الاستعارة حل تمارين هامة على الاستعارة نظام جديد

بسم الله شرحنا قبل كده الاستعاره النهارده ان شاء الله هنحل تمارين عليها بس قبل ما نحل تمارين تعالوا نفتكر مع بعض كده الاستعاره معناها ايه او تعريفها ايه قلنا قبل كده ان الاستعاره في الاصل تشبيه بليغ ولكن حذف احد طرفي يعني انا حذفت المشبه او حذفت المشبه به والمحذوف ده انا جبت دليل عليه في الجمله يعني هتلاقي حاجه تدلك على المحذوف ده في الجمله وقسمنا الاستعاره لاستعاره مكنيه واستعاره تصريحيه حاول تقيس كده من حيث المشبه به فلو المشبه به موجود عندك في الجمله يبقى الاستعاره دي استعاره تصريحيه اما لو محذوف فيبقى الاستعاره استعاره مكنيه وتعالوا نتفق على حاجه قبل ما نبدا الحل الاستعاره التصريحيه بتكون كلمه واحده فقط يعني بلاقي عندي كلمه واحده اذا دي استعاره تصريحيه اما الاستعاره المكنيه بتلاقي عندك جمله جمله كامله يبقى الاستعاره المكنيه جمله والاستعاره التصريحيه بتكون كلمه واحده وزي ما اتفقنا الاستعاره المكنيه المشبه به محذوف اما التصريحيه فهي تسمى تصريحيه لان انا بصرح فيها بالمشبه به طيب اول مثال معانا وايه لهم الليل نسلخ منه النهار نسلخ منه النهار هنا شبه الليل وكانه شاه تسلخ طب ركز كده احنا لسه قايلين ان الاستعاره المكنيه بتكون جمله فانا بقول اول نسلخ منه النهار اذا دي استعاره مكنيه يبقى انا شبهت هنا الليل بشاه وحذفت الشاه اللي هي المشبه به اذا الاستعاره هنا استعاره مكنيه ولو جيت على كلمه نسلخ بس لوحدها هلاقي ان موجود فيها استعاره تصريحيه ليه لان انا شبهت هنا ازاله الضوء ازاله ظلام الليل بسلخ جلد الشاء يبقى انا عندي المشبه هنا هو ازاله الضوء وعندي المشبه به هو سلخ جلد الشاء يبقى انا عندي كده المشبه به موجود اللي هو نسلخ يبقى صرح هنا بالمشبه به يبقى الاستعاره ايه تصريحيه وزي ما اتفقنا الاستعاره التصريحيه بتكون كلمه وبرض هنا عندي نسلخ كلمه واحده طيب رقم اثنين فتى كلما فاضت عيون قبيله دما ضحكت عنه الاحاديث والذكر احنا بنقول ضحكت عنه الاحاديث والذكر هل الاحاديث والذكر انسان يضحك الضحك من صفات الانسان يبقى انا بشبه الاحاديث والذكر بانسان يضحك يبقى انا عندي هنا انا بقول ايه شبهت الاحاديث والذكر بانسان يعني الانسان هنا هو المشبه به والمشبه به محذوف يبقى الاستعاره هنا استعاره مكنيه ولو تلاحظ برده هتلاقي هنا ان الاستعاره المكنيه ايضا جمله طيب البيت الثالث قوم اذا الشر ابدى ناجزيه لهم طاروا اليه ذرا رافات ووحدانا فين الخيال هنا بقول اذا الشر ابدى ناجزيه النواجز اللي هي الادراس طيب هنا الشر هيبين ادراسه اللي هي موجوده في فمه لا ده الادراس دي من صفات او حاجات موجوده عند الوحش يبقى انا هنا بشبه الشر ده وكانه وحش له ادراس ولو تلاحظ هنا انا بقول ايه شبهت الشر والشر موجود اللي هو المشبه شبهته بالوحش والوحش هنا محذوف يبقى الاستعاره استعاره مكنيه لان المشبه به محذوف وايضا لو تلاحظ هتلاقيها جمله الشر ابدى ناجزيه عندي الاستعاره هنا جمله يبقى الاستعاره استعاره مكنيه طيب رقم اربعه فاصدع بما تؤمر انا هنا شبهت ايه بايه ركز معايا كده في كلمه فاصدع انا هنا بشبه تبليغ الرساله ربنا بيقول له ايه فاصدع بما تؤمر بشبه تبليغ الرساله هنا تبليغ الامر اللي كلف بيه بصدع الزجاج صدع الزجاج اللي هو انكساره وانشقاق الزجاج يبقى انا هنا شبهت تبليغ الرساله بصدع الزجاج احنا بنقول ايه شبهت التبليغ بالصدع والصدع موجود اللي هو المشبه به يبقى الاستعاره تصريحيه لان انا صرحت هنا بالمشبه به يبقى نوع الاستعاره هنا استعاره تصريحيه طيب البيت الخامس جردت عيناي سيفا مرهفا حذرا منه بلا يقطف ركز معايا كده احنا بنقول جردت عيناي سيفا مرهفا انا هنا بشبه ايه؟ انا بقول جردت عيناي يعني ايه؟ يعني عينيا كده نظره نظره التجريد نظره التامل وكانها نظره فاحصه يبقى انا هنا بشبه النظرات بشبه نظرات العين بالسيف الذي يقطع ونظرات العين دي محذوفه وعندي هنا السيف موجود بقول جردت عيناي سيفا سيفا يبقى المشبه به هنا موجود يبقى الاستعاره هنا استعاره تصريحيه لان انا صرحت هنا بالمشبه به طيب البيت السادس حتى متى انت في لهو وفي لعب والموت نحوك يهوي فاغرا فاه انا بقول ايه والموت نحوك يهوي فاغرا فاه هل الموت له فاه يعني عنده فم زينا لا طبعا يبقى انا هنا بشبه الموت بانسان له فم وهنا انا حذفت الانسان اللي هو المشبه به يبقى يبقى طبعا الاستعاره استعاره مكنيه لان انا حذفت المشبه به وصرحت هنا بالمشبه فقط طيب رقم سبعه اومن كان ميتا فاحييناه ركز معايا كده الايه الكريمه بتقول اومن كان ميتا فاحييناه اومن كان ميتا يعني او من كان في ضلاله يعني اللي كان في ضلاله فاحييناه اي فهضاه الله وابعد هذه الضلاله عنه يبقى انا هنا بشبه الضلاله بالموت وعندي هنا المشبه به موجود اللي هو كلمه ميتا يبقى نوع الاستعاره هنا استعاره تصريحيه لان صرح هنا بالمشبه به وعندي برض في كلمه فاحييناه برده هنا بشبه الهدايه بالاحياء وانا هنا جبت الاحياء اللي هو المشبه به يبقى برده نوع الاستعاره استعاره تصريحيه لان صرح هنا بالمشبه به طيب البيت الثامن تحب العصافير دفء الغصون كما يعشق الذهب همس الندى ركز معايا كده احنا بنقول ايه؟ يعشق الذهر هل الذه يعشق العشق من صفات الايه؟ الانسان يبقى انا هنا بشبه الظهر وكانه انسان يعشق يبقى انا هنا بشبه الظهر بانسان والانسان ده هو المشبه به ومحذوف من الجمله يبقى نوع الاستعاره استعاره مكنيه وايضا همس الندى هنا بنشبه الندى وكانه انسان له همس له صوت يبقى انا هنا عندي الندى ده مشبه وعندي الانسان هو المشبه به والمشبه به اللي هو الانسان محذوف يبقى الاستعاره استعاره مكنيه لان المشبه به محذوف يبقى انت في الاستعاره بتركز فين المشبه وفين المشبه به وايه اللي محذوف من الجمله يا ترى المشبه ولا المشبه به طبعا زي ما ذكرنا ان المحذوف لازم يكون في دليل يدل عليه يعني مثلا لو ذكرنا على سبيل المثال قول الحجاج اني لارى رؤوسا قد اينعت وحان قطافها ركز معايا هنا هو هنا شبه ايه بايه؟ شبه هنا الرؤوس بالثمار طب هو عندك هنا الثمار لا عندك صفه من صفات الثمار دلتك على المحذوف اللي هي كلمه اينعت يبقى شبه الرؤوس بالثمار وجاب لك حاجه تدل تعرف منها انت المحذوف تدل على المحذوف اللي هي كلمه اينعت وهو ده اللي احنا نقصده لازم يكون عندك في الجمله دليل على اللي اتحذف تعرف منه هو شبه ايه بايه وبكده نكون وصلنا لنهايه الفيديو ان شاء الله في الفيديوهات القادمه هنكثر من تمرينات البلاغه ان شاء الله عشان زي ما قلنا اهم حاجه حل التمارين وكمان هنحل مع بعض تمارين شامله على البلاغه كلها ان شاء الله