حل اسئله النظام السياسي والاداري كتاب الامتحان 2026 تاريخ ٢ ثانوي

السلام عليكم ورحمه الله وبركاته طلابنا حبايبنا في كل مكان عاملين ايه؟ يا رب دايما تكونوا بخير تعال صديقي نحل اسئله الدرس الاول في الوحده الثانيه وهو النظام السياسي والاداري سابله حاجه يا صديقي نحب نقول لك كل سنه وانت طيب ورمضان كريم واتمنى كده صديقي ا تكون بتتقرب من الله في هذا الشهر الكريم لان دي اهم حاجه يا صديقي اهم حاجه انك تتقرب الى الله تمام طيب قبل اي حاجه يا صديقي بنبدا الاول بالصلاه على الحبيب وتعال كده نمسك اول سؤال بيقول لك يؤكد ارسال الرسول صلى الله عليه وسلم كتابا الى المقوقس حاكم مصر يدعو يدعوه للاسلام على تميز الحضاره الاسلاميه بايه طبعا يا صديقي انت هنا بتدعو بتدعو حاكم مصر لاسلام حلو هل حاكم مصر ده صديقي حاكم مصر ده يبقى عربي لا ده يا مستر ده حاكم روماني حاكم ايه روماني تمام فطبعا يا صديقي انا بدعو اهو ناس غير العرب معنى كده ان الدعوه الاسلاميه ما كانتش مقتصره على مكان واحد او جنس بشري واحد يعني الرسول صلى الله عليه وسلم لما جه يدعو الاسلام مش بيدعو مثلا ان الناس اللي قاعده في شبه الجزيره العربيه بس ولا بيدعو العرب بس لا ده بعت الرسل يا صديقي وبعت الرسائل الى جميع ملوك وامراء العالم معنى كده ان الدعوه الاسلاميه دعوه عالميه دعوه ايه عالميه تمام يبقى تميز الحضاره الاسلاميه بالايه بالعالميه سؤال رقم اثنين نظرا لتعدد مهام الوالي في الدوله الاسلاميه وغيابه مؤقتا في بعض الاحيان عن الولايه كثيرا ما ينوب عنه قائد يتسم بالشجاعه والمهاره العسكريه يدل مضمون العباره السابقه على ا طيب ده بيدل على ايه يا شباب طبعا انت عارف ان الوالي الوالي لما مثلا بيسيب الولايه اللي بيدير شؤون الولايه مين بقى مين اللي بينوب عنه قال لي والله يا مستر اللي بينوب عنه اللي هو صاحب الشرطه صاحب الايه الشرطه وده لان صاحب الشرطه صديقي كان بارعا سياسيا يعني بارع في السياسه هو سياسي بارع سياسي ايه بارع تمام فكان بيخلي يدير شؤون الدوله بالنيابه عنه صاحب الشرطه كده انا عملت لك ايه اديتك تفويض قلت لك خد احكم الولايه دي بالنيابه عني عشان انا رايح مشوار مثلا او رايح اقعد مع الخليفه او رايح اعمل حاجه بره الدوله تمام يبقى يبقى هنا بيدل عليها صديقي تفويض السلطه ان الوالي فوض صاحب الشرطه ان هو يحكم الولايه بالنيابه عنه تمام انا اديتك تفويض للسلطه اهو انت في ايدك السلطه دلوقتي انك تحكم الولايه بالنيابه عن سؤال رقم لاثه اي من عناصر النظام السياسي الاتيه غير مرتبط بمهام الشرطه في الدوله الاسلاميه معلش هي ايه مهام الشرطه مهام الشرطه تنفيذ احكام حمايه خلفاء ء والدوله والاسواء تنفيذ احكام حمايه خلفاء والدوله والاسواء دي مهام الايه الشرطه تمام طبعا هو بيحمي الخلفاء والولاء يعني مرتبطه بالاماره لان انا بحكم بحمي الوالي بحمي ايه الوالي تمام فهي مرتبطه بالاماره مرتبطه بالقضاء لان انت بتنفذ الاحكام القاضي بيصدر حكم فانت بتنفذ بقى ايه بتنفذ الاحكام تمام؟ على اصحابها وليكن مثلا القاضي حكم على واحد بقطع يداه لانه سرق ف الشرطه بتعمل ايه؟ بتنفذ الحكم ده فدي مرتبطه بالايه؟ بالقضاء طب الجيش اه مرتبطه بالجيش برض لان الشرطه بتساعد الجيش في حمايه الدوله تمام لكن الشرطه مش مرتبطه بالاسطول يبقى اهو اللي غير مرتبط بمهام الشرطه هو الاسطول سؤال رقم اربعه جاء تطبيق المسلمين لمبدا الشورى في اختيار الخلفاء الراشدين نتيجه لايه؟ طبعا انت عارف يا صديقي زي مثلا ما حصل قبل كده بعد وفاه الرسول في سقيفه بني ساعده في سقيفه بني ساعده صديقي اجتمع المهاجرين والانصار وتشاوروا في اختيار الخليفه كان مين بقى؟ كان ابو بكر الصديق طب انت دلوقتي بتتبع مبدا الشورى لان الرسول صلى الله عليه وسلم صديقي كان بيعمل كده الرسول يا صديقي كان بيستشير الصحابه في اداره شؤون الدوله وقضاء مصالح الناس وحوائجهم يعني الرسول هو اللي كان بيعمل كده كان بيجي جمع الناس كده ويستشرهم في اداره ايه شؤون الدوله تمام فهنا يا صديقي انت بتعمل ايه بتتبع نفس الاسلوب اللي كان بيعمله الرسول صلى الله عليه وسلم اللي هو بقى ايه الاقتضاء بالرسول في اتخاذ الايه القرارات لان الرسول هو اللي كان بيتبع اسلوب ومبدا الشورى في اداره شون الدوله فهم قال لك بس احنا كمان هنختار الخلفاء الراشدين اا على مبدا الشورى لكن هو مش موروث ثقافي العرب قبل الاسلام ما كانش موجود قبل الاسلام ولا اختصار للوقت ولا تنفيذ وسيط الرسول لان الرسول صلى الله عليه وسلم ما وصاش ترك الامر شورى بين المسلمين ما وصاش بحاجه سؤال رقم خمسه انشغل المسلمون بالنواحي الاقتصاديه فاثر ذلك على عدد الجيش الاسلامي وقد عالج ذلك الخليفه احنا لقينا صديقي ان كثير من المسلمين بيتقعصوا عن الحروب يعني في ناس يا صديقي ما بقتش ايه تخش التجنيد مش عايزه تجاهد في سبيل الله قال لك يا باشا انا اقعد بقى انشغل بايه بالحرفه وب المهن الاخرى اي مهنه بقى اشتغل اي شغلانه ولا اخش الجيش واحارب والكلام ده تمام فهو ده اثر على عدد الجيش لان ساعتها هيحصل ايه هيتقلص عدد الجيش في ناس كتير مش هتبدا تطوع للجهاد في سبيل الله ان هي تخش الجيش وتحارب تمام مين بقى اللي عالج الكلام ده؟ قال لي الخليفه اللي عالج الكلام ده هو عبد الملك بن مروان اش معنى عبد الملك بن مروان؟ عبد الملك بن مروان يا صديقي هو اللي فرض التجنيد الاجباري يلا يا باشا تجنيد اجباري ما فيش حاجه اسمها ايه بقى؟ ا انت عايز تجاهد في سبيل الله او مش عايز تجاهد لا هو هيبقى اجباري لان هو لقى ان عدد الجيش قل الناس انشغلت بالنوا النواحي الاقتصاديه بالحرف والمهن المختلفه تمام فقال لك لا يا باشا يلا حبيبي يلا يا باشا تجنيد اجباري فانا عالج عالجت ايه المشكله دي لان التجنيد كان اختياري ما كانش اجباري سؤال رقم سته اتفق عمل الولاء في عهد الخلفاء الراشدين مع وظيفه العمال في عهد الرسول صلى الله عليه وسلم في الجانبين طبعا انت عارف يا صديقي ان الرسول صلى الله عليه وسلم اول اما هاجر للمدينه حط او وضع نظام اداري للدوله الايه؟ الاسلاميه نظام اداري للدوله الاسلاميه وكان كل مدينه او قبيله بتخش الاسلام كان بيسيب فيها عامل العامل ده بقى بيعمل ايه؟ قال لك العامل ده بيم بالناس في الصلاه يعني بيعلمهم الصلاه تمام يبقى هنا صديقي العامل بيقوم بدور ديني وفي نفس الوقت بيجمع الزكاه بيجمع ايه الذكاه يبقى ده عامل اقتصادي ان انت بتلم فلوس تمام فهو صديقي هو بيقوم بدور ديني ودور اقتصادي نفس الكلام الولاه الولاه صديقي بيعملوا ايه؟ بيعملوا على حمايه الدين والحفاظ عليه يعني بنحمي الدين الاسلامي وفي نفس الوقت الوالي الوالي بيقوم بجبايه الخراج والخراج دي يا صديقي ضريبه بتفرض على الارض الزراعيه تمام يعني انت لما عملت فتوحات فتحت بلاد زي العراق والشام ومصر فرضت ضريبه اسمها ضريبه الخراج على الارض الزراعيه ودي بتفرض يا صديقي على ا الناس اللي هم مش مسلمين يعني ناس مش مسلمين ومعاهم ارض زراعيه فبيدفعوا عليها خراج كل سنه كل سنه تمام فهنا صديقي اهو انت بتجمع الخراج اللي هو الضرائب اللي هي الفلوس وكمان بتحمي الدين يبقى برده بتقوم بمهام دينيه ومهام اقتصاديه يبقى ديني واقتصادي هم الاثنين بيتشابهوا في الديني والايه والاقتصادي سؤال رقم سبعه كان من مهام الوالي في بدايه الدوله الاسلاميه جبايه الخراج والنظر في الاحكام وتقليد القضاه وتدبير الجيوش يعني هو بيجمع الخراج ودي سلطه تنفيذيه سلطه ايه تنفيذيه وتدبير الجيوش سلطه تنفيذيه النظر في الاحكام وتقليد القضاه دي يا صديقي سلطه قضائيه اذا الوالي هنا بيجمع بين سلطتين سلطه تنفيذيه وسلطه قضائيه فده بيدل عليه انا قلت لك يا صديق اي حد معاه معاه اكت من سلطه معناه ان هو لا يعرف الفصل بين الايه السلطات تمام لكن مش بيدل على الدور السياسي ولا الدور الديني ولا تبعيه الوالي الاسمال الخلافه لا سؤال رقم 8انيه ارتبط ظهور الدواوين المسؤوله عن تنظيم رواتب الجند وجمع الخراق في الدوله الاسلاميه طيب هنا في دواوين ظهرت صديقي وهي مسؤوله عن تنظيم رواتب الجند زي ايه؟ قال لي زي ديوان الجند والعطاء ديوان الجند والايه والعطاء انت بتنظم رواتب الجند وبتجمع كمان الخراج زي ديوان الخراج ديوان الايه الخراج طبعا يا صديقي الاثنين دول مرتبطين ب اتساع ركعه الدوله ما انت لما وسعت ركعه الدوله وعملت فتوحات زاد هنا ايه زادت الجيوش الاسلاميه وزادت الاراضي الزراعيه فلما زاد زدهت الجيوش الاسلاميه بدات ان انت تعمل ايه؟ تعمل لهم احصاء يعني تعد الجنود اللي عندك وتحدد رواتبهم تمام وتحدد الايه الرواتب بتاعتهم والوقت اللي هم هياخدوا فيه الرواتب دي ليه؟ لان الجيش عندك زاد عشان كده حطيت له ديوان ينظم رواتب الجنود طب هو زاد ليه؟ لان انت وسعت من ركعه الدوله الاسلاميه والفتوحات كترت نفس الكلام مساحه الاراضي الزراعيه كترت بسبب قصه الفتوحات تمام فبدات تقول ان في اموال كتيره قوي بتيجي بتيجي من الاراضي الزراعيه فاحنا عايزين واحد يشرف على جمع هذه الاموال عشان كده عملت ديوان اسمه ديوان الايه؟ ديوان الخراج لتنظيم الخراج في جميع الاقاليم ا داخل الدوله الاسلاميه او في جميع الولايات داخل الدوله الايه؟ الاسلاميه حلو فطبعا يا صديقي انت عملت دواوين بتنظم الكلام ده بسبب اتساع ركعه الدوله الاسلاميه وقثره الفتوحات قصره الايه الفتوحات عشان كده اللي جا عملها يا صديقي هو عمر بن الخطاب ليه؟ لان الدوله اتسعت في عهد عمر بن الخطاب بشكل كبير فاضطر ان هو يعمل دواوين علشان تنظم الرواتب للجنود وتنظم جمع الفلوس من الاراضي الزراعيه اللي هو جمع الخراق سؤال رقم تسعه يعد اكثر الدواوين في الدوله الاسلاميه ارتباطا بتنظيم حركه حركه الفتوحات الاسلاميه حلو احنا عايزين ننظم بقى حركه الفتوحات الاسلاميه بمعنى انا عايز اعمل فتوحات عايز اعمل ايه فتوحات فعشان اعمل فتوحات ببدا اعمل ايه هعمل احصاء للجيش بتاعي تمام فيديو كده هيبدا يعد عدد الجنود عشان خاطر هنعمل ايه هنعمل فتوحات فتنظيم حركه الفتوحات مرتبط بديوان الجند والعطاء تمام لان هو اللي بيحصل جيش كده وبيظبطه علشان خاطر هنبدا نخش نفتح بلد بقى مثلا على سبيل المثال في قائد هيروح يفتح مثلا بلاد الايه؟ بلاد ما وراء النهر تمام فاحنا بنقول له انت هتاخد مثلا حوالي هنعمل لك احصاء مثلا حوالي 3000 جندي فاللي بيقوم باحصاء الجنود هو ا ديوان الجند والعطاء يبقى هو اللي بينظم حركه الفتوحات الايه؟ الاسلاميه لكن قلت لك الخراج دي ضريبه بتفرض على الارض الزراعيه البريد لا مالوش علاقه البريد ده ليه علاقه بالايه؟ بال اللي هو تامين طرق مواصلات البريد تمام وضمان وصول المعلومات والاخبار داخل الدوله الرسائل والانشاء دي لها علاقه بالايه؟ طبعا بالرسائل الوارده من الوالي للخليفه او من الخليفه للوالي. سؤال رقم 10 يتضح من تحليل مضمون النص المقابل ان محاسبه الولاء كانت لحرص الخليفه على طيب هو ليه الخليفه عمر بن الخطاب صديقي كان بيطلب من الوالي انه يقدم ذمته الماليه يعني قبل ما تمسك منصب والي قو لي كده انت معاك كام ثروتك قد ايه فمثلا يقول انا ثروتي ثروتي 100000 دينار 100000 ايه دينار تمام مسكت الولايه وبقى معاك من 100 ل 500 فهنا بقى يبدا يحاسبك اه ال 400000 دول جم منين من اين لك هذا من اين لك ايه هذا تمام فكده معناها ان الوالي اللي كان بيحكم فاسد لانه بينهب ثروات الايه البلد تمام فهو حط نظام محاسبه الولاده صديقي لمحاربه الايه الفساد عشان ما تستغلش نفوسك يا صديقي في انشاء ثروات انك تعمل ثروه هائله انك تبقى غني بمعنى اصح سؤال رقم 11 ظهرت الهيئات القضائيه العسكريه في الدوله الاسلاميه لاول مره في عهد طبعا انا بقى عندي في قاضي للجند قاضي ايه للجند واول قاضي للجنده صديقي اختاره كان الخليفه العباسي المهدي يبقى هنا الهيئات القضائيه العسكريه العسكريه يعني عندي قاضي للجند ده ظهر في عهد الدوله العباسيه خاصه في عهد الخليفه الايه؟ المهدي. سؤال رقم 12 ارتبط صاحب الشرطه بالعمل السياسي في الدوله الاسلاميه من خلال قيامه طيب ايه العمل السياسي؟ العمل السياسي ده يا صديقي يعني نظام الحكم والاداره هي دي السياسه ان انت بتدير وبتحكم تمام طب صاحب الشرطه كان بيدير ويحكم اه ازاي هل تنفيذ الاحكام واقامه الحدود لا يا صديقي دي مالهاش علاقه بالعمل السياسي بنظام الحكم والاداره تنفيذ الاحكام واقامه الحدود دي سلطه فيزيه تمام ان انا بنفذ الحكم اللي صادر على مثلا واحد من المفسدين تمام واقيم عليه الحد قلت لك زي مثلا واحد سرق فاقمنا عليه الحد بقطع ايه يداه لان من من يسرق تقطع يداه هل مساعده الجيش في حمايه امن المجتمع لا ده مش عمل سياسي ده عمل عسكري انت بتساعد الجيش هل حفظ الاسواق ومساعده المحتسب لا ده اقتصادي تمام ان انت بتحقق هنا الاستقرار الاقتصادي يا شباب عشان ما حدش يغش في الاسواق لان المحتسب ده صديقي بيمنع الغش في الاسواق فلما انت تساعده فانت كده يا صديقي بتعمل دور اقتصادي ان ما يحصلش غش غش في الاسواق التجاريه هل تنظيم شؤون الولايه نيابه عن الوالي اه ده الكلام المظبوط بقى يا شباب ان انت هنا بتنظم شؤون الولايه نيابه عن الوالي الوالي لما بيمشي انت اللي بتدير شؤون الايه الولايه بالنيابه عنه بالنابه ايه عنه فده يعتبر عمل سياسي وخاص بنظام الحكم والاداره انا اللي بحكم موايه نيابه عن الوالي سؤال رقم 13 تعددت اختصاصات الشرطه في الدوله الاسلاميه ومنها اقامه الحدود على العصاه والمجرمين وهذا يجعلها جزء من السلطه وانا مغمض عيني تنفيذيه اقامه الحدود ده سلطه تنفيذيه على طول ليه انا عندي القاضي طلع حكم قاضي ض يطلع ايه حكم ان في واحد سرق تقطع يداه مين بقى اللي بيقيم الحدود ويقطع ويقطع ايده قال لي يا صديقي هنا الشرطه فهو اللي بينفذ هو اللي بينفذ الحكم فدي سلطه تنفيذيه انك تنفذ انت الحكم اللي طلع من القضاء ده انت كده سلطه ايه تنفيذيه تمام لكن القاضي لما يطلع حكم ده سلطه قضائيه يعني انا اقول على القاضي اه سلطه قضائيه انما الشرطه بتنفذ بتنفذ هي اللي بتقطع ايد الايه المجرم يبقى دي سلطه تنفيذيه سؤال رقم 14 لعبت البحريه الاسلاميه اول ادوارها الدفاعيه ضد طبعا يا صديقي انت عارف ان البحريه الاسلاميه ظهرت امتى؟ قال لي يا مستر ظهرت في عهد الخلفاء الراشدين وخصوصا في عهد مين؟ عثمان بن عفان بطلب من مين؟ من معاويه بن ابي سفيان والي الشام واللي الشام تمام فعملنا اسطول ولما عملنا اسطول دخلنا في معارك بحريه خصوصا مع الدوله البيزنطيه صديقي زي معركه ذات الصواري معركه ايه ذات الصواري فاحنا لعبنا دور دفاعي ضد البيزنطيين تمام زي معركه ايه ذات الصواري دي اول ادوارها الدفاعيه لان اول معركه دخلتها بدافع فيها عن نفسي وعن السواحل الاسلاميه يعني زي سواحل الشام كده تمام هيبقى ضد البيزنطيين في معركه ذات الصواري وعلى فكره اللي كان بيقود هذه المعركه صديقي هو عبد الله ابن سعد بن ابي السرح ضد قائد الاسطول البيزنطي قسطنطين الثاني سؤال رقم 15 القضاء الاماره صاحب الشرطه وظائف ظهرت في الدوله الاسلاميه ويعد العامل المشترك بينها يعني العامل المشترك يا صديقي بين القضاء والاماره وصاحب الشرطه ايه هل السعي لتطبيق حدود الشريعه الاسلاميه ده كلام مظبوط القاض يا صديقي انت عارف ان هو بيفصل في المنازعات والخلافات طيب ا انت بتفصل في المنازعات ازاي يا عم القاضي؟ قال لي والله اا بتطبيق الشريعه الاسلاميه اللي هو الايه؟ السنه والقران فالراجل هنا بيطبق حدود الشريعه الاسلاميه حلو طب والاماره الاماره نفس الكلام يا صديقي مش بيقيم الحدود ما هو اقامه الحدود دي مستنده على الشريعه الاسلاميه الشريعه الايه الاسلاميه الرسول صلى الله عليه وسلم قال لك اذا سرقت فاطمه بنت محمد لقطعت يداه لقطعت ايه يداه تمام فانت برده بتطبق الشريعه الاسلاميه في اقامه الحدود ونفس الكلام صاحب الشرطه بيقيم الحدود على المجرمين والمفسدين يبقى هم الثلاثه بيسعوا لتطبيق حدود الشريعه الاسلاميه حدود الشريعه الايه الاسلاميه تمام لكن طبعا مش رئاسه السلطه التنفيذيه في الولايه ما مش رئيسه السلطه التنفيذيه والمفروض رئاسه السلطه التنفيذيه بيبقى مثلا زي الوزير كده ولا زياده موارد الدوله الاسلاميه لا ولا اقرار مبدا الشورى والديمقراطيه مالهاش علاقه خالص سؤال رقم 16 اهتم صلاح الدين الايوبي بالاسطول من اجله طيب واحده واحده هو صلاح الدين الايوبي كان بيتخانق مع مين على طول قال لي كان بيتخانق مع الصليبيين صح قلت له ده كلام جميل طب انت في خناقك مع الصليبيين وانت عارف طبعا الصليبيين بيجوا من اوروبا بيبعتوا اساطير البحريه من عن طريق البحر المتوسط ويبعتوا امدادات للصليبيين اللي موجودين فين؟ موجودين في في الشام فقال لك بس انا هبدا هنا اهتم بالاسطول واطلع واحد اسمه حسام الدين لؤلؤ تمام بالاسطول كده صديقي يطلع من مصر تمام على ساحل الشام على ساحل ايه الشام ليمنع وصول ا الامدادات الامدادات تمام يعني ما فيش امدادات تيجي للصليبيين في الشام من غرب اوروبا يبقى انا بعمل ايه؟ انا حطيت الاسطول بتاعي على سواحل الشام فانا كده عملت ايه؟ منعت وصول اي امدادات للصليبين اللي موجودين في الشام يبقى انا كده بعمل بعمل حصار كده بعمل ايه؟ بعمل حصار يبقى انا كده تشديد الحصار على الصليبين في الايه؟ في الشام هديك مثال مثلا انا عندي دي سواحل الشام اهو دي مصر تمام هو طلع حسام الدين لؤلؤ وقف بالاسطول بتاعه هنا تمام فالصليبيين اللي موجود هنا موجود هنا مش هينفع يجي لهم امدادات يبقى انا كده عملت ايه حصرتك مش هيجي لك اي امدادات انا كده حصرتك في الشام خلاص مش هيجي لك اي مساعدات من اوروبا لكن طبعا مش تامين ومش عامل عشان يامن عاصمه الخلافه الاسلاميه ولا الرد على اعتداءات اسطول البيزنطي ولا مهاجمه سواحل جنوب اوروبا لا الراجل عمل كده اصلا في حربه وصراعه مع الصليبيين سؤال رقم 17 اهتمت الحضاره الاسلاميه بانشاء نظم سياسيه حاكمه وفي ذات الوقت اهتمت بالنواحي الحضاريه يعني انت اهتميت بالسياسه واهتميت بالحضاره يدل مضمون العباره السابقه على تميز الحضاره الاسلاميه بايه ده ده يا صديقي وانا مغمض عيني ان تميزت الحضاره الاسلاميه بالشموليه ليه الشموليه لان انت عارف يا صديقي هي حضاره تشمل كل نواحي الحياه مجالاتها بقى سياسيه واقتصاديه واجتماعيه وعلميه وفنيه كل نواحي الحياه اهو هي بتشمل السياسه والنواحي الحضاريه دي بقى اللي هو الايه؟ الاقتصاد والاجتماع والعلميه والفنيه تمام ما هو الحضاره دي اللي هو البناء والتعمير فانت لما تقوي الاقتصاد وتعمل انجازات علميه وفنيه تمام دي اسمها نواحي حضاريه فده بيدل على تميز الحضاره الاسلاميه بالشموليه لان هي ما اختصتش السياسه بس لا دي اختصت السياسه والاقتصاد والاجتماع والعلميه والفنيه اللي هي النواحي الايه ايه الحضريه فهي شامله سؤال رقم 18 ارتبطت طريقه تولي ابو بكر الصديق حكم المسلمين بترسيخ مبدا وانا مغمض عيني طبعا مبدا الايه الشورى لان انت عارف اصلا ابو بكر الصديق مثل عن طريق الايه الانتخاب صح مش قلنا اصحاب الشورى او اهل الشورى قعدوا كده لما كانوا قاعدين في سقفه بني ساعده واختاروا ابو بكر الصديق تمام؟ وتمت البيعه اللي هي البيعه الخاصه في سقيفه بني ساعده ثم البيعه العامه وكان في مسجد الرسول صلى الله عليه وسلم فالراجل انا صديقي ارتبطت طريقه توليه الحكم بمبدا الشورى اخر الوظائف الرسميه ظهورا في الدوله الاسلاميه اخر وظيفه وبشكل رسمي ها طيب الشرطه الشرطه ظهرت في عهد علي بشكل رسمي وعلي من عهد في عهد الخلفاء الرشيد شدين فلا الخلافه برض في عهد الخلفاء الراشدين اول خليفه هو ابي بكر فلا الاماره ظهرت ظهرت في عهد الرسول صلى الله عليه وسلم تمام واصبحت ا تسمى بالوالي يعني ظهر منصب الوالي في عهد الخلفاء الراشدين برض في عهد الخلفاء الايه الراشدين زي عمرو بن العاص كده لما مسك مصر كان والي على مصر تمام فدي لا ولكن الوزاره الوزاره اصبحت وظيفه رسميه في عهد الدوله العباسيه في عهد الدوله ايه العباسيه ليه قال لي تاثرا بالنظام السياسي والاداري للفرس وبسبب اتساع ركعه الدوله الدوله الاسلاميه صديقي اتسعت فده ادى الى ظهور الوزير كوظيفه رسميه تمام لان هو في عهد الرسول ما كانش وظيفه يا شباب الوزاره في عهد الرسول صلى الله عليه وسلم كانت ا معنى كانت ايه معنى بمعنى صح كده كانت في ناس بتساعد الرسول بتوازر الرسول صلى الله عليه وسلم الموازره اللي هي المساعده لان الرسول صلى الله عليه وسلم كان بيستعين بالصحابه في اداره شؤون الدوله وقضاء مصالح المسلمين وحوائجهم تمام زي مثلا ابو بكر الصديق وعمر بن الخطاب اللي كانوا بيوازروا الرسول بيساعدوه بس هل ابو بكر الصديق كان اسمه وزير كان ماسك منصب وزير لا هم بيقوموا بالدور بدور الوزير لكن هو لا اسم وزير ولا بيتولى منصب الوزير ما فيش حاجه اسمها منصب وزير اصلا لكن كمنصب وزير بشكل رسمي زار في عهد الدوله الايه العباسيه سؤال رقم 20 يتضح من مضمون النص المقابل ان العلاقه بين الخليفه والشعب كانت قائمه على ايه؟ طبعا يا صديقي هنا في امراه اا اوقفت عمر امراه اوقفت ايه؟ عمر تمام في سوق المدينه قائلا له عدتك عميرا في الجاهليه عدتك عميرا في الجاهليه ثم عمرا في الاسلام ثم صرت امير المؤمنين تمام فاتق الله في الرعيه يا عمر قالت له اتقي الله في الايه في الرعيه دي على فكره خوله بنت ثعلب خوله بنت ثعلب صديقي لما وقفت عمر ما قالتلوش كده بالنص يعني قالت له ايه اعدتك عميرا في الجاهليه فكنت تزعل الصبيا بعصاك في سوء عقاز ومر الزمن وصرت عميرا ا عمرا سوري وصرت عمرا في الاسلام ومر الزمن وصرت امير المؤمنين فاتق الله في الرعيه يا عمر انت متخيل امراه بتنصح مين عمر تنصحه ان هو يتقي الله في الرعيه ما جاش بقى عمر وقال لك يا باشا ارم الوليه دي في في الزنزانه المو في السجن والكلام ده لا العلاقه هنا يا صديقي بين الخليفه والشعب كانت قايمه على ايه؟ على المشاركه وعلى تقبل النصيحه فكان عمر بيتقبل نصيحه المراه صديقي فدي قايمه على ايه؟ النصح والارشاد لكن مش رحمه ما فيهاش علاقه بالرحمه خالص ولا الاهتمام باحوال البلاد ولا حفظ موارد الدين هي بتنصحه ان هو يتقي الله في الرعيه وهنا هو بيتقبل النصيحه لان هي بترشده وبت وبتنصحه ان هو يتقي الله في الرعايه 21 اي مما يلي يخرج عن كونه دليلا على انفتاح الحضاره الاسلاميه على الحضارات الاخرى طبعا انت عارف ان الحضاره الاسلاميه كانت منفتحه على الحضارات الايه الاخرى حلو كلام جميل هل ظهور الخلافه كنظام سياسي للحكم اقول لك لا بقى ده اللي يخرج عنها يا صديقي اول اجابه ليه لان انت عندك يا صديقي نظام الخلافه نظام الخلافه ده خاص بالدوله الاسلاميه يعني ايه؟ يعني ما فيش دول يا صديقي ما فيش دول قبل الاسلام في العصور الوسطى طبقت النظام ده اللي هو نظام الخلافه هو كان في طبعا انظمه سياسيه منتشره زي ايه مثلا؟ زي النظام الملكي الامبراطوري زي الامارات لكن يا صديقي ما كانش في حاجه اسمها نظام الخلافه اللي ابتقر نظام الخلافه ده هم المسلمين فانت انت صديقي ما تتاثرتش بحضرات اخرى وطبقت نظام الخلافه لا انت اللي ابتكرته اصلا انت اللي ابتكرت النظام ده لكن مثلا الوزاره لا الوزاره كمنصب رسمي انا عرفته منين من الفرس فده مرتبط بانفتاحي على الحضارات الاخرى ان انا اتاثرت هنا بالحضارات الاخرى تمام لان الوزاره الوزاره بيدل على تاثر الدوله العباسيه بالنظام الاداري والسياسي بالفرصه ترجمه مؤلفات اليونان والرومان ما انا بترجم مؤلفاتهم يبقى انا كده بنفتح على الحضارات الاخرى تشكيل حضاره متعدده طاقات ده برض انفتاح الحضارات الاخرى ان في طاقات متعدده وخبرات متعدده ساهمت في تشكيل الحضاره الاسلاميه يعني هتلاقي مثلا فرص سهمه هتلاقي اتراك فده معناه ان انت بتنفتح على الحضارات الاخرى تدل براعه كثير من علماء المسلمين من اصول عربيه وغير عربيه في العلوم المختلفه يعني في كثير من علماء علماء المسلمين برعوا في العلوم المختلفه اذا كان بقى عربي او غير عربي هل ده بيدل على الشموليه لا انا قلت لك شموليه ان هي بتشمل جميع نواحي الحياه سياسيه واقتصاديه واجتماعيه وعلميه وفنيه تمام لكن دي مالهاش علاقه هل الواقعيه لا الواقعيه دي ان لو جاب لك اي مشكله والاسلام حلها زي مثلا مشكله الميراث زي مشكله الايه الميراث في دايما مشاكل بتحصل على الميراث كده وانت عارف الذكر مثل حظ الانثيين تمام فطبعا انت عارف ان لو مثلا ولد وبنت ورثه فالبنت بيبقى ليها للث والولد بيبقى ليه الايه؟ التلتين تمام طب اللي بيحل المشكله مثلا لو حصل خلافات بين الولد والبنت قال لي هنا بيبقى علماء الفقه علماء الايه؟ الفقه هم اللي بيحلوا المشاكل دي اا تنوع الحضاره الاسلاميه اه ده بيدل بقى على تنوع الحضاره الاسلاميه ان الحضاره الاسلاميه انا صديقي ما قامتش على ا العرب بس لا ده قام قامت على عرب وعلى اتراك وعلى فرس وعلى بربر وعلى اقباط ففي ناس كتير شاركوا في تشكيل الحضاره الاسلاميه معنى كده الحضاره دي متنوعه حضاره ايه متنوعه لكن طبعا مش الجمع بين الجانب المد والروحي الجمع الجمع بين الجانب المادي والروحي ان انت مثلا زي مثلا زي الخليفه كده شفتوا الخليفه الخليفه مثلا بيعمل ايه بيحفظ الدين ويحمي الدوله كده هو بيعمل ايه؟ بيحفظ الدين ان هو بيقوم بالجانب الروحي اللي هو الدين وحمايه الدوله ان هو بيشتغل على حمايه الدوله ده جانب مادي شغل شغلك في الدنيا شغلك ايه في الدنيا تمام فطبعا هنا هو بيجمع بين الجانب المادي والايه والروحي السؤال رقم 23 يرجع انفتاح الحضاره الاسلاميه على الحضارات الاخرى الى يعني الحضاره الاسلاميه يا صديقي انفتحت على الحضارات الاخرى ده بيرجع ليه هل عدم وجود تراث حضاري العرب يعني العرب ما عندهمش تراث حضري لا طب هل الحرص على نشر اللغه العربيه برده لا ولا تاثر الحضارات الاخرى على العرب دينيا يعني الحضارات الاخرى ما اثرتش عليها دينيا ولكن يا صديقي تقدير العرب للعلم والمعرفه ان احنا هنا بنقدر العلم والمعرفه عشان كده صديقي العرب ما دمروش ماضمروش الحضارات في البلدان اللي هم فتحوها يعني لما دخلت اي بلد زي العراق والشام وبلاد فارس هل انا دمرت الحضاره بتاعتهم لا بالعكس انا استفدت منهم واقتبصت ما يتفق مع قيمي قيمي وثوابت عقيدتي تمام يعني انا باخد اللي هو بيتماشى مع العقيده بتاعتي العقيده الاسلاميه تمام ما ينفعش اخد حاجه حرام بمعنى اصح ما فيش مثلا وصفه كده سحريه للخمره فرووح انا واخد الوصفه دي وعامل الوصفه السحريه للخمره لا لان الخمره انت عارف ان هي حرام دينيا تمام فانا بقتبس الحاجات اللي بتتماشى مع القيم بتاعتنا وثوابت عقيدتنا سؤال رقم 24 بيقول لك من مهام الخليفه حفظ الدين وتعيين الولاه يدل مضمون العباره السابقه على احدى خصائص الحضاره الاسلاميه لسه لك يا صديقي الخليفه اهو بيحفظ الدين بيحفظ ايه الدين تمام يبقى هنا بيقوم بالجانب الايه الروحي ا ده اللي هينفعه في الاخر يا شباب وفي نفس الوقت بيعاين الولاء الولاء صديق اللي هم بيديروا شؤون الولايات زي ما حط عمر بن الخطاب والي على مصر هو عمرو بن العاص لاداره شؤون الدوله لاداره شؤون مصر يعني تمام فهنا صديقي هو بيقوم بدور روحي ودور مادي ودور ايه مادي فده معناه ان الحضاره الاسلاميه بتمتاز بالوسطيه يعني مش الخليفه ده بس قايم على حفظ الدين بس وخلاص والتعبد والصلاه والكلام ده كل حاجاته قايمه على الدين بس لا الدين بتاعنا دين وصدي دين ودنيا الاتنين لازما نهتم بالاثنين سؤال رقم 25 يعد عصر الخليفه الاموي عبد الملك بن مروان نقطه تحول في النظام الاداري للدوله الاسلاميه نتيجه قيامه بايه؟ بص يا معلم عموما يعني الخليفه الاموي عبد الملك بن مروان عمل حاجتين تمام بالنسبه للنظام الاداري النظام الاداري انه قام بتعريب الدواوين تعريب الايه؟ الدواين الدواين ده صديق اللي هي الوزراء حلو فانا عندي مثلا الدواوين كانت في بلاد فارس بتتكتب باللغه الفارسيه يعني يكتبوا اي تقرير اي حاجه بيعملوها بيكتبو بيكتبوها باللغه الايه الفارسيه مثلا في عندي وزير الماليه في بلاد فارس وزير الماليه ده صديقي بيجمع ايه الخراج مثلا حلو فوزير الماليه ده بيكتب بقى انا جمعت قديم بس لما بيكتب بيكتب باللغه الايه الفارسيه فهنا الخليفه الامو عبد الملك بن مران قال لك لا كل الدواوين في جميع الدول هتكتب باللغه العربيه في بلاد فارس والعراق را والشام ومصر كله باللغه العربيه فقام بتعريب الدواوين وده ادى الى نشر اللغه العربيه في جميع الدول حلو الحاجه الثانيه انه جعل التجنيد اجباري التجنيد الاول كان اختياري يا جدعان اللي هيجات في سبيل الله يتفضل يجي لما قى بقى الناس صديقي بتتقاعص مش عايزه صديقي تنضم للجيش وانشغلت بقى بالحرف والمهن المختلفه قال لك لا يا باشا التجنيد الاختياري مش هينفع احنا هنج هنا شكل اجباري هتخش الجيش اجباري الزامي يبقى دي الحاجتين اللي عملهم عبد الملك بن مروان حلو فهو اداري ان هو اعتمد اللغه العربيه كلغه رسميه في الاداره تمام لان الدواوين دي قلت لك اللي هي الوزراء هم دول اللي بيديروا يعني يساعدوا في اداره الايه الدوله سؤال رقم 26 رفض عمر بن الخطاب الهدايا من عماله تاكيدا على مبدا طبعا يا صديقي هنا عمر بن الخطاب هو بيشتغل شغل نزيه دي نزاهه دي ايه نزاهه الناس كلها واحد بالنسبه له انت ما يفرقش معايا حاجه غير شغلك شغال كويس والدنيا تمام تبقى بالنسبه لي ايه اشيلك فوق راسي حلو لكن مش شغال كويس لا هحاسبك وهعاقبك فده بيدل على النزاهه لكن لو كان عمر بن الخطاب بيقبل الهدايا اه واحد بيدي له هدايا فتلاقيه بقى ايه بيغلط ولا مش عارف ايه فعمر بيعدي له ليه؟ لانه بيدي له هدايا. لا عمر مش كده يا صديقي ما فيش حد احسن من حد كلهم واحد وانا ما بقبلش هدايا اصلا لان كله هيتعامل عندي كله تعامل عندي بنفس الاسلوب كلكم واحد ودي نزاهه دي نزاهه عن عمر بن الخطاب يعني نزيه بمعنى اصح سؤال رقم 27 جمع في سلطته مهام قضائيه بجانب مهامه السياسيه في بدايه الدوله الاسلاميه يعني هو معاه مهام قضائيه ومعاه مهام سياسيه هل مسؤول ديوان الخراج؟ لا مسؤول ديوان الخراج ده ليه مهام اقتصاديه اصلا ان هو بيجمع يعني الضرائب اللي على الارض الزراعيه الوزير لا وزير مهام سياسيه بس القاضي قضائي بس لكن اللي بيجمع بين الاتنين الوالي سوري الوالي اللي بيجمع بين الاتنين الوالي ليه الوالي صديقي معاه مهام قضائيه وهي النظر في الاحكام وتعيين القضاه فهو معاه مهام قضائيه اهو هو بيعاني القاضي وبينظر في الاحكام اللي بيطلعها القضاه اي قاضي طلع حكم هو بينظر فيه ومعاه مهام سياسيه صديقي لان هو اللي بيدير الولايه يعني الوالي ده زي عمر زي عمرو بن العاص صديقي هو اللي كان بيدير مصر تمام فهو معاه مهام ايه سياسيه اداره الولايه والنظر في الاحكام وتعيين القضاء دي مهام قضائيه سؤال رقم 28 اسهم العلماء المشار اليهم في معطيات الصوره المقابله بدور كبير في الدوله الاسلاميه وذلك يدل على تمتع الحضاره الاسلاميه باحدى الصفات الاتيه وهي طبعا يا صديقي السرياني دول كانوا قاعدين في الشام دول مش عرب دول ايه مش عرب كانت مهمتهم مصاديق ان هم بيترجموا الكتب زي الكتب