كشف النقاط VS التوقعات الصدمة الكبيرة رح يرجعلكم الامل

هاي جايز كي راكم ان شاء الله كاع تكونوا لاباس وعلى خير مرحبا بكم في نوفيل فيديو على بالي باللي عندي بزاف ماحطيتش وكنت غايبه الله غالب كانوا عندي ظروف وكنت مشغوله لهذا ما كنتش نبان وكيما على بالنا باش ندير فيديو كامل راح يدي منا الوقت في هذا الفيديو جيتكم بتوقعاتي في عامي تاع الباك شحال كنت متوقعه ندي في المواد وشحال ديت واسكو توقعاتي كانوا صحاح ولا كنت متوقعه اقل ولا اكثر تبعوا لافيديو للتالي باش تعرفوا كلش وهذا الفيديو راح يمد لكم امل سيغتو اذا كنتوا حاسين باللي ما خدمتوش وراكم خايفين راح تدوا امل منه سو ليتس جو اولا نهضروا بالنسبه لتوقعاتي في المواد الاساسيه علوم مات وفيزيك شحال توقعت وشحال ديت فيهم نبداو اولا بماده الرياضيات ما على بالنا ماده الرياضيات هي اول ماده نجوزوها بالنسبه للشعب العلميه في هذا النهار بالذات اللي جوزنا نا فيه المات انا كنت مريضه بزاف كي دخلنا للفلاصه في الخمس دقائق الولا ولا الع دقائق انا حكمت لي سوجي قدامي قريت السوجي الاول ومن بعدها حكمت السوجي الدوزيام قريته لقيت فيه شجره الاحتمالات اي انا قررت باللي ما نخيروش لاني كنت نخافها وما كنتش نحل عليها بزاف تمارين ومن بعد انا كي جيت نحل حكمتني الدوخه وخرجوني الاساتذه برا وضع لي الوقت حوالي ربع ساعه ولا باش فطنته كامل وكي رجعت للقيس خير ديريكت السوجي الاول وماسيتش نكسر راسي كامل مع السوجي الدوزيام ومن بعد مع الاخير ماكفانيش الوقت وماكملتش واحد السؤال في الاعداد المركبه وكنت غلطت في المجاميع تاع المتتاليات وغلطت في سؤال في الدوال وكي خرج التصحيح وشفت وين راني غالطه والاسئله اللي راحوا لي لقيت روحي نديين 14 ونص و15 ونص والنقطه تاعي في الباك كانت 15 ونص تما ما كنتش بعيده بزاف على التوق نتاعي ودوك نهضروا بالنسبه لماده العلوم ماده العلوم هي الماده الثانيه اللي راح نجوزوها كنا جوزناها بثلاثه كانت الامور كامل ماشيه نورمال عادي لكن كنت غلطت في المخطط وفي النص العلمي انا ما كنتش مريفيزياته مليح لانه داروا على تاع الفيروسات وبعد ما شفت التصحيح تبقعت ندي 17 قلت بالك مادوليش على الاستنتاجات ولا نسيت كلمه مفتاحيه لكن كنت ديت نقطه 18 في الباك اما بالنسبه لماده الفيزياء اللي كنا جوزناها التاليه ماكانش عندي بروبليم معها كان كفاني الوقت وكامل كنت حاسه انه سوجي ساهل لكن في تمرين كنت غلطت وكنت دايره نتيجه غلطه وكملت بها واحد التمرين وكنت متوقعه انه راح يمدو لي العلامه الكامله كنت والنقطه اللي توقعتها هي 18 لكن في الباك كنت ديت 16 ونص لانه ممكن يكونوا مدولي النقطه على طريقه فقط والنتائج كانوا نقصوا لي عليهم والان نهضروا بالنسبه للمواد الادبيه اللي صراحه كانوا خالفوا كامل توقعاتي لكن للاحسن ما تخافوش راح نمد لكم امل ودرك تعرفوا كامل شحال توقعت فيهم وشحال اديت نبداو بالنسبه لماده الادب العربي في عام الباك انا كنت خيرت موضوع الشعر لكن كي خرجت من الكلاصه لقيت كامل يقولوا انه الموضوع تاع الشعر صعيب وخيروا موضوع النصر ومن بعدها درت غلطه انا كي جيت للدار رحت شفت التصحيح ورحت شفت تلاميذ شش قالوا على الموضوع تاع الشعر لقيتهم كامل قالوا صعيب وماخدمناش فيه وكامل انا توسوست مالغري كنت حسيته ساهل وحسيت روحي مجاوب صحيح لكن توسوست وقلت صاي انه كامل الاجابات تاوعي غالطين وما راحتش ندي كامل مليح ودبرست كامل وخفت وكنت متوقعه ندي 13 ولا 12 ما كنتش كامل متوقعه ندي النقطه اللي ديتها في الباك اللي هي العلامه 18 صراحه صراحه كي شفتها انخلعت وما توقعتهاش كامل لانه في السنه الثالثه ثانوي جامي تحصلت على هذه النقطه كنت دائما ندي تحت ال 15 وصراحه حتى صديقتي كانت