تقسيم حصص الشركاء في المشاريع التقليدية نسب المجهود و رأس المال

بسم الله والحمد لله والصلاه والسلام على رسول الله السلام عليكم ورحمه الله وبركاته واهلا وسهلا بكم في فيديو جديد من خضر بزنس هنتكلم فيه عن تقسيم الحصص ونسبه الشركاء ولكن في المشاريع التقليديه لان احنا عملنا قبل كده من يمكن سنتين او حاجه فيديو عن تقسيم الحصص في الشركات الرياضيه الناشئه وما شاء الله لا قوه الا بالله يعني حقق انتشار كبير جدا هو كان موجود مقاله قبله كمان بحوالي ثلاث سنين فالناس تداولوها ما بينهم وبقت هي دي الطريقه اللي الناس بتقسم بيها الشراكه في الستارت ابس لكن بقى في الشركات العاديه او التقليديه في مقاله كنت عملتها برده من كذا سنه ولكن حلو ان احنا نحولها الى فيديو دلوقتي فيبقى انتشرها اوسع وتبقى الافاده بتاعتها اكبر ان شاء الله الشركات التقليديه بنتكلم عن محل بنتكلم عن تجاره الكترونيه عاديه مصنع شركه سوفت وير شركه استيراد وتصدير ممكن مكتب بتاع تسويق الكتروني يعني الحاجات الخدمات او المنتجات التقليديه نموذج العمل فيها تقليدي خلاص بقينا عارفين ان احنا عشان نعمل ده هنحتاج فلوس نعمل بيها 1 ا 3 اعه وحد يعمل كذا وحد يعمل كذا وخلاص كده انطلقنا فالحاجات اللي هي مكرره نماذج العمل بتاعتها مكرره دي مشاريع تقليديه وهي دي اللي احنا هنشتغل على تقسيم الحصه فيها النهارده ان شاء الله طيب انا في في الشراكه بيبقى عندي حد داخل براس المال او جزء منه ا ممكن يبقى عندي حد داخل بالمجهود ممكن يبقى عندي حد داخل براس المال والمجهود الاثنين مع بعض فهنتكلم الاول عن زمان او الطريقه التقليديه عامله ازاي الطريقه التقليديه عامله ان انا بيبقى عندي فكره المشروع مش فكره يعني مبادره ان انا اعمل المشروع لكن هو معمول كتير قبل كده وابدا ادور على حد يمولني عشان انفذ فكان ان انا بروح لحد اقول له والله بفكر افتح محل كذا كذا يقول لي طب تمام ادخل معاك هنعمل ايه هندخل النص بالنص انا بالمجهود وانت براس المال ده ده بشكل تقليدي كده شائع جدا ولكن طبعا ظهرت مشاكل ان لما ناس بداوا يجربوا يعملوا دوت في مصنع فحد راح وقال انا خبرتي يا جماعه في الملابس بفكر اعمل مصنع ملابس ده هيكلفنا 4 مليون فانا عايز فلوس وقصاد الفلوس دي انا هدي 50% وانا بالمجهود والاداره و والعلاقات انا هاخد 50% طبعا الناس قالوا له انت كده بتقدر مجهودك ان انت كانك بتاخد كان مجهودك قيمته 4 مليون وده غريب جدا يعني صعب قوي ده احنا نجيب مدير من مصنع قائم اصلا نعمل له هيد هانتن كده يعني نخطفه من من الشركه او المصنع اللي هو فيها اللي هو فيه ونديله مثلا في الشهر 40 550000 يبقى مبسوط جدا ويقعد يشتغل ومش محتاجين نطلع 50% من ملكيه الشركه وارباحها لحد ثاني فبالتالي طبعا طريقه التقسيم التقليديه بتاعه 50 50 ما تناسبناش على الاطلاق لان ما ينفعش ان انا اقدر مجهودي بنفس راس المال من غير ما ابقى دارس بقى المجال ايه الكيان ايه حج الحجم اللي احنا هنشتغل بيه ايه وبقيه التفاصيل فدي مش الطريقه المناسبه ان احنا نحسب بيها طبعا حد هيدخل مع حد بالفكره والمجهود والثاني هيدفع الفلوس هيدفع راس المال ناخد الحاله دي هيبقى الوضع هنا في تفصيله شرعيه مهمه جدا ما ينفعش اللي داخل من المجهود ياخد مرتب لان الفقهاء قالوا ان اللي داخل بالمجهود ده هو