تصميم كارت بزنس أو شخصي من الهاتف business card design تصميم كرت شخصي بالموبايل فقط

في حلقه من الحلقات عرفنا ازاي نصمم اللوجو ده من الموبايل وازاي كمان نحفظه بالالوان الابيض والاسود عشان نستخدمه بعد كده في التصاميم المختلفه وفي حلقه النهارده ان شاء الله هقول لكم ازاي قدرت اصمم الكارت الشخصي ده من الموبايل بس انا احمد سعد ودي قناه ايزي جرافيك لو انت اول مره تشوفنا ادعمنا بلايك للفيديو واشترك في القناه عشان توصلك كل الفيديوهات اللي جايه يلا بينا على الشرح البرنامج اللي هنستخدمه النهارده هو برنامج اسمه كانفا عملنا حلقه قبل كده شرحنا فيها ايه هو برنامج وهل هو مناسب لاي مبتدئ في عالم الجرافيك ديزاين ولا لا هسيب لكم رابط الحلقه في وصف الفيديو هنحمل البرنامج واول ما هيفتح هيطلب منك التسجيل وفي طرق مختلفه للتسجيل منها الدخول بالايميل او التسجيل بالفيسبوك عن نفسي بفضل يكون التسجيل بالايميل بعد ما سجلت هيفتح معك البرنامج بالشكل ده زي ما انتم شايفين كده في تصاميم كتير جدا هتيجي هنا في خانه البحث وتكتب بيزنس كارد وتعمل سيرش هيطلع لك اشكال كتير جدا في منها المجاني وفي منها المدفوع المدفوع يعني لازم تشتري التصميم او تكون مشترك في النسخه المدفوعه من البرنامج هتختار اي تصميم ما يكونش عليه كلمه مدفوع او كلمه برو وتبدا تعدل عليه التعديل ممكن يكون في نصوص او في الالوان وكمان تقدر تضيف صور من جهازك انا مثلا اخترت التصميم ده وهبدا اعدل عليه هيفتح معك صفحتين بالشكل ده اول صفحه دي هي الجهه الاماميه للكرت والصفحه التانيه هي الجهه الخلفيه هتبدا بقى تمسح العناصر اللي انت مش عايزها من التصميم اي عنصر هتوقف عليه هيظهر لك فوق كده علامه السله هتضغط عليها هيتمسح معك بعد كده هضيف اللوجو بتاعي هضغط على علامه الزائد دي وهضغط على معرض الصور هيفتح الصور اللي على جهازك هتختار صوره اللوجو وتضغط على كلمه اضافه الى الصفحه وتبدا تظبط الابعاد بتاعته بعد كده هبدا اعدل في النصوص هتيجي على اي عنصر وتضغط عليه ضغطتين ورا بعض هيفتح معك لوحه المفاتيح وتقدر تكتب اي حاجه انت عايزها بعد ما تخلص هتلاقي تحت كده كلمه الخط لو ضغطنا هتظهر لنا مجموعه من الخطوط تقدر تختار الخط اللي يعجبك طبعا اي فونت بتختاره بيتطبق فوق على الكلمه لحد ما تلاقي الفونت اللي شكله عاجبك ولو مسكت الكلمه وحركتها يمين او شمال هتتحرك معك لحد ما نزبطها في المكان اللي انت شايفه مناسب هنعمل بقى الحركه اللي عملناها دي في جميع البيانات التانيه بعد كده هنروح على الجهه الخلفيه للكارت هنمسح الحاجات دي وهنضيف اللوجو بتاعنا اللي حفظناه المره اللي فاتت باللون الاسود وتبدا تكبر مقاسه وتظبطه بالشكل ده بعد كده عشان تحفظ الكلام ده كله هتروح على علامه التنزيل دي وتضغط عليها هيبدا يحفظ الكارت اللي انت صممته ده على هيئه صوره بس كده لحد هنا بتخلص حلقه النهارده ان شاء الله الحلقات اللي جايه هيكون في تعديلات اكتر من كده على التصميم اللي معنا فلو عجبك فيديو النهارده ادعمنا بلايك واشترك في القناه عشان توصلك الفيديوهات اللي جايه اشوفكم على خير مره تانيه سلام