قضايا عربية معاصرة دراسات الصف السادس الابتدائي ترم ثاني 2026 شرح سهل حل تقييمات الدرس

السلام عليكم ورحمه الله وبركاته النهارده معادنا مع الدرس الثالث من الوحده الثالثه للصف السادس الابتدائي بعنوان قضايا عربيه معاصره هنشرح الدرس مع بعض وفي اخر الفيديو هنجاوب مع بعض على اسئله التقييمات الاسبوعيه اللي موجوده في كتاب التقييمات واللي بتكون ثلاث نماذج ا وب وج بس عايزاك تسمع السؤال وتوقف الفيديو وتجاوب عليه لوحدك وبعدين تسمع الاجابه علشان التطبيق العملي مهم جدا علشان تثبت بيه فهم الدرس. ما تنساش لو عندك اي سؤال هستنى تكتبه لي في كومنت وانا هرد عليك ان شاء الله. كمان ما تنساش تعمل شير للفيديو مع كل اصحابك علشان تساعدهم يستفيدوا هم كمان. تعالى بقى ندخل بسرعه على درسنا النهارده. الوطن العربي في موضوعات كتير شغلت فكر الناس والحكومات في بلادنا العربيه منها موضوعات سياسيه يعني ليها علاقه بالحكم والحدود زي مثلا القضيه الفلسطينيه وموضوعات او قضايا اجتماعيه اللي بيكون ليها علاقه بالناس والمجتمع زي قضيه الشباب كمان قضايا بيئيه ودي اللي بيكون ليها علاقه بالطبيعه زي اعاده التدوير والحفاظ على البيئه ده باختصار كده اللي هنتكلم عنه في درسنا النهارده في الكتاب في سؤال بيقول ما اكثر القضايا العربيه اهميه في رايك موضحا الاسباب اما تلاقي سؤال وكاتب فيه في رايك ده معناه انه مالوش اجابه محدده يعني عايز اجابه السؤال من وجهه نظرك وموضحا الاسباب يعني عايز يعرف ليه انت جاوبت الاجابه دي لان الاسئله دي بتتكرر عندي كتير جدا في الكومنتات ممكن مثلا تقول القضيه الفلسطينيه لانها اقدم واكبر قضيه او اعاده التدوير مثلا لانها بتحمي كوكبنا وهكذا اكبر واهم قضيه سياسيه بتشغل بال العرب بقى هي القضيه الفلسطينيه وده من زمان جدا من القرن الماضي ولحد دلوقتي هي بتشغل بال العرب عايزاك تبص على الخريطه دي خريطه دوله فلسطين اولا لا هي موجوده في جنوب غرب اسيا من الشمال سوريا ولبنان ومن الغرب البحر المتوسط ومن الشرق الاردن ومن الجنوب هتلاقي مصر وخليج العقبه اهم المدن اللي عامل جنبها نقطه بيضا دي اللي هي القدس ودي عاصمه فلسطين في مدن ثانيه زي غزه ويافا وحيفا ونابلس والخليل وبئر السبع والنصره موجود فيها كمان نهر الاردن والبحر الميت في الشرق هي دوله صغيره مش كبيره مساحتها حوالي 27000 مربع وموقعها الاستراتيجي مهم جدا عارفين ليه؟ لانها بتربط بين قارات العالم القديم اللي هي اسيا وافريقيا واوروبا ولانها طريق تجاره عالمي كل السفن والبضايع كانت بتمر بيه قديما وحديثا ده غير ان فيها مقد مقدسات لاديان مختلفه زي الاسلاميه والمسيحيه وده بيخليها مقدسه عند كل الناس علشان كده هي مطمع لدول كتيره هسالك كم سؤال عايزاك توقف الفيديو وتفكر في الاجابه وبعدين اسمع الاجابه اذكر امثله للقضايا السياسيه والبيئيه في الوطن العربي القضايا السياسيه زي القضيه الفلسطينيه والقضايا البيئيه زي اعاده التدوير والحفاظ على البيئه طب هل القضيه الفلسطينيه قضيه حديثه ام قديمه؟ هي قضيه قديمه وشغلت العرب خلال القرنين الماضي والحالي. طب اذكر سببين يجعلان فلسطين مطمعا للدول الكبرى. احنا قلنا هي بتربط بين قارات العالم القديم الثلاث اسيا وافريقيا واوروبا وبتمر بها طرق التجاره العالميه. طب ما اسم النهر الموجود في فلسطين؟ نهر الاردن. تعال بقى احكي لك حدوته صغيره كده تعرفك المشكله الفلسطينيه دي حصلت ازاي من الاول خالص. احنا متفقين ان القضيه الفلسطينيه قضيه قديمه يعني ليها جذور تاريخيه. زمان ايام الحرب العالميه الاولى كانت فلسطين اصلا ولايه عثمانيه تابعه للخلافه العثمانيه بعدها احتلتها بريطانيا سنه 1917 وفي نفس السنه اللي احتلت فيها فلسطين اصدرت وعد بلفور وده كان وعد لليهود انه يديهم فلسطين علشان يبنوا عليها دولتهم لانهم مش عندهم دوله وبيلفور ده اصلا كان وزير الخارجيه البريطاني يعني مالوش دعوه ولا بفلسطين ولا باليهود علشان كده سموا وعده بانه وعد من لا يملك لمن لا يستحق ودي هنسميها المرحله الاولى اللي بريطانيا فيها سمحت لليهود من كل العالم يهاجروا لفلسطين ويعيشوا فيها ولكن الفلسطينيين ما سكتوش وقتها على اللي بيحصل ورفضوا سياسه بريطانيا وعملوا ثورات اهمها ثوره 1900 بعدها بقى جت المرحله الثانيه ودي كانت بعد الحرب العالميه الثانيه تحديدا سنه لما قررت الامم المتحده انها تقسم فلسطين لجزئين واحد للعرب وواحد لليهود اليهود طبعا وافقوا واعلنوا دولتهم اسرائيل سنه العرب بقى رفضوا التقسيم ده وحاربوا فعلا اسرائيل في حرب 1948 ولكن للاسف انتهت الحرب بانتصار اسرائيل واقامه دولتها على معظم ارض فلسطين بعدها بقى جت المرحله الثالثه تحديدا سنه اسرائيل قامت بهجوم كبير جدا على الدول العربيه اللي احنا بنسميه عدوان واحتلت باقي فلسطين تحديدا الضفه غربيه وقطاع غزه واحتلوا ارض سوريه اللي هي هضبه الجولان وارض مصريه اللي هي شبه جزيره سينا بعدها بقى جت المرحله الرابعه تحديدا سنه اللي هي حرب اكتوبر العظيمه اللي نجحت مصر فيها في هزيمه اسرائيل شر هزيمه واستعاده سينا بعد الحرب بدات مرحله جديده اللي هي مرحله المفاوضات يعني يتكلموا مع بعض علشان يوصلوا لحل وقتها اتمضت اتفاقيات كتير واشهر اتفاق كان اتفاق اسلو سنه 1993 لكن المفاوضات دي فشلت في حل القضيه عارفين ليه؟ بسبب تعنت اسرائيل يعني عنادها وعدم التزامها باي اتفاقيه من الاتفاقيات تعالى بقى اسالك كم سؤال عن الحدوته اللي حكيناها دي ما هي السنه التي احتلت فيها بريطانيا فلسطين وما هو الوعد الذي اصدرته في نفس السنه؟ السنه كانت 1917 والوعد هو وعد بلفر طب ماذا كان يحدث اذا فشلت بريطانيا في احتلال فلسطين؟ لم يكن ليهود العالم ان يستوطنوا في فلسطين ولم تكن القضيه الفلسطينيه لتنشا ما هي السنه التي اعلنت فيها دوله اسرائيل دوله اسرائيل اعلنت في 1948 طب ما هو الاسم الذي اطلق على الاراضي التي احتلتها اسرائيل سنه 1967 في فلسطين الضفه الغربيه وقطاع غزه طب كان لبريطانيا دور كبير في اشعال القضيه الفلسطينيه دلل على صحه العباره احنا قلنا احتلال بريطانيا لفلسطين عام واصدارها لوعد بلفور في نفس العام وتسهيلها لهجره اليهود لفلسطين عارفين بقى مصر عملت ايه من اول ما حصلت المشكله الفلسطينيه دي؟ بص يا سيدي مصر كدوله عربيه شقيقه وكبيره ما سابقتش فلسطين لوحدها وقامت بجهود عظيمه لمساعدتها بطرق مختلفه عسكريا وسياسيا وانسانيا اول حاجه الجهود العسكريه مصر حربت ضد اسرائيل في اربع حروب كبيره علشان تدافع عن العرب وفلسطين حرب 1948 ودي اول حرب بعد قيام دوله اسرائيل على طول ثاني حاجه العدوان الثلاثي سنه 1956 لما هجمت اسرائيل وبريطانيا وفرنسا على مصر وبعدين حرب 5 يونيو سنه 1967 اللي فيها احتلت اسرائيل سينا واخيرا حرب اكتوبر سنه 193 73 اللي انتصرت فيها مصر. علشان كده الرئيس عبد الفتاح السيسي قال تقف مصر سدا منيعا امام محاولات تصفيه القضيه الفلسطينيه. يعني هتفضل دايما حاميه للقضيه الفلسطينيه ولن تسمح بضياع حقوق الفلسطينيين. كمان مصر قامت بجهود سياسيه وقعت على اتفاقيه اسلوب سنه 1993 لسه قايلين عليها من شويه غير انها كانت دايما بتتدخل علشان توقف العدوان على غزه كمان قامت ولا زالت لحد النهارده بتقوم بجهود انسانيه زي فتح المستشفيات المصريه لعلاج المصابين والجرحى الفلسطينيين ارسال شاحنات المساعدات الانسانيه زي الاكل والشرب والدواء ده غير ان مصر لحد النهارده لا تتوقف عن دعم حق الفلسطينيين في ان يكون ليهم دولتهم المستقله ورفضت بشده اي خطه بيحاولوا بيه اجبار اهل غزه على انهم يسيبوا ارضهم ويعيشوا في مصر يعني في سينا عارفين ليه؟ لان ده معناه ضياع القضيه الفلسطينيه ونجاح خطه اسرائيل في انها تمشي الفلسطينيين من ارضهم في مؤتمر اتعمل في شرم الشيخ في اكتوبر 2025 برئاسه رئيس مصر عبد الفتاح السيسي وشارك فيه عدد كبير من قاده العالم الهدف منه انهاء الحرب على غزه وبدء عمليه سلام دائمه في الشرق الاوسط كله وده بياكد على دور مصر المهم في تحقيق الاستقرار ومحاوله الوصول لحل القضيه الفلسطينيه طيب لو سالتك اذكر اسماء الحروب الاربعه التي شاركت فيها مصر ضد اسرائيل للدفاع عن الوجود العربي قلنا اول واحده حرب فلسطين سنه 1948 بعدها العدوان الثلاثي سنه 1956 وبعدين حرب 1967 واخيرا حرب اكتوبر سنه طب لماذا عقدت مصر مؤتمر هاما لتحقيق السلام في المنطقه لانهاء الحرب على غزه وبدء سلام دائم في الشرق الاوسط احنا كده خلصنا اول قضيه اللي هي قضيه فلسطين تعالوا بقى ندخل ندخل مع بعض على ثاني قضيه اللي هي الشباب في الوطن العربي الشباب هم الاساس اللي هيتبني بيه مستقبل بلدنا علشان كده الدول العربيه بتهتم برعايه الشباب وتاهيلهم يعني تدريبهم وتعليمهم علشان يكونوا جاهزين لقياده بلادهم في المستقبل يعني ايه شباب اصلا الشباب الاشخاص اللي بتتراوح اعمارهم بين 15 ل 24 سنه الشباب العربي زي ما ليهم حقوق كمان