الحسابات الكيميائية 1

طلابنا الاعزاء اسعد الله اوقاتكم اينما كنتم اليوم وصلنا للدرس المنتظر اللي لنا درسين بنجهز حتى ندخل على هذا الدرس اللي هو درس الحسابات الكيميائيه شوفوا الدرس هذا بده فن يعني كل ما كنت انت فيها هيك لعيب وفنان كل ما كان الدرس سلس لانه يعني بعتمد بشكل اساسي على اكمل مفهوم انت فهمتهم فش اي سؤال رح يصعب عليك تمام راح نبلش اليوم بالجزء الاول من الدرس ونحكي عن اول انواع الحسابات وهي حساب النسبه المئويه لكتله العنصر لكن في البدايه انا دائما بحب يعني اشبع فضول الطالب اللي بسال انا شو استفيد من الحسابات في الحياه يعني ليش بتعلم الحسابات الكيميائيه شو اهميه هذه الحسابات في الحياه نحكي لهذا الطالب انه الحسابات الكيميائيه مهمه جدا في علم الكيمياء اول اشي من خلال الحسابات انا بقدر احدد عدد مولات المواد المتفاعله والم الناتجه طيب شو بستفيد لما احدد عدد مولات المواد المتفاعله وعدد مولات المواد الناتجه هذا الشيء بخليني اقدر احدد كتله المواد المتفاعله وكتله المواد الناتجه بدقه كمان من خلال الحسابات الكيميائيه بقدر اعرف النسبه لكل عنصر داخل مركب بقدر اعرف نسبه الكربون جوه مثلا سكر الجلوكوز بقدر اعرف نسبه الهيدروجين جوا سكر الجلوكوز وهكذا ايضا بقدر احدد المردود المئوي لناتج تفاعل ما انا بعرف انه في بعض المفاهيم انتم مش فاهمينها لكن في البدايه اعرف لي انه اهميه الحسابات الكيميائيه هاي الاربع نقاط طيب اول نوع من الحسابات اللي حكيت لكم راح نحكي عنه اليوم حسابات النسبه المئويه لكتله العنصر ولكن قبل ما نحكي شو هي النسبه المئويه لكتله العنصر تعال هيك نرجع شوي لوراء وتتذكر لما كنت بالصف السادس جيم عن مس نهله يلا روح على الصف السادس جيم في الصف السادس جيم كان في درس عندك في الرياضيات اسمه النسبه المئويه فالنسبه المئويه في الرياضيات بشكل عام هي نسبه اي عدد الى العدد مئه يعني مثلا لما انا اجي احكي لك 75% يعني هي نسبه العدد 75 الى العدد ميه لما انا اجي احكي لك 25% هي نسبه العدد 25 الى العدد ميه يعني انا بلسب عدد الى العدد 100 فنسبه اي عدد الى العدد 100 بنحكي لها النسبه المئويه هذا الكلام وين في الرياضيات طيب شو بستفيد انا بالنسبه المئويه ممكن استخدمها في كثير استخدامات يعني مثلا شوف معي هذا المثال من واقع الحياه عندي انا جسم الانسان تمام عندي جسم ولد في الصف الرابع وزن هذا الانسان اربعين كيلو وكتله العظم في جوا الجسم ثمانيه كيلو لو سالتك قديش نسبه العظم الموجوده في الجسم يعني انا بدي اعرف نسبه العظم المشكله للجسم هذا البني ادم قديش بالضبط تيجي ببساطه بتحكي لي عشان انا اعرف نسبه العظم بالنسبه للجسم فراح احكي هي عباره عن كتله العظم اللي هو الثمانيه على كتله الجسم كامل اللي هو اربعين طيب ثمانيه على اربعين ضرب ميه بالميه راح تعطيني عشرين في الميه يعني بحكي انه جسم البني ادم هاد عشرين بالميه مكونات وعظم طيب لحظه يا مس نرجع شوي شوي عشان احنا ما بنحفظ احنا بنفهم انت هسه شو عملت قسمت كتله الجزء اللي هو العظم على كتله الكل اللي هو الجسم يعني قسمت كتله الصغير على كتله الكبير عشان تعرف لي كم نسبته فهاي ببساطه النسبه المئويه لاي كتله في الدنيا لكن احنا