المادة وخصائصها الدرس الثالث علوم الصف الأول الإعدادي الترم الأول 2026

عمرك سالت نفسك هل كل المواد اللي حوالينا شبه بعض؟ طبعا اكيد الكلام ده مستحيل لان في مواد بنعرف نفصلها بسهوله وفي مواد تاني ما نقدرش نفصلها غير بتفاعل كيميائي طيب الكلام ده معناه ايه؟ ده اللي هنعرفه ان شاء الله في الدرس الثالث الترم الاول للصف الاول الاعدادي اسم الدرس هو الماده وخصائصها في الدرس الاول عرفنا ان الماده هي اي حاجه لها كتله ولها حجم النهارده ان شاء الله هنعرف تصنيف المواد اول حاجه المواد بتكون حاجه من اثنين يا اما بتكون مخاليط يا اما بتكون مواد نقيه مش عايزك تستغرب الاسماء لان احنا ان شاء الله هناخدهم واحده واحده المخاليط دي يا بتكون متجانسه يا بتكون غير متجانسه المخاليط المتجانسه علشان ما تشغلش تفكيرك ولو ان احنا هناخدها كمان شويه بالتفصيل المخاليط المتجانسه دي عامله مثلا زي الميه والسكر او الميه والملح لما بتدوب الميه في الملح بيكون عباره عن خليط ولكن بيكون متجانس او بيسموه محلول لان انت ما تعرفش تفرقه كده بالعين المجرده يعني لو بصيت لكوبايه ميه ما تعرفش اذا كانت الميه دي نقيه او مدوبين فيها سكر او مدوبين فيها ملح مثلا المخاليط الغير متجانسه المكونات بتاعتها بتكون باينه زي ما انت مثلا بتحط رمله في الميه مثلا يعني لو عندك كوبايه ميه وحطيت فيها رمل الرمل هيكون واضح في الميه انما السكر والملح لو انت ذوبته مش هيبان في الميه وبالمناسبه الرمل ما ينفعش يدوب في الميه فعلشان كده بيسموه غير متجانس يعني مش هيدوب الرمل في الميه ابدا طيب بالنسبه للمواد النقيه المواد النقيه بتكون حاجه من اثنين يا اما بتكون عناصر يا اما بتكون مركبات تعالوا بينا نسمي الله ونصلي على سيدنا محمد ونبدا في اول حاجه المخاليط المخاليط كده بالبلدي دي عباره عن خلطه ولما نقولها بشكل علمي هي مواد مكونه من مادتين او اكت يعني انا عندي مادتين زي مثلا الميه والملح دول مادتين مع بعض ممكن يكونوا اكث من مادتين يعني مثلا ميه وملح وسكر حطيت الثلاثه كده على بعض فعملوا لي عادي مخلوط يبقى المخاليط هي مواد مكونه من مادتين او اكت ممكن يكونوا 3لاه اربعه خمسه سته اي حاجه المهم ما يكونوش اقل من اثنين يعني لازم يكونوا اثنين او اكتر ثاني حاجه المخاليط مش بتكون متحده كيميائيا يعني ما فيش تفاعل كيميائي حصل ما بينهم نقدر نفصلهم عن بعض قال لك اه والله نقدر نفصلهم طب نفصلهم ازاي؟ قال لك بنفصلهم بالطرق الفيزيائيه ايه الطرق الفيزيائيه دي ركز معايا احنا عندنا ثلاث طرق اللي علينا دراسه ثلاث طرق فيزيائيه نعرف نفصل بيهم المخاليط رقم واحد حاجه اسمها الفصل المغناطيسي الفصل المغناطيسي دي بنستخدمها مع براده الحديد والكبريت يعني لو انا عندي براده حديد وعندي براده كبريت والاثنين مع بعض في طبق واحد ازاي افصلهم عن بعض والله هنفصلهم عن طريق المغناطيس لو احنا جبنا المغناطيس فطبعا براده الحديد هتلتصق بالمغناطيس فكده احنا هنقدر نفصل الحديد عن الكبريتاني طريقه معانا طريقه اسمها الترشيح عارف لما يكون عندك شاي او مثلا رز فيه ميه فانت بتصفيه بالمصفه اهو ده اسمه الترشيح ان انت بتفصل حاجه عن حاجه بالترشيح الترشيح ده بنستخدمه للمخاليط الغير متجانسه زي مثلا لو انا عندي ميه ورمل اعرف افصلهم بالترشيح وكمان شويه هناخدها بالتفصيل ثالث حاجه التبخير والتكثيف ايه التبخير والتكثيف التبخير والتكثيف ده بنستخدمه للمخاليط المتجانسه او اللي بنسميها المحاليل تعالوا بينا نراجع على تعريف المخاليط قبل ما ندخل على تصنيف المخاليط المخاليط قلنا ان هي مواد مكونه من مادتين او اكتر انا بكرر كتير في التعريف لان ناس كتير بتتلخبط فيه المخاليط هي مواد مكونه من مادتين او اكت غير متحده كيميائيا زي طبق السلطه بيبقى معايا طماطم وخيار وبقدونس بس مش متحدين كيميائيا ونقدر نفصلهم بسهوله بطريقه فيزيائيه يعني نقدر نشيل الطماطم بعيدا عن الخيار بعيدا عن البقدونس ده بالبلدي طبعا بين انا وانت والمخاليط دي طبعا بتتصنف الى حاجتين رقم واحد المخاليط المتجانسه او اسمها المحاليل النوع ده من المخاليط بيكون مختلط ببعضه لدرجه ان انت ما تقدرش تميزه بالعين يعني لو انت شفت كوبايه ميه هل تقدر تعرف الكوبايه دي احنا دوبنا فيها ملح او دوبنا فيها سكر او ما دوبناش فيها حاجه اصلا ما تقدرش تعمل كده يبقى تعريف المخاليط المتجانسه او المخلوط المتجانس وليه اسم المحاليل او المحلول فسواء شفت مخلوط متجانس او كلمه محلول الاثنين واحد تعريفه هو مخلوط لا يمكن تمييز مكوناته بالعين المجرده ما تقدرش تميزه بالعين المجرده بالعين البشريه بتاعتك زي مثلا محلول