احسن شرح لمهارات تحليل صورة ثانية باك

السلام عليكم ورحمه الله اليوم كيف ما قلت في الفيديو السابق غنبداو مع اول مهاره من مهاره التعبير والانشاء واللي هي مهاره تحليل الصوره غنحاولوا باش نشرحوها مزيان ونبسطوها سواء تحطت في الجهوي او في امتحان القسم فراه هذ المهاره كتساوي سته د النقط سته د النقط يعني ماخصهاش تضيعها حيتاش غتعاونك بزاف باش تطلع النقطه ديالك انا غنحاول نخلي لك في اخر الفيديو منهجيه يمكن لك تتبع عليها اما حفظها او غير فيها اللي قدرت عليه المهم بلا اطاله نتلاقاو مرا الفاصل الاشهاري تحليل صوره او كيفاش تحلل صوره كاليكاتوريه او فوتوغرافيه اللي كتكون مصوره بالكاميرا او صوره منحوته الى اخره فالسؤال كيعطيك واحد الصوره وكيقوللك كتبلي عليها موضوع انشائي وكيفاش تكتب الانشاء الخاص بالصوره خصك المراحل كيفما في المهارات باربعه خصك مقدمه وعرض وخاتمه وبالنسبه لمهارات تحليل الصوره فرا اسهل حاجه يمكن لك تبدا بها هي المقدمه حتاش في المقدمه كنعطيو فيها واحد التعريف بالصوره كوسيله من وسائل التعبير التعريف بالصوره كيكون بشكل عام مثلا الصوره شكل من اشكال التعبير لها دلالات واحاءات ومن بعد كنذكروا النوع ديالها مثلا كنقولوا وهي عده انواع منها ونذكر نوع الصوره التي امامنا يا اما كتكون فوتوغرافيه او كاليكاتوريه المهم هذاشي كيجي من بعد الملاحظه ديالك وانا غنعطيك مثال في اخر فيديو باش تزيد تفهم اما المرحله الاخيره في المقدمه وهي طرح الاسئله شوف دائما من تحط لك معارض تحليل صوره فهذ البارتي هذه الاسئله كتب فما هي مكوناتها وما احاءاتها ودلالتها فقط هذ الاسئله كتخدم بهم جميع الصور وهنا كتكون كملتي المقدمه ديالك تقريبا فيها شي جوج او ثلاثه الاسطر ودابا نمشيو للعرض واللي حتى هو ساهل الا عرفتي الطريقه الصحيحه باش تخدمه العرض كينقسم الى جوج اقسام هما اللي كيكونوا اجوبه على الاسئله الاشكال اللي عملنا في المقدمه يعني في القسم الاول كتوصف فيه الصوره كيف ما هي بالضبط بالاشياء اللي فيها بالناس اللي فيها كل شي اللي بانلك وصفه اما القسم الثاني فهو قسم الايحاءات والدلالات الاحاءات والدلالات يعني على ماذا تدل هذه الصوره او ماذا تحي لنا هذه الصوره يعني شنو الغرض من هذه الصوره شنو بغاو يوصلوا لنا هنا الاذا كانت عندك القدره باش تركب كتكتب القسم الاول لي هو الوصف مع الدلالات يعني كل وصف كتكتب علاش كيدل هذاشي الا كان بالاستطاعه ديالك ولكن الا شفتي راسك ضعيف شويه في التعبير كتب مرحله بمرحله غير هو في الصوره او في تحليل لي صوره في العرض راه ماكيناش هذا الانشاء صحيح وهذا لا نهائيا الاستاذ كيشوف واش فهمتي يعني انت مطالب منك باش تفهم الصوره وتعبر على شنو كيبانلك فيها ببساطه واخيرا خاتمه كتكتب فيه واحد التركيب كتقدم فيه الراي ديالك في هذ الصوره ودابا هذاشي اللي كتشوفه امامك هو عباره عن ملخص او خطه باش انك تخدم المعراض ديالك يعني خصك يا اما تحفظها ولا فهمها باش تبقى تخدم ودابا نمر نخدموا واحد المثال باش نزيدوا نفهموا هذ الصوره التي امامنا اولا وقبل كل شيء من يعطيك الصوره لاحظ قبل كل شيء مثلا بدا اول حاجه شنو هو النوع د الصوره الصوره التي امامنا مرسومه يعني نوع الصوره هو رسم