اليوم بدنا نحكي عن نسبه مئويه لكتله عنصر يعني احنا خاص الكلام في وين في عالم الذرات طيب شو هي النسبه المئويه لكتله العنصر هي نسبه كتله العنصر في المركب الى الكتله الكليه المركب يعني انا عندي مركب كامل بدي اعرف نسبه عنصر فباجي بحكي كتله هذا العنصر على كتله المركب كامل نفس فكره لما احكي كتله العظم على كتله جسم الانسان كامل طيب شو بستفيد انا من النسبه المئويه النسبه المئويه بتساعدني اعرف مستقبلا الصيغه الكيميائيه للمركب ولما انا اعرف صيغه كيميائيه للمركب بستطيع اني اطور من خصائص هذا المركب واحسنها تمام طيب تمام شو هو القانون اللي بحسب فيه النسبه المئويه لكتله العنصر ببساطه النسبه المئويه لكتله العنصر تساوي كتله العنصر اللي هو كتله الاشي الصغير على كتله مركب اللي هو كتله الماده كلها ضرب ميه بالميه لاني بحكي عن نسبه مئويه طبعا كتابك ذاك القانون بالعربي وذاكر القانون بالانجليزي فبالانجليزي بحكي لك يعني نسبه مئويه تساوي حرف ام صغير بعدين كلمه انا بعرف انه حرف الام الصغير دلاله على الكتله ام سمول يعني كتله تمام فاذا هو قصده كتله العنصر اللي عنصر على كمان ام سمول ام يعني كتله كتله المركب ضرب ميه بالميه يعني النسبه المئويه هي كتله العنصر على كتله المركب ضرب 100% طيب تمام الان احنا فهمنا من خلال شرحنا ايش هي النسبه المئويه ايش هي النسبه المئويه لكتله عنصر ولكن الدرس اسمه حسابات كيميائيه يعني انت لازم تحسب تحسب بايدك يا مس حتى لما بتحضر الحصه هاي جيب ورقه وقلم بعدي امسك السؤال اللي انا كتبته على اللوح غطي على الاجابه اللي انا كتبتها وحل انت بايدك هيك انت بتكون فهمت الحسابات الكيميائيه 100% في عنا سؤال بتكرر من الطلاب دائما فاحنا دائما بنجاوب الطالب ايش بخليك لعيب شو اللي يخليك لعيب يعني مرات راح تلاقي السؤال ذاكر لك الكتله بالجرام ومرات رح تلاقي السؤال معطيك الكتل الموليه طيب مش شو اعمل ليش مره بيعطيني بالجرام مره بعطيني بالكتله الموليه بتحكي لك عادي يا مس انت بدك تكون لعيب اعطاني السؤال الكتل بالجرام عادي بطبق هذا القانون وبستخدم كتل السؤال اللي بالغرام اعطاني السؤال كتل الموليه وكتل ذريه بطبق نفس القانون بس باستخدم الكتل الموليه فانا بكون لعيب وبتحرك حسب معطيات السؤال يعني شو ما بعطيني السؤال بهضم هاي المعطيات وبتحرك بناءهن بناء عليها بالقانون تعالوا نشوف المثال الاول المثال بحكي لنا عينه نقيه من كبريتيد الحديد عينه نقيه من كبريتيد الحديد اللي هو الاف اي اس نتخيل مع بعض الاتي انا عندي عينه وهاي العينه بداخلها اف اي اس اللي هو كبريتيد الحديد هذا الاف اي اس تكون من تفاعل سته فاصله اربعه جرام من الحديد يعني انا حطيت سته فاصله اربعه غرام من ايش من الحديد وخلط معاهم كمان ثلاثه فاصله اثنين غرام من ايش من الكبريت فصار عندي بالداخل كبريتيد حديد مرتبطين برابطه تمام بحكي لي احسب النسبه المئويه لكل من الحديد والكبريت في العينه اول شغله بدي اعملها بدي اعرف كتله العينه كامله تتذكر هون احنا في البدايه شو كان معنا كان معنا كتله الكل يعني كان معنا كتله الجسم كامل طيب انا معي الكتل الصغيره كتله الحديد لحاله وكتله الكبريت لحاله لكن ما معي كتله العينه فبدي اعرف كتله