بيغامر بالمجهود بتاعه قصاد ان صاحب راس المال بيغامر براس المال بتاعه فلو حد منهم سواء ده او ده اخد مبلغ ثابت على الحاجه اللي هو عملها سواء ده اخد فلوس على اللي هو بيعمله او ده اخد فلوس على الفلوس اللي هو دفعها ثابته كده كل شهر من الشركه حرام ما حدش ينفع يضمن الربح بتاعه فالداخل بالمجهود ما ينفعش ان هو ياخد مرتب لان هو خلاص داخل مستني الارباح والثاني ما ينفعش ياخد مبلغ ثابت على فلوسه والا يبقى ربا وده وده طبعا شيء برده محرم فده النظام في الشركات اللي الناس لسه بتبتديها طيب الحل ايه؟ يعني خلاص انا مش هاخد مرتب بس انا في نفس الوقت انا ما عنديش مصدر تاني اعمل ايه؟ الحل الاول ان انا اخد من تحت حساب الارباح بتاعتي بحيث ان انا اشوف انا يكفيني ايه لبيتي ولحياتي عشان المعيشه تستمر فهتفق مع شريكي ان انا هاخد مبلغ كذا من تحت حساب ارباحي بحيث ان انا خلصنا اول سنه وفي ارباح تمام هروح خاصم المبلغ اللي انا اخدته واخد الباقي طيب ما فيش ارباح او طلع ان انا سحبت اكت يبقى ده دين عليا للشركه ابقى اسدده بعد كده برده من ارباح ثانيه او من فلوسي لو انا جاللي فلوس من طريق ثاني دي كده سكه ودي الامان التام للشركاء الاثنين ويبقى انا ماشي شرعي 100% تمام الطريقه الثانيه ان انا اكون اتفقت في الشراكه على مهام معينه هي دي اللي هاخد عليها الحصه بتاعتي يعني مثلا انا صاحب الفكره وانا هدير وانا هوظف في ناس وهعمل وهعمل فخلاص دي الحاجات اللي انا كمدير لو جبنا مدير من بره هيعملها فدي الحاجات اللي ان انا كمدير وصاحب الفكره هاخد حصه مقابلها من الشركه خلاص كده تمام حصه من الملكيه وحصه من الارباح نيجي نقول طيب ما هو احنا محتاجين بقى كمان حد يجي يتعامل مع التجار او حد يجي يفتح لنا اسواق جديده او حد يجي يعمل كذا ا نيجي نقول بقى هنا ايه لو انت بالمجهود هتعمل ده كمان ممكن ده كمان بقى يبقى له عقد مستقل واتفاق مستقل وهو ده اللي تاخد عليه راتب بس ما يكونش الحاجه الاصليه اللي انت متفق عليها ان انت تاخد حصه تاخد راتب عليها لا خلاص انت في حاجات معينه هتاخد عليها حصه ولو فعلا في حاجات اضافيه انت بتعملها والمفروض ان يبقى حد تاني هو اللي يجي يعملها ومش متفقين عليها تبقى هي دي الحاجات اللي هنتفق مع بعض ان انا هاخد مرتب عشان انا قائم باعمال مدير كذا او قائم باعمال الوظيفه الفلانيه في الشركه ده كده ايه الحل التاني الحل الثالث ان انا اصلا لو انا اللي داخل بالمجهود اخش الشركه وانا بالفعل عامل الشركه بتاعتي ماسس المشروع فانا اسست المشروع وبدات اتحرك فيه فانا لازم من الاول يكون عندي شويه راس مال كده اقدر طبعا اعمل بيهم حاجه ومجرد ما بدات ابني الشركه او اتحرك فيها خطوه هي بقت شركه قائمه خلاص المستثمر اللي هيدخل ده مش هيدخل عشان ياسسها معايا من الاول هو داخل على شركه قائمه فخلاص انا في شركه قائمه انا عامل لنفسي اوريدي فلوس مرتب وباخد مرتب من الشركه شركه يبقى هو داخل على وضع قائم على شركه قائمه مش على ترتيب لسه بنعمله من الاول وانا بمجهودي وهو بفلوسه لا هو داخل على شركه هيستثمر فيها فلوس فالموضوع بيبقى هنا مختلف شويه عايزين بقى نقسم الحصص احسن طريقه واسلم طريقه واسهل طريقه واللي الناس ما بتختلفش فيها ان احنا نقول احنا مش هنتشارك لو احنا واحد بمجهود صرف وواحد بفلوس صرف ا مش هنتشارك ولكن راس المال هو اللي هياخد 100% من ملكيه الشركه الشركه والارباح بتاعتها يبقى كاني لغيت خالص المجهود دلوقتي وخليت ان لو واحد او اثنين او ثلاثه دفعوا ا المبلغ بتاع راس المال بقسم بينهم الملكيه بتاعه الشركه وخلاص خلصنا المجهود بقى يعمل ايه؟ المجهود ياخد مرتب وهنا احنا عندنا تفصيلتين عندنا التفصيله الاولانيه ان المجهود هياخد المرتب اللي هو شايفه مناسب وبرده المناسب للسوق واللي الشركه توافق ان هو ان هي تديه له فبقى عندنا هنا مرتب للداخل بالمجهود ممكن يكون من اول يوم مش كبير قوي بس هيزيد مع الوقت وده بيبقى حسب الاتفاق اللي هنتفقه وا مع الوقت كل ما زاد كل ما بقى اشبه بان هو بياخد مكسب لان هو بيزيد مع زياده الشركه وبيزيد بالزياده اللي هي الطبيعيه بتاعه السوق فهيبقى سقفه طبعا اعلى مرتب في السوق يعني عشان ما يبقاش في استهبال في النقطه دي و بالتراضي بالتراضي ما بين الشركاء اللي بيقولوا اه المرتب بتاعك يبقى كذا ما عندناش مانع دي النقطه الاولانيه النقطه الثانيه او التفصيله الثانيه ان ينفع يدفع اللي داخل بالمجهود ده خلاص هو مش مش هنقول داخل بالمجهود هو شغال في الشركه ينفع مدير الشركه او اللي شغال في الشركه وبيقدم مجهود ومش دافع راس مال وخلاص بياخد دلوقتي راتب ينفع ان هو يكون له حصه من الارباح تحت مسمى حافز اجاده بنيجي نقعد بعد ثلاث شهور من الشغل في اول السنه كده فبعد ثلاث شهور من اول السنه وده بيتكرر كل سنه بنقول هو ايه المستهدفات بتاعتنا فبنحط مع بعض كمجلس اداره وان شاء الله هنبقى نعمل فيديو بقى عن مجلس الاداره عشان لغايه دلوقتي ما عملتش ونقول ان المستهدفات بتاعتنا السنه دي نحقق مبيعات كذا وارباح كذا والله تحققت المستهدفات اللي داخلين بالمجهود لهم حافز اجاده من 5 ل 10% من الارباح ياخدوها الاول وبعدين تتوزع الارباح على الشركاء اللي هم ملاك الشركه ده كده ايه سكه او تفصيله برده مهمه لانها بتحل لنا الحقيقه مشاكل بنشوفها في الشركات انه الشريك بالمجهود وبياخد مرتب او مش شريك مجهود بقى حد دخل يعني بالمجهود فبياخد مرتب بس فيحس ان الموضوع برده مش بيجازي معاه فبنقول له انت ليك ان تتفق على حصه اسمها حافز اجاده من الارباح فقط مالكش دعوه بملكيه الشركه في برده تفصيله ثالثه افتكرتها دلوقتي ان ممكن ملاك الشركه او الشركاء يوعدوا الداخل بالمجهود ده اللي هو دلوقتي خلاص له دور تنفيذي في الشركه ان انت لو حققت مستهدفات معينه او الشركه وصلت لحجم معين يبقى الشركه تديلك حصه منها هديه يعني هتهديك بجزء من الحصه بتاعها وده برده ممارسه مشهوره جدا وما فيهاش اي مشكله ان الناس يبقوا بيوعدوا حد او بيدوا حد حصه من الشركه متفق عليها مقابل ان هو بقى مهم جدا للشركه فما ينفعش ان هو يسيبها ويمشي يعني نخلي بالنا التصور بتاعي ان حد ياخد مرتب وخلاص يعني خلاص دي معناها مرتب مش حلو قوي ومش هياخد نسبه من الارباح مقابل الاجاده ومش هياخد وعد بان هو ياخد حصه بعدين او ما فيش فرصه انه ياخد حصه حصه بعدين طب ما الراجل ده هيفضل يبني في الشركه وهو صاحب الفكره غالبا وبعدين يجي وقت يلاقي فرصه ثانيه احسن وهي مش شركته مش بيبني في شركته او يبتدي يبقى معاه مبلغ يقوم مستقل وعامل شركته فالشركاء اللي موجودين دلوقتي عارفين ده فضروري هم يحافظوا عليه عشان كده الجزئين