موازنة المعادلات الكيميائية ج 2 تفاعل الاحتراق كيمياء الصف العاشر محمد كلوب

بسم الله والصلاه والسلام على رسول الله لا علم لنا الا ما علمتنا انك انت السميع العليم والصلاه والسلام على معلم الناس الخير محمد طلاب وطالبات الصف العاشر افخم طلاب في العالم رجعنا لكم اليوم رجعنا لكم اليوم في حصه جديده حتى نكمل مع بعضنا شرح مادتنا ماده الكيمياء في الحصه السابقه وصلنا احنا واياكم الى موازنه المعادلات او التفاعلات الكيميائيه واتفقنا بانه عشان نقدر نوازن اي معادله لازم نحقق قانون حفظ الكتله او اللي هو مبدا حفظ الكتله واللي بنص على ايش؟ بانه الماده لا تفنى ولا تستحدث من العدم يعني باختصار لازم يكون عندي نوع واعداد الذرات في المتفاعلات هو نفس نوع واعداد الذرات في النوع نواتج اذا كان بنطبق هذا الكلام فبتكون المعادله الكيميائيه اللي عندي موزونه ممتاز جدا وبعد هيك بدانا نحن واياكم في حل الامثله ووصلنا نحن واياكم لعند هذا المثال اللي هو السي2 اتش 6 زائد الو2 هسا اليوم ان شاء الله تعالى رح نتعلم ونكمل في هي الموازنات ولكن اسمعوا مني كثير منيح حكينا هذا الكلام في الحصه الماضيه واليوم ان شاء الله تعالى انا قاعد برجع بعيده يا حبايبي الله يرضى عنكم موازنتنا اسمها موازنه بطريقه المحاوله والخطا اللي هي ايش؟ ترايل اند ايرور طيب ممتاز شو يعني هذا الكلام؟ يعني الطبيعي جدا انك تكتب ارقام تغلط فيها ترد ترجع تمسح وتعدل والى اخره والاضافه الى شغله جدا مهمه لانه ما بتتخيلوا قديش بيوصلني اسئله عن الموضوع بانه يا جماعه الخير مش كل المعادلات بقدر اوازنها بهي الطريقه ان شاء الله تعالى بالتوجيه السنه الثانيه في ماده الكيمياء على خير وهدات بار نعلمكم راح اعطيكم الموازنه في وسط حمض والموازنه في وسط قاعده اللي هي بطريقه نصف التفاعل هي بتقدروا توازنوا فيها اي معادله ولكن انا ان شاء الله تعالى واعوذ بالله من كلمه انا ان شاء الله مجهز لكم طريقه تسهل عليكم موضوع الموازنه وحكينا بانه مثلا واحده من المشاكل اللي بتلاقينا ونحن قاعدين بنوازن اللي هي باني انا الاقي عندي رقم زوجي ورقم فردي يعني بالمتفاعلات رقم زوجي وبالنواتج رقم فردي او العكس طيب بهي الحاله شو باجي بحكي باجي بتفرج زي ما اتفقنا الحصه الماضيه بانه هل الرقم الزوجي والفردي هذول يعني هل مثلا عندي ذره اكس مثلا بالمتفاعلات او بالنواتج هي الذره بالمتفاعلات ململمات مع بعض يعني موجودات بمركب واحد هل بالنواتج موجودات بمركب واحد اذا كانوا موجودات على الجهتين بالمركب واحد بمركب واحد على طول اعمل ضرب تبادلي وخلصنا ووازنت معادله تك انت بينما اذا كانوا مش ململمات مع بعض شو الحل؟ اننا نضرب بكسر اه فبالتالي حلينا نن واياكم اول مثال تبع البي بي ان 3 وشفنا بانه اضطرينا نضربه بكسر وبعد هيك جينا ضربنا كل المعادله بمقام الكسر عشان اضبطها فبالتالي نحن رح نكمل مع بعضنا هذا الكلام ان شاء الله تعالى في حصه اليوم وبعدها مجهز لكم كمان برضه مجموعه امثله زياده غير عن الزياده اصلا اللي نحن معطينكم اياها ان شاء ان شاء الله تعالى حتى تستزيدوا وان شاء الله تطلعوا باعلى درجات التمكن والفهم زي ما تعودتوا مع الاستاذ محمد كلوب باذن المولى عز وجل نقول يا رب وبسم الله الرحمن الرحيم المعادله اللي عننا عباره عن تفاعل سي2 سي2 اتش6 زائد O2 بتعطيني CO2 زائد H2O طبعا هي المعادله للعلم بس حابب اذكركم هي المعادله اللي كانت موجوده مثال بالكتاب ولكن حكيت لكم بيضبط اننا نبلش فيها بالبدايه فخلينا نشوف كيف راح نوازنها الان يلا بسم الله ببلش ذره