اليونانيه تمام والكتب الرومانيه عشان يستفيد منها الحضاره الاسلاميه تمام فانا عندي اهو ناس مش عرب بيساهموا في تشكيل الحضاره الاسلاميه وده معناه ان الحضاره الاسلاميه هي حضاره ا قامت على يد شعوب متعدده منها العربي ومنها الغير عربي وده معناه ان الحضاره الاسلاميه حضاره متنوعه حلو وبنستفيد من الحضارات الاخرى بنستفيد من الحضارات الاخرى معنى كده ان الحضاره الاسلاميه برض حضاره عالميه انا بستفيد من الكل اهو بستفيد من حضارات العالم يبقى عالميه وتنوع تمام انما مش وسطيه ولا طبعا لها علاقه بالواقعيه والشبه سؤال رقم 29 يعد اول العوامل التي ساهمت في تشكيل حضاره اسلاميه متعدده الطاقات يعني احنا لما جينا بصينا على الحضاره الاسلاميه صديقي لقينا بقى في العربي بيبذل طاقه لانشاء هذه الحضاره لقينا فيها التركي لقينا فيها الفارسي لقينا فيها القبطي لقينا فيها البربري البربر تمام فطبعا انا يا صديقي هي متعدده طاقات وده معناه يا صديقي او سوري اول عوامل اللي ساهمت في كده ايه طبعا يا صديقي لما حصل ايه كسرت الفتوحات الاسلاميه انت يا صديقي لما عملت فتوحات واصبحت الدوله الاسلاميه من الصين شرقا للاندلس غربا ده خلى صديقي كل الشعوب دي تساهم في تشكيل حضاره اسلاميه تمام يبقى العامل الاول اللي خلى الحضاره الاسلاميه تضم اا ناس كتير منهم عرب عرب وغير عرب هي كثره الفتوحات الايه الاسلاميه كثره الفتحات الايه الاسلاميه لكن مش اصدار حركه تجمن هو اولى العوامل وده مش اولى العوامل ولا نبوغ الكثير من العلماء ولا اهتمام الخلفاء بالعلم والعلماء يعد العامل المشترك لظهور منصب الوزير والوالي في الدوله الاسلاميه هو منصب الوزير ظار ليه؟ قال له والله يا مستر ظار بسبب اتساع ركعه الدوله طب ما الوالي قال لي برده بنفس الكلام ليه لما يا صديقي ا قفرت الفتوحات لما انت عملت فتوحات واتسعت ركعه الدوله اصبح الخلفاء بحاجه الى ولاه في البلدان اللي هم فتحوها تمام فهنا برده اتساع ركعه الدوله كانت سبب في ظهور منصب الايه الوالي يبقى هنا صديقي ده بيرجع لاتساع ركعه الدوله لكن مش تغير النظام السياسي ولا التاثر بالنظم الاقتصاديه للدول المجاوره ده مالوش علاقه اصلا بالاقتصاد ولا الحاجه الى مراقبه اعمال القضاه وقاده الجيش لا انا ما عملت ما ظهرتش منصب الوزير والوالي عشان اراقب اعمال القضاء وقضي الجيش ما حصلش سؤال رقم 31 ظهرت قدره المسلمين على الابتكار في النظام السياسي يعني المسلمين ابتكروا في النظام السياسي والاداري للدوله من خلاله هل طريقه اختيار راس السلطه الحاكمه ده كلام مظبوط اللي هو ايه بقى اللي هو الخليفه ليه نظام الخلافه اصلا صديقي ما كانش موجود قبل كده ده نظام ابتكروه المسلمين تمام قايم على ايه ان انت صديقي بتعتمد على مبدا الشورى يقعد كده صديق العلماء اللي هم اصحاب الحل والعقد تمام ويقعدوا كده يتشاور صديقي وينتخبوا انسب واحد يتولى امور المسلمين تمام فطبعا ده ما كانش موجود قبل كده ده حاجه ابتكرها المسلمين اللي هو طريقه اختيار راس السلطه الحاكمه لكن مش استكمال البناء السياسي بانشاء الدواوين لان الدواوين دي اصلا احنا واخدينها من الفرص مبدئيا يعني قواعد عمل القضاء في الدوله الاسلاميه لا انا بتكلم هنا صديقي في الابتكار في النظام السياسي والاداري مش في القضاء ولا انفتاح الحضاره الاسلاميه على الاخرين برده لا يعني انا لما انفتحت يعني ده كان سبب في ابتكاري انا بقول لك انا اللي ابتكرت يعني انا اللي اخترعت انا اللي اخترعت ما اخدتهاش من حضارات ثانيه سؤال رقم 32 تتميز الحضاره الاسلاميه بانها حضاره متعدده الجوانب حضاره متعدده الايه الجوانب انت عارف الحضاره الاسلاميه يا صديقي حضاره اا تقدمت في جميع الجوانب فهي نقطه فاصله صديقي في تاريخ تقدم الانسان حصل تقدم ورقي في جميع الجوانب جميع الاي الجوانب فهي متعدده الاي الجوانب لكن هي لا منغلقه ولا وحاديه المصدر ولا ناسخه هي مش بتنسخ خلي بالك يعني احنا ما نسخناش اللي جه من قبلنا لا احنا اقتبصنا في فرق بين الاقتباص والنسخ انا اقتبصت انا اخدت منك الحاجات اللي بتتماشى مع قيمي وثوابت عقيدتي وبدات ان انا اطور فيه فعملت حضاره اسلاميه سؤال رقم 33 تتصف العلاقه بين الحضاره الاسلاميه والحضاره الانسانيه السابقه لها بانها طبعا انت عارف ان الحضاره الاسلاميه هي حلقه من حلقات الحضاره الانسانيه حلو قبلها طبعا حضارات استفادت منها وبعدها حضرات استفادت من الحضاره الاسلاميه فبص الحضاره الاسلاميه صديقي بتكمل الحضارات الانسانيه احنا استفدنا مثلا من الحضارات اليونانيه والرومانيه وجت بعد كده استفادت مننا الحضاره الاوروبيه الحديثه فكلنا بنكمل بعض كلنا بنستفيد من بعض يبقى بانها ايه متكامله سؤال رقم 34 بلغت الحضاره الاسلاميه قمه اصدهره خلال العصر حلو القمه في الازدهار صديقي ظهرت في العصر العباسي اشمعنى اقول لك ليه لان في العصر العباسي صديقي ازدهرت حركه الترجمه في العصر العباسي اصدارت حركه الايه الترجمه وطبعا اتسعت الدوله الاسلاميه بشكل كبير فده خل الحضاره الاسلاميه في قمه ازدهارها تمام يبقى وصلت لقمه ازدهارها بسبب ازدهار حركه الترجمه ان انت ترجمت بقى كتب الحضارات المجاوره واستفدت منها فطبعا حصل ازدهار للحضاره الايه الاسلاميه 35 يقوم الجهاز المركزي للمحاسبات حاليا بدور رقابي لمؤسسات الدوله ويتشابه هذا مع قام به مين يعني يا صديقي في جهاز مركزي الجهاز ده بيراقب مؤسسات الدوله المؤسسات براب الايه المؤسسات تمام بيراقب اي بقى وظائف حكوميه اي مؤسسه تمام تم انشائها في الدوله عشان لو حد غلط حد بيرتشي حد فاسد يتحاسب تمام اسمها بقى ايه زي ما بنقول عليها كده الرقابه الاداريه طب ما عمر بن الخطاب صديقي عمل كده عمل ايه انه كان يا صديقي اا مطبق نظام اسمه نظام محاسبه الولاه لما بيخلي الوالي يقدم ذمه ماليه قبل ما يمسك الولاده وبعد ما يمسك الولايه يقدم ذمه ماليه والله ليه ان ثروته كبرت يحاسبه من اين لك هذا تمام لان هو بيستغل منصبه صديقي في تكوين ايه ثروات حتى لو هو مش قاصد حتى لو هي مش قاصد بدا هتحاسب لان ثروتك زادت بشكل كبير وانت مص منصب الوالي فمن اين لك هذا تمام فطبعا هو اللي كان بيراقب صديقي وبيحاسب هو عمر بن الخطاب هو اللي طبق صديقي ا نظام محاسبه الايه؟ الولاء. سؤال رقم 36 تركزت معظم معظم اختصاصات الوالي في الدوله الاسلاميه في السلطه انت لو جيت بصيت على الوالي بيعمل ايه الوالي بيعمل ايه قال لك الوالي بيعمل ايه اهو حمايه جبايه اقامه حمايه جبايه اقامه اثنين الناظر اثنين ايه النظر طبعا هو بيحمي الدين بيحمي الدين وبيحافظ عليه جبايه الخراج وان هو بيجمع الصدقات طبعا جبيه الخراج دي ضرايب دي من السلطات التنفيذيه لما بيجي بالايه لما بيكون بجباه الايه الخراج وطبعا كان بيجمع الصداقات حلو غير ان هو كمان يا صديقي كان بيقيم الحدود واقامه الحدود سلطه تنفيذيه اقامه الحدود سلطه ايه تنفيذيه تمام اا ايهاني قال لي كمان كان بينظر في الاحكام النظر في الاحكام وتعيين القضاه دي سلطه سلطه ايه قضائيه وقال لي كان بينظر في تدبير الجيش دي سلطه تنفيذيه فمعظم سلطات او اختصاصات الوالي كانت تنفيذيه بص اهو جبايه الخراج تنفيذي اقامه الحدود تنفيذي النظر في تدبير الجيش تنفيذي كل ده يا صديقي ايه مرتبط بالسلطه التنفيذيه سؤال رقم 37 حدد في ضوء النص المقابل اهم البحار التي ساعدت على هذا الانفتاح بيقول لك تعد احدى اسس قيام الحضاره الاسلاميه هي الانفتاح على ثقافات الاخرين والاستفاده منهم طبعا انت انفتحت على حضارات اخرى زي الحضاره اليونانيه والحضاره الرومانيه اللي بيقع على البحر الايه المتوسط تمام وغير برده انت فتحت على الحضاره المصريه والشام كلهم برده بيقعوا على البحر الايه المتوسط لكن البحر الاحمر لا ولا المتوسط ولا الاسود ولا بحر العرب سؤال رقم 38 يدل وجود قاضي لاهل اهل الذمه في الدوله الاسلاميه على بص يا معلم بقى طبعا يا صديقي انت عندك في اهل الذمه اللي هم مثلا زي المسيحيين او زي اليهود هم طبعا بيقول عليهم اهل الايه الذمه او اهل الكتاب حلو كلام جميل المسيحيين احنا عملنا لهم ايه قلنا لهم احنا هنختار قاضي منكم يحكم ما بينكم او يفصل في المنازعات اللي بتقوم بينكم تمام وطبعا هو يحكم ما بينكم يا صديقي ا عن طريق الشرائع الدينيه بتاعتكم تمام يعني يحكم بقى ايه بشرائعكم الدينيه مع نفسكم انتم مع ايه مع نفسكم انتوا تمام وخاصه يا صديقي ده ظهر في بلاد الاندلس لكثره المستعربين المستعربين دول يا شباب اللي هم ا مش مسلمين بس خلاص بقوا بيتكلموا عربي بقوا بيتكلموا ايه عربي تمام فطبعا يا صديقي انت هنا بتعمل لهم ايه؟ انت حريص على تحقيق العداله للجميع انا سايبك يا باشا اهو في قاضي يحكم ما بينكم براحتكم بالشراع بتاعتكم مش بالشريعه الاسلاميه لا بالشراع بتاعتكم اللي هي الشرائع المسيحيه مثلا او اذا كان اليهودحط لهم قاضي يهودي يحكم ما بينهم بشرائعهم برده عن طريق بقى الانجيل تمام وهنا سوري الانجيل ده في المسيحيه سوري يا شباب الانجيل ده في المسيحيه هنا طبعا التوراه فاهم فده فده انا كده حريص ان انا احقق لك العداله انا ما حطيتش مثلا قاضي مسلم هو اللي يحكم ما بينكم لا انتم مسيحيين فالقاضي اللي يبقى بيفصل في المنازعات ما بينكم يبقى مسيحي سؤال رقم 39 ترتب على تنفيذ الاحكام الصادره على اصحابها في الدوله الاسلاميه يعني انت بتنفذ الاحكام الصادره على اصحابها تمام انت بقى لما بتنفذ الاحكام يعني مثلا واحد سرق تمام القاضي طلع حكم تقطع يدا فهنا الشرطه عملت ايه من عينيا العين ده قبل العين دي احنا هننفذ الحكم اهو هنقطع له ايده نقطع له ايهده بالله عليك الناس لما تشوف واحد بيتقطع ايده هتسرق لا هتزني لا هتقتل لا يبقى انت كده هتعمل ايه هتحقق الاستقرار والامان في المجتمع لا هنشوف بقى سرقه ولا هنشوف قتل ولا هنشوف زنا فاهم فتنفيذ الاحكام هيحافظ حافظ على امن المجتمع حاافظ على امن الايه المجتمع سؤال رقم 40 اي من مقرات الخلافه الاسلاميه التاليه ظهرت بها اولا وظيفه الوزير لفظا ومعنى خلي بالك لما يقول لي معنى بس معنى بس هقول له يا باشا المدينه لو معنى بس لان ظهور الوزير معى كان في عهد الرسل ول لكن هو بيقول لي لفظا ومعنى يعني في واحد اسمه الوزير في منصب رسمي اسمه الوزير ده ظهر في عهد الدوله العباسيه عهد الدوله ايه العباسيه طبعا عهد الدوله العباسيه كان صديقي مقار الخلافه هي بغداد لان الخليفه كان بيبقى قاعد فين؟ في بغداد سؤال رقم 41 بيقول لك اتضح من تحليل مضمون النص المقابل ان اهم ان من اهم شروط تولي الوزاره في الدوله الاسلاميه بيقوللك قال المامون اني التمستموري رجلا ان اؤتمن على الاسرار قام بها وله فهم الفقهاء يعني بامن على اسراري بيفهم زي علماء الفقه يسترق قلوب الرجال بخلابه لسانه بخلابه لسانه وحسن بيانه يعني الراجل ده صديقي عنده قوه على التاثير عنده قوه على ايه؟ على التاثير لانه عنده فصاحه في اللسان عنده فصاحه ايه في اللسان ودايما يا صديقي بيختار كلماته بعنايه تمام لان هو عنده فصاحه اهو في اللسان وبيبدا يسترق اهو قلوب الرجال بياثر في الناس لانه ده راجل حكيم راجل ايه حكيم بيعرف يجذب الناس ليه من كلامه من ايه من كلامه انه دايما بيختار الكلمات اللي هو بيتكلمها تمام فدي بتدل يا صديقي على الحكمه والفصاحه الحكمه والايه والفصاحه سؤال رقم اين ارتبط انشاء ديوان الخاتم في عهد الخليفه معاويه بن ابي سفيان ارتباطا مباشرا بديوان ايه؟ طبعا هو ديوان الخاتم ده عمله مين؟ معاويه حلو ليه؟ قال لي والله العظيم عشان نختم الرسائل نختم الرسائل عشان يمنع التزوير والتعديل انا مش عايز يحصل تزوير او تعديل في الرسائل بتاعتي حلو قلت له ده كلام جميل طيب اا طب ده مرتبط بايه؟ قال لي ده مرتبط بديوان الرسائل والانشاء اشمعنى يا باشا؟ قال لي لان ديوان الرسائل والانشاء ده ده اللي بيشرف على الرسائل الورده من الوالي للخليفه يعني في رساله جايه من الوالي الخليفه او من الخليفه للوالي ده اللي بيشرف عليها تمام فطبعا هنا الرسائل المختومه المختومه بالشمعه اللي هي من ديوان الخاتم ديوان الخاتم ده يختم الرساله ويروح مديها لمين مديها لديوان الرسائل والانشاء لان هو اللي بيشرف طبعا على ارسال هذه الرسائل الى الوالي او من الوالي للخليفه حلو فدول مرتبطين ببعض دول بيتعاملوا مع بعض انا اختم الرساله اللي كتبها الخليفه اختم الرساله اللي كتبها الخليفه وبعد كده صديقي بقى اروح اوديها لايه لديوان الرسائل والانشاده ان هو يوصلها للوالي ان هو يوصلها ايه لان هو اللي بيشرف على توصيلي للرسائل ايه للوالي او من الوالي الخليفه 43 بدا المسلمون تامين سواحل الدوله بنفس الكيفيه التي يعبر عنها مضمون نص المقابل منذ عصر بيقول لك القوات البحريه المصريه هي احد هي احد الفروع الراسيه للقوات المسلحه المصريه والمسؤوله عن حمايه اكثر من 2000 م السواحل المصريه على البحر الاحمر والمتوسط وقناه السويس وجميع المواني المصريه طبعا يا صديقي بدا المسلمين في تامين السواحل في عهد الخلفاء الراشدين لان اول اسطول تم انشاؤه كان في عهد الخلفاء في عهد عثمان بن عفان طب بيقول لك بطلب من مين؟ قول له بطلب من والي الشام والي الشام هو اللي طلب من عثمان ان لازما يبقى في اسطول للدوله الاسلاميه وهو معاويه بن ابي سفيان لان معاويه كان ساعتها ايه؟ والي الشام 44 ادت كثره الحروب التي خاضتها الدوله الاسلاميه في عصر الخلفاء الراشدين يعني انت دخلت في حروب كتير جدا عمال تخش في حروب عمال تخش في حروب فده قد ليه طيب هل جعل التجنيد اجباري لا انت اصلا بتخش تخش في حروب من قبل ما يبقى التجنيد اجباري هو جعل التجنيد اجباري ده كان سببه ايه؟ كان سببه تقاعس المسلمين وليس كثره الحروب حلو ظهور منصب الولي لا يعني انت مش مش بتدخل في حروب كتير دخولك في حروبات كتير ادى لظهور منصب الوالي ولا ظهور منصب الوزير ولكن تطور اسلحه الجيش انت بتخش في حروب كتير فبالتالي بتطور من اسلحتك استخدم بقى السيوف والرماح والاقواس تمام والدروع استخدمت اسلحه ثقيله زي المنجنيق النار الاغريقيه والمواد الايه الحارقه تمام فتطور اسلحه الجيش لانك بتخش في حروب كتير فمحتاج ان انت تطور من اسلحتك 45 تمت اول الفتوحات الاسلاميه البحريه طبعا اول فتوحات بحريه كانت جزيره قبرس في عهد عثمان بن عفان يبقى في عهد مين يا شباب؟ في عهد الخلفاء الراشدين عادل ايه الخلفاء الراشدين دي اولفتوحات الاسلاميه البحريه خلال ايه خلايه عصر الخلفاء الراشدين اللي هي جزيره الكبرس تعال نتكلم بقى عن المقالي اول سؤال في المقالي 46 ماذا كان يحدث اذا اهمل صلاح الدين الايوبي الاسطول الحربي طبعا يا صديقي لو كان اهمل الاسطول الحربي هتنجح اهو نجحت امدادات الصليبين تمام القادمه من اوروبا توصل بقى لمدن ايه؟ لمدن الصليبيه بالشام يعني الاوروبيين هيبعتوا امدادات والامدادات دي هتوصل بنجاح للمدن بالشام تمام وطبعا هنا سواحل الشام كانت تتعرض للتهديد الصليبي ومش بس سواحل الشام ده كمان سواحل مصر يا صديقي 47 قام الخليفه عبد الملك بن مروان بتعريب الدواوين في ضوء مضمون العباره السابقه استنتج الاثر الايجابي لتعريب الدواوين طبعا يا صديقي هيخلي الناس تهتم بدراسه اللغه العربيه وده هينشر اللغه العربيه اا في البلاد المفتوحه هتنشر اللغه العربيه في بلاد غير عربيه يعني في بلاد غير زي بلاد فارس مثلا تمام زي مصر زي المغرب زي كل الدول دي اللي هي الدول غير عربيه هيبدا يتنشر فيها اللغه الايه العربيه سؤال رقميه 48 ايد صحه العباره الاتيه تاريخيا طبقت الحضاره الاسلاميه مفهوم العولمه منذ نشاتها اه لان صديق الحضاره الاسلاميه حضاره واسعه الافق لا ترتبط بمكان ولا جنس بشري بل انتشرت في جميع انحاء العالم وده اللي اكده صديقي القران الكريم واكده الرسول صلى الله صلى الله عليه وسلم لما ارسل الرسائل الى ملوك وامراء العالم في الوقت ده فهنا الاسلام من خصائصه هو العالميه 49 ماذا كان يحدث اذا لم تتميز الحضاره الاسلاميه بالوسطيه طبعا هنا هيخلي الحضاره الاسلاميه ما تهتمش غير بايه بعلوم الدين والجانب الروحي فقط تمام وانه العلوم اللي هي خاصه بالدنيا علوم العقل يعني هنا لو كان الحضاره الاسلاميه ما فيهاش وسطيه كنا نهتم بس بالجانب الايه الروحي هو عباده ربنا بس سؤال رقم 50 ايد صحه العباره شهد النظام الاداري بالدوله الاسلاميه نقله كبرى في عهد عمر بن الخطاب في عهد ايه عمر بن الخطاب اه طبعا ازاي يا مستر معلش يعني ازاي شهد النظام الاداري نقله كبرى لان الخليفه عمر بن الخطاب صديقي انشا الدواوين والدواوين دي كانت استكمالا للمنظومه الاداريه في الدوله الاسلاميه انا بكمل المنظومه الاداريه ما احنا عايزين ندير بقى الدوله الاسلاميه فعملت الوزراء دي اللي هي الدواوين تمام ده كان استكمالا للمنظومه الاداريه في الدوله الايه الاسلاميه 51 ما العلاقه بين الصليبين والبحريه الاسلاميه الصليبين والبحريه الاسلاميه اه انت عارف يا صديقي ان الصليبيون دول عملوا امارات صليبيه على ساحل البحر المتوسط خاصه في الشام تمام فده خلى صلاح الدين يهتم بالاسطول عشان يامن السواحل الاسلاميه من الصليبين وكمان يحاصر المدن الصليبيه تمام اللي موجوده في الشاب ويستردها منهم ويستردها ايه منهم سؤال رقم 52 وضح الاساس الذي يشير اليه النص المقابل كاحد كاحد اسس الحضاره الاسلاميه يقول ابن رشد ننظر في الذي قالوه من ذلك وما اثبتوه في كتبهم فما كان منها موافقا للحق قبلناه وسررنا به وشكرناهم عليه وما كان من غير موافق للحق نبهناه عليه وحذرناهم منه وعذرناهم عذرناهم طيب الاساس الذي يشير اليه النص المقابل كاحد اسس الحضاره الاسلاميه طبعا يا صديقي النص بيشير الىحد اسس الحضاره الاسلاميه وهو ان انت بتنفتح على ثقافات الاخرين احنا يا صديقي ما كناش بندمر الحضارات في البلاد اللي احنا فتحناها لا بالعكس احنا كنا بنستفيد منها بس بناخد اللي بيتفق مع القيم وثوابت العقيده غير كده ما ناخدش 53 حدد مدى مصداقيه العباره التالته رخيا تعددت مهام القضاه في الدوله الاسلاميه يعني مهام القاضي تعددت اه طبعا لان القاضي صديقي كان بيفصل بين الناس في الخصومات والخلافات طبقا لاحكام الشريعه اللي هي طبعا ايه مستمده من الكتاب والسنه حلو غير كمان ان هو بيشرف على عده انظمه زي الاحباس والحزبه زي الاحباس والايه والحزبه تمام الاحباس دي اللي هي الاوقاف والحزبه ده المحتسب ده اللي هو بيشرف على الاسواق حلو فانا بشوف هل المحتسب ده بيادي دوره بشكله كويس وتمام وبيمنع الغش في الاسواق ولا لا فالقاضي كان بيشرف على المحتسب ده وعلى الاوقاف طبعا هسيب لك انا بقى اخر اربع اسئله دول تحلهم يا صديقي واجب كده وتفكر فيهم مع نفسك