اللي احنا اضفناهم دلوقتي بتاع حافز الاجازه والحصه اللي هيدوها له هديه في المستقبل مش دلوقتي طيب عندنا بقى الطريقه الثانيه اللي برده حد داخل بمجهود وحد بفلوس بس اللي داخل بمجهود قال لا انا عايز حصه في الشركه ممكن مابقاش عايز مرتب بس انا عايز حصه في الشركه وهو ده اللي هنتناقش في المعادله بتاعته عامله ازاي وازاي اقدر احسب له او اقيم له المجهود بتاعه بشكل مناسب لا يكون يعني مسيء او بيقلل من اللي هو بيقدمه ولا يكون بيقلل من راس المال طبعا هنا هقول حاجه الاول قبل بقى ما ادخل في الطريقه عشان دي مهمه جدا دايما لما يبقى عندي شراكه وفيها راس مال وفيها مجهود ناخد بالنا من نقطه نقطه مهمه جدا جدا جدا ان عندي حاجتين لازم حاجه منهم تحصل لازم لان راس المال بيبقى له تفضيل في حاجه يا اما ان احنا نتفق الارباح اللي هتبتدي الشركه تدخلها ما حدش هياخد منها غير راس المال الاول لغايه لما يرجع يعني انا عندي واحد او اثنين او ثلاثه هم اللي دافعين راس المال والشركه بدات تدخل ارباح الارباح مش هتتوزع على المجهود الارباح لو لو المجهود شركه الارباح هتخش على راس المال اللي داخلين براس المال الاول لغايه ما يستردوا راس مالهم كله وبعدين نبقى بنتشارك بقى بعد كده في الارباح عادي جدا وبرده لو الشركه اتباعت يبقى بنتشارك بنفس النسبه بتاعتنا خلاص عادي ده خيار طبعا الخيار ده بيبقى صعب جدا على الناس لان معناه ان الناس اللي داخله بمجهود مش تاخد اصلا ارباح بقى قدامها سنين الله اعلم قد ايه حسب كل مشروع والثاني وظروفه وكده فعندنا خيار ثاني ان الناس ا ما ياخدوش الارباح بتاعتهم في راس مالهم الاول ان عادي نوزع الارباح عادي لما تيجي ولكن في حاله التخارج يعني لو الشريك براس المال حاب يخرج بيسترد راس ماله كامل وبيسترد بعد كده الحصه من الارباح بتاعته ا وحكايه يسترد حص الارباح التفصيل بتاعها في الفيديو اللي انا قلت عليه من شويه بتاع تخرج الشريك او لو الشركه كلها هتتباع نفس القصه هو الاول هياخد راس ماله اللي دفعه وبعدين بعد كده هيتوزع الارباح فهياخد المكسب بتاعه دي بس تفصيله مهمه جدا عشان نحافظ على حقوق الناس شرعا وما يبقاش ضيعناها ندخل على ازاي بنحسب لما يبقى في عندي شريك بالمجهود وشريك بالفلوس ازاي بقدر احسب الحصه بتاعه الشريك بالمجهود ناخد بقى بالنا من الحاجات اللي هقولها في الحته اللي جايه المعادله بتعتمد على اربع حاجات الحاجه الاولانيه هي بحسب المده المتوقعه بتاعه ان الشركه تكون بدات تطلع ارباح لو بتوع راس المال مش هياخدوا ارباحهم في الاول او ان المده المتوقعه لغايه لما اصحاب راسم المال يستردوا راس مالهم بالكامل ويبدا يبقى في ارباح للكل تمام كده ادي المده طلعت بقى شهرين طلعت سنه طلعت مش مهم زي ما تطلع وهزود عليها شهرين كمان فنفترض مثلا انها طلعت سنه يبقى انا هزود عليها شهرين احتياط يبقى كده 14 شهر فانا معايا اول رقم ثاني رقم هيكون مرتب الشخص اللي داخل بالمجهود في السوق شكله ايه وهنا خلي بالنا خلي بالنا من النقطه مش بقول مرتب حد في السوق بنفس الامكانيات بتاعته دي في شركه ضخمه انا بقول في حاجه زينا يعني لو افترضنا شركه زينا كده او مصنع او اي حاجه وحد هيبدا يبقى هو المدير او هو بيعمل نفس المجهود ده الشركه هتتفاع له كام هو ده الرقم اللي احنا بندور عليه فهنعرف