إكمال العمل في البادية أجواء رائعة ماشاءالله في المزرعة

الله السلام عليكم الاخوان والصلاه والسلام على رسول الله اللهم صل وسلم على سيدنا محمد وعلى اله وصحبه اجمعين صباح الخير الاخوان كي صبحتوا بخير كلشي مزيان الوليدات العائله كلشي كلشي بخير نتمنى ان شاء الله يكون كلشي بخير وعلى خير تكون الامور عندكم مزيانه وانتما كتفرجوا في هذا الفيديو هذا فيديو جديد نهار جديد وكيف العاده شويه ديال اللقطات ومن بعد ان شاء الله كندخل معكم الفيديو والاشغال وتماره اللي غادي تكون عندنا اليوم المهم الاخوان قبل ما نطلق فيفيديو كيف العاده كنشكركم بزاف على الدعم ديالكم على لي جيم على لي كومونتير على التفاعل على النصائح ديالكم الله يجازيكم بخير والله يرحم الوالدين والله يسر الامور لينا ولكم ولجميع وتحياتي لكم واحد واحد الاخوان الله يسر الامور الجميع المهم عطينا الوجبه الصباحيه للدجاج ديالنا درنا عليه واحد الاطلاله خفيفه حاولنا نتفقدوا واحد الشويه وان شاء الله نتمناو خير راكم عارفين طلقناه اول خطره يخرج ياكل الربيع فراه ضروري نردوا شويه ديال البال وان شاء الله نتمناو خير المهم بالنسبه للاخوان اللي قالوا لي دابا زدتي المسرح وطلقتيهم ياكلوا الربيع خصك تنقص العلف المهم الاخوان غادي نقصوا العلف ولكن ماشي بهذ السرعه هذه ضروري غادي يجي ذاكشي تدريجي وشويه بشويه ان شاء الله نبداو نشوفوا الكميه اللي غادي تولي تناسبهم ان شاء الله ماغاديش نجيو من النهار الاول فاش طلقناهم نقصوا ليهم العلف مازال غادي نعطيو ان شاء الله هذا الاسبوع كامل نفس الكميه وديك الساعه غادي نشوفوا ان شاء الله واش كيخليو العلف واش ماكيخليوش انا عيني ميزانيه انا دائما منلي كنبدا نعطي العلف كنشوف الدجاج شنو كيخلي لي واش كياكل كلشي حيت بعض الخطرات الدجاج ماكيبغيش ياكل لي الشعير كيخلي لي الشعير بعض الخطرات كيرجع ياكل الشعير ير كيولي يخلي لي الذرعه بعض الخت كياكل الذره كيولي المهم هكا المهم انا غادي نحاول كي كنقول عيني ميزاني باش نعرف شنو غادي نقص وشنو غادي نزيد وان شاء الله نتمناو خير هو غادي يجي ذاكشي تدريجي ان شاء الله اما بالنسبه للاخوان اللي قالوا لي خصك تحل الباب مثلا في الوسط هي فكره زوينه ولكن حاليا ماغاديش نديرها يقدر نحل هنايا نحيد هذا نفك من هنا ونخلي الشبكه ترجع غير من هنا لقدام وهذ البلاصه تبقى محلوله وفي الليل نبقى نرد الشبكه عاوتاني لهذا الجه المهم هذه هي الفكره اللي جاتني حاليا ولكن كيفاش غادي نطبقها مازال ما حيت غالبا الا طلقت الشبكه غادي تولي صعيبه باش نجرها لبلاصتها حيت كتشوفوا حتى الحديده راه مالت لها الجي المهم غادي نشوفوا لها شي تخريجه وان شاء الله نتمناو نتوفقوا المهم هذاشي اللي كاين بالنسبه للدجاج هنايا اجيو معايا دابا حيت التماره هي هذه اللي انا خدام فيها دابا بقاو معايا باش نبارطاجي معكم كلشي وان شاء الله يكون المهم الاخوان كي شفتوا معايا بالنسبه للخدمه اللي بديت فيها هذا الصباح هذا هي هذا الكوري هذا بارطاجيت معكم شي لقطات ديال البرويطه حيدنا هذا الغبار اللي هنايا بطبيعه الحال ماشي بوحديتي كان معي السيد اللي كيعاوني والله يعطيه الصحه فورصينا على هذا الشي هذا الحمد لله تقريبا شي ساعه ونص حتى جوج سوايع كملنا الكوري كي شفتوا معيا