ذره كم ذره سي عندي بالمتفاعلات اثنتين هي حكى لي سي2 طب بالنواتج واحده فشو الحل باجي بضرب هون ضرب اثنين صارت ذرات الكربون شو مالها موزونه طيب نيجي على الاتشات اه عندي بالمتفاعلات سته وبالنواتج اثنتين فاذا شو الحل باجي بضرب ضرب ثلاث ليش لانه بكل بساطه هون سته وهون كانوا اثنتين اضربها بثلاث صفوا ست اتشات هون ست اتشات هون نيجي هسه على الاكسجين ام المشاكل بالموازنه نشوف بالمتفاعلات كم او عينك شايفه اثنتين هيهم اثنتين او طيب ممتاز نروح على النواتج يا غالي يلي شغلت لي بالي عندي هنا اوتين مضروبه بره باثنين فصفوا كم وحده اربعه يا سلام سلم زائد طيب 3 ضرب يعني زائد 3 شو تساوي ساوي سبع ذرات اكسجين لاحظ هون عندي اثنتين وبالنواتج سبعه طيب باجي بفكر بقول زوجي فردي شو الحل يلا اضرب تبادلي لا طبعا ليش لانه هل الاوجودات مع بعض ولا بعاد عن بعض لا والله بعاد فاذا بعاد عن بعض ما بقدر اعمل ضرب تبادلي فاذا شو الحل باجي بفكر تفكير بمنتهى البساطه والله يا جماعه الخير لا تصعبوا الموضوع على حالكم بسال حالي سؤال كالاتي هيك هيك شوف هي 2 ضرب قديش يساوي سبعه اوعى تحكي لي لا يجوز ما فيش وكذا لا يا حبيبي انت طالب صف عاشر ن مش صف رابع واو ركز معي ال الرقم اللي بضربه باثنين عشان يعطيني السبعه هو 2 × 3.5 صح ولا لا؟ 2 × 3.5 يساوي 7 اه والله صحيح طيب باجي بسال حالي سؤال ثاني مش ال هي نفسها تساوي 7 على 2 اه والله فاذا شو الحل باجي انا عشان ها تصير الاوين تصير زي النواتج سبعه باجي بضربها ضرب 7 على ا طيب ممتاز هيك صارت معادلتي موزونه و 100% وتاكد اذا بتحب طيب تمام هسه بعد ما صارت معادلتي موز زونه انا هسه بدي اشيل الكسر اتفقنا كيف بشيل الكسر باجي بضرب كل المعادله ضرب المقام اللي هو قديش المقام اثنين فباجي بضربها ضرب اثنين شو بصير عندي يلا بتصير 2 سي2 اتش 6 بس حابب انبه لشغله صغيره بالله عليكم انتبهوا معي بس لهي ركز ركز اخوي اختي ركزوا معي هسه لو اجى طالب اوعى طالب يجي يخربط هالخربطه لما يجي يضرب باثنين يضرب باثنين جوا كيف يعني؟ يعني هي سي2 روح سوي لي اياها سي4 هي ست اتشات سويلي اياها اتش 12 بتعرف انت هيك غيرت المركب الكيميائي كاملا اللي عندي؟ اه والله السنه الجايه بالصف الحادي عشر ان شاء الله رح اعطيكم اياها بالكيميا العضويه بانه هذا المركب اسمه غاز الايثان ماده ايش اسمها مركب؟ غاز الايثان بينما هذا اسمه عباره عن غاز البيوتان فانت غيرت لي المركب كاملا فاحنا اتفقنا بانه شو اللي بعمله بس بكل بساطه اذا هذا الكلام غلط بس ببدايه المركب باجي بحط رقم اثنين طيب ممتاز زائد 7/2 ضرب 2 راحت الاثنين فشو صفى عندي زائد 7O2 الناتج عندي هون اصلا اثنين انضربت باثنين صارت 4CO2 زائد 3 مضروبه باثنين 6H2O وهيك صارت معادلتك موزونه وما فيها كسر وامورك طيبه وبمنتهى السلا والبساطه طيب نشوف كيف يلا نتاكد كم سي بالمتفاعلات 2 سي2 هي اربعه وهون اربعه ممتاز جدا نيجي على الاتشات هون سته مضروبه باثنين 12 طيب هون اثنين مضروبه بسته برضه 12 والله ممتاز عندي الو يلا 7 با 2 14 هيها بالمتفاعلات طيب روح لي على النواتج 4 × 2 8 + 6 × 1 6 8 وست 6 14 اذا كل معادلتي موزونه ويخلف عليكم كثر الله خيركم استحلفك بالله استحلفك بالله وقفوا لي الفيديو وقف وقف وقف حلوا لي هي المعادله وبعدين ارجع شيك على حلك شوفوا كيف زي المعادله اللي قبلها طيب يلا انا بركن عليكم خلينا نشوف المعادله اللي بعدها يلا نبلش سي سبعه طيب وهون واحده اضرب ضرب سبعه ممتاز نيجي على الاتشات هون 14 وهون اثنتين اضرب ضرب س عشان تصير 