تفاصيل نظام البوكليت في امتحانات الدبلومات الفنية

اهلا بكم هتكلم النهارده عن نظام البوكلت اللي الوزاره مطبقاه في امتحانات الدبلومات الفنيه صنايع تجاره زراعه فندقي سواء ثلاث سنين او خمس سنين هفهمك يعني ايه بوكلت شكله عامل ازاي ليه اطبق وازاي تحل صح عشان ما تضيعش درجات على حاجات بسيطه اول حاجه يعني ايه اصلا كلمه بوكلت البوكلت يعني ان ورقه الاسئله وورقه الاجابه بقوا ورقه واحده او خلينا نقول كراسه واحده يعني انت لما تدخل اللجنه مش هتستلم ورقه اسئله لوحدها وكراسه اجابه لوحدها لا هتاخد كراسه واحده بس فيها الاسئله وتحت كل سؤال على طول مكان الاجابه بتاعتك يعني السؤال قدام عينك وتحت منه سطور جاهزه انك تكتب فيها الاجابه تعالوا نتخيل مع بعض شكل ورقه الامتحان بنظام البوكلت اول صفحه الغلاف هتلاقي فيه بياناتك اسمك رقم الجلوس المدرسه والتخصص ومعاهم شويه تعليمات مهمه جدا لازم تقراها قبل ما تحل ولا سؤال عدد الصفحات الكراسه ممكن توصل لحوالي 20 صفحه او اكث على حسب الماده وكل صفحه مرقمه علشان ما حدش يقدر يشيل او يبدل ورقه الاسئله اللي جوه بتبقى انواع مختلفه اختيار من متعدد صح وغلط اكمل اسئله مقاليه او مسائل واسئله عمليه او تخصصيه على حسب شغلك تحت كل سؤال هتلاقي مساحه متسطره للاجابه والمساحه دي غالبا كفايه قوي للاجابه النموذجيه ومعاها شويه زياده كمان وفي اخر الكراسه هتلاقي شويه صفحات مكتوب عليهم مسوده تقدر تستخدمهم في الحسابات الرسومات او تكمله اجابه لو المساحه اللي تحت السؤال خلصت السؤال المهم هو ليه اصلا الوزاره غيرت النظام وراحت للبوكلت اول حاجه علشان تقلل الغش وتسريب الامتحان لان كراسه كبيره 20 صفحه صعب تتصور وتتسرب زي ورقه واحده ثاني حاجه بيقلل الغش جوه اللجنه لان بيبقوا عاملين كذا نموذج لنفس الامتحان ا ب ج د نفس الاسئله بس بترتيب مختلف فصعب تقلد زميل ميلك ثالث حاجه بيحافظ على حق الطالب لان ورقه الاسئله والاجابه واحده وعليها بياناتك فما فيش حاجه اسمها ورقتك ضاعت او اتبدلت دلوقتي ندخل على اهم جزء ازاي تتعامل مع ورقه البوكلت صح ركز في النقط دي كويس اول حاجه القلم استخدم القلم الجاف الازرق بس في الاجابه القلم الرصاص لو هتستخدمه يبقى في الرسومات بس مكان الاجابه كل سؤال ليه مساحه محدده ده حاول تلتزم بيها ما تروحش تجاوب سؤال في مكان سؤال ثاني لو عملت كده المصحح هيتلخبط وممكن تضيع منك درجات وانت مش واخد بالك لو غلطت عادي كلنا بنغلط اشطب على الغلط خط خفيف واحد واكتب الاجابه الصح جنبها او تحتها لو في مساحه لو المساحه خلصت لو اكتشفت ان الاجابه طويله والمساحه تحت السؤال مش مكفيه ساعتها تقدر تكمل في صفحه من صفحات المسوده اللي في اخر الكراسه بس لازم تكتب تحت السؤال الاصلي بقيه الاجابه في المسوده صفحه رقم كذا علشان المصحح ما يفوتش الباقي. اسئله الاختيار من متعدد ظلل الاجابه الصح تظليل كامل وواضح لو ظللت اختيارين مع بعض يتحسب السؤال غلط الا لو انت شطبت واحده منهم بوضوح وبينت ان دي ملغيه طيب النظام ده في صالحك ازاي اولا بيساعدك على التركيز لان السؤال واجابته في نفس الصفحه ثانيا الورقه نفسها متسطره ومنظمه فمش هتضيع وقت في تظبيط شكل كراسه الاجابه زي زمان ثالثا الوقت محسوب على قد عدد الاسئله يعني لو بدات صح وابتديت بالاسهل ان شاء الله تلحق تحل وتراجع والنظام ده مطبق على كل المواد النظريه في الدبلومات للسنه دي سواء ثلاث سنين او خمس سنين صناعي تجاري زراعي فندقي ونصيحتي ليك قبل ما تبدا الحل اول حاجه اقرا التعليمات اللي على الغلاف كويس جدا قبل ما تمسك القلم ثاني حاجه خد دقيقه او دقيقتين تبص على كل الورقه نظره سريعه عشان تعرف عدد الاسئله وطبيعتهم. ثالث حاجه ابدا بالاسئله السهله اللي تقدر تخلصها بسرعه ده هيديك ثقه. رابع حاجه ما تسيبش سؤال فاضي حتى لو مش متاكد حاول تكتب اقرب اجابه في دماغك. خامس حاجه خليك هادي واكتب بخط مقروء وحافظ على نظافه الكراسه لان شكل ورقتك قدام المصحح بيدي انطباع عنك. في الاخر حابب اطمنك نظام البوكلت مش معمول علشان يصعب الامتحان بالعكس معمول علشان ينظم الدنيا ويقلل الغش ويضمن حق الطالب اللي ذاكر وتعب لو فهمت طريقته واتدربت عليه هتلاقيه اسهل من النظام القديم بكتير لو عندك سؤال في نقطه معينه اكتبها لي وانا هرد عليك بالتفصيل