جوج برويطات كنحط حط وحده كندي وحده كنحط وحده كندي وحده والحمد لله سالينا الكوري حيدنا نقينا المجوره كلشي تنقى دابا غادي نخليه يتغربع واحد الشويه ومن بعد غادي نكمل معكم الخدمه اللي ندير فيه راه مازال تابعها الخدمه وغادي نبارطاجي معكم شنو غادي ندير غير هو غادي نشوفوا البكر يقدر يكون الوالد مطلع دابا البكر غادي نقدروا نربطوا البكيره هنايا من الشمش ولكن في العشيه منين نخرجوها غادي نكمل انا الخدمه هنا وغادي نبارطاجي معكم شنو غادي ندير وغادي نمشيو دابا لخدمه حده اخرى المهم اجي نشوفوا بعدا البقيرات اللي غادي يكونوا طالعين ومن بعد ان شاء الله يكون المهم الاخوان كي شفتوا معايا الكوري ساليناه ولله الحمد صافي كرطناه دابا بقى لينا غير نشوفوا مع العج عجول باش ندخلهم خخا الاخوان كاين اللي ما بغاش كاين اللي قاللك خلي العجول على برا اولا حاول دير لهم شي طوال ولا شي حاجه المهم الاخوان القرار خديناه باش ما نتكرفصوش حنايا وما يتكرفسش الوالد فالعجول ضروري خصهم يدخلوا والبقيرات ياخذوا راحتهم وان شاء الله غادي نتهلا فيهم غادي نبدا نحش ليهم وغادي نبدا نعطيهم العلف وان شاء الله را غادي يطلعوا مزيان ونتمناو خير قضيه واحده اخرى كاين بزاف د الاخوان كيهضروا لي عليها ان عطى الله الخير كاين الربيع خص البايم ياكلوه را هما كياكلوا ولكن را ما يقدروش ياكلوا كلشي راه حاجه باينه راه شي حاجه غادي تكرم شي حاجه غادي تخسر شي حاجه غادي يوصلها الصيف المهم كاين بزاف ديال الحوايج فذاكشي اللي مقسم لهم الله ياكلوه را غادي ياكلوه على كل المهم راه كانوا سارحين هاهما طلعوا دابا ان شاء الله غادي نمشيو نربطوهم كل حاجه غادي تربط بلاصتها ان شاء الله وهكا غادي نكونوا سالينا الخدمه هنايا وغادي تطلعوا نمشيو كاملين نمشيو كاملين مجموعين لديك القمه ثاني عندنا خدمه تما وعندنا واحد الخدمه لهذا الجهيه غادي نبارطاجي معكم ذاكشي اللي غادي ندير ونتمناو خير المهم العجول را غادي يبان لكم الفرق الاخوان وحتى في التسمين غادي نحاولوا ما امكن نواكب معكم الامور كيفاش غادي تمشي باش نشوفوا الفرق ما بين العجل ديال البقره الكبيره والعجل ديال البقره المتوسطه نقولوا في العمر راه من هنا كيبان تبارك الله كيبانش الفرق ولكن في التسمين غادي نشوفوا شنو كاين هذا دريويش و عنده الكرون هذاك ما عندوش الكرون وصعيب بحاله بحال بحال الضروبه ديالنا بحال بحال العجله الصغيره العجله غادي تبقى مطلوقه ان شاء الله البقيرات غادي ياخذوا راحتهم وان شاء الله باش توقف لينا يوقفوا لنا البقيرات باش نلقحوهم ان شاء الله يلاه المهم بقاوا معايا ندخلوا البكر ديالنا ونطالقوا عاود باش نكمل معكم الاعمال اللي عندنا ان شاء الله المهم الاخوان بالنسبه للخدمه الثالثه اللي عندنا هذا الصباح هذا واللي حنا وصلنا لها وبدينا فيها ولله الحمد هي اننا ندير الملحه لهذ الارض هذه الاخوان اللي زرعنا فيها فرينه وهذه را كنت داويتها على وديت الربيع الربيع هو را كيصفار كيطيح باش تبقى لينا ان شاء الله غير فرينه وان شاء الله نتمناو خير هذه حتى هي كندير لها الملحه وان شاء الله الشتا راه داخله كنظن شي بركه ديال الشتا داخله راه غادي تعاون ان شاء الله هذ الفرينه هذه باش تطلع شويه مزيان مزيان وان شاء الله نتمناو خير المهم را