14 طيب هسه الاو عندي هون اوتين طب روح لي على النواتج 7 با 2 14 هي 14 زائد 7 بوا 7 طب 14 7 شو يساوي 21 انا هون عندي 2 وهون عندي 21 فباجي بسال حالي نفس السؤال سالناه قبل شوي 2 ضرب قديش ها اثنين ضرب قديش 21 اها 2 × قديش = 21 طيب مش ال 21 هي عباره عن 2 × 10.5 اه والله 10.5 ض 2 بتعطيني 21 طب بسال حالي سؤال مش ال 21 او ال 10.5 عفوا هي نفسها يعني ال 10.5 نص هي نفسها 21/2 اه والله صحيح فباجي باخذ هي ال 21/2 وبضرب فيها هون هي 21 تق 2 هيك صارت معادلتك موزونه 1000% هيك صارت معادلتنا شو مالها موزونه خلص طيب ولكن ما بدي كسر يظل عندي بالمعادله فما الحل؟ الحل باجي بضرب كل المعادله بمقام الكسر هي هون ضرب اثنين طيب يلا زي ما اتفقنا باجي بحكي 2 سي 7 اتش 14 بخليكم زي ما هو بحط اثنين قبلها زائد 21/2 × 2 شيل الاثنينات صفت 21 ليش ماني بطلت اعرف اكتب انا مين طفى الضوء 21 او2 طيب الناتج يلا 7 با 2 14 CO2 2 7 با 2 برضه 14 ايش؟ اي اي بسم الله الرحمن الرحيم زائد 14 ايش H2O ممتاز هيك صارت معادلتنا موزونه بنسبه 1000% نتاكد كيف يلا 2 ب 7 طيب وهي هون 14 بوا هي 14 نيجي على الاتشات 2 × 14 28 طيب هون 14 × 2 28 نيجي على الو يلا 21 × 2 42 طيب نروح هناك 14 با 2 + 14 × 1 14 اجمع لي هذول رح يعطوك 42 فبالتالي هيك معادلتي برضه صارت موزونه 100% ان شاء الله تعالى وصلت يا جماعه ان شاء الله تعالى انه تكون اموركم تمام والوضع 100% نيجي هسه على المعادله هي وهي من المعادلات خلينا نحكي اللي خلينا نحكي الجامده شوي فبدنا ننتبه لانه برضه فيها فكره وهي الفكره جميله جدا ركزوا معي بالله لو جينا بلشنا بالمعادله عادي بكل بساطه زي ما تعودنا كم اف في هون اثنتين طيب وهون واحده اضرب ضرب اثنين خلص زبطت نيجي على على الو يلا هون ثلاثه وهون واحده هي اربعه طب وهون كم او اثنتين فبدي اضرب ضرب اثنين ضبطت مين الوين خرب السي ليش لانه هون عندي سيين وهون سي واحده فبدي اضرب هون ضرب اثنين ضبطت السي ولكن ركز خربت الو كيف لانه هون ثلاثه وهون صارت مضروبه باثنين صفوا خمسه او وهناك 4 او طيب شو الحل؟ الحل بكل بساطه يا صديقي العزيز بانه انا هون لقيت مشكله شو هي المشكله؟ باني كل ما اجي ازبط السي بتخرب الو طب زبط الو بتخرب السي فبالتالي مش زابطه معي ولا باي شكل من الاشكال هي المعادله اني اقدر اوازنها بدي اكون تفكيري شويه عميق يعني بدي افكر بس اعطيني هيك لمحه تفكير يا صديقي طيب شو بدي اعمل بهي الحاله ركز معي انت هون لما جيت وازنت وما زبطت معك خربت الدنيا كل ما تزبط واحده بتخرب الثانيه كن تستخدم ارقام زوجيه كيف يعني ارقام زوجيه يعني هون استخدمت اثنين هسا الاف اي سيبك منها لانها لحالها خلص صدقني ما بتفرق معك ولا بشيء هون هون الاف اي خلص سيبك منها قلنا نيجي هون انا هون استخدمت رقم اثنين وهون استخدمت رقم اثنين اذا بنلاحظ اثنين رقم زوجي يعني انا هون استخدمت اثنين وهون اثنين رقم زوجي اذا استخدمت رقم زوجي قاعد بتخرب معي المعادله طيب ما هي موازنتي اصلا اسمها المحاوله والخطا ترايل اند ايرور فب بالتالي بدي احاول استخدم ارقام تضبط لي المعادله. طيب لو جيت انا فكرت بقول طب 2 طيب لو جيت جربت مثلا رقم ثاني 4 4 هون يا حبيبي انت خربت الدنيا ليش؟ لانه استاذي بكل بساطه ما هو الاثنين زيها زي الاربعه لانه رقم زوجي رقم زوجي فاذا مش زابط معك رقم زوجي على طول شو بتحاول يا عيني عليك رقم فردي طيب شو اول رقم فردي بعد الاثنين الثلاث طيب تعال جرب يلا ها شوف بدي اجرب بدي اجرب بدل اثنين احط هون ثلاث وهون ثلاث واشوف صارت موزونه ولا لا هون اف اي اثنتين هون اثنتين طيب الو هون ثلاث وهون ثلاثه مضروبه بواحد 3ث هي سته طيب وهناك 3 × 2 اي والله سته والله صارت زابطه الو طيب نيجي على السي 3 سي 3 سي معادلتي صارت موزونه 100% فبالتالي هون اضطريت بس شو اني افكر بحيث اني ايش اقدر احل هي المعادله اتمنى ان شاء الله تعالى تكون اموركم تمام والفكره وصلت 100% اللي حابب ياخذ سكرين للحل ياخذ يلا اوكي ممتاز جدا هسه طلاب الغاليين اللي وصلتهم الدوسيه اللي نحن اصلا عاملين لهم عليها عرض بتطلع مجانا مع البطاقه شوف لك اي مكان فاضي على الدوسيه واللي ما عنده دوسيه وشغال على دفتر اكتب لي هذول المعادلات على الدفتر خلينا نشتغل عليهم ونوا نوازنهم مع بعضنا ان شاء الله يلا برضه هي زياده تمارين على ايش؟ على الموازنه هسه ممكن تلاقي منهم اسهل من اللي قبل عادي ما هي اسمها موازنه محاوله وخطا فبالتالي نحن بدنا نحاول نزيد نتمرس بس نتعلم نفكر اكثر باجي هون كم ان اي عندي هون واحده طيب وهناك اثنتين فباجي بضرب ضرب اثنين طيب الو هون كم عندي اثنتين وهناك واحده اه طيب شو الحل؟ بدي اضرب كل المعادله ضرب 2 هيك شو صفت عندي 2 بوا اثنين اذا الاو زبطت بس مين خرب يا عيني عليكم اللي خرب عندي بكل بساطه هو مين اللي خرب عندي هو ال ان اي طيب كيف تعال خلينا نشوف بس خلينا نضبط المساحه اوك هيك كويس طيب ماشي فبدل ما هي كانت اثنين شو لازم احط هون اربعه هيك شو صارت معادلتي موزونه 100% نشيك هي 4 ان اي هي اثنين باثار نيجي هون عندي او2 وهون اثنين بواحد هي اثنين صفت معادلتي موزونه 100% نيجي هسه نن واياكم على موضوع المعادله اللي بعدها يلا باجي هون ببلش حبه حبه كم الاي عندي هون واحده طيب وهون واحده طيب ممتاز نيجي على الاتشات هون كم اتش عندي؟ اثنتين وهناك 1 + 2 اه هي ثلاث طيب شو الحل؟ بكل بساطه الحل باني بدي اضبطها كيف هسا ممكن طالب يجي يفكر يقول خلص ضرب تبادلي طيب كيف يعني ضرب تبادلي هل الاتشات اللي عندي موزونات او يعني موجودات مع بعضهم لملمات؟ طبعا لا طيب اذا كان عندي زوجي وفردي ومش ململمات مع بعض اتفقنا شو الحل؟ فكر كر بالكسر يا عيني عليك طيب شو هو الكسر يا استاذ اللي بدي اضرب فيه؟ انا بدي اقول لك انا هون كان عندي اتشين وهون ثلاث عشان اسوي الثلاث اثنين بدي اسحب اتش طيب كيف بدي اسحب اتش؟ اضرب بنص اه والله لما اقول لك عندي دينارين شيل لي نصهن اذا قديش صفي دينار واحد طبعا هون عندي اتشين اضربها بنص يعني كانك شلت نصها شو صفت اتش واحده فهي هون اتش واحده وهون واحده هي اثنتين وهناك اثنتين معادله معادلتي موزونه 100% ولكن وين المشكله اللي عندي؟ بانه ما في عندي كسر بالمعادلات الموزونه طيب شو الحل؟ باجي بضرب كل المعادله ضرب المقام اللي هو قديش اثنين فشو رح تصفي يلا 2 ال اي زائد اثنين ب2o 2 اتش2o رح تعطيني اثنين بال اي اوتش يعني اثنين ال اي اوش زائد 2 ضرب نص راحوا مع بعض زائد اتش2 هيك المعادله صارت موزونه مليار بالم نتاكد يلا نتاكد اثنتين ال اي اثنتين ال اي نيجي هون الاتش اثين باثنين اربعه طب هون 2 بوا 2 واثنين هي اربعه طب الو اثين بوا اثنين وهون اثين بوا اثنين فاذا صفت معادلتي موزونه 100% القواعد اللي علمتك اياها امشي عليها ما في معادله رح تصعب عليكم باذن المولى عز وجل نيجي على اللي بعدها يلا يا كبير نيجي هون اي ال واحده اي ال واحده طيب نيجي هسه على مين على الاتشات يلا الاتشات انا هون عندي واحده وهون اثنتين طيب شو الحل بدي اضرب باثنين هي باجي بضرب ضرب اثنين طيب تمام صفوا عندي 2 اتش وهون 2 اتش طيب نيجي على