العينه كامله باجي بحكي هذا الاف اي اس هو بالاساس مكون من ايش مش مكون من حديد زائد كبريت معناته كتلته بتساوي كتله الحديد زائد كتله الكبريت يعني سته فاصله اربعه زائد ثلاثه فاصله اثنين صح لانه انا عندي اس اي اس مكون من اس اي و اس اذا كتله الاف اي اس هي عباره عن كتله الاف اي زائد كتله الاس اذا مجموعهم كامل رح يطلع عندي تسعه فاصله ثمانيه اجرام هاي شو هي هاي كتله الاف اي اس هاي حرف ام سمول يعني كتله كتله الاف اي اس اذا انا هسه شو عملت طلعت كتله الكل طلعت كتله العينه كامله لكن السؤال ما طلبني كتله العينه السؤال طلبني النسبه المئويه لكل من الحديد والكبريت في العينه فباجي على الحديد بالاول باجي بحكي النسبه المئويه للحديد هاي الاف اي وبحط اشاره نسبه مئويه هاي شو معناها معناها اني بحكي نسبه مئويه للحديد معناها اني بحكي نسبه مئويه للعنصر للحديد يساوي حرف ام سمول شو يعني حرف ام سمول يعني كتله شو يعني حرف ام سمول يعني كتله كمان مره ام سمول يعني كتله فحرف ام سمول يعني انا بحكي كتله كتله مين كتله الحديد اللي هو الاف اي تمام اذا النسبه المئويه للحديد تساوي ام سمول يعني كتله الحديد على ام اف اي اس هو كتله المركب كامل يعني انا اخذت كتله الصغير اللي هو الحديد على كتله المركب كامل كمان مره انا شو عملت بدي اطلع نسبه مئويه للحديد كيف بطلع نسبه مئويه للحديد كتله الحديد شو يعني كتله يعني حرف شو يعني كتله يعني حرف ام سمول فبحكي ام سمول للاف اي يعني للحديد على كتله الاشي كامل اللي هو كبريتيد الحديد العينه كامله اللي هي الاف اي اس طيب كم كتله الحديد او لها سته فاصله اربعه سته فاصله اربعه على كم كتله العينه كامله هيني حسبتها تسعه فاصله ثمانيه تسعه فاصله ثمانيه طيب سته طبعا هون في ضرب ميه بالميه احنا نسيناها هون في ضرب مئه بالمئه هون ضرب ميه بالميه بطلع نسبه مئويه طيب اربعه على هذا اشوف لكم سته فاصله اربعه على تسعه فاصله ثمانيه بتطلع بالاله الحاسبه 6.66 دوري قرب 66 دوري يعني 67 يعني 67 تمام يعني نسبه الحديد في هاي العينه هو 67% نسبه الحديد في هاي العينه هو 67% الان بدي احسب ايش بدي احسب نسبه الكبريت فباجي بحكي نسبه الكبريت تساوي بنفس الطريقه يعني كتله الكبريت على ام المركب كامل اللي هو الاف اي اس طيب كم كتله الكبريت طبعا ضرب 100% ضرب ميه بالميه كم كتله الكبريت هيها 3.2 3.2 على كم كتله المركب كامل تسعه فاصله ثمانيه ضرب ميه بالميه وتساوي 3.2 على تسعه فاصله ثمانيه بطلع الجواب 33 بايش بالميه 33% يعني كتله الكبريت هي 33% طيب بدي اتاكد اذا حلي صح او لا انا بعرف انه المركب كامل هو ميه بالميه يعني لو جمعت النسبه هاي والنسبه هاي لازم يعطوني ميه بالميه لانه مركبه ما في الا حديد وكبريت فتعال نجرب اجمع 67% بسم الله الرحمن الرحيم طب تعال تعال مش مشكله على كل الاحوال كل ما انا خفت في حد فوق تحت هيك ما في عنا تجارب هاي احسن رسمه اقسم بالله معلم في رسم البشرة أنا الحديد شو الفرق بين كبريتيد الحديد وكبريتات الحديد وكبرتات الحديد اعطيهم الاستاذ حسن طيب خليها عندك احمد حسن والله احمد طيب وين وصلنا احنا وصلنا عند نتاكد من الحل حكينا لما بدي اتاكد من الحل بجمع نسبه الحديد زائد نسبه الكبريت