ماخدامش غير بوحديتي انا الزقاوه ديالها هي خدمات هذ الشبيكه هذه سالت معان خديت واحد الفاص ساليته الوالد هو والسيد اللي عاونا في الكوري را هما ليه نتمنى تكونوا كتسمعوني مع الريح را هما عاد زينما من ديك الجهه المهم هذا نجيو نعمر ثاني هنايا في هذا القطار ديال الارض الاخوان الحنا قنطار ديال الملحه وان شاء الله را مازال تابعنا واحد ثلاثه ديال القطارات هذك اللي فيها الزيتون غادي نمشيو لها حتى هي ان شاء يلا نلوحوا فيها البركه ونطلبوا من الله يسخر لينا في هذا الشي هذا واحد الفيو رائع جدا من هنايا غير هو جا مع الضبابه ديال الشمش المهم بقاوا معايا انا غادي معكم تنكمل ان شاء الله الخدمه ديالنا المهم الاخوان انا جيت معكم الارض الثانيه اللي درنا فيها الملحه اللهم بارك هي هذه اللي كنا حيدنا منها الزيتون اخر خط بارطاجيت معكم وبارطاجيت معكم درنا فيها كذلك لانكري على حساب هذا الربيع هذا كتشوفوا تبارك الله اللي غادي وكيطوال اللهم بارك راه غادي مزيان دابا زدنا ليه الملحه الملحه راكم عارفين غادي يستفد منها هذا الربيع وكذلك غادي يستافدوا منها حتى الشجيرات ديال الزيتون وان شاء الله نتمناو تجي شي غله مزيانه بالنسبه للزيتون عاود وان شاء الله يكون خير ها انتما اللهم بارك هنا تقريبا كاين شي ثلاثه دكتارات وربع فيها شي 360 380 شجره ديال الزيتون كامله درنا ليها ولله الحمد الامور مزيان دابا تقريبا الوحده ديال النهار الاخوان سالينا عاود هذ الخدمه هذه غادي نهبط معكم المزرعه لتحت باش نكمل معكم العمل حيت مازال تابعنا الخدمه ويقدر مازال تابعاني واحد المشيه حتى الخميسات ان شاء الله نوصل واحد الكوموند وعد غادي نرجع ان شاء الله باش نكمل الخدمه في المزرعه فكي قلت لكم فه السيمانه هذه كامله تقريبا الخدمه شويه مفورسيه وكنحاولوا ما امكن نحيدوا اكثريه ديال الخدمه باش ان شاء الله ندوزوا العيد على احسن ما يرى وان شاء الله نتمناو خير المهم واحد الفيو من هنا راه زويون ما شاء الله النظره كامله من هنا كتبان زوينه غير هي الجبال اللي كنصور من حدا الدار را هما هذو كنت ديجا قلتها لكم راه الدار ديالهم هو هذا هذا هو ذاك الجبل الكبير اللي عاطينا اللي كنصور من حدا الدار اون فاس مع ذاك الجبل الصغير الدار دياله هو هذا دابا را النظره شويه ضبابيه لهيه ولكن را ملي كيكون جوج الصباح والعشيه وكتكون ماكيكونش الضباب هذا را تبارك الله كتكون واحد النظره زوينه هذه خلاص الطريق بيسته را كتهبط حتىكدرون را هي فين خارجه ليه يلا اخوتي بقوا المهم الاخوان انا رجعت معكم للمزرعه وكي كتشوفوا معايا يلا وصلت دابا دابا تقريبا لوحده الوحده ونص يلا وصلت طلقت الدجاج هو الاول يخرج يرعى شويه في الربيع غادي نخليه حتى البلاتي ان شاء الله توصل الوجبه المسائيه كيف العاده عاد غادي ندخل ح المهم الاخوان هما را غاديين شويه بشويه وكيزعموا و كيخرج فول جديد البارح ماخرجتش ماخرجش الدجاج كامل ولكن اليوم كيبان لي راه زاعمين وغادي يبداو يخرجوا تدريجيا تدريجيا ان شاء الله يبداو يخرجوا منين غادي نحل كي قلت لكم هذ البلاصه هذه راه غادي يخرج الدجاج كامل ان شاء الله يبدا يرعى هنايا الربيع ويبقى يدور هنايا في هذا المسرح كامل ان شاء الله هنايا را السبوله را تبارك الله خرجات اللهم بارك المهم