كانكاتوري ونلاحظ امراه عجوز تحمل فوق ظهرها كيسين كبيرين ثقيلين هما بلونين مختلفين وايضا ايضا نلاحظ على قدميها قيد وتحاول الصعود على مرتفع يظهر صعب تابعه لوحه يعني تابعه واحد اللوحه مكتوب فيها حقوق المراه يعني هنا كتكون عندنا واحد الفكره بان المراه تحاول الصعود رغم الصعوبات الى حقوقها وايضا نلاحظ علامات التعب على وجه المراه اما بالنسبه للخلفيه فهي فارغه لا يوجد فيها اي شيء فمن خلال هذه الملاحظه عن بعد يمكن تكون فهمتي او كونتي واحد الفكره عامه في راسك ويمكن لك تكتب الموضوع الانشائي ديالك استنادا بالخطوات اللي عطيتك انا نزيد نخلي لك هذ الخطاطه حتى هي زيد فهمها مزيان ودابا اجيو نخدموا مع بعضنا هذا الموضوع اولا قلنا في مقدمه كنبداو بالتعريف الصوره شكل من اشكال التعبير لها دلالات وايحاءات وهي عده انواع منها الصوره هنا باش كنذكروا الانواع اللي كاينين كتخلي النوع د الصوره اللي عندك هو الاخير بحال هذا المثال احنا عندنا صوره كاليكاتوريه اذا غنكتبوا وهي عده انواع منها الصوره الفوتوغرافيه واللوحه الفنيه وعادي كنكتبوا النوع اللي عندنا والرسم الكاليكاتوري باش كيجي ذاك الشي متناسق مع الموضوع كتجي وهي عده انواع منها الصوره الفوتوغرافيه واللوحه الفنيه والرسم الكاليكاتوري كالصوره الموجوده امامنا هنا كتاكد له بان الصوره اللي عندنا هي رسم كاليكاتوري اما في مرحله الاسئله قلنا كتخلي الاسئله كما هو مع جميع المواضيع فما هي مكوناتها وما احاءاتها ودلالتها ودابا نمر الى المرحله الثانيه واللي هي العرض اول حاجه كنبداو بها وهي الوصف كنوصفوا مكونات الصور وهذا الجواب عباره عن نموذج فقط الصوره التي امامنا هي صوره كاليكاتوريه وهي بلونين ابيض واسود وهناك امراه كبيره في السن مقيده الرجلين على ظهرها كيسين كبيرين وتصعد بهما مرتفع صعب مسترشده بلوحه اتجاه مكتوب عليها حقوق المراه ونلاحظ ايضا ان خطوات المراه واسعه وعلامات التعب تظهر على وجهها وهكا كتكون كملتي الخطوه رقم واحد في العرض كيبقى لك غير الدلالات او الايحاءات هنا نصيحتي بدا بالصوره عامه يعني شنو كتعني لنا الصوره بشكل عام عاديك بدا في التفاصيل مثلا توحي لنا هذه الصوره الصعوبات التي تواجه المراه العربيه للحصول على حقوقها فالطريق صعب ومرهق والحمل ثقيل جدا اما القيد التي تقيده المراه ترمز الى العادات والتقاليد والصعوبات الاجتماعيه والسياسيه والنفسيه التي تقف حاجزا امامها اما لوحه التوجه فتؤكد بان المراه تعرف طريقها الى الحريه لكنها تواجه صعوبات في الوصول اليها خاتمه نختم الموضوع بالتعبير الشخصي مثلا من وجهه نظري الشخصيه ارى بان المبدع كان موفقا في التعبير عن الصعوبات التي تواجه حريه المراه بواسطه هذا الرسم وهذا ما يؤكد بان الصوره هي وسيله من وسائل التعبير ويمكنها ان تعوض الف كلمه يعني كتحاول توصف له من الوجهه ديالك انت كيفاش جاك المبدع واش كيعرف يوصل الفكره مزيان وكيفاش قدر يوصلها لك كتختمها بان الصوره هي وسيله من وسائل التعبير ويمكنها ان تعوض الف كلمه يعني كتعطيه قيمه الصوره وانا كنقولوا سالينا الفيديو ما تنس تنساش تعطينا رايك في التعاليق حتش رايك كيهمني بزاف ومع السلامه نلتقي مع مه مع مهاره جديده من مهاره التعبير والانشاء