الرقم المناسب بتاعه في السوق كام هنا هندخل على الرقم الثالث وهو بدل المخاطره وبدل المخاطره هنا بمعنى انه لو هو راح اشتغل في شركه بالامكانيات اللي عنده دي في شركه كبيره هياخد المرتب ده فايه اللي يخليه يشتغل هنا ومن غير ما ياخد مرتب او بياخد برده مرتب بس هياخد في الحقيقه في الاصل مرتب اقل من المرتب اللي موجود في السوق فبدل المخاطره ده هنعتبر لو هو بياخد هنا مرتب كامل بدل المخاطره ده اسمه 0 لو هو هياخد نص مرتب يبقى بدل المخاطره ده هيبقى 08 لو هو مش هياخد مرتب بدل المخاطره هيبقى 1.3 او 1.3 03 والارقام دي هنشوف دلوقتي هتفرق معانا في ايه الرقم الرابع هو راس المال كام راس المال اللي هيدفع في الشركه الارقام دي بنعمل بيها ايه بنيجي نقول طيب المده اللي انا متوقع الشركه تبدا تحقق ارباح بعدها وزودنا عليها شهرين نفترض 14 مثلا انا هضربها في المرتب بتاع الشخص اللي احنا افترضنا ان هو 20 المرتب بتاعه في السوق يعني وهضرب الاثنين دول كمان في المعامل الاخراني اللي قلنا عليه يبقى لو هو بياخد مرتب بالفعل هنلاقي الرقم قل ليه؟ عشان مضروب في 0.3 لو هو بياخد نص مرتب هنلاقي برده الرقم قل مضروب في 0.8 08 ولو ا مش بياخد مرتب خالص هنلاقي المبلغ او الرقم ده زاد شويه عشان هو اصلا مش بياخد مرتب الرقم اللي نتج ده هنعتبره هو كان ده راس المال البشري كان ده راس المال اللي الشخص دوت دفعه مقابل المجهود بتاعه فده التقييم بتاع المجهود بتاعه نيجي بقى على الخطوه اللي بعدها ونقول تعالى ناخد المبلغ اللي طالع لنا دوت نجمعه على راس المال اللي هيدفع يبقى ده راس المال كله وبعدين نقسم بقى المجهود و بتاع الراجل ده اللي هو التقييم اللي قيمناه لمجهوده على راس المال كله عشان نعرف هو ياخد كام في الم وراس المال هياخد كام في الم وعلى اي حال انا عامل بالفعل مثال محلول في المقاله في الموقع الشخصي بتاعي فهحط الرابط بتاع المقاله بالمثال بتاعها في وصف الفيديو وفي تعليق وهخلي التعليق مثبت بحيث يبقى مرجع تقدر ان انت ترجع تشوف الطريقه بالتفاصيل بتاعتها وهتلاقي معظم الحاجات اللي انا قلتها في الفيديو موجوده ان شاء الله في المقاله ا كده نبقى عرفنا ان ينفع نتفق على ان اللي داخل بالمجهود ما ياخدش حصه بس في المقابل هياخد مرتب كويس وبيزيد مع الوقت زائد انه هياخد حصه اجاده زائد ان هو ممكن يتم منحه من الشركه مستقبلا حصه عشان يحافظوا عليه كتشجيع ان هو يفضل موجود في الشركه او لو هو اختار ان هو ياخد حصه ا في الشركه يبقى في الحاله دي بنحسبها بالطريقه اللي احنا اتكلمنا عليها دلوقتي واللي هحط الرابط بتاعها ان شاء الله بحيث تقدروا تشوفوه كده نبقى وصلنا لنهايه الفيديو ا اللي عنده اي استفسار زي ما انتم عارفين ابعت لي على الواتساب لو الحاجه سريعه ومش محتاجه اجتماع هجاوبك على طول لو محتاجه اجتماع بناخد استشاره و شاركوني في نشر المحتوى انا عارف ان ما شاء الله يعني اكثر استخدام للفيديوهات بتاعتي بتبقى ان الناس بتبعتها لبعض بالذات لو هم داخلين في شراكات مع بعض او لو هم حابين ينبهوا بعض الحاجه بس برده ما يمنعش ان لو لقيت الموضوع مفيد ان انت تنشره على الحساب الشخصي بتاعك في شبكه التواصل الاجتماعي اللي بتستخدمها بحيث ان احنا نساهم في نشر ده وتوصيله لكل الناس. شكرا واشوفكم على خير ان شاء الله.