مين علىcl ال تفرج الس ال هي عندي هون اثنين بواحد هي اثنتين طيب هون الس ال قديش ثلاث اه اثنين ثلاث طيب شو الحل اتفقنا اني اعمل ضرب تبادل لانه ململمات مع بعض طيب لما بدي اعمل ضرب تبادلي ركز معي هسا هون ثلاث بدي اضربها ضرب قديش ضرب اثنين صفوا كم سي ال عندي سته طيب هون قدش في عندي اثنتين ولكن انتبه بانه انا هذا الرقم اصلا حاطه فلما انا عندي اصلا اثنين بدي اضربها بقديش بثلاث طيب اث بثلاث يا عيني عليك رح تصفي قديش ست سته فاذا شو باجي بحط هون بس 6 hcl ال هيك صفت معادلتي شبه موزونه الاتشات عفوا الاتشات سته وهون اثنتين اضرب ضرب ثلاث هيك شو صفت 6 اتش 6 اتش والcl ال 6ه بوا 6 وهون 2 ب 6 موزونه مين خرب بس الا ال باجي بحط هون اثنين هيك صارت معادله شو مالها موزونه 100% وصلت الفكره ان شاء الله تعالى انها تكون وصلت والامور 100% تمام يا جماعه الخير ان شاء الله تعالى انه تمام امورنا طيبه هيك ان شاء الله تعالى بنكون انهينا معكم موضوع الموازنات وانتهى معنا خلينا نحكي بالمعنى الحرفي عن جد الجزء خلينا نقول اللي هو الدسم بالدرس كيف يعني يا استاذ يعني اللي ضايل علينا ان شاء الله تعالى هو شيء سهل وبسيط جدا وهينا ان شاء الله رح نبلش فيه شوف بحكي لنا هون بدنا ندرس انواع التفاعلات الكيميائيه شوف كيف تدرج الدرس الجميل جدا هو بدا معك بالطرح يفهمك شو تغير فيزيائي شو تغير كيميائي بعدين لما فهمنا شو يعني تغير فهمك شو يعني تفاعل بعد التفاعل علمك شو معنى كلمه تفاعل موزون وعلمك كيف توازن المعادلات وعلمنا كل التفاصيل هي كلياتها الان بده يدرسك انواع التفاعلات الكيميائيه عشان نكون متفقين كعلم كيمياء انواع التفاعلات الكيميائيه عننا كثير كثير يعني كثير عننا انواع تفاعلات كيميائيه طيب ولكن نحن كطلاب صف عاشر في المملكه الاردنيه الهاشميه منهاجنا مطلوب منا فقط لا غير اربع انواع تفاعلات وبس ان شاء الله تعالى السنه الجايه بالصف الحادي عشر بالفصل الاول في عننا بالوحده الثانيه رح ناخذ كمان انواع تفاعلات ولكن احنا حاليا بالصف العاشر شو مطلوب منا تفاعلات مطلوب منا اربع تفاعلات تفاعل الاحتراق وتفاعل الاتحاد وتفاعل التحلل او التفكك وتفاعل الاحلال الاحادي نوع؟ اربع انواع تفاعلات وبس لا اكثر ولا اقل فخلينا نبلش فيهم واحده واحده طيب استاذ شو المطلوب مني فيهم لو رجعنا لكتابكم ها لو رجعنا لايش للكتاب سواء لمحتوى الكتاب نفسه او اسئله مراجعه الدرس او اسئله مراجعه الوحده مش مطلوب منك لا تكمل معادلات ولا مطلوب منك تطلع لي نواتج ولا مطلوبك مطلوب منك هذا الكلام كلياته لعاد شو بس المطلوب منك تميز لي كل تفاعل يعني لما يجيك مجموعه تفاعلات ويقول لك صنف لي اياها تعرف انه هذا تفاعل احتراق والله انت اتحاد والله انت تحلل والله انت احلال الى اخره فكيف رح نتعلم هذا الكلام من خلال الدرس اللي رح نبلش فيه اللي هو طبعا نفس الدرس على الاكيد يعني طيب شو بيحكي لنا هون يلا يوجد عده انواع من التفاعلات الكيميائيه وسوف نتناول بعضها في هذا الدرس جزء منها مش كلها ومنها اول تفاعل هو تفاعل الاحتراق يا جماعه الخير تفاعل الاحتراق بيلزموا شغله اجباري تكون موجوده ما بصير بدون هالاحتراق شو هو هسا عشان في طلاب كثير بخربطوا بيجي بقول لك استاذ تفاعل الاحتراق بيلزمه حراره لا يا حبيبي الاحتراق هو بعطيني حراره ولكن انا هي اللي بستخدمها هي شعله بس عشان يصير الاحتراق ولكن هو يؤدي الى انتاج حراره او طاقه بشكل عام طيب العدد شو القصه تفاعل الاحتراق بيلزمه غاز الاكسجين طيب كيف نتاكد من هذا الحكي وانتم صغار كانوا