بجمع نسبه الحديد زائد نسبه الكبريت لازم يعطيني ميه بالميه لانه عينتي ما فيها شغلتين ما فيها الا حديد وكبريت فلما اجمع السبعه وستين بالميه على 33% راح يطلع الجواب ميه بالميه تمام الان في طالب مرات بحكي لي مس انا بامكاني ما اكتب قانون حساب نسبه كبريت بحكي له ليش بحكي لي بس ما انت طلعتي نسبه الحديد 67% ومركبه ما في غير حديد وكبريت فبطرح المئه بالمئه من ال67% بعرف نسبه الكبريت بصراحه انا ما بقدر احكي له اشي وبحكي له عاش يا بطل لكن في بعض الطلاب بتحب تطبق على القانون هاي ببساطه هي فكره النسبه المئويه لكتله العنصر عن قانون طار اللي هي انه انا لما بدي احسب النسبه المئويه لكتله العنصر هي بتساوي كتله العنصر على كتله المركب ضرب ميه بالميه خلونا الان نمسح اللوح ونعطيكم امثله كثيره على حساب النسبه المئويه لكتله العنصر عشان نطلع من درس اليوم القانون في راسنا وعارفين نحل اي سؤال بده يجينا على النسبه المئويه لكتله العنصر طيب الان بدنا ننتقل لحل مجموعه من الامثله على الفكره اللي اخذناها اللي فكره حساب النسبه المئويه لكتله العناصر تعالوا نشوف الامثله المكتوبه على اللوح ونتناقش فيها ونشوف كيف احنا بدنا نتمكن من هاي الفكره وباذن الله عز وجل نطلع من هذا الدرس عارفين نحل اي نسبه مئويه لاي عنصر فالسؤال الاول بحكي لي احسب نسبه مئويه لكل من لكل من الكربون ولكل من الهيدروجين تمام في جزيء الجلوكوز الذي صيغته معطيني الكتله الموليه للكلوكوز كامل 180 جرام لكل مول ومعطيني الكتل الذريه لكل عنصر على حده طيب ببلش طلبني احسب نسبه مئويه لكل من الكربون ببلش بالكربون نسبه المئويه للكربون تساوي حسب القانون ام سمول يعني كتله الكربون على يعني كتله المركب كامل اللي هو c6h12 او 6 تمام ضرب ميه بالميه صف الموضوع بسيط هات لي كتله الكربون وهات لي كتله المركب اضربهم ميه بالميه بعرف لك نسبه الكربون طيب كم كتله الكربون 12 لكن انا كم كربونه عندي في المركب عندي سته فراح اضرب ال 12 بسته لانه انا عندي ست كربونات وانا بحكي عن كتله الكربون كامل على كم كتله المركب هيها 180 اذا هاي ميه ضرب 100% طيب 12 سته 72 على 180 ضرب 100% اقسمها على الاله الحاسبه اقسمها على ايدك بطلع الجواب معك 40 % يعني نسبه الكربون في هذا المركب هي 40% طيب بالفرع الثاني او نفس السؤال طالبني كمان احسب النسبه المئويه لمين للهيدروجين طيب ببساطه تعال هاي الهيدروجين الهيدروجين بدي احسب النسبه المئويه لمين للهيدروجين النسبه المئويه الهيدروجين بتساوي حرف ام سمول يعني كتله الهيدروجين على كتله المركب كامل اللي هو c6h12 او 6 ضرب 100% كم كتله الهيدروجين هيها في السؤال معطيني اياها واحد كتله الهيدروجين واحد طيب كم ذره هيدروجين انا عندي في المركب عندي 12 ذره هيدروجين فراح اضرب الواحد على كتله المركب كامله هي نفسها اللي هي 180 على 180 ضرب 100% وتساوي 12 على 180 ضرب ميه بالميه بتطلع معك 6.67 بالمئه تمام فاذا هاي هي نسبه الهيدروجين ونسبه الكربون بدي احكي لك شغله اناقش انا واياك فيها عن طالب بسالني بحكي لي مس لو جمعت الاربعين بالمئه على سته فاصله سبعه وستين بالميه بطلعوا 46.67% يعني ما بطلعوا ميه بالميه وانت حكيتي لي لازم يطلع المجموع