الاخوان يلا بقاوا معايا دابا كي قلت لكم يقدر نمشي حتى الخميسات نصيفطوا شي سليعه وان شاء الله نعاودوا نرجعوا ثاني ونكمل الخدمه اللي باقى عندنا هنا الاخوان قبل ما نمشيوا بالنسبه للنحل الاخوان اللي كيسولوني على النحل راه مازال ما خرجوا حتى شي طرد من الطرود اللي حنا كنتسناو فصنادقات بثلاثه مازالين الحمد لله غاديين مزيان شي تقليبه را مادرتهاش منار قلبت اخر خطره انا وياكم ان شاء الله غادي نحاول في هذ اليومين منين يفوت العيد ان شاء الله بالنهار اولا نهار العيد في العشيه اولا المهم غتفوت الشتاء حيت راه داخله شي شتيوه تفوتيد ف شويه الحال راه غادي ندير لهم واحد التقليبه خفيفه ونشوف شنو كاين هذا الصندوق را كنا حطيناه في حاله تما جات شي حاجه ولكن كنظن باللي مازال حتى هو مازال كي حطيناه كي مازال هذوك خلاص راه بان لي النحل كيخرج والحمد لله خدام على راسه ان شاء الله ان شاء الله نتمناو خير نتمناو تكون شي نتيجه ونحاولوا ما امكن ولو نردوا غير سته الصنادق اولا خمسه ولا سبعه وان شاء الله غادي نحاولوا نخدموا عليهم باش نردوا النحل ثاني الفول اللهم بارك راه بدا كيخرج ماشي النواره النواره خلاص را خرجت ولكن الحبه هو الحب بدا كيت تكون الاخوان اللهم بارك هذه الحبه الرقيقه اما ذاك الغليظ راه مخرج الفوله راه غاده وكتعمر تبارك الله ان شاء الله دابا نبارطاجي معكم كلشي ان شاء الله را غاده صف صف صف واحد تبارك الله ما شاء الله جيت معكم الاخوان عند الانثى ديال الطوس جينا نشوفوا البيضات الساعه لقيت حتى هي راه ناعسه اذا صافي اختارت تحضن على البيض ان شاء الله نتمناو يكونوا على الاقل غير واحد ثلاثه ديال البيضات حيت اخر خطره قلبت انا لقيت وحده ومن بعد واقيلا زادت شي وحده كنظن حيت ما قلبتش من موراها شي يومين وثلاث ايام يقدر يكون عندها شي جوج اولا ثلاثه هي هذاشي اللي غادي يكون حيت عندي 10 محضنهم البيبيه وتقدر تكون زادت واحد جوج ولا ثلاثه وحضنات راي تبان لكم دابا ما بغيتش نوضها هي هذه ناعسه والبلاصه اللي ناعسه فيها هي هذه دايرين لها العلام بهذ الحامضه ومرت عمي حطت عليها هذه باش تبقى باينه ها انتما اللهم بارك المهم الاخوان انا رجعت معكم عند الدجاج ديالنا اللهم بارك ا دخلناهم الباب راه باقي محلول ولكن غادي نسدو دابا ان شاء الله عطيتهم الوجبه المسائيه ديالهم الطوس عاوتاني نشر الجمال دياله الاخوان وسربيت هذ الخطره عطيت الوجبه وجمعت الحصيله ديال البيض باش نمشيو نشوفوا البيض ديال الانثى ديال الطوس الانثى ديال الطوس الاخوان ها هي راه جات عاد دابا جات طايره من البلاصه اللي فيها العش حتى لهنايا باش تاكل حيت را فيها الجوع غادي تاكل مع الدجاج تشرب الماء غادي تعاود تطير باش تمشي ترجع ان شاء الله العش ديالها ولكن قبل من ذاكشي خصني انا نمشي نشوف بشحال ديال البيض عندها باش نشوف واش كاين علاش حاضنه ولا غير غادي تضيع لينا الوقت وصافي الذكر خلاص هذه هي الطريقه دياله الولاعه اللهم بارك بالنسبه للحصيله ديال البيضه الاخوان ها هي هنايا كيف العاده العدد ديال البيض اليوم 76 بيضه الاخوان الحصيله ديال اليوم تقريبا تزاد ثلاثه د البيضات على الحصيله كيف العاده 73 دابا 76 الحمد لله مره كطلع كي كنقولوا مره كتهبط وان شاء الله نتمناو يتحسن الانتاج مع هذا