخره ايه الف والف دي من الحروف الصحيحه يبقى صحيح الاخر يبقى مجزوم عزمه الايه؟ السكون ايه اللي هيحصل تزدد طيب تزدد ده فعل مضارع ماله مجزوم وعلامه جزمه ايه علامه جزمه السكون ثواني يا مستر هتقول لك ايه يا ابني تقول يا مستر هي كانت اسمها تز داد اقوللك ايوه تقول لي يبقى يا مستر الصراحه يعني دي يا مستر مجزومه وعلامه جزمها حذف حرف العله اقوللك ليه يا حماده تقوللي عشان حرف العله اتحذف يا مستر اقول لك الله يخرب بيتك يا حماده يا ابني هو هنا هو صحيح الاخر ولا معتل الاخر حرف هتقول لي الدال يا مستر اقول لك طالما هي الدال يا مستر الدال دي صحيح ولا معتل تقول لي لا الدال صحيح مش من حروف العله اقول لك طيب امال انت بتقول ليه مجزوم بحذف حرف العله هتقول لي عشان حذفنا الالف دي يا مستر اقول لك يا ابني يا ابني ما هي الالف دي مش مش في الاخر الالف دي في النص وانا قلت لك ان احنا حذفناها لعدم التقاء ساكنين فعل الفعل المضارع يجزم بحث حرف العله فقط اذا كان معتل الاخر وهو هنا صحيح الاخر يبقى مجزوم بالايه؟ بالسكون طب ليه يا مستر حذفنا الالف؟ هقول لك عشان عدم التقاء ساكنين وشرحتها 100 مره عشان ده هتبقى حركته سكون واي حرف عله حركته سكون تمام فما ينفعش عندي يبقى عندي سكون وسكون فلازم احذف حرف منهم احذف ايه الضعيف اللي هو حرف الايه العله يبقى هنا مجزوم بالسكون لان الاثنين صحيح الاخر اظن كده انت فهمتها بالله عليك ما تتلخبط فيها بقى طيب نيجي على الاداه اللي بعد كده وهي متى وخلي بالك انا عندي كذا نوع لمتى عندي كذا نوع لمتى متى الشرطيه وفي متى الموصوله ومتى الاستفهاميه وشرحتهم قبل كده في الاسم المعرب والمبني طيب متى تستخدم للزمان واضحه قوي تمام كده يعني الوقت اللي انت بتعمل فيه الحاجه الفلانيه زي بيقول لك ايه متى تسعى تجني ثمره سعيك يعني الوقت اللي هتسعى فيه هتجني في ثمره سعيك تعال نبص على فعل الشرط وجاب الشرط ايه الشرط اللي انا اعمله تسعى يبقى اداه الشرط الاول اداه الشرط متى وتستخدم للزمان طيب فين فعل الشرط تسعه فعل مضارع ماله مجزوم وعلامه جزمه ايه بقى اه دي تسعه دي كانت اصلها تسعه كان في حرف عله في الاخر حذفناه يبقى مجزوم معامد جزم حذف حرف العله يبقى حذفنا حرف العله وعوضنا عنه بالايه بالفتحه ايه اللي هيحصل لما تسعى تجني دي برض كان اصلها تجني كان في ياء هنا ايه اللي حصل لها حذفتها وعوضت عنها بالايه بالكسره يبقى تجني ثمره سعيد يبقى الاثنين فعل مضارع مجزوم وعلامه جزم حذف حرف العله لانه معتل للاخر عندي ايانه برض تستخدم للزمان يبقى انا عندي حاجتين بيستخدموا لغير العاقل وحاجتين بيستخدموا للزمان الاثنين اللي كانوا غير العاقل ما ومهما الحاجتين اللي بيستخدموا للزمان متى وايان فبيقول لك ايهان تسمو عن الدنيا يرق شانك يعني ايان يعني الوقت اللي انت هترتفع فيه عن الدنيا وتبقى مش شغلك الدنيا هيرتفع او يرقى شانك تمام يبقى فين فعل الشرط لما تعمل ايه لما تسمو يبقى ده فعل الشرط ايه اللي هيحصل يرقى تمام كده حلو الكلام تعالى نبص نعربهم فعل الشرط وجاب الشرط طبعا ايان من ادوات الشرط الجازمه يبقى ده فعل الشرط مجزوم وبرض جواب الشرط مجزوم طب مجزومين بايه؟ اه دي تسم ودي كان اصلها تسم واو في الاخر حذفتها وعوضت عنها بالضمه ويرقى كانت اصلها يرقا كان في الفنه حذفتها وعوضت عنها بالفتحه يبقى الاثنين مجزومين وعلامه جزمهم حذف حرف العله لانهم معتلين الاخر انا عارف ان انت ممكن تكون مليت وزهقت بس انا زي ما عودتك ان انا لازم اشرح كل حاجه بالتفصيل الممل عشان ما يكونش فايتك حاجه تمام وانت شفت احصنا بنفسك وعارف الفرق وعارف احنا بنعمل عشانك ايه وبنعرف نقدم لك منتجته عامله ازاي تمام طيب نكمل عندك الاداه اللي بعد كده وهي اينما وجايه من اسمها اين اين يبقى بتدل على المكان يبقى اينما بتدل على المكان يبقى عشان ما تسرحش مني ارجع كده معايا بالخريطه احنا قلنا ان تربط جواب الشرط بفعل الشرط تمام عندي بعد كده واحده للعاقل اللي هي كانت ايه من وعندي اثنين لغير العاقل اللي هم كانوا ايه ما ومهما وعندي اثنين اثنين للزمان اللي هم كانوا ايه كانوا متى وايه وايانا وعندي واحده للمكان اللي هي ايه اينما دي بتدل على المكان زي اينما تتقن عملك ترتفع مكانتك يعني المكان اللي هتتقن فيه عملك هيرتفع في مكانتك تمام طيب يبقى فين فعل الشرط ايه اللي انا هعمله تتقن هيحصل ايه لما اتقن عملي ترتفع الاثنين دول فعلين مضارعين واين اداه شرط جازمه يبقى ده فعل مضارع مجزوم علامه جزمه ايه هو في الاخر في حرف ايه صحيح يبقى مجزوم علامه جزمه السكون لانهما صحيح الاخر طيب عندي بعد كده الاداه الاخيره وهي اي طب اي دي بتدل على ايه يا مستر اي دي هي اداه الشرط الوحيده الوحيده اللي بيجي بعد منها اسم الاول يدل على معنى اي يعني ايه يا مستر يعني لو جيت اخدت بالك على الادوات الشرط كلها اللي احنا استخدمناها هتلاقي ان فعل الشرط بيجي بعد منها على طول يعني ان تذاكر تنجح متى تذاكر تنجح متى تذاكر عندي اي بقى يا اد دي الوحيده اللي ما ينفعش اعرف هي بتدل على ايه غير لما اشوف الاسم اللي بيجي بعد منها وبالمناسبه اي هي الاداه الوحيده اللي بيجي بعد منها اسم تمام كده بيجي الاسم الاول وبعد كده بيجي بعد منها فعل الشرط جواب الشرط طيب الاسم اللي بعد اي ده دايما بيتعرف مضاف اليه عشان لازم اضيف لاي حاجه عشان اشوف هي بتعبر عن ايه زي لما اجي اقول لك ايه مثلا بص كده لما اجي اقول لك اي شخص يذاكر ينجح يبقى اي هنا عبرت عن ايه؟ بص كده على اللي بعدنا شخص ده عاقل ولا غير عاقل ولا زمان ولا مكان لا شخص ده عاقل يبقى اي هنا بتعبر عن العاقل طب اعرب ايه كلمه شخص اعربها مضاف اليه حلو الكلام حلو الكلام طب فين فعل الشرط يذاكر وجواب الشرط ينجح طب ما انا ممكن اعمل حاجهانيه اقول لك ايه اي مال تدخره ينفعك اي هنا عبرت عن مكان او زمان او عاقل او غير عاقل بص على اللي بعد منها بعد منها عندي كلمه مال والمال ده غير عاقل يبقى اي عبرت عن غير عاقل طب كلمه مال تتعرب ايه يا مستر كلمه مال تتعرب مضاف اليه طب فين فعل الشرط وجاب الشرط تدخره ينفعك طيب ممكن اخليها تعبر عن الزمان على فكره زي لما اجي اقول لك ايه زي لما اجي اقول لك كده اي وقت تذاكر فيه تنجح اه هي اي هنا جا بعد منها كلمه وقت ده عباره عن ايه؟ عن زمان يبقى ايه عبرت عن زمان طب كلمه وقت تعاربها ايه؟ اعربها مضاف اليه طب فين فعل الشرط وجاب الشرط تذاكر وتنجح بس كده يا سيدي يبقى احنا كده يا اد عملنا ايه يبقى احنا كده عرفنا اي استخدامها ايه طيب ايه اي شيء تقراه تستفيد او اي كتاب تقرا تستفيد منه يبقى اي هنا جت عن ايه يا جماعه اي هنا جت عند كلمه يبقى هنا يا اد جه بعد منها كلمه ايه؟ كتاب وطالما جه بعد منها كلمه كتاب يبقى بيعبر عن غير عاقل تمام طيب يبقى كلمه كتاب دي هتتعرب ايه يا جماعه؟ مضاف اليه طب فين فعل الشرط؟ تقرا فين جواب الشرط تستفد تمام طيب الاثنين هنا مجزومين بايه؟ بالسكون تقرا فعل مضارع مجزوم بالسكون لانه صحح الاخر تستفد فعل مضارع مجزوم بالسكون لانه صحيح الاخر الاسم الواقع بعد اي دايما يعرب ايه يا جماعه؟ مضاف اليه طيب يبقى يبقى احنا كده يا جماعه عملنا ايه؟ يبقى احنا كده عرفنا ادوات الشرط واستخداماتها فبيقول لك استخدام من وما بص يا معلم عندك من وما ليهم ثلاث استخدامات مش دايما بيجوا اسم شرط تمام كده من اللي هي كانت بتعبر عن العاقل وما اللي هي كانت بتعبر عن غير العاقل طيب واحده واحده تعال كده بس نراجع كده ادوات الشرط واستخداماتهم ان تربط ما بين فعل الشرط وجواب الشرط من بتعبر عن العاقل ما ومهما غير العاقل متى وايان هنا زمان اينما مكان اي على حسب الكلمه اللي بتيجي بعد منها تمام قال لك من وما بقى احيانا بيجوا شرط واحيانا بيجوا اسم موصول واحيانا بيجوا اسم استفهام يبقى ممكن يجي اسم شرط ممكن يجي اسم موصول ممكن يجي اسم استفهام امتى يجي اسم شرط بديهي لو جم في اول الجمله وج بعد منهم فعل شرط وجواب شرط زي اهو من يذاكر ينجح من هنا عباره عن ايه يا جماعه هي جت بعد منها يذاكر فعل شرط وبعد كده ينجح جواب شرط يبقى من هنا عباره عن ايه؟ من هنا عباره يا مستر عن اسم شرط وهنا برده نفس الكلام ما ما تفعل من خير تنل يبقى جا بعد منها ايه فعل شرط وجواب شرط يبقى دي من ايه ما الشرطيه طيب ممكن يجوا اسم موصول وعشان يجوا اسم موصول بيجوا في نص الجمله وبمعنى كلمه الذي زي لو جه قال لك ايه كرم النادي من اجاد من اللاعبين هل ينفع اقول ان من هنا اسم شرط هل هنا في فعل شرط وجواب شرط لا دي جت في نص الجمله وبمعنى كلمه الذي اللي هو ايه كرم رم النادي الذي اجاد من اللاعبين يعني الشخص اللي اجاد من اللاعبين يبقى ما فيش هنا فعل شرط ولا في جواب شرط ده مش اسلوب شرط اصلا يبقى دي اسمها م الموصوله زي لما اجي اقول لك اعجبني ما صنعت يعني اعجبني الذي صنعت يبقى جت في نص الجمله بمعنى كلمه الذي يبقى ده كده اسم ايه اسم موصول جميل وشرحت الكلام ده على فكره في الاسم المعرب والمبني عندي برضو في من وما اسم استفهام دول لما بيجوا في اول الجمله وبيعبروا عن سؤال زي لما اجي اقولك ايه من حضر هينفع اقول ان دي اسم موصول؟ لا ينفع اقول لان مش جت في نص الجمله مش بمعنى كلمه الذي هل ينفع اقول اسم شرط في فعل شرط وجواب شرط؟ لا طب ممكن اخليها على فكره اسلوب شرط يقوللك ايه من حضر اليوم فقد فاز تمام اه دي ممكن تنفع ان في فعل شرط اللي حضر النهارده ايه اللي هيحصل له قد فاز انما هنا لا ده كده سؤال وفي حته اداه استفهام يبقى دي كده مد الاستفهاميه زي ما لونه كان مفضل ما دي برده ما ايه استفهاميه جت في اول الجمله وبتعبر عن سؤال قال لك عندك نفس الكلام في من وما بس في متى متى برده عندي حاجتين متى ممكن تيجي اداه استفهام ومتى برده ممكن تيجي ايه شرطيه طب اعرف منين طبعا لو جت شرط لازم يكون بعد منها فعل شرط وجواب شرط اما لو جت استفهام فبتعبر عن سؤال زي لو جيت قلت لك ايه متى تتقن عملك تلقى خير الجزاء لو اتقنت عملك هتلاقي خير الجزاء يبقى تتقن فعل الشرط وتلقى جواب الشرط طب ما تيجي كده نعربهم تتقن فعل مضارع مجزوم لانه صحيح الاخر اما تلقى فعل مضارع مجزوم وعلامه جزم وحذف حرف العله ليه يا مستر؟ لان كان اصلها تلقى وحذفنا الايه؟ الالف اللينه طيب اما متى ممكن تيجي اداه استفهام لو جت هي عباره عن سؤال في اول الجمله او جت في اول الجمله بتعبر عن سؤال زي متى تصل الى مطار القاهره تمام امتى توصل مطار القاهره هنا ساعتها نقول ان دي بتعبر عن سؤال طب ما انا ممكن احول الجمله دي شرطيه اه زي لو جيت قلت لك متى تصل الى مطار القاهره احذف كده الاستفهام دي واجيب بقى جواب شرط متى تصل الى مطار القاهره؟ تشعر اهو انك في بلدك اه بص بقى الجمال هنا كده انا حولتها من اسلوب استفهام الى اسلوب شرط يعني ايه ليه بقى هنا حطيت خليت دي فعل شرط وده جواب شرط متى تصل الى المطار القاهره تشعر ان انت في بيتك يبقى ايه الشرط ان انت لو وصلت مطار القاهره ايه النتيجه بقى هتشعر انك في بلدك عشان على فكره ممكن يجي السؤال ده وهنلاقيه اكيد في اهم الافكار او الواجب اللي هو يعمل ايه ان هو يجي يقول لك حول مثلا متى الاستفهاميه الى متى الشرطيه او متى الشرطيه الى متى الاستفهاميه انت بقى تبقى عارف عملت ايه طيب تعالى كده عندنا بعض الجمل ونشوف هنعربها ازاي من يزرع الشوكه يجني الجراح تمام كده تعالى كده نعرب اول حاجه من من ده اسم شرط مبني على السكون خلاص ده اعراب تمام احنا عارفين ان اسماء الشرط مبنيه اسماء مبنيه الشرط والاستفهام والموصول كل دي اسماء مبنيه طب يزرع اه ده فعل الشرط فنقول له ايه فعل مضارع مجزوم وعلامه جزمه السكون يكون ليه؟ لانه الصحيح الاخر طب والفاعل ضمير مستيتر تقديره هو ا الشوكه هيبقى يعربه ايه؟ مين اللي بيزرع؟ هو بيزرع ايه؟ الشوك يبقى مفعول به منصوب علامه نصبه الفتحه طيب يجني يجني ده جواب الشرط طب جواب الشرط بيتعارب ايه بقى؟ فعل مضارع مجزوم وعلامه جزمه ايه؟ اه كان اصله ايه؟ كان اصله يجني في ياء يبقى علامه جزمه حذف حرف العله لانه معتل الاخر وبرده الضمير الفاعل ضمير مستدر تقديره هو الجراح الجراح مفعول به منصوب وعلامه نصبه الفتحه لان مين اللي بيجني؟ هو بيجني الجراحه. مثال تاني ان تقبلوا على العلم تتفوقوا ان اداه شرط جازمه فنقول ان حرف شرط مبني على السكون عندي بعد كده يا اد تقبلوا ده فعل الشرط فعل مضارع مجزوم وعلامه جزمه حذف النون طيب ليه حذف النون يا مستر لانه من الافعال الخمسه عرفت منين يا مستر نوع من الافعال الخمسه عشان في واو جماعه طيب على حرف جر العلم اسم مجرور تتفوق ده جواب الشرط تمام كده فعل مضارع مجزوم وعلامه جزم وحذف النون برده ليه لانه من الافعال الخمسه عشان في واو الجماعه وبكده يا اد يا حلوين نكونوا خلصنا مع بعض فيديو الشرح بتاع اسلوب الشرط اظن الدرس النهارده خفيف شويه ما طولناش فيه قوي ولكن برده تناولنا الدرس بكل تفصيله مهمه ويلا بينا دلوقتي على فيديو اهم الافكار لان انت مش هتفهم الدرس غير لما تطبق بنفسك وتشوف الاسئله اللي جت من اكث من مصدر واكث من كتاب عشان تحل بايدك وتحل وتشوف المدرس وهو بيحل معاك السؤال بيجي الفكره عليه ازاي فكره السؤال بتيجي ازاي فيلا بينا يا معلم يلا بينا يلا بينا