كله ميه بالميه بحكي لك مزبوط لكن هذا المركبه مش متكون من شو متكون من كربون ومن هيدروجين ومن الاكسجين انت في السؤال بس طلب منك تحسب نسبه الكربون نسبه الهيدروجين لو طلب منك كمان تحسب نسبه الاكسجين اه مزبوط اذا جمعت نسبه الكربون ونسبه الهيدروجين ونسبه الاكسجين رح يطلع الجواب ميه بالميه طيب هاي خلصنا المثال الاول تعالوا نشوف المثال اللي بعده هاي بدنا نحط عنده هون سؤال اثنين تعالوا نشوف السؤال الثالث بحكي لي احسب نسبه كل من الكربون والهيدروجين في عينه كتلتها 8.8 جرام هاي المره اعطاني الكتله بايش بالغرام وانا شو حكيت لك خليك لعيب عادي ما بفرق اعطاني اياها بالجرام ولا اعطاني اياها كتل الموليه ما بفرق معي الحلبه طبق القانون طيب اذا كتله العينه كلها 8.8 جرام بحكي لي فيها اثنين فاصله اربعه جرام كربون وسته فاصله اربعه جرام اكسجين يعني لما بدك تتخيلها انت عندك عينه بهذا الشكل تمام مكون فيها كربون ومكون فيها اكسجين الكربون الموجود فيها فيه اثنين فاصله اربعه جرام والاكسجين الموجود فيها سته فاصله اربعه جرام والمره هاي هم مغششت معطيك كتله العينه كامله ثمانيه فاصله ثمانيه جرام طيب طالبني مره نسبه الكربون ومره نسبه الاكسجين عفوا ومره نسبه الاكسجين طيب نبلش نسبه الكربون تساوي حرف ام سمول يعني كتله الكربون على كتله المركب كامل مع المركب ما بعرف شو هو فراح اكتب اسمكم بعد هلا بس ليش انا كتبت شو هي الصيغه الجزيئيه تبعت المركب هو ما اعطاني اياها في السؤال ضرب 100% وتساوي كم كتله الكربون اثنين فاصله اربعه على كم كتله المركب كامل ثمانيه فاصله ثمانيه ضرب 100% اقسم على الاله الحاسبه 2.4 على ثمانيه فاصله ثمانيه بطلع معك الجواب 27 % بطلع معك الجواب 27% اذا نسبه الكربون في هذا المركب هي 27% طيب بالفرع اللي بعده كمان طلبني ايش طلبني نسبه الاكسجين بعدي بحكي نسبه الاكسجين تساوي حرف ام سمول يعني كتله الاكسجين على كتله المركب كامل انا ما بعرف اصبر المركب فراح اكتبكم باوند لو بعرف صيغته الجزيئيه بكتبها عادي طيب تمام هيني كتبت ضرب ميه بالميه كم كتله الاكسجين اياها سته فاصله اربعه على كم كتله المركب كامل هيو معطيني اياها ثمانيه فاصله ثمانيه ضرب ميه بالميه طيب سته فاصله اربعه على ثمانيه فاصله ثمانيه بطلع الجواب 73% بطلع الجواب 73% الان هو بحكي لك هاي العينه مكونه بس من كربون واكسجين يعني ما فيها مكونات اخرى هي متكونه فقط من الكربون ومن الاكسجين لو جمعت نسبتين هذول لو جمعت ال 27% والثلاثه وسبعين بالمئه راح يطلع معي الناتج 100% ليش لانه المكونات فقط كربون واكسجين لكن في السؤال اللي قبل لما بجمع الكربون والهيدروجين ما بطلع معي الناتج ميه بالميه لانه العين المتكونه من كربون وهيدروجين واكسجين وانا بس حسبت للكربون ولا الهيدروجين طيب شوف الفرع اللي بعدها اللي هو المثال رقم اربعه في المثال الرابع بحكي لك احسب نسبه كل من الكربون والاكسجين في عين نقيه كتلتها الموليه اذا هو شو معطيني هاي المره معطيني الكتله الموليه وانا شو حكيت لك خليك لعيب عادي اعطاني كتله بالجرام بطبق القانون اعطاني كتله موليه واطبق القانون عادي ما بخاف ما بفرق الحل طيب طلبني اول اشي نسبه الكربون تعالوا نطلع نسبه