المسرح اللي زدنا وهذا الخروج اللي ولا كيخرج الدجاج على برا يسرح ان شاء نتمنى يتحسن الانتاج ويطلع وان شاء الله يكون خير مازال متفائلين خير ومازال غير يتقاد الجو ان شاء الله را غادي الانتاج يولي مزيان ونتمناو التوفيق للجميع المهم هذاشي اللي كاين بالنسبه للدجاج ديالنا بقاو معايا دابا غادي نمشي نشوف الاخر العش ديال ديال الانثى ديال الطوس ان شاء الله خلينا الانثى ديال الطوس كتاكل في الوجبه المسائيه مع الدجاج الاخوان وجينا باش نشوفوا العش ديالها هو هذا باش كنا معلمينها وزائد الحامضه وكي كنت متوقع انا ندوز من ليه باش تشوفوا شنو كاين ثلاثه ديال البيضات هما هذو ثلاثه ديال البيضات ديال الطوس المهم انتما دابا كتشوفوا كلشي بعينيكم الاخوان بالنسبه للاصدقاء اللي قالوا لي الانثى ديال الطوس كتبيض ما بين 6 حىث البيضات في العام هذا هو العدد فكي كتشوفوا هنا عندنا والبيبيه حطينا لها 10 اذا هذ الانثى عطتها 13 بيضه وكنظن كنظن انا على حساب ذاكشي العام فايت عطتني 14 ولا 15 اولا ما وصلت ل 16 والله ما بقيت عاقل حيت كل ما خديت لها البيض كل ما كتزيد تبيض والله اعلم واش حتى هي بحال الشكل ديال الوز حيت حى الوز بحال هكا الوز حتى هو كل ما خديتي ليه البيض كيزيد يبيض حتى كيوصل لفان دياله تقريبا في الصيف في الصيف كيوقف ولكن ما عمري انا خليته حتى وقف دائما ا كتوصل واحد الوقيته كنحضر ليه غير هو كل ما خديت ليه البيض كيزيد بيض كل ما خليت ليه البيض في العش كيوصل واحد العدد ديال سته د البيضات سبعه د البيضات صافي كيحضن هذ القضيه هذه را حطها في الوز ودابا الانثى ديال الطوس تقريبا دارت حتى هي نفس العمليه ولكن هي جمعت غير ثلاثه حضنات عليهم ف ما عمري زعما خليتها حتى وصلت ثلاثه اول خطره نخليها بحال هكا وحضنت عليهم المره اللي قبل دارت ثلاثه هنا في هذ البلاصه هذه دارت ثلاثه ديال البيضات وهي تحضن المهم انا كنحاول ما امكن ذاكشي اللي كنجرب كنشاركه معكم باش يعرفوا حتى الاخوان شنو كاين ونتمناو التوفيق للجميع باش تعرفوا بان الطوس راه ماكيبغيضش غير سته ثمانيه د البيضات في العام راه ها هو كيفوتها انا هذ الانثى عندي را كتبيض كي قلت لكم ما بين 12 13 14 واقيله حتى ل 16 بيضه عطتني العام الفايت ف العدد هو هذا ولكن كيبقى واقيلا على حسب الطريقه ديال التعامل واش كتهز البيض واش كتخلي البيض كل ما خليتي البيض كيكمل ذاك العدد كتحضن واقيلا بحالها بحال الوز والله اعلم المهم هذاشي اللي كاين الاخوان بالنسبه للفيديو ديال اليوم حاولت نشارك معكم الاشغال اللي بقاو وان شاء الله نتمنى تكونوا تولعتوا معنا واستمتعتوا معنا شويه جيت معكم للجهه الثانيه حيت كنقول الاخوان راه راه النحل كيجي كيرع اللوز على ذاك النوار ديال اللوز وديال الرمان كيقوللك ما كشوفوش حنا ذاك الشي هذه فيرمه ديال اللوز هنايا شاده على الارض ديال عمي وكذلك فيها حتى الرمان الرمان واللوز والكاليبتوس المهم هذه اغلبيه ديال الحوايج اللي كيتغدى عليهم النحل زائد هذا النوار هذا فيوقيته ديال الربيع وخلاص كاين شي ازهر واحده اخرى كاينه في الوات الله يسر الامور الجميع هذاشي اللي كاين بالنسبه للفيديو ديال اليوم كي قلت لكم تهلاو لي في راسكم نشوفكم ان شاء الله فيديو جديد مع ولاعه جديده نهاركم مبروك السلام عليكم