يعملوا لكم تجارب يجيبوا لكم شمعه هيك شمعه ويولعوها تكون مولعه الشمعه تمام تجيب كاسه او وعاء او طنجره او اللي بدك اياه تيجي تغطي فيه الشمعه وتقلبها عليه مجرد ما جيت قلبت هذا الوعاء على الشمعه بعد بشوي بتلاقي الشمعه طفت طيب شو السبب بكل بساطه لانك قطعت عنها غاز الاكسجين فاذا بطل في غاز اكسجين عشان يغذي لي تفاعل الاحتراق فتوقف التفاعل فاذا تفاعل الاحتراق اول شرط فيه انه لازمه ايش اكسجين فبالتالي تفرج من التعريف بحكي لك هو تفاعل ماده ما لما نحكي ماده يا جماعه الخير فهي تشمل عنصر او مركب يعني يا اما عنصر لحاله منفرد او مركب طيب مع غاز الاكسجين يعني اجباري تلاقي عندك المتفاعلات O2 طيب ويصاحب هذا التفاعل عاده انطلاق طاقه على صوره حراره او ضوء يعني اذا شفت انت عندك ماده سواء كانت عنصر او مركب جينا فاعلناها مع غاز الاكسجين وهذا التفاعل ادى الى انتاج طاقه على شكل حراره او ضوء فاعرف انه شو التفاعل عندك تفاعل احتراق بيحكي لنا هون يوجد عده امثله على تفاعل الاحتراق ومنها احتراق قطعه من الفحم مين الفحم؟ اللي هو الكربون اللي رمزه الكيميائي سي طيب هذا الفحم اللي هو الكربون اللي رمزه الكيميائي سي لما اجي اعمل له تفاعل احتراق بوجود غاز الاكسجين يؤدي الى انطلاق حراره يعني لما اجي افاعله رح يطلع منه حراره ما هو فحم فحم اللي بنشوي فيه اللي نستخدمه بالمشاوي ما هو ايش بعطيني حراره طيب كما في المعادله الاتي تفرج معطيك سي سوليد اس يعني بالحاله الصلبه زائد او2 اللي هو غاز رح يؤدي الى انتاج ثاني اكسيد الكربون اللي هو الجي اللي هو الغاز اللي هو الدخان اللي بيطلع من الفحم هذا زائد ايش؟ زائد هيت هيت معناها حراره فاذا هذا تفاعل عباره عن ايش؟ عباره عن تفاعل احتراق استاذ في شغله هسه خطرت على بالي انا كطالب متميز رائع من عباقره الكيمياء خطر على بالي نقطه استاذ نحن اخذنا بالصف التاسع بالفصل الثاني تحديدا الوحده الاخيره لما درستنا اياها حكيت لنا بانه تفاعل الماده مع الاكسجين هو تفاعل تاكسد اوبا نعم والله انه كلامكم صحيح 100% تفاعل الماده مع الاكسجين تفاعل تاكسد صحيح طيب وكيف هسا بتحكي لنا احتراق يا جماعه الخير ما بتعارضوا مع بعضهم ليش؟ لانه بكل بساطه بحكي لك انه هذا التفاعل هو تفاعل احتراق وبنفس ذات الوقت هو تفاعل تاكسد يعني بقدر اقول عنه تاكسد او احتراق اه ولكن هو انت شو مطلوب منك انه احتراق فبالتالي خلص فاذا يعني استاذ بنقدر نقول بانه اي تفاعل احتراق يعتبر تاكسد اه طبعا نعم اي تفاعل احتراق بتعمله انت بتكون اكسدت هي الماده ولكن في عندي تفاعلات تاكسد بنسميها احتراق يعني باختصار تفاعل التاكسد هو تفاعل كبير تفاعل الاحتراق جزء منه تفاعل الاحتراق ايش جزء منه فبس هي وجب التنويه لها عشان ما تكون في بال اي طالب او طالبه منكم طيب بيحكي لنا هون ومن الامثله ايضا على تفاعل الاحتراق احتراق الخشب واحتراق انواع الوقود المختلفه طبعا انواع الوقود القود المختلفه اللي بنستخدمها سواء البنزين الكاز الديزل كلياتها هي او الغاز اللي بيكون جوات ال الاسطوانات الغاز كلياتها هي ايش من انواع تفاعلات الاحتراق هسه في عننا معلومه شو بحكي لك هي المعلومه نركز عليها منيح بحكي لك عند احتراق المركبات الهيدروكربونيه استنى شوي استاذ شو معنى كلمه هيدروكربونيه يا اخوي يا اختي والله الموضوع كثير سهل وبسيط اسمها هيدرو در كربونيه هيدرو من هيدروجين كربونيه اللي هو كربون فاذا المركبات الهيدروكربونيه هي المركبات التي تتكون فقط لا غير من كربون وهيدروجين فبحكي لك بانه لما افاعل انا مركبات هيدروكربونيه فهذا التفاعل بيكون ناتج الاحتراق تبعه غاز ثاني اكسيد الكربون اللي هو ال CO2 طيب وبخار الماء هون الشيء بفرق بالاضافه لانطلاق الحراره كيف يعني؟ يعني لو جينا قارنا بس هيك مقارنه بسيطه جدا هذا كربون هذا عنصر الكربون اللي هو عباره عن ايش؟ عباره عن الفحم مش هيدروكربوني كربون لحاله لما فاعلناه شو اعطاني؟ غاز ثاني اكسيد الكربون وحراره ليش؟ لانه مش هيدروكربوني بينما المركبات الهيدروكربونيه شو بقول لك بتعطيني ثاني اكسيد الكربون زيها زي الكربون و بخار الماء هو ما يميزها يعني الكربون لحاله الفحم لحاله لما احرقه ماء بعطيهم بخار ماء اما بالنسبه للمركبات الهيدروكربونيه بتعطيني بخار ماء وبتعطيني حراره طبعا على كلت الحالتين وهي من الامثله عليها هي سي اتش 10 شوف خمس كربونات وعشات ما بيهمني العدد المهم انه بس يتكون من كربون وهيدروجين مع غاز الاكسجين تفاعل احتراق اعطاني ثاني اكسيد الكربون ومي وحراره فقط لا غير هي القصه اللي بيهمني تكونوا عارفينها ممتاز هسه هون بحكي لك الفائده من الحراره الناتجه من تفاعل الاحتراق يعني ما نحن قلنا تفاعل الاحتراق يصاحبه ايش طلاق حراره طيب هس تف هي الحراره اللي بتنتج شو بنستخ شو بنستفيد منها بحكي لك اولا استخدامها في التدفئه وتحريك وسائل المواصلات هي اول استخدام اذا بستخدمها في التدفئه وتحريك مواصلات تحريك وسائل مواصلات طبعا نحن هسه بفصل الشتاء لما عشان ندفى شو بنيجي بنعمل بنيجي بنولع الصوبه سواء كانت هي الصوبه على كاز على غاز او اللي عندهم صوبه حطب جماعه الاجواء الشتويه او جماعه الفاير بليس والاجواء ال الرومانسيه وما الى ذلك برضه هذا كلياته ايش بعطيني حراره فهي بستخدمها في التدفئه وحتى تحريك وسائل مواصلات هسيبك من السيارات الكهرباء والامور هي السيارات تشتغل على البنزين شو هو اللي بصير فعليا لما بروح بعبي جوات السياره ها بنزين هذا البنزين بوصل للماتور بصير عندي تفاعل احتراق له فبحول لي الطاقه هي لطاقه بتساعدني ايش اني احولها لطاقه حركيه عشان تمشي لي شو السياره اللي عندي طيب في عننا كمان برضه وطهي الطعام او طه الطعام برضه هذا ايش بستفيد فيه من اي من الحراره الناتجه كما ان احتراق الغذاء في الجسم جسم يزوده بالطاقه اللازم لاداء وظائفه الحيويه والمتنوعه هي رقم ثلاث طبعا نحن هسه لو جيت مثلا قعدت فتره طويله انت مش ماكل بتلاقي حالك شو جسمك صار تعبان هيك مرتخي زي اللي بصير معنا على تم رمضان بنهايه اليوم هسه شو اللي بصير بمجرد ما جيت انت اكلت تناولت هذا الطعام هذا الطعام بكل بساطه جوات عمليات حيويه جوات جسمك ما بدناخذ فيها لانه يعني انتم اصلا الاحياء يعني ما شاء الله مش مقصر صر فيكم فخلينا بالكيمياء نحن اي المهم بصير عندي عمليات داخل جسم الانسان هي العمليات اللي بتصير جوات جسم الانسان بتاخذ لي الطاقه هي اللي موجوده من الغذاء عشان اقدر ايش اقوم بانشطه الحيويه عشان تلاقي حالك تنشطت صحصحت نعنشت الى اخره الا اذا انك اكلت منسف بتحس حالك تعبان زياده تمام فبالتالي هي ايش استخدامات الحراره الناتجه من تفاعل الاحتراق عندنا هون سؤال هذا السؤال يا جماعه الخير هو عباره عن سؤال وفكر بكتابكم بحكي لك هذا السؤال بانه عند حرق 100 غرام من الفحم يعني جيت جبت ميزان وزنت عليه 100 غرام فحم اوكي في كميه معلومه من غاز الاكسجين يعني جيت جبت كميه معينه من غاز الاكسجين انت عارف قديش هي يعني مثلا 100 غرام من الفحم وجبت 30 غرام اكسجين توتلهم قديش ايش؟ 130 غرام طيب ممتاز حرقا تاما يعني ظلك سويه لما كل الفحم اللي عندك يتحول لايش؟ لرماد احترق احتراق كامل فان كميه الناتج تكون اقل من المتوقع كيف يعني؟ يعني باختصار باختصار بقول لك انه تتخيل مثلا عندك هون 30 غرام زي ما حكينا لما تيجي تفاعل 100 غرام مع ال 30 غرام بيطلع توتلهم قديش؟ 130 30 غرام طيب بحكي لك ليش لما تعمل هذا التفاعل على ارض الواقع فعليا وعمليا بينتج عندك ايش؟ اي كميه اقل من 130 غرام مثلا بيطلع عندي 110 غرام 90 غرام 100 غرام الى اخره شو السبب في هذا الكلام؟ السبب يا جماعه الخير بكل بساطه لانه انا في عندي كميه من الماده بتكون ضائعه ليش؟ لان نتجت على شكل طاقه يعني انا في عندي كميه من الماده هي تحولت الى ايش؟ الى طاقه بالاضافه الى ذلك انا لما اجي احرق الفحم مع غاز الاكسجين مش الناتج تبعه بده يعطيني غاز ثاني اكسيد الكربون اه والله صحيح طيب مش هذا بيكون على شكل غاز ماده في الحاله الغازيه صحيح طيب هي الماده مش رح تغادر الوعاء حتى لو كان وعاء مغلق رح يغادر جزء منها برضه رح تحكي لي صحيح يا استاذ فبالتالي ها كميه الغازات او الابخره الطالعه عندي بق ب صعب اني اقدر اني اسيطر عليها بالاضافه لانه انا في عندي جزء من هي الماده تحولت الى ايش؟ الى الطاقه الحراريه او الطاقه الضوئيه اللي عندي فعشان هيك دائما بيكون في عندي كميه مفقوده من الماده طيب استاذ ومبدا حفظ الكتله اللي درستنا اياه اه يا جماعه الخير نحن بدنا نميز ما بين الشيء النظري والشيء العملي مبدا حفظ الكتله او قانون حفظ الكتله هذا حنستخدمه عشان نوازن المعادلات عشان نقدر نشتغل التفاعلات ولكن لما نيجي خلص يلا نلبس هاللابكوت وندخل على المختبر نشتغل بايدينا بتلاقي عندك اشياء بتفرق فهو هي واحده من بيناته بانه انا في عندي عاده ايش كميه كميه من الماده بتكون شو ضائعه على شكل شو على شكل طاقه وصلت الفكره ان شاء الله تعالى ان تكون وصلت فبالتالي لو جينا بدنا نجاوب هذا السؤال لانه سؤاله فكر بده اياني احكي له ليش زي ما اتفقنا بحكي لنا هون لانه هناك كميه من الغازات والابخره التي تغادر وعاء التفاعل ويصعب عب السيطره عليها وكذلك لان جزء من الماده يتحول الى طاقه فعشان هيك بنلاقي كميه المواد اللي فاعلناها اقل من كميه الم عفوا كميه المواد الناتجه اقل من كميه المواد اللي فاعلناها تمام يا جماعه الخير ان شاء الله تعالى انه تكون اموركم تمام والوضع 100% ورب العالمين يكون قدرنا ان شرحنا لكم الموضوع على اكمل وجه الى هنا ان شاء الله تعالى رح ننهي حصتنا لسه ضايل عنا كمان تفاعلات احنا بس اخذنا الاحتراق ضايل عننا الاتحاد والتحلل والاحلال الاحادي هذول ان شاء الله تعالى في الحصه القادمه انا رح اشرح لكم اياهم وبعدها ان شاء الله رح نحل اسئله الدرس وهيك بنكون انهينا الدرس الاول عشان نبدا باذن الله تعالى بالدرس الثاني طلابي وطالباتي لا تنسونا من صالح دعائكم الله يعطيكم الف عافيه ويفته عليكم فتوح العارفين ويوفقكم يا رب العالمين يا الله اي طالب او طالبه حابين ينضم على جروباتنا بنتشرف فيكم جميعا عن الرقم الاتي ابعث لي واتساب مباشره رح تلاقي حالك ضف انضفت على الجروبات او اللي بيحضرونا على اليوتيوب على قناتي على اليوتيوب بكل بساطه ادخل على الكابشن رح تلاقي لينك بوديك على الجروبات اعمل انضمام وان شاء الله تعالى نتنور فيك وبتشرفنا واي طالب عنده استفسار هي الرقم ابعث لي واسالني وان شاء الله تعالى انا جاهز للاجابه على جميع اسئلتكم واستفساراتكم في جميع الاوقات الله يعطيكم الف عافيه والى ان نلقاكم وفي حصه جديده نستودعكم لله الذي لا تضيع ودائعه والسلام عليكم ورحمه الله وبركاته.