خيرت موضوع النثر وكانت متوقعه تدي اقل ولكن دات العلامه 19 تما ما تفقدوش الامل وتقولوا انه في اللغه العربيه ماراحش يمدونا مليح وكامل اذا كنتم مجاوبين صحاح راح تدوا النقطه نتاعكم ودوك نهضروا بالنسبه لماده الفلسف اللي كانت ثاني ماده خلف التوقع نتاعي ماده الفلسفه انا كي رحت ندوز كنت نسيت كلش حرفيا يعني تقول مسحوا كامل المقالات من راسي حرفيا كنت قعدت ساعه ولا اكثر باش استرجعت المعلوماتي وكنت انا اخر وده خرجت من الكلاصه وكنت حاسه روحي انه ما خدمتش كامل مالغري زعما درت ا ثمان صفحات عفوا والمقاله تاعي درت لها حجاج وكامل لكن قلت انه هذا محش يمدولي عليها ماهيش مليحه بزاف وكامل كنت متوقعت انه ندي 10 ولا 11 لكن فيميتكم شحال ديت كنت ديت العلامه 18 والله يعني صدمت حرفيا لانه انا كنت دائما نسمع انه ماده الفلسفه ما يمدوش عليها و لازم تكون معمره بالحجج والاقوال وماراحش يمدوا لك عليها النقطه كامل تسقعت ندي 10 ولا 11 ماكسيموم ما كنتش كامل متوقع انه ندي العلامه 18 لانه انا كي كنت نشوفهم يعني طلبه تاع الباك يقولوا انه ديت 18 كنت نحسها حاجه كبيره ونحسها بيزار ونقول كيفاش حتى يدو هذه النقطه لكن بفضل الله ديتها والحمد لله اما بالنسبه لماده التاريخ والجغرافيا اللي كنت درت فيها ديك قد راسي تخيلوا شش درت رحت غلطت في الرسم باش نرسم اعمده بيانيه كنت رسمت مدرج تكراري بالرغم انه جامي غلطت في الرسم لمده سنوات دائما ندي العلامه الكامله على الرسم البياني لكن في الباك ما فهمتش واش صرالي ورحت رسمت مدرج تكراري ودرتهم كامل لاصقين وايضا واحد التواريخ كنت جيبتهم صحيحه ابخي رحت بدلتهم في الدقيقه الاخرى ودرتهم غازلين لهذا كي خرجت كنت متوقعه ندي 12 ولا 13 على الكارثه اللي كنت درتها لكن كنت ديت العلامه 13 وما كانتش عجبتني لانه انا كنت قريتها بزاف وكنت باغيه ندي اكثر من هذه النقطه اما الان نهضروا بالنسبه لليونغ فرونسي وونغلي نبداو بالفرونسي انا كي دوزت كانوا دونا تيكستوريك وتيكستموناتيف انا كنت خيرت الموضوع الزاوج اللي كان يحكي على التيكست اونطاتيف لكن كي خرجت من لي تفاجات وبزاف قالولي انه هذاك التيست لابيل ماشيونطاتيف وانا كنت دايره كوطون دو وكنت مجاوبه على انه اونطاتيف وثماك وين صراحط وقلت خلاص راح الباك وخفت وهذه الغلطه انا كنت نديرها بزاف كي كنت نخرج من يعني كنت نكمل الامتحان ونجي للدار ما كنتش ننسى الموضوع ونخمم في الاختبار اللي جاي كنت نروح نشوف التصحيح ونشوف واش يقولوا على سوجي ولكن مع التالي خرج بلي في فرونسي انه هذا التيكست اغمونطاتيف وماشي لابيل ومالغري كنت متوقعه ندي 10 ولا تسعه لكن ديت النقطه 13 عجبتني على العموم لانه انا كنت متوقعه اقل وكنت كنت دبرست ومرضت من هذيك الماده بالنسبه للاونكلي كنت هردتها شويه لانه جاني الموضوع صعيب شوي وكنت ضعيفه شويه في اللغات صراحه كنت متوقعه ندي 10 وديت 10 ونص وبالنسبه للمعدل اسكو كنت متوقعه ندي 16 صراحه ما كنتش كامل متوقعه ندي المعدل 16 كنت متوقعه عندي 15 كنسبه كبيره و1 بنسبه اقل لكن داخليا ما كنتش مرتاحه لهذو المعدلين كنت باغيه ندي اكثر والحمد لله اللي ربي ما خيبنيش وديت المعدل اللي يرضيني وفرحني بزاف وفرح العائله نتاعي وان شاء الله انتما كامل تفرحوا وتدعوا المعدل اللي راكم باغينه وما تخافوش ما تفكروش بزاف في هذا الشيء وربي ما راحش يخيب لكم التعب تاعكم وراح تدوه كامل وتفرحوا وان شاء الله كامل تجيبوا الباك بالنقطه اللي راكم حابينها والليحق هنايا نشكركم بزاف وما تنساوش تخلو جيم واشتراك هكا باش تكبر القناه تاعي وتلحق لاكبر عدد من الطلبه وما تنساوش ايضا تخلوي افكار فيديوهات في التعليقات راح نقراهم كامل وباي باي نتلاقاو في فيديو اخر باذن اللي