عليهم واجبات انتم خلاص قربتوا ان شاء ان شاء الله تبقوا شباب لازم تعرفوا ايه هي حقوقكم لكم الحق في انكم تقولوا رايكم كمان لكم الحق في ممارسه الرياضه وانكم تلاقوا رعايه اجتماعيه كويسه كمان لما تتخرجوا من حقكم تلاقوا وظيفه مناسبه وكمان لو كنتم من الموهوبين او العباقره من حقكم ان الدوله تهتم بيكم اما بقى واجباتكم تجاه بلادكم انكم تحموا وطنكم وتدافعوا عنه وتتمسكوا بدينكم ولغتكم وثقافتكم وعاداتكم وتع اعملوا بجد علشان تبنوا وطنكم وتخلوه افضل وطن. لازم تبقى عارف ان الدستور المصري يعني القانون اللي بيحكم مصر في نسخه 2014 قرر ان يكون في مكان للشباب في البرلمان. البرلمان ده المجلس اللي بيناقشوا فيه القوانين ولو اتفقوا بيخلوه قانون فعلا علشان الشباب يقولوا رايهم. الدول العربيه بتعمل جهود كبيره علشان تحسن حال الشباب وترتقي بيهم منها مؤتمرات الشباب زي مؤتمر الشباب الاول اللي انعقد في شرم الشيخ سنه 2016 برئاسه الرئيس عبد الفتاح السيسي كمان بداوا يعينوا الشباب في الوظائف الكبيره ده غير الدورات التدريبيه والمنح اللي بتتقدم للشباب وعلى فكره الشباب قادرين انهم يشتغلوا في وظائف كبيره والدليل على كده ان كان في عظماء كتير جدا على مر التاريخ من الشباب زي محمد بن القاسم وده قائد مسلم مشهور فتح بلاد كبيره جدا زي بلاد السند وهو عنده بس 17 سنه هسالكم كم سؤال عشان اتاكد انكم لسه مركزين معايا ما هو عمر الشباب وفقا للامم المتحده عمر الشباب بين 15 ل 24 سنه اذكر حقا واحدا وواجبا واحدا من حقوق وواجبات الشباب الحق هو توفير فرص العمل والواجب هو الدفاع عن الوطن اذكر اسم المدينه التي عقد فيها مؤتمر الشباب الاول سنه 2016 عقد في شرم الشيخ اخر قضيه بقى في درسنا النهارده هي قضيه اعاده التدوير ودي قضيه مهمه جدا لان كل مواطن عربي بينتج في اليوم الواحد حوالي كيلوغرام من القمامه وده كتير جدا اعاده التدوير هي ببساطه اخذ القمامه وتصنيعها مره ثانيه علشان ننتج منها اشياء جديده نقدر نستخدمها بدل ما نرميها ونلوث البيئه يبقى اعاده التدوير هي تحويل النفايات لمنتجات جديده واعاده التدوير ده من زمان جدا من ايام المصريين القدماء اعاده التدوير بتمر باكث من مرحله اول حاجه بيجمعوا القمامه ثاني حاجه يقسموها ويخلوا البلاستيك لوحده والازاز لوحده وهكذا وبعدين يسيحوا يعني بيصهروا المواد علشان يرجعوها لاصلها واخيرا يصنعوا منها منتجات جديده طيب هو اعاده التدوير مفيده؟ اه طبعا لانه بيحافظ على الموارد الطبيعيه بدل ما كل شويه مثلا نقطع اشجار علشان ناخد منها خشب نصنع منه ورق طب ما نعيد تدوير الورق القديم كمان بيحمي البيئه لان لما بتقل القمامه بيقل التلوث فيقل الانبعاث الحراري ده غير انه بيوفر فرص عمل للشباب واول دوله عملت اعاده للتدوير هي اعاده تدوير الورق في اليابان سنه 1030 يبقى ما هي فوائد اعاده التدوير الحفاظ على المواد الطبيعيه تقليل التلوث والحد من الانبعاث الحراري وتوفير