ملح الطعام ايه محلول ملح الطعام ده يعني لو انت دوبت ملح في ميه اتحول لمحلول ملح طبعا الاملاح لها انواع كتير احنا هنا بنتكلم عن ملح الطعام او بيسموه ملح المائده ايه الملح اللي عندنا في البيوت اللي بنحطه على الاكل هو ده ملح الطعام بالنسبه بقى للمخاليط غير المتجانسه المخاليط غير المتجانسه تقدر تشوف مكوناتها وتميزها بسهوله بالعين المجرده يعني بمجرد ما انت بتبص عليه كده بتعرف ده مخلوط غير متجانس زي مثلا لو لو انت جبت كوبايه ميه وحطيت فيها معلقتين ثلاثه رمل لو بصيت للمخلوط اللي قدامك ده هتعرف ان هو غير متجانس لان الرمل مش بيدوب في الميه يبقى تعريف المخلوط غير المتجانس هو مخلوط يمكن تمييز مكوناته بالعين المجرده الفرق في التعريف كلمه لا المخلوط المتجانس ما تقدرش تميزه انما المخلوط غير المتجانس تقدر تميزه بالعين المجرده بسهوله طيب ازاي ازاي نفصل المخاليط دي فيزيائيا؟ ركز معايا بالنسبه لمحلول ملح الطعام هنفصله بطريقه التبخير والتكثيف ايه طريقه التبخير والتكثيف دي؟ بكل بساطه هنجيب قاروره كده ونحط فيها محلول الملح اللي هو الميه اللي ذوبنا فيها ملح وبعدين نحط تحتها نار ونسخن الميه دي بعدين بيكون في عندي لوح زجاجي اللوح الزجاجي ده فايدته ان هو بيجمع بخار الميه وبيكون تحت منه كده اناء بتنزل فيه الميه طبعا بعد ما يحصل لها تكثيف وبتتحول من بخار لقطرات ميه ثاني ده كده باختصار التبخير والتكثيف ان الميه بتتبخر بعدين بتتكثف على لوح الزجاج بترجع قطرات ميه ثاني الملح بقى بيفضل مكانه في اخر القاروره فكده انا قدرت افصل الميه عن الملح يبقى ايه تعريف التبخير والتكثيف هي طريقه تستخدم لفصل صل مكونات محلول ماده صلبه مذابه في الميه واحده واحده هي طريقه احنا بنستخدمها ليه؟ علشان نفصل مكونات المكونات دي مكونات محلول متجانس ولا مخلوط غير متجانس قال لك لا والله المخلوط ده متجانس او بنسميه محلول فكلمه محلول هي هياها مخلوط متجانس يبقى هي طريقه بنستخدمها علشان نفصل مكونات المحلول المحلول ده بيكون عباره عن ماده صلبه دوبناها في الميه ايه الماده الصلبه اللي ذوبناها في الميه؟ الملح. الملح دي ماده صلبه ذوبناها في الميه. يبقى اخر مره تعريف التبخير والتكثيف هي طريقه بنستخدمها علشان نفصل مكونات محلول ماده صلبه مذابه في الماء يعني دوبناها في الميه. طيب المخلوط غير المتجانس اللي هو الرمل اللي حطيناه في الميه هنفصله ازاي؟ قال لك والله هنفصله بطريقه الترشيح. هنجيب قمع ترشيح وهنحط جوه منه ورقه ترشيح. ورق الترشيح ده عامل زي الشاش عارف الشاش الطبي هو بالضبط ورق الترشيح وبعدين هنصب الميه اللي جوه منها رمل في قمع ترشيح فهنا طبعا قمع الترشيح ده هيعمل لي كده زي فلتر هينزل الميه في الاناء اللي تحت وورقه الترشيح دي هتمنع الرمل ان هو ينزل في الاناء اللي تحت يبقى انا كده قدرت افصل الرمل في ورقه الترشيح عن الميه اللي موجود في الاناء ده بالظبط نفس اللي احنا بنعمله لما بنيجي نصفي الرز مثلا من الميه او لما بنصفي الشاي طريقه الترشيح دي احنا بنستخدمها كتير في حياتنا اليوميه طيب تعالوا بينا نعرف الترشيح ايه هو الترشيح قال لك والله هي طريقه بنستخدمها علشان نفصل ماده صلبه غير ذائبه في الماء خلي بالك الرمل عمره ما هيدوب في الميه فهي طريقه احنا بنستخدمها ليه علشان نفصل ماده صلبه مش بتدوب في الميه باستخدام حاجتين ورقه ترشيح وقمع ترشيح السؤال بيجيني هنا ازاي؟ في سؤال قيم فهمك بيقول لي اذكر وجه التشابه والاختلاف ما بين المخلوط المتجانس والمخلوط غير المتجانس اول حاجه وجه التشابه ما بين المخلوط المتجانس والغير متجانس ان هم الاثنين بيتكونوا من مادتين او اكت وجه تشابه ثاني ان هم بيكونوا غير متحدين كيميائيا ونقدر نفصل مكوناته بالطرق الطرق الفيزيائيه ده بالنسبه للتشابه طيب ايه الاختلاف المخلوط المتجانس لا يمكن تمييز مكوناته بالعين المجرده انما المخلوط غير المتجانس نقدر نميزه بالعين المجرده في وجه اختلاف كمان المخلوط المتجانس علشان نفصل مكوناته بنستخدم طريقه التبخير والتكثيف انما المخلوط الغير متجانس بنستخدم الترشيح ده كده عظمه قوي ده كده عظمه قوي. تعالوا بينا نروح للجزئيه اللي بعدها المواد النقيه. تعريف المواد النقيه هي مواد لا يمكن فصل مكوناتها بالطرق الفيزيائيه. المواد النقيه دي ما نقدرش نفصلها بالطرق الفيزيائيه يعني ما نقدرش نعمل لها لا ترشيح ولا تبخير ولا تكثيف ولا حتى فصل مغناطيسي. امال هنفصلها ازاي؟ ده اللي هنشوفه كمان شويه. في بدايه الدرس قلنا ان المواد النقيه بتكون حاجه من اثنين يا اما بتكون عناصر يا اما بتكون مركبات تعالوا نبدا في اول حاجه العناصر من بدايه الترم لحد النهارده من الدرس الاول والتاني واحنا ما بنتكلمش غير عن العناصر عنصر النيتروجين الفلور الكلور الاكسجين وكل العناصر اللي احنا درسناها اهو العناصر دي لها تعريف هي ابسط صوره نقيه للماده يعني ما فيش ابسط من كده العنصر هو حاجه بسيطه جدا ما فيش ابسط منه زي مثلا الاكسجين هل في ابسط من كده؟ هو عنصر لوحده له معاه حد ولا اي حاجه يبقى العنصر هو ابسط صوره نقيه للماده لا يمكن تحليله الى ما هو ابسط منه يعني الاكسجين ده ما نعرفش نحلله ليه؟ لان هو عباره عنصر واحد بس هنحلله الايه؟ ما فيش طيب ينفع نحلله بالطرق الكيميائيه؟ لا ينفع نحلله بالطرق الفيزيائيه؟ برده لا يبقى يبقى العنصر هو ابسط صوره نقيه للماده ما دام هو حاجه بسيطه زي الذرات فاكرين الذره قلنا ان الذره دي ما نقدرش نجزقها يعني ما نقدرش نحللها اكت من كده لان هي اصغر حاجه فالعنصر هو ابسط صوره نقيه للماده ما نقدرش نحلله الى ما هو ابسط منه لا بالطرق الفيزيائيه او الكيميائيه وفي الكتاب جايب لك مثالين على كده عندي مثلا الاكسجين او اي عنصر من عناصر الجدول الدوري ال 118 عنصر كل دي عناصر لا يمكن تحليلها الى ما هو ابسط منها سواء بالطرق الفيزيائيه او الكيميائيه ال 118 عنصر كلهم كده على بعض ومثال رقم انين مديني الزئبق اللي هو بالمناسبه الرمز بتاعه ا جي والعدد الذري بتاعه 80 والاكسجين او والعدد الذري بتاعه 8مانيه ادينا بنكرر مع بعضنا العناصر والعدد الذري لحد باذن الله ما تحفظهم بالكامل قبل ما نكمل في معلومه مهمه عايز اقولها لك طبعا احنا عرفنا ان العدد الذري بيتكتب اسفل يسار العنصر وكنا بنختصره بالحرف زد طيب والعدد الكتلي بنكتبه اعلى يسار العنصر وكنا بنختصره بالحرف اي النهارده هضيف لمعلوماتك حاجات جديده لو انا عندي ذره اكسجين فانا هكتب حرف الاو وطبعا الاو بيكون كابيتال ايه معنى ان الاو لوحدها معنى كده ان انا عندي ذره اكسجين طيب لو انا كتبت رقم اثنين قبل حرف الاو معنى كده ان انا معايا ذرتين اكسجين بس كل واحده فيهم لوحده وحدها طيب لو كتبت حرف الاو وكتبت جنب منه رقم اثنين بس تحت على اليمين معنى كده ان انا معايا ذرتين اكسجين بس متحدين مع بعض لو رقم اثنين قبل الحرف بعيد عنه كده معنى كده ان دول ذرتين بس منفصلين عن بعض طيب لو اتكتبت اسفل يمين العنصر معنى كده ان انا معايا ذرتين متحدين مع بعض والذرتين دول لما بيتحدوا مع بعض بنسميهم جزيء تعالوا بينا نعرف يعني ايه جزيء العنصر. جزيء العنصر ده عباره عن تركيب كده لنوع واحد من العناصر بشرط يكونوا ذرات متماثله. ياه ما فهمتش حاجه. جزيء العنصر بيكون عباره عن نوع واحد بس من الذرات يعني يا اما اكسجين مع بعضه ثلاث ذرات اكسجين ذرتين اكسجين المهم ما يكونش معاهم عنصر تاني يكون عنصر واحد بس فيه اكتر من ذره والجزيء ده بيكون حاجه من لاثه وركز معايا كويس في الجزيئات الجزيء ممكن يكون احادي وممكن يكون ثنائي وممكن يكون عديد الذرات يعني عديد الذرات ده ممكن يكون بيتكون من 3ه 4عه خمسه اي حاجه اكت من اثنين وخد برده معلومه جدعانه مني ليك الذره غالبا بتكون في صوره غير منفرده الذره دي عامله زينا ما تعرفش تقعد وحدها يا اما بتقعد مع صاحبك يا اما بتقعد مع اهلك يا اما بتقعد مع زمايلك في الشغل زمايلك في المدرسه المهم الذره دي بتكون غالبا غير منفرده يعني ما بتكونش لوحديها في الغالب يعني بالنسبه للجزيء الجزيء ممكن يكون احادي عادي يعني زي ذره الكربون بالرغم من ان الكربون بيتكون من ذره واحده كده لوحدها بس هو برض اسمه جزيء الكربون بالنسبه للجزيء الثنائي عندي زي جزيء الاكسجين الاكسجين غالبا هتلاقيه كده متحد مع ذره اكسجين ثاني كل ذره اكسجين بتتحد مع ذره اكسجين ثاني يعملوا لي جزيء الاكسجين اللي هو الو2 وبالمناسبه طريقه الارتباط ما بينهم هناخدها الدرس اللي جاي ان شاء الله ثالث نوع معانا معان الجزيء عدد الذرات زي الاوزون الاوزون ده عباره عن ثلاث ذرات اكسجين اتحدوا مع بعض فعملوا لي جزيء الاوزون طبعا رقم اثنين بيتكتب تحت على اليمين معنى كده ان انا عندي جزيء ثنائي الذره يعني ذرتين مع بعض متحدين او 3 معنى كده ان انا معايا ثلاث ذرات متحدين مع بعض في جزيء واحد السؤال بقى هنا هيجي لك ازاي في سؤال قيم فهمك بيقول لي حدد وجه التشابه والاختلاف ما بين جزيء الاكسجين وجزيء الاذون وقف الفيديو كده وفكر فيها الاول وبعدين شوف الحل اول حاجه واجهه تشابه ان هم الاتنين بيتكونوا من نوع واحد من الذرات المتماثله جزيء الاكسجين وجزيء الاوزون الاتنين بيتكونوا من نفس الماده اللي هو الاكسجين ايه الاختلاف ما بينهم؟ جزيء الاكسجين ثنائي الذره انما جزيء الاوزون عديد الذرات تعالوا نروح للجزئيه اللي بعدها المركبات المركبات هي عباره عن مواد نقيه ولكن هي بتتكون من اتحاد كيميائي بين عنصرين يعني بيكون عنده عنصرين زي الميه مثلا الميه بتتكون من ذرتين من الهيدروجين وذره من الاكسجين بيتحدوا مع بعض يعملوا لي مركب طيب ايه الفرق ما بين المركب وجزيء العنصر جزيء العنصر بيكون نوع واحد بس يعني ايه يعني عندي ثلاث ذرات اكسجين عندي ذرتين ولكن الذرتين اكسجين انما المركبات بتكون عناصر مختلفه يبقى هي مواد نقيه تتكون نتيجه اتحاد كيميائي بين عنصرين مش عنصر واحد بين عنصرين او اكتر بقى 3 اربعه خ زي ما تيجي وبيكونوا طبعا بنسب كتليه ثابته يعني ايه بنسب كتليه ثابته نسب كتليه ثابته معناها ان العناصر اللي بتتحد مع بعض دي بيكون ليها كتله محدده بتتكرر كل مره يعني مثلا جزء الميه بيتكون من جرام هيدروجين و8 جرام اكسجين فالنسبه بتفضل ثابته ما بتتغيرش يعني مثلا مش هناخد جرام هيدروجين على 3 جرام اكسجين الكلام ده ما يصحش يبقى المركب هو ماده نقيه بتتكون من اتحاد كيميائي الاتحاد الكيميائي ده بيكون ما بين عنصرين او اكتر 3 ا خ المهم يكون اكتر من اين بنسب كتليه ثابته زي اكسيد الزئبق والميه بالمناسبه اكسيد الزئبق ده بيسموه اكسيد الزئبق الاحمر لان هو لونه بيكون احمر. طيب بالنسبه للمركبات هنفصلها ازاي؟ ركز بقى معايا المركب بنفصله بالطرق الكيميائيه ما ينفعش نفصله بالطرق الفيزيائيه. اول حاجه الميه هي عباره عن اتحاد ذرتين من الهيدروجين على ذره من الاكسجين. فعلشان كده احنا بنكتب H2O ذرتين هيدروجين مع ذره اكسجين اكسيد الزئبق هو زئبق معه اكسجين فالصيغه بتاعته اسمها HGO ذره واحده من الزئبق مع ذره واحده بس من الاكسجين وطبعا رقم واحد ما بيتكتبش انما لو ذرتين هيدروجين مثلا بنكتب رقم اثنين معانا ذره واحده بس من الاكسجين فالواحد ما بيتكتبش طيب احنا علينا كم طريقه من طرق الفصل الكيميائي كيائي علينا طريقتين بس طريقه اسمها التسخين وطريقهانيه اسمها التحليل الكهربي التسخين دي هنستخدمها مع مركب اكسيد الزئبق الاحمر هناخد جزيئات الزئبق الاحمر وبعدين نسخنها على النار ايه اللي هيحصل عند كالتالي جزيئات غاز الاكسجين هتبدا تتبخر وتطلع من بره لفوها وطبعا احنا قلنا ان الاكسجين بيكون غالبا جزيء يعني كل ذرتين اكسجين مع بعض بيتحدوا كده مع بعض فهتلاقي ان غاز الاكسجين كل اثنين كده متحدين مع بعض عاملين جزيء وبعدين هيفضل عندي مين ذرات الاتش جي اللي هو الزئبق يبقى قبل التسخين انا معايا اكسيد الزئبق الاحمر بعد التسخين ذرات الاتش جي اللي هو الزئبق اللي لونه فضي بقت لوحديها وغاز الاكسجين اللي هو باللون الاحمر بقى لوحديه والعمليه دي على بعض كده بنسميها انحلال اكسيد الزئبق انحلال اكسيد الزئبق الاحمر احمر يعني احنا بنفصل الزئبق عن الاكسجين السؤال هنا يجي لك ازاي؟ يقول لك ما النتائج المترتبه على تسخين مركب اكسيد الزئبق الاحمر ايه اللي هيحصل لما نسخن اكسيد الزئبق الاحمر اقول له والله هينحلل عنصرين عنصر الزئبق وغاز الاكسجيناني طريقه معانا من طرق الفصل الكيميائي التحليل الكهربي ودي اللي هنستخدمها علشان نحلل الميه طبعا الميه H2O عايزين نفصل الهيدروجين عن الاكسجين فهنعملها بالتحليل الكهربي علشان نعمل تحليل كهربي للميه هنستخدم جهاز اسمه فولتاميتر هوفمان جهاز الفولتميتر هوفمان زي ما انت شايف كده قدامك هنحلله واحده واحده اول حاجه بيكون عندي بطاريه او مصدر كهربي المصدر الكهربي ده بيكون له طرفين طرف سالب وطرف موجب الطرف السالب بنسميه المهبط وركز في الاسماء دي علشان مهمه والطرف الموجب بنسميه المصعد يبقى سالب مهبط موجب مصعد وبعدين الجهاز زي ما انت شايف بيكون عباره عن ثلاث انابيب الانبوبه اللي في النص دي هنحط فيها ماء محمض يعني ايه ماء محمض يعني ميه ضفنا عليها حمض زي حمض الكبريتيك طيب احنا ليه بنضيف حمض الكبريتيك على الميه ركز بقى معايا الميه النقيه اللي هي الميه اللي ما فيهاش اي شوائب غير موصله للكهرباء الميه اللي بتكون عندنا في البيوت دي بيكون فيها مواد كتير زي الكالسيوم وزي المغنيسيوم وزي الاملاح فدي ما بتكونش ميه نقيه فوقتها الميه دي بتكون جيده التوصيل للكهرباء انما الماء النقي اللي هو هيدروجين واكسجين بس دي رديئه التوصيل الكهربي ما بتوصلش كهرباء طيب احنا علشان نعمل فصل كهربي لازم نخلي الميه دي موصله للكهربا فبنحط عليها حاجات مثلا زي حمض الكبريت ريتيك او كربونات الصوديوم مثلا علشان نعرف نخليها جيده التوصيل للكهربا ونعرف نفصلها كهربيا يبقى عند التحليل الكهربي لمركب الميه بنستخدم حمض الكبريتيك طيب احنا هنعمل تحليل كهربي باستخدام ايه؟ باستخدام جهاز اسمه الفولتميتروفمان هنروح للانبوب اللي هو في النص وهنصب فيه الميه اللي عليها حمض الكبريتيك وبعدين نوصله بالكهرباء ايه اللي هيحصل؟ صل ان الميه هتنحل العنصرين هتنحلل غاز الهيدروجين وغاز الاكسجين ومهم جدا تكون عارف الهيدروجين هيكون فين والاكسجين هيكون فين الاكسجين هيكون عند المصعد انما الهيدروجين هيكون عند المهبط ممكن تعمل علامه كده مميزه ان الهيدروجين في حرف الهاء والمهبط في حرف الهاء فهيدروجين مهبط اكسجين مصعد وبرده كده ملحوظه على جنب للناس اللي تركيزها عالي شايف الحته اللي فيها فراغ الحته اللي فيها فراغ دي نسبه الغاز فالهيدروجين نسبته بتكون ضعف الاكسجين لان احنا طبعا بيكون معانا ذرتين هيدروجين وذره اكسجين فالغاز المتصاعد اللي هو سواء غاز الاكسجين او غاز الهيدروجين بيكون الهيدروجين ضعف الاكسجين يبقى مراجعه سريعه كده التحليل الكهربي بنستخدم فيه جهاز مهم جدا اسمه الفولتامتر هوفمان وده بيحلل مركب بالماء المحمض محمض بايه؟ محمض بحمض الكبريتيك طيب ايه اللي هيحصل؟ اقول له والله هينحل الميه العنصرين غاز الهيدروجين وغاز الاكسجين وفي سؤال علل مهم برده قبل ما نروح للجزئيه اللي بعدها السؤال بيقول لي علل يصنف الهيدروجين على انه عنصر ليه الهيدروجين عنصر ليه الاكسجين عنصر ليه الزئبق ده عنصر اقول له والله هو عنصر علشان احنا ما بنقدرش نحلله احنا مش قلنا العناصر دي صور نقيه للماده ما نقدرش نحللها يبقى الهيدروجين ده عنصر ليه؟ لانه لا يمكن تحليله الى ما هو ابسط منه سواء بالطرق الفيزيائيه او الطرق الكيميائيه ولا اي طريقه تعرف تحلل بها العنصر برضو على الجزئيه دي في سؤال علل بيقوللي يصنف الماء على انه مركب ممكن يقوللي يصنف اكسيد الزئبق الاحمر على انه مركب الميه بنصنفها على ان هي مركب لان احنا بنقدر نفصل مكوناتها طيب الميه لما احنا بنفصل مكوناتها بتتحول لاكسجين وهيدروجين يبقى ليه الميه مركب؟ لانه يمكن فصل مكوناتها لاكسجين وهيدروجين بالتحليل الكهربي طيب لو اكسيد الزئبق اقول له بالتسخين انما الميه بالتحليل الكهربي وطبعا زي ما احنا خدنا العنصر وخدنا جزيء العنصر المركب له برض جزيء مركب جزيء العنصر كان عباره عن نوع واحد بس من العناصر بس بيكون له ذرات كتير يعني مثلا الاكسجين ممكن يكونوا ذرتين مع بعض اكسجين او ثلاثه انما جزيء المركب بيكون ذرات مختلفه لعناصر مختلفه ممكن يكونوا عنصرين او اكتر ممكن يكونوا ذرتين او اكتر المهم العناصر تكون مختلفه انما جزيء العنصر بيكون عنصر واحد بس الجزيء المركب بيكون عباره عن تركيبه لعناصر مختلفه طب ازاي بنقدر نعبر عن العناصر صر المختلفه دي قال لك والله بنعبر عنها بالصيغه الجزيئيه يعني ايه صيغه جزيئيه ركز بقى معايا الصيغه الجزيئيه هي صيغه رمزيه صيغه رمزيه يعني عباره عن رموز يعني احنا مثلا لما جينا نكتب الميه كتبنا H2O فاحنا كده كتبنا رمز الاتش اللي هو الهيدروجين وكتبنا رمز الO اللي هو الاكسجين طيب الصيغه الجزيئيه دي بتفيدني في ايه؟ بتعبر عن نوع وعدد ذرات العنصر يعني انا عندي العنصر ده نوعه ايه؟ ده نوعه هيدروجين وده نوعه اكسجين طيب العدد بتاعه كام؟ الهيدروجين فيه ذرتين انما الاكسجين في ذره واحده بس يبقى هي صيغه رمزيه بتعبر عن نوع وعدد ذرات العناصر اللي بتكون الجزيء وطبعا هنا احنا بنتكلم عن جزيء المركب مش جزيء العنصر الجزئيه بقى المهمه جدا في درس النهارده انواع المركبات المركبات بتكون حاجه من اثنين يا اما مركبات عضويه يا اما مركبات غير عضويه المركبات العضويه التعريف بتاعها هي مركبات بترتبط فيها ذره الكربون بذره الهيدروجين يعني شرط اساس ان انا الاقي الكربون عندي اول حاجه كده بسم الله وبعد منه الهيدروجين طيب لو لقيت الهيدروجين لوحده يبقى ده غير عضوي لقيت الكربون لوحده يبقى ده غير عضوي انما شرط اساسي في المركبات العضويه ان احنا نلاقي ذره كربون مرتبطه بذره هيدروجين طيب هل هم بيرتبطوا هم الاثنين لوحديهم؟ قال لك لا مادام معايا الكربون والهيدروجين ممكن نضيف عليهم اكسجين ممكن نضيف عليهم نيتروجين المهم يكون عندي الكربون والهيدروجين مرتبطين الاول وبعدين هات اي عنصر تاني معاهم عادي اشهر الامثله على كده عندي جزيء الميثان جزيء الميثان بيتكون من ذره كربون مع اربع ذرات هيدروجين فهنا الكربون ارتبط باربع ذرات هيدروجين فده مركب عضوي طيب لو الكربون اتحد مع الهيدروجين ومعاهم الاكسجين ده برض مركب عضوي الشرط الاساسي بتاع ان انا يكون عندي كربون بعد منه هيدروجين واي حاجه معاهم عادي برض ممكن تلاقي جزيء لمركب عضوي عباره عن كربون وهيدروجين ونيتروجين مثلا ما فيش مشكله اما بالنسبه للمركبات غير عضويه هي مركبات بتاع تحتوي على عناصر متعدده يعني عناصر مختلفه ممكن يكون الكربون جزء منها لكن مش بيكون مرتبط بالهيدروجين يعني مثلا عندي جزيء حمض النيتريك حمض النيتريك هو عباره عن ذره هيدروجين مع ذره نيتروجين مع ثلاث ذرات اكسجين فانا بسال الحمض ده هل انت جواك كربون مرتبط بهيدروجين لا يبقى انت مركب غير عضوي عندي جزيء ثاني اكسيد الكربون ثاني اكسيد الكربون كربون هو عباره عن ذره كربون معاها ذرتين اكسجين فهنا احنا معانا كربون تمام متحد معاك هيدروجين لا معانا كربون وبس يبقى ده مركب غير عضوي يبقى شرط اساسي المركبات العضويه هي مركبات مرتبط فيها ذره كربون مع ذره هيدروجين ممكن يكونوا اكت من ذره هيدروجين ممكن يكونوا اكت من ذره كربون المهم الكربون معه الهيدروجين على طول علشان كده في سؤال علل المهم جدا بيكون على الجزئيه دي بيقول علل تعرف المركبات العضويه باسم مركبات الكربون يعني المركبات العضويه دي ممكن نسميها مركبات الكربون ليه والاجابه ببساطه لان عنصر الكربون يدخل في تركيبها بشكل اساسي يعني الكربون هو اساس المركبات العضويه ما فيش كربون ما فيش مركبات عضويه من ضمن الملاحظات برض المهمه على الجزئيه دي ان عدد الذرات اللي في الجزيء الواحد في المركبات العضويه المركبات العضويه اللي هي بيكون فيها الكربون والهيدروجين ممكن بتتكون من الاف الذرات ومش عايزك تستغرب للرقم لو عندك سجاده فانت عارف ان السجاده دي بتتكون من الاف من الخيوط مجموعه كده من الخيوط كونوا لي السجاده اللي انت بتشوفها فانا عندي ثلاث امثله على المركبات العضويه والثلاث امثله دول في غايه الاهميه وبشوف عليهم اسئله كتير جدا رقم واحد حاجه اسمها بولايمرات البلاستيك دي عباره عن مجموعه من البلايمرات زي ما انت شايف كده بيتجمعوا على بعض بيعملوا لي قطعه البلاستيك عندي برض هيموجلوبين الدم وده بيكون عباره عن الاف الذرات زي مثلا ازازه الميه يعني ازازه الميه دي فيها كام قطره ميه فيها الاف القطرات وبرده عندي فيتامين دي يبقى اشهر ثلاث امثله بولايمرات البلاستيك هيموجلوبين الدم وعندي فيتامين دي برده من ضمن الملاحظات المهمه جدا جدا على فيتامين دي ان هو بيعمل على ضبط مستويات الكالسيوم والفسفور الكالسيوم اللي هو الرمز بتاعه سي اي والفسفور اللي هو الرمز بتاعه بي فيتامين دي بيظبط مستويات الكالسيوم والفسفور في الدم وده اللي بيحمينا من مرض هشاشه العظام فلا قدر الله لو حد عنده نقص في فيتامين دي بتلاقي عنده مرض هشاشه العظام وبتلاقي عنده ليونه ومشاكل ثاني كتير يبقى فيتامين دي بشوف عليه اسئله كتير يعمل على ضبط مستويات الكالسيوم والفسفور في الدم وبيحمينا من مرض هشاشه العظام علي النعمه انت بتتكلم صح طبعا تعالوا نبدا في الاسئله اول سؤال معايا بيقول لي قارن ما بين جزيء الميثان وجزيء حمض النيتريك من حيث نوع الجزيء والصيغه الجزيئيه وعدد العناصر المكونه للجزيء وعدد الذرات واحده واحده اول حاجه جزيء الميثان نوعه ايه نوعه عضوي ولا غير عضوي قال لك والله الميثان بيدخل في تركيبه الكربون والهيدروجين يبقى ده جزيء مركب عضوي انما حمض النيتريك جزيء مركب غير عضوي لانه فيه هيدروجين بس ما فيهوش كربون طيب ايه الصيغه الجزيئيه للميثان الميثان قلنا ان هو سي اتش 4 ذره واحده من الكربون مع اربع ذرات هيدروجين النيتريك ذره هيدروجين مع ذره نيتروجين مع ثلاث ذرات اكسجين فعلشان كده الصيغه الجزيئيه بتاعته HNO3 واحده هيدروجين واحده نيتروجين ثلاثه اكسجين بالنسبه لعدد العناصر اللي بتكون جزيء الميثان هم عنصرين بس الكربون والهيدروجين طيب النيتريك قال لك والله ده بيتكون من ثلاث عناصر الاتش اللي هو الهيدروجين والان اللي هو النيتروجين والو اللي هو الاكسجين بالنسبه بقى لعدد الذرات جزيء الميثان جوه منه خمس ذرات واحده كربون واربعه هيدروجين طيب حمض النيتريك جوه منه برض خمس ذرات واحده هيدروجين واحده نيتروجين وثلاثه اكسجين تعالوا نروح للسؤال اللي بعده سؤال وجواب في سؤال وجواب بيقول لي اي جزيئات المركبات التاليه يتكون من اربع ذرات وثلاث عناصر يبقى هو مديني اختيارات عايز اختيار يكون فيه اربع ذرات وثلاث عناصر مختلفه فاحنا هنمسكهم واحده واحده اول حاجه بيقول لي NH 3 طيب انا هنا عندي كام عنصر؟ عندي عنصرين ال ان اللي هو النيتروجين والاتش اللي هو الهيدروجين وعندي كم ذره عندي اربع ذرات واحده نيتروجين وثلاثه هيدروجين يبقى الاجابه دي غلط انا عايز اربع ذرات وثلاث عناصر ده عنصرين بس يبقى دي اجابه غلط الاجابه الثانيه بيقول لي سي2 اتش2 انا هنا برض عندي عدد العناصر اثنين الكربون والهيدروجين وعندي اربع ذرات ذرتين كربون وذرتين هيدروجين فده برض اختيار غلط. رقم ج بيقوللي H2 اسO4 عدد العناصر لاه الهيدروجين والاست اللي هو الكبريت والاو اللي هو الاكسجين طيب والله تمام عدد الذرات كام عندي اتنين هيدروجين وواحده كبريت واربعه اكسجين يبقى عندي سبع ذرات فدي برض اجابه غلط اخر اجابه معانا بيقول لي na no2 ال ان ده لوحده كده اللي هو الصوديوم والان الثانيه ده النيتروجين والو اللي هو الاكسجين فكده عندي ثلاث عناصر طيب بالنسبه للذرات عندي ذره واحده بس صوديوم وذره واحده بس نيتروجين وذرتين اكسجين فكده عندي اربع ذرات يبقى دي الاجابه الصح اللي بعده جايب لي شكلين شكل واحد وشكل اثنين وبيقول لي فسر الشكلين دول هل هم جزيئات ولا هم مخاليط ولا هم عناصر وبيقول لي خلي بالك شرط ان انت الاجابه بتاعتك تتضمن واحد من الثلاثه دول يا اما ده جزيء يا اما ده مخلوط يا اما ده عنصر طيب احنا هنعرف نفرقهم ازاي ركز معايا الشكل اللي قدامك ده لو ركزت فيه اللي هو الشكل رقم واحد هتلاقي ان انا عندي ذرتين مختلفتين واحده باللون الاحمر وواحده باللون الازرق متحدين مع بعض طيب ما دام انا عندي ذرتين او اكثر متحدين مع بعض يبقى ده مركب يبقى الشكل رقم واحد ده جزيئات مركب والمركب ده ثنائي الذره يعني هو بيتكون من ذرتين مش لاثه ولا اربعه ولا خمسه هو كل اثنين كده هتلاقيهم مع بعض هو برض بيقول لي مع التفسير اقول له رقم واحد ده بيعبر عن جزيئات مركب ثنائي الذره لان كلا منهما يعني كل مجموعه كده منهم بتتكون من ذرتين وعنصرين مختلفين يعني عندي واحده بالاحمر وواحده بالازرق يبقى دول ذرتين لعنصرين مختلفين الشكل رقم اثنين هتلاقي ان كل ذرتين بلون واحد مع بعض يعني اثنين من الاحمر على اثنين من الازرق وهكذا يبقى ده مخلوط ليه ده مخلوط لان هو بيتكون من جزيئات عنصرين وبرده كل واحد فيهم ثنائي الذره طيب ليه ما اخترناش العنصر افتكر كويس ان العنصر بيكون نوع واحد يعني هنا انا عندي كرات بالاحمر وكرات بالازرق ده ما ينفعش يبقى عنصر يا اما لازم تكون الذرات كلها بالاحمر بس او بالازرق بس عشان تبقى عنصر. الجزئيه اللي بعدها جزئيه برض مهمه تطبيق حياتي على حاجه اسمها صبغ الازرق المصري لو انت بتستخدم كتاب من السنه اللي عدت هتلاقي ان هو كاتب صبغ الازرق النيلي في 26 السنه دي غيرها وخلاها صبغ الازرق المصري طيب احنا هنحل بمين؟ بصبغ الازرق المصري على التحديث الجديد للمنهج بس انا بقول لك المعلومه دي علشان لو انت بتستخدم كتاب قديم بس صبغ الازرق المصري ده عباره مركب كيميائي بيتكون من عده عناصر بيتكون من ذره واحده من الكالسيوم وذره واحده من النحاس و14 ذره من السيليكون و10 ذرات من الاكسجين وهنا برده نفس مشكله السنه اللي عدت في كتاب الامتحان هتلاقي ان هم 14 ذره سيليكون لو انت بتستخدم كتاب الاضواء هتلاقي ان هو اربع ذرات سيليكون طيب مين فيهم اللي صح دي باذن الله هتستنى لغايه ما تروح المدرسه وتستلم كتاب المدرسه وش شوف لو هو 14 ذره سيليكون اعتمد الاجابه دي طيب لو هم اربع ذرات سيليكون يبقى الاربعه صح فاللي هيفصل ما بين كتاب الامتحان وكتاب الاضواء كتاب العلوم ان شاء الله اللي انت هتستلمه في المدرسه يبقى مره اخيره صبغ الازرق المصري بيتكون من ذره واحده من الكالسيوم وبالمناسبه الكالسيوم ده عنصر فلز والنحاس برده عنصر فلز انما السيليكون ده شبه فلز والاكسجين ده عنصر لافل فلز وطبعا موجود في الحاله الغازيه ذره واحده كالسيوم وذره واحده نحاس و14 ذره سيليكون و10 ذرات من الاكسجين بالمناسبه علشان بس ما تتخضش لو شفت في الاسئله المنظر اللي قدامك ده دي الصيغه الجزيئيه لصبغ الازرق النيلي اللي هي سي اي اللي هو الكالسيوم سو يو اس اي 14 او 10 دي الصيغه الجزيئيه بدل ما هم في جدول كده احنا هنضمهم كلهم على بعض طيب بعد الكلام الكتير بقى عن صبغ الازرق المصري ايه اهميته؟ رقم واحد القدماء المصريين كانوا بيستخدموها في تلوين البرديات والتماثيل هتلاقي تماثيل كتيره باللون الازرق بسبب صبغ الازرق المصري وبرده برضيات كتيره بنفس اللون وبالمناسبه لحد النهارده احنا برده بنستخدمه في تلوين وجهات المنازل واشهر الاماكن اللي بتعمل كده النوبه في النوبه هتلاقي منازل كتير الواجهه بتاعتها كده واخده لون الازرق المصري وده طبعا اللي بيكون مقصد هام جدا للسياحه سواء السياحه الداخليه لنا احنا كمصريين او السياحه الخارجيه للاجانب على الجزئيه دي سؤال وجواب سؤال مهم جدا بيقول لي ما عدد ذرات الفلزات في جزيء صبغ الازرق المصري خلي بالك هنا هو عايز عدد ذرات الفلزات مش اللا فلزات ولا اشباه الفلزات فانا همسك صبغ الازرق المصري صبغ الازرق المصري بيتكون تكون من ذره كالسيوم