الكربون نسبه الكربون تساوي حرف ام صغير يعني كتله الكربون على حرف ام صغير اللي هي كتله المركب معطيني عينه المركب لا هو مش معطيني الصيغه الجزيئيه فلا راح اكتب كومباوند لانه ما اعطاني شو صيغتها فانا مش عارف شو صيغه المركب طيب ضرب ميه بالميه وتساوي كم كتله الكربون اه ولا هو معطيني كتله الكربون 12 هيه الكتله الجزيئيه للكربون معطيني اياها كم 12 طيب هو معطيني الصيغه للمركب مش معطيني صيغه للمركب فراح افترض انه انا عندي ذره كربون وحده على كم الكتله الموليه للمركب هي 44 ضرب 100% 12 على اربعه واربعين ضربين ضرب ميه بالميه خلينا نشوف لكم اياها بس 12 تقسيم اربعه واربعين بطلع ضرب ميه بالميه بطلع الجواب % اذا نسبه الكربون هي 27% طيب بالفرع الثاني طالب نسبه الاكسجين باجي بحكي له نسبه الاكسجين تساوي حرف ام سمول يعني كتله الاكسجين على كتله المركب كامل كتبت كلمه كومباوند كمان مره لاني ما بعرف الصيغه الجزيئيه للمركب ضرب ميه بالميه وتساوي كم كتله الاكسجين اه والله هيو معطيني اياها 16 راح افترض انه انا عندي ذره اكسجين وحده 16 على اربعه واربعين ضرب تساوي خلينا نشوف لكم اياها 16 تقسيم 44 ضرب 100% بطلع 36 سنه 16 تقسيم اربعه واربعين بطلع 36% تمام طيب تمام الان نيجي لسؤال لتحقق نيجي لاسئله ان اتحقق بيحكي لي احسب النسبه المئويه بالكتله لعنصر الهيدروجين في مركب كتلته 44 غرام ويحتوي 0.8 يعني ثمانيه بالعشره منه يعني ثمانيه بالعشره هي ايش هي الهيدروجين هي كتله الهيدروجين باجي بحكي ببساطه نسبه الهيدروجين تساوي كتله الهيدروجين تمام على كتله المركب انا ما بعرف شو اسمه المركب فراح اكتب ضرب 100% كم كتله الهيدروجين اه والله معطيني اياها ثمانيه بالعشره كم كتله المركب كامل معطيني كتله المركب كامل مش شايفه انا مع الضوء اربعه فاصله اربعه جرام ضرب ميه بالميه طيب ثمانيه بالعشره واربعه فاصله اربعه جرام اتوقع اني انا حسبتها بس اطول لكم حساباتها على السريع اوكي حسبتها بتطلع معنا 18 % طيب شوف الفرع اللي بعده بحكي لك احسب النسبه المئويه لعنصر الاوتو في الجزيء يعني اطلع الفرع الثالث من هذا السؤال بحكي لك بده هسه شو بده الاكسجين فبساطه باجي بحكي له نسبه الاكسجين تساوي كتله الاكسجين على كتله اللي هو c6h12 او 6 ضرب بالمئه كم كتله الاكسجين كتله الاكسجين 16 اعطاني اياها بالفرع اللي فوق هيها 16 كتله الاكسجين 16 كم عدد ذرات الاكسجين سته صح على كتله المركب كامل 180 غرام ولا نعرف الفرع اللي فوق لانه نفس السؤال يعني سؤال اتحقق تابع للمثال رقم اثنان طيب وتساوي ضرب مئه بالمئه طيب اضرب 16 بسته على 180 ضرب 100% بطلع معك الجواب 53 ولو بدك تحقق من حلك لو جمعت الاربعين بالميه والخمسين بالميه والسته.67% راح يعطيك الجواب ميه بالميه تمام طيب في طالب سالب ممكن يحل سؤال اتحقق بطريقه ثانيه ممكن طالما معاه نسب هاي يجمعهم ويطرح ميه بالميه من جمع هذول النسبتين بتطلع معها هاي النسبه برضو كمان نحكي له جوابك صحيح ميه بالميه هيك ان شاء الله بنكون خلصنا اول فكره في الدرس اللي هي حساب النسبه المئويه بالكتله لاي عنصر ان شاء الله نلقاكم في الجزء الثاني حتى نحكي عن كيف بنطلع الصيغه الجزيئيه والصيغه الاوليه دمتم في امان الله