فرص عمل للشباب درسنا النهارده خلاص خلص ودلوقتي هنحل مع بعض اسئله التقييم الاسبوعي اول حاجه نموذج الف اكتب كلمه صواب او خطا الدفاع عن الوطن من واجبات الشباب الاجابه صحاني سؤال بما تفسر اهميه موقع فلسطين احنا قلنا انها بتربط بين قارات العالم القديم اللي هم اسيا وافريقيا واوروبا وبتمر بها طرق التجاره العالميه وكمان بتضم مقدسات دينيه متنوعه ثالث سؤال اكمل من الجهود السياسيه لمصر لحل القضيه الفلسطينيه المساهمه في توقيع اتفاقيه لو تفتكروا احنا قلنا ان مصر وقعت اتفاقيه اوسلو سنه 1993 دلل على صحه العباره التاليه تعود عمليه اعاده التدوير لعصر الحضاره المصريه القديمه الدليل انه المصريين والقدماء اعادوا استخدام العديد من المواد السؤال الخامس دلل على صحه العباره التاليه تقوم الدول بجهود لاعداد داد الشباب وتاهيلهم احنا قلنا ان الدوله بتقوم بعقد المؤتمرات الخاصه بالشباب زي مؤتمر الشباب الاول سنه 2016 وتعيين الشباب في المناصب القياديه وتقديم المنح الدراسيه والدورات التدريبيه لتاهيل الشباب للعمل تاني حاجه نموذج ب اكتب كلمه صواب او خطا المشاركه في بناء وتنميه المجتمع من واجبات الشباب الاجابه صح لان احنا قلناها في واجبات الشباب تاني سؤال بما تفسر اهميه اعاده التدوير ثلاث حاجات الحفاظ على الموارد الطبيعيه تقليل التلوث والحد من الانبعاث الحراري وتوفير فرص عمل للشباب السؤال الثالث ما المقصود بالشباب احنا قلنا ان الشباب هم الاشخاص اللي بيتراوح عمرهم بين 15 و24 سنه بعد كده سؤال اكمل من حقوق الشباب نقط نقول اي واحده في حقوق الشباب ممكن نقول توفير فرص العمل المناسبه ممكن نقول حريه الراي والتعبير او اي حاجه انت تفتكرها خامس سؤال ما الاثر الناتج على قرار مجلس الامن سنه 1947 الاثر الناتج على قرار مجلس الامن هو تقسيم فلسطين لدولتين عربيه ويهوديه نموذج اول سؤال اكتب كلمه صواب او خطا الحفاظ على الهويه القوميه من واجبات الشباب الاجابه صح لاننا قلنا في واجبات الشباب الحفاظ على الهويه القوميه والدينيه السؤال اللي بعده بما تفسر خوض مصر العديد من الحروب مع اسرائيل هي مصر خاضت حروب مع اسرائيل ليه احنا قلنا دفاعا عن الوجود العربي السؤال اللي بعده ما المقصود باعاده التدوير قلنا اعاده التدوير هي عمليه تحويل النفايات لمنتجات جديده يمكن استخدامها بعد كده اكمل من حقوق الشباب نقط ممكن نقول اتاحه الفرص للموهوبين والعبقره مثلا بعد كده السؤال الخامس ما الاثر الناتج على الاحتلال البريطاني لفلسطين احنا قلنا اصدرت بريطانيا وعد بلفور سنه وتعهدت فيه بتاسيس دوله لليهود في فلسطين وسهلت هجره اليهود لفلسطين احنا درسنا النهارده خلص عملت لكم شيت حلو قوي في الاسئله والاجابات اللي قلتهم في الفيديو زي ملخص صغير كده ذاكروه كويس قوي بس الملخص ما يغنيش ابدا عن مذاكره الدرس من الكتاب كويس جدا اتمنى تكون معلومات الدرس وصلت لك بطريقه سهله نتقابل في الدرس الجاي ان شاء الله