وذره نحاس فالكالسيوم والنحاس دول فلزدات طيب بالنسبه للسيليكون ده شبه فلز ما لناش دعوه بيه والاكسجين ده عنصر لا فلز موجود في الحاله الغازيه ده برض ما لناش دعوه بيه يبقى انا عندي كام ذره عندي ذرتين واحده كالسيوم وواحده نحاس تعالوا بينا نروح للتقييم رقم واحد اول سؤال معايا في التقييم رقم واحد سؤال اختر الاجابه الصحيحه من بين الاجابات المعطاه رقم واحد بيقول له كلا مما ما يلي من المركبات غير العضويه ما عدا يعني الاربع اختيارات دول مركبات غير عضويه ما عدا مركب واحد بس هو اللي عضوي فيهم اول اختيار معانا هيموجلوبين الدم وده طبعا مركب عضوي فدي اجابه صح انما غاز ثاني اكسيد الكربون اللي هو CO2 ده مركب غير عضوي لان هو فيه كربون بس ما فيهوش هيدروجين طيب حمض النيتريك HNO 3 ده فيه هيدروجين بس ما فيهوش كربون والميه ‏H2O في هيدروجين بس مافيش كربون واحنا اتفقنا ان المركبات العضويه لازم لازم يكون عندي كربون متحد مع هيدروجين سؤال رقم اين بيقول لي يمكن فصل مخلوط من الرمل وبراده الحديد عن طريق ايه؟ لو انا عندي مخلوط عباره عن رمل مع براده حديد اقدر افصلهم ازاي؟ اقدر افصلهم بالفصل المغناطيسي لان المغناطيس هيجذب الحديد انما الترشيح والتسخين والتحليل الكهربي ما ينفع ما ينفعش سؤال رقم لاثه بيقول لي عدد الذرات في جزيء حمض الكبريتيك حمض الكبريتيك الصيغه الجزيئيه بتاعته H2SO4 بالمناسبه حمض الكبريتيك ده هتحفظه زي ماه حمض الكبريتيك لازم يتحفظ لان انا بشوف برض عليه اسئله كتير حمض الكبريتيك عباره عن ذرتين من الهيدروجين ذره واحده بس من الكبريت واربع ذرات من الاكسجين لو جمعت اين وواحد واربعه هيدولك سبعه طبعا ذرتين هيدروجين وواحده بس كبريت واربعه اكسجين سؤال رقم اربعه بيقول لي جميع صيغ المواد التاليه صحيحه ما عدا مديني اربع اختيارات وبيقول له كل دول صح ما عدا واحده اول حاجه صبغ الازرق المصري اللي هو سي اي س يو اس اي 14 او 10 فطبعا الصيغه دي صح تاني حاجه حمض النيتريك 3 ده برض صح الاوزون اللي هو جزيء الاوزون اللي هو بيتكون من ثلاث ذرات اكسجين ده برده صح انما غاز الميثان سي اتش 4 مش سي اتش 3 فالميثان طبعا هو اللي هيكون الاختيار الصح من وسطهم السؤال اللي بعده سؤال علل بيقول لي يعتبر محلول السكر في الماء من المخاليط المتجانسه لو انا دوبت السكر في الميه مش هعرف افرقه بالعين المجرده فعلشان كده هو مخلوط متجانس فالاجابه النموذجيه لان محلول السكر في الماء لا يمكن تمييز مكوناته يعني ما نعرفش الماده اللي قدامنا دي مكونه من ايه بالعين المجرده سؤال رقم اين بيقول لي ماذا يحدث عند تسخين مركب اكسيد الزئبق الاحمر لو احنا سخنا مركب اكسيد الزئبق الاحمر هينحل الى عنصرين ايه العنصرين اللي هينحل ليهم الزئبق هيكون لوحده والاكسجين هيكون لوحده سؤال رقم اثنين بيقول لي اكتب المصطلح العلمي الداله على كل عباره من العبارات التاليه رقم واحد بيقول لي مركبات المركب المركبات دي يدخل في تركيبها عنصر الكربون بشكل اساسي يبقى دي على طول المركبات العضويه رقم انين بيقول لي مخاليط يمكن تمييزها ما دام المخاليط دي قدرت تميزها بالعين المجرده يبقى دي مخاليط غير متجانسه طيب لو انت ما قدرتش تميزها بالعين المجرده يبقى دي محاليل او مخاليط متجانسه سؤال رقم اين بيقول لي اكمل العبارات التاليه بما يناسبها جزيء الاكسجين او2 من امثله جزيئات نقط طبعا جزيء الاكس الاكسجين ده جزيء عنصر بينما جزيء الميثان سي اتش 4 ده جزيء مركب ومركب عضوي كمان يعني لو انت شاطر هتكتب له مركب عضوي رقم اثنين بيقول لي يعمل فيتامين دي على ضبط مستويات نقط ونقط في الدم طبعا احنا قلنا فيتامين دي بيعمل على ضبط مستويات الكالسيوم والفسفور في الدم وبالمناسبه الكالسيوم الرمز بتاعه سي اي والفسفور الرمز بتاعه بي ادينا برض بنفضل نفضل نكرر في العناصر لحد ما هنحفظهم ان شاء الله. اخر سؤال بيقول الشكل المقابل بيمثل جهاز فولتميتر هوفمان وعايز مني حاجتين. رقم واحد بيقول لي استبدل الرمز اكس وواي بالبيانات المناسبه لهما. اول حاجه الاكس اللي هو بيكون من تحت على اليمين ده بيكون الطرف السالب اللي بنسميه المهبط. انما واي ده مكان خروج غاز الاكسجين. يبقى الاكس ده المهبط والواي اللي هو الو 2 او الاكسجين وبعدين بيقوللي ماذا يحدث للماء المحمض في جهاز فولتميترمان ايه اللي هيحصل لما نحط فيه ميه محمضه اقول له ينحل الماء الى عنصرين غاز الهيدروجين والاكسجين لحد هنا ويكون الجزء الاول من درسنا انتهى خليك مشترك في القناه واتاكد كويس ان انت بتابعنا علشان لما ينزل الجزء الثاني تعرف تشوفه اشوفكم على خير في الجزء اللي جاي والسلام علكم